2 രാജാക്കന്മാർ 13:1-25

13  യഹൂദാ​രാ​ജാ​വായ അഹസ്യയുടെ+ മകൻ യഹോവാശിന്റെ+ ഭരണത്തി​ന്റെ 23-ാം വർഷം യേഹു​വി​ന്റെ മകൻ യഹോവാഹാസ്‌+ ശമര്യ​യിൽ ഇസ്രാ​യേ​ലി​നു രാജാ​വാ​യി; അയാൾ 17 വർഷം ഭരിച്ചു.  അയാൾ യഹോ​വ​യു​ടെ മുമ്പാകെ തിന്മ ചെയ്‌തു​കൊ​ണ്ടി​രു​ന്നു. നെബാ​ത്തി​ന്റെ മകനായ യൊ​രോ​ബെ​യാം ഇസ്രാ​യേ​ലി​നെ​ക്കൊണ്ട്‌ ചെയ്യിച്ച പാപങ്ങൾ+ അയാളും ചെയ്‌തു; അയാൾ അതിൽനി​ന്ന്‌ വിട്ടു​മാ​റി​യില്ല.  അപ്പോൾ യഹോ​വ​യു​ടെ കോപം+ ഇസ്രാ​യേ​ലി​നു നേരെ ആളിക്കത്തി.+ ദൈവം അവരെ വീണ്ടും​വീ​ണ്ടും സിറിയൻ രാജാ​വായ ഹസായേലിന്റെയും+ ഹസാ​യേ​ലി​ന്റെ മകനായ ബൻ-ഹദദിന്റെയും+ കൈയിൽ ഏൽപ്പിച്ചു.  എന്നാൽ യഹോ​വാ​ഹാസ്‌ യഹോ​വ​യോ​ടു കരുണ​യ്‌ക്കു​വേണ്ടി അപേക്ഷി​ച്ചു. സിറിയൻ രാജാവ്‌ ഇസ്രാ​യേ​ലി​നെ കഷ്ടപ്പെ​ടു​ത്തു​ന്നതു കണ്ടതി​നാൽ യഹോവ യഹോ​വാ​ഹാ​സി​ന്റെ അപേക്ഷ കേട്ടു.+  സിറിയയുടെ പിടി​യിൽനിന്ന്‌ ഇസ്രാ​യേ​ലി​നെ വിടു​വി​ക്കാൻ യഹോവ അവർക്ക്‌ ഒരു രക്ഷകനെ നൽകി.+ അങ്ങനെ അവർക്ക്‌ അവരുടെ വീടു​ക​ളിൽ മുമ്പത്തെപ്പോലെ* താമസി​ക്കാൻ കഴിഞ്ഞു.  (എന്നാൽ യൊ​രോ​ബെ​യാം​ഗൃ​ഹ​ത്തി​ന്റെ പാപങ്ങ​ളിൽനിന്ന്‌, അതായത്‌ യൊ​രോ​ബെ​യാം ഇസ്രാ​യേ​ലി​നെ​ക്കൊണ്ട്‌ ചെയ്യിച്ച പാപങ്ങ​ളിൽനിന്ന്‌,+ വിട്ടു​മാ​റാ​തെ അവർ അതിൽത്തന്നെ തുടർന്നു.* പൂജാസ്‌തൂപം*+ അന്നും ശമര്യ​യിൽത്ത​ന്നെ​യു​ണ്ടാ​യി​രു​ന്നു.)  യഹോവാഹാസിന്റെ സൈന്യ​ത്തെ സിറിയൻ രാജാവ്‌ ചവിട്ടി​മെ​തിച്ച്‌ മെതി​ക്ക​ള​ത്തി​ലെ പൊടിപോലെയാക്കിയതുകൊണ്ട്‌+ യഹോ​വാ​ഹാ​സി​ന്റെ സൈന്യ​ത്തിൽ 50 കുതി​ര​പ്പ​ട​യാ​ളി​ക​ളും 10 രഥങ്ങളും 10,000 കാലാ​ളു​ക​ളും മാത്രമേ ശേഷി​ച്ചു​ള്ളൂ.  യഹോവാഹാസിന്റെ ബാക്കി ചരിത്രം, അയാൾ ചെയ്‌ത എല്ലാ കാര്യ​ങ്ങ​ളും അയാളു​ടെ വീരകൃ​ത്യ​ങ്ങ​ളും, ഇസ്രാ​യേൽരാ​ജാ​ക്ക​ന്മാ​രു​ടെ കാലത്തെ ചരി​ത്ര​പു​സ്‌ത​ക​ത്തിൽ രേഖ​പ്പെ​ടു​ത്തി​യി​ട്ടുണ്ട്‌.  പിന്നെ യഹോ​വാ​ഹാസ്‌ പൂർവി​ക​രെ​പ്പോ​ലെ അന്ത്യവി​ശ്ര​മം​കൊ​ണ്ടു. അവർ അയാളെ ശമര്യ​യിൽ അടക്കം ചെയ്‌തു.+ യഹോ​വാ​ഹാ​സി​ന്റെ മകൻ യഹോ​വാശ്‌ അടുത്ത രാജാ​വാ​യി. 