നഗരങ്ങൾ എന്തു​കൊണ്ട്‌ പ്രതി​സ​ന്ധി​യിൽ?

“വരുവിൻ; നാം ഭൂതല​ത്തിൽ ഒക്കെയും ചിതറി​പ്പോ​കാ​തി​രി​പ്പാൻ ഒരു പട്ടണവും ആകാശ​ത്തോ​ളം എത്തുന്ന ഒരു ഗോപു​ര​വും പണിക.”—ഉല്‌പത്തി 11:4.

നാലാ​യി​ര​ത്തി​ല​ധി​കം വർഷങ്ങൾക്കു മുമ്പ്‌ ഉച്ചരി​ക്ക​പ്പെട്ട ഈ വാക്കുകൾ ബാബേൽ എന്ന മഹാന​ഗ​ര​ത്തി​ന്റെ നിർമാ​ണ​ത്തി​നുള്ള ആഹ്വാ​ന​മാ​യി ഉതകി.

പിൽക്കാ​ലത്ത്‌ ബാബി​ലോൺ എന്നു വിളി​ക്ക​പ്പെട്ട ബാബേൽ മെസൊ​പ്പൊ​ത്താ​മ്യ​യി​ലെ ഒരിക്കൽ ഫലഭൂ​യി​ഷ്‌ഠ​മാ​യി​രുന്ന ശീനാർ സമഭൂ​മി​യി​ലാണ്‌ സ്ഥിതി ചെയ്‌തി​രു​ന്നത്‌. ആളുകൾ പൊതു​വെ കരുതു​ന്ന​തു​പോ​ലെ, ബൈബി​ളിൽ പരാമർശി​ച്ചി​ട്ടുള്ള ആദ്യത്തെ നഗരം ഇതല്ല. നോഹ​യു​ടെ കാലത്തെ ജലപ്ര​ള​യ​ത്തി​നും മുമ്പാണ്‌ വാസ്‌ത​വ​ത്തിൽ നഗരങ്ങ​ളു​ടെ പിറവി. കയീൻ എന്ന ഘാതക​നാണ്‌ ബൈബിൾ രേഖയി​ലെ ആദ്യത്തെ നഗരം നിർമി​ച്ചത്‌. (ഉല്‌പത്തി 4:17) ഹാനോക്ക്‌ എന്നു വിളി​ക്ക​പ്പെട്ട ഈ നഗരം ഒരുപക്ഷേ സുശക്ത​മാ​ക്ക​പ്പെട്ട ഒരു ഗ്രാമം മാത്രം ആയിരു​ന്നി​രി​ക്കാം. അതേസ​മയം, ബാബേൽ ഒരു വലിയ നഗരമാ​യി​രു​ന്നു. ഗംഭീ​ര​മായ ഒരു മതഗോ​പു​രം ഉണ്ടായി​രുന്ന അവിടം വ്യാജാ​രാ​ധ​ന​യു​ടെ ഒരു പ്രമുഖ കേന്ദ്രം കൂടി ആയിരു​ന്നു. ബാബേ​ലും അതിലെ കുപ്ര​സിദ്ധ ഗോപു​ര​വും ദൈവ​ത്തിന്‌ എതിരാ​യി നില​കൊ​ണ്ടു. (ഉല്‌പത്തി 9:7) അതിനാൽ ബൈബിൾ പറയു​ന്ന​ത​നു​സ​രിച്ച്‌, ദൈവം ഇടപെട്ട്‌ ആ നഗരത്തി​ന്റെ പണിയിൽ ഏർപ്പെ​ട്ടി​രു​ന്ന​വ​രു​ടെ ഭാഷ കലക്കി​ക്ക​ളഞ്ഞു. അങ്ങനെ, ഒരു പേരു​ണ്ടാ​ക്കാ​നുള്ള ലക്ഷ്യത്തിൽ തുടങ്ങി​വെച്ച അവരുടെ മതപദ്ധ​തിക്ക്‌ അവൻ വിരാ​മ​മി​ട്ടു. ദൈവം “അവരെ അവി​ടെ​നി​ന്നു ഭൂതല​ത്തി​ലെ​ങ്ങും ചിന്നിച്ചു” എന്ന്‌ ഉല്‌പത്തി 11:5-9 പറയുന്നു.

