യോഹ​ന്നാൻ എഴുതി​യത്‌ 12:1-50

12  പെസഹ​യ്‌ക്ക്‌ ആറു ദിവസം മുമ്പ്‌ യേശു, മരിച്ച​വ​രിൽനിന്ന്‌ താൻ ഉയിർപ്പിച്ച ലാസർ+ താമസി​ച്ചി​രുന്ന ബഥാന്യയിൽ+ എത്തി.  അവിടെ അവർ യേശു​വിന്‌ ഒരു അത്താഴ​വി​രുന്ന്‌ ഒരുക്കി. യേശുവിന്റെകൂടെ ഭക്ഷണത്തിന്‌ ഇരുന്ന​വ​രിൽ ലാസറുമുണ്ടായിരുന്നു. മാർത്ത​യാണ്‌ അവർക്കു ഭക്ഷണം വിളമ്പിയത്‌.+  അപ്പോൾ മറിയ വളരെ വിലപി​ടി​പ്പുള്ള ഒരു റാത്തൽ ശുദ്ധമായ ജടാമാം​സി തൈലം എടുത്ത്‌ യേശുവിന്റെ പാദങ്ങ​ളിൽ പൂശി, തന്റെ മുടി​കൊണ്ട്‌ ആ പാദങ്ങൾ തുടച്ചു.+ സുഗന്ധതൈലത്തിന്റെ സൗരഭ്യം​കൊണ്ട്‌ വീടു നിറഞ്ഞു.+  എന്നാൽ യേശു​വി​നെ ഒറ്റിക്കൊടുക്കാനിരുന്ന, യേശുവിന്റെ ശിഷ്യ​ന്മാ​രിൽ ഒരാളായ യൂദാസ്‌ ഈസ്‌കര്യോത്ത്‌+ അപ്പോൾ പറഞ്ഞു:  “ഈ സുഗന്ധ​തൈലം 300 ദിനാ​റെക്കു വിറ്റ്‌ ദരി​ദ്രർക്കു കൊടുക്കാമായിരുന്നല്ലോ.”  യൂദാസ്‌ ഇതു പറഞ്ഞതു ദരി​ദ്ര​രെ​ക്കു​റിച്ച്‌ വിചാരമുണ്ടായിട്ടല്ല, മറിച്ച്‌ ഒരു കള്ളനാ​യ​തു​കൊ​ണ്ടും തന്നെ ഏൽപ്പി​ച്ചി​രുന്ന പണപ്പെ​ട്ടി​യിൽനിന്ന്‌ പണം കട്ടെടു​ത്തി​രു​ന്ന​തു​കൊ​ണ്ടും ആണ്‌.  എന്നാൽ യേശു പറഞ്ഞു: “അവളെ വെറുതേ വിട്‌. എന്റെ ശവസം​സ്‌കാ​ര​ദി​വ​സ​ത്തി​നുള്ള ഒരുക്ക​മാ​യി അവൾ ഇതു ചെയ്യട്ടെ.+  ദരിദ്രർ എപ്പോ​ഴും നിങ്ങളുടെകൂടെയുണ്ടല്ലോ.+ പക്ഷേ ഞാനുണ്ടായിരിക്കില്ല.”+  യേശു അവി​ടെ​യു​ണ്ടെന്ന്‌ അറിഞ്ഞിട്ട്‌ ജൂതന്മാ​രു​ടെ ഒരു വലിയ കൂട്ടം അവിടെ വന്നു. യേശു​വി​നെ മാത്രമല്ല, യേശു മരിച്ച​വ​രിൽനിന്ന്‌ ഉയിർപ്പിച്ച ലാസറി​നെ​ക്കൂ​ടി കാണാ​നാണ്‌ അവർ വന്നത്‌.+ 10  ലാസറി​നെ​യും​കൂ​ടെ കൊന്നു​ക​ള​യാൻ മുഖ്യ​പു​രോ​ഹി​ത​ന്മാർ കൂടിയാലോചിച്ചു.+ 11  കാരണം ലാസറി​നെ കാണാ​നാ​ണു ജൂതന്മാ​രിൽ പലരും അവി​ടേക്കു പോയ​തും ഒടുവിൽ യേശു​വിൽ വിശ്വസിച്ചതും.+ 12  പിറ്റേന്ന്‌, ഉത്സവത്തി​നു വന്നുകൂ​ടിയ ഒരു വലിയ ജനക്കൂട്ടം യേശു യരുശ​ലേ​മി​ലേക്കു വരു​ന്നെന്നു കേട്ടിട്ട്‌ 13  ഈന്തപ്പ​ന​യു​ടെ ഓലക​ളു​മാ​യി യേശു​വി​നെ വരവേൽക്കാൻ ചെന്നു.+ “ഓശാന!* യഹോ​വ​യു​ടെ നാമത്തിൽ വരുന്ന+ ഇസ്രായേലിന്റെ രാജാവ്‌+ അനുഗൃഹീതൻ” എന്ന്‌ അവർ ആർത്തുവിളിച്ചു. 14  യേശു ഒരു കഴുത​ക്കു​ട്ടി​യെ കണ്ടപ്പോൾ അതിന്റെ പുറത്ത്‌ കയറി ഇരുന്നു.