വിവരങ്ങള്‍ കാണിക്കുക

ഉള്ളടക്കം കാണിക്കുക

ഇണ വിശ്വാ​സ​വഞ്ചന കാണി​ച്ചാൽ

ഇണ വിശ്വാ​സ​വഞ്ചന കാണി​ച്ചാൽ

“എന്നെ ഉപേക്ഷിച്ച്‌ ഒരു ചെറു​പ്പ​ക്കാ​രി​യു​ടെ​കൂ​ടെ പോകു​ക​യാ​ണെന്നു ഭർത്താവ്‌ പറഞ്ഞ​പ്പോൾ എനിക്കു മരിക്കാ​നാ​ണു തോന്നി​യത്‌. അയാൾക്കു​വേണ്ടി ഞാൻ ചെയ്‌ത കാര്യ​ങ്ങ​ളെ​ക്കു​റിച്ച്‌ ഓർത്ത​പ്പോൾ എന്നോടു കാണി​ച്ചതു കൊടും​ച​തി​യാ​ണെന്ന്‌ എനിക്കു തോന്നി.”—സ്‌പെ​യി​നിൽനിന്ന്‌ മരിയ.

“ഭാര്യ പെട്ടെന്ന്‌ എന്നെ ഉപേക്ഷി​ച്ചു​പോ​യ​പ്പോൾ ഞാൻ ആകെ തളർന്നു​പോ​യി. സ്വപ്‌ന​ങ്ങ​ളും പ്രതീ​ക്ഷ​ക​ളും പദ്ധതി​ക​ളും എല്ലാം തകർന്നു​ടഞ്ഞു. ചില ദിവസം എനിക്കു കുഴപ്പ​മൊ​ന്നു​മി​ല്ലെന്നു വിചാ​രി​ച്ചി​രി​ക്കു​മ്പോ​ഴാ​യി​രി​ക്കും വല്ലാത്ത നിരാശ വരുന്നത്‌.”—സ്‌പെ​യി​നിൽനിന്ന്‌ ബിൽ.

ഇണയുടെ വിശ്വാ​സ​വഞ്ചന താങ്ങാ​നാ​കാത്ത ഒന്നാണ്‌. എങ്കിലും ചിലർ, പശ്ചാത്ത​പി​ക്കുന്ന ഇണയോ​ടു ക്ഷമിക്കു​ക​യും വീണ്ടും പഴയതു​പോ​ലെ ജീവി​ക്കാൻ ശ്രമി​ക്കു​ക​യും ചെയ്യുന്നു. * വിവാ​ഹ​ജീ​വി​തം മുന്നോ​ട്ടു പോയാ​ലും ഇല്ലെങ്കി​ലും വഞ്ചനയ്‌ക്ക്‌ ഇരയായ ഇണ താങ്ങാ​വു​ന്ന​തി​ലും അധികം വിഷമം അനുഭ​വി​ക്കു​ന്നു​ണ്ടാ​കും. അങ്ങനെ​യു​ള്ള​വർക്ക്‌ എങ്ങനെ പിടി​ച്ചു​നിൽക്കാം?

ബൈബി​ളി​നു പറയാ​നു​ള്ളത്‌

ഹൃദയ​വേ​ദ​ന​യു​ണ്ടെ​ങ്കി​ലും നിരപ​രാ​ധി​യായ ഇണകളിൽ പലരും ദൈവ​വ​ച​ന​ത്തിൽനിന്ന്‌ ആശ്വാസം കണ്ടെത്തി​യി​ട്ടുണ്ട്‌. ദൈവം അവരുടെ കണ്ണീരു കാണു​ന്നു​ണ്ടെ​ന്നും അവരുടെ ദുഃഖ​ത്തിൽ പങ്കു​ചേ​രു​ന്നു​ണ്ടെ​ന്നും അവർക്ക്‌ അറിയാം.—മലാഖി 2:13-16.

“ആകുല​ചി​ന്തകൾ എന്നെ വരിഞ്ഞു​മു​റു​ക്കി​യ​പ്പോൾ അങ്ങ്‌ എന്നെ ആശ്വസി​പ്പി​ച്ചു, എന്നെ സാന്ത്വ​ന​പ്പെ​ടു​ത്തി.”സങ്കീർത്തനം 94:19.

