സങ്കീർത്തനം 96:1-13

96  യഹോ​വ​യ്‌ക്ക്‌ ഒരു പുതിയ പാട്ടു പാടു​വിൻ.+ സർവഭൂമിയുമേ, യഹോ​വ​യ്‌ക്കു പാട്ടു പാടു​വിൻ!+   യഹോവയ്‌ക്കു പാട്ടു പാടു​വിൻ! തിരു​നാ​മം സ്‌തു​തി​ക്കു​വിൻ! ദിനംതോറും ദിവ്യ​ര​ക്ഷ​യു​ടെ സന്തോ​ഷ​വാർത്ത പ്രസി​ദ്ധ​മാ​ക്കു​വിൻ!+   ജനതകൾക്കിടയിൽ ദൈവ​ത്തി​ന്റെ മഹത്ത്വം ഘോഷി​ക്കു​വിൻ;ജനങ്ങൾക്കിടയിൽ ദൈവ​ത്തി​ന്റെ മഹനീ​യ​പ്ര​വൃ​ത്തി​ക​ളും.+   യഹോവ മഹാനും അത്യന്തം സ്‌തു​ത്യ​നും! മറ്റെല്ലാ ദൈവ​ങ്ങ​ളെ​ക്കാ​ളും ഭയാദ​രവ്‌ ഉണർത്തു​ന്നവൻ!   ജനതകളുടെ ദൈവങ്ങൾ ഒരു ഗുണവു​മി​ല്ലാ​ത്ത​വ​രാണ്‌;+യഹോവയോ ആകാശത്തെ ഉണ്ടാക്കിയ ദൈവം.+   തിരുസന്നിധി മഹത്ത്വ​വും തേജസ്സും കൊണ്ട്‌ ശോഭി​ക്കു​ന്നു;+ദൈവത്തിന്റെ വിശു​ദ്ധ​മ​ന്ദി​രം ശക്തിയും സൗന്ദര്യ​വും അണിഞ്ഞു​നിൽക്കു​ന്നു.+   ജനതകളുടെ കുലങ്ങളേ, യഹോവ അർഹി​ക്കു​ന്നതു കൊടു​ക്കു​വിൻ,യഹോവയുടെ മഹത്ത്വ​ത്തി​നും ശക്തിക്കും അനുസൃ​ത​മാ​യി കൊടു​ക്കു​വിൻ.+   യഹോവയ്‌ക്കു തിരു​നാ​മ​ത്തി​നു ചേർന്ന മഹത്ത്വം നൽകു​വിൻ;+കാഴ്‌ചയുമായി തിരു​മു​റ്റത്ത്‌ ചെല്ലു​വിൻ.   വിശുദ്ധവസ്‌ത്രാലങ്കാരത്തോടെ* യഹോ​വ​യു​ടെ മുന്നിൽ വണങ്ങു​വിൻ;*സർവഭൂമിയുമേ, തിരു​മു​മ്പിൽ നടുങ്ങി​വി​റ​യ്‌ക്കു​വിൻ! 10  ജനതകൾക്കിടയിൽ വിളം​ബരം ചെയ്യൂ: “യഹോവ രാജാ​വാ​യി​രി​ക്കു​ന്നു!+ ദൈവം ഭൂമിയെ* സുസ്ഥി​ര​മാ​യി സ്ഥാപി​ച്ചി​രി​ക്കു​ന്നു, അതിനെ നീക്കാ​നാ​കില്ല.* ദൈവം നീതി​യോ​ടെ ജനതകളെ വിധി​ക്കും.”*+ 11  ആകാശം ആനന്ദി​ക്കട്ടെ, ഭൂമി സന്തോ​ഷി​ക്കട്ടെ;സമുദ്രവും അതിലു​ള്ള​തൊ​ക്കെ​യും ആർത്തു​ല്ല​സി​ക്കട്ടെ;+ 12  വയലുകളും അവയി​ലു​ള്ള​തൊ​ക്കെ​യും ആഹ്ലാദി​ക്കട്ടെ.+ വനവൃക്ഷങ്ങളും യഹോ​വ​യു​ടെ മുന്നിൽ ആനന്ദി​ച്ചാർക്കട്ടെ;+ 13  ദൈവം ഇതാ, എഴുന്ന​ള്ളു​ന്നു!*ദൈവം ഭൂമിയെ വിധി​ക്കാൻ വരുന്നു! ദൈവം നിവസിതഭൂമിയെ* നീതിയോടെയും+ജനതകളെ വിശ്വ​സ്‌ത​ത​യോ​ടെ​യും വിധി​ക്കും.+

അടിക്കുറിപ്പുകള്‍

മറ്റൊരു സാധ്യത “അവന്റെ വിശു​ദ്ധി​യു​ടെ മാഹാ​ത്മ്യം കാരണം.”
അഥവാ “യഹോ​വയെ ആരാധി​ക്കു​വിൻ.”
അഥവാ “ഫലപു​ഷ്ടി​യുള്ള നിലത്തെ.”
അഥവാ “അതു ചാഞ്ചാ​ടില്ല.”
അഥവാ “ജനതകൾക്കു​വേണ്ടി വാദി​ക്കും.”
അഥവാ “ദൈവം എഴുന്ന​ള്ളി​യി​രി​ക്കു​ന്നു.”
അഥവാ “ഫലപു​ഷ്ടി​യുള്ള നിലത്തെ.”

പഠനക്കുറിപ്പുകൾ

ദൃശ്യാവിഷ്കാരം