Skip to content

Skip to secondary menu

Skip to table of contents

Jehovah’s Witness Ki

Toabaita

Tei Na Kera Abula Sulia Thathami La Tha Jehovah i Taraʼena?

Si Taa Ni Boʼo Na Thathami La Tha God?

Si Taa Ni Boʼo Na Thathami La Tha God?

Tha God e thathamia kuki too ana enenoa bia seʼethathala ne toto si sui i la fanua nei iano faalu!

Mado oko too ana soetoʼona la, ‘ʼUfita, si do eri do kai mamana mena neri?’ Baebol e faʼaroṉo ania Inotoa tha God e farana kai ilia si do eri. Tha God e thathamia imole ki sui boʼo keki toʼodo sulia Inotoa eri bia mantaa nia i fekeluʼa.—Psalm 37:11, 29; Isaiah 9:7.

Tha God e thathamia kuki fulatoʼona leʼa la.

Maka kulu i heven e ʼuria maka ne thathamia wela nia ki keki fulatoʼona leʼa la bia seʼethathala ne toto si sui. (Isaiah 48:17, 18) Nia e alaṉania “wane ne abula sulia thathami la tha God kai too tathaa.”—1 John 2:17.

Tha God e thathamia kuki lae suli nia.

Baebol e faʼaroṉo ania, tha God e thathamiʼi “toʼodo i sekeluʼa sulia abula lana” fasia kuka “lae suli nia.” (Isaiah 2:2, 3) Ni nia e ofua “teʼe kuleʼe toʼa ura thatana” fasia keka faʼaroṉo ana thathami la nia i sana imole ki sui boʼo i la fanua nei iano rerebaʼa.—Acts 15:14.

Tha God e thathamia kuki too ana teʼesi manataleʼedo ura faʼabaita la ani nia.

Faʼabaita la ana tha Jehovah ne kokoto e aʼi si ukalia imole ki, ma e ofu kera keka too ana liothaua mamana ura kera kwailiu. (John 13:35) I taraʼena, ni tei kera na kera toʼoa i sana imole ki too la ana teʼesi manataleʼedo ura farebaita la ana tha God i la fanua ni sui? Mili thathamia oki teʼemania buka naʼi fasia oko thaitoʼomada.

 

TO′OA LA′U TEI SI DO

GANI URA TOʹO LANA BAEBOL

Si Taa Na Keki Ilia Asi Maṉa Ana Toʼo Lana Baebol?

Kakalia fanua nei iano kera, thaitoʼomana Jehovah’s Witness Ki sulaʼnia raa na kera ilia ura toʼo lana Baebol. Rikia toʼodo la na kera ilia.

GANI URA TOʹO LANA BAEBOL

Uria Taa Na Ka Leʼa Ura Toʼo Lana Baebol?

Moleʼe imole oro kakalia fanua nei iano kera todaa luʼu lana soetoʼona la kera ki fasia Baebol. E ʼufita, o thathamia laʼu boʼo?