ഈ സംഭവം നഗരങ്ങ​ളു​ടെ വ്യാപ​ന​ത്തി​നു വഴി​തെ​ളി​ച്ചു എന്നത്‌ ആശ്ചര്യമല്ല. നഗരങ്ങൾ ശത്രു​വി​ന്റെ ആക്രമ​ണ​ത്തിൽനി​ന്നു സംരക്ഷണം നൽകി. മാത്രമല്ല, കർഷകർക്കു തങ്ങളുടെ ഉത്‌പ​ന്നങ്ങൾ സംഭരി​ച്ചു​വെ​ക്കാ​നും വിതരണം ചെയ്യാ​നു​മുള്ള കേന്ദ്ര​ങ്ങ​ളും അവ പ്രദാനം ചെയ്‌തു. നഗരങ്ങ​ളി​ലെ കമ്പോ​ളങ്ങൾ, കൃഷി​യ​ല്ലാത്ത മറ്റ്‌ ഉപജീവന മാർഗങ്ങൾ ഉണ്ടായി​രി​ക്കാ​നുള്ള അവസരം ആളുകൾക്കു പ്രദാനം ചെയ്‌തു. നഗരങ്ങ​ളു​ടെ ആവിർഭാ​വം (ഇംഗ്ലീഷ്‌) എന്ന പുസ്‌തകം ഇപ്രകാ​രം പറയുന്നു: “കഷ്ടിച്ച്‌ ഉപജീ​വനം കഴിച്ചു​പോ​ന്നി​രുന്ന ഒരു അവസ്ഥയിൽനിന്ന്‌ സ്വത​ന്ത്ര​മാ​യ​തോ​ടെ, നഗരവാ​സി​കൾക്ക്‌ നിരവധി തൊഴി​ലു​ക​ളി​ലേക്കു തിരി​യാൻ കഴിഞ്ഞു. കൊട്ട​കെട്ട്‌, മൺപാ​ത്ര​നിർമാ​ണം, നൂൽനൂൽപ്പ്‌, നെയ്‌ത്ത്‌, തുകൽപ്പണി, മരപ്പണി, കൽപ്പണി എന്നുവേണ്ട കമ്പോ​ള​ത്തി​നു പ്രദാനം ചെയ്യാൻ കഴിഞ്ഞ തൊഴി​ലു​ക​ളി​ലൊ​ക്കെ അവർ ഏർപ്പെട്ടു.”

അങ്ങനെ ലഭിക്കുന്ന ഉത്‌പ​ന്ന​ങ്ങ​ളു​ടെ വിതര​ണ​ത്തിന്‌ ഏറ്റവും യോജിച്ച സ്ഥലമാ​യി​രു​ന്നു നഗരങ്ങൾ. ഈജി​പ്‌തിൽ ഉണ്ടായ ഒരു കടുത്ത ക്ഷാമത്തെ കുറി​ച്ചുള്ള ബൈബിൾ വിവരണം പരിചി​ന്തി​ക്കുക. ആളുകളെ നഗരങ്ങ​ളിൽ പാർപ്പി​ക്കു​ന്ന​താണ്‌ ബുദ്ധി​യെന്ന്‌ അവിടത്തെ പ്രധാ​ന​മ​ന്ത്രി​യാ​യി​രുന്ന യോ​സേഫ്‌ മനസ്സി​ലാ​ക്കി. എന്തു​കൊണ്ട്‌? എന്തു​കൊ​ണ്ടെ​ന്നാൽ ശേഷി​ക്കുന്ന ഭക്ഷ്യ​ശേ​ഖരം ഏറെ ഫലപ്ര​ദ​മാ​യി വിതരണം ചെയ്യാൻ അതുമൂ​ലം സാധി​ക്കു​മാ​യി​രു​ന്നു.—ഉല്‌പത്തി 47:21.

ഗതാഗതം പരിമി​ത​വും മന്ദഗതി​യി​ലു​ള്ള​തും ആയിരുന്ന ഒരു കാലത്ത്‌ നഗരങ്ങൾ ആളുകൾ തമ്മിലുള്ള ആശയവി​നി​മ​യ​വും ഇടപെ​ട​ലും വർധി​പ്പി​ച്ചു. അതു ഫലത്തിൽ സാമൂ​ഹി​ക​വും സാംസ്‌കാ​രി​ക​വു​മായ മാറ്റത്തെ  ഊർജി​ത​പ്പെ​ടു​ത്തി. പുതിയ കണ്ടുപി​ടി​ത്ത​ങ്ങ​ളു​ടെ ഈറ്റി​ല്ല​മാ​യി​ത്തീർന്ന നഗരങ്ങൾ സാങ്കേ​തിക വികസ​നത്തെ ഉന്നമി​പ്പി​ച്ചു. പുതിയ പുതിയ ആശയങ്ങ​ളു​ടെ സുഗമ​മായ കൈമാ​റ്റം ശാസ്‌ത്രീ​യ​വും മതപര​വും താത്ത്വി​ക​വു​മായ മേഖല​കൾക്കു പുതിയ രൂപവും ഭാവവും നൽകി.

