സങ്കീർത്തനം 55:1-23

സംഗീതസംഘനായകന്‌; തന്ത്രി​വാ​ദ്യ​ങ്ങ​ളോ​ടെ പാടേ​ണ്ടത്‌. മാസ്‌കിൽ.* ദാവീ​ദി​ന്റേത്‌. 55  ദൈവമേ, എന്റെ പ്രാർഥന കേൾക്കേ​ണമേ;+കരുണയ്‌ക്കായുള്ള എന്റെ യാചന അവഗണി​ക്ക​രു​തേ.*+   എന്റെ വാക്കുകൾ ശ്രദ്ധി​ക്കേ​ണമേ, എനിക്ക്‌ ഉത്തര​മേ​കേ​ണമേ.+ എന്റെ ആകുല​തകൾ എന്നെ അസ്വസ്ഥ​നാ​ക്കു​ന്നു;+എന്റെ മനസ്സ്‌ ആകെ പ്രക്ഷു​ബ്ധ​മാണ്‌.   അതിനു കാരണം ശത്രു​വി​ന്റെ വാക്കു​ക​ളുംദുഷ്ടന്റെ സമ്മർദ​വും ആണ്‌. അവർ എന്റെ മേൽ പ്രശ്‌നങ്ങൾ കുന്നു​കൂ​ട്ടു​ന്ന​ല്ലോ;കോപി​ഷ്‌ഠ​രായ അവർ എന്നോടു കടുത്ത ശത്രുത വെച്ചു​പു​ലർത്തു​ന്നു.+   എന്റെ ഹൃദയം ഉള്ളിൽ വേദന​കൊണ്ട്‌ പിടയു​ന്നു;+മരണഭീതി എന്നെ കീഴട​ക്കു​ന്നു.+   എനിക്കു പേടി​യും സംഭ്ര​മ​വും തോന്നു​ന്നു;വിറയൽ എന്നെ പിടി​കൂ​ടു​ന്നു.   ഞാൻ ഇങ്ങനെ പറഞ്ഞു: “എനിക്കു പ്രാവി​നെ​പ്പോ​ലെ ചിറകു​ണ്ടാ​യി​രു​ന്നെ​ങ്കിൽ, ദൂരേക്കു പറന്നു​പോ​യി സുരക്ഷി​ത​മായ ഒരിടത്ത്‌ താമസി​ച്ചേനേ.   അതെ! ഞാൻ ദൂരേക്ക്‌ ഓടി​പ്പോ​യേനേ.+ ഞാൻ വിജന​ഭൂ​മി​യിൽ കഴി​ഞ്ഞേനേ.+ (സേലാ)   വീശിയടിക്കുന്ന കാറ്റിൽനി​ന്ന്‌, ഉഗ്രമായ കൊടു​ങ്കാ​റ്റിൽനിന്ന്‌, അഭയം തേടിഒരു രക്ഷാ​കേ​ന്ദ്ര​ത്തി​ലേക്കു പോ​യേനേ.”   യഹോവേ, അവരെ ആശയക്കു​ഴ​പ്പ​ത്തി​ലാ​ക്കേ​ണമേ. അവരുടെ പദ്ധതികൾ വിഫല​മാ​ക്കേ​ണമേ;*+കാരണം, ഞാൻ നഗരത്തിൽ കണ്ടത്‌ അക്രമ​വും വഴക്കും ആണ്‌. 10  അവ രാവും പകലും അതിന്റെ മതിലു​ക​ളിൽ ചുറ്റി​ന​ട​ക്കു​ന്നു;മതിലുകൾക്കുള്ളിലോ ദ്രോ​ഹ​ചി​ന്ത​യും കുഴപ്പ​ങ്ങ​ളും.+ 11  നാശം അതിന്റെ നടുവി​ലുണ്ട്‌;അവിടെ പൊതുസ്ഥലത്ത്‌* അടിച്ച​മർത്ത​ലും വഞ്ചനയും ഒഴിഞ്ഞ നേരമില്ല.+ 12  ശത്രുവല്ല എന്നെ നിന്ദി​ക്കു​ന്നത്‌;+ശത്രുവായിരുന്നെങ്കിൽ എനിക്ക്‌ അതു സഹിക്കാ​മാ​യി​രു​ന്നു. ഒരു എതിരാ​ളി​യല്ല എനിക്ക്‌ എതിരെ എഴു​ന്നേ​റ്റി​രി​ക്കു​ന്നത്‌;എതിരാളിയായിരുന്നെങ്കിൽ എനിക്ക്‌ അവനിൽനി​ന്ന്‌ ഒളിക്കാ​മാ​യി​രു​ന്നു. 13  പക്ഷേ നീയാ​ണ​ല്ലോ ഇതു ചെയ്‌തത്‌, എന്നെപ്പോലുള്ള* ഒരാൾ,+എനിക്ക്‌ അടുത്ത്‌ അറിയാ​വുന്ന എന്റെ സ്വന്തം കൂട്ടു​കാ​രൻ.+ 14  നമ്മൾ ഉറ്റ ചങ്ങാതി​മാ​രാ​യി​രു​ന്നി​ല്ലേ?വൻജനാവലിയോടൊപ്പം നമ്മൾ ഒന്നിച്ച്‌ ദൈവ​ഭ​വ​ന​ത്തി​ലേക്കു പോയി​രു​ന്ന​തല്ലേ? 15  പൊടുന്നനെ നാശം അവരെ പിടി​കൂ​ടട്ടെ!+ അവർ ജീവ​നോ​ടെ ശവക്കുഴിയിലേക്ക്‌* ഇറങ്ങട്ടെ;അവർക്കിടയിലും അവരുടെ ഉള്ളിലും ദുഷ്ടത കുടി​കൊ​ള്ളു​ന്ന​ല്ലോ. 16  ഞാനോ ദൈവത്തെ വിളി​ച്ച​പേ​ക്ഷി​ക്കും;യഹോവ എന്നെ രക്ഷിക്കും.+ 17  രാവിലെയും ഉച്ചയ്‌ക്കും വൈകി​ട്ടും ഞാൻ ആകെ വിഷമി​ച്ച്‌ ഞരങ്ങു​ക​യാണ്‌;*+ദൈവം എന്റെ ശബ്ദം കേൾക്കു​ന്നു.+ 18  എന്നോടു പോരാ​ടു​ന്ന​വ​രിൽനിന്ന്‌ എന്നെ രക്ഷിച്ച്‌* ദൈവം എനിക്കു സമാധാ​നം തരും;ജനസഹസ്രങ്ങളാണല്ലോ എനിക്ക്‌ എതിരെ വരുന്നത്‌.+ 19  പുരാതനകാലംമുതൽ+ സിംഹാ​സ​ന​സ്ഥ​നായ ദൈവംഎന്റെ ശബ്ദം കേട്ട്‌ അവരോ​ടു പ്രതി​ക​രി​ക്കും.+ (സേലാ) അവർ ദൈവത്തെ ഭയപ്പെ​ടാ​ത്തവർ;+മാറ്റം വരുത്താൻ അവർ കൂട്ടാ​ക്കില്ല. 20  താനുമായി സമാധാ​ന​ത്തി​ലാ​യി​രു​ന്ന​വരെ അവൻ* ആക്രമി​ച്ചു;+അവൻ സ്വന്തം ഉടമ്പടി ലംഘിച്ചു.+ 21  അവന്റെ വാക്കുകൾ വെണ്ണ​യെ​ക്കാൾ മൃദു​വാണ്‌;+അവന്റെ ഹൃദയ​ത്തി​ലു​ള്ള​തോ ശണ്‌ഠ​യും. അവന്റെ വാക്കു​കൾക്ക്‌ എണ്ണയെ​ക്കാൾ മയമുണ്ട്‌;എന്നാൽ അവ ഊരി​പ്പി​ടിച്ച വാളു​ക​ളാണ്‌.+ 22  നിന്റെ ഭാരം യഹോ​വ​യു​ടെ മേൽ ഇടുക.+ദൈവം നിന്നെ പുലർത്തും.+ നീതിമാൻ വീണുപോകാൻ* ദൈവം ഒരിക്ക​ലും അനുവ​ദി​ക്കില്ല.+ 23  എന്നാൽ ദൈവമേ, ദുഷ്ടന്മാ​രെ അങ്ങ്‌ അത്യഗാ​ധ​മായ കുഴി​യി​ലേക്ക്‌ ഇറക്കും.+ രക്തം ചൊരിഞ്ഞ കുറ്റമുള്ള ആ വഞ്ചകർ അവരുടെ ആയുസ്സി​ന്റെ പകുതി​പോ​ലും തികയ്‌ക്കില്ല.+ ഞാൻ പക്ഷേ, അങ്ങയിൽ ആശ്രയി​ക്കും.

