ലൂക്കോസ്‌ എഴുതിയത്‌ 15:1-32

15  യേശു പറയു​ന്നതു കേൾക്കാൻ ധാരാളം നികു​തി​പി​രി​വു​കാ​രും പാപി​ക​ളും വന്നു​കൊ​ണ്ടി​രു​ന്നു.+  ഇതു കണ്ടിട്ട്‌ പരീശ​ന്മാ​രും ശാസ്‌ത്രി​മാ​രും, “ഈ മനുഷ്യൻ പാപി​കളെ സ്വാഗതം ചെയ്യു​ക​യും അവരോ​ടൊ​പ്പം ഭക്ഷണം കഴിക്കു​ക​യും ചെയ്യു​ന്ന​ല്ലോ” എന്നു പിറു​പി​റു​ത്തു.+  അപ്പോൾ യേശു അവരോട്‌ ഈ ദൃഷ്ടാന്തം പറഞ്ഞു:  “നിങ്ങളിൽ ഒരാൾക്ക്‌ 100 ആടു​ണ്ടെന്നു വിചാ​രി​ക്കുക. അവയിൽ ഒന്നിനെ കാണാ​തെ​പോ​യാൽ അയാൾ 99-നെയും വിജന​ഭൂ​മി​യിൽ വിട്ടിട്ട്‌ കാണാ​തെ​പോ​യ​തി​നെ കണ്ടെത്തു​ന്ന​തു​വരെ തിരഞ്ഞു​ന​ട​ക്കി​ല്ലേ?+  കണ്ടെത്തു​മ്പോൾ അയാൾ അതിനെ എടുത്ത്‌ തോളത്ത്‌ വെച്ച്‌ സന്തോ​ഷ​ത്തോ​ടെ പോരും.  വീട്ടിൽ എത്തു​മ്പോൾ അയാൾ സ്‌നേ​ഹി​ത​രെ​യും അയൽക്കാ​രെ​യും വിളി​ച്ചു​കൂ​ട്ടി അവരോ​ടു പറയും: ‘കാണാ​തെ​പോയ ആടിനെ തിരി​ച്ചു​കി​ട്ടി. എന്റെകൂടെ സന്തോ​ഷി​ക്കൂ.’+  അങ്ങനെ​തന്നെ, മാനസാ​ന്തരം ആവശ്യ​മി​ല്ലാത്ത 99 നീതി​മാ​ന്മാ​രെ​ക്കാൾ മാനസാ​ന്ത​ര​പ്പെ​ടുന്ന ഒരു പാപി​യെ​ക്കു​റിച്ച്‌ സ്വർഗ​ത്തിൽ കൂടുതൽ സന്തോഷം ഉണ്ടാകും+ എന്നു ഞാൻ നിങ്ങ​ളോ​ടു പറയുന്നു.+  “അല്ലെങ്കിൽ, ഒരു സ്‌ത്രീക്ക്‌ പത്തു ദ്രഹ്‌മ​യു​ണ്ടെ​ന്നി​രി​ക്കട്ടെ. അവയിൽ ഒന്നു കാണാ​തെ​പോ​യാൽ ആ സ്‌ത്രീ വിളക്കു കത്തിച്ച്‌ വീട്‌ അടിച്ചു​വാ​രി അതു കണ്ടുകി​ട്ടു​ന്ന​തു​വരെ സൂക്ഷ്‌മ​ത​യോ​ടെ തിരയില്ലേ?  അതു കണ്ടുകി​ട്ടു​മ്പോൾ ആ സ്‌ത്രീ കൂട്ടു​കാ​രി​ക​ളെ​യും അയൽക്കാ​രെ​യും വിളി​ച്ചു​കൂ​ട്ടി ഇങ്ങനെ പറയും: ‘കാണാ​തെ​പോയ ദ്രഹ്‌മ കിട്ടി. എന്റെകൂടെ സന്തോഷിക്കൂ.’ 10  മാനസാ​ന്ത​ര​പ്പെ​ടുന്ന ഒരു പാപിയെക്കുറിച്ച്‌+ ദൈവ​ദൂ​ത​ന്മാ​രും അതു​പോ​ലെ​തന്നെ സന്തോ​ഷി​ക്കും എന്നു ഞാൻ നിങ്ങ​ളോ​ടു പറയുന്നു.” 11  പിന്നെ യേശു പറഞ്ഞു: “ഒരു മനുഷ്യ​നു രണ്ട്‌ ആൺമക്ക​ളു​ണ്ടാ​യി​രു​ന്നു. 12  അവരിൽ ഇളയവൻ അപ്പനോട്‌, ‘അപ്പാ, സ്വത്തിൽ എനിക്കു കിട്ടേണ്ട ഓഹരി തരൂ’ എന്നു പറഞ്ഞു. അപ്പൻ സ്വത്ത്‌ അവർക്കു വീതി​ച്ചു​കൊ​ടു​ത്തു. 13  കുറച്ച്‌ ദിവസം കഴിഞ്ഞ​പ്പോൾ, ഇളയവൻ തനിക്കു​ള്ള​തെ​ല്ലാം വാരി​ക്കെട്ടി ഒരു ദൂര​ദേ​ശ​ത്തേക്കു പോയി. അവി​ടെ​ച്ചെന്ന്‌ അവൻ കുത്തഴിഞ്ഞ ജീവിതം നയിച്ച്‌ തന്റെ സ്വത്തെ​ല്ലാം ധൂർത്തടിച്ചു. 14  അവന്റെ കൈയി​ലു​ള്ള​തെ​ല്ലാം തീർന്നു. അങ്ങനെ​യി​രി​ക്കെ ആ നാട്ടി​ലെ​ങ്ങും കടുത്ത ക്ഷാമം ഉണ്ടായി. അവൻ ആകെ ഞെരു​ക്ക​ത്തി​ലാ​യി. 15  അന്നാട്ടു​കാ​ര​നായ ഒരാളു​ടെ അടുത്ത്‌ അവൻ അഭയം തേടി. അയാൾ അവനെ അയാളു​ടെ വയലിൽ പന്നികളെ മേയ്‌ക്കാൻ അയച്ചു.+ 16  പന്നിക്കു കൊടു​ക്കുന്ന പയറു​കൊ​ണ്ടെ​ങ്കി​ലും വയറു നിറയ്‌ക്കാൻ അവൻ കൊതി​ച്ചു. പക്ഷേ ആരും അവന്‌ ഒന്നും കൊടു​ത്തില്ല. 17  “സുബോധമുണ്ടായപ്പോൾ അവൻ പറഞ്ഞു: ‘എന്റെ അപ്പന്റെ എത്രയോ കൂലി​ക്കാർ സുഭി​ക്ഷ​മാ​യി കഴിയു​ന്നു. ഞാനോ ഇവിടെ പട്ടിണി കിടന്ന്‌ ചാകാ​റാ​യി! 