യോഹ​ന്നാൻ എഴുതി​യത്‌ 19:1-42

19  പിന്നെ പീലാ​ത്തൊസ്‌ യേശു​വി​നെ കൊണ്ടു​പോ​യി ചാട്ടയ്‌ക്ക്‌ അടിപ്പിച്ചു.+  പടയാ​ളി​കൾ ഒരു മുൾക്കി​രീ​ടം മെടഞ്ഞു​ണ്ടാ​ക്കി യേശുവിന്റെ തലയിൽ വെച്ചു. എന്നിട്ട്‌ പർപ്പിൾ നിറത്തി​ലുള്ള ഒരു വസ്‌ത്ര​വും ധരിപ്പിച്ചു.+  അവർ യേശുവിന്റെ അടുത്ത്‌ വന്ന്‌, “ജൂതന്മാരുടെ രാജാവേ, അഭിവാദ്യങ്ങൾ!” എന്നു പറഞ്ഞു. അവർ മാറി​മാ​റി യേശുവിന്റെ കരണത്ത്‌ അടിച്ചു.+  പീലാ​ത്തൊസ്‌ പിന്നെ​യും പുറത്ത്‌ വന്ന്‌ അവരോ​ടു പറഞ്ഞു: “ഞാൻ അയാളിൽ ഒരു കുറ്റവും കാണുന്നില്ല+ എന്നു നിങ്ങൾ മനസ്സി​ലാ​ക്കാൻ ഇതാ, ഞാൻ അയാളെ നിങ്ങളു​ടെ അടുത്ത്‌ കൊണ്ടുവരുന്നു.”  അപ്പോൾ, മുൾക്കി​രീ​ട​വും പർപ്പിൾ നിറത്തി​ലുള്ള വസ്‌ത്ര​വും ധരിച്ച യേശു പുറ​ത്തേക്കു വന്നു. പീലാ​ത്തൊസ്‌ അവരോട്‌, “ഇതാ, ആ മനുഷ്യൻ!” എന്നു പറഞ്ഞു.  എന്നാൽ മുഖ്യ​പു​രോ​ഹി​ത​ന്മാ​രും ഭടന്മാ​രും യേശു​വി​നെ കണ്ടപ്പോൾ, “അവനെ സ്‌തംഭത്തിലേറ്റ്‌! അവനെ സ്‌തംഭത്തിലേറ്റ്‌!”+ എന്ന്‌ അലറിവിളിച്ചു. പീലാ​ത്തൊസ്‌ അവരോ​ടു പറഞ്ഞു: “നിങ്ങൾതന്നെ ഇയാളെ കൊണ്ടു​പോ​യി സ്‌തംഭത്തിലേറ്റിക്കൊള്ളൂ. ഞാൻ ഇയാളിൽ ഒരു കുറ്റവും കാണുന്നില്ല.”+  അപ്പോൾ ജൂതന്മാർ പറഞ്ഞു: “ഞങ്ങൾക്ക്‌ ഒരു നിയമമുണ്ട്‌. അതനു​സ​രിച്ച്‌ ഇവൻ മരിക്കണം.+ കാരണം ഇവൻ ദൈവ​പു​ത്ര​നെന്ന്‌ അവകാശപ്പെടുന്നു.”+  ഇതു കേട്ട​പ്പോൾ പീലാ​ത്തൊ​സി​നു പേടി കൂടി.  പീലാ​ത്തൊസ്‌ വീണ്ടും ഗവർണ​റു​ടെ വസതി​ക്കു​ള്ളി​ലേക്കു ചെന്ന്‌ യേശുവിനോട്‌, “താൻ എവി​ടെ​നി​ന്നാണ്‌” എന്നു ചോദിച്ചു. പക്ഷേ യേശു മറുപ​ടി​യൊ​ന്നും പറഞ്ഞില്ല.+ 10  അപ്പോൾ പീലാ​ത്തൊസ്‌ ചോദിച്ചു: “എന്താ, എന്നോട്‌ ഒന്നും പറയില്ലെന്നാണോ? തന്നെ വിട്ടയ​യ്‌ക്കാ​നും വധിക്കാനും* എനിക്ക്‌ അധികാ​ര​മു​ണ്ടെന്ന്‌ അറിയില്ലേ?” 11  യേശു പറഞ്ഞു: “മുകളിൽനിന്ന്‌ തന്നി​ല്ലെ​ങ്കിൽ അങ്ങയ്‌ക്ക്‌ എന്റെ മേൽ ഒരു അധികാ​ര​വും ഉണ്ടാകുമായിരുന്നില്ല.+ അതു​കൊ​ണ്ടു​തന്നെ എന്നെ അങ്ങയുടെ കൈയിൽ ഏൽപ്പി​ച്ചു​തന്ന മനുഷ്യന്റെ പാപം കൂടുതൽ ഗൗരവമുള്ളതാണ്‌.” 12  ഇക്കാര​ണ​ത്താൽ പീലാ​ത്തൊസ്‌ യേശു​വി​നെ വിട്ടയ​യ്‌ക്കാൻ എന്തെങ്കി​ലും വഴിയു​ണ്ടോ എന്നു നോക്കി. എന്നാൽ ജൂതന്മാർ ഇങ്ങനെ അലറി: “ഇവനെ വിട്ടയ​ച്ചാൽ അങ്ങ്‌ സീസറിന്റെ സ്‌നേഹിതനല്ല. തന്നെത്തന്നെ രാജാ​വാ​ക്കുന്ന ഒരാൾ സീസറി​നെ എതിർക്കുന്നു.”+ 13  ഇതു കേട്ട​പ്പോൾ പീലാ​ത്തൊസ്‌ യേശു​വി​നെ പുറത്ത്‌ കൊണ്ടുവന്നു. എന്നിട്ട്‌ എബ്രാ​യ​യിൽ ഗബ്ബഥ എന്നു പേരുള്ള, കൽത്തളം എന്ന സ്ഥലത്ത്‌ ന്യായാ​സ​ന​ത്തിൽ ഇരുന്നു. 14  പെസഹ​യു​ടെ ഒരുക്ക​നാ​ളാ​യി​രു​ന്നു അന്ന്‌.+ അപ്പോൾ ഏകദേശം ആറാം മണി ആയിരുന്നു. പീലാ​ത്തൊസ്‌ ജൂതന്മാരോട്‌, “ഇതാ, നിങ്ങളു​ടെ രാജാവ്‌” എന്നു പറഞ്ഞു. 15  അവരോ, “അവന്റെ കഥ കഴിക്ക്‌! അവനെ കൊന്നുകളയണം! അവനെ സ്‌തംഭത്തിലേറ്റ്‌!” എന്ന്‌ അലറിവിളിച്ചു. പീലാ​ത്തൊസ്‌ അവരോട്‌, “നിങ്ങളുടെ രാജാ​വി​നെ ഞാൻ വധിക്ക​ണ​മെ​ന്നോ” എന്നു ചോദിച്ചു. മറുപ​ടി​യാ​യി മുഖ്യപുരോഹിതന്മാർ, “ഞങ്ങൾക്കു സീസറ​ല്ലാ​തെ മറ്റൊരു രാജാ​വില്ല” എന്നു പറഞ്ഞു. 16  അപ്പോൾ പീലാ​ത്തൊസ്‌ യേശു​വി​നെ സ്‌തം​ഭ​ത്തി​ലേറ്റി കൊല്ലാൻ അവർക്കു വിട്ടുകൊടുത്തു.+ അവർ യേശു​വി​നെ ഏറ്റുവാങ്ങി. 17  യേശു തന്റെ ദണ്ഡനസ്‌തം​ഭ​വും ചുമന്നു​കൊണ്ട്‌ എബ്രാ​യ​യിൽ ഗൊൽഗോഥ+ എന്നു വിളി​ക്കുന്ന തലയോടിടം+ എന്ന സ്ഥലത്തേക്കു പോയി. 18  അവിടെ അവർ നടുവി​ലാ​യി യേശു​വി​നെ​യും ഇരുവ​ശ​ങ്ങ​ളിൽ വേറെ രണ്ടു പേരെ​യും സ്‌തം​ഭ​ത്തിൽ തറച്ചു.+ 19  പീലാ​ത്തൊസ്‌ ഒരു മേലെ​ഴുത്ത്‌ എഴുതി ദണ്ഡനസ്‌തം​ഭ​ത്തിൽ വെച്ചു. അത്‌ ഇങ്ങനെയായിരുന്നു: “നസറെത്തുകാരനായ യേശു, ജൂതന്മാ​രു​ടെ രാജാവ്‌.”+ 20  യേശു​വി​നെ സ്‌തം​ഭ​ത്തിൽ തറച്ച സ്ഥലം നഗരത്തിന്‌ അടുത്താ​യി​രു​ന്ന​തു​കൊണ്ട്‌ ജൂതന്മാ​രിൽ പലരും ആ മേലെ​ഴു​ത്തു വായിച്ചു. അത്‌ എബ്രാ​യ​യി​ലും ലത്തീനി​ലും ഗ്രീക്കി​ലും എഴുതിയിരുന്നു. 21  എന്നാൽ ജൂതന്മാ​രു​ടെ മുഖ്യ​പു​രോ​ഹി​ത​ന്മാർ പീലാ​ത്തൊ​സി​നോ​ടു പറഞ്ഞു: “‘ജൂതന്മാരുടെ രാജാവ്‌’ എന്നല്ല, ‘ഞാൻ ജൂതന്മാ​രു​ടെ രാജാ​വാണ്‌’ എന്ന്‌ ഇവൻ പറഞ്ഞു എന്നാണ്‌ എഴുതേണ്ടത്‌.” 22  പീലാ​ത്തൊസ്‌ പറഞ്ഞു: “ഞാൻ എഴുതി​യത്‌ എഴുതി.” 23  യേശു​വി​നെ സ്‌തം​ഭ​ത്തിൽ തറച്ച​ശേഷം പടയാ​ളി​കൾ യേശുവിന്റെ പുറങ്കു​പ്പാ​യം നാലായി വീതിച്ച്‌ ഓരോ​രു​ത്ത​രും ഓരോ കഷണം എടുത്തു. ഉള്ളങ്കി​യും അവർ എടുത്തു. എന്നാൽ ഉള്ളങ്കി മുകൾമു​തൽ അടിവരെ തുന്നലി​ല്ലാ​തെ നെയ്‌തെടുത്തതായിരുന്നു. 24  അതു​കൊണ്ട്‌ അവർ പറഞ്ഞു: “ഇതു കീറേണ്ടാ. ഇത്‌ ആർക്കു കിട്ടു​മെന്നു നമുക്കു നറുക്കിട്ട്‌ തീരുമാനിക്കാം.”+ “എന്റെ വസ്‌ത്രം അവർ വീതിച്ചെടുത്തു. എന്റെ ഉടുപ്പി​നാ​യി അവർ നറുക്കി​ട്ടു”+ എന്ന തിരു​വെ​ഴുത്ത്‌ ഇങ്ങനെ നിറവേറി. ശരിക്കും അതുത​ന്നെ​യാ​ണു പടയാ​ളി​കൾ ചെയ്‌തത്‌. 25  ദണ്ഡനസ്‌തം​ഭ​ത്തിന്‌ അരികെ യേശുവിന്റെ അമ്മയും+ അമ്മയുടെ സഹോ​ദ​രി​യും ക്ലോപ്പാസിന്റെ ഭാര്യ മറിയ​യും മഗ്‌ദ​ല​ക്കാ​രി മറിയ​യും നിൽക്കുന്നുണ്ടായിരുന്നു.+ 26  അമ്മയും താൻ സ്‌നേ​ഹിച്ച ശിഷ്യനും+ അരികെ നിൽക്കു​ന്നതു കണ്ടിട്ട്‌ യേശു അമ്മയോട്‌, “സ്‌ത്രീയേ, ഇതാ നിങ്ങളു​ടെ മകൻ” എന്നു പറഞ്ഞു. 27  പിന്നെ ശിഷ്യനോട്‌, “ഇതാ, നിന്റെ അമ്മ” എന്നും പറഞ്ഞു. അന്നുമു​തൽ ആ ശിഷ്യൻ യേശുവിന്റെ അമ്മയെ തന്റെ വീട്ടിൽ താമസിപ്പിച്ചു. 28  ഇതിനു ശേഷം, എല്ലാം പൂർത്തി​യാ​യെന്നു മനസ്സി​ലാ​ക്കിയ യേശു തിരു​വെ​ഴു​ത്തു നിറവേറാൻ, “എനിക്കു ദാഹി​ക്കു​ന്നു”+ എന്നു പറഞ്ഞു. 29  പുളിച്ച വീഞ്ഞു നിറച്ച ഒരു ഭരണി അവിടെയുണ്ടായിരുന്നു. അവർ നീർപ്പഞ്ഞി* അതിൽ മുക്കി ഒരു ഈസോ​പ്പു​ത​ണ്ടിൽ വെച്ച്‌ യേശുവിന്റെ വായോട്‌ അടുപ്പിച്ചു.+ 30  അതു രുചി​ച്ചിട്ട്‌ യേശു, “എല്ലാം പൂർത്തി​യാ​യി”+ എന്നു പറഞ്ഞ്‌ തല കുനിച്ച്‌ ജീവൻ വെടിഞ്ഞു.*+ 31  അന്ന്‌ ഒരുക്കനാളായിരുന്നതുകൊണ്ട്‌+ ശബത്തിൽ (അതു വലിയ ശബത്തായിരുന്നു.)+ ശരീരങ്ങൾ ദണ്ഡനസ്‌തം​ഭ​ത്തിൽ കിടക്കാതിരിക്കാൻ+ അവരുടെ കാലുകൾ ഒടിച്ച്‌ ശരീരങ്ങൾ താഴെ ഇറക്കണം എന്നു ജൂതന്മാർ പീലാ​ത്തൊ​സി​നോട്‌ അപേക്ഷിച്ചു. 32  അങ്ങനെ, പടയാ​ളി​കൾ വന്ന്‌ യേശുവിന്റെകൂടെ സ്‌തം​ഭ​ത്തി​ലേ​റ്റിയ രണ്ടു പേരു​ടെ​യും കാലുകൾ ഒടിച്ചു. 33  എന്നാൽ യേശുവിന്റെ അടുത്ത്‌ വന്നപ്പോൾ മരി​ച്ചെന്നു കണ്ടിട്ട്‌ കാലുകൾ ഒടിച്ചില്ല. 34  പടയാ​ളി​ക​ളിൽ ഒരാൾ കുന്തം​കൊണ്ട്‌ യേശുവിന്റെ വിലാപ്പുറത്ത്‌* കുത്തി.+ ഉടനെ രക്തവും വെള്ളവും പുറത്ത്‌ വന്നു. 35  ഇതു നേരിട്ട്‌ കണ്ടയാ​ളാണ്‌ ഇക്കാര്യം സാക്ഷ്യപ്പെടുത്തിയിരിക്കുന്നത്‌. അയാളു​ടെ വാക്കുകൾ സത്യമാണ്‌. താൻ പറയു​ന്നതു സത്യമാ​ണെന്ന്‌ അയാൾക്ക്‌ അറിയാം. അതു​കൊണ്ട്‌ നിങ്ങൾക്കും അതു വിശ്വസിക്കാം.+ 36  “അവന്റെ അസ്ഥിക​ളിൽ ഒന്നു​പോ​ലും ഒടിക്കില്ല”+ എന്ന തിരു​വെ​ഴു​ത്തു നിറ​വേ​റാ​നാണ്‌ ഇതൊക്കെ സംഭവിച്ചത്‌. 37  “അവർ കുത്തി​ത്തു​ള​ച്ച​വനെ അവർ നോക്കും”+ എന്നു മറ്റൊരു തിരു​വെ​ഴു​ത്തും പറയുന്നു. 38  ഇതിനു ശേഷം, ജൂതന്മാ​രെ പേടിച്ച്‌+ യേശുവിന്റെ ഒരു രഹസ്യ​ശി​ഷ്യ​നാ​യി കഴിഞ്ഞി​രുന്ന അരിമ​ഥ്യ​ക്കാ​ര​നായ യോ​സേഫ്‌ യേശുവിന്റെ ശരീരം എടുത്തു​കൊ​ണ്ടു​പോ​കാൻ പീലാ​ത്തൊ​സി​നോട്‌ അനുവാ​ദം ചോദിച്ചു. പീലാ​ത്തൊസ്‌ അനുവാ​ദം കൊടുത്തു. അങ്ങനെ യോ​സേഫ്‌ ചെന്ന്‌ യേശുവിന്റെ ശരീരം എടുത്തുകൊണ്ടുപോയി.+ 39  മുമ്പൊ​രി​ക്കൽ യേശു​വി​നെ കാണാൻ ഒരു രാത്രി​സ​മ​യത്ത്‌ ചെന്ന നിക്കോദേമൊസും+ അവിടെ എത്തി. മീറയും അകിലും കൊണ്ടുള്ള ഏകദേശം നൂറു റാത്തൽ സുഗന്ധ​ക്കൂ​ട്ടും നിക്കോ​ദേ​മൊസ്‌ കൊണ്ടുവന്നിരുന്നു.+ 40  അവർ യേശുവിന്റെ ശരീരം എടുത്ത്‌ ജൂതന്മാ​രു​ടെ ശവസംസ്‌കാരരീതിയനുസരിച്ച്‌+ സുഗന്ധ​വ്യ​ഞ്‌ജ​നങ്ങൾ ഇട്ട്‌ ലിനൻതു​ണി​കൊണ്ട്‌ ചുറ്റി.+ 41  യേശു​വി​നെ വധിച്ച* സ്ഥലത്ത്‌ ഒരു തോട്ടമുണ്ടായിരുന്നു. ആ തോട്ട​ത്തിൽ മുമ്പൊ​രി​ക്ക​ലും ആരെയും വെച്ചി​ട്ടി​ല്ലാത്ത പുതി​യൊ​രു കല്ലറയുമുണ്ടായിരുന്നു.+ 42  അന്നു ജൂതന്മാ​രു​ടെ ഒരുക്കനാളായിരുന്നതുകൊണ്ടും+ അടുത്ത്‌ അങ്ങനെ​യൊ​രു കല്ലറയു​ണ്ടാ​യി​രു​ന്ന​തു​കൊ​ണ്ടും അവർ യേശുവിന്റെ ശരീരം അതിൽ വെച്ചു.