+ 15  “സീയോൻപുത്രിയേ, പേടിക്കേണ്ടാ. ഇതാ, നിന്റെ രാജാവ്‌ കഴുത​ക്കു​ട്ടി​യു​ടെ പുറത്ത്‌ കയറി വരുന്നു”+ എന്ന്‌ എഴുതി​യി​രു​ന്നത്‌ അങ്ങനെ നിറവേറി. 16  യേശുവിന്റെ ശിഷ്യ​ന്മാർക്ക്‌ ആദ്യം ഈ കാര്യങ്ങൾ മനസ്സിലായില്ല.+ എന്നാൽ യേശു മഹത്ത്വീകരിക്കപ്പെട്ടശേഷം,+ യേശു​വി​നെ​ക്കു​റിച്ച്‌ ഇങ്ങനെ​യൊ​ക്കെ എഴുതി​യി​രു​ന്നെ​ന്നും തങ്ങൾ യേശു​വി​നു​വേണ്ടി ഇങ്ങനെ​യൊ​ക്കെ ചെയ്‌തെ​ന്നും അവർ ഓർത്തു.+ 17  മരിച്ചു​പോയ ലാസറി​നെ യേശു കല്ലറയിൽനിന്ന്‌ വിളിച്ച്‌+ ഉയിർപ്പി​ച്ചതു കണ്ട ജനക്കൂട്ടം അതെക്കു​റിച്ച്‌ മറ്റുള്ള​വ​രോ​ടു പറയുന്നുണ്ടായിരുന്നു.+ 18  യേശു ഇങ്ങനെ​യൊ​രു അടയാളം കാണി​ച്ചെന്നു കേട്ടതു​കൊ​ണ്ടും​കൂ​ടെ​യാ​ണു ജനം യേശു​വി​നെ കാണാൻ ചെന്നത്‌. 19  അപ്പോൾ പരീശ​ന്മാർ തമ്മിൽത്ത​മ്മിൽ പറഞ്ഞു: “ഛെ! നമുക്ക്‌ ഒന്നും ചെയ്യാൻ പറ്റുന്നില്ലല്ലോ. ലോകം മുഴുവൻ ഇവന്റെ പിന്നാലെയാണ്‌.”+ 20  ഉത്സവത്തിന്‌ ആരാധി​ക്കാൻ വന്നവരിൽ ചില ഗ്രീക്കുകാരുമുണ്ടായിരുന്നു. 21  അവർ ഗലീല​യി​ലെ ബേത്ത്‌സ​യി​ദ​യിൽനി​ന്നുള്ള ഫിലിപ്പോസിന്റെ+ അടുത്ത്‌ ചെന്ന്‌, “യജമാനനേ, ഞങ്ങൾക്കു യേശു​വി​നെ കാണണ​മെ​ന്നുണ്ട്‌” എന്ന്‌ അപേക്ഷിച്ചു. 22  ഫിലി​പ്പോസ്‌ ചെന്ന്‌ അത്‌ അന്ത്രയോസിനോടു+ പറഞ്ഞു. അന്ത്ര​യോ​സും ഫിലി​പ്പോ​സും പോയി അതു യേശു​വി​നെ അറിയിച്ചു. 23  യേശു അവരോ​ടു പറഞ്ഞു: “മനുഷ്യപുത്രൻ മഹത്ത്വീ​ക​രി​ക്ക​പ്പെ​ടാ​നുള്ള സമയം വന്നിരിക്കുന്നു.+ 24  സത്യം​സ​ത്യ​മാ​യി ഞാൻ നിങ്ങ​ളോ​ടു പറയുന്നു: ഒരു ഗോത​മ്പു​മണി മണ്ണിൽ വീണ്‌ അഴുകുന്നില്ലെങ്കിൽ*+ അത്‌ ഒരൊറ്റ ഗോതമ്പുമണിയായിത്തന്നെയിരിക്കും. എന്നാൽ അഴുകു​ന്നെ​ങ്കി​ലോ അതു നല്ല വിളവ്‌ തരും. 25  തന്റെ ജീവനെ പ്രിയ​പ്പെ​ടു​ന്നവൻ അതിനെ ഇല്ലാതാക്കും. എന്നാൽ ഈ ലോക​ത്തിൽ തന്റെ ജീവനെ വെറുക്കുന്നവൻ+ നിത്യ​ജീ​വ​നു​വേണ്ടി അതു കാത്തുസൂക്ഷിക്കും.+ 26  എനിക്കു ശുശ്രൂഷ ചെയ്യാൻ ആഗ്രഹി​ക്കു​ന്നവൻ എന്നെ അനുഗമിക്കട്ടെ. ഞാൻ എവി​ടെ​യാ​ണോ അവി​ടെ​യാ​യി​രി​ക്കും എനിക്കു ശുശ്രൂഷ ചെയ്യുന്നവനും.+ എനിക്കു ശുശ്രൂഷ ചെയ്യു​ന്ന​വനെ പിതാവ്‌ ആദരിക്കും. 