ലൂക്കോസ്‌ എഴുതിയത്‌ 17:1-37

17  പിന്നെ യേശു ശിഷ്യ​ന്മാ​രോ​ടു പറഞ്ഞു: “പാപത്തി​ലേക്കു വീഴി​ക്കുന്ന മാർഗ​ത​ട​സ്സങ്ങൾ എന്തായാ​ലും ഉണ്ടാകും. എന്നാൽ തടസ്സങ്ങൾ വെക്കുന്നവന്റെ കാര്യം കഷ്ടം!+  ഈ ചെറി​യ​വ​രിൽ ഒരാൾ വീണു​പോ​കാൻ ആരെങ്കി​ലും ഇടയാ​ക്കു​ന്നെ​ങ്കിൽ അയാളു​ടെ കഴുത്തിൽ ഒരു തിരി​കല്ലു കെട്ടി കടലിൽ എറിയു​ന്ന​താണ്‌ അയാൾക്ക്‌ ഏറെ നല്ലത്‌.+  അതു​കൊണ്ട്‌ സൂക്ഷി​ച്ചു​കൊ​ള്ളുക. നിന്റെ സഹോ​ദരൻ ഒരു പാപം ചെയ്‌താൽ അയാളെ ശകാരി​ക്കുക.+ സഹോ​ദരൻ പശ്ചാത്ത​പി​ച്ചാൽ അയാ​ളോ​ടു ക്ഷമിക്കുക.+  സഹോ​ദരൻ ഒരു ദിവസം നിന്നോട്‌ ഏഴു തവണ പാപം ചെയ്‌താ​ലും ആ ഏഴു തവണയും വന്ന്‌, ‘ഞാൻ പശ്ചാത്ത​പി​ക്കു​ന്നു’ എന്നു പറഞ്ഞാൽ സഹോ​ദ​ര​നോ​ടു ക്ഷമിക്കണം.”+  അപ്പോൾ അപ്പോ​സ്‌ത​ല​ന്മാർ കർത്താ​വി​നോട്‌, “ഞങ്ങളുടെ വിശ്വാ​സം വർധി​പ്പി​ച്ചു​ത​രണേ”+ എന്നു പറഞ്ഞു.  അപ്പോൾ കർത്താവ്‌ പറഞ്ഞു: “നിങ്ങൾക്ക്‌ ഒരു കടുകു​മ​ണി​യു​ടെ അത്ര​യെ​ങ്കി​ലും വിശ്വാ​സ​മു​ണ്ടെ​ങ്കിൽ ഈ മൾബറി മരത്തോട്‌,* ‘ചുവടോടെ പറിഞ്ഞു​പോ​യി കടലിൽ വളരുക!’ എന്നു പറഞ്ഞാൽ അതു നിങ്ങളെ അനുസരിക്കും.+  “നിങ്ങളിൽ ഒരാൾക്കു നിലം ഉഴുക​യോ ആടു മേയ്‌ക്കു​ക​യോ ചെയ്യുന്ന ഒരു അടിമ​യു​ണ്ടെന്നു കരുതുക. അയാൾ വയലിൽനിന്ന്‌ വരു​മ്പോൾ, ‘വേഗം വന്ന്‌ ഇരുന്ന്‌ ഭക്ഷണം കഴിക്ക്‌’ എന്നു നിങ്ങൾ പറയു​മോ?  പകരം ഇങ്ങനെ​യല്ലേ പറയൂ: ‘വസ്‌ത്രം മാറി വന്ന്‌ എനിക്ക്‌ അത്താഴം ഒരുക്കുക. ഞാൻ തിന്നു​കു​ടിച്ച്‌ തീരു​ന്ന​തു​വരെ എനിക്കു വേണ്ടതു ചെയ്‌തു​ത​രുക. അതു കഴിഞ്ഞ്‌ നിനക്കു തിന്നു​ക​യും കുടി​ക്കു​ക​യും ചെയ്യാം.’  ഏൽപ്പിച്ച പണികൾ ചെയ്‌തതിന്റെ പേരിൽ നിങ്ങൾക്ക്‌ ആ അടിമ​യോ​ടു പ്രത്യേ​കിച്ച്‌ ഒരു നന്ദിയും തോന്നില്ല, ശരിയല്ലേ? 10  അങ്ങനെ നിങ്ങളും, നിങ്ങളെ ഏൽപ്പിച്ച കാര്യ​ങ്ങ​ളെ​ല്ലാം ചെയ്‌ത​ശേഷം ഇങ്ങനെ പറയുക: ‘ഞങ്ങൾ ഒന്നിനും കൊള്ളാത്ത അടിമ​ക​ളാണ്‌. ചെയ്യേ​ണ്ടതു ഞങ്ങൾ ചെയ്‌തു, അത്രയേ ഉള്ളൂ.’”+ 11  യരുശ​ലേ​മി​ലേ​ക്കുള്ള യാത്ര​യ്‌ക്കി​ടെ യേശു ശമര്യ​ക്കും ഗലീല​യ്‌ക്കും ഇടയി​ലൂ​ടെ പോകു​ക​യാ​യി​രു​ന്നു. 12  യേശു ഒരു ഗ്രാമ​ത്തിൽ ചെന്ന​പ്പോൾ കുഷ്‌ഠ​രോ​ഗി​ക​ളായ പത്തു പുരു​ഷ​ന്മാർ യേശു​വി​നെ കണ്ടു. പക്ഷേ അവർ ദൂരത്തു​തന്നെ നിന്നു.+ 13  എന്നിട്ട്‌, “യേശുവേ, ഗുരുവേ, ഞങ്ങളോ​ടു കരുണ കാണി​ക്കണേ” എന്ന്‌ ഉറക്കെ വിളി​ച്ചു​പ​റഞ്ഞു. 14  യേശു അവരെ കണ്ടിട്ട്‌ അവരോട്‌, “പുരോ​ഹി​ത​ന്മാ​രു​ടെ അടുത്ത്‌ ചെന്ന്‌ നിങ്ങളെ കാണിക്കൂ”+ എന്നു പറഞ്ഞു. പോകുന്ന വഴിക്കു​തന്നെ അവർ ശുദ്ധരാ​യി.+ 15  അവരിൽ ഒരാൾ താൻ ശുദ്ധനാ​യെന്നു കണ്ടപ്പോൾ ഉറക്കെ ദൈവത്തെ സ്‌തു​തി​ച്ചു​കൊണ്ട്‌ മടങ്ങി​വന്നു. 16  അയാൾ യേശുവിന്റെ കാൽക്കൽ കമിഴ്‌ന്നു​വീണ്‌ യേശു​വി​നു നന്ദി പറഞ്ഞു. അയാളാ​ണെ​ങ്കിൽ ഒരു ശമര്യ​ക്കാ​ര​നാ​യി​രു​ന്നു.+ 17  അപ്പോൾ യേശു ചോദി​ച്ചു: “പത്തു പേരല്ലേ ശുദ്ധരാ​യത്‌? ബാക്കി ഒൻപതു പേർ എവിടെ? 