18  ഞാൻ അപ്പന്റെ അടുത്ത്‌ ചെന്ന്‌ പറയും: “അപ്പാ, ഞാൻ സ്വർഗ​ത്തോ​ടും അപ്പനോ​ടും പാപം ചെയ്‌തു. 19  അങ്ങയുടെ മകൻ എന്ന്‌ അറിയ​പ്പെ​ടാൻ ഇനി എനിക്ക്‌ ഒരു യോഗ്യ​ത​യു​മില്ല. എന്നെ അപ്പന്റെ കൂലി​ക്കാ​ര​നാ​യെ​ങ്കി​ലും ഇവിടെ നിറു​ത്തണേ.”’ 20  അങ്ങനെ അവൻ എഴു​ന്നേറ്റ്‌ അപ്പന്റെ അടു​ത്തേക്കു പോയി. ദൂരെ​വെ​ച്ചു​തന്നെ അപ്പൻ അവനെ തിരി​ച്ച​റി​ഞ്ഞു. മനസ്സ്‌ അലിഞ്ഞ്‌ അപ്പൻ ഓടി​ച്ചെന്ന്‌ അവനെ കെട്ടിപ്പിടിച്ച്‌* സ്‌നേ​ഹ​ത്തോ​ടെ ചുംബിച്ചു. 21  അപ്പോൾ അവൻ പറഞ്ഞു: ‘അപ്പാ, ഞാൻ സ്വർഗ​ത്തോ​ടും അപ്പനോ​ടും പാപം ചെയ്‌തു.+ അങ്ങയുടെ മകൻ എന്ന്‌ അറിയ​പ്പെ​ടാൻ എനിക്ക്‌ ഇനി ഒരു യോഗ്യ​ത​യു​മില്ല.’ 22  എന്നാൽ അപ്പൻ വീട്ടിലെ അടിമ​ക​ളോ​ടു പറഞ്ഞു: ‘വേഗം ചെന്ന്‌ ഏറ്റവും നല്ല കുപ്പായം കൊണ്ടു​വന്ന്‌ ഇവനെ ധരിപ്പി​ക്കൂ. കൈയിൽ മോതി​ര​വും കാലിൽ ചെരി​പ്പും ഇട്ടു​കൊ​ടു​ക്കൂ. 23  കൊഴുത്ത കാളക്കു​ട്ടി​യെ അറുക്കണം.* നമുക്കു തിന്നു​കു​ടിച്ച്‌ ആഘോ​ഷി​ക്കാം. 24  എന്റെ ഈ മകൻ മരിച്ച വനായി​രു​ന്നു. ഇപ്പോൾ ഇവനു ജീവൻ തിരി​ച്ചു​കി​ട്ടി.+ ഇവനെ കാണാ​തെ​പോ​യി​രു​ന്നു, ഇപ്പോൾ കണ്ടുകി​ട്ടി.’ അങ്ങനെ, അവർ ആനന്ദി​ച്ചു​ല്ല​സി​ക്കാൻ തുടങ്ങി.+ 25  “ഈ സമയം മൂത്ത മകൻ വയലി​ലാ​യി​രു​ന്നു. അവൻ വീടിന്‌ അടുത്ത്‌ എത്തിയ​പ്പോൾ സംഗീതത്തിന്റെയും നൃത്തത്തിന്റെയും ഒക്കെ ശബ്ദം കേട്ടു. 26  അവൻ ജോലി​ക്കാ​രിൽ ഒരാളെ അടുത്ത്‌ വിളിച്ച്‌ കാര്യം തിരക്കി. 27  അയാൾ അവനോ​ടു പറഞ്ഞു: ‘അനിയൻ വന്നിട്ടുണ്ട്‌. ആപത്തൊ​ന്നും കൂടാതെ* മകനെ തിരി​ച്ചു​കി​ട്ടി​യ​തു​കൊണ്ട്‌ അങ്ങയുടെ അപ്പൻ കൊഴുത്ത കാളക്കു​ട്ടി​യെ അറുത്തു.’ 28  ഇതു കേട്ട്‌ അവനു വല്ലാതെ ദേഷ്യം വന്നു. അകത്തേക്കു ചെല്ലാൻ അവൻ കൂട്ടാ​ക്കി​യില്ല. അപ്പോൾ അപ്പൻ പുറത്ത്‌ വന്ന്‌ അവനെ എങ്ങനെ​യെ​ങ്കി​ലും പറഞ്ഞ്‌ സമ്മതി​പ്പി​ക്കാൻ നോക്കി. 29  എന്നാൽ അവൻ അപ്പനോ​ടു പറഞ്ഞു: ‘എത്രയോ കാലമാ​യി ഞാൻ അപ്പനു​വേണ്ടി കഷ്ടപ്പെട്ട്‌ പണി​യെ​ടു​ക്കു​ന്നു. അപ്പന്റെ വാക്കു ഞാൻ ഒരിക്കൽപ്പോ​ലും ധിക്കരി​ച്ചി​ട്ടില്ല. എന്നിട്ടും എന്റെ കൂട്ടു​കാ​രു​ടെ​കൂ​ടെ ഒന്ന്‌ ഒത്തുകൂ​ടാൻ അപ്പൻ ഇതുവരെ എനിക്ക്‌ ഒരു ആട്ടിൻകു​ട്ടി​യെ​പ്പോ​ലും തന്നിട്ടില്ല. 30  എന്നിട്ട്‌ ഇപ്പോൾ, വേശ്യ​ക​ളു​ടെ​കൂ​ടെ അപ്പന്റെ സ്വത്തു തിന്നു​മു​ടിച്ച ഈ മകൻ വന്ന ഉടനെ അപ്പൻ അവനു​വേണ്ടി കൊഴുത്ത കാളക്കു​ട്ടി​യെ അറുത്തി​രി​ക്കു​ന്നു.’ 31  അപ്പോൾ അദ്ദേഹം പറഞ്ഞു: ‘മോനേ, നീ എപ്പോ​ഴും എന്റെകൂടെയുണ്ടായിരുന്നല്ലോ. എനിക്കു​ള്ള​തെ​ല്ലാം നിന്റേതല്ലേ? 32  എന്നാൽ നിന്റെ ഈ അനിയൻ മരിച്ച​വ​നാ​യി​രു​ന്നു. ഇപ്പോൾ അവനു ജീവൻ തിരി​ച്ചു​കി​ട്ടി. അവനെ കാണാ​തെ​പോ​യി​രു​ന്നു, ഇപ്പോ​ഴോ കണ്ടുകി​ട്ടി. നമ്മൾ ഇത്‌ ആഘോ​ഷി​ക്കേ​ണ്ട​തല്ലേ?’”