അടിക്കുറിപ്പുകള്‍

അഥവാ “സ്‌തം​ഭ​ത്തി​ലേ​റ്റാ​നും.”
അഥവാ “സ്‌പോഞ്ച്‌.” ഒരു സമു​ദ്ര​ജീ​വി​യിൽനിന്ന്‌ കിട്ടുന്ന അനേകം ചെറു​സു​ഷി​ര​ങ്ങ​ളുള്ള വസ്‌തു. ഇതിനു ദ്രാവ​കങ്ങൾ വലി​ച്ചെ​ടു​ക്കാ​നാ​കും.
അക്ഷ. “ആത്മാവി​നെ ഏൽപ്പി​ച്ചു​കൊ​ടു​ത്തു.”
അഥവാ “ശരീരത്തിന്റെ വശത്ത്‌.”
അഥവാ “സ്‌തം​ഭ​ത്തി​ലേ​റ്റിയ.”

പഠനക്കുറിപ്പുകൾ

ചാട്ടയ്‌ക്ക്‌ അടിപ്പി​ച്ചു: ഒരാളെ സ്‌തം​ഭ​ത്തി​ലേറ്റി വധിക്കു​ന്ന​തി​നു മുമ്പ്‌ ചാട്ടയ്‌ക്ക്‌ അടിപ്പി​ക്കുന്ന രീതി​യു​ണ്ടാ​യി​രു​ന്നു. യേശു​വി​നെ വധിക്കാ​നും ബറബ്ബാ​സി​നെ മോചി​പ്പി​ക്കാ​നും ജൂതന്മാർ മുറവി​ളി​കൂ​ട്ടി​യ​പ്പോൾ അതിനു വഴങ്ങിയ പീലാ​ത്തൊസ്‌ യേശു​വി​നെ കൊണ്ടു​പോ​യി ‘ചാട്ടയ്‌ക്ക്‌ അടിപ്പി​ച്ചു.’ (മത്ത 20:19; 27:26) കുറ്റവാ​ളി​കളെ ചാട്ടയ്‌ക്ക്‌ അടിക്കാൻ ഉപയോ​ഗി​ച്ചി​രുന്ന ഏറ്റവും ഭീകര​മായ ഉപകരണം ലത്തീൻ ഭാഷയിൽ ഫ്‌ലാ​ഗെ​ല്ലും എന്നാണ്‌ അറിയ​പ്പെ​ട്ടി​രു​ന്നത്‌. ഈ ചാട്ടയു​ടെ പിടി​യിൽ നിരവധി വള്ളിക​ളോ തോൽവാ​റു​ക​ളോ പിടി​പ്പി​ച്ചി​രു​ന്നു. ചില​പ്പോ​ഴൊ​ക്കെ വേദന​യു​ടെ കാഠി​ന്യം കൂട്ടാൻ ആ തോൽവാ​റു​ക​ളിൽ കൂർത്ത എല്ലിൻ കഷണങ്ങ​ളോ ലോഹ​ക്ക​ഷ​ണ​ങ്ങ​ളോ പിടി​പ്പി​ക്കാ​റു​മു​ണ്ടാ​യി​രു​ന്നു.

