സഭാപ്രസംഗകൻ 2:1-26

2  “ഞാനൊ​ന്ന്‌ ആനന്ദി​ച്ചു​ല്ല​സി​ക്കട്ടെ; അതു​കൊണ്ട്‌ എന്തു നേട്ടമു​ണ്ടെന്നു നോക്കാം” എന്നു ഞാൻ മനസ്സിൽ പറഞ്ഞു. പക്ഷേ അതും വ്യർഥ​ത​യാ​യി​രു​ന്നു.   ചിരിയെക്കുറിച്ച്‌, “അതു ഭ്രാന്ത്‌!” എന്നും ആനന്ദ​ത്തെ​ക്കു​റിച്ച്‌, “അതു​കൊണ്ട്‌ എന്തു പ്രയോ​ജനം” എന്നും ഞാൻ പറഞ്ഞു.  ജ്ഞാനം കൈവി​ടാ​തെ​തന്നെ ഞാൻ വീഞ്ഞു കുടിച്ച്‌ രസിച്ച്‌+ ഹൃദയം​കൊണ്ട്‌ സൂക്ഷ്‌മ​വി​ശ​ക​ലനം നടത്തി. ആകാശ​ത്തിൻകീ​ഴെ​യുള്ള ചുരു​ങ്ങിയ ആയുസ്സു​കൊണ്ട്‌ മനുഷ്യർക്കു ചെയ്യാ​നാ​കുന്ന ഏറ്റവും ഉത്തമമായ കാര്യം എന്തെന്ന്‌ അറിയാൻ ഞാൻ വിഡ്‌ഢി​ത്ത​ത്തി​ന്റെ പുറ​കേ​പോ​ലും പോയി.  ഞാൻ മഹത്തായ സംരം​ഭ​ങ്ങ​ളിൽ ഏർപ്പെട്ടു.+ എനിക്കു​വേണ്ടി അരമനകൾ പണിതു.+ മുന്തി​രി​ത്തോ​ട്ടങ്ങൾ നട്ടുണ്ടാ​ക്കി.+  ഞാൻ എനിക്കു​വേണ്ടി തോട്ട​ങ്ങ​ളും ഉദ്യാ​ന​ങ്ങ​ളും ഉണ്ടാക്കി. അവയിൽ എല്ലാ തരം ഫലവൃ​ക്ഷ​ങ്ങ​ളും നട്ടുപി​ടി​പ്പി​ച്ചു.  വൃക്ഷത്തൈകൾ തഴച്ചു​വ​ള​രുന്ന തോപ്പു* നനയ്‌ക്കാൻ ഞാൻ കുളങ്ങ​ളും കുഴിച്ചു.  ഞാൻ ദാസന്മാ​രെ​യും ദാസി​മാ​രെ​യും സമ്പാദി​ച്ചു.+ എന്റെ വീട്ടിൽ പിറന്ന ദാസരും* എനിക്കു​ണ്ടാ​യി​രു​ന്നു. ഞാൻ വൻതോ​തിൽ കന്നുകാ​ലി​ക്കൂ​ട്ട​ങ്ങ​ളെ​യും ആട്ടിൻപ​റ്റ​ങ്ങ​ളെ​യും സമ്പാദി​ച്ചു.+ അങ്ങനെ, യരുശ​ലേ​മി​ലെ എന്റെ ഏതു പൂർവി​ക​നെ​ക്കാ​ളും കൂടുതൽ മൃഗസ​മ്പത്ത്‌ എനിക്കു സ്വന്തമാ​യി.  ഞാൻ എനിക്കു​വേണ്ടി സ്വർണ​വും വെള്ളിയും+ രാജാ​ക്ക​ന്മാ​രു​ടെ​യും സംസ്ഥാ​ന​ങ്ങ​ളു​ടെ​യും വിശേഷസമ്പത്തും*+ സ്വരൂ​പി​ച്ചു​വെച്ചു. ഞാൻ ഗായക​ന്മാ​രെ​യും ഗായി​ക​മാ​രെ​യും സ്വന്തമാ​ക്കി. ഒപ്പം, പുരു​ഷന്‌ ആനന്ദകാ​ര​ണ​മായ സ്‌ത്രീ​യെ, എന്തിന്‌, അനേകം സ്‌ത്രീ​ക​ളെ​ത്തന്നെ ഞാൻ സ്വന്തമാ​ക്കി.  