സാക്ഷാ​ത്‌ക​രി​ക്ക​പ്പെ​ടാത്ത സ്വപ്‌ന​ങ്ങൾ

ആധുനി​ക​കാല നഗരങ്ങ​ളും അത്തരം പല പ്രയോ​ജ​ന​ങ്ങ​ളും വെച്ചു​നീ​ട്ടു​ന്നു. ദശലക്ഷ​ക്ക​ണ​ക്കിന്‌ ആളുകൾ, പ്രത്യേ​കി​ച്ചും ഗ്രാമ​ജീ​വി​തം അങ്ങേയറ്റം ദുസ്സഹ​മാ​യി​രി​ക്കുന്ന ദേശങ്ങ​ളിൽ നിന്നു​ള്ളവർ, ഇപ്പോ​ഴും നഗരങ്ങ​ളി​ലേക്ക്‌ ആകർഷി​ക്ക​പ്പെ​ടു​ന്ന​തിൽ അതിശ​യി​ക്കാ​നില്ല. എങ്കിലും, നഗരങ്ങ​ളി​ലേക്കു കുടി​യേ​റുന്ന പലരെ​യും സംബന്ധി​ച്ചി​ട​ത്തോ​ളം മെച്ചപ്പെട്ട ഒരു ജീവിതം സംബന്ധിച്ച സ്വപ്‌നങ്ങൾ സാക്ഷാ​ത്‌ക​രി​ക്ക​പ്പെ​ടാ​തെ അവശേ​ഷി​ക്കു​ന്നു. വൈറ്റൽ സൈൻസ്‌ 1998 എന്ന പുസ്‌തകം ഇപ്രകാ​രം പറയുന്നു: “പോപ്പു​ലേഷൻ കൗൺസിൽ അടുത്ത​യി​ടെ നടത്തിയ ഒരു പഠനം കാണി​ക്കു​ന്ന​ത​നു​സ​രിച്ച്‌, വികസ്വര ലോകത്തെ പല നഗരങ്ങ​ളി​ലെ​യും ജീവി​ത​നി​ല​വാ​രം ഇന്നു ഗ്രാമ​പ്ര​ദേ​ശ​ങ്ങ​ളി​ലേ​തി​നെ​ക്കാൾ താണതാണ്‌.” എന്തു​കൊണ്ട്‌?

നഗര പരിസ്ഥി​തി​യു​ടെ മനുഷ്യ​മു​ഖം (ഇംഗ്ലീഷ്‌) എന്ന പ്രസി​ദ്ധീ​ക​ര​ണ​ത്തിൽ ഹെൻറി ജി. സിസ്‌നേ​റോസ്‌ ഇപ്രകാ​രം എഴുതു​ന്നു: “നിശ്ചിത വിസ്‌തൃ​തി​യുള്ള ഒരു പ്രദേ​ശത്തെ ദരി​ദ്ര​ജ​ന​ങ്ങ​ളു​ടെ എണ്ണം വർധി​ക്കു​മ്പോൾ, അവരുടെ പ്രശ്‌ന​ങ്ങ​ളും ആനുപാ​തി​ക​മാ​യി വർധി​ക്കു​ന്നു. . . . ദരി​ദ്ര​രു​ടെ, ഏറെയും ന്യൂനപക്ഷ വിഭാ​ഗ​ങ്ങ​ളു​ടെ ഇടയിലെ ദരി​ദ്ര​രു​ടെ, എണ്ണം വർധി​ക്കു​ന്ന​തോ​ടൊ​പ്പം തൊഴി​ലി​ല്ലായ്‌മ കുതി​ച്ചു​യ​രു​ന്നു, ക്ഷേമ പരിപാ​ടി​ക​ളിൽ അവർ കൂടു​ത​ലാ​യും ദീർഘ​കാ​ല​ത്തേ​ക്കും ആശ്രയി​ക്കു​ന്നു, പൊതു​ജന ആരോഗ്യ പ്രശ്‌നങ്ങൾ പെരു​കു​ന്നു, എന്നാൽ ഏറ്റവും ഞെട്ടി​ക്കു​ന്നത്‌ കുറ്റകൃ​ത്യ​ത്തി​ന്റെ വർധന​വാണ്‌.” വൻനഗ​ര​ങ്ങ​ളു​ടെ വളർച്ച​യും ഭാവി​യും (ഇംഗ്ലീഷ്‌) എന്ന പുസ്‌തകം സമാന​മാ​യി ഇങ്ങനെ പറയുന്നു: നഗരങ്ങ​ളി​ലേ​ക്കുള്ള “ആളുക​ളു​ടെ കുത്തൊ​ഴുക്ക്‌ പലപ്പോ​ഴും തൊഴി​ലി​ല്ലാ​യ്‌മ​യു​ടെ ക്രമാ​തീ​ത​മായ വർധന​വിന്‌ ഇടയാ​ക്കു​ന്നു, മാത്രമല്ല തൊഴിൽക്കു​റ​വും അനുഭ​വ​പ്പെ​ടു​ന്നു. തൊഴിൽ തേടി എത്തുന്ന​വ​രു​ടെ എണ്ണം വളരെ കൂടുതൽ ആയതി​നാൽ തൊഴിൽ കമ്പോ​ള​ത്തിൽ അവരെ​യെ​ല്ലാം ഉൾപ്പെ​ടു​ത്താൻ സാധി​ക്കു​ന്നില്ല എന്നതാണ്‌ അതിന്റെ കാരണം.”

