സുഭാഷിതങ്ങൾ 14:1-35

14  ബുദ്ധി​യുള്ള സ്‌ത്രീ തന്റെ കുടും​ബം പണിയു​ന്നു;+എന്നാൽ വിഡ്‌ഢി​യായ സ്‌ത്രീ സ്വന്തം കൈ​കൊണ്ട്‌ അതു തകർത്തു​ക​ള​യു​ന്നു.   നേരോടെ നടക്കു​ന്നവർ യഹോ​വയെ ഭയപ്പെ​ടു​ന്നു;എന്നാൽ വളഞ്ഞ വഴിക​ളി​ലൂ​ടെ നടക്കു​ന്നവർ ദൈവത്തെ നിന്ദി​ക്കു​ന്നു.   വിഡ്‌ഢിയുടെ വായിൽ അഹങ്കാ​ര​ത്തി​ന്റെ വടിയു​ണ്ട്‌;എന്നാൽ ബുദ്ധി​മാ​ന്മാ​രെ അവരുടെ വായ്‌ സംരക്ഷി​ക്കും.   കന്നുകാലികളില്ലാത്തപ്പോൾ പുൽത്തൊ​ട്ടി വൃത്തി​യാ​യി​രി​ക്കും;എന്നാൽ കാളയു​ടെ കരുത്തു ധാരാളം വിളവ്‌ നൽകും.   വിശ്വസ്‌തനായ സാക്ഷി നുണ പറയില്ല;എന്നാൽ കള്ളസാക്ഷി നാവെടുത്താൽ* നുണയേ പറയൂ.+   പരിഹാസി ജ്ഞാനം തേടു​ന്നെ​ങ്കി​ലും കണ്ടെത്തു​ന്നില്ല;എന്നാൽ വകതി​രി​വു​ള്ളവൻ എളുപ്പം അറിവ്‌ നേടുന്നു.+   വിഡ്‌ഢിയിൽനിന്ന്‌ അകന്നു​നിൽക്കുക;അവന്റെ വായിൽ നിനക്കു ജ്ഞാനം കാണാ​നാ​കില്ല.+   വിവേകമുള്ളവൻ ജ്ഞാനത്താൽ താൻ പോകുന്ന വഴി മനസ്സി​ലാ​ക്കു​ന്നു;എന്നാൽ വിഡ്‌ഢി​കൾ തങ്ങളുടെ വിഡ്‌ഢി​ത്തം നിമിത്തം കബളി​പ്പി​ക്ക​പ്പെ​ടു​ന്നു.*+   മണ്ടന്മാർ തെറ്റുകൾ* ചിരി​ച്ചു​ത​ള്ളു​ന്നു;+എന്നാൽ നേരു​ള്ളവർ രമ്യത​യി​ലാ​കാൻ തയ്യാറാ​ണ്‌.* 10  ഹൃദയത്തിനു മാത്രമേ സ്വന്തം വേദന മനസ്സി​ലാ​കൂ;അതിന്റെ സന്തോ​ഷ​ത്തിൽ പങ്കു​ചേ​രാ​നും മറ്റാർക്കു​മാ​കില്ല. 11  ദുഷ്ടന്റെ വീടു നശിച്ചു​പോ​കും;+എന്നാൽ നേരു​ള്ള​വന്റെ കൂടാരം ഐശ്വ​ര്യ​സ​മൃ​ദ്ധ​മാ​കും. 12  ഒരു വഴി ശരിയാ​ണെന്നു ചില​പ്പോൾ ഒരുവനു തോന്നും;+എന്നാൽ അതു ചെന്നെ​ത്തു​ന്നതു മരണത്തി​ലാ​യി​രി​ക്കും.+ 13  ചിരിക്കുമ്പോഴും ഹൃദയം വേദനി​ക്കു​ക​യാ​യി​രി​ക്കാം;ആഹ്ലാദം ദുഃഖ​ത്തിൽ അവസാ​നി​ച്ചേ​ക്കാം. 14  വഴിപിഴച്ച ഹൃദയ​മു​ള്ളവൻ തന്റെ വഴിക​ളു​ടെ ഫലം കൊയ്യും;+എന്നാൽ നല്ല മനുഷ്യൻ തന്റെ പ്രവൃ​ത്തി​ക​ളു​ടെ ഫലം ആസ്വദി​ക്കും.+ 15  അനുഭവജ്ഞാനമില്ലാത്തവൻ* കേൾക്കു​ന്ന​തെ​ല്ലാം വിശ്വ​സി​ക്കു​ന്നു;എന്നാൽ വിവേ​ക​മു​ള്ളവൻ ഓരോ കാലടി​യും ശ്രദ്ധ​യോ​ടെ വെക്കുന്നു.+ 16  ബുദ്ധിയുള്ള മനുഷ്യൻ ജാഗ്ര​ത​യു​ള്ളവൻ, അവൻ തിന്മയിൽനി​ന്ന്‌ മാറി​ന​ട​ക്കു​ന്നു;എന്നാൽ വിഡ്‌ഢി അതിരു കവിഞ്ഞ ആത്മവി​ശ്വാ​സ​മു​ള്ള​വ​നും എടുത്തുചാട്ടക്കാരനും* ആണ്‌. 17  പെട്ടെന്നു കോപി​ക്കു​ന്നവൻ വിഡ്‌ഢി​ത്തം കാട്ടുന്നു;+എന്നാൽ ചിന്തിച്ച്‌ പ്രവർത്തി​ക്കു​ന്ന​വനെ ആളുകൾ വെറു​ക്കു​ന്നു. 