2 തെസ്സലോനിക്യർ 2:1-17

2  എങ്കിലും സഹോ​ദ​ര​ങ്ങളേ, നമ്മുടെ കർത്താ​വായ യേശുക്രി​സ്‌തു​വി​ന്റെ സാന്നിധ്യത്തെക്കുറിച്ചും+ യേശു​വി​ന്റെ അടു​ത്തേക്കു നമ്മളെ കൂട്ടിച്ചേർക്കുന്നതിനെക്കുറിച്ചും+ ഞങ്ങൾക്കു പറയാ​നു​ള്ളത്‌ ഇതാണ്‌:  യഹോവയുടെ* ദിവസം+ എത്തിക്ക​ഴിഞ്ഞെന്ന്‌ അറിയി​ക്കുന്ന ഒരു അരുളപ്പാടോ*+ പറഞ്ഞു​കേട്ട ഒരു സന്ദേശ​മോ ഞങ്ങളു​ടേ​തെന്നു തോന്നി​ക്കുന്ന ഒരു കത്തോ കാരണം നിങ്ങൾ പെട്ടെന്നു സുബോ​ധം നഷ്ടപ്പെട്ട്‌ ആശയക്കു​ഴ​പ്പ​ത്തി​ലാ​കു​ക​യോ അസ്വസ്ഥ​രാ​കു​ക​യോ അരുത്‌.  ആരും ഒരു വിധത്തി​ലും നിങ്ങളെ വഴി​തെ​റ്റി​ക്കാ​തി​രി​ക്കട്ടെ.* കാരണം ആ ദിവസ​ത്തി​നു മുമ്പ്‌ വിശ്വാസത്യാഗം+ സംഭവി​ക്കു​ക​യും നാശപുത്രനായ+ നിയമനിഷേധി+ വെളിപ്പെ​ടു​ക​യും വേണം.  മനുഷ്യർ ദൈവം എന്നു വിളി​ക്കു​ന്ന​തോ ആരാധിക്കുന്നതോ* ആയ എല്ലാത്തിനെ​ക്കാ​ളും തന്നെത്തന്നെ ഉയർത്തി, എല്ലാവ​രുടെ​യും മുന്നിൽ ദൈവ​മാണെന്നു നടിച്ചു​കൊ​ണ്ട്‌ ദൈവ​ത്തി​ന്റെ ആലയത്തിൽ ഇരിക്കുന്ന ഒരു എതിരാ​ളി​യാണ്‌ അയാൾ.  നിങ്ങളുടെകൂടെയുണ്ടായിരുന്നപ്പോൾത്തന്നെ ഈ കാര്യ​ങ്ങളെ​ക്കു​റിച്ച്‌ ഞാൻ പറഞ്ഞി​രു​ന്നതു നിങ്ങൾ ഓർക്കു​ന്നി​ല്ലേ?  സമയത്തിനു മുമ്പ്‌ അയാൾ വെളിപ്പെ​ടാ​തി​രി​ക്കാൻ ഒരു തടസ്സമാ​യി നിൽക്കു​ന്നത്‌ എന്താ​ണെന്നു നിങ്ങൾക്ക്‌ ഇപ്പോൾ അറിയാ​മ​ല്ലോ.  നിയമലംഘനത്തിന്റെ ആ ശക്തി ഇപ്പോൾത്തന്നെ നിഗൂ​ഢ​മാ​യി പ്രവർത്തി​ക്കു​ന്നുണ്ട്‌.+ പക്ഷേ ഇപ്പോൾ തടസ്സമാ​യി നിൽക്കു​ന്നവൻ വഴിയിൽനി​ന്ന്‌ മാറു​ന്ന​തു​വരെ മാത്രമേ അതു നിഗൂ​ഢ​മാ​യി​രി​ക്കൂ.  തടസ്സം മാറു​മ്പോൾ ആ നിയമ​നിഷേധി വെളി​ച്ചത്ത്‌ വരും. അയാളെ കർത്താ​വായ യേശു തന്റെ വായിലെ ശ്വാസത്താൽ*+ നിഗ്ര​ഹി​ക്കും, തന്റെ സാന്നി​ധ്യം വ്യക്തമാ​കുന്ന സമയത്ത്‌+ ഒടുക്കി​ക്ക​ള​യും.  