വികസ്വ​ര​ലോ​ക നഗരങ്ങ​ളിൽ കാണുന്ന കടുത്ത ദാരി​ദ്ര്യ​ത്തി​ന്റെ ഹൃദയ​ഭേ​ദ​ക​മായ ഒരു തെളി​വാണ്‌ തെരുവു കുട്ടി​ക​ളു​ടെ എണ്ണത്തി​ലുള്ള വർധനവ്‌. ചില കണക്കുകൾ അനുസ​രിച്ച്‌, ലോക​വ്യാ​പ​ക​മാ​യി മൂന്നു കോടി തെരുവു കുട്ടി​ക​ളാണ്‌ ഉള്ളത്‌! വൻനഗ​ര​ങ്ങ​ളു​ടെ വളർച്ച​യും ഭാവി​യും എന്ന പുസ്‌തകം ഇങ്ങനെ പ്രസ്‌താ​വി​ക്കു​ന്നു: “ദാരി​ദ്ര്യ​വും മറ്റു പ്രശ്‌ന​ങ്ങ​ളും കുടുംബ ബന്ധങ്ങളെ അത്രയ​ധി​കം ശിഥി​ല​മാ​ക്കി​യി​രി​ക്കു​ന്നതു നിമിത്തം കുട്ടി​ക​ളിൽ ചിലർക്കു തെരു​വി​ലി​റങ്ങി, തനിയെ ജീവി​ക്കേണ്ട ഗതി വന്നിരി​ക്കു​ന്നു.” എച്ചിൽ പെറു​ക്കി​യോ ഭിക്ഷ യാചി​ച്ചോ ചന്തകളിൽ ഹീനമായ ജോലി ചെയ്‌തോ ആണ്‌ അത്തരം കുട്ടികൾ കഷ്ടിച്ചു കഴിഞ്ഞു​കൂ​ടു​ന്നത്‌.

മറ്റു ചില ദാരുണ യാഥാർഥ്യ​ങ്ങൾ

ദാരി​ദ്ര്യം കുറ്റകൃ​ത്യ​ത്തി​ലേക്കു നയി​ച്ചേ​ക്കാം. ആധുനിക വാസ്‌തു​ശിൽപ്പ​വി​ദ്യ​ക്കു പേരു​കേട്ട ഒരു ദക്ഷിണ അമേരി​ക്കൻ നഗരത്തിൽ കുറ്റകൃ​ത്യം വളരെ വ്യാപ​ക​മാ​യി​രി​ക്കു​ന്ന​തി​നാൽ ആളുകൾ സംരക്ഷ​ണാർഥം ഇരുമ്പു​വേ​ലി​കൾ ധാരാ​ള​മാ​യി സ്ഥാപി​ക്കു​ന്നു. തങ്ങളുടെ സ്വത്തും സ്വകാ​ര്യ​ത​യും സംരക്ഷി​ക്കാൻ അതിസ​മ്പന്നർ മുതൽ അതിദ​രി​ദ്രർ വരെ  ഇരുമ്പു​വേ​ലി​ക​ളും അഴിക​ളും സ്ഥാപി​ക്കു​ന്നു. ഫലമോ, അവരുടെ ജീവി​തം​തന്നെ അഴിക്കൂ​ടു​കൾക്കു​ള്ളിൽ ആയിരി​ക്കു​ന്നതു പോ​ലെ​യാണ്‌. ചിലർ തങ്ങളുടെ വീടിന്റെ നിർമാ​ണം പൂർത്തി​യാ​കു​ന്ന​തി​നു മുമ്പു​തന്നെ ഇരുമ്പു വേലികൾ ഉണ്ടാക്കു​ന്നു.

ജനപ്പെ​രു​പ്പം നിമിത്തം വെള്ളവും ശുചീ​കരണ സംവി​ധാ​ന​വും പോലുള്ള അടിസ്ഥാന സംഗതി​കൾ പോലും വേണ്ടത്ര പ്രദാനം ചെയ്യാൻ പല നഗരങ്ങൾക്കും സാധി​ക്കു​ന്നില്ല. ഏഷ്യയി​ലെ ഒരു നഗരത്തിൽ 5,00,000 പൊതു കക്കൂസു​ക​ളാണ്‌ ആവശ്യ​മാ​യി​രി​ക്കു​ന്നത്‌. എന്നാൽ, പ്രവർത്ത​ന​ക്ഷ​മ​മായ 200 കക്കൂസു​കളേ അവിടെ ഉള്ളൂ എന്ന്‌ അടുത്ത കാലത്തു നടത്തിയ ഒരു സർവേ കണ്ടെത്തി!