18  തിരി​ച്ചു​വന്ന്‌ ദൈവത്തെ സ്‌തു​തി​ക്കാൻ മറ്റൊരു ജനതയിൽപ്പെട്ട ഇയാൾക്ക​ല്ലാ​തെ മറ്റാർക്കും തോന്നി​യി​ല്ലേ?” 19  പിന്നെ യേശു അയാ​ളോ​ടു പറഞ്ഞു: “എഴു​ന്നേറ്റ്‌ പൊയ്‌ക്കൊ​ള്ളൂ. നിന്റെ വിശ്വാ​സ​മാ​ണു നിന്നെ സുഖ​പ്പെ​ടു​ത്തി​യത്‌.”*+ 20  ദൈവ​രാ​ജ്യം എപ്പോ​ഴാ​ണു വരുന്ന​തെന്നു പരീശ​ന്മാർ ചോദിച്ചപ്പോൾ+ യേശു പറഞ്ഞു: “വളരെ പ്രകട​മായ വിധത്തി​ലല്ല ദൈവ​രാ​ജ്യം വരുന്നത്‌. 21  ‘ഇതാ ഇവിടെ’ എന്നോ ‘അതാ അവിടെ’ എന്നോ ആളുകൾ പറയു​ക​യു​മില്ല. ശരിക്കും, ദൈവ​രാ​ജ്യം നിങ്ങളു​ടെ ഇടയിൽത്ത​ന്നെ​യുണ്ട്‌.”+ 22  പിന്നെ യേശു ശിഷ്യ​ന്മാ​രോ​ടു പറഞ്ഞു: “നിങ്ങൾ മനുഷ്യപുത്രന്റെ നാളു​ക​ളി​ലൊ​ന്നെ​ങ്കി​ലും കാണാൻ കൊതി​ക്കുന്ന കാലം വരും. എന്നാൽ കാണില്ല.+ 23  മനുഷ്യർ നിങ്ങ​ളോട്‌, ‘അതാ അവിടെ,’ ‘ഇതാ ഇവിടെ’ എന്നെല്ലാം പറയും. പക്ഷേ നിങ്ങൾ ചാടി​പ്പു​റ​പ്പെ​ട​രുത്‌. അവരുടെ പിന്നാലെ പോകു​ക​യു​മ​രുത്‌.+ 24  കാരണം ആകാശത്തിന്റെ ഒരു അറ്റത്തു​നിന്ന്‌ മറ്റേ അറ്റത്തേക്കു പായുന്ന മിന്നൽ പ്രകാ​ശി​ക്കു​ന്ന​തു​പോ​ലെ​യാ​യിരി​ക്കും തന്റെ നാളിൽ മനുഷ്യ​പു​ത്ര​നും.+ 25  എന്നാൽ ആദ്യം മനുഷ്യ​പു​ത്രൻ ധാരാളം കഷ്ടപ്പാ​ടു​കൾ സഹി​ക്കേ​ണ്ടി​വ​രും, ഈ തലമുറ+ മനുഷ്യ​പു​ത്രനെ തള്ളിക്ക​ള​യും. 26  നോഹ​യു​ടെ നാളുകളിൽ+ സംഭവി​ച്ച​തു​പോ​ലെ​തന്നെ മനുഷ്യപുത്രന്റെ നാളു​ക​ളി​ലും സംഭവി​ക്കും:+ 27  നോഹ പെട്ടക​ത്തിൽ കയറിയ ദിവസംവരെ+ അന്നത്തെ ആളുകൾ തിന്നും കുടി​ച്ചും പുരു​ഷ​ന്മാർ വിവാഹം കഴിച്ചും സ്‌ത്രീ​കളെ വിവാഹം കഴിച്ചു​കൊ​ടു​ത്തും പോന്നു. ജലപ്ര​ളയം വന്ന്‌ അവരെ എല്ലാവ​രെ​യും കൊന്നു​ക​ളഞ്ഞു.+ 28  ലോത്തിന്റെ നാളി​ലും അങ്ങനെ​തന്നെ സംഭവി​ച്ചു:+ അവർ തിന്നും കുടി​ച്ചും, വാങ്ങി​യും വിറ്റും, നട്ടും പണിതും പോന്നു. 29  എന്നാൽ ലോത്ത്‌ സൊ​ദോം വിട്ട ദിവസം ആകാശ​ത്തു​നിന്ന്‌ തീയും ഗന്ധകവും* പെയ്‌ത്‌ എല്ലാവ​രെ​യും കൊന്നുകളഞ്ഞു.+ 30  മനുഷ്യ​പു​ത്രൻ വെളി​പ്പെ​ടുന്ന നാളി​ലും അങ്ങനെ​ത​ന്നെ​യാ​യി​രി​ക്കും.+ 31  “അന്നു പുരമു​ക​ളിൽ നിൽക്കു​ന്നവൻ തന്റെ സാധനങ്ങൾ വീട്ടി​നു​ള്ളി​ലാ​ണെ​ങ്കി​ലും എടുക്കാൻ താഴെ ഇറങ്ങരുത്‌. വയലി​ലാ​യി​രി​ക്കു​ന്ന​വ​നും സാധനങ്ങൾ എടുക്കാൻ വീട്ടി​ലേക്കു തിരി​ച്ചു​പോ​ക​രുത്‌.+ 32  ലോത്തിന്റെ ഭാര്യയെ ഓർത്തു​കൊ​ള്ളുക.+ 33  തന്റെ ജീവൻ രക്ഷിക്കാൻ ശ്രമി​ക്കു​ന്ന​വന്‌ അതു നഷ്ടമാ​കും. അതു നഷ്ടപ്പെ​ടു​ത്തു​ന്ന​വ​നോ അതു നിലനി​റു​ത്തും.+ 34  ഞാൻ നിങ്ങ​ളോ​ടു പറയുന്നു: ആ രാത്രി​യിൽ രണ്ടു പേർ ഒരു കിടക്ക​യി​ലാ​യി​രി​ക്കും. ഒരാളെ കൂട്ടി​ക്കൊ​ണ്ടു​പോ​കും, മറ്റേയാ​ളെ ഉപേക്ഷി​ക്കും.+ 35  രണ്ടു സ്‌ത്രീ​കൾ ഒരു തിരി​ക​ല്ലിൽ പൊടി​ച്ചു​കൊ​ണ്ടി​രി​ക്കും. ഒരാളെ കൂട്ടി​ക്കൊ​ണ്ടു​പോ​കും, മറ്റേയാ​ളെ ഉപേക്ഷി​ക്കും.” 36  —— 37  അപ്പോൾ അവർ യേശു​വി​നോട്‌, “കർത്താവേ, എവിടെ” എന്നു ചോദി​ച്ചു. യേശു അവരോട്‌, “ശവമു​ള്ളി​ടത്ത്‌ കഴുക​ന്മാർ കൂടും”+ എന്നു പറഞ്ഞു.