പർപ്പിൾ നിറത്തി​ലുള്ള ഒരു വസ്‌ത്ര​വും ധരിപ്പി​ച്ചു: മർ 15:17-ന്റെ പഠനക്കു​റി​പ്പു കാണുക.

അഭിവാ​ദ്യ​ങ്ങൾ: മത്ത 27:29-ന്റെ പഠനക്കു​റി​പ്പു കാണുക.

ഇതാ, ആ മനുഷ്യൻ!: കഠിന​മർദ​ന​ത്തി​ന്റെ ഫലമായി ആകെ മുറി​വേറ്റ നിലയി​ലാ​യി​രു​ന്നി​ട്ടും യേശു അന്തസ്സും ശാന്തത​യും കൈവി​ടാ​തെ നിന്നതു പീലാ​ത്തൊ​സു​പോ​ലും ശ്രദ്ധിച്ചു. അതു​കൊ​ണ്ടു​തന്നെ അദ്ദേഹ​ത്തി​ന്റെ ഈ വാക്കു​ക​ളിൽ സഹതാ​പ​ത്തോ​ടൊ​പ്പം യേശു​വി​നോ​ടുള്ള ആദരവും ഉണ്ടായി​രു​ന്നി​രി​ക്കാം. വൾഗേറ്റ്‌ പരിഭാ​ഷ​യിൽ ഇവിടെ കാണുന്ന എക്കേ ഹോമോ എന്ന പദപ്ര​യോ​ഗം പല കലാസൃ​ഷ്ടി​കൾക്കും ആധാര​വി​ഷ​യ​മാ​യി​ട്ടുണ്ട്‌. എബ്രാ​യ​തി​രു​വെ​ഴു​ത്തു​കൾ പരിച​യ​മു​ണ്ടാ​യി​രു​ന്ന​വർക്കു പീലാ​ത്തൊ​സി​ന്റെ ഈ വാക്കുകൾ കേട്ട​പ്പോൾ സെഖ 6:12-ലെ പ്രവചനം മനസ്സി​ലേക്കു വന്നുകാ​ണും. അവിടെ മിശി​ഹ​യെ​ക്കു​റിച്ച്‌, “നാമ്പ്‌ എന്നു പേരുള്ള മനുഷ്യൻ ഇതാ” എന്നു രേഖ​പ്പെ​ടു​ത്തി​യി​രി​ക്കു​ന്ന​താ​യി കാണാം.

ഞങ്ങൾക്ക്‌ ഒരു നിയമ​മുണ്ട്‌: യേശു​വിന്‌ എതിരെ ഒരു രാഷ്‌ട്രീ​യാ​രോ​പണം ഉന്നയി​ച്ചിട്ട്‌ ഫലം കാണാതെ വന്നപ്പോൾ ജൂതന്മാ​രു​ടെ മനസ്സി​ലി​രു​പ്പു പുറത്തു​വന്നു. അവർ ഉടനെ മറ്റൊരു ആയുധം പുറ​ത്തെ​ടു​ത്തു. ദൈവ​നി​ന്ദ​ക​നാ​ണെന്നു പറഞ്ഞു​കൊണ്ട്‌ അവർ ഇപ്പോൾ യേശു​വിന്‌ എതിരെ മതപര​മായ ഒരു ആരോ​പണം ഉന്നയിച്ചു. ഏതാനും മണിക്കൂ​റു​കൾക്കു മുമ്പ്‌ അവർ സൻഹെ​ദ്രി​നിൽവെച്ച്‌ ഇതേ ആരോ​പണം ഉന്നയി​ച്ചി​രു​ന്നു. എന്നാൽ പീലാ​ത്തൊ​സി​ന്റെ മുന്നിൽ അവർ ഈ കുറ്റം ആദ്യമാ​യാണ്‌ അവതരി​പ്പി​ക്കു​ന്നത്‌.

മുകളിൽനിന്ന്‌: അഥവാ “സ്വർഗ​ത്തിൽനിന്ന്‌.” ഏനോഥൻ എന്ന ഗ്രീക്കു​പദം ഇവി​ടെ​യും യാക്ക 1:17; 3:15, 17 എന്നിവി​ട​ങ്ങ​ളി​ലും “മുകളിൽനിന്ന്‌,” “ഉയരത്തിൽനിന്ന്‌” എന്നൊക്കെ പരിഭാ​ഷ​പ്പെ​ടു​ത്തി​യി​ട്ടുണ്ട്‌. ഇതേ ഗ്രീക്കു​പദം യോഹ 3:3, 7-ലും ഉപയോ​ഗി​ച്ചി​രി​ക്കു​ന്ന​താ​യി കാണാം. അവിടെ ആ പദത്തെ “വീണ്ടും (പുതു​താ​യി)” എന്നോ “മുകളിൽനിന്ന്‌” എന്നോ പരിഭാ​ഷ​പ്പെ​ടു​ത്താം.​—യോഹ 3:3-ന്റെ പഠനക്കു​റി​പ്പു കാണുക.

മനുഷ്യൻ: യേശു ഇവിടെ ‘മനുഷ്യൻ’ എന്നു പറഞ്ഞതു യൂദാസ്‌ ഈസ്‌ക​ര്യോ​ത്തി​നെ​യോ മറ്റ്‌ ഏതെങ്കി​ലു​മൊ​രു മനുഷ്യ​നെ​യോ ഉദ്ദേശി​ച്ചാ​യി​രി​ക്കില്ല. സാധ്യ​ത​യ​നു​സ​രിച്ച്‌, തന്റെ കൊല​പാ​ത​ക​ത്തി​നു കൂട്ടു​നി​ന്നു​കൊണ്ട്‌ പാപം ചെയ്‌ത എല്ലാവ​രെ​യും​കു​റി​ച്ചാണ്‌ യേശു ഇങ്ങനെ പറഞ്ഞത്‌. അതിൽ യൂദാ​സും, “മുഖ്യ​പു​രോ​ഹി​ത​ന്മാ​രും സൻഹെ​ദ്രിൻ മുഴു​വ​നും,” മറ്റുള്ള​വ​രു​ടെ പ്രേര​ണ​യ്‌ക്കു വഴങ്ങി ബറബ്ബാ​സി​നെ വിട്ടു​ത​രാൻ മുറവി​ളി​കൂ​ട്ടിയ ‘ജനക്കൂ​ട്ട​വും​പോ​ലും’ ഉൾപ്പെ​ടു​മാ​യി​രു​ന്നു.​—മത്ത 26:59-65; 27:1, 2, 20-22; യോഹ 18:30, 35.

സീസർ: മത്ത 22:17-ന്റെ പഠനക്കു​റി​പ്പു കാണുക.

സീസറി​ന്റെ സ്‌നേ​ഹി​തൻ: പൊതു​വേ റോമൻ സാമ്രാ​ജ്യ​ത്തി​ലെ സംസ്ഥാ​നാ​ധി​പ​തി​മാ​രാ​യി​രുന്ന ഗവർണർമാർക്ക്‌ ആദരസൂ​ച​ക​മാ​യി നൽകി​യി​രുന്ന ഒരു സ്ഥാന​പ്പേ​രാ​യി​രു​ന്നു ഇത്‌. എന്നാൽ ജൂത​നേ​താ​ക്ക​ന്മാർ ഇവിടെ ആ പദപ്ര​യോ​ഗം ഉപയോ​ഗി​ച്ചത്‌ ഒരു സ്ഥാന​പ്പേ​രാ​യല്ല, മറ്റൊരു അർഥത്തി​ലാ​യി​രു​ന്നു. പീലാ​ത്തൊസ്‌ കടുത്ത രാജ്യ​ദ്രോ​ഹ​ക്കു​റ്റ​ത്തി​നു നേരെ കണ്ണടച്ചെന്ന ആരോ​പണം നേരി​ടേ​ണ്ടി​വ​രു​മെ​ന്നാ​ണു ജൂതന്മാർ അതിലൂ​ടെ സൂചി​പ്പി​ച്ചത്‌. ആ സമയത്തെ സീസർ തിബെ​ര്യൊസ്‌ ആയിരു​ന്നു. ആരെങ്കി​ലും തന്നെ വഞ്ചിച്ച​താ​യി തോന്നി​യാൽ അദ്ദേഹം ഒന്നും നോക്കാ​തെ അവരെ കൊന്നു​ക​ള​ഞ്ഞി​രു​ന്നു. ഉന്നതപ​ദ​വി​യി​ലുള്ള ഉദ്യോ​ഗ​സ്ഥ​ന്മാ​രെ​പ്പോ​ലും അദ്ദേഹം വെറുതെ വിട്ടി​രു​ന്നില്ല. അതിന്‌ ഉദാഹ​ര​ണ​മാണ്‌, ചക്രവർത്തി​യു​ടെ അംഗര​ക്ഷ​ക​രു​ടെ (പ്രത്തോ​റി​യൻ സേന) മേധാ​വി​യായ ലുസ്യസ്‌ ഏലിയസ്‌ സെജന​സി​ന്റെ അനുഭവം. “സീസറി​ന്റെ സ്‌നേ​ഹി​തൻ” എന്ന സ്ഥാന​പ്പേര്‌ ഔദ്യോ​ഗി​ക​മാ​യി ലഭിച്ച ആളായി​രു​ന്നു അദ്ദേഹം. തിബെ​ര്യൊസ്‌ കഴിഞ്ഞാൽ ആ സാമ്രാ​ജ്യ​ത്തിൽ ഏറ്റവും അധികാ​ര​വും അദ്ദേഹ​ത്തി​നാ​യി​രു​ന്നു. വളരെ സ്വാധീ​ന​ശ​ക്തി​യു​ണ്ടാ​യി​രുന്ന സെജന​സി​ന്റെ ഒരു അടുത്ത ആളായി​രു​ന്നു പീലാ​ത്തൊസ്‌. അധികാ​ര​ത്തിൽ ഉണ്ടായി​രു​ന്നി​ട​ത്തോ​ളം കാലം സെജനസ്‌ പീലാ​ത്തൊ​സി​നെ സംരക്ഷി​ക്കു​ക​യും പിന്തു​ണ​യ്‌ക്കു​ക​യും ചെയ്‌തി​രു​ന്നു. എന്നാൽ എ.ഡി. 31-ൽ സാഹച​ര്യ​ങ്ങൾ മാറി. തിബെ​ര്യൊസ്‌ ചക്രവർത്തി സെജന​സിന്‌ എതിരെ തിരിഞ്ഞു. സെജനസ്‌ രാജ്യ​ദ്രോ​ഹി​യാ​ണെന്ന്‌ ആരോ​പിച്ച്‌ അദ്ദേഹം സെജന​സി​നെ​യും അദ്ദേഹ​ത്തി​ന്റെ പല അനുയാ​യി​ക​ളെ​യും കൊന്നു​ക​ള​യാൻ ഉത്തരവി​ടു​ക​യും ചെയ്‌തു. ഈ സംഭവം നടന്നിട്ട്‌ അധികം വൈകാ​തെ​യാ​ണു യേശു​വി​നെ പീലാ​ത്തൊ​സി​നു മുന്നിൽ ഹാജരാ​ക്കു​ന്നത്‌. അതു​കൊ​ണ്ടു​തന്നെ സദൂക്യർ പീലാ​ത്തൊ​സിന്‌ എതിരെ ചക്രവർത്തി​ക്കു പരാതി കൊടു​ത്താൽ അദ്ദേഹ​ത്തി​ന്റെ ജീവൻ അപകട​ത്തി​ലാ​കു​മാ​യി​രു​ന്നു. പ്രത്യേ​കിച്ച്‌ അവർ ഉന്നയി​ക്കാൻപോ​കുന്ന ആരോ​പണം പീലാ​ത്തൊസ്‌ “സീസറി​ന്റെ സ്‌നേ​ഹി​തനല്ല” എന്നായ​തു​കൊണ്ട്‌ പ്രശ്‌നം വളരെ ഗുരു​ത​ര​മാ​യി​രു​ന്നു. പീലാ​ത്തൊ​സും ജൂതന്മാ​രും തമ്മിൽ അപ്പോൾത്തന്നെ അത്ര രസത്തി​ല​ല്ലാ​യി​രു​ന്ന​തു​കൊ​ണ്ടും ഇപ്പോൾ ഉയർന്ന ആരോ​പ​ണ​ത്തിൽ ചക്രവർത്തി​യോ​ടുള്ള വിശ്വ​സ്‌തത ഉൾപ്പെ​ട്ടി​രു​ന്ന​തു​കൊ​ണ്ടും ജൂതന്മാ​രു​മാ​യി കൂടുതൽ പ്രശ്‌ന​ങ്ങ​ളു​ണ്ടാ​ക്കി സാഹച​ര്യം വഷളാ​ക്കാൻ പീലാ​ത്തൊസ്‌ ആഗ്രഹി​ച്ചില്ല. അതു​കൊണ്ട്‌ യേശു നിരപ​രാ​ധി​യാ​ണെന്ന്‌ അറിഞ്ഞി​ട്ടും പീലാ​ത്തൊസ്‌ യേശു​വി​നു വധശിക്ഷ വിധി​ച്ചത്‌, എതിരാ​ളി​കളെ ഒരുത​ര​ത്തി​ലും വെച്ചു​പൊ​റു​പ്പി​ക്കാത്ത ചക്രവർത്തി​യെ ഭയന്നി​ട്ടാ​യി​രി​ക്കാം.