ജനപ്പെ​രു​പ്പ​ത്തിന്‌ പ്രാ​ദേ​ശിക പരിസ്ഥി​തി​യി​ന്മേ​ലുള്ള നാശക​ര​മായ ഫലവും അവഗണി​ക്കാ​വു​ന്നതല്ല. നഗര അതിർത്തി​കൾ വികസി​ക്കു​ന്തോ​റും സമീപ​ത്തുള്ള കൃഷി​യി​ടങ്ങൾ അപ്രത്യ​ക്ഷ​മാ​കു​ന്നു. ഐക്യ​രാ​ഷ്‌ട്ര വിദ്യാ​ഭ്യാ​സ, ശാസ്‌ത്രീയ, സാംസ്‌കാ​രിക സംഘട​ന​യു​ടെ മുൻ തലവനായ ഫേഡേ​റി​ക്കോ മായോർ ഇങ്ങനെ പറയുന്നു: “നഗരങ്ങൾ വളരെ​യ​ധി​കം ഊർജം ചെലവ​ഴി​ക്കു​ന്നു, ധാരാളം വെള്ളം ഉപയോ​ഗി​ച്ചു തീർക്കു​ന്നു, ഭക്ഷ്യവ​സ്‌തു​ക്ക​ളും മറ്റും ആർത്തി​യോ​ടെ വിഴു​ങ്ങു​ന്നു . . . അവയുടെ ഭൗതിക പരിസ്ഥി​തി ക്ഷയിച്ചി​രി​ക്കു​ന്നു. കാരണം, ആവശ്യ​മായ വിഭവങ്ങൾ പ്രദാനം ചെയ്യാ​നോ പുറന്ത​ള്ള​പ്പെ​ടുന്ന മാലി​ന്യ​ങ്ങൾ താങ്ങാ​നോ ഉള്ള പ്രാപ്‌തി മേലാൽ നഗരപ​രി​സ്ഥി​തി​ക്കില്ല.”

നഗരങ്ങൾ നേരി​ടുന്ന പ്രതി​സ​ന്ധി​കൾ പാശ്ചാത്യ ദേശങ്ങ​ളി​ലും

പാശ്ചാത്യ ദേശങ്ങ​ളി​ലെ സാഹച​ര്യം അത്ര ദാരുണം അല്ലായി​രി​ക്കാം. എങ്കിലും, നഗരങ്ങൾ നേരി​ടുന്ന ഒരു പ്രതി​സന്ധി അവി​ടെ​യു​മുണ്ട്‌. ഉദാഹ​ര​ണ​ത്തിന്‌, അമേരി​ക്ക​യി​ലെ നഗരങ്ങൾ നേരി​ടുന്ന പ്രതി​സന്ധി (ഇംഗ്ലീഷ്‌) എന്ന പുസ്‌തകം ഇങ്ങനെ പറയുന്നു: “അസാധാ​രണ അളവി​ലുള്ള അക്രമം അമേരി​ക്കൻ നഗരങ്ങളെ ഇന്നു വേട്ടയാ​ടു​ന്നു. . . . അമേരി​ക്കൻ നഗരങ്ങ​ളിൽ അക്രമം വളരെ വ്യാപ​ക​മാ​യ​തി​നാൽ വൈദ്യ​ശാ​സ്‌ത്ര പത്രി​കകൾ നമ്മുടെ നാളിലെ പ്രമു​ഖ​മായ പൊതു​ജന ആരോഗ്യ പ്രശ്‌ന​ങ്ങ​ളിൽ ഒന്നെന്ന നിലയിൽ അതിനു വേണ്ടി കുറെ​യേറെ സ്ഥലം നീക്കി​വെ​ക്കാൻ തുടങ്ങി​യി​രി​ക്കു​ന്നു.” തീർച്ച​യാ​യും, ലോക​മെ​ങ്ങു​മുള്ള പല പ്രമുഖ നഗരങ്ങ​ളി​ലെ​യും ഒരു ഒഴിയാ​ബാ​ധ​യാണ്‌ അക്രമം.

