വിവരങ്ങള്‍ കാണിക്കുക

ഉള്ളടക്കം കാണിക്കുക

ദൈവ​രാ​ജ്യ​ത്തി​ന്റെ നേട്ടങ്ങൾ

ദൈവ​രാ​ജ്യ​ത്തി​ന്റെ നേട്ടങ്ങൾ

ദൈവരാജ്യം വരാൻവേണ്ടി പ്രാർഥി​ക്കാൻ യേശു തന്റെ ശിഷ്യന്മാരെ പഠിപ്പിച്ചു. ഇന്നു ഭൂമി​യിൽ നടക്കുന്ന പരിതാ​പ​ക​ര​മായ അവസ്ഥകൾ ദൈവം ആഗ്രഹി​ക്കുന്ന കാര്യ​ങ്ങളല്ല. ഈ പ്രശ്‌ന​ങ്ങൾക്കുള്ള പോംവഴി കൊണ്ടുവരാൻ ദൈവ​രാ​ജ്യ​ഗ​വൺമെ​ന്റി​നു മാത്രമേ കഴിയൂ. ദൈവരാജ്യം എന്തൊക്കെ നേട്ടങ്ങൾ കൈവ​രി​ക്കും?

ദൈവ​രാ​ജ്യം ഇതുവരെ എന്തൊക്കെ നേട്ടങ്ങ​ളാണ്‌ കൈവ​രി​ച്ചി​രി​ക്കു​ന്നത്‌?

മുൻലേ​ഖ​ന​ത്തിൽ യേശു പറഞ്ഞ അടയാ​ള​ത്തെ​ക്കു​റിച്ച്‌ ചില കാര്യങ്ങൾ നമ്മൾ മനസ്സി​ലാ​ക്കി. യേശു​ക്രി​സ്‌തു രാജാ​വാ​യി​ട്ടുള്ള ദൈവ​രാ​ജ്യ​ഗ​വൺമെന്റ്‌ സ്വർഗ​ത്തിൽ സ്ഥാപി​ത​മാ​യി എന്നതിന്റെ ദൃശ്യ​മായ തെളി​വാണ്‌ ആ അടയാളം.

ബൈബിൾ പറയു​ന്നത്‌, അധികാ​രം ലഭിക്കു​മ്പോൾ യേശു സാത്താ​നെ​യും ഭൂതങ്ങ​ളെ​യും സ്വർഗ​ത്തിൽനിന്ന്‌ പുറത്താ​ക്കും എന്നാണ്‌. ദൈവ​രാ​ജ്യം സ്ഥാപി​ത​മാ​യ​പ്പോൾ യേശു അതാണ്‌ ചെയ്‌തത്‌. ഇപ്പോൾ അവരുടെ പ്രവർത്തനം ഭൂമി​യിൽ മാത്ര​മാ​യി ചുരു​ങ്ങി​യി​രി​ക്കു​ന്നു. അതാണ്‌ 1914 മുതൽ പ്രശ്‌നങ്ങൾ ഇത്രയ​ധി​കം വഷളാ​കാൻ ഒരു കാരണം.​—വെളി​പാട്‌ 12:7, 9.

ലോകാ​വ​സ്ഥ​കൾ വളരെ മോശ​മാ​ണെ​ങ്കി​ലും ദൈവ​രാ​ജ്യ​ത്തി​ന്റെ രാജാ​വെന്ന നിലയിൽ യേശു ഭൂമി​യി​ലുള്ള ആളുകളെ സഹായി​ക്കു​ന്ന​തി​നു​വേണ്ടി ചില കാര്യങ്ങൾ ചെയ്‌തി​രി​ക്കു​ന്നു. അതിൽ എടുത്തു​പ​റ​യേണ്ട ഒന്നാണ്‌ യേശു മുൻകൂ​ട്ടി​പ്പറഞ്ഞ ലോക​മെ​ങ്ങും നടക്കുന്ന ബൈബിൾ വിദ്യാ​ഭ്യാ​സ​പ​രി​പാ​ടി. ഈ പരിപാ​ടി​യി​ലൂ​ടെ അനേകം ആളുകൾ ബൈബിൾത​ത്ത്വ​ങ്ങൾ പഠിക്കു​ക​യും അത്‌ അനുസ​രിച്ച്‌ ജീവി​ക്കു​ക​യും ചെയ്യുന്നു. (യശയ്യ 2:2-4) നല്ല തൊഴിൽശീ​ലങ്ങൾ വളർത്തി​യെ​ടു​ക്കാ​നും മെച്ചപ്പെട്ട കുടും​ബ​ജീ​വി​തം നയിക്കാ​നും വസ്‌തു​വ​ക​കൾക്ക്‌ അടിമ​ക​ളാ​കാ​തെ അതി​നോ​ടു ശരിയായ മനോ​ഭാ​വം വെച്ചു​പു​ലർത്താ​നും ലക്ഷക്കണ​ക്കിന്‌ ആളുകൾ പഠിച്ചി​രി​ക്കു​ന്നു. അവർ ഇപ്പോൾത്തന്നെ പ്രയോ​ജ​ന​പ്ര​ദ​മായ പല കാര്യ​ങ്ങ​ളും പഠിക്കു​ന്നു. കൂടാതെ, തന്റെ രാജ്യ​ത്തി​ലെ പ്രജകൾ ആയിരി​ക്കാൻ ദൈവം ആഗ്രഹി​ക്കുന്ന തരം വ്യക്തി​ക​ളാ​യി അവർ മാറി​ക്കൊ​ണ്ടി​രി​ക്കു​ന്നു.