ആ നിയമ​നിഷേ​ധി​യു​ടെ സാന്നി​ധ്യം സാത്താന്റെ സ്വാധീനത്തിൽ+ ചെയ്യുന്ന എല്ലാ തരം വിസ്‌മ​യപ്ര​വൃ​ത്തി​കളോ​ടും വ്യാജ​മായ അടയാ​ള​ങ്ങളോ​ടും അത്ഭുതങ്ങളോടും+ 10  അനീതി നിറഞ്ഞ എല്ലാ തരം വഞ്ചനയോടും+ കൂടെ​യാ​യി​രി​ക്കും. ഇതെല്ലാം, നശിക്കാ​നി​രി​ക്കു​ന്ന​വരെ ലക്ഷ്യമാ​ക്കി​യു​ള്ള​താണ്‌. അത്‌ അവർക്കുള്ള ശിക്ഷയാ​യി​രി​ക്കും. കാരണം രക്ഷ നേടാൻവേണ്ടി അവർ സത്യത്തെ സ്‌നേ​ഹിച്ച്‌ അതു സ്വീക​രി​ച്ചി​ല്ല​ല്ലോ. 11  അതുകൊണ്ടാണ്‌ ഒരു തെറ്റായ സ്വാധീ​നം അവരെ വശീക​രി​ക്കാ​നും അങ്ങനെ അവർ നുണ വിശ്വസിക്കാനും+ ദൈവം അനുവ​ദി​ക്കു​ന്നത്‌. 12  അവർ സത്യം വിശ്വ​സി​ക്കാ​തെ അനീതി​യിൽ രസിച്ച​തി​ന്റെ പേരിൽ അവരെയെ​ല്ലാം ന്യായം വിധി​ക്കാ​നാ​ണു ദൈവം അത്‌ അനുവ​ദി​ക്കു​ന്നത്‌. 13  എന്നാൽ യഹോവയ്‌ക്കു* പ്രിയ​പ്പെട്ട സഹോ​ദ​ര​ങ്ങളേ, നിങ്ങൾക്കു​വേണ്ടി ദൈവ​ത്തിന്‌ എപ്പോ​ഴും നന്ദി കൊടു​ക്കാൻ ഞങ്ങൾ കടപ്പെ​ട്ടി​രി​ക്കു​ന്നു. കാരണം തന്റെ ആത്മാവി​നാ​ലുള്ള വിശുദ്ധീകരണത്താലും+ സത്യത്തി​ലുള്ള നിങ്ങളു​ടെ വിശ്വാ​സ​ത്താ​ലും രക്ഷയ്‌ക്കു​വേണ്ടി ദൈവം നിങ്ങളെ തുടക്ക​ത്തിൽത്തന്നെ തിര​ഞ്ഞെ​ടു​ത്ത​ല്ലോ.+ 14  നമ്മുടെ കർത്താ​വായ യേശുക്രി​സ്‌തു​വി​ന്റെ മഹത്ത്വം+ നിങ്ങളും നേടാൻവേ​ണ്ടി​യാ​ണു ഞങ്ങൾ അറിയി​ക്കുന്ന സന്തോ​ഷ​വാർത്ത​യി​ലൂ​ടെ ദൈവം നിങ്ങളെ രക്ഷയി​ലേക്കു വിളി​ച്ചത്‌. 15  അതുകൊണ്ട്‌ സഹോ​ദ​ര​ങ്ങളേ, വാക്കി​ലൂടെ​യോ കത്തിലൂടെ​യോ ഞങ്ങൾ നിങ്ങളെ പഠിപ്പിച്ച പാരമ്പ​ര്യം മുറുകെ പിടിക്കുകയും+ ഉറച്ചു​നിൽക്കു​ക​യും ചെയ്യുക.+ 16  നമ്മുടെ കർത്താ​വായ യേശുക്രി​സ്‌തു​വും, നമ്മളെ സ്‌നേഹിച്ച്‌+ തന്റെ അനർഹ​ദ​യ​യാൽ നമുക്കു നിത്യാ​ശ്വാ​സ​വും നല്ല ഒരു പ്രത്യാശയും+ തന്ന നമ്മുടെ പിതാ​വായ ദൈവ​വും 17  നിങ്ങളുടെ ഹൃദയ​ങ്ങൾക്ക്‌ ആശ്വാസം പകർന്ന്‌ എല്ലാ നല്ല കാര്യ​ങ്ങ​ളും ചെയ്യു​ന്ന​തി​നും പറയു​ന്ന​തി​നും നിങ്ങളെ ശക്തരാ​ക്കട്ടെ.*

അടിക്കുറിപ്പുകള്‍

അനു. എ5 കാണുക.
അഥവാ “ആത്മാവോ.” പദാവലി കാണുക.
അഥവാ “വശീക​രി​ക്കാ​തി​രി​ക്കട്ടെ.”
അഥവാ “ഭയഭക്തി​യോ​ടെ വീക്ഷി​ക്കു​ന്ന​തോ.”
അഥവാ “ആത്മാവി​നാൽ.”
അനു. എ5 കാണുക.
അഥവാ “ഉറപ്പു​ള്ള​വ​രാ​ക്കട്ടെ.”

പഠനക്കുറിപ്പുകൾ

ദൃശ്യാവിഷ്കാരം