സങ്കീർത്തനം 51:1-19

സംഗീതസംഘനായകന്‌; ദാവീദ്‌ ബത്ത്‌-ശേബയുമായി+ ബന്ധപ്പെ​ട്ട​തി​നു ശേഷം നാഥാൻ പ്രവാ​ചകൻ ദാവീ​ദി​ന്റെ അടുത്ത്‌ വന്നപ്പോൾ ദാവീദ്‌ രചിച്ച ശ്രുതി​മ​ധു​ര​മായ ഗാനം. 51  ദൈവമേ, അങ്ങയുടെ അചഞ്ചല​മായ സ്‌നേ​ഹ​ത്തി​നു ചേർച്ച​യിൽ എന്നോടു പ്രീതി കാട്ടേ​ണമേ.+ അങ്ങയുടെ മഹാക​രു​ണ​യ്‌ക്കു ചേർച്ച​യിൽ എന്റെ ലംഘനങ്ങൾ മായ്‌ച്ചു​ക​ള​യേ​ണമേ.+   എന്റെ തെറ്റു നന്നായി കഴുകിക്കളഞ്ഞ്‌+പാപത്തിൽനിന്ന്‌ എന്നെ ശുദ്ധീ​ക​രി​ക്കേ​ണമേ.+   എന്റെ ലംഘനങ്ങൾ എനിക്കു നന്നായി അറിയാം;എന്റെ പാപം എപ്പോ​ഴും എന്റെ മുന്നി​ലുണ്ട്‌.*+   അങ്ങയോട്‌—ഏറ്റവു​മ​ധി​കം അങ്ങയോട്‌*—ഞാൻ പാപം ചെയ്‌തി​രി​ക്കു​ന്നു;+ഞാൻ അങ്ങയുടെ കണ്ണിൽ മോശ​മാ​യതു ചെയ്‌തി​രി​ക്കു​ന്നു.+ അതുകൊണ്ട്‌ അങ്ങ്‌ സംസാ​രി​ക്കു​മ്പോൾ അങ്ങ്‌ നീതി​മാ​നാ​യി​രി​ക്കും;അങ്ങയുടെ വിധി കുറ്റമ​റ്റ​താ​യി​രി​ക്കും.+   ഞാൻ കുറ്റമു​ള്ള​വ​നാ​യ​ല്ലോ ജനിച്ചത്‌;+പാപത്തിൽ എന്റെ അമ്മ എന്നെ ഗർഭം ധരിച്ചു.*   ഉള്ളിന്റെ ഉള്ളിലെ പരമാർഥ​ത​യാ​ണ​ല്ലോ അങ്ങയെ പ്രസാ​ദി​പ്പി​ക്കു​ന്നത്‌;+എന്റെ ഹൃദയ​ത്തി​ന്റെ ആഴങ്ങളെ യഥാർഥ​ജ്ഞാ​നം പഠിപ്പി​ക്കേ​ണമേ.   ഈസോപ്പുചെടികൊണ്ട്‌ എന്റെ പാപം നീക്കി എന്നെ ശുദ്ധീ​ക​രി​ക്കേ​ണമേ;+ ഞാൻ നിർമ​ല​നാ​കട്ടെ.എന്നെ കഴു​കേ​ണമേ; ഞാൻ മഞ്ഞി​നെ​ക്കാൾ വെൺമ​യു​ള്ള​വ​നാ​കട്ടെ.+   ആഹ്ലാദത്തിന്റെയും സന്തോ​ഷ​ത്തി​ന്റെ​യും സ്വരം ഞാൻ കേൾക്കട്ടെ;അങ്ങനെ, അങ്ങ്‌ തകർത്തു​കളഞ്ഞ അസ്ഥികൾ ആനന്ദി​ക്കട്ടെ.+   എന്റെ പാപങ്ങ​ളിൽനിന്ന്‌ അങ്ങ്‌ മുഖം തിരി​ക്കേ​ണമേ;*+എന്റെ തെറ്റു​ക​ളെ​ല്ലാം തുടച്ചു​ക​ള​യേ​ണമേ.+ 10  ദൈവമേ, ശുദ്ധമാ​യൊ​രു ഹൃദയം എന്നിൽ സൃഷ്ടി​ക്കേ​ണമേ;+അചഞ്ചലമായ പുതി​യൊ​രു ആത്മാവ്‌*+ എനിക്കു നൽകേ​ണമേ. 