27  ഇപ്പോൾ ഞാൻ ആകെ അസ്വസ്ഥനാണ്‌.+ ഞാൻ എന്തു പറയാൻ? പിതാവേ, ഈ നാഴികയിൽനിന്ന്‌* എന്നെ രക്ഷിക്കേണമേ.+ എങ്കിലും ഇതിനു​വേ​ണ്ടി​യാ​ണ​ല്ലോ ഞാൻ ഈ നാഴി​ക​യി​ലേക്കു വന്നിരിക്കുന്നത്‌. 28  പിതാവേ, അങ്ങയുടെ പേര്‌ മഹത്ത്വപ്പെടുത്തേണമേ.” അപ്പോൾ ആകാശ​ത്തു​നിന്ന്‌ ഒരു ശബ്ദമുണ്ടായി:+ “ഞാൻ അതു മഹത്ത്വപ്പെടുത്തിയിരിക്കുന്നു. ഇനിയും മഹത്ത്വപ്പെടുത്തും.”+ 29  അവിടെ നിന്നി​രുന്ന ജനക്കൂട്ടം അതു കേട്ടിട്ട്‌ ഇടിമു​ഴ​ക്ക​മാ​ണെന്നു പറഞ്ഞു. മറ്റുള്ളവരോ, “ഒരു ദൂതൻ അദ്ദേഹ​ത്തോ​ടു സംസാ​രി​ച്ച​താണ്‌” എന്നു പറഞ്ഞു. 30  അപ്പോൾ യേശു അവരോ​ടു പറഞ്ഞു: “ഈ ശബ്ദം ഉണ്ടായത്‌ എനിക്കുവേണ്ടിയല്ല, നിങ്ങൾക്കുവേണ്ടിയാണ്‌.+ 31  ഇപ്പോൾ ഈ ലോകത്തെ ന്യായം വിധിക്കും. ഈ ലോകത്തിന്റെ ഭരണാധികാരിയെ+ തള്ളിക്ക​ള​യാ​നുള്ള സമയമാണ്‌ ഇത്‌.+ 32  എന്നാൽ എന്നെ ഭൂമി​യിൽനിന്ന്‌ ഉയർത്തുമ്പോൾ+ ഞാൻ എല്ലാ തരം മനുഷ്യ​രെ​യും എന്നി​ലേക്ക്‌ ആകർഷിക്കും.”+ 33  തന്റെ ആസന്നമായ മരണം ഏതു വിധത്തിലായിരിക്കും+ എന്നു സൂചി​പ്പി​ക്കാ​നാ​ണു യേശു ഇതു പറഞ്ഞത്‌. 34  അപ്പോൾ ജനക്കൂട്ടം യേശു​വി​നോ​ടു പറഞ്ഞു: “ക്രിസ്‌തു എന്നുമു​ണ്ടാ​യി​രി​ക്കു​മെ​ന്നാ​ണു നിയമ​പു​സ്‌ത​ക​ത്തിൽനിന്ന്‌ ഞങ്ങൾ കേട്ടിരിക്കുന്നത്‌.+ അപ്പോൾപ്പി​ന്നെ മനുഷ്യ​പു​ത്രനെ ഉയർത്തുമെന്നു+ താങ്കൾ പറയു​ന്നത്‌ എന്താണ്‌? ഏതു മനുഷ്യ​പു​ത്ര​നെ​ക്കു​റി​ച്ചാ​ണു താങ്കൾ പറയുന്നത്‌?” 35  യേശു അവരോ​ടു പറഞ്ഞു: “ഇനി, കുറച്ച്‌ കാല​ത്തേക്കു മാത്രമേ വെളിച്ചം നിങ്ങളുടെകൂടെയുണ്ടായിരിക്കൂ.+ ഇരുട്ടു നിങ്ങളെ കീഴട​ക്കാ​തി​രി​ക്കാൻ വെളി​ച്ച​മു​ള്ള​പ്പോൾ നടന്നുകൊള്ളുക. ഇരുട്ടിൽ നടക്കു​ന്ന​വനു താൻ എവി​ടേ​ക്കാ​ണു പോകു​ന്ന​തെന്ന്‌ അറിയില്ലല്ലോ.+ 36  നിങ്ങൾ വെളിച്ചത്തിന്റെ പുത്രന്മാരാകാൻ+ വെളി​ച്ച​മു​ള്ള​പ്പോൾ വെളി​ച്ച​ത്തിൽ വിശ്വാസമർപ്പിക്കുക.” ഇതു പറഞ്ഞിട്ട്‌ യേശു അവി​ടെ​നിന്ന്‌ പോയി, അവരുടെ കണ്ണിൽപ്പെ​ടാ​തെ കഴിഞ്ഞു. 37  അവരുടെ കൺമു​ന്നിൽവെച്ച്‌ അനേകം അടയാ​ളങ്ങൾ ചെയ്‌തി​ട്ടും അവർ യേശു​വിൽ വിശ്വസിച്ചില്ല. 38  അങ്ങനെ, യശയ്യ പ്രവാചകന്റെ ഈ വാക്കുകൾ നിറവേറി: “യഹോവേ, ഞങ്ങൾ പറഞ്ഞതു കേട്ട്‌* വിശ്വ​സിച്ച ആരാണുള്ളത്‌?