അടിക്കുറിപ്പുകള്‍

അക്ഷ. “അവന്റെ കഴുത്തിൽ വീണ്‌.”
അഥവാ “ബലി അർപ്പി​ക്കണം.”
അഥവാ “ആരോ​ഗ്യ​ത്തോ​ടെ.”

പഠനക്കുറിപ്പുകൾ

പത്ത്‌: ഈ വാക്യ​ത്തി​ലെ ദ്രഹ്‌മ എന്നതിന്റെ പഠനക്കു​റി​പ്പിൽ പറഞ്ഞി​രി​ക്കു​ന്ന​തു​പോ​ലെ, ഒരു ദ്രഹ്‌മ​യു​ടെ മൂല്യം ഏതാണ്ട്‌ ഒരു ദിവസത്തെ കൂലിക്കു തുല്യ​മാ​യി​രു​ന്നു. എന്നാൽ കാണാ​തെ​പോയ ദ്രഹ്‌മ​യ്‌ക്ക്‌ എന്തോ പ്രത്യേ​ക​മൂ​ല്യ​മു​ണ്ടാ​യി​രു​ന്നെന്നു തോന്നു​ന്നു. ആ സ്‌ത്രീ​ക്കു പിതൃ​സ്വ​ത്താ​യി പത്തു നാണയം കൈമാ​റി​ക്കി​ട്ടി​ക്കാ​ണും. അതിൽ ഒന്നായി​രി​ക്കാം നഷ്ടപ്പെട്ട ഈ നാണയം. അല്ലെങ്കിൽ അതു പത്തു ദ്രഹ്‌മ കോർത്തു​ണ്ടാ​ക്കിയ അമൂല്യ​മായ ഒരു ആഭരണ​ത്തി​ലെ​യോ അലങ്കാ​ര​വ​സ്‌തു​വി​ലെ​യോ ഒരു ദ്രഹ്‌മ​യാ​യി​രു​ന്നി​രി​ക്കാം. പൊതു​വേ അന്നത്തെ വീടു​ക​ളു​ടെ ജനൽ വളരെ ചെറു​താ​യി​രു​ന്നു, ചില വീടു​കൾക്കു ജനലേ ഇല്ലായി​രു​ന്നു. അതു​കൊ​ണ്ടാ​യി​രി​ക്കാം ദ്രഹ്‌മ കണ്ടെത്താൻ ആ സ്‌ത്രീ​ക്കു വിളക്കു കത്തി​ക്കേ​ണ്ടി​വ​ന്നത്‌. ഇനി, കാണാ​തെ​പോയ നാണയം കണ്ടെത്താൻ ആ സ്‌ത്രീ തറ അടിച്ചു​വാ​രി​യത്‌, അക്കാലത്തെ വീടു​ക​ളു​ടേതു കളിമ​ണ്ണു​കൊ​ണ്ടുള്ള തറ ആയിരു​ന്ന​തു​കൊ​ണ്ടാ​കാം.

