വിവരങ്ങള്‍ കാണിക്കുക

ഉള്ളടക്കം കാണിക്കുക

ജീവി​ക്കു​ന്ന​തിൽ അർഥമുണ്ട്‌

ജീവി​ക്കു​ന്ന​തിൽ അർഥമുണ്ട്‌

ഫൈസ​ലി​ന്റെ ഭാര്യ മരിച്ച്‌ ഒരു വർഷം കഴിഞ്ഞ​പ്പോ​ഴേ​ക്കും അദ്ദേഹ​ത്തി​നു വലി​യൊ​രു ഹൃദയ​ശ​സ്‌ത്ര​ക്രിയ വേണ്ടി​വന്നു. അദ്ദേഹം പറയുന്നു: “ഇയ്യോ​ബി​ന്റെ പുസ്‌തകം ഞാൻ വായി​ച്ച​പ്പോൾ യഹോവ ബൈബി​ളിൽ ഈ പുസ്‌തകം ഉൾപ്പെ​ടു​ത്തി​യ​തിന്‌ ഒരു കാരണ​മു​ണ്ടെന്ന്‌ എനിക്കു മനസ്സി​ലാ​യി. നമ്മു​ടേ​തി​നു സമാന​മായ അനുഭ​വ​ങ്ങ​ളു​ള്ള​വരെ ബൈബി​ളിൽ കാണു​മ്പോൾ നമ്മുടെ ഹൃദയ​ത്തിന്‌ ആശ്വാസം തോന്നും.” അദ്ദേഹം പറഞ്ഞ്‌ അവസാ​നി​പ്പി​ച്ചത്‌ ഇങ്ങനെ​യാണ്‌: “ജീവി​ക്കു​ന്ന​തി​നു തീർച്ച​യാ​യും ഒരു അർഥമുണ്ട്‌.”

തർഷ ചെറു​താ​യി​രി​ക്കു​മ്പോൾത്തന്നെ അമ്മ മരിച്ചു​പോ​യി. തർഷ പറയുന്നു: “എന്തൊക്കെ പ്രശ്‌ന​ങ്ങ​ളു​ണ്ടെ​ങ്കി​ലും സ്രഷ്ടാ​വി​നെ അറിയു​ന്ന​താണ്‌ ജീവി​ത​ത്തിന്‌ ഉദ്ദേശ്യ​വും പ്രത്യാ​ശ​യും സന്തോ​ഷ​വും തരുന്നത്‌. യഹോവ നമ്മളെ സഹായി​ക്കു​മെ​ന്നും ഓരോ ദിവസ​വും മുന്നോ​ട്ടു പോകാ​നുള്ള സഹായം തരു​മെ​ന്നും നമുക്ക്‌ ഉറപ്പു​ണ്ടാ​യി​രി​ക്കാം.”

ജീവിതം വഴിമു​ട്ടി​ക്കു​ന്ന​താ​യി തോന്നി​ക്കുന്ന പല വേദനാ​ക​ര​മായ സംഭവ​ങ്ങ​ളെ​ക്കു​റിച്ച്‌ മുൻലേ​ഖ​ന​ങ്ങ​ളിൽ നമ്മൾ കണ്ടു. ചില പ്രശ്‌നങ്ങൾ അലട്ടു​മ്പോൾ നിങ്ങൾ ഇങ്ങനെ ചിന്തി​ച്ചി​രി​ക്കാം: ‘ജീവി​ക്കു​ന്ന​തിൽ അർഥമു​ണ്ടോ, എന്നെക്കു​റിച്ച്‌ ആർക്കെ​ങ്കി​ലും ചിന്തയു​ണ്ടോ?’ നിങ്ങൾ അനുഭ​വി​ക്കുന്ന കഷ്ടപ്പാ​ടി​നെ​ക്കു​റിച്ച്‌ ദൈവ​ത്തി​നു ചിന്തയു​ണ്ടെന്ന കാര്യ​ത്തിൽ ഉറപ്പു​ള്ള​വ​രാ​യി​രി​ക്കുക. നിങ്ങൾ ദൈവ​ത്തി​നു വേണ്ട​പ്പെ​ട്ട​യാ​ളാണ്‌.

