വിവരങ്ങള്‍ കാണിക്കുക

ഉള്ളടക്കം കാണിക്കുക

കുടുംബം, സൗഹൃദം

കുടുംബം, സൗഹൃദം

വീട്ടു​കാ​രോ​ടും കൂട്ടു​കാ​രോ​ടും സ്‌നേ​ഹ​ത്തിൽ പോകാൻ ഇന്നു പലർക്കും കഴിയു​ന്നില്ല. മറ്റുള്ള​വ​രു​മാ​യി യോജി​ച്ചു​പോ​കാൻ സഹായി​ക്കുന്ന ചില ബൈബിൾത​ത്ത്വ​ങ്ങൾ നോക്കാം.

സ്വാർഥത വേണ്ട

ബൈബിൾത​ത്ത്വം: “നിങ്ങൾ സ്വന്തം താത്‌പ​ര്യം മാത്രം നോക്കാ​തെ മറ്റുള്ള​വ​രു​ടെ താത്‌പ​ര്യ​വും​കൂ​ടെ നോക്കണം.”​—ഫിലി​പ്പി​യർ 2:4.

അതിന്റെ അർഥം: മറ്റുള്ള​വർക്കു​വേണ്ടി നമുക്ക്‌ എന്തു കൊടു​ക്കാൻ കഴിയും എന്നതിനെ ആശ്രയി​ച്ചാ​ണു നല്ല ബന്ധങ്ങളു​ണ്ടാ​കു​ന്നത്‌, അല്ലാതെ മറ്റുള്ളവർ നമുക്ക്‌ എന്തു തരും എന്നതിനെ ആശ്രയി​ച്ചല്ല. നിങ്ങളു​ടെ ജീവിതം സ്വാർഥത നിറഞ്ഞ​താ​ണെ​ങ്കിൽ മറ്റുള്ള​വ​രു​മാ​യുള്ള നിങ്ങളു​ടെ ബന്ധം നിങ്ങൾതന്നെ തകരാ​റി​ലാ​ക്കു​ക​യാണ്‌. ഉദാഹ​ര​ണ​ത്തിന്‌, സ്വന്തം താത്‌പ​ര്യം മാത്രം നോക്കി​പ്പോ​കുന്ന ഒരു ഇണ മറ്റേ ഇണയോട്‌ വിശ്വാ​സ​വഞ്ചന കാണി​ക്കാൻ സാധ്യത കൂടു​ത​ലാണ്‌. ഇനി, തനിക്കുള്ള കാര്യ​ങ്ങ​ളെ​ക്കു​റി​ച്ചും തനിക്ക്‌ അറിയാ​വുന്ന കാര്യ​ങ്ങ​ളെ​ക്കു​റി​ച്ചും എപ്പോ​ഴും പൊക്കി​പ്പ​റ​യുന്ന ഒരാളെ സുഹൃ​ത്താ​ക്കാൻ ആരും ആഗ്രഹി​ക്കില്ല. നല്ല വ്യക്തി​ത്വ​ത്തി​ലേ​ക്കുള്ള വഴി (ഇംഗ്ലീഷ്‌) എന്ന പുസ്‌തകം പറയുന്നു: “സ്വാർഥത നിർഭാ​ഗ്യ​ക​ര​മായ പല ദിശക​ളി​ലേ​ക്കും നയിക്കും.”

നിങ്ങൾക്കു ചെയ്യാ​നാ​കു​ന്നത്‌:

  • മറ്റുള്ള​വരെ സഹായി​ക്കുക. നല്ല സുഹൃ​ദ്‌ബ​ന്ധ​ങ്ങ​ളു​ടെ അടിത്തറ പരസ്‌പ​ര​വി​ശ്വാ​സ​വും കടപ്പാ​ടും ആണ്‌. മറ്റുള്ള​വരെ സഹായി​ക്കു​ന്ന​വർക്കു വിഷാദം കുറവാ​യി​രി​ക്കു​മെ​ന്നും അവരുടെ ആത്മാഭി​മാ​നം കൂടു​മെ​ന്നും ചില പഠനങ്ങൾ സൂചി​പ്പി​ക്കു​ന്നു.

