ആളുക​ളു​ടെ മനോ​ഭാ​വ​ത്തെ​യും ജീവി​ത​രീ​തി​യെ​യും “ആത്മീയത”യുമായി ബന്ധപ്പെ​ടു​ത്തി ബൈബിൾ സംസാ​രി​ക്കു​ന്നുണ്ട്‌. (യൂദ 18, 19) ആത്മീയ​ത​യി​ല്ലാ​ത്തവർ, അതായത്‌ ദൈവം വഴിന​ട​ത്തു​ന്നത്‌ ഇഷ്ടപ്പെ​ടാ​ത്തവർ, അവർക്കു തോന്നി​യ​തു​പോ​ലെ ജീവി​ക്കും. എന്നാൽ ദൈവ​ത്തി​ന്റെ മാർഗ​നിർദേശം ഇഷ്ടപ്പെ​ടു​ന്നവർ ദൈവ​ത്തി​ന്റെ നിലവാ​ര​ങ്ങൾക്കു വില കൽപ്പി​ക്കും.​—എഫെസ്യർ 5:1.

ബൈബിൾത​ത്ത്വം: “പ്രശ്‌നങ്ങൾ ഉണ്ടാകു​മ്പോൾ നീ തളർന്നു​പോ​യാൽ നിന്റെ ശക്തി​കൊണ്ട്‌ ഒരു പ്രയോ​ജ​ന​വു​മില്ല.”​—സുഭാ​ഷി​തങ്ങൾ 24:10, അടിക്കു​റിപ്പ്‌.

അതിന്റെ അർഥം: പ്രശ്‌നങ്ങൾ നേരി​ടാ​നുള്ള ശക്തി ചോർത്തി​ക്ക​ള​യാൻ നിരു​ത്സാ​ഹ​ത്തി​നു കഴിയും. അതേസ​മയം, പ്രത്യാശ ധൈര്യ​ത്തോ​ടെ മുന്നോ​ട്ടു പോകാൻ നമ്മളെ സഹായി​ക്കു​ന്നു. നമ്മുടെ മിക്ക പ്രശ്‌ന​ങ്ങ​ളും താത്‌കാ​ലി​ക​മാ​ണെന്ന കാര്യം ഓർക്കു​ന്നതു നമ്മളെ ആശ്വസി​പ്പി​ക്കും. ഒരുപക്ഷേ, ചില പ്രശ്‌നങ്ങൾ നമുക്കു ഗുണം ചെയ്‌തേ​ക്കാം.

നിങ്ങൾക്കു ചെയ്യാ​നാ​കു​ന്നത്‌: ശുഭാ​പ്‌തി​വി​ശ്വാ​സ​ത്തോ​ടെ ഭാവി​യി​ലേക്കു നോക്കുക. ഭാവി​യിൽ എന്തു സംഭവി​ച്ചേ​ക്കാം എന്ന്‌ ഓർത്ത്‌ വിഷമി​ക്കു​ന്ന​തി​നോ സാഹച​ര്യ​ങ്ങ​ളൊ​ക്കെ നേരെ​യാ​കാൻ കാത്തു​നിൽക്കു​ന്ന​തി​നോ പകരം നിങ്ങളു​ടെ ലക്ഷ്യങ്ങ​ളു​മാ​യി മുന്നോ​ട്ടു​പോ​കുക. എന്നാൽ ചില​പ്പോൾ “അപ്രതീ​ക്ഷി​ത​സം​ഭ​വ​ങ്ങ​ളും” ഉണ്ടാ​യേ​ക്കാം. (സഭാ​പ്ര​സം​ഗകൻ 9:11) അങ്ങനെ സംഭവി​ച്ചാ​ലും ഒരുപക്ഷേ നമ്മൾ വിചാ​രി​ക്കാത്ത വിധത്തിൽ കാര്യങ്ങൾ നേരെ​യാ​യേ​ക്കാം. ബൈബി​ളിൽ ഉപയോ​ഗി​ച്ചി​രി​ക്കുന്ന കൃഷി​യു​ടെ ഒരു ഉദാഹ​രണം നോക്കുക. “രാവിലെ നിന്റെ വിത്തു വിതയ്‌ക്കുക. വൈകു​ന്നേ​രം​വരെ നിന്റെ കൈക്കു വിശ്രമം കൊടു​ക്ക​രുത്‌; ഇതാണോ അതാണോ സഫലമാ​കുക, അതോ രണ്ടും ഒരു​പോ​ലെ സഫലമാ​കു​മോ, എന്നു നിനക്ക്‌ അറിയി​ല്ല​ല്ലോ.”—സഭാ​പ്ര​സം​ഗകൻ 11:6.