+ യഹോവ തന്റെ കൈ ആർക്കു വെളിപ്പെടുത്തിയിരിക്കുന്നു?”+ 39  അവർക്കു വിശ്വ​സി​ക്കാൻ കഴിയാഞ്ഞതിന്റെ കാരണ​ത്തെ​ക്കു​റി​ച്ചും യശയ്യ ഇങ്ങനെ പറഞ്ഞിരുന്നു: 40  “ദൈവം അവരുടെ കണ്ണുകൾ അന്ധമാക്കിയിരിക്കുന്നു. അവരുടെ ഹൃദയങ്ങൾ കഠിനമാക്കിയിരിക്കുന്നു. അതു​കൊണ്ട്‌ അവർ അവരുടെ കണ്ണു​കൊണ്ട്‌ കാണുന്നില്ല, ഹൃദയം​കൊണ്ട്‌ ഗ്രഹിക്കുന്നില്ല. മനംതി​രി​ഞ്ഞു​വ​രാത്ത അവരെ ഞാൻ സുഖപ്പെടുത്തുന്നുമില്ല.”+ 41  ക്രിസ്‌തുവിന്റെ മഹത്ത്വം കണ്ടതു​കൊ​ണ്ടാണ്‌ യശയ്യ ക്രിസ്‌തു​വി​നെ​ക്കു​റിച്ച്‌ ഇതു പറഞ്ഞത്‌.+ 42  പ്രമാ​ണി​മാ​രിൽപ്പോ​ലും ധാരാളം പേർ യേശു​വിൽ വിശ്വസിച്ചു.+ എങ്കിലും അവർക്കു പരീശ​ന്മാ​രെ പേടിയായിരുന്നു. അതു​കൊണ്ട്‌ സിന​ഗോ​ഗിൽനിന്ന്‌ പുറത്താ​ക്കു​മോ എന്നു ഭയന്ന്‌ അവർ യേശു​വി​നെ അംഗീ​ക​രി​ക്കുന്ന കാര്യം പരസ്യ​മാ​യി സമ്മതിച്ചില്ല.+ 43  അവർ ദൈവത്തിന്റെ അംഗീ​കാ​ര​ത്തെ​ക്കാൾ മനുഷ്യ​രു​ടെ അംഗീ​കാ​ര​മാണ്‌ ആഗ്രഹിച്ചത്‌.+ 44  യേശു ഇങ്ങനെ വിളിച്ചുപറഞ്ഞു: “എന്നിൽ വിശ്വ​സി​ക്കു​ന്നവൻ എന്നെ മാത്രമല്ല, എന്നെ അയച്ച വ്യക്തി​യെ​യും വിശ്വസിക്കുന്നു.+ 45  എന്നെ കാണു​ന്നവൻ എന്നെ അയച്ച വ്യക്തി​യെ​യും കാണുന്നു.+ 46  എന്നിൽ വിശ്വ​സി​ക്കുന്ന ആരും ഇരുട്ടിൽ കഴിയാതിരിക്കാൻ+ ഞാൻ വെളി​ച്ച​മാ​യി ലോക​ത്തേക്കു വന്നിരിക്കുന്നു.+ 47  എന്റെ വചനം കേട്ടിട്ട്‌ അത്‌ അനുസ​രി​ക്കാ​ത്ത​വനെ ഞാൻ വിധിക്കുന്നില്ല. കാരണം ഞാൻ വന്നിരി​ക്കു​ന്നതു ലോകത്തെ വിധിക്കാനല്ല, രക്ഷിക്കാനാണ്‌.+ 48  എന്നാൽ എന്നെ വകവെ​ക്കാ​തെ എന്റെ വചനങ്ങൾ തള്ളിക്ക​ള​യു​ന്ന​വനെ വിധി​ക്കുന്ന ഒരാളുണ്ട്‌. എന്റെ വാക്കു​ക​ളാ​യി​രി​ക്കും അവസാ​ന​നാ​ളിൽ അവനെ വിധിക്കുക.+ 49  കാരണം ഞാൻ എനിക്കു തോന്നു​ന്ന​തു​പോ​ലെ ഒന്നും സംസാരിച്ചിട്ടില്ല. എന്തു പറയണം, എന്തു സംസാ​രി​ക്കണം എന്ന്‌ എന്നെ അയച്ച പിതാ​വു​തന്നെ എന്നോടു കല്‌പിച്ചിട്ടുണ്ട്‌.+ 50  പിതാവിന്റെ കല്‌പന നിത്യ​ജീ​വ​നി​ലേക്കു നയിക്കു​ന്നെന്ന്‌ എനിക്ക്‌ അറിയാം.+ അതു​കൊണ്ട്‌ പിതാവ്‌ എന്നോടു പറഞ്ഞി​ട്ടു​ള്ളതു മാത്ര​മാ​ണു ഞാൻ സംസാരിക്കുന്നത്‌.”+