ദ്രഹ്‌മ: മുമ്പ്‌ ഉപയോ​ഗ​ത്തി​ലി​രുന്ന ഒരു ഗ്രീക്ക്‌ വെള്ളി​നാ​ണയം. യേശു​വി​ന്റെ ഭൗമി​ക​ശു​ശ്രൂ​ഷ​യു​ടെ സമയത്ത്‌ ഒരു ദ്രഹ്‌മ​യു​ടെ തൂക്കം ഏതാണ്ട്‌ 3.4 ഗ്രാം ആയിരു​ന്ന​താ​യി കരുത​പ്പെ​ടു​ന്നു. ഒരു ദ്രഹ്‌മയെ ഒരു ദിനാ​റെക്കു തുല്യ​മാ​യാണ്‌ അന്നത്തെ ഗ്രീക്കു​കാർ കണക്കാ​ക്കി​യി​രു​ന്നത്‌. പക്ഷേ അതിനു റോമൻ ഗവൺമെന്റ്‌ ഔദ്യോ​ഗി​ക​മാ​യി കല്‌പി​ച്ചി​രുന്ന മൂല്യം ഒരു ദിനാ​റെ​യു​ടെ നാലിൽ മൂന്ന്‌ മാത്ര​മാ​യി​രു​ന്നു. ജൂതന്മാർ വാർഷിക ആലയനി​കു​തി​യാ​യി നൽകി​യി​രു​ന്നതു രണ്ടു ദ്രഹ്‌മ (ദ്വി​ദ്രഹ്‌മ) ആണ്‌.​—മത്ത 17:24-ന്റെ പഠനക്കു​റി​പ്പും പദാവ​ലി​യും അനു. ബി14-ഉം കാണുക.

ഒരു മനുഷ്യ​നു രണ്ട്‌ ആൺമക്ക​ളു​ണ്ടാ​യി​രു​ന്നു: ധൂർത്തപുത്രന്റെ ദൃഷ്ടാ​ന്ത​ക​ഥ​യ്‌ക്ക്‌, (“മുടി​യ​നായ പുത്രന്റെ കഥ” എന്നും അറിയ​പ്പെ​ടു​ന്നു.) അതിനെ വ്യത്യ​സ്‌ത​മാ​ക്കി​നി​റു​ത്തുന്ന ചില പ്രത്യേ​ക​ത​ക​ളുണ്ട്‌. യേശു പറഞ്ഞ ദൈർഘ്യ​മേ​റിയ ദൃഷ്ടാ​ന്ത​ങ്ങ​ളിൽ ഒന്നാണ്‌ ഇത്‌. കുടും​ബ​ബ​ന്ധ​ങ്ങ​ളെ​ക്കു​റി​ച്ചുള്ള യേശുവിന്റെ വർണന​യാണ്‌ എടുത്തു​പ​റ​യേണ്ട മറ്റൊരു സവി​ശേഷത. മറ്റു ദൃഷ്ടാ​ന്ത​ങ്ങ​ളിൽ, യേശു പലപ്പോ​ഴും വ്യത്യ​സ്‌ത​തരം വിത്ത്‌, മണ്ണ്‌ എന്നിങ്ങ​നെ​യുള്ള ജീവനി​ല്ലാത്ത വസ്‌തു​ക്ക​ളെ​ക്കു​റി​ച്ചോ യജമാ​ന​നും അടിമ​ക​ളും തമ്മിലുള്ള ഔപചാ​രി​ക​മായ ബന്ധത്തെ​ക്കു​റി​ച്ചോ ഒക്കെയാ​ണു പറഞ്ഞി​ട്ടു​ള്ളത്‌. (മത്ത 13:18-30; 25:14-30; ലൂക്ക 19:12-27) എന്നാൽ ഒരു അപ്പനും മക്കളും തമ്മിലുള്ള ഗാഢമായ ബന്ധമാണ്‌ ഈ ദൃഷ്ടാന്തത്തിന്റെ കേന്ദ്ര​ബി​ന്ദു. ഈ കഥ കേട്ട പലർക്കും ഇത്രയും സ്‌നേ​ഹ​വും ദയയും ഉള്ള ഒരു പിതാവ്‌ ഉണ്ടായി​രു​ന്നി​രി​ക്കില്ല. നമ്മുടെ സ്വർഗീ​യ​പി​താ​വി​നു ഭൂമി​യി​ലെ തന്റെ മക്കളോ​ടുള്ള ആഴമായ സ്‌നേ​ഹ​വും അനുക​മ്പ​യും ആണ്‌ ഈ ദൃഷ്ടാന്തം വരച്ചു​കാ​ട്ടു​ന്നത്‌. എന്നും തന്നോ​ടൊ​പ്പം നിന്നി​ട്ടുള്ള മക്കളോ​ടു മാത്രമല്ല, ഒരിക്കൽ തന്നെ ഉപേക്ഷി​ച്ചു​പോ​യിട്ട്‌ തിരി​ച്ചു​വ​ന്ന​വ​രോ​ടും നമ്മുടെ പിതാ​വിന്‌ അതേ സ്‌നേ​ഹ​വും മനസ്സലി​വും ഉണ്ട്‌.