പല നഗരങ്ങ​ളും തൊഴി​ലു​ട​മ​കൾക്ക്‌ അനാകർഷകം ആയിത്തീർന്നി​രി​ക്കു​ന്ന​തി​ന്റെ ഒരു കാരണം നഗരജീ​വി​ത​ത്തിൽ വന്നിരി​ക്കുന്ന അപക്ഷയ​മാണ്‌. നഗര പരിസ്ഥി​തി​യു​ടെ മനുഷ്യ​മു​ഖം എന്ന പുസ്‌തകം ഇങ്ങനെ പറയുന്നു: “ഫാക്‌ട​റി​കൾ അടച്ചു​പൂ​ട്ടി ബിസി​നസ്‌ സ്ഥാപനങ്ങൾ നഗര​പ്രാ​ന്ത​ങ്ങ​ളി​ലേ​ക്കോ വിദേ​ശ​ങ്ങ​ളി​ലേ​ക്കോ മാറ്റി​യി​രി​ക്കു​ന്നു. അവയുടെ സ്ഥാനത്തു​ള്ളത്‌ മലിന​മായ സ്ഥലങ്ങളി​ലെ ഒഴിഞ്ഞ കെട്ടി​ട​ങ്ങ​ളും വിഷവ​സ്‌തു​ക്കൾ കുഴി​ച്ചി​ട്ടി​രി​ക്കുന്ന, വികസ​ന​ത്തി​നു തീർത്തും അയോ​ഗ്യ​മായ നിലങ്ങ​ളും മാത്രം.” തത്‌ഫ​ല​മാ​യി “പരിസ്ഥി​തി പ്രശ്‌നങ്ങൾ എളുപ്പം അവഗണി​ക്ക​പ്പെ​ടുന്ന, അഴുക്കു​ചാ​ലു​കൾ നന്നായി പ്രവർത്തി​ക്കാത്ത, ജലശു​ദ്ധീ​ക​രണം വേണ്ടത്ര ഇല്ലാത്ത, ചപ്പുച​വ​റു​ക​ളി​ലും പാർപ്പി​ട​ങ്ങ​ളി​ലും കീടങ്ങൾ കയറി​യി​റ​ങ്ങുന്ന, ജീർണി​ക്കുന്ന കെട്ടി​ട​ങ്ങ​ളി​ലെ ഭിത്തി​ക​ളിൽനിന്ന്‌ കൊച്ചു​കു​ട്ടി​കൾ ഈയം കലർന്ന പെയിന്റ്‌ അടർത്തി​യെ​ടുത്ത്‌ തിന്നുന്ന, . . . ഒന്നി​നെ​ക്കു​റി​ച്ചും ആരും ഗൗനി​ക്കാത്ത” നിരവധി നഗര​പ്ര​ദേ​ശ​ങ്ങ​ളി​ലും ദരിദ്രർ തിങ്ങി​പ്പാർക്കു​ന്നതു കാണാം. അത്തരം പരിസ്ഥി​തി​യിൽ കുറ്റകൃ​ത്യ​വും അക്രമ​വും പെരു​കു​ന്നു, ഒപ്പം നൈരാ​ശ്യ​ത്തിൽ ആഴ്‌ന്നു​പോ​കു​ന്ന​വ​രു​ടെ എണ്ണവും.

ഇതിനു പുറമേ, അടിസ്ഥാന സേവനങ്ങൾ ലഭ്യമാ​ക്കാൻ പാശ്ചാത്യ നഗരങ്ങൾക്ക്‌ ബുദ്ധി​മു​ട്ടുണ്ട്‌. നശിക്കുന്ന അമേരിക്ക—ക്ഷയിക്കുന്ന അടിസ്ഥാ​നങ്ങൾ (ഇംഗ്ലീഷ്‌) എന്ന ശ്രദ്ധ പിടി​ച്ചു​പ​റ്റുന്ന ശീർഷ​ക​മുള്ള ഒരു പുസ്‌തകം 1981-ൽ ഗ്രന്ഥകർത്താ​ക്ക​ളായ പാറ്റ്‌ ചോട്ടും സൂസൻ വോൾട്ട​റും എഴുതി. അതിൽ അവർ ഇങ്ങനെ പ്രസ്‌താ​വി​ച്ചി​രു​ന്നു: “അമേരി​ക്ക​യി​ലെ പൊതു​ജന സേവന​സം​വി​ധാ​നങ്ങൾ മാറ്റി സ്ഥാപി​ക്ക​പ്പെ​ടു​ന്ന​തി​നെ​ക്കാൾ വേഗത്തി​ലാണ്‌ നശിക്കു​ന്നത്‌.” പ്രമുഖ നഗരങ്ങ​ളി​ലെ തുരു​മ്പെ​ടു​ക്കുന്ന പാലങ്ങൾ, നശിച്ചു​കൊ​ണ്ടി​രി​ക്കുന്ന റോഡു​കൾ, തകരാ​റി​ലാ​യി​ക്കൊ​ണ്ടി​രി​ക്കുന്ന മലിനജല നിർമാർജന സൗകര്യ​ങ്ങൾ തുടങ്ങിയ കാര്യ​ങ്ങളെ കുറിച്ച്‌ ആ ഗ്രന്ഥകർത്താ​ക്കൾ ആശങ്ക പ്രകട​മാ​ക്കി.