അടിക്കുറിപ്പുകള്‍

കറുത്ത മൾബറി​പ്പഴം ഉണ്ടാകുന്ന മരം.
അഥവാ “രക്ഷപ്പെ​ടു​ത്തി​യത്‌.”
അതായത്‌, സൾഫർ.

പഠനക്കുറിപ്പുകൾ

പാപത്തി​ലേക്കു വീഴി​ക്കുന്ന മാർഗ​ത​ട​സ്സങ്ങൾ: ഇവിടെ കാണുന്ന സ്‌കാൻഡ​ലോൺ എന്ന ഗ്രീക്കു​പദം ആദ്യകാ​ലത്ത്‌ ഒരു കെണിയെ കുറി​ക്കാ​നാണ്‌ ഉപയോ​ഗി​ച്ചി​രു​ന്ന​തെന്നു കരുത​പ്പെ​ടു​ന്നു. അത്‌ ഒരു കെണി​യിൽ ഇരയെ കോർത്തു​വെ​ക്കുന്ന കമ്പി​നെ​യാണ്‌ അർഥമാ​ക്കി​യ​തെ​ന്നും ചിലർ അഭി​പ്രാ​യ​പ്പെ​ടു​ന്നു. ഒരാളു​ടെ കാൽ ഇടറാ​നോ അയാൾ ഇടറി​വീ​ഴാ​നോ ഇടയാ​ക്കുന്ന ഏതൊരു തടസ്സത്തെ കുറി​ക്കാ​നും പിൽക്കാ​ലത്ത്‌ അത്‌ ഉപയോ​ഗി​ച്ചു​തു​ടങ്ങി. ആലങ്കാ​രി​കാർഥ​ത്തിൽ ഈ പദത്തിന്‌ ഒരു വ്യക്തിയെ തെറ്റായ വഴിയി​ലേക്കു വശീക​രി​ക്കുന്ന, അല്ലെങ്കിൽ അയാൾ ധാർമി​ക​മാ​യി ഇടറാ​നോ വീഴാ​നോ, പാപത്തിൽ വീണു​പോ​കാ​നോ ഇടയാ​ക്കുന്ന ഏതൊരു പ്രവൃ​ത്തി​യെ​യും സാഹച​ര്യ​ത്തെ​യും കുറി​ക്കാ​നാ​കും. ലൂക്ക 17:2-ൽ ഇതി​നോ​ടു ബന്ധമുള്ള സ്‌കാൻഡ​ലി​സോ എന്ന ക്രിയ​യാണ്‌ ഉപയോ​ഗി​ച്ചി​രി​ക്കു​ന്നത്‌. അവിടെ, “വീണു​പോ​കാൻ . . . ഇടയാ​ക്കു​ന്നെ​ങ്കിൽ” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ആ പദത്തെ “ഒരു കെണി​യാ​യി​ത്തീ​രു​ന്നെ​ങ്കിൽ; പാപത്തി​ലേക്കു വീഴി​ക്കു​ന്നെ​ങ്കിൽ” എന്നും പരിഭാ​ഷ​പ്പെ​ടു​ത്താം.

ഒരു ദിവസം . . . ഏഴു തവണ: ഈ വാക്കുകൾ കേട്ട​പ്പോൾ യേശു മുമ്പൊ​രി​ക്കൽ പറഞ്ഞ വാക്കുകൾ പത്രോസ്‌ ഓർത്തു​കാ​ണും. ഒരാൾ തന്റെ സഹോ​ദ​ര​നോട്‌ എത്ര പ്രാവ​ശ്യം ക്ഷമിക്ക​ണ​മെന്ന്‌ പത്രോസ്‌ അന്ന്‌ യേശു​വി​നോ​ടു ചോദി​ച്ച​പ്പോൾ, “77 തവണ” എന്നായി​രു​ന്നു മറുപടി. (മത്ത 18:22-ന്റെ പഠനക്കു​റി​പ്പു കാണുക.) രണ്ടു സന്ദർഭ​ത്തി​ലെ​യും യേശു​വി​ന്റെ വാക്കുകൾ അക്ഷരാർഥ​ത്തിൽ എടു​ക്കേ​ണ്ടതല്ല. “ഏഴു തവണ” എന്ന്‌ ഇവിടെ പറഞ്ഞതി​ന്റെ അർഥം എണ്ണം നോക്കാ​തെ, അനന്തമാ​യി ക്ഷമിക്കുക എന്നാണ്‌. (സങ്ക 119:164-ലെ “ദിവസം ഏഴു പ്രാവ​ശ്യം” എന്ന പദപ്ര​യോ​ഗം താരത​മ്യം ചെയ്യുക. വീണ്ടും​വീ​ണ്ടും, നിരന്തരം, എപ്പോ​ഴും എന്നൊ​ക്കെ​യാണ്‌ അവിടെ അതിന്റെ അർഥം.) ഒരു ക്രിസ്‌ത്യാ​നി ഒരു ദിവസം​തന്നെ തന്റെ സഹോ​ദ​ര​നോട്‌ ഏഴു പ്രാവ​ശ്യം പാപം ചെയ്‌തിട്ട്‌ ഏഴു പ്രാവ​ശ്യ​വും പശ്ചാത്ത​പി​ച്ചേ​ക്കാം. തിരുത്തൽ കിട്ടു​മ്പോൾ പശ്ചാത്ത​പി​ക്കു​ന്നെ​ങ്കിൽ ആ ഓരോ പ്രാവ​ശ്യ​വും അയാ​ളോ​ടു ക്ഷമിക്കണം. അത്തരം സാഹച​ര്യ​ങ്ങ​ളിൽ എണ്ണം നോക്കാ​തെ, വീണ്ടും​വീ​ണ്ടും ക്ഷമി​ക്കേ​ണ്ട​തുണ്ട്‌.​—ലൂക്ക 17:3.