ഇളയവൻ: മോശ​യു​ടെ നിയമ​മ​നു​സ​രിച്ച്‌ ആദ്യജാ​തന്‌ ഇരട്ടി ഓഹരി ലഭിക്കു​മാ​യി​രു​ന്നു. (ആവ 21:17) അതു​കൊണ്ട്‌ ഈ ദൃഷ്ടാ​ന്ത​ക​ഥ​യി​ലെ മൂത്ത മകൻ വീട്ടിലെ ആദ്യജാ​തൻ ആയിരു​ന്നെ​ങ്കിൽ അവനു കിട്ടുന്ന പിതൃസ്വത്തിന്റെ നേർപ​കു​തി​യേ ഇളയവനു ലഭിക്കു​മാ​യി​രു​ന്നു​ള്ളൂ.

കുത്തഴിഞ്ഞ ജീവിതം: അഥവാ “ധാരാ​ളി​യാ​യുള്ള (വരുംവരായ്‌കകളെക്കുറിച്ച്‌ ചിന്തി​ക്കാ​തെ​യുള്ള; താന്തോ​ന്നി​യാ​യുള്ള) ജീവിതം.” ഇതേ ഗ്രീക്കു​പ​ദ​ത്തോ​ടു ബന്ധമുള്ള ഒരു ഗ്രീക്കു​പദം എഫ 5:18; തീത്ത 1:6; 1പത്ര 4:4 എന്നീ വാക്യ​ങ്ങ​ളി​ലും സമാന​മായ അർഥത്തിൽ ഉപയോ​ഗി​ച്ചി​ട്ടുണ്ട്‌. ഈ വാക്യ​ത്തിൽ കാണുന്ന ഗ്രീക്കു​പ​ദ​ത്തി​നു പണം ദുർവ്യ​യം ചെയ്‌ത്‌, ധാരാ​ളി​യാ​യി ജീവി​ക്കു​ന്ന​തി​നെ​യും കുറി​ക്കാ​നാ​കു​ന്ന​തു​കൊണ്ട്‌ ചില ബൈബിൾഭാ​ഷാ​ന്ത​രങ്ങൾ ഈ പദപ്ര​യോ​ഗത്തെ “ധൂർത്ത​ജീ​വി​തം” എന്നും പരിഭാ​ഷ​പ്പെ​ടു​ത്തി​യി​ട്ടുണ്ട്‌.

ധൂർത്ത​ടി​ച്ചു: ഇവിടെ കാണുന്ന ഗ്രീക്കുപദത്തിന്റെ അക്ഷരാർഥം, “(പല ദിശയിൽ) ചിതറി​ക്കുക” എന്നാണ്‌. (ലൂക്ക 1:51; പ്രവൃ 5:37) പാഴാ​ക്കി​ക്ക​ള​യുക, മുന്നും പിന്നും നോക്കാ​തെ ചെലവാ​ക്കുക എന്നൊ​ക്കെ​യുള്ള അർഥത്തി​ലാണ്‌ ഈ വാക്യ​ത്തിൽ അത്‌ ഉപയോ​ഗി​ച്ചി​രി​ക്കു​ന്നത്‌.

പന്നികളെ മേയ്‌ക്കാൻ: മോശ​യു​ടെ നിയമ​മ​നു​സ​രിച്ച്‌, പന്നി ഒരു അശുദ്ധ​ജീ​വി​യാ​യി​രു​ന്ന​തു​കൊണ്ട്‌ ഒരു ജൂതനെ സംബന്ധി​ച്ചി​ട​ത്തോ​ളം ഇതൊരു തരംതാണ, നിന്ദ്യ​മായ ജോലി​യാ​യി​രു​ന്നു.​—ലേവ 11:7, 8.