86-ാം സങ്കീർത്ത​ന​ത്തി​ന്റെ എഴുത്തു​കാ​രൻ ദൈവ​ത്തി​ലുള്ള തന്റെ വിശ്വാ​സ​ത്തെ​ക്കു​റിച്ച്‌ ഇങ്ങനെ എഴുതി: “കഷ്ടകാ​ലത്ത്‌ ഞാൻ അങ്ങയെ വിളി​ച്ച​പേ​ക്ഷി​ക്കു​ന്നു; അങ്ങ്‌ എനിക്ക്‌ ഉത്തരം തരു​മെന്ന്‌ എനിക്ക്‌ അറിയാം.” (സങ്കീർത്തനം 86:7) നിങ്ങൾ ഒരുപക്ഷേ ഇങ്ങനെ ചിന്തി​ച്ചേ​ക്കാം: ‘എന്റെ “കഷ്ടകാ​ലത്ത്‌” ദൈവം എനിക്ക്‌ എങ്ങനെ ഉത്തരം തരും?’

ദൈവം നിങ്ങളു​ടെ പ്രശ്‌നങ്ങൾ ഒറ്റയടിക്ക്‌ ഇല്ലാതാ​ക്കി​ല്ലെ​ങ്കി​ലും സഹിച്ചു​നിൽക്കാൻ സഹായി​ക്കുന്ന ആന്തരി​ക​സ​മാ​ധാ​നം തരു​മെന്നു തന്റെ വചനമായ ബൈബി​ളി​ലൂ​ടെ ദൈവം ഉറപ്പു തരുന്നു: “ഒന്നി​നെ​ക്കു​റി​ച്ചും ഉത്‌ക​ണ്‌ഠ​പ്പെ​ടേണ്ടാ. കാര്യം എന്തായാ​ലും പ്രാർഥ​ന​യി​ലൂ​ടെ​യും ഉള്ളുരു​കി​യുള്ള യാചന​യി​ലൂ​ടെ​യും നിങ്ങളു​ടെ അപേക്ഷകൾ നന്ദിവാ​ക്കു​ക​ളോ​ടെ ദൈവത്തെ അറിയി​ക്കുക. അപ്പോൾ മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം നിങ്ങളു​ടെ ഹൃദയ​ത്തെ​യും ചിന്തക​ളെ​യും ക്രിസ്‌തു​യേശു മുഖാ​ന്തരം കാക്കും.” (ഫിലി​പ്പി​യർ 4:6, 7, അടിക്കു​റിപ്പ്‌) പിൻവ​രുന്ന ബൈബിൾവാ​ക്യ​ങ്ങൾ ദൈവ​ത്തി​ന്റെ ആർദ്ര​മായ കരുത​ലി​നെ​ക്കു​റിച്ച്‌ നമുക്ക്‌ ഉറപ്പു തരുന്നത്‌ എങ്ങനെ​യെന്നു നോക്കൂ.

ദൈവം നിങ്ങൾക്കു​വേണ്ടി കരുതു​ന്നു

“(കുരു​വി​ക​ളിൽ) ഒന്നി​നെ​പ്പോ​ലും ദൈവം അവഗണി​ക്കു​ന്നില്ല. . . . അനേകം കുരു​വി​ക​ളെ​ക്കാൾ എത്രയോ വിലയു​ള്ള​വ​രാ​ണു നിങ്ങൾ!”ലൂക്കോസ്‌ 12:6, 7, അടിക്കു​റിപ്പ്‌.

ചിന്തിക്കൂ: നിസ്സാ​ര​മെന്നു തോന്നുന്ന പക്ഷിക​ളെ​പ്പോ​ലും ദൈവം വില​പ്പെ​ട്ട​താ​യി കാണുന്നു. ദൈവ​ത്തി​ന്റെ ശ്രദ്ധയിൽപ്പെ​ടാ​തെ ഒരു ചെറിയ കുരു​വി​പോ​ലും പറക്കു​ന്നില്ല, അവയെ​ല്ലാം ദൈവ​ത്തി​നു വില​യേ​റി​യ​താണ്‌. കുരു​വി​ക​ളെ​ക്കാൾ വളരെ​യേറെ മൂല്യ​മു​ള്ള​വ​രാ​യാ​ണു ദൈവം മനുഷ്യ​രെ കാണു​ന്നത്‌. ഭൂമി​യി​ലെ, ദൈവ​ത്തി​ന്റെ ഏറ്റവും മഹനീ​യ​സൃ​ഷ്ടി​യായ മനുഷ്യ​നെ ദൈവം സ്വന്തം ‘ഛായയി​ലാ​ണു’ സൃഷ്ടി​ച്ചത്‌. (ഉൽപത്തി 1:26, 27) തന്റെ ശ്രേഷ്‌ഠ​മായ ഗുണങ്ങൾ വളർത്തി​യെ​ടു​ക്കാ​നും അതു പ്രകടി​പ്പി​ക്കാ​നും ഉള്ള കഴിവും ദൈവം മനുഷ്യർക്കു കൊടു​ത്തു.