അടിക്കുറിപ്പുകള്‍

അർഥം: “രക്ഷി​ക്കേ​ണമേ.”
അക്ഷ. “ചാകു​ന്നി​ല്ലെ​ങ്കിൽ.”
ആ സമയത്ത്‌ നടക്കാ​നി​രി​ക്കുന്ന സംഭവ​ങ്ങ​ളെ​യാണ്‌ ഉദ്ദേശി​ച്ചത്‌.
അഥവാ “ഞങ്ങളുടെ സന്ദേശം.”

പഠനക്കുറിപ്പുകൾ

പെസഹ​യ്‌ക്ക്‌ ആറു ദിവസം മുമ്പ്‌: യേശു നീസാൻ 8-ാം തീയതി​യി​ലെ (സൂര്യാ​സ്‌ത​മ​യ​ത്തോ​ടെ) ശബത്തിനു മുമ്പു​തന്നെ അവിടെ എത്തിയി​രി​ക്കണം. ശബത്തിനു ശേഷം (അതായത്‌, നീസാൻ 9-ന്റെ തുടക്ക​ത്തിൽ), യേശു കുഷ്‌ഠ​രോ​ഗി​യായ ശിമോ​ന്റെ വീട്ടിലെ അത്താഴ​വി​രു​ന്നിൽ പങ്കെടു​ത്തു. അവിടെ യേശു​വി​ന്റെ​കൂ​ടെ മാർത്ത​യും മറിയ​യും ലാസറും ഉണ്ടായി​രു​ന്നു.​—യോഹ 12:2-11; മത്ത 26:6-ന്റെ പഠനക്കു​റി​പ്പും അനു. എ7-ഉം ബി12-ഉം കാണുക.

ലാസർ: ലൂക്ക 16:20-ന്റെ പഠനക്കു​റി​പ്പു കാണുക.

അത്താഴ​വി​രുന്ന്‌: അതായത്‌, കുഷ്‌ഠ​രോ​ഗി​യായ ശിമോ​ന്റെ വീട്ടിൽവെച്ച്‌ നടത്തിയ വിരുന്ന്‌. സൂര്യാ​സ്‌ത​മ​യ​ശേഷം, നീസാൻ 9 തുടങ്ങി​യ​പ്പോ​ഴാ​യി​രു​ന്നു അത്‌.​—മത്ത 26:6; മർ 14:3.

മറിയ: അതായത്‌, മാർത്ത​യു​ടെ​യും ലാസറി​ന്റെ​യും സഹോ​ദരി. (യോഹ 11:1, 2) മത്ത 26:7-ലെയും മർ 14:3-ലെയും സമാന്ത​ര​വി​വ​ര​ണ​ങ്ങ​ളിൽ മറിയ​യെ​ക്കു​റിച്ച്‌ “ഒരു സ്‌ത്രീ” എന്നു മാത്രമേ പറഞ്ഞി​ട്ടു​ള്ളൂ.

മറിയ . . . യേശു​വി​ന്റെ പാദങ്ങ​ളിൽ പൂശി: മർ 14:3-ന്റെ പഠനക്കു​റി​പ്പു കാണുക.

വളരെ വിലപി​ടി​പ്പുള്ള . . . സുഗന്ധ​തൈലം: ഇതു “300 ദിനാ​റെക്കു” വിൽക്കാ​മെന്നു യൂദാസ്‌ ഈസ്‌ക​ര്യോത്ത്‌ പറയു​ന്ന​താ​യി യോഹ​ന്നാ​ന്റെ വിവര​ണ​ത്തിൽ എടുത്തു​പ​റ​യു​ന്നുണ്ട്‌. (യോഹ 12:5) ഒരു സാധാരണ കൂലി​പ്പ​ണി​ക്കാ​രന്റെ ഏതാണ്ട്‌ ഒരു വർഷത്തെ കൂലിക്കു തുല്യ​മാ​യി​രു​ന്നു ആ തുക. ഈ സുഗന്ധ​തൈലം, ഹിമാ​ല​യ​സാ​നു​ക്ക​ളിൽ കണ്ടുവ​രുന്ന ഒരു സുഗന്ധ​ച്ചെ​ടി​യിൽനിന്ന്‌ (നാർഡൊ​സ്റ്റാ​ക്കിസ്‌ ജടമാൻസി) ഉത്‌പാ​ദി​പ്പി​ച്ചി​രു​ന്ന​താ​ണെന്നു പൊതു​വേ കരുത​പ്പെ​ടു​ന്നു. പലപ്പോ​ഴും ആളുകൾ ഇതിൽ മായം ചേർത്തി​രു​ന്നു, വ്യാ​ജോ​ത്‌പ​ന്ന​ങ്ങ​ളും പ്രചാ​ര​ത്തി​ലു​ണ്ടാ​യി​രു​ന്നു. പക്ഷേ മറിയ കൊണ്ടു​വ​ന്നതു ശുദ്ധമായ തൈല​മാ​യി​രു​ന്നെന്നു മർക്കോ​സും യോഹ​ന്നാ​നും പറയു​ന്നുണ്ട്‌.​—മർ 14:3; പദാവ​ലി​യിൽ “ജടാമാം​സി തൈലം” കാണുക.