18  വിഡ്‌ഢിത്തമായിരിക്കും അനുഭവജ്ഞാനമില്ലാത്തവന്റെ* അവകാശം;എന്നാൽ വിവേകി ജ്ഞാനത്തി​ന്റെ കിരീടം അണിയും.+ 19  ചീത്ത മനുഷ്യർ നല്ലവരു​ടെ മുമ്പാകെ കുമ്പി​ടേ​ണ്ടി​വ​രും;ദുഷ്ടന്മാർ നീതി​മാ​ന്മാ​രു​ടെ വാതിൽക്കൽ വന്ന്‌ കുമ്പി​ടും. 20  ദരിദ്രനെ അയൽക്കാർപോ​ലും വെറു​ക്കു​ന്നു;+എന്നാൽ പണക്കാ​രന്‌ അനേകം കൂട്ടു​കാ​രു​ണ്ടാ​യി​രി​ക്കും.+ 21  അയൽക്കാരനെ പുച്ഛി​ക്കു​ന്നവൻ പാപം ചെയ്യുന്നു;എന്നാൽ എളിയ​വ​നോ​ടു കരുണ കാണി​ക്കു​ന്നവൻ സന്തുഷ്ടൻ.+ 22  ദ്രോഹിക്കാൻ പദ്ധതി​യി​ടു​ന്ന​വന്‌ അലഞ്ഞു​ന​ട​ക്കേ​ണ്ടി​വ​രും; എന്നാൽ നന്മ ചെയ്യാൻ ആഗ്രഹ​മു​ള്ള​വർക്ക്‌ അചഞ്ചല​സ്‌നേ​ഹ​വും വിശ്വ​സ്‌ത​ത​യും പകരം കിട്ടും.+ 23  കഠിനാധ്വാനം ചെയ്‌താൽ പ്രയോ​ജനം ലഭിക്കും;എന്നാൽ വെറുതേ വാചക​മ​ടി​ക്കു​ന്ന​തു​കൊണ്ട്‌ ദാരി​ദ്ര്യ​മേ ഉണ്ടാകൂ.+ 24  ബുദ്ധിയുള്ളവരുടെ കിരീടം അവരുടെ സമ്പത്താണ്‌;എന്നാൽ വിഡ്‌ഢി​ക​ളു​ടെ വിഡ്‌ഢി​ത്തം വിഡ്‌ഢി​ത്ത​ത്തി​ലേക്കേ നയിക്കൂ.+ 25  സത്യസന്ധനായ സാക്ഷി ജീവൻ രക്ഷിക്കു​ന്നു;എന്നാൽ വഞ്ചകൻ നാവെടുത്താൽ* നുണയേ പറയൂ. 26  യഹോവയോടു ഭയഭക്തി​യു​ള്ളവൻ എല്ലാത്തി​ലും ദൈവത്തെ ആശ്രയി​ക്കും;+അത്‌ അവന്റെ മക്കൾക്ക്‌ ഒരു സുരക്ഷി​ത​സ്ഥാ​ന​മാണ്‌.+ 27  യഹോവയോടുള്ള ഭയഭക്തി ജീവന്റെ ഉറവയാ​ണ്‌;അതു മരണത്തി​ന്റെ കുടു​ക്കു​ക​ളിൽനിന്ന്‌ രക്ഷിക്കു​ന്നു. 28  അനേകം പ്രജക​ളു​ള്ളതു രാജാ​വി​നു മഹത്ത്വം;+എന്നാൽ പ്രജക​ളി​ല്ലാത്ത ഭരണാ​ധി​പൻ നശിച്ചു​പോ​കു​ന്നു. 29  പെട്ടെന്നു കോപി​ക്കാ​ത്ത​വനു നല്ല വകതി​രി​വുണ്ട്‌;+എന്നാൽ മുൻകോ​പി വിഡ്‌ഢി​ത്തം കാണി​ക്കു​ന്നു.+ 30  ശാന്തഹൃദയം ശരീര​ത്തി​നു ജീവ​നേ​കു​ന്നു;*എന്നാൽ അസൂയ അസ്ഥികളെ ദ്രവി​പ്പി​ക്കു​ന്നു.+ 31  എളിയവനെ കബളി​പ്പി​ക്കു​ന്നവൻ സ്രഷ്ടാ​വി​നെ പരിഹ​സി​ക്കു​ന്നു;+എന്നാൽ ദരി​ദ്ര​നോ​ടു കരുണ കാണി​ക്കു​ന്നവൻ ദൈവത്തെ മഹത്ത്വ​പ്പെ​ടു​ത്തു​ന്നു.+ 32  ദുഷ്ടന്റെ ദുഷ്ടത​തന്നെ അവനെ നശിപ്പി​ക്കും;എന്നാൽ നീതി​മാൻ തന്റെ നിഷ്‌കളങ്കതയിൽ* സുരക്ഷി​ത​ത്വം കണ്ടെത്തും.+ 33  വകതിരിവുള്ളവന്റെ ഹൃദയ​ത്തിൽ ജ്ഞാനം സ്വസ്ഥമാ​യി വിശ്ര​മി​ക്കു​ന്നു;+എന്നാൽ വിഡ്‌ഢി​കൾക്ക്‌ അതു വിളമ്പി​യാ​ലേ സമാധാ​ന​മാ​കൂ. 34  നീതി ഒരു ജനതയ്‌ക്കു മഹത്ത്വം നൽകുന്നു;+എന്നാൽ പാപം ജനത്തിന്‌ അപമാനം. 35  ഉൾക്കാഴ്‌ചയുള്ള ദാസ​നോ​ടു രാജാ​വി​നു പ്രിയം തോന്നു​ന്നു;+എന്നാൽ നാണം​കെട്ട കാര്യങ്ങൾ ചെയ്യു​ന്ന​വ​നോ​ടു രാജാവ്‌ കോപി​ക്കു​ന്നു.+

