സങ്കീർത്തനം 84:1-12

സംഗീതസംഘനായകന്‌; ഗിത്യരാഗത്തിൽ* കോരഹുപുത്രന്മാർ+ രചിച്ച ശ്രുതി​മ​ധു​ര​മായ ഗാനം. 84  സൈന്യ​ങ്ങ​ളു​ടെ അധിപ​നായ യഹോവേ,അങ്ങയുടെ മഹനീ​യ​മായ വിശു​ദ്ധ​കൂ​ടാ​രം എത്ര മനോ​ഹരം!*+   യഹോവയുടെ തിരു​മു​റ്റത്ത്‌ എത്താൻഞാൻ എത്ര കൊതി​ക്കു​ന്നു!+അതിനായി കാത്തു​കാ​ത്തി​രുന്ന്‌ ഞാൻ തളർന്നു. എന്റെ ശരീര​വും ഹൃദയ​വും ജീവനുള്ള ദൈവ​ത്തിന്‌ ആനന്ദ​ത്തോ​ടെ ആർപ്പി​ടു​ന്നു.   എന്റെ രാജാ​വും എന്റെ ദൈവ​വും ആയസൈന്യങ്ങളുടെ അധിപ​നായ യഹോവേ,അങ്ങയുടെ മഹനീ​യ​യാ​ഗ​പീ​ഠ​ത്തി​നു സമീപംഒരു പക്ഷിക്കു​പോ​ലും കൂടു കൂട്ടാ​നാ​കു​ന്നു;കുഞ്ഞുങ്ങളെ പരിപാ​ലി​ക്കാൻ മീവൽപ്പക്ഷി അവിടെ കൂട്‌ ഒരുക്കു​ന്നു.   അങ്ങയുടെ ഭവനത്തിൽ കഴിയു​ന്നവർ സന്തുഷ്ടർ.+ അവർ നിരന്തരം അങ്ങയെ സ്‌തു​തി​ക്കു​ന്ന​ല്ലോ.+ (സേലാ)   അങ്ങയെ ബലമാ​ക്കു​ന്നവർ സന്തുഷ്ടർ.+ദേവാലയത്തിലേക്കുള്ള പ്രധാ​ന​വീ​ഥി​ക​ളി​ല​ല്ലോ അവരുടെ ഹൃദയം.   ബാഖ താഴ്‌വരയിലൂടെ* കടന്നു​പോ​കു​മ്പോൾഅവർ അതിനെ നീരു​റ​വകൾ നിറഞ്ഞ സ്ഥലമാ​ക്കു​ന്നു;മുൻമഴ അതിനെ അനു​ഗ്രഹം അണിയി​ക്കു​ന്നു.*   നടന്നുനീങ്ങവെ അവർ ഒന്നി​നൊ​ന്നു ശക്തിയാർജി​ക്കു​ന്നു;+അവരെല്ലാം സീയോ​നിൽ ദൈവ​സ​ന്നി​ധി​യിൽ എത്തുന്നു.   സൈന്യങ്ങളുടെ ദൈവ​മായ യഹോവേ, എന്റെ പ്രാർഥന കേൾക്കേ​ണമേ;യാക്കോബിൻദൈവമേ, ശ്രദ്ധി​ക്കേ​ണമേ. (സേലാ)   ഞങ്ങളുടെ പരിച​യായ ദൈവമേ,+ നോ​ക്കേ​ണമേ;*അങ്ങയുടെ അഭിഷി​ക്തന്റെ മുഖ​ത്തേക്കു നോ​ക്കേ​ണമേ.+ 10  തിരുമുറ്റത്തെ ഒരു ദിവസം വേറെ ആയിരം ദിവസ​ത്തെ​ക്കാൾ ഉത്തമം!+ ദുഷ്ടതയുടെ കൂടാ​ര​ങ്ങ​ളിൽ താമസി​ക്കു​ന്ന​തി​നെ​ക്കാൾഎന്റെ ദൈവ​ത്തിൻഭ​വ​ന​ത്തി​ന്റെ വാതിൽക്കൽ സേവിക്കുന്നത്‌* എനിക്ക്‌ ഏറെ ഇഷ്ടം. 11  ദൈവമാം യഹോവ ഒരു സൂര്യനും+ പരിച​യും;+കൃപയും മഹത്ത്വ​വും ചൊരി​യുന്ന ദൈവം. നിഷ്‌കളങ്കതയോടെ* നടക്കു​ന്ന​വ​രിൽനിന്ന്‌ യഹോവഒരു നന്മയും പിടി​ച്ചു​വെ​ക്കില്ല.+ 12  സൈന്യങ്ങളുടെ അധിപ​നായ യഹോവേ,അങ്ങയിൽ ആശ്രയ​മർപ്പി​ക്കു​ന്നവൻ സന്തുഷ്ടൻ.+

അടിക്കുറിപ്പുകള്‍

പദാവലി കാണുക.
അഥവാ “ഞാൻ എത്ര​യേറെ പ്രിയ​പ്പെ​ടു​ന്നു!”
അഥവാ “ബാഖ ചെടി​ക​ളു​ടെ താഴ്‌വ​ര​യി​ലൂ​ടെ.”
മറ്റൊരു സാധ്യത “ഗുരു തന്നെത്തന്നെ അനു​ഗ്ര​ഹ​ങ്ങ​ളാൽ പൊതി​യു​ന്നു.”
മറ്റൊരു സാധ്യത “ദൈവമേ, ഞങ്ങളുടെ പരിചയെ നോ​ക്കേ​ണമേ.”
അക്ഷ. “നിൽക്കു​ന്നത്‌.”
അഥവാ “ധർമനി​ഷ്‌ഠ​യോ​ടെ.” പദാവ​ലി​യിൽ “ധർമനി​ഷ്‌ഠ” കാണുക.

പഠനക്കുറിപ്പുകൾ

ദൃശ്യാവിഷ്കാരം