പയർ: ഇവിടെ പറഞ്ഞി​രി​ക്കുന്ന ക്യാ​രോബ്‌ പയറിന്‌ അഥവാ വെട്ടു​ക്കി​ളി​പ്പ​യ​റിന്‌, നല്ല മിനു​സ​മുള്ള, തുകൽപോ​ലി​രി​ക്കുന്ന തോടു​ക​ളാ​ണു​ള്ളത്‌. പർപ്പിൾ കലർന്ന തവിട്ടു​നി​റ​മുള്ള ഈ കായ്‌കൾക്ക്‌ വളഞ്ഞ കൊമ്പിന്റെ ആകൃതി​യാണ്‌. അതു​കൊ​ണ്ടു​തന്നെ “ചെറിയ കൊമ്പ്‌” എന്ന്‌ അർഥം വരുന്ന ഗ്രീക്ക്‌ പേര്‌ (കേറാ​റ്റി​ഒൻ) ഇവയ്‌ക്ക്‌ എന്തു​കൊ​ണ്ടും ചേരും. കുതിര, കന്നുകാ​ലി, പന്നി എന്നിവ​യ്‌ക്കുള്ള തീറ്റയാ​യി ഇന്നും ഇതു വ്യാപ​ക​മാ​യി ഉപയോ​ഗി​ക്കു​ന്നുണ്ട്‌. പന്നിക്കുള്ള ഭക്ഷണം​പോ​ലും കഴിക്കാൻ ആ ചെറു​പ്പ​ക്കാ​രൻ തയ്യാറാ​യി എന്ന വസ്‌തുത സൂചി​പ്പി​ക്കു​ന്നത്‌, അയാളു​ടെ അവസ്ഥ എത്ര​ത്തോ​ളം പരിതാ​പ​ക​ര​മാ​യി​രു​ന്നു എന്നാണ്‌.​—ലൂക്ക 15:15-ന്റെ പഠനക്കു​റി​പ്പു കാണുക.

അപ്പനോട്‌: അഥവാ “അപ്പന്റെ മുമ്പാകെ.” ഇവിടെ കാണുന്ന ഇനോ​പി​യോൻ എന്ന ഗ്രീക്കുപദത്തിന്റെ അക്ഷരാർഥം, “മുമ്പാകെ; ദൃഷ്ടി​യിൽ” എന്നൊ​ക്കെ​യാണ്‌. സെപ്‌റ്റുവജിന്റി1ശമു 20:1-ലും ഈ പദം ഈയൊ​രു അർഥത്തിൽ ഉപയോ​ഗി​ച്ചി​ട്ടുണ്ട്‌. ആ വാക്യ​ത്തിൽ, “അദ്ദേഹ​ത്തോ​ടു (യോനാഥാന്റെ അപ്പനോ​ടു) ഞാൻ എന്തു പാപം ചെയ്‌തു” എന്നു ദാവീദ്‌ ചോദി​ക്കു​ന്ന​താ​യി കാണാം.

കൂലി​ക്കാ​രൻ: വീട്ടി​ലേക്കു തിരി​ച്ചെ​ത്തു​മ്പോൾ, തന്നെ ഒരു മകനായല്ല, മറിച്ച്‌ ഒരു കൂലി​ക്കാ​ര​നാ​യി സ്വീക​രി​ക്കണേ എന്ന്‌ അപ്പനോട്‌ അപേക്ഷി​ക്കു​ന്ന​തി​നെ​ക്കു​റി​ച്ചാണ്‌ ഇളയമകൻ ആലോ​ചി​ച്ചത്‌. ഒരു വീട്ടിലെ അടിമ​ക​ളെ​പ്പോ​ലും ആ കുടുംബത്തിന്റെ ഭാഗമാ​യി കണക്കാ​ക്കി​യി​രു​ന്നെ​ങ്കി​ലും ഒരു കൂലി​ക്കാ​രനെ അങ്ങനെ കണ്ടിരു​ന്നില്ല. പലപ്പോ​ഴും കൂലി​ക്കാ​രെ വെറും ഒരു ദിവസ​ത്തേ​ക്കും മറ്റും കൂലിക്കു വിളി​ക്കു​ന്ന​താ​യി​രു​ന്നു രീതി.​—മത്ത 20:1, 2, 8.

സ്‌നേ​ഹ​ത്തോ​ടെ ചുംബി​ച്ചു: അഥവാ “ആർദ്ര​മാ​യി ചുംബി​ച്ചു.” “സ്‌നേ​ഹ​ത്തോ​ടെ ചുംബി​ച്ചു” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പദം ഫിലീ​യോ എന്ന ഗ്രീക്കു​ക്രി​യ​യു​ടെ തീവ്ര​മായ ഒരു രൂപമാ​ണെന്നു കരുത​പ്പെ​ടു​ന്നു. “ചുംബി​ക്കുക” എന്നു ചില സ്ഥലങ്ങളിൽ പരിഭാ​ഷ​പ്പെ​ടു​ത്തി​യി​രി​ക്കുന്ന ഫിലീ​യോ എന്ന ആ പദം (മത്ത 26:48; മർ 14:44; ലൂക്ക 22:47) മിക്ക സ്ഥലങ്ങളി​ലും “ഇഷ്ടം തോന്നുക,” “പ്രിയം തോന്നുക” എന്നീ അർഥങ്ങ​ളി​ലാണ്‌ ഉപയോ​ഗി​ച്ചി​രി​ക്കു​ന്നത്‌. (യോഹ 5:20; 11:3; 16:27) ദൃഷ്ടാ​ന്ത​ത്തി​ലെ അപ്പൻ ഇത്ര സ്‌നേ​ഹ​ത്തോ​ടെ​യും സൗഹൃ​ദ​ഭാ​വ​ത്തോ​ടെ​യും മകനെ സ്വാഗതം ചെയ്‌തു എന്നതു സൂചി​പ്പി​ക്കു​ന്നത്‌, മാനസാ​ന്ത​ര​പ്പെട്ട മകനെ തിരികെ സ്വീക​രി​ക്കാൻ അദ്ദേഹ​ത്തിന്‌ എത്ര​ത്തോ​ളം മനസ്സാ​യി​രു​ന്നു എന്നാണ്‌.