ഇരുപതു വർഷത്തി​നു ശേഷവും, ന്യൂ​യോർക്ക്‌ പോലുള്ള നഗരങ്ങ​ളി​ലെ അടിസ്ഥാന സൗകര്യ​ങ്ങ​ളു​ടെ കാര്യം വ്യത്യ​സ്‌തമല്ല. ന്യൂ​യോർക്ക്‌ മാഗസി​നി​ലെ ഒരു ലേഖനം കൂറ്റൻ തേർഡ്‌ വാട്ടർ ടണൽ പ്രോ​ജ​ക്‌റ്റി​നെ കുറിച്ചു വിവരി​ക്കു​ക​യു​ണ്ടാ​യി. 30 വർഷ​ത്തോ​ള​മാ​യി നിർമാ​ണം നടന്നു​കൊ​ണ്ടി​രി​ക്കുന്ന അത്‌ പശ്ചിമാർധ ഗോള​ത്തി​ലെ അടിസ്ഥാന സേവന​സൗ​ക​ര്യാർഥ​മുള്ള ഏറ്റവും വലിയ പദ്ധതി എന്നു വിളി​ക്ക​പ്പെ​ടു​ന്നു. ഈ പ്രോ​ജ​ക്‌റ്റി​നു വേണ്ടി​വ​രുന്ന ചെലവ്‌ ഏകദേശം 500 കോടി ഡോള​റാണ്‌. നിർമാ​ണം പൂർത്തി​യാ​കു​മ്പോൾ അതു ന്യൂ​യോർക്ക്‌ നഗരത്തിൽ പ്രതി​ദി​നം ഏകദേശം 380 കോടി ലിറ്റർ ശുദ്ധജലം എത്തിക്കും. “ഇത്ര വലിയ ഒരു സംരംഭം ആണെങ്കി​ലും, . . . ഈ ടണൽ നിലവി​ലുള്ള പൈപ്പു​കൾക്ക്‌ ഒരു അനുബ​ന്ധ​മാ​യി മാത്രം വർത്തി​ക്കാ​നാണ്‌ ഉദ്ദേശി​ക്കു​ന്നത്‌. അതിന്റെ ഫലമായി, ഇരുപ​താം നൂറ്റാ​ണ്ടി​ന്റെ തുടക്ക​ത്തിൽ സ്ഥാപിച്ച പൈപ്പു​കൾ ആദ്യമാ​യി കേടു പോക്കാൻ സാധി​ക്കും” എന്ന്‌ എഴുത്തു​കാ​രൻ പറയുന്നു. നഗരത്തി​ലെ ക്ഷയിക്കുന്ന മറ്റ്‌ അടിസ്ഥാന സൗകര്യ​ങ്ങൾ—ഭൂഗർഭ റെയിൽപ്പാത, മുഖ്യ ജല​പൈ​പ്പു​കൾ, റോഡു​കൾ, പാലങ്ങൾ തുടങ്ങി​യവ—കേടു​പോ​ക്കാൻ 9,000 കോടി ഡോളർ ചെലവാ​കു​മെന്നു കണക്കാ​ക്ക​പ്പെ​ടു​ന്നു എന്ന്‌ ദ ന്യൂ​യോർക്ക്‌ ടൈം​സി​ലെ ഒരു ലേഖനം പറയുന്നു.

ജനങ്ങൾക്ക്‌ അവശ്യ സേവനങ്ങൾ നൽകാൻ പ്രയാ​സ​പ്പെ​ടുന്ന നഗരം ന്യൂ​യോർക്ക്‌ മാത്രമല്ല. വാസ്‌ത​വ​ത്തിൽ, നാനാ കാരണ​ങ്ങ​ളാൽ സേവന സംവി​ധാ​നങ്ങൾ കുഴപ്പ​ത്തി​ലാ​യി​ട്ടുള്ള നിരവധി വൻ നഗരങ്ങൾ ഇന്നു ലോക​ത്തി​ലുണ്ട്‌. 1998 ഫെബ്രു​വ​രി​യിൽ ന്യൂസി​ലൻഡി​ലെ ഓക്‌ലൻഡ്‌ രണ്ടാഴ്‌ച​യി​ലേറെ കടുത്ത വൈദ്യു​തി ക്ഷാമത്തി​ന്റെ പിടി​യിൽ അമർന്നു. ഒരു ഉത്‌പാ​ദ​ന​കേ​ന്ദ്ര​ത്തി​ലെ വ്യാവ​സാ​യിക ദുരന്തത്തെ തുടർന്ന്‌  പ്രകൃതി വാതകം ലഭിക്കാ​തി​രു​ന്ന​തി​നാൽ ഓസ്‌​ട്രേ​ലി​യ​യി​ലെ മെൽബ​ണി​ലുള്ള നിവാ​സി​കൾക്ക്‌ 13 ദിവസ​ത്തേക്ക്‌ ചൂടു​വെള്ളം ഇല്ലാതെ കഴി​യേ​ണ്ടി​വന്നു.