ഒരു കടുകു​മ​ണി​യു​ടെ അത്ര​യെ​ങ്കി​ലും: അഥവാ “ഒരു കടുകു​മ​ണി​യു​ടെ അത്ര ചെറിയ.”​—ലൂക്ക 13:19-ന്റെ പഠനക്കു​റി​പ്പു കാണുക.

മൾബറി മരം: ബൈബി​ളിൽ ഈ മരത്തെ​ക്കു​റിച്ച്‌ ഒരിക്കൽ മാത്രമേ പറഞ്ഞി​ട്ടു​ള്ളൂ. ഇവിടെ കാണുന്ന ഗ്രീക്കു​പദം മിക്ക​പ്പോ​ഴും മൾബറി മരത്തെ കുറി​ക്കാ​നാണ്‌ ഉപയോ​ഗി​ച്ചി​രു​ന്നത്‌. ഇതിന്റെ ഒരിനം (മോറസ്‌ നൈഗ്ര) ഇന്നും ഇസ്രാ​യേ​ലിൽ വ്യാപ​ക​മാ​യി കൃഷി ചെയ്യാ​റുണ്ട്‌. ഏതാണ്ട്‌ 6 മീ. (20 അടി) ഉയരത്തിൽ വളരുന്ന, ബലിഷ്‌ഠ​മായ ഈ മരത്തിന്‌ ഹൃദയാ​കൃ​തി​യി​ലുള്ള, വലിയ ഇലകളാ​ണു​ള്ളത്‌. അതിന്റെ പഴങ്ങളു​ടെ നിറം കറുപ്പോ ഇരുണ്ട ചുവപ്പോ ആണ്‌. വലിയ വേരു​പ​ട​ല​മാണ്‌ ഈ മരത്തിന്റെ പ്രത്യേ​കത. അതു​കൊ​ണ്ടു​തന്നെ അതു ചുവ​ടോ​ടെ പറി​ച്ചെ​ടു​ക്കാൻ അത്ര എളുപ്പമല്ല.

വസ്‌ത്രം മാറി: “വസ്‌ത്രം മാറി” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന പെരി​സോ​നി​മായ്‌ എന്ന ഗ്രീക്കു​പ​ദ​ത്തി​ന്റെ അക്ഷരാർഥം “അര കെട്ടുക” എന്നാണ്‌. വസ്‌ത്ര​ത്തിൽ അഴുക്കു പിടി​ക്കാ​തി​രി​ക്കാൻ ഒരു പ്രത്യേ​ക​തരം മേൽവ​സ്‌ത്രം (apron) കെട്ടി​ക്കൊ​ണ്ടോ അരപ്പട്ട​കൊ​ണ്ടും മറ്റും വസ്‌ത്രം മുറി​ക്കി​ക്കെ​ട്ടി​ക്കൊ​ണ്ടോ ഒരു സേവനം ചെയ്യാൻ തയ്യാ​റെ​ടു​ക്കു​ന്ന​തി​നെ​യാണ്‌ ഇതു കുറി​ക്കു​ന്നത്‌. ഈ ഗ്രീക്കു​പദം ലൂക്ക 12:35, 37-ലും എഫ 6:14-ലും ഉപയോ​ഗി​ച്ചി​ട്ടുണ്ട്‌.​—ലൂക്ക 12:35, 37 എന്നിവ​യു​ടെ പഠനക്കു​റി​പ്പു​കൾ കാണുക.

ഒന്നിനും കൊള്ളാത്ത: അക്ഷ. “പ്രയോ​ജ​ന​മി​ല്ലാത്ത; വിലയി​ല്ലാത്ത.” തങ്ങളെ​ക്കൊണ്ട്‌ ഒരു പ്രയോ​ജ​ന​വു​മി​ല്ലെ​ന്നോ തങ്ങൾ വിലയി​ല്ലാ​ത്ത​വ​രാ​ണെ​ന്നോ അടിമകൾ (അതായത്‌, യേശുവിന്റെ ശിഷ്യ​ന്മാർ) ചിന്തി​ക്ക​ണ​മെന്നല്ല യേശു ഈ ദൃഷ്ടാ​ന്ത​ത്തി​ലൂ​ടെ പറഞ്ഞത്‌. “ഒന്നിനും കൊള്ളാത്ത” എന്ന പദപ്ര​യോ​ഗം ഇവിടെ അർഥമാ​ക്കു​ന്നത്‌, തങ്ങൾ ഏതെങ്കി​ലും പ്രത്യേക ബഹുമ​തി​ക്കോ പ്രശം​സ​യ്‌ക്കോ അർഹരാ​ണെന്നു ചിന്തി​ക്കാ​തെ അടിമകൾ എളിമ​യു​ള്ള​വ​രാ​യി​രി​ക്കണം എന്നാ​ണെന്നു സന്ദർഭം സൂചി​പ്പി​ക്കു​ന്നു. “ഞങ്ങൾ പ്രത്യേ​ക​പ​രി​ഗ​ണ​ന​യൊ​ന്നും അർഹി​ക്കാത്ത വെറും അടിമ​ക​ളാണ്‌” എന്ന അർഥത്തി​ലുള്ള ഒരു അതിശ​യോ​ക്തി അലങ്കാ​ര​മാ​യാണ്‌ ഇത്‌ ഇവിടെ ഉപയോ​ഗി​ച്ചി​രി​ക്കു​ന്ന​തെന്നു ചില പണ്ഡിത​ന്മാർ അഭി​പ്രാ​യ​പ്പെ​ടു​ന്നു.