എബ്രായയിൽ: യോഹ 5:2-ന്റെ പഠനക്കു​റി​പ്പു കാണുക.

കൽത്തളം: ഈ സ്ഥലം എബ്രാ​യ​യിൽ ഗബ്ബഥ എന്നാണ്‌ അറിയ​പ്പെ​ട്ടി​രു​ന്നത്‌. സാധ്യ​ത​യ​നു​സ​രിച്ച്‌ “കുന്ന്‌,” “ഉയർന്ന സ്ഥലം,” “തുറസ്സായ സ്ഥലം” എന്നൊക്കെ അർഥം വരുന്ന ഈ പദത്തിന്റെ ഉത്ഭവ​ത്തെ​ക്കു​റിച്ച്‌ നമുക്ക്‌ അറിയില്ല. ഇവിടെ കാണുന്ന ലിതൊ​സ്‌​ട്രോ​ടൊൻ (കൽത്തളം) എന്ന ഗ്രീക്കു​പ​ദ​ത്തിന്‌, അലങ്കാ​ര​പ്പ​ണി​യു​ള്ള​തോ അല്ലാത്ത​തോ ആയ ഒരു കൽത്തളത്തെ സൂചി​പ്പി​ക്കാ​നാ​കും. ഇനി, അതു പല വർണത്തി​ലുള്ള കല്ലുകൾ പാകി നിർമി​ച്ച​താ​യി​രു​ന്നെ​ന്നും ചില പണ്ഡിത​ന്മാർ അഭി​പ്രാ​യ​പ്പെ​ടു​ന്നുണ്ട്‌. ഈ കൽത്തളം, മഹാനായ ഹെരോ​ദി​ന്റെ കൊട്ടാ​ര​ത്തി​ന്റെ മുന്നി​ലുള്ള തുറസ്സായ ഒരു സ്ഥലത്താ​യി​രു​ന്നി​രി​ക്കാം. എന്നാൽ ഇതിന്റെ സ്ഥാന​ത്തെ​ക്കു​റിച്ച്‌ പണ്ഡിത​ന്മാർക്കി​ട​യിൽ മറ്റു ചില അഭി​പ്രാ​യ​ങ്ങ​ളു​മുണ്ട്‌. പക്ഷേ കൃത്യ​മായ സ്ഥാനം ഏതാ​ണെന്നു നമുക്കു തറപ്പി​ച്ചു​പ​റ​യാ​നാ​കില്ല.

ന്യായാ​സനം: മത്ത 27:19-ന്റെ പഠനക്കു​റി​പ്പു കാണുക.

ഒരുക്ക​നാൾ: ആഴ്‌ച​തോ​റു​മുള്ള ശബത്തിന്റെ തലേ ദിവസത്തെ ഇങ്ങനെ​യാ​ണു വിളി​ച്ചി​രു​ന്നത്‌. ജൂതന്മാർ ശബത്തി​നു​വേ​ണ്ടി​യുള്ള ഒരുക്കങ്ങൾ നടത്തുന്ന ദിവസ​മാ​യി​രു​ന്നു ഇത്‌. (മർ 15:42-ന്റെ പഠനക്കു​റി​പ്പു കാണുക.) എന്നാൽ യോഹ​ന്നാ​ന്റെ സുവി​ശേ​ഷ​ത്തിൽ ഇവിടെ പെസഹ​യു​ടെ ഒരുക്ക​നാൾ എന്നാണു കാണു​ന്നത്‌. ഈ തിരു​വെ​ഴു​ത്തു​ഭാ​ഗത്ത്‌ പറഞ്ഞി​രി​ക്കുന്ന സംഭവങ്ങൾ നടക്കു​ന്നത്‌, യേശു​വി​ന്റെ വിചാ​ര​ണ​യും വധവും നടന്ന നീസാൻ 14-ാം തീയതി രാവി​ലെ​യാണ്‌. തലേ വൈകു​ന്നേ​രം​തന്നെ പെസഹാ​ദി​നം തുടങ്ങി​യി​രു​ന്നു. യേശു​വും അപ്പോ​സ്‌ത​ല​ന്മാ​രും തലേന്നു രാത്രി പെസഹ ഭക്ഷിച്ച​താ​യി മറ്റു സുവി​ശേ​ഷ​വി​വ​ര​ണങ്ങൾ വ്യക്തമാ​ക്കു​ന്നു​മുണ്ട്‌. (മത്ത 26:18-20; മർ 14:14-17; ലൂക്ക 22:15) മോശ​യു​ടെ നിയമ​ത്തി​ലെ എല്ലാ ചട്ടങ്ങളും അതേപടി പാലിച്ച ക്രിസ്‌തു, നീസാൻ 14-ാം തീയതി​യി​ലെ പെസഹ​യും കൃത്യ​മാ​യി​ത്തന്നെ ആഘോ​ഷി​ച്ചു. (പുറ 12:6; ലേവ 23:5) പെസഹ​യു​ടെ തൊട്ട​ടുത്ത ദിവസ​മാണ്‌ ഏഴു ദിവസം നീളുന്ന പുളി​പ്പി​ല്ലാത്ത അപ്പത്തിന്റെ ഉത്സവം തുടങ്ങു​ന്നത്‌. എന്നാൽ ആ ഉത്സവത്തി​ന്റെ ഒരുക്കങ്ങൾ നടത്തുന്ന ദിവസ​ത്തിന്‌, പെസഹ​യു​ടെ ഒരുക്ക​നാൾ എന്ന പേരു വന്നത്‌ എന്തു​കൊ​ണ്ടാണ്‌? ഈ രണ്ട്‌ ആഘോ​ഷ​ങ്ങ​ളും അടുത്ത​ടുത്ത ദിവസ​ങ്ങ​ളി​ലാ​യി​രു​ന്ന​തു​കൊണ്ട്‌ പെസഹ​യെ​യും പുളി​പ്പി​ല്ലാത്ത അപ്പത്തിന്റെ ഉത്സവ​ത്തെ​യും ഒരുമി​ച്ചു​ചേർത്ത്‌ ചില​പ്പോ​ഴൊ​ക്കെ “പെസഹ” എന്നാണു വിളി​ച്ചി​രു​ന്നത്‌. (ലൂക്ക 22:1) ഇനി, നീസാൻ 14-ന്റെ പിറ്റേ ദിവസം ആഴ്‌ച​യു​ടെ ഏതു ദിവസ​മാ​യാ​ലും ശരി, ഒരു ശബത്താ​യി​രു​ന്നു. (ലേവ 23:5-7) എ.ഡി. 33-ൽ, നീസാൻ 15-ഉം പതിവു ശബത്തും ഒരേ ദിവസം വന്നതു​കൊണ്ട്‌ അത്‌ ഒരു ‘വലിയ ശബത്ത്‌,’ അഥവാ ഇരട്ട ശബത്ത്‌ ആയിരു​ന്നു​താ​നും.​—യോഹ 19:31-ന്റെ പഠനക്കു​റി​പ്പു കാണുക.

ഏകദേശം ആറാം മണി: അതായത്‌, ഉച്ചയ്‌ക്ക്‌ ഏകദേശം 12 മണി.​—യോഹ​ന്നാ​ന്റെ വിവര​ണ​ത്തിൽ ഇവിടെ ആറാം മണി എന്നാണു കാണു​ന്ന​തെ​ങ്കി​ലും യേശു​വി​നെ സ്‌തം​ഭ​ത്തിൽ തറച്ചത്‌ ‘മൂന്നാം മണിക്കാ​ണെന്നു’ മർക്കോസ്‌ പറയുന്നു. ഈ രണ്ടു വിവര​ണ​ങ്ങ​ളും തമ്മിൽ പ്രത്യ​ക്ഷ​ത്തിൽ പൊരു​ത്ത​ക്കേ​ടു​ള്ള​താ​യി തോന്നി​യേ​ക്കാ​മെ​ങ്കി​ലും അതെക്കു​റി​ച്ചുള്ള വിശദീ​ക​ര​ണ​ത്തിന്‌ മർ 15:25-ന്റെ പഠനക്കു​റി​പ്പു കാണുക.