11  തിരുസന്നിധിയിൽനിന്ന്‌ എന്നെ ഓടി​ച്ചു​ക​ള​യ​രു​തേ.അങ്ങയുടെ പരിശുദ്ധാത്മാവിനെ* എന്നിൽനി​ന്ന്‌ എടുത്തു​ക​ള​യ​രു​തേ. 12  അങ്ങയുടെ രക്ഷയേ​കുന്ന സന്തോഷം എനിക്കു തിരികെ തരേണമേ.+അങ്ങയെ അനുസ​രി​ക്കാ​നുള്ള മനസ്സൊ​രു​ക്കം എന്നിൽ ഉണർത്തേ​ണമേ.* 13  ലംഘകരെ ഞാൻ അങ്ങയുടെ വഴികൾ പഠിപ്പി​ക്കും;+അങ്ങനെ, പാപികൾ അങ്ങയി​ലേക്കു മടങ്ങി​വ​രും. 14  ദൈവമേ, എന്റെ രക്ഷയുടെ ദൈവമേ,+ രക്തച്ചൊ​രി​ച്ചി​ലി​ന്റെ കുറ്റത്തിൽനി​ന്ന്‌ എന്നെ വിടു​വി​ക്കേ​ണമേ;+അപ്പോൾ എന്റെ നാവിന്‌ അങ്ങയുടെ നീതി​യെ​ക്കു​റിച്ച്‌ സന്തോ​ഷ​ത്തോ​ടെ ഘോഷി​ക്കാ​നാ​കു​മ​ല്ലോ.+ 15  യഹോവേ, എന്റെ വായ്‌ അങ്ങയുടെ സ്‌തുതി ഘോഷി​ക്കേ​ണ്ട​തിന്‌എന്റെ അധരങ്ങളെ തുറ​ക്കേ​ണമേ.+ 16  ബലികളൊന്നും അങ്ങയ്‌ക്കു വേണ്ടല്ലോ—അല്ലെങ്കിൽ ഞാൻ അവ അർപ്പി​ക്കു​മാ​യി​രു​ന്നു;+സമ്പൂർണദഹനയാഗത്തിൽ അങ്ങ്‌ പ്രസാ​ദി​ക്കു​ന്നി​ല്ല​ല്ലോ.+ 17  തകർന്ന മനസ്സാണല്ലോ* അങ്ങയ്‌ക്കു സ്വീകാ​ര്യ​മായ ബലി;ദൈവമേ, തകർന്ന്‌ നുറു​ങ്ങിയ ഹൃദയത്തെ അങ്ങ്‌ ഉപേക്ഷി​ക്കി​ല്ല​ല്ലോ.*+ 18  പ്രസാദം തോന്നി സീയോ​നു നന്മ ചെയ്യേ​ണമേ;യരുശലേമിന്റെ മതിലു​കൾ പണി​യേ​ണമേ. 19  പിന്നെ അങ്ങ്‌ നീതി​ബ​ലി​ക​ളിൽ,ദഹനബലികളിലും സമ്പൂർണ​യാ​ഗ​ങ്ങ​ളി​ലും, പ്രസാ​ദി​ക്കും;അങ്ങയുടെ യാഗപീ​ഠ​ത്തിൽ വീണ്ടും കാളകളെ അർപ്പി​ച്ചു​തു​ട​ങ്ങും.+

അടിക്കുറിപ്പുകള്‍

അഥവാ “എന്റെ മനസ്സി​ലു​ണ്ട്‌.”
അക്ഷ. “അങ്ങയോ​ടു മാത്രം.”
അഥവാ “അമ്മ എന്നെ ഗർഭം ധരിച്ച നിമി​ഷം​മു​തൽ ഞാൻ പാപി​യാ​ണ്‌.”
അഥവാ “മുഖം മറയ്‌ക്കേ​ണമേ.”
അഥവാ “മനസ്സ്‌.”
ദൈവത്തിന്റെ ശക്തിയെ കുറി​ക്കു​ന്നു.
അക്ഷ. “മനസ്സൊ​രു​ക്കം തന്ന്‌ അങ്ങ്‌ എന്നെ താങ്ങേ​ണമേ.”
അഥവാ “ആത്മാവാ​ണ​ല്ലോ.”
അഥവാ “ഹൃദയ​ത്തോ​ട്‌ അങ്ങ്‌ അവജ്ഞ കാട്ടി​ല്ല​ല്ലോ.”

പഠനക്കുറിപ്പുകൾ

ദൃശ്യാവിഷ്കാരം