സങ്കീർത്തനം 53:1-6

സംഗീതസംഘനായകന്‌; മഹലത്‌* ശൈലി​യിൽ. മാസ്‌കിൽ.* ദാവീ​ദി​ന്റേത്‌. 53  “യഹോവ ഇല്ല” എന്നു വിഡ്‌ഢി* ഹൃദയ​ത്തിൽ പറയുന്നു.+ അവരുടെ നീതി​കെട്ട പ്രവൃ​ത്തി​കൾ ദുഷി​ച്ച​തും അറപ്പു​ള​വാ​ക്കു​ന്ന​തും;നല്ലതു ചെയ്യുന്ന ആരുമില്ല.+   ആർക്കെങ്കിലും ഉൾക്കാ​ഴ്‌ച​യു​ണ്ടോ എന്നു കാണാൻ,ആരെങ്കിലും യഹോ​വയെ അന്വേ​ഷി​ക്കു​ന്നു​ണ്ടോ എന്ന്‌ അറിയാൻ,+ദൈവം സ്വർഗ​ത്തിൽനിന്ന്‌ മനുഷ്യ​മ​ക്കളെ നോക്കു​ന്നു.+   അവരെല്ലാം വഴിവി​ട്ടു​പോ​യി​രി​ക്കു​ന്നു;എല്ലാവരും ഒരു​പോ​ലെ ദുഷി​ച്ചവർ. നല്ലതു ചെയ്യുന്ന ആരുമില്ല,ഒരാൾപ്പോലുമില്ല.+   ദുഷ്‌പ്രവൃത്തിക്കാർക്കൊന്നും ഒരു ബോധ​വു​മി​ല്ലേ? അപ്പം തിന്നു​ന്ന​തു​പോ​ലെ അവർ എന്റെ ജനത്തെ വിഴു​ങ്ങി​ക്ക​ള​യു​ന്നു. അവർ യഹോ​വയെ വിളി​ക്കു​ന്നില്ല.+   പക്ഷേ ആ ദുഷ്‌പ്ര​വൃ​ത്തി​ക്കാ​രിൽ ഉഗ്രഭയം നിറയും;മുമ്പൊരിക്കലും അനുഭ​വ​പ്പെ​ട്ടി​ട്ടി​ല്ലാ​ത്തൊ​രു ഭയം.*കാരണം, നിന്നെ ആക്രമിക്കുന്നവരുടെ* അസ്ഥികൾ ദൈവം ചിതറി​ച്ചു​ക​ള​യും. യഹോവ അവരെ തള്ളിക്ക​ള​ഞ്ഞി​രി​ക്കു​ന്ന​തി​നാൽ നീ അവരെ നാണം​കെ​ടു​ത്തും.   ഇസ്രായേലിന്റെ രക്ഷ സീയോ​നിൽനിന്ന്‌ വന്നിരു​ന്നെ​ങ്കിൽ!+ ബന്ദികളായി കൊണ്ടു​പോയ തന്റെ ജനത്തെ യഹോവ തിരികെ കൊണ്ടു​വ​രു​മ്പോൾയാക്കോബ്‌ സന്തോ​ഷി​ക്കട്ടെ, ഇസ്രാ​യേൽ ആനന്ദി​ക്കട്ടെ.

അടിക്കുറിപ്പുകള്‍

പദാവലി കാണുക.
പദാവലി കാണുക.
അഥവാ “വിവരം​കെ​ട്ടവൻ.”
മറ്റൊരു സാധ്യത “പേടി​ക്കാൻ കാരണ​മൊ​ന്നു​മി​ല്ലാ​ഞ്ഞി​ട്ടും അവർ പേടി​ക്കും.”
അക്ഷ. “നിനക്ക്‌ എതിരെ പാളയ​മ​ടി​ച്ചി​രി​ക്കു​ന്ന​വ​രു​ടെ.”

പഠനക്കുറിപ്പുകൾ

ദൃശ്യാവിഷ്കാരം