Skip to content

Skip to secondary menu

Skip to table of contents

Jehovah’s Witness Ki

Toabaita

Si Fa’aroṉoa Le’a Fasia Tha God!

 Lesina 7

Taa Ni Bo’o Na Inotoa Tha God?

Taa Ni Bo’o Na Inotoa Tha God?

Uria taa natha Jesus ka farana kwaitalai la?MARK 1:40-42.

1. Taa ni bo’o na Inotoa tha God?

Inotoa tha God nia na ṉa inotoa ne kwaitalai mai i heven. Ṉa Inotoa eri kai fa’adaṉa te’efau ana inotoa ki sui bo’o i fafona fanua nei iano, ma kai ilia thathami la tha God i heven bia i fafona fanua nei iano la’u bo’o. Si fa’aroṉoa eri sula’ania Inotoa tha God e le’a. E kwaikaraṉi na’a uria Inotoa eri tha God kai falea kwaitalai le’a la na imole ki kera ato’ia. Imole ki sui bo’o i fanua nei iano keki to ana te’esi manatale’edo i faara inotoa eri.Te’emania Daniel 2:44; Matthew 6:9, 10; 24:14.

Tha Jehovah e filia Kaluwane nia, tha Jesus Christ, uria kai kwaitalai i la Inotoa Nia eri.Te’emania Revelation 11:15.

2. Uria taa natha Jesus bona’a na e farana kwaitalai la?

Kaluwane tha God bona’a ne farana kwaitalai la, sula’ania e adele’a bia ka takwe sukwa’i ura ili lana si do ne kokoto. (John 1:14) Nia ka too la’u bo’o ana sukwa’ia baita ura adomi lana imole ki, sula’ania nia kai kwaitali mai fasia i heven fafia fanua nei iano. I buriana e tata’e fasia maea, nia ka ta’e uria i heven i sana maka nia ka ’ono i bali a’ola tha Jehovah ka kwaima’akwali. (Hebrew 10:12, 13) Lalae ka fula na’a asi maṉa natha God e falea sukwa’ia i fana uria kai thafali kwaitalai.Te’emania Daniel 7:13, 14.

3. Ni tei kera na keki kwaitalai bia tha Jesus?

Figute’e wane na kera alaṉida ana “to’a abu ki” keki kwaitalai bia tha Jesus i heven. (Daniel 7:27) To’a abu ki na kera fili kera i totole nao, nia na ṉa aposol baaki tha Jesus na kera too mamana i fana. ’Ita mai i la si maṉa eki ka fula i tara’ena, tha Jehovah e filia wane ki bia kini ki na kera too mamana, ura i la  figute’e wane abu eri. Asi maṉa na kera tata’e fasia maea, keki tatala ura se’edo ana spirit ’uria la’u bo’o tha Jesus.Te’emania John 14:1-3; 1 Corinth 15:42-44.

Fita imole na keki ta’e ura i heven? Tha Jesus e alaṉi kera ana “sifsif na kesi oro.” (Luke 12:32) Figute’e wane eri kai fula bo’o ana 144,000. Ni kera keki kwaitalai bia tha Jesus fafia fanua nei iano.Te’emania Revelation 14:1.

4. Si taa ni bo’o na e to’o asi maṉa natha Jesus e thafali kwaitalai?

Inotoa tha God e thafali kwaitalai i la fa ṉali eri ana 1914. * Si do totole na’o natha Jesus e ilia si maṉa ne thafali kwaitalai, nia e u mai atha Satan bia spirit ta’a nia ki i fanua nei iano. Tha Satan ka rake’iri asia na’a maka thafali gagoa bona’a fanua nei iano. (Revelation 12:7-10, 12) Thafali mai lasi maṉa eri, ta’a la na e fulato’ona imole ki e baita ka tatha. Omea ki, uni’i thaofa ki, mata’ia baita sisigi ki, ma anunu baita ki, nia ta bali ana “mamara la” ne fatania e kwaikarafi na’a ura Inotoa tha God kai kokotoa si do ki sui bo’o i fanua nei iano.Te’emania Luke 21:7, 10, 11, 31.

5. Si taa ni bo’o na Inotoa tha God e ilia?

I nunufana raa eri ura ṉata la sulia si fa’aroṉoa le’a i la fanua nei iano rereba’a, Inotoa tha God e ofua sui na’a te’e malulu’i imole na kera too ana te’esi manatale’edo fasia fanua ki sui bo’o. Mole’e imole oro na kera kelowane’a kera filia suina’a too laa i faara Inotoa tha God natha Jesus e kwaitalai iei. Inotoa eri tha God kai fontoi’i su’usi kera asi maṉa na kai fa’adaṉa te’efau ana si do ta’a ki sui bo’o ne raa i la fanua nei iano i tara’ena. Adelana bo’o imole ki na kera thathami fulato’ona le’a la fasia Inotoa tha God, keki to’o ura ade la sulia too laa i faara kwaitalai lana tha Jesus.Te’emania Revelation 7:9, 14, 16, 17.

I lana 1,000 fa ṉali, ṉa Inotoa eri kai ilia si manatale’edo natha God e too u bomai ania i fana imole ki. Fanua nei iano laula’u kai tatala ura fanua faalu. Si do i’isi natha Jesus kai ilia, na kai olifenia Inotoa eri i fana Maka nia. (1 Corinth 15:24-26) Osi thaito’omana bo’o ta imole na o thathamia oki fa’aroṉo nia ana si fa’aroṉoa le’a sulia Inotoa eri tha God?Te’emani Psalm 37:10, 11, 29.

 

^ par. 12 Teisi do ki la’u sulia u’urodo lana Baebol sula fa ṉali 1914, rikia page 215-218 ana buka eri, Wanem Nao Really Samting wea Bible Teachim?

TO′OA LA′U TEI SI DO

TEI NA KERA ABULA SULIA THATHAMI LA THA JEHOVAH I TARAʼENA?

Jehovah’s Witness Ki Kera ʼOlosi ʼUfita Ana Raa Kera Ura Ṉata La Sulia Si Faʼaroṉoa Leʼa?

Mili abula sulia abula lana tha Jesus asi maṉa e too i fanua nei iano. Pirisiṉi la ʼufita ki ne too?