അങ്ങനെ, ഞാൻ മഹാനും യരുശ​ലേ​മിൽ എനിക്കു മുമ്പു​ണ്ടാ​യി​രുന്ന ആരെക്കാ​ളും ഉന്നതനും ആയി വളർന്നു.+ എന്റെ ജ്ഞാനമോ എന്നിൽത്ത​ന്നെ​യു​ണ്ടാ​യി​രു​ന്നു. 10  ആഗ്രഹിച്ചതൊന്നും* ഞാൻ എനിക്കു നിഷേ​ധി​ച്ചില്ല.+ ആനന്ദ​മേ​കു​ന്ന​തൊ​ന്നും ഞാൻ ഹൃദയ​ത്തി​നു വിലക്കി​യില്ല. കാരണം എന്റെ കഠിനാ​ധ്വാ​ന​ത്തെ​പ്രതി എന്റെ ഹൃദയം നല്ല ആഹ്ലാദ​ത്തി​ലാ​യി​രു​ന്നു. ഇതായി​രു​ന്നു എന്റെ എല്ലാ കഠിനാ​ധ്വാ​ന​ത്തി​നും എനിക്കു കിട്ടിയ പ്രതി​ഫലം.*+ 11  പക്ഷേ, ഞാൻ എന്റെ കൈക​ളു​ടെ പ്രയത്‌ന​ത്തെ​യും കഠിനാ​ധ്വാ​ന​ത്തെ​യും കുറിച്ച്‌ ചിന്തി​ച്ച​പ്പോൾ,+ എല്ലാം വ്യർഥ​മാ​ണെന്നു കണ്ടു. അവയെ​ല്ലാം കാറ്റിനെ പിടി​ക്കാ​നുള്ള ഓട്ടം മാത്രം.+ വാസ്‌ത​വ​ത്തിൽ, മൂല്യമുള്ളതായി* സൂര്യനു കീഴെ ഒന്നുമില്ല.+ 12  പിന്നെ ഞാൻ ജ്ഞാനത്തി​ലേ​ക്കും വിഡ്‌ഢി​ത്ത​ത്തി​ലേ​ക്കും ഭ്രാന്തി​ലേ​ക്കും ശ്രദ്ധ തിരിച്ചു.+ (രാജാ​വി​നു ശേഷം വരുന്ന​യാൾക്ക്‌ എന്തു ചെയ്യാ​നാ​കും? നേരത്തേ ചെയ്‌തി​ട്ടുള്ള കാര്യ​ങ്ങ​ള​ല്ലാ​തെ മറ്റൊ​ന്നു​മില്ല.) 13  ഇരുളിനെക്കാൾ വെളിച്ചം പ്രയോ​ജ​ന​ക​ര​മാ​യി​രി​ക്കു​ന്ന​തു​പോ​ലെ വിഡ്‌ഢി​ത്ത​ത്തെ​ക്കാൾ ജ്ഞാനം പ്രയോജനകരമെന്നു+ ഞാൻ കണ്ടു. 14  ബുദ്ധിയുള്ളവനു തലയിൽ കണ്ണുണ്ട്‌.*+ മണ്ടന്മാ​രോ ഇരുളിൽ നടക്കുന്നു.+ അവർക്കെ​ല്ലാം സംഭവി​ക്കാ​നി​രി​ക്കു​ന്നത്‌ ഒന്നുത​ന്നെ​യെ​ന്നും ഞാൻ മനസ്സി​ലാ​ക്കി.