ബൈബിൾത​ത്ത്വം: ‘എനിക്കു വിവേകം തരേണമേ. . . . അങ്ങയുടെ വചനം സത്യമാണ്‌.’​—സങ്കീർത്തനം 119:144, 160.

അതിന്റെ അർഥം: പലയാ​ളു​ക​ളു​ടെ​യും മനസ്സി​ലുള്ള സുപ്ര​ധാ​ന​ചോ​ദ്യ​ങ്ങൾക്ക്‌ ബൈബിൾ ഉത്തരം തരുന്നു. ഉദാഹ​ര​ണ​ത്തിന്‌, പിൻവ​രു​ന്ന​തു​പോ​ലുള്ള ചോദ്യ​ങ്ങൾക്ക്‌:

• ഭൂമി​യിൽ നമ്മൾ എങ്ങനെ വന്നു?

• നമ്മളെ സൃഷ്ടി​ച്ച​തി​ന്റെ ഉദ്ദേശ്യം എന്താണ്‌?

• മരിക്കു​മ്പോൾ എന്തു സംഭവി​ക്കു​ന്നു?

• ജീവിതം ഇത്രയേ ഉള്ളോ?

ഇതും ഇതു​പോ​ലുള്ള മറ്റു ചോദ്യങ്ങൾക്കുമുള്ള ഉത്തരം ബൈബി​ളിൽനിന്ന്‌ മനസ്സി​ലാ​ക്കി​യ​തു​കൊണ്ട്‌ ലോക​മെ​ങ്ങു​മുള്ള കോടി​ക്ക​ണ​ക്കിന്‌ ആളുക​ളു​ടെ ജീവിതം മെച്ച​പ്പെ​ട്ടി​രി​ക്കു​ന്നു.

നിങ്ങൾക്കു ചെയ്യാ​നാ​കു​ന്നത്‌: ബൈബിൾ എന്താണു പഠിപ്പി​ക്കു​ന്ന​തെന്നു മനസ്സി​ലാ​ക്കാൻ സമയം കണ്ടെത്തുക. ബൈബിൾ പഠിക്കു​ന്ന​തി​നു നിങ്ങളെ സഹായി​ക്കാൻ യഹോ​വ​യു​ടെ സാക്ഷി​കൾക്കു സന്തോ​ഷമേ ഉള്ളൂ. ഞങ്ങളുടെ വെബ്‌​സൈ​റ്റായ jw.org സന്ദർശി​ക്കു​ക​യോ ഞങ്ങളുടെ മീറ്റി​ങ്ങി​നു പങ്കെടു​ക്കു​ക​യോ ചെയ്യുക. പ്രവേ​ശനം സൗജന്യ​മാണ്‌.

ദൈവവുമായി നല്ല ബന്ധമു​ണ്ടാ​യി​രി​ക്കേ​ണ്ട​തി​ന്റെ പ്രാധാ​ന്യം.

“ആത്മീയ​കാ​ര്യ​ങ്ങൾക്കാ​യി ദാഹി​ക്കു​ന്നവർ സന്തുഷ്ടർ.”​—മത്തായി 5:3.

ബൈബിളിൽ പറഞ്ഞി​രി​ക്കുന്ന ദൈവ​ത്തെ​ക്കു​റിച്ച്‌ കൂടുതൽ അറിയുക.

“തന്നെ മനുഷ്യർ അന്വേ​ഷി​ക്കാ​നും . . . കണ്ടെത്താ​നും ദൈവം ആഗ്രഹി​ക്കു​ന്നു. . . . ദൈവം നമ്മിൽ ആരിൽനി​ന്നും അകന്നി​രി​ക്കു​ന്നില്ല.”​—പ്രവൃ​ത്തി​കൾ 17:27.

ബൈബിൾ വായി​ക്കുക, ചിന്തി​ക്കുക.

“യഹോവയുടെ * നിയമ​മാണ്‌ അവന്‌ ആനന്ദം പകരു​ന്നത്‌. അവൻ അതു രാവും പകലും ധ്യാനി​ക്കു​ന്നു. . . . അവൻ ചെയ്യു​ന്ന​തെ​ല്ലാം സഫലമാ​കും.”​—സങ്കീർത്തനം 1:2, 3, അടിക്കു​റിപ്പ്‌.