Skip to content

Skip to secondary menu

Еховагийн Гэрчүүд

монгол

Зовлон дуусах болов уу?

Зовлон дуусах болов уу?

Та юу гэж хариулах вэ?

  • тийм

  • үгүй

  • магадгүй

 БИБЛИД ЮУ ГЭЖ БАЙДАГ ВЭ?

«Бурхан ... тэдний нүднээс нулимс бүрийг нь арчина. Тэнд цаашид үхэл байхгүй болно. Тэнд цаашид гашуудах, уйлах, өвдөх гэж үгүй болно» (Илчлэлт 21:3, 4, «Ариун Библи 2004»).

ЭНЭ НЬ ЮУ ГЭСЭН ҮГ ВЭ?

Бурхан зовлон учруулдаггүй (Иаков 1:13).

Бурхан хүний зовлонг ойлгодог (Зехариа 2:8).

Зовлон бэрхшээл үгүй болно (Дуулал 37:9–11).

 БИБЛИД ИТГЭХ ҮНДЭС БИЙ ЮҮ?

Бий. Хоёрыг дурдвал:

  • Бурхан зовлон зүдүүр, шударга бус явдлыг үзэн яддаг. Эрт цагт ард түмэн нь дарлагдахад Ехова Бурханд ямар санагдаж байсныг бодоорой. «Дарлан зовоогчдоос болж ёолоход нь» өрөвддөг байсан гэж Библид бичжээ (Шүүгчид 2:18).

    Гай зовлон тарьдаг хүнийг Бурхан жигшдэг. «Гэм зэмгүй цусыг урсгагч гар» түүний хувьд жигшил зэвүүцэл болдог гэж Библид байдаг (Сургаалт үгс 6:16, 17).

  • Бурхан хүн нэг бүрд санаа тавьдаг. Миний зовлонг надаас өөр хэн ч ойлгохгүй гэж та боддог уу? Гэхдээ Ехова бас ойлгодог юм шүү! (Шастирын дэд 6:29, 30).

Ехова тэнгэрт байгуулсан засгийн газрынхаа оролцоотойгоор хүн бүрийн зовлонг удахгүй арилгана (Матай 6:9, 10). Харин одоо, өөрийг нь чин сэтгэлээсээ эрж хайдаг, зовж зүдэрсэн хүмүүсийг тайвшруулдаг (Үйлс 17:27; 2 Коринт 1:3, 4).

 БОДОЖ ҮЗЭЭРЭЙ

Бурхан яагаад зовлон бэрхшээлийг арилгахгүй байгаа юм бол?

Энэ асуултын хариу Библийн РОМ 5:12; 2 ПЕТР 3:9-т бий.

ИЛҮҮ ИХИЙГ МЭДЭХИЙГ ХҮСВЭЛ:

БУРХНААС ИРСЭН САЙН МЭДЭЭ

Бурхан зовлон зүдүүрийг яагаад хүлцэн зөвшөөрдөг вэ?

Муу муухай бүхэн хэрхэн бий болсон бэ? Бурхан үүнийг өнөөг хүртэл яагаад хүлцэн зөвшөөрсөн бэ? Хэзээ нэгэн цагт зовлон дуусах уу?