റാത്തൽ: ഇവിടെ കാണുന്ന ലീട്രാ എന്ന ഗ്രീക്കു​പദം റോമാ​ക്കാ​രു​ടെ റാത്തലി​നെ​യാ​ണു (ലത്തീനിൽ, ലിബ്രാ) കുറി​ക്കു​ന്ന​തെന്നു പൊതു​വേ കരുത​പ്പെ​ടു​ന്നു. അങ്ങനെ​യെ​ങ്കിൽ അതിന്റെ അളവ്‌ ഏകദേശം 327 ഗ്രാം വരും.​—അനു. ബി14 കാണുക.

യേശു​വി​നെ ഒറ്റി​ക്കൊ​ടു​ക്കാ​നി​രുന്ന: ഗ്രീക്കു​പാ​ഠ​ത്തിൽ ഇവിടെ വർത്തമാ​ന​കാ​ല​ത്തി​ലുള്ള രണ്ടു ഗ്രീക്കു​ക്രി​യകൾ (ഒന്നിനെ ‘ഒറ്റി​ക്കൊ​ടു​ക്കാൻ’ എന്നും മറ്റേതി​നെ ‘ഇരുന്ന’ എന്നും പരിഭാ​ഷ​പ്പെ​ടു​ത്തി​യി​രി​ക്കു​ന്നു.) ഒരുമിച്ച്‌ ഉപയോ​ഗി​ച്ചി​രി​ക്കു​ന്ന​താ​യി കാണാം. അതു സൂചി​പ്പി​ക്കു​ന്നത്‌, യേശു​വി​നെ ഒറ്റി​ക്കൊ​ടു​ക്കാ​നുള്ള യൂദാ​സി​ന്റെ തീരു​മാ​നം പെട്ടെന്ന്‌ എടുത്ത ഒന്നല്ല, മറിച്ച്‌ കരുതി​ക്കൂ​ട്ടി​യു​ള്ള​താ​യി​രു​ന്നു എന്നാണ്‌. യോഹ 6:64-ലെ പ്രസ്‌താ​വ​ന​യും ഈ നിഗമ​നത്തെ ശരി​വെ​ക്കു​ന്നു.​—യോഹ 6:64-ന്റെ പഠനക്കു​റി​പ്പു കാണുക.

അവിടെ: അതായത്‌, ബഥാന്യ​യിൽ.​—യോഹ 12:1.

പിറ്റേന്ന്‌: അതായത്‌, എ.ഡി. 33 നീസാൻ 9-ാം തീയതി രാവിലെ. വാസ്‌ത​വ​ത്തിൽ തലേന്ന്‌ വൈകു​ന്നേ​രത്തെ സൂര്യാ​സ്‌ത​മ​യ​ത്തോ​ടെ നീസാൻ 9 തുടങ്ങി​യി​രു​ന്നു. യേശു കുഷ്‌ഠ​രോ​ഗി​യായ ശിമോ​ന്റെ വീട്ടിൽവെച്ച്‌ അത്താഴം കഴിച്ചത്‌ അപ്പോ​ഴാണ്‌.​—യോഹ 12:1-ന്റെ പഠനക്കു​റി​പ്പും അനു. ബി12-ഉം കാണുക.

ഉത്സവം: ഇവിടെ പറഞ്ഞി​രി​ക്കുന്ന ഉത്സവം പെസഹ​യാ​ണെന്നു സന്ദർഭം സൂചി​പ്പി​ക്കു​ന്നു. (യോഹ 11:55; 12:1; 13:1) നീസാൻ 14-ാം തീയതി ആഘോ​ഷി​ച്ചി​രുന്ന പെസഹ​യും നീസാൻ 15 മുതൽ 21 വരെ നീണ്ടു​നിന്ന പുളി​പ്പി​ല്ലാത്ത അപ്പത്തിന്റെ ഉത്സവവും (ലേവ 23:5, 6; സംഖ 28:16, 17; അനു. ബി15 കാണുക.) തമ്മിൽ യേശുവിന്റെ കാലമാ​യ​പ്പോ​ഴേ​ക്കും അഭേദ്യ​മായ ബന്ധമു​ണ്ടാ​യി​രു​ന്ന​തു​കൊണ്ട്‌, നീസാൻ 14 മുതൽ 21 വരെയുള്ള എട്ടു ദിവസ​ത്തെ​യും ഒരൊറ്റ ഉത്സവമാ​യാ​ണു കണക്കാ​ക്കി​യി​രു​ന്നത്‌. (ലൂക്ക 22:1) “പുളി​പ്പി​ല്ലാത്ത അപ്പത്തിന്റെ ഉത്സവം എന്നു വിളി​ക്കുന്ന എട്ടു ദിവസത്തെ ഉത്സവത്തെ” കുറിച്ച്‌ ജോസീ​ഫ​സും പറയു​ന്നുണ്ട്‌.​—അനു. ബി12 കാണുക.

