1 രാജാക്കന്മാർ 19:1-21

19  ഏലിയ ചെയ്‌ത എല്ലാ കാര്യ​ങ്ങ​ളും പ്രവാ​ച​ക​ന്മാ​രെ​യെ​ല്ലാം ഏലിയ വാളു​കൊണ്ട്‌ കൊന്ന വിവരവും+ ആഹാബ്‌+ ഇസബേലിനോടു+ പറഞ്ഞു.  അപ്പോൾ ഇസബേൽ ഏലിയ​യു​ടെ അടുത്ത്‌ ഒരു ദൂതനെ അയച്ച്‌ ഇങ്ങനെ പറഞ്ഞു: “നാളെ ഈ സമയത്തി​നു​ള്ളിൽ ഞാൻ നിന്നെ അവരിൽ ഒരാ​ളെ​പ്പോ​ലെ​യാ​ക്കു​ന്നി​ല്ലെ​ങ്കിൽ എന്റെ ദൈവങ്ങൾ ഇതും ഇതില​ധി​ക​വും എന്നോടു ചെയ്യട്ടെ!”  അതു കേട്ട​പ്പോൾ ഏലിയ ആകെ പേടി​ച്ചു​പോ​യി. ഏലിയ ജീവനും​കൊണ്ട്‌ ഓടി+ യഹൂദയിലുള്ള+ ബേർ-ശേബയിൽ+ എത്തി. ദാസനെ അവിടെ വിട്ടിട്ട്‌ ഏലിയ  വിജനഭൂമിയിലൂടെ ഒരു ദിവസത്തെ വഴിദൂ​രം യാത്ര ചെയ്‌ത്‌ ഒരു കുറ്റി​ച്ചെ​ടി​യു​ടെ കീഴെ ചെന്ന്‌ ഇരുന്നു. മരിക്കാൻ ആഗ്രഹി​ച്ച്‌ ഇങ്ങനെ പറഞ്ഞു: “എനിക്കു മതിയാ​യി! യഹോവേ, എന്റെ ജീവ​നെ​ടു​ക്കേ​ണമേ!+ എന്റെ അവസ്ഥ എന്റെ പൂർവി​ക​രു​ടേ​തി​നെ​ക്കാൾ ഒട്ടും മെച്ചമ​ല്ല​ല്ലോ.”  ഏലിയ ആ കുറ്റി​ച്ചെ​ടി​യു​ടെ കീഴെ കിടന്ന്‌ ഉറക്കം​പി​ടി​ച്ചു. പെട്ടെന്ന്‌ ഒരു ദൈവ​ദൂ​തൻ ഏലിയയെ തട്ടിയുണർത്തി+ ഏലിയ​യോട്‌, “എഴു​ന്നേറ്റ്‌ ഭക്ഷണം കഴിക്കുക” എന്നു പറഞ്ഞു.+  ഏലിയ നോക്കി​യ​പ്പോൾ തലയ്‌ക്കൽ, ചൂടുള്ള കല്ലിൽ ഒരു അപ്പവും ഒരു പാത്ര​ത്തിൽ വെള്ളവും ഇരിക്കു​ന്നതു കണ്ടു. തിന്നു​ക​യും കുടി​ക്കു​ക​യും ചെയ്‌ത​ശേഷം ഏലിയ വീണ്ടും കിടന്നു​റങ്ങി.  പിന്നീട്‌ യഹോ​വ​യു​ടെ ദൂതൻ രണ്ടാം പ്രാവ​ശ്യ​വും വന്ന്‌ തട്ടിയു​ണർത്തി ഏലിയ​യോട്‌, “എഴു​ന്നേറ്റ്‌ ഭക്ഷണം കഴിക്കൂ, അല്ലെങ്കിൽ യാത്ര ചെയ്‌ത്‌ നീ തളർന്നു​പോ​കും” എന്നു പറഞ്ഞു.  അങ്ങനെ ഏലിയ എഴു​ന്നേറ്റ്‌ തിന്നു​ക​യും കുടി​ക്കു​ക​യും ചെയ്‌തു. ആ ഭക്ഷണത്തി​ന്റെ ബലം​കൊണ്ട്‌ 40 പകലും 40 രാത്രി​യും യാത്ര ചെയ്‌ത്‌ സത്യ​ദൈ​വ​ത്തി​ന്റെ പർവത​മായ ഹോരേബിൽ+ എത്തി.  