“ഞാൻ ആ വാക്യം വായി​ച്ച​പ്പോൾ അനുക​മ്പ​യുള്ള ഒരു പിതാ​വി​നെ​പ്പോ​ലെ യഹോവ എന്നെ സാന്ത്വ​ന​പ്പെ​ടു​ത്തു​ന്ന​താ​യി എനിക്കു തോന്നി” എന്നു ബിൽ പറയുന്നു.

“വിശ്വ​സ്‌ത​നോട്‌ അങ്ങ്‌ വിശ്വ​സ്‌തത കാണി​ക്കു​ന്നു.”സങ്കീർത്തനം 18:25.

മാസങ്ങ​ളോ​ളം വഞ്ചനയ്‌ക്ക്‌ ഇരയായ കാർമെൻ പറയുന്നു: “എന്റെ ഭർത്താവ്‌ എന്നോടു അവിശ്വ​സ്‌തത കാണി​ച്ചെ​ങ്കി​ലും യഹോവ എപ്പോ​ഴും വിശ്വ​സ്‌ത​നാ​യി​രി​ക്കു​മെന്ന്‌ എനിക്ക്‌ ഉറപ്പുണ്ട്‌. ഞാൻ തളർന്നു​പോ​കാൻ യഹോവ ഇടയാ​ക്കില്ല.”

“ഒന്നി​നെ​ക്കു​റി​ച്ചും ഉത്‌ക​ണ്‌ഠ​പ്പെ​ടേണ്ടാ. കാര്യം എന്തായാ​ലും പ്രാർഥ​ന​യി​ലൂ​ടെ​യും ഉള്ളുരു​കി​യുള്ള യാചന​യി​ലൂ​ടെ​യും നിങ്ങളു​ടെ അപേക്ഷകൾ . . . ദൈവത്തെ അറിയി​ക്കുക. അപ്പോൾ മനുഷ്യ​ബു​ദ്ധിക്ക്‌ അതീത​മായ ദൈവ​സ​മാ​ധാ​നം നിങ്ങളു​ടെ ഹൃദയത്തെ . . . കാക്കും.”ഫിലി​പ്പി​യർ 4:6, 7.

സാഷ ഇങ്ങനെ പറയുന്നു: “ഈ വാക്യം ഒരുപാ​ടു തവണ ഞാൻ വായിച്ചു. ഞാൻ എത്ര കൂടുതൽ പ്രാർഥി​ച്ചോ അത്രയ്‌ക്കു സമാധാ​നം ദൈവം എനിക്കു തന്നു.”

ഈ പറഞ്ഞവർക്കെ​ല്ലാം ജീവി​ത​ത്തോ​ടു​തന്നെ മടുപ്പു തോന്നിയ സന്ദർഭ​ങ്ങ​ളു​ണ്ടാ​യി​ട്ടുണ്ട്‌. എന്നാൽ അവർ ദൈവ​മായ യഹോ​വ​യിൽനി​ന്നും ദൈവ​വ​ച​ന​ത്തിൽനി​ന്നും കരുത്തു നേടി. ബിൽ അതി​നെ​ക്കു​റിച്ച്‌ പറയു​ന്നത്‌ ഇങ്ങനെ​യാണ്‌: “എല്ലാം തകർന്നെന്നു തോന്നിയ നിമി​ഷ​ങ്ങ​ളിൽ ജീവി​ത​ത്തിന്‌ അർഥം തന്നത്‌ എന്റെ വിശ്വാ​സ​മാ​യി​രു​ന്നു. ‘കൂരി​രുൾത്താ​ഴ്‌വ​ര​യി​ലൂ​ടെ’ നടക്കേ​ണ്ടി​വ​ന്ന​പ്പോ​ഴും ദൈവം എന്നോ​ടൊ​പ്പ​മു​ണ്ടാ​യി​രു​ന്നു.”—സങ്കീർത്തനം 23:4.

^ ഖ. 4 1999 ഏപ്രിൽ 22 ലക്കം ഉണരുക! മാസി​ക​യി​ലെ “ഇണ അവിശ്വ​സ്‌തത കാട്ടു​മ്പോൾ” എന്ന വിഷയ​ത്തിൻകീ​ഴി​ലുള്ള ലേഖന​ങ്ങ​ളിൽ വിശ്വാ​സ​വഞ്ചന കാണിച്ച ഇണയോ​ടു ക്ഷമിക്ക​ണോ വേണ്ടയോ എന്നതി​നെ​ക്കു​റിച്ച്‌ ചർച്ച ചെയ്യുന്നു.