2023 ഒക്ടോബർ 29 ഞായറാഴ്‌ച, ഇന്ത്യയി​ലെ കേരള​ത്തിൽ നടന്ന ഒരു മേഖലാ കൺ​വെൻ​ഷ​നിൽ തുടർച്ച​യാ​യി ഒന്നില​ധി​കം ബോംബ്‌ സ്‌ഫോ​ട​ന​ങ്ങ​ളു​ണ്ടാ​യി. ആ സംഭവ​ത്തിൽ മൂന്നു പേർ മരിച്ച​താ​യി നേരത്തേ റിപ്പോർട്ട്‌ ചെയ്‌തി​രു​ന്നു. എന്നാൽ അവരെ കൂടാതെ ഇപ്പോൾ രണ്ടു സഹോ​ദ​രി​മാ​രും ഒരു സഹോ​ദ​ര​നും കൂടെ മരണമ​ട​ഞ്ഞി​രി​ക്കു​ന്നു. അവരിൽ നേരത്തേ മരിച്ച 12 വയസ്സുള്ള പെൺകു​ട്ടി​യു​ടെ അമ്മയും സഹോ​ദ​ര​നും ഉൾപ്പെ​ടു​ന്നു. അന്നു പരിക്കേറ്റ 11 സഹോ​ദ​രങ്ങൾ ഇപ്പോ​ഴും ആശുപ​ത്രി​യിൽത്ത​ന്നെ​യാണ്‌.

ദുരന്ത​സ്ഥ​ലത്ത്‌ ഉണ്ടായി​രുന്ന സഹോ​ദ​ര​ങ്ങൾക്കു വളരെ​യ​ധി​കം ആശ്വാ​സ​വും പ്രോ​ത്സാ​ഹ​ന​വും ആവശ്യ​മാ​യി​രു​ന്നു. ഇതു കണക്കി​ലെ​ടുത്ത്‌ 2023 നവംബർ 4-ന്‌ ഇന്ത്യയി​ലെ ബ്രാ​ഞ്ചോ​ഫീസ്‌ ഒരു പ്രത്യേക മീറ്റിങ്ങ്‌ നടത്തി. സ്‌ഫോ​ടനം നടന്ന ആ കൺ​വെൻ​ഷനു നിയമി​ത​രാ​യി​രുന്ന 21 സഭകളി​ലെ സഹോ​ദ​ര​ങ്ങ​ളെ​യും ഈ പരിപാ​ടി​ക്കാ​യി ക്ഷണിച്ചു. ഒരു രാജ്യ​ഹാ​ളിൽവെ​ച്ചാണ്‌ അതു നടത്തി​യത്‌. അവിടെ 200-ഓളം പേർ ഹാജരാ​യി. വേറെ 1,300 പേർ വീഡി​യോ കോൺഫ​റൻസി​ലൂ​ടെ ഈ പരിപാ​ടി​യിൽ പങ്കെടു​ത്തു. ഇനി, ഹോസ്‌പി​റ്റ​ലിൽ കഴിയു​ന്ന​വർക്കു​വേണ്ടി ഈ പരിപാ​ടി റെക്കോർഡ്‌ ചെയ്‌ത്‌ നൽകു​ക​യും ചെയ്‌തു. ബ്രാ​ഞ്ചോ​ഫീ​സിൽനി​ന്നുള്ള ഒരു മൂപ്പൻ സങ്കീർത്തനം 23:1 ചർച്ച ചെയ്‌തു. തന്റെ ഓരോ ദാസ​നെ​ക്കു​റി​ച്ചും യഹോ​വ​യ്‌ക്ക്‌ എത്രമാ​ത്രം ചിന്തയു​ണ്ടെന്ന്‌ അദ്ദേഹം ആ പ്രസം​ഗ​ത്തിൽ ഊന്നി​പ്പ​റഞ്ഞു: “ഈ വാക്യ​ത്തിൽ സങ്കീർത്ത​ന​ക്കാ​രൻ യഹോ​വ​യെ​ക്കു​റിച്ച്‌ ഒരു ഇടയ​നെ​ന്നോ വളരെ നല്ല ഒരു ഇടയ​നെ​ന്നോ അല്ല പറഞ്ഞി​രി​ക്കു​ന്നത്‌. പകരം, യഹോവ ‘എന്റെ ഇടയനാണ്‌’ എന്നാണ്‌. യഹോ​വ​യ്‌ക്ക്‌ നമ്മുടെ ഓരോ​രു​ത്ത​രു​ടെ​യും കാര്യ​ത്തിൽ വളരെ​യ​ധി​കം താത്‌പ​ര്യ​മു​ണ്ടെന്ന്‌ അറിയു​ന്നത്‌ എത്ര ആശ്വാ​സ​മാണ്‌!”