അവിടെ ഒരു ഗുഹയിൽ+ രാത്രി​താ​മ​സി​ച്ചു. അപ്പോൾ ഏലിയ​യ്‌ക്ക്‌ യഹോ​വ​യിൽനിന്ന്‌ ഒരു സന്ദേശം ലഭിച്ചു. ദൈവം അവനോ​ട്‌, “ഏലിയാ, നീ ഇവിടെ എന്തു ചെയ്യുന്നു” എന്നു ചോദി​ച്ചു. 10  ഏലിയ പറഞ്ഞു: “സൈന്യ​ങ്ങ​ളു​ടെ ദൈവ​മായ യഹോ​വ​യ്‌ക്കു​വേണ്ടി ഞാൻ വളരെ ശുഷ്‌കാന്തി+ കാണിച്ചു. കാരണം ഇസ്രാ​യേൽ ജനം അങ്ങയുടെ ഉടമ്പടി+ മറക്കു​ക​യും അങ്ങയുടെ യാഗപീ​ഠങ്ങൾ ഇടിച്ചു​ക​ള​യു​ക​യും അങ്ങയുടെ പ്രവാ​ച​ക​ന്മാ​രെ വാളു​കൊണ്ട്‌ കൊല്ലുകയും+ ചെയ്‌തു; ഞാൻ മാത്രമേ ബാക്കി​യു​ള്ളൂ. ഇപ്പോൾ ഇതാ, അവർ എന്റെയും ജീവ​നെ​ടു​ക്കാൻ നോക്കു​ന്നു.”+ 11  എന്നാൽ ദൈവം പറഞ്ഞു: “നീ പുറത്ത്‌ ചെന്ന്‌ പർവത​ത്തിൽ യഹോ​വ​യു​ടെ മുമ്പാകെ നിൽക്കുക.” അപ്പോൾ അതാ, യഹോവ കടന്നു​പോ​കു​ന്നു!+ അതിശ​ക്ത​മായ ഒരു കൊടുങ്കാറ്റ്‌+ യഹോ​വ​യു​ടെ മുമ്പാകെ പർവത​ങ്ങളെ പിളർക്കു​ക​യും പാറ​ക്കെ​ട്ടു​കളെ തകർക്കു​ക​യും ചെയ്‌തു. എന്നാൽ ആ കാറ്റിൽ യഹോ​വ​യി​ല്ലാ​യി​രു​ന്നു. കാറ്റിനു ശേഷം ഒരു ഭൂകമ്പം ഉണ്ടായി.+ എന്നാൽ ഭൂകമ്പ​ത്തി​ലും യഹോ​വ​യു​ണ്ടാ​യി​രു​ന്നില്ല. 12  ഭൂകമ്പത്തിനു ശേഷം ഒരു തീ ഉണ്ടായി;+ എന്നാൽ ആ തീയി​ലും യഹോ​വ​യു​ണ്ടാ​യി​രു​ന്നില്ല. തീ അടങ്ങി​യ​പ്പോൾ ശാന്തമായ ഒരു മൃദുസ്വരം+ കേട്ടു. 13  അതു കേട്ട ഉടനെ ഏലിയ വസ്‌ത്രം​കൊണ്ട്‌ മുഖം മൂടി;+ പുറത്ത്‌ ഗുഹയു​ടെ വാതിൽക്കൽ വന്ന്‌ നിന്നു. അപ്പോൾ ഒരു ശബ്ദം ഏലിയ​യോട്‌, “ഏലിയാ, നീ ഇവിടെ എന്തു ചെയ്യുന്നു” എന്നു ചോദി​ച്ചു. 14  ഏലിയ പറഞ്ഞു: “സൈന്യ​ങ്ങ​ളു​ടെ ദൈവ​മായ യഹോ​വ​യ്‌ക്കു​വേണ്ടി ഞാൻ വളരെ ശുഷ്‌കാ​ന്തി കാണിച്ചു. കാരണം ഇസ്രാ​യേൽ ജനം അങ്ങയുടെ ഉടമ്പടി മറക്കുകയും+ അങ്ങയുടെ യാഗപീ​ഠങ്ങൾ ഇടിച്ചു​ക​ള​യു​ക​യും അങ്ങയുടെ പ്രവാ​ച​ക​ന്മാ​രെ വാളു​കൊണ്ട്‌ കൊല്ലു​ക​യും ചെയ്‌തു; ഞാൻ മാത്രമേ ബാക്കി​യു​ള്ളൂ. ഇപ്പോൾ ഇതാ, അവർ എന്റെയും ജീവ​നെ​ടു​ക്കാൻ നോക്കു​ന്നു.”