  • സമാനു​ഭാ​വം കാണി​ക്കുക. മറ്റുള്ള​വ​രു​ടെ ഹൃദയ​ത്തി​ലെ വേദന നിങ്ങളു​ടെ ഹൃദയ​ത്തി​ലെ വേദന​യാ​ക്കി ചിന്തി​ക്കുക എന്നാണു സമാനു​ഭാ​വ​ത്തി​ന്റെ അർഥം. മറ്റുള്ള​വ​രോ​ടു സമാനു​ഭാ​വ​മു​ണ്ടെ​ങ്കിൽ അവരെ ‘കൊച്ചാ​ക്കി സംസാ​രി​ക്കു​ക​യോ’ കുത്തു​വാ​ക്കു​കൾ പറഞ്ഞു​കൊണ്ട്‌ അവരുടെ വികാ​ര​ങ്ങളെ മുറി​പ്പെ​ടു​ത്തു​ക​യോ ഇല്ല.

    സമാനു​ഭാ​വം കാണി​ക്കു​ന്നവർ ഇടുങ്ങിയ ചിന്താ​ഗ​തി​ക്കാ​രാ​യി​രി​ക്കില്ല. സമാനു​ഭാ​വം മുൻവി​ധി ഒഴിവാ​ക്കാ​നും വ്യത്യസ്‌ത പശ്ചാത്ത​ല​ത്തി​ലും സംസ്‌കാ​ര​ത്തി​ലും ഉള്ളവരെ സുഹൃ​ത്തു​ക്ക​ളാ​ക്കാ​നും സഹായി​ക്കും.

  •   മറ്റുള്ള​വ​രോ​ടൊ​പ്പം സമയം ചെലവ​ഴി​ക്കുക. നിങ്ങൾ എത്ര സമയം മറ്റുള്ള​വ​രോ​ടൊ​പ്പം ചെലവ​ഴി​ക്കു​ന്നോ അത്ര നന്നായി നിങ്ങൾക്ക്‌ അവരെ മനസ്സി​ലാ​ക്കാ​നാ​കും. നിങ്ങളെ ഒരാൾ കൂട്ടു​കാ​ര​നാ​ക്ക​ണ​മെ​ങ്കിൽ അദ്ദേഹ​ത്തിന്‌ ഇഷ്ടമുള്ള കാര്യ​ങ്ങ​ളെ​ക്കു​റിച്ച്‌ നിങ്ങൾ സംസാ​രി​ക്കണം. അതു​കൊണ്ട്‌ മറ്റുള്ളവർ സംസാ​രി​ക്കു​മ്പോൾ നന്നായി ശ്രദ്ധി​ക്കുക. അവരുടെ ആവശ്യ​ങ്ങ​ളി​ലും താത്‌പ​ര്യം കാണി​ക്കുക. ഈ അടുത്ത്‌ നടന്ന ഒരു പഠനം പറയു​ന്നത്‌, “അർഥവ​ത്തായ സംഭാ​ഷ​ണങ്ങൾ ആളുകളെ കൂടുതൽ സന്തോ​ഷ​മു​ള്ള​വ​രാ​ക്കി​യേ​ക്കാം” എന്നാണ്‌.

കൂട്ടു​കാ​രെ ശ്രദ്ധിച്ച്‌ തിര​ഞ്ഞെ​ടു​ക്കു​ക

ബൈബിൾത​ത്ത്വം: “ചീത്ത കൂട്ടു​കെട്ടു നല്ല ധാർമി​ക​മൂ​ല്യ​ങ്ങളെ നശിപ്പി​ക്കു​ന്നു.”​—1 കൊരി​ന്ത്യർ 15:33, അടിക്കു​റിപ്പ്‌.