+ 15  “മണ്ടന്മാർക്കു സംഭവി​ക്കു​ന്ന​തു​തന്നെ എനിക്കും സംഭവി​ക്കും”+ എന്നു ഞാൻ ഹൃദയ​ത്തിൽ പറഞ്ഞു. അങ്ങനെ​യെ​ങ്കിൽ അതിബു​ദ്ധി​മാ​നാ​യ​തു​കൊണ്ട്‌ ഞാൻ എന്തു നേടി? അതു​കൊണ്ട്‌, “ഇതും വ്യർഥ​ത​തന്നെ” എന്നു ഞാൻ ഹൃദയ​ത്തിൽ പറഞ്ഞു. 16  ബുദ്ധിമാന്മാരായാലും മണ്ടന്മാ​രാ​യാ​ലും അവരെ​യൊ​ന്നും എന്നെന്നും ഓർമി​ക്കി​ല്ല​ല്ലോ.+ ക്രമേണ എല്ലാവ​രെ​യും ആളുകൾ മറന്നു​പോ​കും. ബുദ്ധി​മാ​ന്റെ മരണവും മണ്ടന്മാ​രു​ടേ​തു​പോ​ലെ​തന്നെ.+ 17  അങ്ങനെ, സൂര്യനു കീഴെ സംഭവി​ക്കു​ന്ന​തെ​ല്ലാം വേദനാ​ജ​ന​ക​മാ​യി തോന്നി​യ​തു​കൊണ്ട്‌ ഞാൻ ജീവിതം വെറുത്തു.+ എല്ലാം വ്യർഥ​മാണ്‌,+ കാറ്റിനെ പിടി​ക്കാ​നുള്ള ഓട്ടം മാത്രം.+ 18  സൂര്യനു കീഴെ ഞാൻ എന്തി​നൊ​ക്കെ​വേണ്ടി കഠിനാ​ധ്വാ​നം ചെയ്‌തോ അവയെ എല്ലാം ഞാൻ വെറുത്തു.+ കാരണം എനിക്കു ശേഷം വരുന്ന​വ​നു​വേണ്ടി അവയെ​ല്ലാം ഞാൻ വിട്ടി​ട്ടു​പോ​ക​ണ​മ​ല്ലോ.+ 19  അവൻ ബുദ്ധി​മാ​നോ വിഡ്‌ഢി​യോ എന്ന്‌ ആർക്ക്‌ അറിയാം?+ അവൻ എങ്ങനെ​യു​ള്ള​വ​നാ​യാ​ലും ഞാൻ വളരെ ശ്രമം ചെയ്‌ത്‌ ജ്ഞാനം ഉപയോ​ഗിച്ച്‌ സൂര്യനു കീഴെ സമ്പാദി​ച്ച​തെ​ല്ലാം അവൻ കൈയ​ട​ക്കും. ഇതും വ്യർഥ​ത​യാണ്‌. 20  സൂര്യനു കീഴെ ഞാൻ ചെയ്‌ത കഠിനാ​ധ്വാ​ന​ത്തെ​ക്കു​റി​ച്ചെ​ല്ലാം ഓർത്ത്‌ എന്റെ ഹൃദയം നിരാ​ശ​യി​ലാ​യി. 21  ജ്ഞാനത്തോടെയും അറി​വോ​ടെ​യും വൈദ​ഗ്‌ധ്യ​ത്തോ​ടെ​യും ഒരു മനുഷ്യൻ കഠിനാ​ധ്വാ​നം ചെയ്‌തേ​ക്കാം. പക്ഷേ, താൻ നേടി​യ​തെ​ല്ലാം അതിനു​വേണ്ടി അധ്വാ​നി​ക്കാത്ത ഒരാൾക്കു വിട്ടു​കൊ​ടു​ക്കേ​ണ്ടി​വ​രും.+ ഇതും വ്യർഥ​ത​യും വലിയ ദുരന്ത​വും ആണ്‌. 