+ 15  അപ്പോൾ യഹോവ ഏലിയ​യോ​ടു പറഞ്ഞു: “നീ തിരി​ച്ചു​പോ​കുക; ദമസ്‌കൊ​സ്‌ വിജന​ഭൂ​മി​യിൽ എത്തു​മ്പോൾ ഹസായേലിനെ+ സിറി​യ​യി​ലെ രാജാ​വാ​യി അഭിഷേകം* ചെയ്യുക. 16  കൂടാതെ, നിംശി​യു​ടെ കൊച്ചു​മ​ക​നായ യേഹുവിനെ+ ഇസ്രാ​യേ​ലി​ന്റെ രാജാ​വാ​യും ആബേൽ-മെഹോ​ല​യി​ലെ, ശാഫാ​ത്തി​ന്റെ മകനായ എലീശയെ* നിനക്കു പകരം പ്രവാ​ച​ക​നാ​യും നീ അഭി​ഷേകം ചെയ്യണം.+ 17  ഹസായേലിന്റെ വാളിൽനിന്ന്‌+ രക്ഷപ്പെ​ടു​ന്ന​വനെ യേഹു കൊല്ലും.+ യേഹു​വി​ന്റെ വാളിൽനി​ന്ന്‌ രക്ഷപ്പെ​ടു​ന്ന​വനെ എലീശ കൊല്ലും.+ 18  എന്നാൽ ബാലിനു മുമ്പാകെ മുട്ടുകുത്തുകയോ+ ബാലിനെ ചുംബിക്കുകയോ+ ചെയ്യാതെ എന്റെ പക്ഷത്ത്‌ നിൽക്കുന്ന 7,000 പേർ+ ഇസ്രാ​യേ​ലിൽ ബാക്കി​യുണ്ട്‌.” 19  അങ്ങനെ ഏലിയ അവി​ടെ​നിന്ന്‌ പോയി ശാഫാ​ത്തി​ന്റെ മകനായ എലീശയെ കണ്ടെത്തി. എലീശ അപ്പോൾ നിലം ഉഴുക​യാ​യി​രു​ന്നു. എലീശ​യു​ടെ മുന്നിൽ 12 ജോടി കാളക​ളു​ണ്ടാ​യി​രു​ന്നു, 12-ാമത്തെ ജോടി​യു​ടെ​കൂ​ടെ​യാ​യി​രു​ന്നു എലീശ. അപ്പോൾ ഏലിയ എലീശ​യു​ടെ അടു​ത്തേക്കു ചെന്ന്‌ തന്റെ പ്രവാചകവസ്‌ത്രം+ എലീശ​യു​ടെ മേൽ ഇട്ടു. 20  ഉടനെ എലീശ കാളകളെ വിട്ട്‌ ഏലിയ​യു​ടെ പിന്നാലെ ഓടി​ച്ചെന്ന്‌ പറഞ്ഞു: “ദയവു​ചെ​യ്‌ത്‌ എന്റെ അപ്പനെ​യും അമ്മയെ​യും ചുംബി​ക്കാൻ എന്നെ അനുവ​ദി​ക്കണം; പിന്നെ ഞാൻ വന്ന്‌ അങ്ങയെ അനുഗ​മി​ച്ചു​കൊ​ള്ളാം.” അപ്പോൾ ഏലിയ എലീശ​യോ​ടു പറഞ്ഞു: “പോയി വരൂ, ഞാൻ നിന്നെ തടഞ്ഞി​ല്ല​ല്ലോ?” 21  അങ്ങനെ എലീശ മടങ്ങി​ച്ചെന്ന്‌ ഒരു ജോടി കാളയെ ബലി അർപ്പിച്ചു. ഉഴുതു​കൊ​ണ്ടി​രുന്ന ഉപകര​ണങ്ങൾ കത്തിച്ച്‌ അവയുടെ ഇറച്ചി വേവിച്ച്‌ ആളുകൾക്കു കൊടു​ത്തു, അവർ കഴിച്ചു. അതിനു ശേഷം എലീശ എഴു​ന്നേറ്റ്‌ ഏലിയയെ അനുഗ​മിച്ച്‌ ഏലിയ​യ്‌ക്കു ശുശ്രൂഷ ചെയ്‌തു.+

അടിക്കുറിപ്പുകള്‍

പദാവലി കാണുക.
അർഥം: “ദൈവം രക്ഷയാണ്‌.”

പഠനക്കുറിപ്പുകൾ

ദൃശ്യാവിഷ്കാരം