ഓശാന: അഥവാ “രക്ഷി​ക്കേ​ണമേ.”​—മത്ത 21:9-ന്റെ പഠനക്കു​റി​പ്പു കാണുക.

യഹോ​വ​യു​ടെ: ഇതു സങ്ക 118:25, 26 വാക്യ​ങ്ങ​ളിൽനി​ന്നുള്ള ഉദ്ധരണി​യാണ്‌. അതിന്റെ മൂല എബ്രാ​യ​പാ​ഠ​ത്തിൽ ദൈവത്തിന്റെ പേരിനെ പ്രതി​നി​ധാ​നം ചെയ്യുന്ന നാല്‌ എബ്രാ​യ​വ്യ​ഞ്‌ജ​നാ​ക്ഷ​രങ്ങൾ (അതിന്റെ ലിപ്യ​ന്ത​രണം യ്‌ഹ്‌വ്‌ഹ്‌ എന്നാണ്‌.) കാണാം.​—അനു. എ5-ഉം സി-യും കാണുക.

സീയോൻപു​ത്രി: മത്ത 21:5-ന്റെ പഠനക്കു​റി​പ്പു കാണുക.

എന്ന്‌ എഴുതി​യി​രു​ന്നത്‌: ഇവിടെ കാണുന്ന ഉദ്ധരണി സെഖ 9:9-ൽനിന്നു​ള്ള​താണ്‌.

കല്ലറ: അഥവാ “സ്‌മാ​ര​ക​ക്കല്ലറ.”​—പദാവ​ലി​യിൽ “സ്‌മാ​ര​ക​ക്കല്ലറ” കാണുക.

ഗ്രീക്കു​കാർ: ഒന്നാം നൂറ്റാ​ണ്ടിൽ പലസ്‌തീ​നിൽ ഗ്രീക്കു​കാ​രു​ടെ ധാരാളം കോള​നി​ക​ളു​ണ്ടാ​യി​രു​ന്നു. പക്ഷേ ഇവിടെ ‘ഗ്രീക്കു​കാർ’ എന്നു പറഞ്ഞി​രി​ക്കു​ന്നത്‌, ജൂതമ​ത​ത്തി​ലേക്കു പരിവർത്തനം ചെയ്‌ത ഗ്രീക്കു​കാ​രെ​ക്കു​റി​ച്ചാ​യി​രി​ക്കാം. യോഹ 12:32-ൽ, “ഞാൻ എല്ലാ തരം മനുഷ്യ​രെ​യും എന്നി​ലേക്ക്‌ ആകർഷി​ക്കും” എന്നു യേശു പ്രാവ​ച​നി​ക​മാ​യി പറഞ്ഞി​രു​ന്നെന്ന്‌ ഓർക്കുക.

തന്റെ ജീവൻ: അഥവാ “തന്റെ ദേഹി.”​—പദാവ​ലി​യിൽ “ദേഹി” കാണുക.

ശുശ്രൂഷ ചെയ്യാൻ: അഥവാ “സേവനം ചെയ്യാൻ.” ഇവിടെ ഉപയോ​ഗി​ച്ചി​രി​ക്കുന്ന ഡയകൊ​നെ​യോ എന്ന ഗ്രീക്കു​ക്രി​യ​യോ​ടു ബന്ധമുള്ള ഒരു ഗ്രീക്കു​നാ​മ​മാ​ണു ഡയാ​ക്കൊ​നൊസ്‌. ആ ഗ്രീക്കു​നാ​മത്തെ ഇതേ വാക്യ​ത്തിൽ ശുശ്രൂഷ ചെയ്യു​ന്നവൻ (അഥവാ “സേവകൻ”) എന്നു പരിഭാ​ഷ​പ്പെ​ടു​ത്തി​യി​രി​ക്കു​ന്നു. മടുത്ത്‌ പിന്മാ​റാ​തെ മറ്റുള്ള​വർക്കു​വേണ്ടി താഴ്‌മ​യോ​ടെ സേവനം ചെയ്യു​ന്ന​വ​രെ​യാ​ണു ബൈബി​ളിൽ ഡയാ​ക്കൊ​നൊസ്‌ എന്ന പദം പൊതു​വേ കുറി​ക്കു​ന്നത്‌.​—മത്ത 20:26-ന്റെ പഠനക്കു​റി​പ്പു കാണുക.