അതിന്റെ അർഥം: നിങ്ങൾ ആരോ​ടൊ​പ്പ​മാ​ണോ കൂടുതൽ സമയം ചെലവ​ഴി​ക്കു​ന്നത്‌ അവർ നിങ്ങളെ ശരിക്കും സ്വാധീ​നി​ക്കും. അവർ നല്ലവരാ​ണെ​ങ്കിൽ നിങ്ങൾ അവരുടെ നല്ല ഗുണങ്ങൾ പഠിക്കും. അവർ മോശ​മാ​ണെ​ങ്കിൽ അവരുടെ മോശം ഗുണങ്ങ​ളും. മനുഷ്യ​സ്വ​ഭാ​വ​ത്തെ​ക്കു​റിച്ച്‌ പഠിക്കുന്ന ചിലർ പറയു​ന്നത്‌ ഒരാളു​ടെ കൂട്ടു​കാർ അയാളു​ടെ ജീവി​ത​ത്തി​ന്റെ പല മേഖല​ക​ളി​ലും സ്വാധീ​നം ചെലു​ത്തു​മെ​ന്നാണ്‌. ഉദാഹ​ര​ണ​മാ​യി അവർ പറയു​ന്നത്‌, നിങ്ങളു​ടെ കൂട്ടുകാർ പുകവലിക്കുന്നവരോ വിവാ​ഹ​മോ​ചനം നേടി​യ​വ​രോ ആണെങ്കിൽ നിങ്ങളും പുകവ​ലി​ക്കാ​നും വിവാ​ഹ​മോ​ചനം നേടാ​നും സാധ്യത കൂടു​ത​ലാണ്‌ എന്നാണ്‌.

നിങ്ങൾക്കു ചെയ്യാ​നാ​കു​ന്നത്‌: നിങ്ങൾ അനുക​രി​ക്കാൻ ആഗ്രഹി​ക്കുന്ന ഗുണങ്ങ​ളോ മൂല്യ​ങ്ങ​ളോ ഉള്ള ആളുകളെ കൂട്ടു​കാ​രാ​ക്കുക. ഉദാഹ​ര​ണ​ത്തിന്‌, നയമു​ള്ള​വ​രും ആദരവു​ള്ള​വ​രും ഉദാരമനസ്‌കരും അതിഥിപ്രിയരും ആയ ആളുക​ളു​മാ​യി കൂട്ടു​കൂ​ടു​ന്നതു നിങ്ങൾക്കു പ്രയോ​ജനം ചെയ്യും.

മറ്റു ബൈബിൾത​ത്ത്വ​ങ്ങൾ

ദമ്പതികളുടെയും കൗമാ​ര​ക്കാ​രു​ടെ​യും കുട്ടി​ക​ളു​ടെ​യും ജീവി​തത്തെ മെച്ച​പ്പെ​ടു​ത്താൻ സഹായി​ക്കുന്ന ബൈബി​ള​ധി​ഷ്‌ഠിത വീഡി​യോ​കൾ കാണുക

മറ്റുള്ളവരെ വേദനി​പ്പി​ക്കു​ന്ന​തൊ​ന്നും പറയാ​തി​രി​ക്കുക.

“ചിന്തി​ക്കാ​തെ സംസാ​രി​ക്കു​ന്നതു വാളു​കൊണ്ട്‌ കുത്തു​ന്ന​തു​പോ​ലെ​യാണ്‌.”​—സുഭാ​ഷി​തങ്ങൾ 12:18.

ഉദാരമനസ്‌കരായിരിക്കുക.

“ഔദാ​ര്യം കാണി​ക്കു​ന്ന​വനു സമൃദ്ധി ഉണ്ടാകും; ഉന്മേഷം പകരു​ന്ന​വന്‌ ഉന്മേഷം ലഭിക്കും.”​—സുഭാ​ഷി​തങ്ങൾ 11:25.

മറ്റുള്ളവരോടു നന്നായി പെരു​മാ​റുക.

“മറ്റുള്ളവർ നിങ്ങൾക്കു ചെയ്‌തു​ത​ര​ണ​മെന്നു നിങ്ങൾ ആഗ്രഹി​ക്കു​ന്ന​തെ​ല്ലാം അവർക്കും ചെയ്‌തു​കൊ​ടു​ക്കണം.”​—മത്തായി 7:12.