ഇനിയും, എല്ലാ നഗരങ്ങൾക്കും​തന്നെ സാധാ​ര​ണ​മാ​യുള്ള ഒരു പ്രശ്‌ന​മുണ്ട്‌—ഗതാഗ​ത​ക്കു​രുക്ക്‌. വാസ്‌തു​ശിൽപ്പി​യായ മോഷ സാഫ്‌ദി പറയുന്നു: “നഗരങ്ങ​ളു​ടെ വ്യാപ്‌തി​യും അവയിലെ യാത്രാ​സം​വി​ധാ​ന​ങ്ങ​ളും തമ്മിൽ അടിസ്ഥാ​ന​പ​ര​മാ​യി ഒരു ചേർച്ച​യി​ല്ലായ്‌മ—പൊരു​ത്ത​ക്കേട്‌—ഉള്ളതായി കാണാം . . . പഴയ നഗരങ്ങ​ളി​ലെ ബിസി​നസ്‌ മേഖല​കൾക്ക്‌ അവയിലെ വാഹന​ങ്ങ​ളു​ടെ എണ്ണത്തിന്‌ ആനുപാ​തി​ക​മാ​യി പൊരു​ത്ത​പ്പെ​ടു​ത്തൽ വരു​ത്തേണ്ടി വന്നിട്ടുണ്ട്‌. ആ നഗരങ്ങൾ നിർമി​ച്ച​പ്പോൾ ഭാവി​യിൽ ഇങ്ങനെ​യൊ​രു പ്രശ്‌നം ഉണ്ടാകു​മെന്ന്‌ ആരും ചിന്തി​ച്ചി​രു​ന്നില്ല.” കെയ്‌റോ, ബാങ്കോക്ക്‌, സാവൊ പൗലോ എന്നിങ്ങ​നെ​യുള്ള നഗരങ്ങ​ളിൽ “സദാ” ഗതാഗ​ത​ക്കു​രു​ക്കു​ണ്ടാ​കു​ന്നു എന്ന്‌ ദ ന്യൂ​യോർക്ക്‌ ടൈംസ്‌ പറയുന്നു.

ഇത്തരം പ്രശ്‌ന​ങ്ങ​ളെ​ല്ലാം ഉണ്ടായി​രു​ന്നി​ട്ടും, നഗരങ്ങ​ളി​ലേ​ക്കുള്ള ആളുക​ളു​ടെ പ്രവാ​ഹ​ത്തിന്‌ യാതൊ​രു കുറവും ഇല്ലാത്ത​താ​യി തോന്നു​ന്നു. ദ യുനെ​സ്‌കോ കുരി​യ​റിൽ വന്ന ഒരു ലേഖനം ഇങ്ങനെ പറഞ്ഞു: “തെറ്റോ ശരിയോ എന്നറി​യില്ല, നഗരം പുരോ​ഗ​തി​യും സ്വാത​ന്ത്ര്യ​വും വെച്ചു​നീ​ട്ടു​ന്ന​താ​യി, അവസര​ത്തി​ന്റെ വാതാ​യനം തുറന്നു കൊടു​ക്കു​ന്ന​താ​യി, നിരസ്സി​ക്കാ​നാ​വാത്ത ഒരു വശീക​ര​ണ​ശക്തി പ്രകട​മാ​ക്കു​ന്ന​താ​യി തോന്നു​ന്നു.” എന്നാൽ ലോക​ത്തി​ലെ വൻ നഗരങ്ങ​ളു​ടെ ഭാവി എന്താണ്‌? അവയുടെ പ്രശ്‌ന​ങ്ങൾക്ക്‌ ഒരു യഥാർഥ പരിഹാ​ര​മു​ണ്ടോ? (g01 4/8)

[5-ാം പേജിലെ ആകർഷ​ക​വാ​ക്യം]

“ആളുക​ളു​ടെ കുത്തൊ​ഴുക്ക്‌ പലപ്പോ​ഴും തൊഴി​ലി​ല്ലാ​യ്‌മ​യു​ടെ ക്രമാ​തീ​ത​മായ വർധന​വിന്‌ ഇടയാ​ക്കു​ന്നു, മാത്രമല്ല തൊഴിൽക്കു​റ​വും അനുഭ​വ​പ്പെ​ടു​ന്നു”

[7-ാം പേജിലെ ചിത്രം]

ഗതാഗതക്കുരുക്ക്‌ പല നഗരങ്ങ​ളു​ടെ​യും ഒരു ശാപമാണ്‌

[7-ാം പേജിലെ ചിത്രം]

ദശലക്ഷക്കണക്കിനു കുട്ടി​കൾക്കു തെരു​വി​ലി​റങ്ങി ജീവി​ക്കേണ്ട ഗതി വന്നിരി​ക്കു​ന്നു

[7-ാം പേജിലെ ചിത്രം]

പല നഗരവാ​സി​ക​ളെ​യും സംബന്ധി​ച്ചി​ട​ത്തോ​ളം മെച്ചപ്പെട്ട ജീവിതം സംബന്ധിച്ച സ്വപ്‌നങ്ങൾ സാക്ഷാ​ത്‌ക​രി​ക്ക​പ്പെ​ടാ​തെ അവശേ​ഷി​ക്കു​ന്നു