അടിക്കുറിപ്പുകള്‍

പദാവലി കാണുക.
അഥവാ “സഹായ​ത്തി​നാ​യി ഞാൻ പ്രാർഥി​ക്കു​മ്പോൾ അങ്ങ്‌ മറഞ്ഞി​രി​ക്ക​രു​തേ.”
അക്ഷ. “അവരുടെ നാവ്‌ വിഭജി​ക്കേ​ണമേ.”
അഥവാ “പൊതു​ച​ത്വ​ര​ത്തിൽ.”
അഥവാ “എനിക്കു തുല്യ​നായ.”
എബ്രായയിൽ ഷീയോൾ. പദാവലി കാണുക.
അഥവാ “ഒച്ചവെ​ക്കു​ക​യാ​ണ്‌.”
അക്ഷ. “വീണ്ടെ​ടു​ത്ത്‌.”
അതായത്‌, 13, 14 വാക്യ​ങ്ങ​ളിൽ പറഞ്ഞി​രി​ക്കുന്ന മുൻസ്‌നേ​ഹി​തൻ.
അഥവാ “പതറി​പ്പോ​കാൻ; ചഞ്ചല​പ്പെ​ടാൻ.”

പഠനക്കുറിപ്പുകൾ

ദൃശ്യാവിഷ്കാരം