അടിക്കുറിപ്പുകള്‍

അഥവാ “ഓരോ ശ്വാസ​ത്തി​ലും.”
മറ്റൊരു സാധ്യത “വിഡ്‌ഢി​ത്തം ഉപയോ​ഗി​ച്ച്‌ മറ്റുള്ള​വരെ കബളി​പ്പി​ക്കു​ന്നു.”
അഥവാ “രമ്യത​യി​ലാ​കു​ന്ന​തി​നെ.”
അഥവാ “നേരു​ള്ള​വർക്കു സത്‌പേ​രു​ണ്ട്‌.”
അഥവാ “വിവരം​കെ​ട്ടവൻ.”
അഥവാ “കോപി​ഷ്‌ഠ​നും.”
അഥവാ “വിവരം​കെ​ട്ട​വന്റെ.”
അഥവാ “ഓരോ ശ്വാസ​ത്തി​ലും.”
അഥവാ “ആരോ​ഗ്യ​മേ​കു​ന്നു.”
അഥവാ “ധർമനി​ഷ്‌ഠ​യിൽ.” പദാവ​ലി​യിൽ “ധർമനി​ഷ്‌ഠ” കാണുക.

പഠനക്കുറിപ്പുകൾ

ദൃശ്യാവിഷ്കാരം