10  യഹൂദാരാജാവായ യഹോ​വാ​ശി​ന്റെ ഭരണത്തി​ന്റെ 37-ാം വർഷം യഹോ​വാ​ഹാ​സി​ന്റെ മകൻ യഹോവാശ്‌+ ശമര്യ​യിൽ ഇസ്രാ​യേ​ലി​നു രാജാ​വാ​യി. യഹോ​വാശ്‌ 16 വർഷം ഭരണം നടത്തി. 11  അയാൾ യഹോ​വ​യു​ടെ മുമ്പാകെ തിന്മ ചെയ്‌തു​കൊ​ണ്ടി​രു​ന്നു. നെബാ​ത്തി​ന്റെ മകനായ യൊ​രോ​ബെ​യാം ഇസ്രാ​യേ​ലി​നെ​ക്കൊണ്ട്‌ ചെയ്യിച്ച പാപങ്ങളിൽനിന്ന്‌+ അയാൾ വിട്ടു​മാ​റി​യില്ല; അയാൾ ആ പാപങ്ങ​ളിൽ തുടർന്നു. 12  യഹോവാശിന്റെ ബാക്കി ചരിത്രം, അയാൾ ചെയ്‌ത എല്ലാ കാര്യ​ങ്ങ​ളും അയാളു​ടെ വീരകൃ​ത്യ​ങ്ങ​ളും അയാൾ യഹൂദാ​രാ​ജാ​വായ അമസ്യ​യോ​ടു പോരാ​ടി​യ​തും,+ ഇസ്രാ​യേൽരാ​ജാ​ക്ക​ന്മാ​രു​ടെ കാലത്തെ ചരി​ത്ര​പു​സ്‌ത​ക​ത്തിൽ രേഖ​പ്പെ​ടു​ത്തി​യി​ട്ടുണ്ട്‌. 13  യഹോവാശ്‌ പൂർവി​ക​രെ​പ്പോ​ലെ അന്ത്യവി​ശ്ര​മം​കൊ​ണ്ടു. തുടർന്ന്‌ യൊരോബെയാം*+ അയാളു​ടെ സിംഹാ​സ​ന​ത്തിൽ ഇരുന്നു. യഹോ​വാ​ശി​നെ ഇസ്രാ​യേൽരാ​ജാ​ക്ക​ന്മാ​രോ​ടൊ​പ്പം ശമര്യ​യിൽ അടക്കം ചെയ്‌തു.+ 14  അക്കാലത്ത്‌ എലീശയ്‌ക്കു+ മരണക​ര​മായ ഒരു രോഗം പിടി​പെട്ടു. (ഈ രോഗം കാരണ​മാ​ണു പിന്നീട്‌ എലീശ മരിച്ചത്‌.) അപ്പോൾ ഇസ്രാ​യേൽരാ​ജാ​വായ യഹോ​വാശ്‌ വന്ന്‌ എലീശയെ കണ്ട്‌, “എന്റെ പിതാവേ! എന്റെ പിതാവേ! ഇസ്രാ​യേ​ലി​ന്റെ രഥവും കുതി​ര​പ്പ​ട​യാ​ളി​ക​ളും!” എന്നു പറഞ്ഞ്‌ കരഞ്ഞു.+ 15  എലീശ അയാ​ളോട്‌, “അമ്പും വില്ലും എടുക്കുക” എന്നു പറഞ്ഞു. അയാൾ അമ്പും വില്ലും എടുത്തു. 16  പിന്നെ അയാ​ളോ​ടു പറഞ്ഞു: “നീ വില്ലു വളച്ച്‌ കെട്ടുക.” അയാൾ വില്ലു വളച്ച്‌ കെട്ടി. അപ്പോൾ രാജാ​വി​ന്റെ കൈയു​ടെ മുകളിൽ കൈ വെച്ചു​കൊണ്ട്‌ എലീശ 17  അയാളോടു പറഞ്ഞു: “കിഴ​ക്കോ​ട്ടുള്ള ജനൽ തുറക്കുക.” അയാൾ അതു തുറന്നു. എലീശ പറഞ്ഞു: “അമ്പ്‌ എയ്യുക.” അയാൾ എയ്‌തു. അപ്പോൾ എലീശ പറഞ്ഞു: “യഹോ​വ​യു​ടെ വിജയാ​സ്‌ത്രം! സിറി​യ​യു​ടെ മേലുള്ള വിജയ​ത്തി​ന്റെ അസ്‌ത്രം! നീ അഫേക്കിൽവെച്ച്‌+ സിറി​യയെ ആക്രമിച്ച്‌* അതിനെ പൂർണ​മാ​യി നശിപ്പി​ക്കും.” 18  പിന്നെ എലീശ പറഞ്ഞു: “അമ്പുകൾ എടുക്കുക.” അയാൾ എടുത്തു. എലീശ ഇസ്രാ​യേൽരാ​ജാ​വി​നോട്‌, “നിലത്ത്‌ അടിക്കുക” എന്നു പറഞ്ഞു. മൂന്നു പ്രാവ​ശ്യം നിലത്ത്‌ അടിച്ചി​ട്ട്‌ അയാൾ നിറുത്തി. 