Skip to content

Skip to secondary menu

Skip to table of contents

Jehovah’s Witness Ki

Toabaita

Si Fa’aroṉoa Le’a Fasia Tha God!

 Lesina 11

Kwaifamanataia Na e Lae Mai Fasia Baebol e Adomi ’Ufita Ani Kulu?

Kwaifamanataia Na e Lae Mai Fasia Baebol e Adomi ’Ufita Ani Kulu?

Baebol e adomi ’ufita ani kulu fasia kuka betasulia marukia kulu?PSALM 36:9.

1. Uria taa ni bo’o na kuka ato’ia kwaiadomia ura thauṉa’i mantaa la?

God na e thauṉa’i kulu e thaito’ome’edo ka talu kulu. Nia e thai le’a asia na’a suli kulu, ’uria Maka ne too ana liothaua. La’u bo’o, tha God e a’i si manto’ona ubo’o mai ura kuki liosuli kulu i tala’akalua. (Jeremiah 10:23) ’Uria la’u bo’o wela fa’ekwa ne ato’ia kwai’adomia fasia maka bia thaina, kulu sui bo’o kulu ato’ia kwai’adomia fasia tha God. (Isaiah 48:17, 18) Si fale la natha God e falea iekelu’a, nia na ṉa kwaifamanataia ki na e ni i la Baebol uria adomi lakalu’a la.Te’emania 2 Timothy 3:16.

Ṉa loa tha Jehovah ki bia kwaifamanataia nia ki, e adomi kulu uria too le’a la i tara’ena, bia ka fatania la’u bo’o e ade’ufita fasia kuka fulato’ona kwaiara ne too tathaa na kulu na’ofia kau. Sula’ania tha God na e thauṉa’i kulu, e kokoto asia na’a uria kuki se’ethathala uria adela sulia loa nia ki bia kwaifamanataia nia ki.Te’emania Psalm 19:7, 11; Revelation 4:11.

2. Si taa ni bo’o na ṉa kwaifamanataia ki ne ni i la Baebol?

Kwaifamanataia ki na e ni i la Baebol nia na ṉa mamana la. Ma ṉa loa e takwe uria thaila sulia teisi do ki na kuki ilia. (Acts 15:29) Kuki lalome kalia kwaifamanataia fasia kuka thaito’omana abula la sulia kwaifamanataia eri. (Proverbs 2:10-12) Te’e kwaifamanataia e una eri: Baebol e to’oa, tha God na e falea marukia iekelu’a. Kwaifamanataia eri e adomi kulu ura beta la sulia marukia kulu i la raa, i ma’afera, bia asi maṉa na kulu aruto’ona do ni lae la ki. Nia ka adomi kulu la’u bo’o ura kinakina la uria beta la sulia marukia kulu.Te’emania Acts 17:28.

3. Ro kwaifamanataia taa ki bo’o na e gwauṉa’i?

Tha Jesus e ṉata sulia ro kwaifamanataia na e gwauṉa’i.  Etana kwaifamanataia e alu lala’a ania do gwauṉa’i na imole ki kera maruki uria, keki thaito’omana tha God, liothau ani nia, bia keki fa’abaita mamana ani nia. Kwaifamanataia eri, fuliṉana sa kuki lalome kalia asi maṉa ki sui bana na kuki thauṉa’i manataa. (Proverbs 3:6) Imole ki na kera ṉalia kwaifamanataia eri i ruru’uda kera kwaimani le’a bia tha God, too ana se’ethathala la, bia keki toda’a marukia tathaa.Te’emania Matthew 22:36-38.

Ruana kwaifamanataia e thai suli kulu fasia kuka too kwaimani bia imole ki. (1 Corinth 13:4-7) Kwaifanamanataia eri e adomi kulu fasia kuka lae sulia abula la natha God e abula ania bia imole ki.Te’emania Matthew 7:12; 22:39, 40.

4. Kwaifamanataia ne lae mai fasia Baebol e adomi ’ufita ani kulu?

Kwaifamanataia ki ne ni i lana Baebol, e adomia bare’e wela uria keki too ana liothaua ne ofu kera. (Colossae 3:12-14) Ba’elana tha God e beta la’u bo’o sulia bare’e wela asi maṉa na e to’oa kwaifamanataia sulia luma’a ṉa do uria muu la e a’i.Te’emania Matthew 19:5.

Kwaifamanataia ki i la Baebol e betasuli kulu fasia kusi isifufuli sulia si do na kulu ato’ia bali ana se’edo bia kuka se’ethathala bakalu’a. Manata fasi sulia, to’a gwauṉa’i ana mana raa ki kera thathami ṉalia to’a na kera abula sulia kwaifamanataia ne too i la Baebol sulia abula dodolo’a la bia raa taliṉa’i la. (Proverbs 10:4, 26; Hebrew 13:18) Ba’elana tha God e to’oa i sekelua uria manatakalua kai la’a bana sulia si do na kulu ato’ia bia kuki manataba’ita ana kwaimania kulu bia tha God na kai talua thathami la bali ana se’edo.Te’emania Matthew 6:24, 25, 33; 1 Timothy 6:8-10.

Kusi fulato’ona tei mata’ia ki asi maṉa na kulu abula sulia kwaifamanataia ki i la Baebol. (Proverbs 14:30; 22:24, 25) Lae la sulia ṉa loa tha God sulia ku’u la na kai bulaa wane, e su’usi kulu fasia mata’ia sisigi ki ma fulato’ona lana fufuta fafolo. (Proverbs 23:20) Tha Jehovah e alabana fafia ku’ufi lana kafo bubula, sui mena ana, ku’u la na kai bulaa na’a wane na e abu. (Psalm 104:15; 1 Corinth 6:10) Kwaifamanataia tha God ki e adomi kulu fasia kuka thai le’a sulia manatakalua bia abulalakalua. (Psalm 119:97-100) Kristin mamana ki kesi lae sulia si do natha God e thathamia ura fulato’ona lana le’a laa fasi nia. Kera ili una eri ura fareba’ita la ana tha Jehovah.Te’emania Matthew 5:14-16.

 

TO′OA LA′U TEI SI DO

GANI URA TOʹO LANA BAEBOL

Gani Uria Toʼo Lana Baebol

Toʼoa kwaifamanataia ki ne lae mai fasia Baebolasi maṉa bia asi kula ne talaʼamu.