യേശു തന്റെ ദണ്ഡനസ്‌തം​ഭ​വും ചുമന്നു​കൊണ്ട്‌: യോഹ​ന്നാ​ന്റെ സുവി​ശേ​ഷ​ത്തിൽ കാണു​ന്നത്‌, യേശു​തന്നെ ദണ്ഡനസ്‌തം​ഭം ചുമന്നു എന്നാണ്‌. എന്നാൽ വധശിക്ഷ നടപ്പാ​ക്കുന്ന സ്ഥലത്തേക്ക്‌ ആ ദണ്ഡനസ്‌തം​ഭം ചുമക്കാൻ കുറേ​ന​ക്കാ​ര​നായ ശിമോ​നെ നിർബ​ന്ധി​ച്ച​താ​യും അദ്ദേഹം അതു ചുമന്ന​താ​യും ആണ്‌ മറ്റു സുവി​ശേ​ഷ​വി​വ​ര​ണ​ങ്ങ​ളിൽ കാണു​ന്നത്‌. (മത്ത 27:32; മർ 15:21; ലൂക്ക 23:26) യോഹ​ന്നാ​ന്റെ വിവര​ണ​ത്തിൽ ചില​പ്പോ​ഴൊ​ക്കെ കാര്യങ്ങൾ വളരെ ചുരു​ക്കി​യാണ്‌ അവതരി​പ്പി​ച്ചി​രി​ക്കു​ന്ന​തെന്ന്‌ ഓർക്കുക. മറ്റു സുവി​ശേ​ഷ​വി​വ​ര​ണ​ങ്ങ​ളിൽ വിവരി​ച്ചി​രി​ക്കുന്ന സംഭവങ്ങൾ യോഹ​ന്നാൻ മിക്ക​പ്പോ​ഴും തന്റെ വിവര​ണ​ത്തിൽ ഉൾപ്പെ​ടു​ത്തി​യി​ട്ടു​മില്ല. അതു​കൊണ്ട്‌ ശിമോ​നെ​ക്കൊണ്ട്‌ സ്‌തംഭം ചുമപ്പി​ച്ചു എന്ന വിശദാം​ശം യോഹ​ന്നാൻ ഒഴിവാ​ക്കി​യ​താ​കാം.

ദണ്ഡനസ്‌തംഭം: മത്ത 27:32-ന്റെ പഠനക്കു​റി​പ്പു കാണുക.

ഗൊൽഗോഥ: “തലയോ​ട്ടി” എന്ന്‌ അർഥമുള്ള ഒരു എബ്രാ​യ​പ​ദ​ത്തിൽനിന്ന്‌ വന്നത്‌. (ഗുൽഗോ​ലെത്‌ എന്ന എബ്രാ​യ​പദം “തലയോ​ട്ടി” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ന്യായ 9:53; 2രാജ 9:35 എന്നിവ താരത​മ്യം ചെയ്യുക.) യേശു​വി​ന്റെ കാലത്ത്‌ ഈ സ്ഥലം യരുശ​ലേ​മി​ന്റെ നഗരമ​തി​ലു​കൾക്കു വെളി​യി​ലാ​യി​രു​ന്നു. ഇന്നു തിരു​ക്ക​ല്ല​റ​പ്പള്ളി സ്ഥിതി ചെയ്യു​ന്നി​ട​ത്താണ്‌ ഇതിന്റെ സ്ഥാന​മെന്നു പരമ്പരാ​ഗ​ത​മാ​യി കരുതി​പ്പോ​രു​ന്നു. അതിന്റെ കൃത്യ​സ്ഥാ​നം അതാ​ണെന്നു തറപ്പി​ച്ചു​പ​റ​യാ​നാ​കി​ല്ലെ​ങ്കി​ലും അത്‌ ആ പള്ളിക്ക്‌ അടുത്തു​ത​ന്നെ​യാ​യി​രി​ക്കാം എന്നാണു ചിലർ കരുതു​ന്നത്‌. (അനു. ബി12 കാണുക.) ഗൊൽഗോഥ ഒരു കുന്നിൻമു​ക​ളി​ലാ​യി​രു​ന്നെന്നു ബൈബിൾ പറയു​ന്നി​ല്ലെ​ങ്കി​ലും യേശു​വി​നെ വധിക്കു​ന്നതു ചിലർ ദൂരെ നിന്ന്‌ കണ്ടതായി ബൈബി​ളിൽ രേഖയുണ്ട്‌.​—മർ 15:40; ലൂക്ക 23:49.

തലയോ​ടി​ടം: ഇവിടെ കാണുന്ന ക്രാനീ​യൗ ടോ​പൊൻ എന്ന ഗ്രീക്കു​പ​ദ​പ്ര​യോ​ഗം ഗൊൽഗോഥ എന്ന എബ്രായപേരിന്റെ പരിഭാ​ഷ​യാണ്‌. (ഈ വാക്യ​ത്തി​ലെ ഗൊൽഗോഥ എന്നതിന്റെ പഠനക്കു​റി​പ്പു കാണുക. ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളിൽ എബ്രായ എന്ന പദം ഏത്‌ അർഥത്തി​ലാണ്‌ ഉപയോ​ഗി​ച്ചി​രി​ക്കു​ന്നത്‌ എന്ന്‌ അറിയാൻ യോഹ 5:2-ന്റെ പഠനക്കു​റി​പ്പു കാണുക.) ബൈബിളിന്റെ ചില ഇംഗ്ലീഷ്‌ പരിഭാ​ഷകൾ ലൂക്ക 23:33-ൽ “കാൽവരി” എന്ന പദമാണ്‌ ഉപയോ​ഗി​ച്ചി​രി​ക്കു​ന്നത്‌. ഇതു വൾഗേറ്റിൽ കാണുന്ന കൽവേ​രിയ (തലയോ​ട്ടി) എന്ന ലത്തീൻപ​ദ​ത്തിൽനിന്ന്‌ വന്നിരി​ക്കു​ന്ന​താണ്‌.

ദണ്ഡനസ്‌തം​ഭം: അഥവാ “വധസ്‌തം​ഭം.”—പദാവ​ലി​യിൽ “ദണ്ഡനസ്‌തം​ഭം;” “സ്‌തംഭം” എന്നിവ കാണുക.

ക്ലോപ്പാസ്‌: ബൈബി​ളിൽ ഈ പേര്‌ ഇവിടെ മാത്രമേ കാണു​ന്നു​ള്ളൂ. മത്ത 10:3; മർ 3:18; ലൂക്ക 6:15; പ്രവൃ 1:13 എന്നീ വാക്യ​ങ്ങ​ളിൽ പറഞ്ഞി​രി​ക്കുന്ന അൽഫാ​യി​ത​ന്നെ​യാ​ണു ക്ലോപ്പാസ്‌ എന്നു പല പണ്ഡിത​ന്മാ​രും കരുതു​ന്നു. ഒരാൾക്കു രണ്ടു പേരു​ണ്ടാ​യി​രി​ക്കു​ന്നതു പണ്ട്‌ സർവസാ​ധാ​ര​ണ​മാ​യി​രു​ന്നെന്നു ബൈബി​ളി​ലെ മറ്റ്‌ ഉദാഹ​ര​ണ​ങ്ങ​ളും സൂചി​പ്പി​ക്കു​ന്നുണ്ട്‌. പലപ്പോ​ഴും അവരെ​ക്കു​റിച്ച്‌ പറയാൻ ആ പേരുകൾ മാറി​മാ​റി ഉപയോ​ഗി​ച്ചി​രു​ന്നു.​—മത്ത 9:9; 10:2, 3; മർ 2:14 എന്നിവ താരത​മ്യം ചെയ്യുക.

താൻ സ്‌നേ​ഹിച്ച ശിഷ്യൻ: അതായത്‌, യേശു​വി​നു പ്രത്യേ​ക​സ്‌നേ​ഹ​മു​ണ്ടാ​യി​രുന്ന ശിഷ്യൻ. “യേശു സ്‌നേ​ഹിച്ച” അഥവാ “യേശു​വി​നു പ്രിയ​പ്പെട്ട” ഒരു ശിഷ്യ​നെ​ക്കു​റിച്ച്‌ ഈ സുവി​ശേ​ഷ​ത്തിൽ അഞ്ചിടത്ത്‌ പറയു​ന്നുണ്ട്‌. (യോഹ 13:23; 20:2; 21:7, 20) അതിൽ രണ്ടാമ​ത്തേ​താണ്‌ ഇത്‌. ഈ ശിഷ്യൻ യോഹ​ന്നാൻ അപ്പോ​സ്‌ത​ല​നാ​ണെന്നു പൊതു​വേ കരുത​പ്പെ​ടു​ന്നു.​—യോഹ 13:23-ന്റെ പഠനക്കു​റി​പ്പു കാണുക.

ശിഷ്യ​നോട്‌, “ഇതാ, നിന്റെ അമ്മ” എന്നും പറഞ്ഞു: തന്റെ അമ്മയായ മറിയ​യു​ടെ പരിപാ​ലനം (സാധ്യ​ത​യ​നു​സ​രിച്ച്‌ മറിയ അപ്പോ​ഴേ​ക്കും ഒരു വിധവ​യാ​യി​രു​ന്നു.) പ്രിയ​ശി​ഷ്യ​നായ യോഹ​ന്നാൻ അപ്പോ​സ്‌ത​ലനെ ഏൽപ്പി​ച്ച​തി​നു പിന്നിൽ യേശു​വി​ന്റെ സ്‌നേ​ഹ​വും പരിഗ​ണ​ന​യും കാണാം. (യോഹ 13:23-ന്റെ പഠനക്കു​റി​പ്പു കാണുക.) മറിയ​യു​ടെ ശാരീ​രി​ക​വും ഭൗതി​ക​വും ആയ ആവശ്യ​ങ്ങ​ളെ​ക്കാൾ യേശു​വി​നു ചിന്തയു​ണ്ടാ​യി​രു​ന്നതു മറിയ​യു​ടെ ആത്മീയ​ക്ഷേ​മ​ത്തെ​ക്കു​റി​ച്ചാ​ണെന്ന്‌ ഇതു സൂചി​പ്പി​ക്കു​ന്നു. കാരണം, യോഹ​ന്നാൻ അപ്പോ​സ്‌തലൻ അപ്പോ​ഴേ​ക്കും തന്റെ വിശ്വാ​സം തെളി​യി​ച്ചി​രു​ന്നു. എന്നാൽ യേശു​വി​ന്റെ സ്വന്തം സഹോ​ദ​ര​ന്മാർ ആ സമയത്ത്‌ വിശ്വാ​സി​ക​ളാ​യി​ത്തീർന്നി​രു​ന്നോ എന്ന കാര്യം സംശയ​മാണ്‌.​—മത്ത 12:46-50; യോഹ 7:5.

പുളിച്ച വീഞ്ഞ്‌: മത്ത 27:48-ന്റെ പഠനക്കു​റി​പ്പു കാണുക.