യരുശ​ലേ​മി​ലേ​ക്കുള്ള യാത്ര​യ്‌ക്കി​ടെ . . . ശമര്യ​ക്കും ഗലീല​യ്‌ക്കും ഇടയി​ലൂ​ടെ: ഈ യാത്ര​യു​ടെ ലക്ഷ്യസ്ഥാ​നം യരുശ​ലേ​മാ​യി​രു​ന്നെ​ങ്കി​ലും യേശു ആദ്യം എഫ്രയീം നഗരത്തിൽനിന്ന്‌ വടക്കോ​ട്ടാ​ണു പോയത്‌. ശമര്യ​യി​ലൂ​ടെ​യും ഗലീല​യി​ലൂ​ടെ​യും (സാധ്യ​ത​യ​നു​സ​രിച്ച്‌ അതിന്റെ തെക്കൻ ഭാഗത്തു​കൂ​ടെ) സഞ്ചരിച്ച യേശു പെരി​യ​യിൽ എത്തി. ഈ യാത്ര​യ്‌ക്കി​ടെ യേശു ഒരു ഗ്രാമ​ത്തി​ലേക്കു (ഇതു ശമര്യ​യി​ലെ​യോ ഗലീല​യി​ലെ​യോ ഗ്രാമ​മാ​കാം.) പ്രവേ​ശി​ക്കു​മ്പോ​ഴാ​ണു കുഷ്‌ഠ​രോ​ഗി​ക​ളായ പത്തു പുരു​ഷ​ന്മാർ യേശു​വി​നെ കണ്ടത്‌. (ലൂക്ക 17:12) മരണത്തി​നു മുമ്പ്‌ യേശു അവസാ​ന​മാ​യി ഗലീല സന്ദർശിച്ച സന്ദർഭ​മാണ്‌ ഇത്‌.​—യോഹ 11:54; അനു. എ7 കാണുക.

കുഷ്‌ഠ​രോ​ഗി​ക​ളായ പത്തു പുരു​ഷ​ന്മാർ: സാധ്യ​ത​യ​നു​സ​രിച്ച്‌, ബൈബിൾക്കാ​ല​ങ്ങ​ളിൽ കുഷ്‌ഠ​രോ​ഗി​കൾ എവി​ടെ​യെ​ങ്കി​ലും ഒരുമി​ച്ചു​കൂ​ടി​യി​രി​ക്കുന്ന പതിവു​ണ്ടാ​യി​രു​ന്നു; അവരുടെ താമസ​വും ഒരുമി​ച്ചാ​യി​രു​ന്നി​രി​ക്കാം. അതു​കൊ​ണ്ടു​തന്നെ അവർക്കു പരസ്‌പരം സഹായി​ക്കാ​നാ​കു​മാ​യി​രു​ന്നു. (2രാജ 7:3-5) കുഷ്‌ഠ​രോ​ഗി​കൾ മറ്റുള്ള​വ​രിൽനിന്ന്‌ അകന്നു​ക​ഴി​യ​ണ​മെ​ന്നാ​ണു ദൈവ​നി​യ​മ​ത്തിൽ പറഞ്ഞി​രു​ന്നത്‌. താൻ വരുന്നു​ണ്ടെന്ന്‌ അറിയി​ക്കാൻ ഒരു കുഷ്‌ഠ​രോ​ഗി “അശുദ്ധൻ! അശുദ്ധൻ!” എന്നു വിളി​ച്ചു​പ​റ​യു​ക​യും വേണമാ​യി​രു​ന്നു. (ലേവ 13:45, 46) കുഷ്‌ഠ​രോ​ഗി​കൾ യേശുവിന്റെ അടുത്ത്‌ വരാതെ ദൂരത്തു​തന്നെ നിന്നത്‌ നിയമം അത്‌ ആവശ്യ​പ്പെ​ട്ടി​രു​ന്ന​തു​കൊ​ണ്ടാണ്‌.​—മത്ത 8:2-ന്റെ പഠനക്കു​റി​പ്പും പദാവ​ലി​യിൽ “കുഷ്‌ഠം; കുഷ്‌ഠ​രോ​ഗി” എന്നതും കാണുക.

പുരോ​ഹി​ത​ന്മാ​രു​ടെ അടുത്ത്‌ ചെന്ന്‌ നിങ്ങളെ കാണിക്കൂ: ഭൂമി​യി​ലാ​യി​രു​ന്ന​പ്പോൾ മോശ​യു​ടെ നിയമ​ത്തിൻകീ​ഴി​ലാ​യി​രുന്ന യേശു​ക്രി​സ്‌തു, അഹരോ​ന്യ​പൗ​രോ​ഹി​ത്യം അപ്പോ​ഴും പ്രാബ​ല്യ​ത്തി​ലു​ണ്ടാ​യി​രു​ന്നെന്ന്‌ അംഗീ​ക​രി​ച്ചു. അതു​കൊ​ണ്ടാ​ണു കുഷ്‌ഠ​രോ​ഗം മാറ്റി​ക്കൊ​ടു​ത്ത​വരെ യേശു പുരോഹിതന്റെ അടു​ത്തേക്കു പറഞ്ഞയ​ച്ചത്‌. (മത്ത 8:4; മർ 1:44) മോശ​യു​ടെ നിയമ​മ​നു​സ​രിച്ച്‌, ഒരു കുഷ്‌ഠ​രോ​ഗി സുഖ​പ്പെ​ട്ടോ എന്നു സ്ഥിരീ​ക​രി​ക്കേ​ണ്ടതു പുരോ​ഹി​ത​നാ​യി​രു​ന്നു. രോഗം മാറിയ കുഷ്‌ഠ​രോ​ഗി ദേവാ​ല​യ​ത്തി​ലേക്കു പോകു​മ്പോൾ കാഴ്‌ച​യാ​യി അർപ്പി​ക്കാൻ ശുദ്ധി​യുള്ള രണ്ടു പക്ഷികൾ, ദേവദാരുവിന്റെ ഒരു കഷണം, കടുഞ്ചു​വ​പ്പു​നൂൽ, ഈസോ​പ്പു​ചെടി എന്നിവ കൊണ്ടു​പോ​ക​ണ​മാ​യി​രു​ന്നു.​—ലേവ 14:2-32.

അവർ ശുദ്ധരാ​യി: യേശു പത്തു കുഷ്‌ഠ​രോ​ഗി​കളെ സുഖ​പ്പെ​ടു​ത്തിയ ഈ സംഭവ​ത്തെ​ക്കു​റിച്ച്‌ ലൂക്കോസ്‌ മാത്രമേ രേഖ​പ്പെ​ടു​ത്തി​യി​ട്ടു​ള്ളൂ.