എനിക്ക്‌ ഇനി ഒരു യോഗ്യ​ത​യു​മില്ല: ചില കൈ​യെ​ഴു​ത്തു​പ്ര​തി​ക​ളിൽ ഈ വാക്കു​കൾക്കു ശേഷം “എന്നെ അപ്പന്റെ കൂലി​ക്കാ​ര​നാ​യെ​ങ്കി​ലും ഇവിടെ നിറു​ത്തണേ” എന്നു കൂട്ടി​ച്ചേർത്തി​ട്ടുണ്ട്‌. എന്നാൽ ആധികാ​രി​ക​മായ പല ആദ്യകാല കൈ​യെ​ഴു​ത്തു​പ്ര​തി​ക​ളും ഇതിനെ പിന്തു​ണ​യ്‌ക്കു​ന്നില്ല. ചില കൈ​യെ​ഴു​ത്തു​പ്ര​തി​ക​ളിൽ ഈ ഭാഗം കൂട്ടി​ച്ചേർത്തതു ലൂക്ക 15:19-മായി ചേർന്നു​പോ​കാൻവേ​ണ്ടി​യാ​ണെന്നു ചില പണ്ഡിത​ന്മാർ കരുതു​ന്നു.

കുപ്പായം . . . മോതി​രം . . . ചെരിപ്പ്‌: ഏതെങ്കി​ലും ഒരു കുപ്പായം കൊണ്ടു​വ​രാ​നല്ല, മറിച്ച്‌ ഏറ്റവും നല്ലതു കൊണ്ടു​വ​രാ​നാണ്‌ അപ്പൻ പറഞ്ഞത്‌. ഒരുപക്ഷേ ആദരണീ​യ​രായ അതിഥി​കൾക്കു നൽകി​യി​രുന്ന, നിറയെ ചിത്ര​ത്ത​യ്യ​ലുള്ള ഒരു കുപ്പാ​യ​മാ​യി​രു​ന്നി​രി​ക്കാം ഇത്‌. കൈയിൽ മോതി​രം ഇട്ടു​കൊ​ടു​ത്തത്‌, അപ്പന്റെ സ്‌നേഹത്തിന്റെയും പ്രീതി​യു​ടെ​യും തെളി​വാ​യി​രു​ന്നു. തിരികെ വന്ന മകനു നൽകിയ ബഹുമാനത്തിന്റെയും ആദരവിന്റെയും സ്ഥാനത്തിന്റെയും പ്രതീ​ക​വും ആയിരു​ന്നു അത്‌. സാധാ​ര​ണ​യാ​യി അടിമകൾ മോതി​ര​വും ചെരി​പ്പും അണിയാ​റി​ല്ലാ​യി​രു​ന്നു. ഇതിലൂ​ടെ അപ്പൻ ഒരു കാര്യം വ്യക്തമാ​ക്കു​ക​യാ​യി​രു​ന്നു: മകനെ താൻ ഒരു കുടും​ബാം​ഗ​മാ​യി​ത്ത​ന്നെ​യാ​ണു തിരികെ സ്വീക​രി​ക്കു​ന്നത്‌.

തിന്നു​മു​ടിച്ച: അഥവാ “പാഴാ​ക്കി​ക്കളഞ്ഞ.” “തിന്നു​ക​ളഞ്ഞു” എന്ന്‌ അർഥം വരുന്ന ഗ്രീക്കു​പദം ഇവിടെ ഉപയോ​ഗി​ച്ചി​രി​ക്കു​ന്നത്‌, അപ്പന്റെ സ്വത്ത്‌ ഇളയ മകൻ എത്ര​ത്തോ​ളം പാഴാ​ക്കി​ക്ക​ളഞ്ഞു എന്നു വരച്ചു​കാ​ട്ടാ​നാണ്‌.