ജീവൻ വെടിഞ്ഞു: അക്ഷ. “ആത്മാവി​നെ ഏൽപ്പി​ച്ചു​കൊ​ടു​ത്തു.” അഥവാ “ശ്വാസം നിലച്ചു.” മൂലഭാ​ഷ​യി​ലെ “ആത്മാവ്‌” എന്ന പദത്തിന്‌ (ഗ്രീക്കിൽ, ന്യൂമ) ഇവിടെ “ശ്വാസ​ത്തെ​യോ” “ജീവശ​ക്തി​യെ​യോ” കുറി​ക്കാ​നാ​കും. സമാന്ത​ര​വി​വ​ര​ണ​ങ്ങ​ളായ മർ 15:37-ലും ലൂക്ക 23:46-ലും എക്‌പ്‌നി​യോ (അക്ഷ. “ശ്വാസം പുറ​ത്തേ​ക്കു​വി​ടുക.”) എന്ന ഗ്രീക്കു​ക്രിയ ഉപയോ​ഗി​ച്ചി​രി​ക്കു​ന്നത്‌ ഈ വാദത്തെ പിന്താ​ങ്ങു​ന്നു. (ആ വാക്യ​ങ്ങ​ളിൽ ഈ പദം പരിഭാ​ഷ​പ്പെ​ടു​ത്തി​യി​രി​ക്കു​ന്നതു “ജീവൻ വെടിഞ്ഞു,” അഥവാ അവയുടെ പഠനക്കു​റി​പ്പു​ക​ളിൽ കാണു​ന്ന​തു​പോ​ലെ “അന്ത്യശ്വാ​സം വലിച്ചു” എന്നാണ്‌.) സംഭവി​ക്കേ​ണ്ട​തെ​ല്ലാം പൂർത്തി​യാ​യ​തു​കൊണ്ട്‌ ജീവൻ നിലനി​റു​ത്താ​നുള്ള പരി​ശ്രമം യേശു മനഃപൂർവം അവസാ​നി​പ്പി​ച്ചു എന്ന അർഥത്തി​ലാ​കാം മൂലഭാ​ഷ​യിൽ “ഏൽപ്പി​ച്ചു​കൊ​ടു​ത്തു” എന്നു പറഞ്ഞി​രി​ക്കു​ന്നത്‌ എന്നാണു ചിലരു​ടെ അഭി​പ്രാ​യം. അതെ, യേശു മനസ്സോ​ടെ ‘മരണ​ത്തോ​ളം തന്റെ ജീവൻ ചൊരി​ഞ്ഞു.’—യശ 53:12; യോഹ 10:11.

ഒരുക്ക​നാൾ: ആഴ്‌ച​തോ​റു​മുള്ള ശബത്തിന്റെ തലേനാൾ. ജൂതന്മാർ ശബത്തി​നു​വേ​ണ്ടി​യുള്ള ഒരുക്കങ്ങൾ നടത്തുന്ന ദിവസ​മാ​യി​രു​ന്നു ഇത്‌. ശബത്തു​ദി​വ​സം​കൂ​ടി കണക്കാക്കി കൂടുതൽ ഭക്ഷണം ഉണ്ടാക്കുക, ശബത്ത്‌ കഴിയു​ന്ന​തു​വരെ മാറ്റി​വെ​ക്കാൻ പറ്റാത്ത ജോലി​കൾ ചെയ്‌തു​തീർക്കുക എന്നിവ​യെ​ല്ലാം അതിന്റെ ഭാഗമാ​യി​രു​ന്നു. ഇത്തവണ നീസാൻ 14 ആയിരു​ന്നു ആ ഒരുക്ക​നാൾ. (മർ 15:42; പദാവ​ലി​യിൽ “ഒരുക്ക​നാൾ” കാണുക.) ശവശരീ​രങ്ങൾ ‘രാത്രി മുഴുവൻ സ്‌തം​ഭ​ത്തിൽ കിടക്കാൻ’ അനുവ​ദി​ക്കാ​തെ “അന്നേ ദിവസം​തന്നെ” അടക്കം ചെയ്യണ​മെന്നു മോശ​യു​ടെ നിയമം ആവശ്യ​പ്പെ​ട്ടി​രു​ന്നു.​—ആവ 21:22, 23; യോശ 8:29-ഉം 10:26, 27-ഉം താരത​മ്യം ചെയ്യുക.

അതു വലിയ ശബത്താ​യി​രു​ന്നു: പെസഹ​യു​ടെ പിറ്റേ ദിവസ​മായ നീസാൻ 15, ആഴ്‌ച​യു​ടെ ഏതു ദിവസ​മാ​യാ​ലും ശരി, ഒരു ശബത്താ​യി​രു​ന്നു. (ലേവ 23:5-7) ഈ പ്രത്യേ​ക​ശ​ബ​ത്തും പതിവ്‌ ശബത്തും (ജൂതന്മാ​രു​ടെ കലണ്ടറ​നു​സ​രിച്ച്‌ ആഴ്‌ച​യു​ടെ ഏഴാം ദിവസം ആചരി​ച്ചി​രുന്ന ഈ ശബത്ത്‌, വെള്ളി​യാഴ്‌ച സൂര്യാ​സ്‌ത​മ​യം​മു​തൽ ശനിയാഴ്‌ച സൂര്യാ​സ്‌ത​മ​യം​വരെ ആയിരു​ന്നു.) ഒരേ ദിവസം വരു​മ്പോ​ഴാണ്‌ അതിനെ ‘വലിയ ശബത്ത്‌’ എന്നു വിളി​ക്കു​ന്നത്‌. യേശു മരിച്ച വെള്ളി​യാ​ഴ്‌ച​യു​ടെ പിറ്റേ ദിവസം അത്തര​മൊ​രു വലിയ ശബത്താ​യി​രു​ന്നു. എ.ഡി. 31 മുതൽ എ.ഡി. 33 വരെയുള്ള കാലത്ത്‌ നീസാൻ 14 ഒരു വെള്ളി​യാ​ഴ്‌ച​യാ​യി​രുന്ന ഒരേ ഒരു വർഷം എ.ഡി. 33 ആണ്‌. യേശു മരിച്ചത്‌ എ.ഡി. 33-ലെ നീസാൻ 14-ാം തീയതി തന്നെയാ​ണെന്ന നിഗമ​നത്തെ ശക്തമായി പിന്താ​ങ്ങുന്ന ഒരു തെളി​വാണ്‌ ഇത്‌.

കാലുകൾ ഒടിച്ച്‌: ഈ സമ്പ്രദാ​യത്തെ ലത്തീനിൽ ക്രൂറി​ഫ്രാ​ഗി​യം എന്നാണു വിളി​ച്ചി​രു​ന്നത്‌. അതി​ക്രൂ​ര​മായ ഒരു ശിക്ഷാ​രീ​തി​യാ​യി​രു​ന്നു ഇത്‌. സ്‌തം​ഭ​ത്തി​ലേറ്റി വധിക്കു​ന്ന​വ​രു​ടെ മരണം കൂടുതൽ വേഗത്തി​ലാ​ക്കാ​നാ​യി​രി​ക്കാം ഇങ്ങനെ ചെയ്‌തി​രു​ന്നത്‌. സ്‌തം​ഭ​ത്തിൽ കിടക്കുന്ന ഒരാൾക്കു ശ്വാ​സോ​ച്ഛ്വാ​സം ചെയ്യാൻ ബുദ്ധി​മു​ട്ടു​ള്ള​തു​കൊണ്ട്‌ അയാൾ കാലിൽ ഊന്നി​പ്പൊ​ങ്ങി ശ്വാസം എടുക്കാൻ ശ്രമി​ക്കും. എന്നാൽ കാലുകൾ ഒടിച്ചാൽപ്പി​ന്നെ അതിനു പറ്റാ​തെ​വ​രു​ന്ന​തു​കൊണ്ട്‌ അയാൾ ശ്വാസം കിട്ടാതെ മരിക്കു​മാ​യി​രു​ന്നു.

അവന്റെ അസ്ഥിക​ളിൽ ഒന്നു​പോ​ലും ഒടിക്കില്ല: ഇത്‌ സങ്ക 34:20-ൽനിന്നുള്ള ഉദ്ധരണി​യാണ്‌. പെസഹ​യു​ടെ രാത്രി അറുക്കേണ്ട ചെമ്മരി​യാ​ട്ടിൻകു​ട്ടി​യു​ടെ (അല്ലെങ്കിൽ കോലാ​ടി​ന്റെ) ‘അസ്ഥി​യൊ​ന്നും ഒടിക്ക​രുത്‌’ എന്ന്‌ ആ ആചരണം ഏർപ്പെ​ടു​ത്തി​യ​പ്പോൾ യഹോവ കല്‌പി​ച്ചി​രു​ന്നു. (പുറ 12:46; സംഖ 9:12) പൗലോസ്‌ യേശു​വി​നെ ‘നമ്മുടെ പെസഹാ​ക്കു​ഞ്ഞാട്‌’ എന്നു വിളിച്ചു. പെസഹാ​ക്കു​ഞ്ഞാ​ടി​ന്റെ പ്രാവ​ച​നി​ക​മാ​തൃ​ക​യും സങ്ക 34:20-ലെ പ്രവച​ന​വും സൂചി​പ്പി​ച്ച​തു​പോ​ലെ യേശു​വി​ന്റെ അസ്ഥിക​ളൊ​ന്നും ഒടിക്ക​പ്പെ​ട്ടില്ല. (1കൊ 5:7; യോഹ 1:29-ന്റെ പഠനക്കു​റി​പ്പു കാണുക.) ഈ പ്രവചനം അതേപടി നിറ​വേ​റി​യതു വളരെ ശ്രദ്ധേ​യ​മാ​യി​രു​ന്നു. കാരണം, സ്‌തം​ഭ​ത്തി​ലേറ്റി വധിക്കു​ന്ന​വ​രു​ടെ മരണം കൂടുതൽ വേഗത്തി​ലാ​ക്കാൻ റോമൻ പടയാ​ളി​കൾ അവരുടെ കാലുകൾ ഒടിക്കുന്ന രീതി ആ നാളു​ക​ളിൽ ഉണ്ടായി​രു​ന്ന​താ​യി കരുത​പ്പെ​ടു​ന്നു. (യോഹ 19:31-ന്റെ പഠനക്കു​റി​പ്പു കാണുക.) യേശു​വി​ന്റെ അരികി​ലാ​യി സ്‌തം​ഭ​ത്തി​ലേ​റ്റിയ രണ്ടു കുറ്റവാ​ളി​ക​ളു​ടെ​യും കാലുകൾ പടയാ​ളി​കൾ ഒടി​ച്ചെ​ങ്കി​ലും യേശു അതി​നോ​ടകം മരിച്ചി​രു​ന്ന​തു​കൊ​ണ്ടാ​കാം അവർ യേശു​വി​ന്റെ കാലുകൾ ഒടിക്കാ​തി​രു​ന്നത്‌. അവരിൽ ഒരാൾ ‘കുന്തം​കൊണ്ട്‌ യേശു​വി​ന്റെ വിലാ​പ്പു​റത്ത്‌ കുത്തി’ എന്നു മാത്ര​മാ​ണു വിവരണം പറയു​ന്നത്‌.​—യോഹ 19:33, 34.