22  വാസ്‌തവത്തിൽ, ഒരു മനുഷ്യ​നു സൂര്യനു കീഴെ​യുള്ള തന്റെ എല്ലാ കഠിനാ​ധ്വാ​നം​കൊ​ണ്ടും അതിനു പ്രേരി​പ്പി​ക്കുന്ന അതിമോഹംകൊണ്ടും* എന്തു നേട്ടമാ​ണു​ള്ളത്‌?+ 23  ജീവിതകാലം മുഴുവൻ അവൻ ചെയ്യുന്ന കാര്യങ്ങൾ നിരാ​ശ​യ്‌ക്കും മനഃ​ക്ലേ​ശ​ത്തി​നും കാരണ​മാ​കു​ന്നു.+ രാത്രി​യിൽപ്പോ​ലും അവന്റെ ഹൃദയ​ത്തി​നു സ്വസ്ഥത​യില്ല.+ ഇതും വ്യർഥ​ത​യാണ്‌. 24  തിന്നുകയും കുടി​ക്കു​ക​യും അധ്വാ​ന​ത്തിൽ ആസ്വാ​ദനം കണ്ടെത്തു​ക​യും ചെയ്യു​ന്ന​തി​നെ​ക്കാൾ മെച്ചമാ​യി മനുഷ്യ​ന്‌ ഒന്നുമില്ല.+ പക്ഷേ ഇതും സത്യ​ദൈ​വ​ത്തി​ന്റെ കൈക​ളിൽനി​ന്നാ​ണെന്നു ഞാൻ തിരി​ച്ച​റി​ഞ്ഞി​രി​ക്കു​ന്നു.+ 25  എന്നെക്കാൾ മെച്ചമാ​യി തിന്നു​ക​യും കുടി​ക്കു​ക​യും ചെയ്യുന്ന വേറെ ആരുമി​ല്ല​ല്ലോ.+ 26  തന്നെ പ്രസാ​ദി​പ്പി​ക്കു​ന്ന​വനു സത്യ​ദൈവം ജ്ഞാനവും അറിവും അത്യാ​ന​ന്ദ​വും കൊടു​ക്കു​ന്നു.+ പക്ഷേ, ദൈവം പാപിക്കു ശേഖരി​ക്കാ​നുള്ള ജോലി കൊടു​ക്കു​ന്നു; തന്നെ പ്രസാ​ദി​പ്പി​ക്കു​ന്ന​വനു കൊടു​ക്കാൻവേണ്ടി കേവലം സമാഹ​രി​ക്കാ​നുള്ള ജോലി!+ ഇതും വ്യർഥ​ത​യാണ്‌; കാറ്റിനെ പിടി​ക്കാ​നുള്ള ഓട്ടം മാത്രം.

അടിക്കുറിപ്പുകള്‍

അഥവാ “വനം.”
അക്ഷ. “വീട്ടിലെ പുത്ര​ന്മാ​രും.”
അഥവാ “രാജാ​ക്ക​ന്മാർക്കും സംസ്ഥാ​ന​ങ്ങൾക്കും ഉള്ള തരം വസ്‌തു​വ​ക​ക​ളും.”
അക്ഷ. “എന്റെ കണ്ണുകൾ ചോദി​ച്ച​തൊ​ന്നും.”
അഥവാ “ഓഹരി.”
അഥവാ “നേട്ടമു​ള്ള​താ​യി.”
അഥവാ “ബുദ്ധി​മാ​ന്റെ കണ്ണു തുറന്നി​രി​ക്കു​ന്നു.”
അക്ഷ. “ഹൃദയ​ത്തി​ന്റെ പ്രയത്‌നം​കൊ​ണ്ടും.”

പഠനക്കുറിപ്പുകൾ

ദൃശ്യാവിഷ്കാരം