 ദൈവ​രാ​ജ്യം ഉടൻ കൈവ​രി​ക്കാൻ പോകുന്ന നേട്ടങ്ങൾ

യേശു ഇതി​നോ​ടകം സ്വർഗ​ത്തിൽ ഭരണം തുടങ്ങി​യെ​ങ്കി​ലും ഭൂമി​യിൽ ഇപ്പോ​ഴും മനുഷ്യർ തന്നെയാണ്‌ ഭരിക്കു​ന്നത്‌. എന്നാൽ ദൈവം യേശു​വി​നോട്‌ ഇങ്ങനെ പറഞ്ഞി​ട്ടുണ്ട്‌: “ശത്രു​ക്ക​ളു​ടെ ഇടയി​ലേക്കു ചെന്ന്‌ അവരെ കീഴടക്കി മുന്നേറൂ!” (സങ്കീർത്തനം 110:2) പെട്ടെ​ന്നു​തന്നെ യേശു, തന്നെ എതിർക്കുന്ന ഏവരെ​യും നശിപ്പി​ക്കും. അതിനു ശേഷം ദൈവത്തെ അനുസ​രി​ക്കാൻ മനസ്സൊ​രു​ക്കം കാണി​ക്കുന്ന എല്ലാവർക്കും ആശ്വാസം കൊടു​ക്കും.

അന്ന്‌ ദൈവ​രാ​ജ്യം:

  • വ്യാജ​മ​ത​ങ്ങളെ ഇല്ലാതാ​ക്കും. ദൈവ​ത്തെ​ക്കു​റിച്ച്‌ നുണകൾ പഠിപ്പി​ച്ചു​കൊണ്ട്‌ ആളുക​ളു​ടെ ജീവിതം കൂടുതൽ ബുദ്ധി​മു​ട്ടാ​ക്കി​ത്തീർക്കുന്ന മതങ്ങളെ ഇല്ലാതാ​ക്കും. വ്യാജ​മ​ത​ങ്ങളെ ഒരു വേശ്യ​യാ​യാ​ണു ബൈബിൾ ചിത്രീ​ക​രി​ക്കു​ന്നത്‌. അതിന്റെ നാശം അനേകർക്കും ഒരു ഞെട്ടൽത്ത​ന്നെ​യാ​യി​രി​ക്കും.​—വെളി​പാട്‌ 17:15, 16.

  • മനുഷ്യ​ഭ​രണം അവസാ​നി​പ്പി​ക്കും. ദൈവ​രാ​ജ്യം മനുഷ്യ​ന്റെ ഭരണത്തിന്‌ അവസാനം വരുത്തും.​—വെളി​പാട്‌ 19:15, 17, 18.

  • ദുഷ്ടമ​നു​ഷ്യ​രെ ഇല്ലാതാ​ക്കും. തെറ്റ്‌ ചെയ്യു​ന്ന​തിൽ തുടരാൻ തീരു​മാ​നി​ച്ചു​റ​ച്ചി​രി​ക്കു​ന്ന​വ​രെ​യും ദൈവത്തെ അനുസ​രി​ക്കാൻ കൂട്ടാ​ക്കാ​ത്ത​വ​രെ​യും എന്തു ചെയ്യും? “ദുഷ്ടന്മാ​രെ ഭൂമി​യിൽനിന്ന്‌ ഇല്ലാതാക്കും.”​—സുഭാ​ഷി​തങ്ങൾ 2:22.

  • സാത്താ​നെ​യും ഭൂതങ്ങ​ളെ​യും നശിപ്പി​ക്കും. സാത്താ​നും ഭൂതങ്ങൾക്കും ‘ഇനി ജനതകളെ വഴി​തെ​റ്റി​ക്കാ​നാ​കില്ല.’—വെളിപാട്‌ 20:3, 10.

