വിവരങ്ങള്‍ കാണിക്കുക

ഉള്ളടക്കം കാണിക്കുക

 സന്തോ​ഷ​ത്തി​നുള്ള വഴി ഇതാ!

തൃപ്‌തി​യും ഉദാര​ത​യും

തൃപ്‌തി​യും ഉദാര​ത​യും

സമ്പത്തോ വസ്‌തു​വ​ക​ക​ളോ ഉള്ളവരാണ്‌ സന്തുഷ്ടർ അല്ലെങ്കിൽ ജീവി​ത​ത്തിൽ വിജയി​ക്കു​ന്നവർ എന്നു പറയു​ന്നത്‌ നിങ്ങൾ പലപ്പോ​ഴും കേട്ടി​ട്ടു​ണ്ടാ​കും. ഈ ചിന്ത​യോ​ടെ ലക്ഷക്കണ​ക്കിന്‌ ആളുകൾ കൂടുതൽ പണം ഉണ്ടാക്കു​ന്ന​തി​നു​വേണ്ടി ഒരുപാട്‌ സമയം കഷ്ടപ്പെട്ട് ജോലി ചെയ്യുന്നു. പക്ഷേ പണത്തി​നും വസ്‌തു​വ​ക​കൾക്കും നിലനിൽക്കുന്ന സന്തോഷം തരാനാ​കു​മോ? തെളി​വു​കൾ എന്താണ്‌ കാണി​ക്കു​ന്നത്‌?

സന്തോ​ഷ​ത്തെ​ക്കു​റി​ച്ചുള്ള ഒരു മാസിക പറയു​ന്ന​ത​നു​സ​രിച്ച്, നമ്മുടെ കൈയി​ലുള്ള പണത്തിന്‌ അടിസ്ഥാന ആവശ്യങ്ങൾ നടത്താൻ കഴിഞ്ഞാൽ, പിന്നെ കിട്ടുന്ന പണത്തിന്‌ മൊത്ത​ത്തി​ലുള്ള നമ്മുടെ സന്തോ​ഷ​ത്തി​ന്‍റെ അളവ്‌ കൂട്ടാ​നാ​കില്ല എന്നാണ്‌. പണമല്ല പ്രശ്‌നം. “പണത്തി​നു​വേ​ണ്ടി​യുള്ള നെട്ടോ​ട്ട​മാണ്‌ അസന്തു​ഷ്ടിക്ക് കാരണം” എന്ന് മനഃശാ​സ്‌ത്ര​ത്തെ​ക്കു​റി​ച്ചുള്ള ഒരു മാസിക പറയുന്നു. ഏകദേശം 2,000 വർഷങ്ങൾക്കു മുമ്പ് എഴുതിയ ബൈബി​ളി​ലും അതേ ആശയം കാണാം: “പണസ്‌നേഹം എല്ലാ തരം ദോഷ​ങ്ങ​ളു​ടെ​യും ഒരു അടിസ്ഥാ​ന​കാ​ര​ണ​മാണ്‌. ഈ സ്‌നേ​ഹ​ത്തി​നു വഴി​പ്പെ​ട്ടിട്ട് ചിലർ . . . പലപല വേദന​ക​ളാൽ തങ്ങളെ ആസകലം കുത്തി​മു​റി​പ്പെ​ടു​ത്താൻ ഇടയാ​യി​രി​ക്കു​ന്നു.” (1 തിമൊ​ഥെ​യൊസ്‌ 6:9, 10) ആ വേദനകൾ എന്തൊ​ക്കെ​യാണ്‌?

സ്വത്ത്‌ കാത്തു​സൂ​ക്ഷി​ക്കാ​നുള്ള തത്രപ്പാ​ടിൽ മിച്ചമാ​കു​ന്നത്‌ ആകുല​ത​യും ഉറക്കമി​ല്ലാ​യ്‌മ​യും ആണ്‌. “കഴിക്കു​ന്നതു കുറച്ചാ​യാ​ലും കൂടു​ത​ലാ​യാ​ലും വേലക്കാ​രന്‍റെ ഉറക്കം സുഖക​ര​മാണ്‌. പക്ഷേ ധനികന്‍റെ സമൃദ്ധി അവന്‍റെ ഉറക്കം കെടു​ത്തു​ന്നു.”​—സഭാ​പ്ര​സം​ഗകൻ 5:12.