ജൂതന്മാർ: ഇതു സാധ്യ​ത​യ​നു​സ​രിച്ച്‌, അധികാ​ര​സ്ഥാ​ന​ത്തുള്ള ജൂതന്മാ​രെ​യോ ജൂതമ​ത​നേ​താ​ക്ക​ന്മാ​രെ​യോ ആണ്‌ കുറി​ക്കു​ന്നത്‌.​—യോഹ 7:1-ന്റെ പഠനക്കു​റി​പ്പു കാണുക.

അരിമഥ്യ: മത്ത 27:57-ന്റെ പഠനക്കു​റി​പ്പു കാണുക.

യോ​സേഫ്‌: മർ 15:43-ന്റെ പഠനക്കു​റി​പ്പു കാണുക.

നിക്കോ​ദേ​മൊസ്‌: യേശു​വി​ന്റെ ശരീരം ശവസം​സ്‌കാ​ര​ത്തി​നാ​യി ഒരുക്കാൻ അരിമ​ഥ്യ​ക്കാ​ര​നായ യോ​സേ​ഫി​ന്റെ​കൂ​ടെ നിക്കോ​ദേ​മൊ​സും ഉണ്ടായി​രു​ന്നെന്നു രേഖ​പ്പെ​ടു​ത്തി​യി​രി​ക്കു​ന്നതു യോഹ​ന്നാൻ മാത്ര​മാണ്‌.​—യോഹ 3:1-ന്റെ പഠനക്കു​റി​പ്പു കാണുക.

മീറ: പദാവലി കാണുക.

അകിൽ: ഈ പേരി​ലുള്ള മരത്തിൽനിന്ന്‌ കിട്ടുന്ന സൗരഭ്യ​മുള്ള ഒരു പദാർഥത്തെ ബൈബിൾക്കാ​ല​ങ്ങ​ളിൽ സുഗന്ധ​ദ്ര​വ്യ​മാ​യി ഉപയോ​ഗി​ച്ചി​രു​ന്നു. (സങ്ക 45:8; സുഭ 7:17; ഉത്ത 4:14) എബ്രാ​യ​തി​രു​വെ​ഴു​ത്തു​ക​ളിൽ പരാമർശി​ച്ചി​രി​ക്കുന്ന ഈ ഉത്‌പ​ന്നം​ത​ന്നെ​യാ​യി​രി​ക്കാം ഇവിടെ നിക്കോ​ദേ​മൊസ്‌ കൊണ്ടു​വ​ന്നത്‌. മൃതശ​രീ​രം ശവസം​സ്‌കാ​ര​ത്തി​നാ​യി ഒരുക്കു​മ്പോൾ, അകിലി​ന്റെ പൊടി മീറ​യോ​ടൊ​പ്പം ചേർത്ത്‌ ഉപയോ​ഗി​ക്കു​മാ​യി​രു​ന്നു. ശവശരീ​രം അഴുകു​മ്പോൾ ഉണ്ടാകുന്ന ദുർഗന്ധം കുറയ്‌ക്കാ​നാ​യി​രി​ക്കാം ഇങ്ങനെ ചെയ്‌തി​രു​ന്നത്‌. ബൈബി​ളിൽ പറഞ്ഞി​രി​ക്കുന്ന അകിൽ മരം, അക്വി​ലേ​റിയ അഗലോച്ച ആണെന്നു മിക്ക പണ്ഡിത​ന്മാ​രും കരുതു​ന്നു. ഈഗിൾ മരം എന്നും അറിയ​പ്പെ​ടുന്ന ഈ വൃക്ഷം ഇന്നു പ്രധാ​ന​മാ​യും കാണ​പ്പെ​ടു​ന്നത്‌ ഇന്ത്യയി​ലും സമീപ​പ്ര​ദേ​ശ​ങ്ങ​ളി​ലും ആണ്‌. ഇതിനു 30 മീ. (ഏ. 100 അടി) വരെ ഉയരം വരാറുണ്ട്‌. ഇതിന്റെ തായ്‌ത്ത​ടി​യു​ടെ അകക്കാ​മ്പി​ലും ശിഖര​ങ്ങ​ളി​ലും ഉള്ള മരക്കറ, സുഗന്ധ​മുള്ള എണ്ണ എന്നിവ​യാ​ണു വളരെ അമൂല്യ​മായ ഈ സുഗന്ധ​ദ്ര​വ്യ​ത്തി​ന്റെ പരിമ​ള​ത്തി​നു കാരണം. ഈ മരത്തടിക്ക്‌ ഏറ്റവും പരിമ​ള​മു​ണ്ടാ​കു​ന്നത്‌ അത്‌ അഴുകു​മ്പോ​ഴാണ്‌. അതു​കൊ​ണ്ടു​തന്നെ അതു വേഗത്തിൽ അഴുകാൻ മരത്തടി ചില​പ്പോ​ഴൊ​ക്കെ മണ്ണിൽ കുഴി​ച്ചി​ടാ​റുണ്ട്‌. പണ്ട്‌ അകിലി​ന്റെ തടി നേർത്ത പൊടി​യാ​ക്കി “അകിൽ” എന്ന പേരിൽ വിറ്റി​രു​ന്നു. എന്നാൽ ഈ വാക്യ​ത്തിൽ പറഞ്ഞി​രി​ക്കുന്ന “അകിൽ,” ഇന്ന്‌ അലോ വെറാ (കറ്റാർവാഴ) എന്ന ശാസ്‌ത്ര​നാ​മ​ത്തിൽ അറിയ​പ്പെ​ടുന്ന ലില്ലി​വർഗ​ത്തിൽപ്പെട്ട ഒരു ചെടി​യാ​ണെന്നു ചില പണ്ഡിത​ന്മാർ കരുതു​ന്നു. പക്ഷേ ആ ചെടി പ്രധാ​ന​മാ​യും ഉപയോ​ഗി​ക്കു​ന്നതു സുഗന്ധ​ദ്ര​വ്യ​മാ​യല്ല മറിച്ച്‌ ആരോ​ഗ്യ​പ​ര​മായ ആവശ്യ​ങ്ങൾക്കു​വേ​ണ്ടി​യാണ്‌.

റാത്തൽ: ഇവിടെ കാണുന്ന ലീട്രാ (ഇത്‌ ഏകവച​ന​ത്തി​ലാണ്‌.) എന്ന ഗ്രീക്കു​പദം റോമാ​ക്കാ​രു​ടെ റാത്തലി​നെ​യാ​ണു (ലത്തീനിൽ, ലിബ്രാ) കുറി​ക്കു​ന്ന​തെന്നു പൊതു​വേ കരുത​പ്പെ​ടു​ന്നു. ഒരു റോമൻ റാത്തൽ ഏകദേശം 327 ഗ്രാം വരും. അതു​കൊണ്ട്‌ ഇവിടെ പറഞ്ഞി​രി​ക്കുന്ന സുഗന്ധ​ക്കൂട്ട്‌ ഏകദേശം 33 കി.ഗ്രാം. ഉണ്ടായി​രു​ന്നി​രി​ക്കണം.​—അനു. ബി14 കാണുക.

സുഗന്ധ​ക്കൂട്ട്‌: ചില കൈ​യെ​ഴു​ത്തു​പ്ര​തി​ക​ളിൽ ഇവിടെ “ഒരു കെട്ട്‌” എന്നാണു കാണു​ന്നത്‌. എന്നാൽ ആധികാ​രി​ക​മായ പല ആദ്യകാ​ല​കൈ​യെ​ഴു​ത്തു​പ്ര​തി​ക​ളും “സുഗന്ധ​ക്കൂട്ട്‌” എന്ന പരിഭാ​ഷ​യെ​യാണ്‌ അനുകൂ​ലി​ക്കു​ന്നത്‌.

ദൃശ്യാവിഷ്കാരം

ഉപ്പൂറ്റി​യി​ലെ അസ്ഥിയിൽ അടിച്ചു​ക​യ​റ്റിയ ആണി
ഉപ്പൂറ്റി​യി​ലെ അസ്ഥിയിൽ അടിച്ചു​ക​യ​റ്റിയ ആണി

മനുഷ്യ​ന്റെ ഉപ്പൂറ്റി​യി​ലെ അസ്ഥിയിൽ 11.5 സെ.മീ. നീളമുള്ള ഇരുമ്പാ​ണി അടിച്ചു​ക​യ​റ്റി​യി​രി​ക്കു​ന്ന​തി​ന്റെ ഒരു ഫോ​ട്ടോ​യാണ്‌ ഇത്‌. ഈ അസ്ഥിയും ആണിയും യഥാർഥ​ത്തി​ലു​ള്ള​തി​ന്റെ ഒരു പകർപ്പു മാത്ര​മാണ്‌. യഥാർഥ​ത്തി​ലു​ള്ളതു കണ്ടെത്തി​യത്‌ 1968-ൽ വടക്കേ യരുശ​ലേ​മിൽ പുരാ​വ​സ്‌തു​ശാ​സ്‌ത്രജ്ഞർ ഉത്‌ഖ​നനം നടത്തി​യ​പ്പോ​ഴാണ്‌. ഇതിനു റോമൻ ഭരണകാ​ല​ത്തോ​ളം പഴക്കമുണ്ട്‌. തടി​കൊ​ണ്ടുള്ള സ്‌തം​ഭ​ത്തിൽ ഒരാളെ ബന്ധിക്കു​ന്ന​തിന്‌ ആണികൾ ഉപയോ​ഗി​ച്ചി​രി​ക്കാം എന്നതിനെ പുരാ​വ​സ്‌തു​ശാ​സ്‌ത്രം പിന്താ​ങ്ങു​ന്ന​തി​ന്റെ തെളി​വാണ്‌ ഇത്‌. ഇതു​പോ​ലുള്ള ആണിക​ളാ​യി​രി​ക്കാം റോമൻ പടയാ​ളി​കൾ യേശു​ക്രി​സ്‌തു​വി​നെ സ്‌തം​ഭ​ത്തിൽ തറയ്‌ക്കാൻ ഉപയോ​ഗി​ച്ചത്‌. ഗവേഷ​കർക്ക്‌ ഇതു കിട്ടി​യത്‌, ശവശരീ​രം ജീർണി​ച്ച​ശേഷം ബാക്കി​യാ​കുന്ന അസ്ഥികൾ സൂക്ഷി​ക്കുന്ന കല്ലു​കൊ​ണ്ടുള്ള ഒരു പെട്ടി​യിൽനി​ന്നാണ്‌. സ്‌തം​ഭ​ത്തിൽ വധിക്കുന്ന ആളുകൾക്കു ശവസം​സ്‌കാ​രം ലഭിച്ചി​രി​ക്കാം എന്നാണ്‌ ഇതു സൂചി​പ്പി​ക്കു​ന്നത്‌.