“യഹോവേ, അങ്ങ്‌ എന്നെ സൂക്ഷ്‌മ​മാ​യി പരി​ശോ​ധി​ച്ചി​രി​ക്കു​ന്നു; അങ്ങ്‌ എന്നെ അറിയു​ന്ന​ല്ലോ. . . . അങ്ങ്‌ . . . എന്റെ ചിന്തകൾ മനസ്സി​ലാ​ക്കു​ന്നു. . . . എന്നെ പരി​ശോ​ധിച്ച്‌ എന്റെ ഉത്‌കണ്‌ഠകൾ മനസ്സിലാക്കേണമേ.”സങ്കീർത്തനം 139:1, 2, 23.

ചിന്തിക്കൂ: ദൈവ​ത്തി​നു നിങ്ങളെ വ്യക്തി​പ​ര​മാ​യി അറിയാം. നിങ്ങളു​ടെ ഏറ്റവും സ്വകാ​ര്യ​മായ ചിന്തക​ളും വികാ​ര​ങ്ങ​ളും ദൈവം അറിയു​ന്നു. മറ്റുള്ള​വർക്കു നിങ്ങളു​ടെ പ്രശ്‌നം മനസ്സി​ലാ​ക്കാൻ കഴിഞ്ഞി​ല്ലെ​ങ്കി​ലും ദൈവം നിങ്ങൾക്കു​വേണ്ടി കരുതു​ക​യും നിങ്ങളെ സഹായി​ക്കാൻ ആഗ്രഹി​ക്കു​ക​യും ചെയ്യുന്നു. അതു​കൊണ്ട്‌ ജീവി​ക്കു​ന്ന​തിൽ അർഥമുണ്ട്‌.

നിങ്ങളു​ടെ ജീവി​ത​ത്തിന്‌ അർഥമുണ്ട്‌

“യഹോവേ, എന്റെ പ്രാർഥന കേൾക്കേ​ണമേ; സഹായ​ത്തി​നാ​യുള്ള എന്റെ നിലവി​ളി തിരു​സ​ന്നി​ധി​യിൽ എത്തട്ടെ. . . . അങ്ങയുടെ ചെവി എന്നി​ലേക്കു ചായി​ക്കേ​ണമേ; ഞാൻ വിളി​ക്കു​മ്പോൾ വേഗം ഉത്തരം തരേണമേ. . . . അഗതി​ക​ളു​ടെ പ്രാർഥ​ന​യ്‌ക്കു ദൈവം ചെവി ചായി​ക്കും.”സങ്കീർത്തനം 102:1, 2, 17.

ചിന്തിക്കൂ: മനുഷ്യൻ ദുരിതം അനുഭ​വിച്ച്‌ തുടങ്ങിയ കാലം​മു​തൽ പൊഴിച്ച ഓരോ തുള്ളി കണ്ണിരി​ന്റെ​യും രേഖ ദൈവ​മായ യഹോവ സൂക്ഷി​ച്ചു​വെ​ച്ചി​രി​ക്കു​ന്ന​തു​പോ​ലെ​യാണ്‌ ഇത്‌. (സങ്കീർത്തനം 56:8) ഇതിൽ നിങ്ങളു​ടെ കണ്ണീരു​മുണ്ട്‌. നിങ്ങൾ അനുഭ​വിച്ച കഷ്ടപ്പാ​ടും പൊഴിച്ച കണ്ണീരും ദൈവം തീർച്ച​യാ​യും ഓർക്കു​ന്നുണ്ട്‌. കാരണം നിങ്ങൾ ദൈവ​ത്തി​നു വേണ്ട​പ്പെ​ട്ട​വ​രാണ്‌.