ആശിച്ച സന്തോഷം കിട്ടാതെ വരു​മ്പോ​ഴുള്ള നിരാശ. പണത്തിനു വേണ്ടി​യുള്ള അത്യാർത്തി ഒരിക്ക​ലും തൃപ്‌തി​പ്പെ​ടു​ത്താ​നാ​കില്ല. അതു​കൊ​ണ്ടാണ്‌ മിക്ക​പ്പോ​ഴും നിരാശ തോന്നു​ന്നത്‌. “വെള്ളിയെ സ്‌നേ​ഹി​ക്കു​ന്ന​വനു വെള്ളി​കൊ​ണ്ടും ധനത്തെ സ്‌നേ​ഹി​ക്കു​ന്ന​വനു വരുമാ​നം​കൊ​ണ്ടും ഒരിക്ക​ലും തൃപ്‌തി​വ​രില്ല.” (സഭാ​പ്ര​സം​ഗകൻ 5:10) കുടും​ബ​ത്തോ​ടും സുഹൃ​ത്തു​ക്ക​ളോ​ടും ഒപ്പം ഉള്ള സമയം, ദൈവത്തെ ആരാധി​ക്കു​ന്ന​തി​നാ​യി ചെലവി​ടുന്ന സമയം ഇവയെ​ല്ലാം ഒരു വ്യക്തിക്കു യഥാർഥ​ത്തിൽ സന്തോഷം നൽകു​ന്ന​വ​യാണ്‌. പക്ഷേ സമ്പത്തി​നു​വേ​ണ്ടി​യുള്ള നെട്ടോ​ട്ട​ത്തിൽ ഒരു വ്യക്തി ഇതെല്ലാം അവഗണി​ച്ചേ​ക്കാം.

പണത്തി​ന്‍റെ​യോ നിക്ഷേ​പ​ത്തി​ന്‍റെ​യോ വിലയി​ടി​യു​ക​യോ അവയുടെ മൂല്യം കുറയു​ക​യോ ചെയ്‌താൽ തോന്നുന്ന ദുഃഖ​വും ദേഷ്യ​വും. “ധനം വാരി​ക്കൂ​ട്ടാൻ നീ മരിച്ചു​കി​ടന്ന് പണി​യെ​ടു​ക്ക​രുത്‌; ആ ചിന്ത മതിയാ​ക്കി വകതി​രിവ്‌ കാണി​ക്കുക. നീ അതിനെ നോക്കു​മ്പോൾ അത്‌ അവി​ടെ​യു​ണ്ടാ​കില്ല; അത്‌ ഒരു കഴുക​നെ​പ്പോ​ലെ ചിറകു വിരിച്ച് ആകാശ​ത്തി​ലേക്കു പറന്നു​യ​രും.”—സുഭാ​ഷി​തങ്ങൾ 23:4, 5.

 സന്തോഷം വർധി​പ്പി​ക്കുന്ന ഗുണങ്ങൾ

തൃപ്‌തി. “ഈ ലോക​ത്തേക്കു നമ്മൾ ഒന്നും കൊണ്ടു​വ​ന്നി​ട്ടില്ല. ഇവി​ടെ​നിന്ന് ഒന്നും കൊണ്ടു​പോ​കാ​നും സാധ്യമല്ല. അതു​കൊണ്ട് ഉണ്ണാനും ഉടുക്കാ​നും ഉണ്ടെങ്കിൽ നമുക്കു തൃപ്‌ത​രാ​യി​രി​ക്കാം.” (1 തിമൊ​ഥെ​യൊസ്‌ 6:7, 8) ഉള്ളതു​കൊണ്ട് തൃപ്‌തി​പ്പെ​ടു​ന്നവർ പരാതി​പ്പെ​ടു​ക​യോ പിറു​പി​റു​ക്കു​ക​യോ ഇല്ല. അവർക്ക് മറ്റുള്ള​വ​രോട്‌ അസൂയ തോന്നാ​നി​ട​യില്ല. വരവി​നു​ള്ളിൽ ഒതുങ്ങി ജീവി​ക്കാൻ അവർ ശ്രമി​ക്കു​ന്നു. അവരുടെ ആഗ്രഹ​ങ്ങ​ളും അത്‌ അനുസ​രി​ച്ചാണ്‌. അതു​കൊ​ണ്ടു​തന്നെ അവർക്ക് അനാവ​ശ്യ​മായ ഉത്‌ക​ണ്‌ഠ​യോ പിരി​മു​റു​ക്ക​മോ ഇല്ല.

ഉദാര​മ​ന​സ്‌കത. “വാങ്ങു​ന്ന​തി​നെ​ക്കാൾ സന്തോഷം കൊടു​ക്കു​ന്ന​തി​ലാണ്‌.” (പ്രവൃ​ത്തി​കൾ 20:35) ദാനശീ​ല​രായ ആളുകൾ സന്തോ​ഷ​മു​ള്ള​വ​രാണ്‌. കാരണം മറ്റുള്ള​വരെ സന്തോ​ഷി​പ്പി​ക്കു​ന്ന​താണ്‌ അവരുടെ സന്തോഷം. മറ്റുള്ള​വർക്കു കൊടു​ക്കാൻ കുറച്ച് സമയവും ഊർജ​വും മാത്രമേ അവർക്ക് ഉള്ളൂ എങ്കിലും അത്‌ അവർ സന്തോ​ഷ​ത്തോ​ടെ കൊടു​ക്കു​ന്നു. അതു​കൊ​ണ്ടു​തന്നെ പണം കൊടുത്ത്‌ വാങ്ങാൻ കഴിയാത്ത സ്‌നേ​ഹ​വും ബഹുമാ​ന​വും ഉദാര​മാ​യി നൽകാൻ മനസ്സുള്ള ആത്മാർഥ സുഹൃ​ത്തു​ക്ക​ളെ​യും ഒക്കെ അവർക്ക് ലഭിക്കു​ന്നു.​—ലൂക്കോസ്‌ 6:38.