ദൈവ​രാ​ജ്യ​ത്തെ മനസ്സോ​ടെ പിന്തു​ണ​യ്‌ക്കു​ന്ന​വർക്ക്‌ ഇത്‌ എങ്ങനെ​യാ​ണു പ്രയോ​ജനം ചെയ്യു​ന്നത്‌?

 മനുഷ്യർക്കു​വേണ്ടി ദൈവരാജ്യം എന്തു ചെയ്യും?

സ്വർഗ​ത്തി​ലെ രാജാ​വാ​യി ഭരിക്കുന്ന യേശു ഏതൊരു മനുഷ്യ​ഭ​ര​ണാ​ധി​കാ​രി​ക്കും നേടാൻ കഴിയു​ന്ന​തി​നും അപ്പുറ​മായ നേട്ടങ്ങൾ കൈവ​രി​ക്കും. മനുഷ്യ​രിൽനിന്ന്‌ തിര​ഞ്ഞെ​ടു​ത്തി​രി​ക്കുന്ന 1,44,000 പേർ യേശു​വി​നോ​ടൊ​പ്പം സഹഭര​ണാ​ധി​പ​ന്മാ​രാ​യി ഭരിക്കും. (വെളി​പാട്‌ 5:9, 10; 14:1, 3) ദൈവ​ത്തി​ന്റെ ഇഷ്ടം ഭൂമി​യിൽ നടപ്പി​ലാ​കു​ന്നു​ണ്ടെന്ന കാര്യം യേശു ഉറപ്പാ​ക്കും. ദൈവ​രാ​ജ്യം ഭൂമി​യി​ലെ പ്രജകൾക്കു​വേണ്ടി എന്തു ചെയ്യും?

  • രോഗ​വും മരണവും ഇല്ലാതാ​ക്കും. “‘എനിക്കു രോഗ​മാണ്‌’ എന്നു ദേശത്ത്‌ വസിക്കുന്ന ആരും പറയില്ല.” “മേലാൽ മരണം ഉണ്ടായി​രി​ക്കില്ല.”​—യശയ്യ 33:24; വെളി​പാട്‌ 21:4.

  • യഥാർഥ സമാധാ​ന​വും സുരക്ഷി​ത​ത്വ​വും ഉറപ്പാ​ക്കും. “നിന്റെ പുത്ര​ന്മാർ അളവറ്റ സമാധാ​നം ആസ്വദി​ക്കും.” “അവർ ഓരോ​രു​ത്ത​രും സ്വന്തം മുന്തി​രി​വ​ള്ളി​യു​ടെ​യും അത്തി മരത്തി​ന്റെ​യും ചുവട്ടിൽ ഇരിക്കും; ആരും അവരെ പേടി​പ്പി​ക്കില്ല.”​—യശയ്യ 54:13; മീഖ 4:4.

  • നല്ല ജോലി ലഭിക്കും. “ഞാൻ തിര​ഞ്ഞെ​ടു​ത്തവർ മതിവ​രു​വോ​ളം തങ്ങളുടെ അധ്വാ​ന​ഫലം ആസ്വദി​ക്കും. അവരുടെ അധ്വാനം വെറു​തേ​യാ​കില്ല.”​—യശയ്യ 65:22, 23.

  • പരിസ്ഥി​തി​പ്ര​ശ്‌നങ്ങൾ പരിഹ​രി​ക്കും. “വിജന​ഭൂ​മി​യും വരണ്ടു​ണ​ങ്ങിയ ദേശവും സന്തോ​ഷി​ച്ചു​ല്ല​സി​ക്കും, മരു​പ്ര​ദേശം ആനന്ദിച്ച്‌ കുങ്കു​മം​പോ​ലെ പൂക്കും.”​—യശയ്യ 35:1.

  • എന്നേക്കും ജീവി​ക്കാൻ എന്തു ചെയ്യണം എന്നു പഠിപ്പി​ക്കും. “ഏകസത്യ​ദൈ​വ​മായ അങ്ങയെ​യും അങ്ങ്‌ അയച്ച യേശു​ക്രി​സ്‌തു​വി​നെ​യും അവർ അറിയു​ന്ന​താ​ണു നിത്യ​ജീ​വൻ.”​—യോഹ​ന്നാൻ 17:3.

ആ അനു​ഗ്ര​ഹങ്ങൾ നിങ്ങൾക്ക്‌ ലഭിക്കാൻ ദൈവം ആഗ്രഹി​ക്കു​ന്നു. (യശയ്യ 48:18) ഈ മനോ​ഹ​ര​മായ ഭാവി​ക്കാ​യി നിങ്ങൾക്ക്‌ എന്തു ചെയ്യാം? അടുത്ത ലേഖനം അതെക്കു​റി​ച്ചു​ള്ള​താണ്‌.