ദൃശ്യാവിഷ്കാരം

ഇടയനും ആടുക​ളും
ഇടയനും ആടുക​ളും

ഒരു ഇടയന്റെ ജീവിതം പൊതു​വേ ബുദ്ധി​മു​ട്ടു നിറഞ്ഞ​താ​യി​രു​ന്നു. ചൂടും തണുപ്പും സഹിക്കണം, രാത്രി​ക​ളിൽ ഉറക്കമി​ള​ച്ചി​രി​ക്കണം. (ഉൽ 31:40; ലൂക്ക 2:8) സിംഹം, ചെന്നായ്‌, കരടി എന്നീ ഇരപി​ടി​യ​ന്മാ​രിൽനി​ന്നും കള്ളന്മാ​രിൽനി​ന്നും ആട്ടിൻപ​റ്റത്തെ സംരക്ഷി​ക്കുക (ഉൽ 31:39; 1ശമു 17:34-36; യശ 31:4; ആമോ 3:12; യോഹ 10:10-12), ആടുകൾ ചിതറി​പ്പോ​കാ​തെ നോക്കുക (1രാജ 22:17), കാണാ​തെ​പോയ ആടുകളെ തേടി കണ്ടെത്തുക (ലൂക്ക 15:4) എന്നിവ​യെ​ല്ലാം ഇടയന്റെ ഉത്തരവാ​ദി​ത്വ​മാ​യി​രു​ന്നു. ആരോ​ഗ്യ​മി​ല്ലാത്ത ആട്ടിൻകു​ട്ടി​ക​ളെ​യും ക്ഷീണിച്ച്‌ തളർന്ന​വ​യെ​യും അദ്ദേഹം തന്റെ കൈയി​ലോ (യശ 40:11) തോള​ത്തോ എടുക്കും. രോഗ​മു​ള്ള​തി​നെ​യും പരിക്കു​പ​റ്റി​യ​തി​നെ​യും ശുശ്രൂ​ഷി​ച്ചി​രു​ന്ന​തും ഇടയനാണ്‌. (യഹ 34:3, 4; സെഖ 11:16) ബൈബിൾ പലപ്പോ​ഴും ഇടയന്മാ​രെ​യും അവർ ചെയ്‌തി​രുന്ന ജോലി​യെ​യും കുറിച്ച്‌ ആലങ്കാ​രി​ക​മാ​യി പറഞ്ഞി​ട്ടുണ്ട്‌. ഉദാഹ​ര​ണ​ത്തിന്‌ തന്റെ ആടുകളെ, അതായത്‌ തന്റെ ജനത്തെ സ്‌നേ​ഹ​ത്തോ​ടെ പരിപാ​ലി​ക്കുന്ന ഒരു ഇടയനാ​യി യഹോ​വയെ ബൈബിൾ വരച്ചു​കാ​ട്ടു​ന്നു. (സങ്ക 23:1-6; 80:1; യിര 31:10; യഹ 34:11-16; 1പത്ര 2:25) ‘വലിയ ഇടയൻ’ (എബ്ര 13:20) എന്നും ‘മുഖ്യ​യി​ടയൻ’ എന്നും ബൈബിൾ വിളി​ച്ചി​രി​ക്കുന്ന യേശു​വി​ന്റെ മാർഗ​നിർദേ​ശ​ത്തിൻകീ​ഴിൽ ക്രിസ്‌തീ​യ​സ​ഭ​യി​ലെ മേൽവി​ചാ​ര​ക​ന്മാർ ദൈവ​ത്തി​ന്റെ ആട്ടിൻകൂ​ട്ടത്തെ മേയ്‌ക്കു​ന്നു. മനസ്സോ​ടെ​യും അതീവ​താ​ത്‌പ​ര്യ​ത്തോ​ടെ​യും നിസ്സ്വാർഥ​മാ​യാണ്‌ അവർ അതു ചെയ്യു​ന്നത്‌.—1പത്ര 5:2-4

പയർ
പയർ

ഇവിടെ കാണുന്ന പയർ സെറാ​റ്റോ​ണിയ സൈലി​ക്വ എന്ന ശാസ്‌ത്ര​നാ​മ​മുള്ള മരത്തിന്റെ കായ്‌ക​ളാണ്‌. ആകർഷ​ക​മായ ഈ നിത്യ​ഹ​രി​ത​വൃ​ക്ഷം ഇസ്രാ​യേ​ലിൽ അങ്ങോ​ള​മി​ങ്ങോ​ള​വും മെഡിറ്ററേനിയൻ പ്രദേ​ശ​ത്തി​ന്റെ മറ്റു ഭാഗങ്ങ​ളി​ലും കാണാം. ഈ വൃക്ഷത്തിന്‌ 9 മീ. (30 അടി) വരെ ഉയരം വരാറുണ്ട്‌. ഇതിലെ കായ്‌കൾക്ക്‌ 15 സെ.മീ. മുതൽ 25 സെ.മീ. വരെ നീളവും ഏതാണ്ട്‌ 2.5 സെ.മീ. വീതി​യും ആണുള്ളത്‌. പച്ച നിറത്തി​ലുള്ള ഈ കായ്‌കൾ മൂത്ത്‌ പാകമാ​കു​മ്പോൾ അതിന്റെ തോട്‌ പർപ്പിൾ കലർന്ന തവിട്ടു​നി​റ​മാ​കും. അവ കണ്ടാൽ നല്ല മിനു​സ​മുള്ള തുകൽപോ​ലി​രി​ക്കും. അവയുടെ ഉള്ളിൽ കുറെ, ഉരുളൻ പയറു​മ​ണി​ക​ളും അവയെ പൊതിഞ്ഞ്‌ കുഴമ്പു​രൂ​പ​ത്തി​ലുള്ള ഭക്ഷ്യ​യോ​ഗ്യ​മായ ഒരു പദാർഥ​വും കാണാം. ഒട്ടലുള്ള ആ വസ്‌തു​വി​നു മധുര​വു​മുണ്ട്‌. കുതിര, കന്നുകാ​ലി, പന്നി എന്നിവ​യ്‌ക്കുള്ള തീറ്റയാ​യി ഇന്നും ഈ പയർ വ്യാപ​ക​മാ​യി ഉപയോ​ഗി​ക്കു​ന്നു.