ബൈബി​ളിൽ പറഞ്ഞി​രി​ക്കുന്ന ഈസോ​പ്പു​ചെടി
ബൈബി​ളിൽ പറഞ്ഞി​രി​ക്കുന്ന ഈസോ​പ്പു​ചെടി

പല ബൈബിൾപ​രി​ഭാ​ഷ​ക​ളും “ഈസോ​പ്പു​ചെടി” എന്നു തർജമ ചെയ്‌തി​രി​ക്കുന്ന എബ്രായ, ഗ്രീക്ക്‌ പദങ്ങൾക്കു (എബ്രാ​യ​യിൽ ഏസോവ്‌, ഗ്രീക്കിൽ ഹുസ്സോ​പൊസ്‌) പല തരം ചെടി​കളെ കുറി​ക്കാ​നാ​കും. ഏസോവ്‌ എന്ന എബ്രാ​യ​പേര്‌ കുറി​ക്കു​ന്നത്‌, ഇവിടെ കാണി​ച്ചി​രി​ക്കുന്ന മാർജോ​രം (ഒറിഗാ​നം മേരു; ഒറിഗാ​നം സിറി​യാ​ക്കം) എന്ന ചെടി​യെ​യാ​ണെന്നു പല പണ്ഡിത​ന്മാ​രും കരുതു​ന്നു. മധ്യപൂർവ​ദേ​ശത്ത്‌ സാധാ​ര​ണ​യാ​യി കാണുന്ന ഈ ചെടി പുതിന വർഗത്തിൽപ്പെ​ട്ട​താണ്‌. അനുകൂ​ല​കാ​ലാ​വ​സ്ഥ​യിൽ ഇത്‌ 0.5 മീ. (1.5 അടി) മുതൽ 0.9 മീ. (3 അടി) വരെ ഉയരത്തിൽ വളരും. ബൈബി​ളിൽ പലപ്പോ​ഴും ഈസോ​പ്പു​ചെ​ടി​യെ ശുദ്ധി​യു​മാ​യി ബന്ധപ്പെ​ടു​ത്തി​യാ​ണു പറഞ്ഞി​ട്ടു​ള്ളത്‌. (പുറ 12:21, 22; ലേവ 14:2-7; സംഖ 19:6, 9, 18; സങ്ക 51:7) ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളിൽ രണ്ടിടത്ത്‌ മാത്രമേ ‘ഈസോ​പ്പു​ചെ​ടി​യെ​ക്കു​റിച്ച്‌’ പറഞ്ഞി​ട്ടു​ള്ളൂ. അതിൽ ഒന്ന്‌ എബ്ര 9:19-ലാണ്‌. അവിടെ പഴയ ഉടമ്പടി പ്രാബ​ല്യ​ത്തിൽ വന്നതി​നെ​ക്കു​റിച്ച്‌ പറയു​മ്പോ​ഴാണ്‌ ഈ ചെടി​യെ​ക്കു​റിച്ച്‌ പരാമർശി​ച്ചി​രി​ക്കു​ന്നത്‌. അതു​കൊണ്ട്‌ എബ്ര 9:19-ലേത്‌ എബ്രാ​യ​തി​രു​വെ​ഴു​ത്തു​ക​ളിൽ പറഞ്ഞി​രി​ക്കുന്ന ‘ഈസോ​പ്പു​ചെ​ടി​തന്നെ’ ആയിരി​ക്കാം. ഇനി, യോഹ 19:29-ൽ പുളിച്ച വീഞ്ഞിൽ മുക്കിയ നീർപ്പഞ്ഞി “ഈസോ​പ്പു​ത​ണ്ടിൽ വെച്ച്‌” യേശു​വി​ന്റെ വായോട്‌ അടുപ്പി​ച്ച​താ​യി പറഞ്ഞി​രി​ക്കു​ന്നു. ഇവിടെ പറഞ്ഞി​രി​ക്കുന്ന ഹുസ്സോ​പൊസ്‌ എന്ന ഗ്രീക്കു​പദം ഏതു ചെടി​യെ​യാ​ണു കുറി​ക്കു​ന്നത്‌ എന്നതി​നെ​ക്കു​റിച്ച്‌ പണ്ഡിത​ന്മാർക്കി​ട​യിൽ പല അഭി​പ്രാ​യ​ങ്ങ​ളുണ്ട്‌. യേശു​വി​ന്റെ വായോട്‌ അടുപ്പി​ക്കാൻ മാത്രം നീളം മാർജോ​ര​ത്തി​ന്റെ തണ്ടിന്‌ ഇല്ലാത്ത​തു​കൊണ്ട്‌ അതി​നെ​ക്കാൾ നീണ്ട തണ്ടുള്ള മറ്റൊരു ചെടി​യെ​ക്കു​റി​ച്ചാ​യി​രി​ക്കാം ഇവിടെ പറഞ്ഞി​രി​ക്കു​ന്ന​തെന്നു ചിലർ കരുതു​ന്നു. ഒരുപക്ഷേ ഇതു മണി​ച്ചോ​ള​ത്തി​ന്റെ (സോർഗം വൾഗേർ) വർഗത്തിൽപ്പെട്ട ഡ്യൂറ ചെടി​യാ​യി​രി​ക്കാം എന്നാണ്‌ അവരുടെ അഭി​പ്രാ​യം. എന്നാൽ മാർജോ​രം ചെടി​യെ​ക്കു​റി​ച്ചു​ത​ന്നെ​യാണ്‌ ഇവി​ടെ​യും പറഞ്ഞി​രി​ക്കു​ന്ന​തെന്നു ചിന്തി​ക്കു​ന്ന​വ​രു​മുണ്ട്‌. മത്തായി​യും മർക്കോ​സും പറഞ്ഞി​രി​ക്കുന്ന “ഈറ്റത്ത​ണ്ടിൽ,” മാർജോ​ര​ത്തി​ന്റെ ഒരു കെട്ട്‌ പിടി​പ്പി​ച്ചി​രു​ന്നി​രി​ക്കാം എന്നാണ്‌ അവർ പറയു​ന്നത്‌.​—മത്ത 27:48; മർ 15:36.

റോമാ​ക്കാ​രു​ടെ കുന്തങ്ങൾ
റോമാ​ക്കാ​രു​ടെ കുന്തങ്ങൾ

സാധാ​ര​ണ​ഗ​തി​യിൽ റോമൻ പടയാ​ളി​ക​ളു​ടെ കൈവശം കുത്താ​നോ എറിഞ്ഞു​കൊ​ള്ളി​ക്കാ​നോ പറ്റുന്ന തരം നീണ്ട ആയുധങ്ങൾ കാണു​മാ​യി​രു​ന്നു. ആഴത്തിൽ തുളച്ചു​ക​യ​റുന്ന തരം ആയുധ​മാ​യി​രു​ന്നു പൈലം (1). നല്ല ഭാരമു​ണ്ടാ​യി​രു​ന്ന​തു​കൊണ്ട്‌ ഇത്‌ അധികം ദൂരേക്ക്‌ എറിയാൻ പറ്റില്ലാ​യി​രു​ന്നെ​ങ്കി​ലും ഇതു​കൊണ്ട്‌ കുത്തി​യാൽ പടച്ചട്ട​യും പരിച​യും ഒക്കെ തുളഞ്ഞു​പോ​കു​മാ​യി​രു​ന്നു. റോമൻ ലഗ്യോ​നി​ലെ പടയാ​ളി​കൾ മിക്ക​പ്പോ​ഴും പൈലം കൊണ്ടു​ന​ട​ന്നി​രു​ന്നു എന്നതിനു തെളി​വു​ക​ളുണ്ട്‌. ഇനി, റോമൻ പടയാ​ളി​ക​ളു​ടെ കൈവശം താരത​മ്യേന ലളിത​മാ​യി രൂപക​ല്‌പന ചെയ്‌ത മറ്റൊരു തരം കുന്തവും (2) ഉണ്ടായി​രു​ന്നു. അതിനു തടി​കൊ​ണ്ടുള്ള നീണ്ട പിടി​യും ഇരുമ്പു പഴുപ്പി​ച്ചു​ണ്ടാ​ക്കിയ കൂർത്ത മുനയും ആണ്‌ ഉണ്ടായി​രു​ന്നത്‌. റോമൻ സഹായ​സേ​ന​യി​ലെ കാലാൾപ്പ​ട​യാ​ളി​കൾ ചില​പ്പോ​ഴൊ​ക്കെ ഇത്തരത്തി​ലുള്ള ഒന്നോ അതില​ധി​ക​മോ കുന്തങ്ങൾ കൊണ്ടു​ന​ട​ന്നി​രു​ന്നു. യേശു​വി​ന്റെ വിലാ​പ്പു​റത്ത്‌ കുത്താൻ ഉപയോ​ഗി​ച്ചത്‌ ഏതുതരം കുന്തമാ​ണെന്നു നമുക്ക്‌ അറിയില്ല.

ശവക്കല്ലറ
ശവക്കല്ലറ

പാറയിൽ വെട്ടി​യു​ണ്ടാ​ക്കിയ ഗുഹക​ളി​ലോ അറകളി​ലോ ആണ്‌ ജൂതന്മാർ സാധാ​ര​ണ​യാ​യി ശവസം​സ്‌കാ​രം നടത്തി​യി​രു​ന്നത്‌. രാജാ​ക്ക​ന്മാ​രു​ടേത്‌ ഒഴി​കെ​യുള്ള കല്ലറക​ളെ​ല്ലാം പൊതു​വേ നഗരങ്ങൾക്കു വെളി​യി​ലാ​യി​രു​ന്നു. ഇപ്പോൾ കണ്ടെത്തി​യി​ട്ടുള്ള ജൂതക​ല്ല​റ​ക​ളു​ടെ ഒരു പ്രത്യേ​കത അവയുടെ ലാളി​ത്യ​മാണ്‌. ജൂതന്മാർ മരിച്ച​വരെ ആരാധി​ക്കാ​ഞ്ഞ​താ​യി​രി​ക്കാം ഇതിന്റെ കാരണം. മരണ​ശേഷം ഒരാൾ ഒരു ആത്മലോ​കത്ത്‌ ജീവി​ക്കു​ന്നു എന്ന വിശ്വാ​സ​വും ജൂതമ​ത​ത്തി​ന്റെ ഭാഗമ​ല്ലാ​യി​രു​ന്നു.