19  അപ്പോൾ ദൈവ​പു​രു​ഷൻ ദേഷ്യ​ത്തോ​ടെ അയാ​ളോ​ടു പറഞ്ഞു: “നീ അഞ്ചാറു പ്രാവ​ശ്യം നിലത്ത്‌ അടി​ക്കേ​ണ്ട​താ​യി​രു​ന്നു! അങ്ങനെ ചെയ്‌തി​രു​ന്നെ​ങ്കിൽ സിറി​യയെ പൂർണ​മാ​യി നശിപ്പി​ക്കാൻ നിനക്കു കഴി​ഞ്ഞേനേ. എന്നാൽ ഇനി നീ മൂന്നു പ്രാവ​ശ്യ​മേ സിറി​യയെ തോൽപ്പി​ക്കൂ.”+ 20  പിന്നീട്‌ എലീശ മരിച്ചു; അവർ എലീശയെ അടക്കം ചെയ്‌തു. അതിനു ശേഷം എല്ലാ വർഷത്തി​ന്റെ​യും തുടക്കത്തിൽ* മോവാ​ബ്യ​രു​ടെ കവർച്ചപ്പട+ വന്ന്‌ ദേശത്തെ ആക്രമി​ക്കു​മാ​യി​രു​ന്നു. 21  ഒരിക്കൽ കുറച്ച്‌ പേർ ചേർന്ന്‌ ഒരാളു​ടെ ശവം അടക്കു​മ്പോൾ കവർച്ചപ്പട വരുന്നതു കണ്ടു! അവർ ഉടനെ ആ ശവശരീ​രം എലീശയെ അടക്കിയ സ്ഥലത്ത്‌ ഇട്ടിട്ട്‌ ഓടി​ക്ക​ളഞ്ഞു. എലീശ​യു​ടെ അസ്ഥിക​ളിൽ തട്ടിയ​തും മരിച്ച ആൾ ജീവൻ വെച്ച്‌ എഴു​ന്നേ​റ്റു​നി​ന്നു.+ 22  യഹോവാഹാസിന്റെ കാല​ത്തെ​ല്ലാം സിറിയൻ രാജാ​വായ ഹസായേൽ+ ഇസ്രാ​യേ​ലി​നെ ദ്രോ​ഹി​ച്ചു​കൊ​ണ്ടി​രു​ന്നു.+ 23  എന്നാൽ അബ്രാഹാമിനോടും+ യിസ്‌ഹാക്കിനോടും+ യാക്കോബിനോടും+ ചെയ്‌ത ഉടമ്പടി നിമിത്തം യഹോ​വ​യ്‌ക്ക്‌ അവരോ​ടു താത്‌പ​ര്യം തോന്നി; ദൈവം അവരോ​ടു കരുണ​യും കനിവും കാണിച്ചു. അവരെ നശിപ്പി​ച്ചു​ക​ള​യാൻ മനസ്സു​വ​ന്നില്ല;+ ഇന്നുവരെ തന്റെ മുന്നിൽനി​ന്ന്‌ അവരെ നീക്കി​ക്ക​ള​ഞ്ഞി​ട്ടു​മില്ല. 24  സിറിയൻ രാജാ​വായ ഹസായേൽ മരിച്ച​പ്പോൾ അയാളു​ടെ മകൻ ബൻ-ഹദദ്‌ അടുത്ത രാജാ​വാ​യി. 25  പിന്നെ യഹോ​വാ​ഹാ​സി​ന്റെ മകനായ യഹോ​വാശ്‌, അപ്പനിൽനി​ന്ന്‌ ഹസായേൽ പിടി​ച്ചെ​ടുത്ത നഗരങ്ങൾ ഹസാ​യേ​ലി​ന്റെ മകനായ ബൻ-ഹദദിൽനി​ന്ന്‌ തിരി​ച്ചു​പി​ടി​ച്ചു. മൂന്നു പ്രാവ​ശ്യം യഹോ​വാശ്‌ അയാളെ ആക്രമിച്ച്‌*+ ഇസ്രാ​യേൽന​ഗ​രങ്ങൾ വീണ്ടെ​ടു​ത്തു.

അടിക്കുറിപ്പുകള്‍

അതായത്‌, സമാധാ​ന​ത്തോ​ടും സുരക്ഷി​ത​ത്വ​ത്തോ​ടും കൂടെ.
അക്ഷ. “അവൻ അതിൽ നടന്നു.”
പദാവലി കാണുക.
അതായത്‌, യൊ​രോ​ബെ​യാം രണ്ടാമൻ.
അഥവാ “തോൽപ്പി​ച്ച്‌.”
വസന്തകാലത്തെയായിരിക്കാം കുറി​ക്കു​ന്നത്‌.
അഥവാ “തോൽപ്പി​ച്ച്‌.”

പഠനക്കുറിപ്പുകൾ

ദൃശ്യാവിഷ്കാരം