സംഭവം നടന്ന സമയത്ത്‌ അവി​ടെ​യു​ണ്ടാ​യി​രുന്ന ഒരു സഹോ​ദരൻ പറഞ്ഞത്‌, അദ്ദേഹ​ത്തി​നു ശരിക്കും ഉറങ്ങാൻ കഴിയു​ന്നില്ല എന്നാണ്‌. പക്ഷേ, എന്നിട്ടും ആശുപ​ത്രി​യിൽ കഴിയു​ന്ന​വരെ സഹായി​ക്കാൻവേണ്ടി അദ്ദേഹം മുന്നോ​ട്ടു​വന്നു. അദ്ദേഹം പറഞ്ഞു: “അവരുടെ ശക്തമായ വിശ്വാ​സ​വും നല്ല മനോ​ഭാ​വ​വും എന്റെ വിഷമങ്ങൾ മറക്കാൻ ശരിക്കും എന്നെ സഹായി​ച്ചു. പൊള്ള​ലേറ്റ്‌ അതിന്റെ വേദന​യി​ലാ​യി​രു​ന്നെ​ങ്കി​ലും പലരും സന്തോ​ഷ​ത്തോ​ടെ രാജ്യ​ഗീ​തങ്ങൾ പാടു​ന്നു​ണ്ടാ​യി​രു​ന്നു.” മറ്റൊരു സഹോ​ദരൻ പറഞ്ഞു: “ഒരു സാധാ​ര​ണ​ജീ​വി​ത​ത്തി​ലേക്കു മടങ്ങി​വ​രാൻ ഈ പ്രിയ സഹോ​ദ​ര​ങ്ങ​ളിൽ പലർക്കും ഒരുപാ​ടു സമയം വേണ്ടി​വ​ന്നേ​ക്കാം. എന്നാൽ നമ്മുടെ സഹോ​ദ​രങ്ങൾ തുടർന്നും അവർക്കു സ്‌നേ​ഹ​വും പിന്തു​ണ​യും നൽകു​മെന്ന്‌ എനിക്ക​റി​യാം. നമ്മളെ​ക്കു​റിച്ച്‌ ചിന്തയുള്ള നമ്മുടെ ദൈവം അവരെ ഓരോ​രു​ത്ത​രെ​യും തന്റെ ശക്തമായ കൈകൾകൊണ്ട്‌ മുറു​കെ​പ്പി​ടി​ച്ചി​ട്ടു​ണ്ടെന്ന്‌ എനിക്ക്‌ ഉറപ്പുണ്ട്‌. അതു ശരിക്കു​മൊ​രു പ്രോ​ത്സാ​ഹ​ന​മാണ്‌!”

ഹൃദയം തകർന്ന, ഇന്ത്യയി​ലെ നമ്മുടെ പ്രിയ സഹോ​ദ​ര​ങ്ങളെ യഹോവ ‘സുഖ​പ്പെ​ടു​ത്തു​ന്നെ​ന്നും അവരുടെ മുറി​വു​കൾ വെച്ചു​കെ​ട്ടു​ന്നെ​ന്നും’ അറിയു​ന്നത്‌, ലോക​മെ​ങ്ങു​മാ​യി കഴിയുന്ന ഐക്യ​മുള്ള കുടും​ബ​ത്തി​ലെ നമ്മളെ​യെ​ല്ലാം ആശ്വസി​പ്പി​ക്കു​ക​യും ബലപ്പെ​ടു​ത്തു​ക​യും ചെയ്യുന്നു.—സങ്കീർത്തനം 147:3.