വളരെ പ്രകട​മായ വിധത്തിൽ: ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു​പ​ദ​പ്ര​യോ​ഗം ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളിൽ ഒരിടത്ത്‌ മാത്രമേ കാണു​ന്നു​ള്ളൂ. “ശ്രദ്ധി​ച്ചു​നോ​ക്കുക; നിരീ​ക്ഷി​ക്കുക” എന്നൊക്കെ അർഥമുള്ള ഒരു ക്രിയ​യിൽനി​ന്നാണ്‌ അതിന്റെ ഉത്ഭവം. രോഗ​ല​ക്ഷ​ണങ്ങൾ നിരീ​ക്ഷി​ക്കു​ന്ന​തി​നെ​ക്കു​റി​ച്ചുള്ള വൈദ്യ​ശാ​സ്‌ത്ര​ലേ​ഖ​ന​ങ്ങ​ളിൽ ഈ പദപ്ര​യോ​ഗം ഉപയോ​ഗി​ച്ചി​രു​ന്ന​താ​യി ചില പണ്ഡിത​ന്മാർ അഭി​പ്രാ​യ​പ്പെ​ടു​ന്നു. ദൈവ​രാ​ജ്യം എല്ലാവ​രു​ടെ​യും ശ്രദ്ധ പിടി​ച്ചു​പ​റ്റുന്ന രീതി​യി​ലാ​യി​രി​ക്കില്ല വരുന്നത്‌ എന്ന സൂചന​യാ​ണു സാധ്യ​ത​യ​നു​സ​രിച്ച്‌ ഈ പദം ഇവിടെ നൽകു​ന്നത്‌.

നിങ്ങളു​ടെ ഇടയിൽത്ത​ന്നെ​യുണ്ട്‌: ഇവിടെ കാണുന്ന “നിങ്ങൾ” എന്ന ബഹുവ​ച​ന​സർവ​നാ​മം, യേശു അപ്പോൾ സംസാ​രി​ച്ചു​കൊ​ണ്ടി​രുന്ന പരിശീ​ന്മാ​രെ​ത്ത​ന്നെ​യാ​ണു കുറി​ക്കു​ന്നത്‌. (ലൂക്ക 17:20; മത്ത 23:13 താരത​മ്യം ചെയ്യുക.) രാജാ​ധി​കാ​രം കൈ​യേൽക്കാൻ ദൈവം അഭി​ഷേകം ചെയ്‌ത, ദൈവ​ത്തി​ന്റെ രാജ​പ്ര​തി​നി​ധി ആയിരുന്ന യേശു അപ്പോൾത്തന്നെ അവരുടെ ഇടയി​ലു​ണ്ടാ​യി​രു​ന്ന​തു​കൊണ്ട്‌, “ദൈവ​രാ​ജ്യം” അവരുടെ ഇടയി​ലു​ണ്ടെന്നു പറയാ​നാ​കു​മാ​യി​രു​ന്നു. എന്നാൽ യേശു ഇങ്ങനെ പറഞ്ഞതു തനിക്ക്‌ ഈ പ്രത്യേ​ക​സ്ഥാ​നം ഉണ്ടായി​രു​ന്ന​തു​കൊണ്ട്‌ മാത്രമല്ല. ദൈവ​ത്തി​ന്റെ നിയു​ക്ത​രാ​ജാ​വെന്ന നിലയിൽ തനിക്കുള്ള ശക്തി ഉപയോ​ഗിച്ച്‌ അത്ഭുതങ്ങൾ ചെയ്യാ​നുള്ള അധികാ​രം യേശു​വി​നു​ണ്ടാ​യി​രു​ന്നു; കൂടാതെ, തന്റെ രാജ്യ​ത്തി​ലെ സ്ഥാനങ്ങൾ അലങ്കരി​ക്കാ​നാ​യി ആളുകളെ ഒരുക്കാ​നുള്ള അധികാ​ര​വും യേശു​വി​നു ദൈവം നൽകി​യി​രു​ന്നു.​—ലൂക്ക 22:29, 30.

മിന്നൽ പ്രകാ​ശി​ക്കു​ന്ന​തു​പോ​ലെ: ശ്രദ്ധ​യോ​ടെ നോക്കി​യി​രി​ക്കു​ന്ന​വർക്ക്‌, യേശു രാജാ​ധി​കാ​ര​ത്തോ​ടെ സാന്നി​ധ്യ​വാ​നാ​കു​ന്ന​തി​ന്റെ തെളിവ്‌ വ്യക്തമാ​യി കാണാ​നാ​കും എന്ന അർഥത്തി​ലാ​ണു യേശു​വി​ന്റെ സാന്നി​ധ്യം മിന്നൽ പ്രകാ​ശി​ക്കു​ന്ന​തു​പോ​ലെ​യാ​യിരി​ക്കും എന്നു പറഞ്ഞത്‌.

പ്രകാ​ശി​ക്കു​ന്ന​തു​പോ​ലെ​യാ​യിരി​ക്കും തന്റെ നാളിൽ മനുഷ്യ​പു​ത്ര​നും: മറ്റൊരു സാധ്യത “പ്രകാ​ശി​ക്കു​ന്ന​തു​പോ​ലെ​യാ​യിരി​ക്കും മനുഷ്യ​പു​ത്ര​നും.” താരത​മ്യേന ഹ്രസ്വ​മായ ഈ പരിഭാ​ഷ​യാ​ണു ചില പുരാതന കൈ​യെ​ഴു​ത്തു​പ്ര​തി​ക​ളിൽ കാണു​ന്നത്‌. എന്നാൽ മറ്റു പുരാതന കൈ​യെ​ഴു​ത്തു​പ്ര​തി​ക​ളി​ലും പല ബൈബിൾ ഭാഷാ​ന്ത​ര​ങ്ങ​ളി​ലും, “പ്രകാ​ശി​ക്കു​ന്ന​തു​പോ​ലെ​യാ​യിരി​ക്കും തന്റെ നാളിൽ മനുഷ്യ​പു​ത്ര​നും” എന്ന ദൈർഘ്യ​മേ​റിയ പരിഭാ​ഷ​യാ​ണു കാണു​ന്നത്‌.