“ഭയപ്പെ​ടേണ്ടാ, ഞാനല്ലേ നിന്റെ ദൈവം! ഞാൻ നിന്നെ ശക്തീക​രി​ക്കും, നിന്നെ സഹായി​ക്കും, . . . ‘പേടി​ക്കേണ്ടാ, ഞാൻ നിന്നെ സഹായി​ക്കും’ എന്നു നിന്നോ​ടു പറയുന്ന നിന്റെ ദൈവ​മായ യഹോവ എന്ന ഞാൻ, നിന്റെ വലങ്കൈ പിടി​ച്ചി​രി​ക്കു​ന്നു.”യശയ്യ 41:10, 13.

ചിന്തിക്കൂ: ദൈവം നിങ്ങളെ സഹായി​ക്കാൻ ഒരുക്ക​മു​ള്ള​വ​നാണ്‌. നിങ്ങൾ വീണാ​ലും ദൈവം നിങ്ങളെ എഴു​ന്നേൽപ്പി​ക്കും.

നല്ലൊരു ഭാവി​പ്ര​ത്യാ​ശ നമുക്കുണ്ട്‌

“തന്റെ ഏകജാ​ത​നായ മകനിൽ വിശ്വ​സി​ക്കുന്ന ആരും നശിച്ചു​പോ​കാ​തെ അവരെ​ല്ലാം നിത്യ​ജീ​വൻ നേടാൻ ദൈവം അവനെ ലോക​ത്തി​നു​വേണ്ടി നൽകി. അത്ര വലുതാ​യി​രു​ന്നു ദൈവ​ത്തി​നു ലോക​ത്തോ​ടുള്ള സ്‌നേഹം.”യോഹ​ന്നാൻ 3:16.

ചിന്തിക്കൂ: ദൈവ​ത്തി​നു നിങ്ങളെ വലിയ ഇഷ്ടമാണ്‌. അതു​കൊ​ണ്ടാണ്‌ സ്വന്തം മകനായ യേശു​വി​നെ മനസ്സോ​ടെ ഒരു ബലിയാ​യി നിങ്ങൾക്കു​വേണ്ടി നൽകി​യത്‌. അതുവഴി, സന്തോ​ഷ​ത്തോ​ടെ ഉദ്ദേശ്യ​പൂർണ​മായ ജീവിതം എന്നേക്കും നയിക്കാൻ കഴിയു​മെന്ന പ്രത്യാശ നിങ്ങൾക്കു ലഭിച്ചു. *

ഇപ്പോൾ നിങ്ങൾക്കു പല പ്രശ്‌ന​ങ്ങ​ളു​ണ്ടാ​യി​രി​ക്കാം, അല്ലെങ്കിൽ ജീവിതം വഴിമു​ട്ടി​യ​താ​യി​പ്പോ​ലും തോന്നു​ന്നു​ണ്ടാ​കാം. എന്നാലും ദൈവ​വ​ചനം പഠിക്കു​ക​യും ദൈവം വാഗ്‌ദാ​നം ചെയ്‌തി​ട്ടുള്ള പ്രത്യാ​ശ​യിൽ വിശ്വാ​സം വളർത്തി​യെ​ടു​ക്കു​ക​യും ചെയ്യുക. അതു നിങ്ങൾക്കു സന്തോ​ഷ​വും ജീവി​ക്കു​ന്ന​തിൽ അർഥമു​ണ്ടെന്ന ബോധ്യ​വും തരും.

^ യേശുവിന്റെ ബലിയർപ്പ​ണ​ത്തി​ലൂ​ടെ നിങ്ങൾക്ക്‌ എങ്ങനെ പ്രയോ​ജനം നേടാ​നാ​കും എന്നതി​നെ​ക്കു​റിച്ച്‌ കൂടുതൽ അറിയാൻ www.jw.org വെബ്‌​സൈ​റ്റി​ലെ ഞങ്ങളെക്കുറിച്ച്‌ > സ്‌മാരകം എന്ന ഭാഗത്തെ യേശു​വി​ന്റെ മരണം ഓർമി​ക്കുക എന്ന വീഡി​യോ കാണുക.