വസ്‌തു​വ​ക​ക​ളെ​ക്കാൾ സ്‌നേ​ഹ​ബ​ന്ധ​ങ്ങൾക്കു വില കല്‌പി​ക്കു​ന്നത്‌. “വെറു​പ്പു​ള്ളി​ടത്തെ കൊഴുത്ത കാള​യെ​ക്കാൾ സ്‌നേ​ഹ​മു​ള്ളി​ടത്തെ സസ്യാ​ഹാ​രം നല്ലത്‌.” (സുഭാ​ഷി​തങ്ങൾ 15:17) ഈ വാക്യ​ത്തി​ന്‍റെ അർഥം എന്താണ്‌? വസ്‌തു​വ​ക​ക​ളെ​ക്കാൾ മൂല്യം സ്‌നേ​ഹ​ബ​ന്ധ​ങ്ങൾക്കാണ്‌. സ്‌നേഹം സന്തോ​ഷ​ത്തിന്‌ മർമ​പ്ര​ധാ​ന​മാണ്‌. ഇതെക്കു​റിച്ച് ഈ മാസി​ക​യു​ടെ മറ്റൊരു ഭാഗത്ത്‌ കാണാം.

തെക്കേ അമേരി​ക്ക​യി​ലുള്ള സബീന ബൈബിൾത​ത്ത്വ​ങ്ങ​ളു​ടെ മൂല്യ​ത്തെ​ക്കു​റിച്ച് മനസ്സി​ലാ​ക്കി. ഭർത്താവ്‌ ഉപേക്ഷി​ച്ചു​പോയ സബീന​യ്‌ക്കു രണ്ടു പെൺമ​ക്കളെ വളർത്തി​ക്കൊ​ണ്ടു​വ​രാൻ ഒരുപാട്‌ കഷ്ടപ്പെ​ടേ​ണ്ടി​വന്നു. സബീന​യ്‌ക്കു രണ്ടു ജോലി​ക്കു പോ​കേ​ണ്ടി​യി​രു​ന്ന​തു​കൊണ്ട്, അതിരാ​വി​ലെ നാലു മണിക്ക് എഴു​ന്നേൽക്ക​ണ​മാ​യി​രു​ന്നു. ഇത്ര തിരക്കു​പി​ടിച്ച ജീവി​ത​മാ​യി​രു​ന്നി​ട്ടും സബീന ബൈബിൾ പഠിക്കാൻ തീരു​മാ​നി​ച്ചു. എന്തായി​രു​ന്നു ഫലം?

സബീന​യു​ടെ സാമ്പത്തി​ക​ചു​റ്റു​പാ​ടിന്‌ അധികം മാറ്റ​മൊ​ന്നു​മു​ണ്ടാ​യില്ല. എന്നാൽ ജീവി​ത​ത്തെ​ക്കു​റി​ച്ചുള്ള കാഴ്‌ച​പ്പാ​ടിന്‌ വലിയ മാറ്റം വന്നു. ഉദാഹ​ര​ണ​ത്തിന്‌, ഒരു വ്യക്തി​യു​ടെ ആത്മീയാ​വ​ശ്യം തൃപ്‌തി​പ്പെ​ടു​ത്തു​മ്പോ​ഴു​ണ്ടാ​കുന്ന സന്തോഷം സബീന​യ്‌ക്കു ലഭിച്ചു. (മത്തായി 5:3) സഹാരാ​ധ​ക​രിൽനിന്ന് യഥാർഥ സുഹൃ​ത്തു​ക്കളെ അവൾ കണ്ടെത്തി. പഠിച്ച കാര്യങ്ങൾ മറ്റുള്ള​വർക്കു പറഞ്ഞു​കൊ​ടു​ത്തു​കൊണ്ട്, കൊടു​ക്കു​ന്ന​തി​ന്‍റെ സന്തോഷം അവൾ അനുഭ​വി​ച്ചു.

“ജ്ഞാനത്തെ അതിന്‍റെ പ്രവൃ​ത്തി​കൾ സാധൂ​ക​രി​ക്കും” എന്ന് ബൈബിൾ പറയുന്നു. (മത്തായി 11:19, അടിക്കു​റിപ്പ്) ഇതിന്‍റെ അടിസ്ഥാ​ന​ത്തിൽ, തൃപ്‌ത​രാ​യി​രി​ക്കു​ന്ന​തും ഉദാര​മ​ന​സ്‌ക​രാ​യി​രി​ക്കു​ന്ന​തും വസ്‌തു​ക്ക​ളെ​ക്കാൾ വ്യക്തി​കൾക്കു വില കല്‌പി​ക്കു​ന്ന​തും ആണ്‌ ജ്ഞാന​മെന്നു തെളി​യും.