നോഹ​യു​ടെ നാളു​ക​ളിൽ: ബൈബി​ളിൽ ‘നാൾ,’ ‘നാളുകൾ’ എന്നീ പദപ്ര​യോ​ഗങ്ങൾ ഒരാളു​ടെ ജീവി​ത​കാ​ലത്തെ കുറി​ക്കാ​നും ഉപയോ​ഗി​ച്ചി​ട്ടുണ്ട്‌. (ലൂക്ക 17:28) ഇവിടെ ‘നോഹ​യു​ടെ നാളു​കളെ’ മനുഷ്യ​പു​ത്രന്റെ നാളു​ക​ളോ​ടു താരത​മ്യ​പ്പെ​ടു​ത്തി​യി​രി​ക്കു​ന്ന​താ​യി കാണാം. മത്ത 24:37-ൽ കാണുന്ന സമാന​മാ​യൊ​രു പ്രസ്‌താ​വ​ന​യിൽ ‘മനുഷ്യ​പു​ത്രന്റെ സാന്നി​ധ്യം’ എന്ന പദപ്ര​യോ​ഗ​മാണ്‌ ഉപയോ​ഗി​ച്ചി​രി​ക്കു​ന്നത്‌. തന്റെ ‘നാളു​ക​ളിൽ’ അഥവാ ‘സാന്നി​ധ്യ​കാ​ലത്ത്‌’ നോഹ​യു​ടെ നാളിൽ സംഭവി​ച്ച​തു​പോ​ലൊ​രു അവസാ​ന​മു​ണ്ടാ​കു​മെന്നു യേശു വ്യക്തമാ​ക്കി. എന്നാൽ യേശു തന്റെ നാളു​കളെ താരത​മ്യ​പ്പെ​ടു​ത്തി​യതു നോഹ​യു​ടെ നാളു​ക​ളിൽ സംഭവിച്ച പ്രളയ​ത്തോ​ടു മാത്രമല്ല. പകരം പ്രളയ​ത്തിൽ അവസാ​നിച്ച ഒരു നീണ്ട കാലഘ​ട്ട​ത്തോ​ടാണ്‌. ‘നോഹ​യു​ടെ നാളുകൾ’ അനേക​വർഷങ്ങൾ നീണ്ട ഒരു കാലഘ​ട്ട​മാ​യി​രു​ന്ന​തു​കൊണ്ട്‌ യേശു മുൻകൂ​ട്ടി​പ്പറഞ്ഞ ‘മനുഷ്യ​പു​ത്രന്റെ നാളു​ക​ളും (അഥവാ “സാന്നി​ധ്യ​വും”)’ അനേക​വർഷങ്ങൾ നീണ്ട ഒരു കാലഘ​ട്ട​മാ​യി​രി​ക്കു​മെന്നു നമുക്കു മനസ്സി​ലാ​ക്കാം. രക്ഷയ്‌ക്കാ​യി ശ്രമി​ക്കാ​ത്ത​വ​രു​ടെ നാശ​ത്തോ​ടെ​യാ​യി​രി​ക്കും ആ കാലഘട്ടം അവസാ​നി​ക്കു​ന്നത്‌.​—മത്ത 24:3-ന്റെ പഠനക്കു​റി​പ്പു കാണുക.

പെട്ടകം: മത്ത 24:38-ന്റെ പഠനക്കു​റി​പ്പു കാണുക.

ജലപ്ര​ളയം: അഥവാ “വെള്ള​പ്പൊ​ക്കം.” ഇവിടെ ഉപയോ​ഗി​ച്ചി​രി​ക്കുന്ന കറ്റാക്‌ളു​സ്‌മൊസ്‌ എന്ന ഗ്രീക്കു​പദം നശീക​ര​ണ​ശ​ക്തി​യുള്ള വലി​യൊ​രു വെള്ള​പ്പൊ​ക്കത്തെ കുറി​ക്കു​ന്നു. ബൈബി​ളിൽ ഈ പദം ഉപയോ​ഗി​ച്ചി​രി​ക്കു​ന്നതു നോഹ​യു​ടെ നാളിലെ ജലപ്ര​ള​യത്തെ സൂചി​പ്പി​ക്കാ​നാണ്‌.​—ഉൽ 6:17, സെപ്‌റ്റു​വ​ജിന്റ്‌; മത്ത 24:38, 39; 2പത്ര 2:5.

പുരമു​ക​ളിൽ: ഇസ്രാ​യേ​ല്യ​രു​ടെ വീടു​കൾക്കു പരന്ന മേൽക്കൂ​ര​യാണ്‌ ഉണ്ടായി​രു​ന്നത്‌. സാധനങ്ങൾ സംഭരി​ക്കുക (യോശ 2:6), വിശ്ര​മി​ക്കുക (2ശമു 11:2), ഉറങ്ങുക (1ശമു 9:26), ആരാധ​ന​യു​ടെ ഭാഗമായ ഉത്സവങ്ങൾ കൊണ്ടാ​ടുക (നെഹ 8:16-18) എന്നിങ്ങനെ പല ആവശ്യ​ങ്ങൾക്കാ​യി അത്‌ ഉപയോ​ഗി​ച്ചി​രു​ന്നു. അതു​കൊ​ണ്ടാണ്‌ മേൽക്കൂ​ര​യ്‌ക്കു കൈമ​തിൽ ആവശ്യ​മാ​യി​രു​ന്നത്‌. (ആവ 22:8) സാധാ​ര​ണ​യാ​യി വീടിന്റെ മേൽക്കൂ​ര​യിൽ നിൽക്കുന്ന ഒരാൾക്കു വീടിന്‌ ഉള്ളിലൂ​ടെ​യ​ല്ലാ​തെ, പുറത്തെ ഗോവ​ണി​യി​ലൂ​ടെ​യോ ഏണി ഉപയോ​ഗി​ച്ചോ താഴേക്ക്‌ ഇറങ്ങാ​മാ​യി​രു​ന്നു. യേശു​വി​ന്റെ മുന്നറി​യിപ്പ്‌ ഒരാൾക്ക്‌ എങ്ങനെ അനുസ​രി​ക്കാ​നാ​കു​മാ​യി​രു​ന്നു എന്നു മനസ്സി​ലാ​ക്കാൻ ഈ പശ്ചാത്ത​ല​വി​വരം നമ്മളെ സഹായി​ക്കു​ന്നു. അപ്പോ​ഴത്തെ സാഹച​ര്യം എത്ര​ത്തോ​ളം അടിയ​ന്ത​ര​മാ​യി​രി​ക്കു​മെന്ന സൂചന​യും അതിലുണ്ട്‌.

ജീവൻ: അഥവാ “ദേഹി.”​—പദാവ​ലി​യിൽ “ദേഹി” കാണുക.

കൂട്ടി​ക്കൊ​ണ്ടു​പോ​കും: ഇതിന്റെ ഗ്രീക്കു​പദം പല സന്ദർഭ​ങ്ങ​ളിൽ ഉപയോ​ഗി​ച്ചി​ട്ടുണ്ട്‌. മിക്ക​പ്പോ​ഴും നല്ലൊരു അർഥത്തി​ലാണ്‌ അത്‌ ഉപയോ​ഗി​ച്ചി​രി​ക്കു​ന്നത്‌. ഉദാഹ​ര​ണ​ത്തിന്‌, മത്ത 1:20-ൽ “വീട്ടി​ലേക്കു കൊണ്ടു​വ​രാൻ” എന്നും മത്ത 17:1-ൽ “കൂട്ടി​ക്കൊണ്ട്‌ . . . പോയി” എന്നും യോഹ 14:3-ൽ “വീട്ടിൽ സ്വീക​രി​ക്കുക” എന്നും ആണ്‌ ആ പദം പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. സാധ്യ​ത​യ​നു​സ​രിച്ച്‌ ഇവിടെ അതു കുറി​ക്കു​ന്നത്‌, ‘കർത്താ​വി​ന്റെ’ പ്രീതി നേടി രക്ഷിക്ക​പ്പെ​ടു​ന്ന​തി​നെ​യാണ്‌. (ലൂക്ക 17:37) ഇനി, പ്രളയ​ത്തി​ന്റെ സമയത്ത്‌ നോഹ പെട്ടക​ത്തി​നു​ള്ളിൽ പ്രവേ​ശി​ച്ച​തി​നോ​ടും ലോത്തി​നെ കൈക്കു പിടിച്ച്‌ സൊ​ദോ​മി​നു പുറ​ത്തേക്കു കൊണ്ടു​പോ​യ​തി​നോ​ടും ഉള്ള ഒരു താരത​മ്യ​വും ഇവിടെ ഉണ്ടായി​രി​ക്കാം. (ലൂക്ക 17:26-29) അങ്ങനെ​യെ​ങ്കിൽ, ഉപേക്ഷി​ക്കും എന്നു പറഞ്ഞതി​ന്റെ അർഥം നാശത്തി​നു വിധി​ക്കും എന്നാണ്‌.

പുരാ​ത​ന​കാ​ലത്തെ ചുരുക്കം ചില കൈ​യെ​ഴു​ത്തു​പ്ര​തി​ക​ളിൽ ഇവിടെ ഈ വാക്കുകൾ കാണാം: “രണ്ടു പുരു​ഷ​ന്മാർ വയലി​ലു​ണ്ടാ​യി​രി​ക്കും; ഒരാളെ കൂട്ടി​ക്കൊ​ണ്ടു​പോ​കും, മറ്റേയാ​ളെ ഉപേക്ഷി​ക്കും.” എന്നാൽ ഏറ്റവും കാലപ്പ​ഴ​ക്ക​മു​ള്ള​തും ഏറെ വിശ്വാ​സ​യോ​ഗ്യ​വും ആയ കൈ​യെ​ഴു​ത്തു​പ്ര​തി​ക​ളിൽ ഈ വാക്കുകൾ കാണു​ന്നില്ല. അതു സൂചി​പ്പി​ക്കു​ന്നത്‌, ലൂക്കോസ്‌ സുവി​ശേഷം എഴുതി​യ​പ്പോൾ ഈ വാക്കുകൾ അതിൽ ഇല്ലായി​രു​ന്നു എന്നാണ്‌. എങ്കിലും സമാന​മായ വാക്കുകൾ മത്ത 24:40-ൽ കാണാം. അതാകട്ടെ ദൈവ​പ്ര​ചോ​ദി​ത​മാ​യി രേഖ​പ്പെ​ടു​ത്തിയ തിരു​വെ​ഴു​ത്തു​ക​ളു​ടെ ഭാഗമാ​ണു​താ​നും. മത്തായി​യു​ടെ വിവര​ണ​ത്തി​ലെ ആ വാക്കുകൾ ഒരു പകർപ്പെ​ഴു​ത്തു​കാ​രൻ ലൂക്കോസിന്റെ വിവര​ണ​ത്തി​ലേക്കു കടമെ​ടു​ത്ത​താ​കാം എന്നാണു ചില പണ്ഡിത​ന്മാ​രു​ടെ അഭി​പ്രാ​യം.​—അനു. എ3 കാണുക.

ദൃശ്യാവിഷ്കാരം

തിരി​കല്ല്‌—മുകളി​ല​ത്തെ​യും താഴ​ത്തെ​യും
തിരി​കല്ല്‌—മുകളി​ല​ത്തെ​യും താഴ​ത്തെ​യും

ഇവിടെ കാണി​ച്ചി​രി​ക്കുന്ന തരം വലിയ തിരി​കല്ലു കഴുത​യെ​പ്പോ​ലുള്ള വളർത്തു​മൃ​ഗ​ങ്ങ​ളാ​ണു തിരി​ച്ചി​രു​ന്നത്‌. ധാന്യം പൊടി​ക്കാ​നും ഒലിവ്‌ ആട്ടാനും അവ ഉപയോ​ഗി​ച്ചി​രു​ന്നു. ഇതിൽ മുകളി​ലത്തെ കല്ലിന്‌ 1.5 മീറ്റ​റോ​ളം (5 അടി) വ്യാസം വരും. അതിലും വ്യാസം കൂടിയ മറ്റൊരു കല്ലിൽവെ​ച്ചാണ്‌ അതു തിരി​ക്കുക.

മൾബറി മരം
മൾബറി മരം

ഈ മരത്തെ​ക്കു​റിച്ച്‌ (മോറസ്‌ നൈഗ്ര) ബൈബി​ളിൽ ഒരിടത്ത്‌ മാത്രമേ പറഞ്ഞി​ട്ടു​ള്ളൂ. അപ്പോ​സ്‌ത​ല​ന്മാ​രു​ടെ വിശ്വാ​സ​ത്തെ​ക്കു​റിച്ച്‌ സംസാ​രി​ക്കു​മ്പോ​ഴാ​ണു യേശു ഈ മരത്തെ​ക്കു​റിച്ച്‌ പറഞ്ഞത്‌. (ലൂക്ക 17:5, 6) ലൂക്ക 17:6-ൽ കാണുന്ന ഗ്രീക്കു​പദം ബൈബിൾക്കാ​ല​ങ്ങ​ളിൽ മൾബറി മരത്തെ കുറി​ക്കാ​നാ​ണു പൊതു​വേ ഉപയോ​ഗി​ച്ചി​രു​ന്നത്‌. മൾബറി​യി​ലെ മോറസ്‌ നൈഗ്ര എന്ന ഇനം ഇന്നും ഇസ്രാ​യേ​ലിൽ വ്യാപ​ക​മാ​യി കൃഷി ചെയ്യാ​റുണ്ട്‌. ഏതാണ്ട്‌ 6 മീ. (20 അടി) ഉയരത്തിൽ വളരുന്ന, ബലിഷ്‌ഠ​മായ ഈ മരത്തിന്‌ ഹൃദയാ​കൃ​തി​യി​ലുള്ള, വലിയ ഇലകളാ​ണു​ള്ളത്‌. അതിന്റെ പഴങ്ങളു​ടെ നിറം കറുപ്പോ ഇരുണ്ട ചുവപ്പോ ആണ്‌.