ഞാൻ: അഥവാ “എന്റെ ദേഹി.” കാലങ്ങ​ളാ​യി “ദേഹി” എന്നു പരിഭാ​ഷ​പ്പെ​ടു​ത്തി​യി​ട്ടുള്ള സൈക്കി എന്ന ഗ്രീക്കു​പദം ഇവിടെ മുഴു​വ്യ​ക്തി​യെ​യും കുറി​ക്കു​ന്നു. അതു​കൊണ്ട്‌ “എന്റെ ദേഹി” എന്ന പദപ്ര​യോ​ഗത്തെ, “ഞാൻ എന്ന മുഴു​വ്യ​ക്തി​യും” എന്നോ “ഞാൻ” എന്നു മാത്ര​മോ പരിഭാ​ഷ​പ്പെ​ടു​ത്താ​നാ​കും.​—പദാവ​ലി​യിൽ “ദേഹി” കാണുക.

ഒരു ശബ്ദമു​ണ്ടാ​യി: സുവി​ശേ​ഷ​വി​വ​ര​ണ​ങ്ങ​ളിൽ, യഹോവ മനുഷ്യ​രോ​ടു നേരിട്ട്‌ സംസാ​രി​ച്ച​തി​നെ​ക്കു​റിച്ച്‌ പറയുന്ന മൂന്നു സന്ദർഭ​ങ്ങ​ളുണ്ട്‌. അതിൽ അവസാ​ന​ത്തേ​താണ്‌ ഇത്‌. ആദ്യ​ത്തേത്‌, എ.ഡി. 29-ൽ യേശു സ്‌നാ​ന​മേ​റ്റ​പ്പോ​ഴാ​യി​രു​ന്നു. അതെക്കു​റിച്ച്‌ മത്ത 3:16, 17; മർ 1:11; ലൂക്ക 3:22 എന്നിവി​ട​ങ്ങ​ളിൽ രേഖ​പ്പെ​ടു​ത്തി​യി​ട്ടുണ്ട്‌. രണ്ടാമ​ത്തേത്‌, എ.ഡി. 32-ൽ യേശു​വി​ന്റെ രൂപാ​ന്ത​ര​വു​മാ​യി ബന്ധപ്പെ​ട്ടാ​യി​രു​ന്നു. മത്ത 17:5; മർ 9:7; ലൂക്ക 9:35 എന്നിവി​ട​ങ്ങ​ളിൽ അതെക്കു​റിച്ച്‌ കാണാം. മൂന്നാ​മത്തെ സംഭവം, എ.ഡി. 33-ൽ യേശു​വി​ന്റെ അവസാ​നത്തെ പെസഹ​യ്‌ക്കു തൊട്ടു​മു​മ്പാ​ണു നടന്നത്‌. ഇതെക്കു​റിച്ച്‌ യോഹ​ന്നാ​ന്റെ സുവി​ശേ​ഷ​ത്തിൽ മാത്രമേ കാണു​ന്നു​ള്ളൂ. “പിതാവേ, അങ്ങയുടെ പേര്‌ മഹത്ത്വ​പ്പെ​ടു​ത്തേ​ണമേ” എന്നു യേശു അപേക്ഷി​ച്ച​പ്പോൾ യഹോവ മറുപടി കൊടു​ക്കുന്ന സന്ദർഭ​മാണ്‌ ഇത്‌.

ഈ ലോക​ത്തി​ന്റെ ഭരണാ​ധി​കാ​രി: ഇതു​പോ​ലൊ​രു പദപ്ര​യോ​ഗം യോഹ 14:30-ലും 16:11-ലും കാണാം. ഇവി​ടെ​യും ആ വാക്യ​ങ്ങ​ളി​ലും അതു പിശാ​ചായ സാത്താ​നെ​യാ​ണു കുറി​ക്കു​ന്നത്‌. ഇനി, ഈ വാക്യ​ത്തിൽ ‘ലോകം’ (ഗ്രീക്കിൽ, കോസ്‌മൊസ്‌) എന്ന പദം കുറി​ക്കു​ന്നത്‌, ദൈ​വേ​ഷ്ട​വു​മാ​യി യോജി​ക്കാത്ത പെരു​മാ​റ്റ​രീ​തി​ക​ളുള്ള, ദൈവ​ത്തിൽനിന്ന്‌ അകന്ന മനുഷ്യ​സ​മൂ​ഹ​ത്തെ​യാണ്‌. ഈ നീതി​കെട്ട ലോക​ത്തി​നു രൂപം കൊടു​ത്തതു ദൈവമല്ല; അതു “ദുഷ്ടന്റെ നിയ​ന്ത്ര​ണ​ത്തി​ലാണ്‌.” (1യോഹ 5:19) സാത്താ​നും ‘സ്വർഗീ​യ​സ്ഥ​ല​ങ്ങ​ളി​ലെ (അവന്റെ) ദുഷ്ടാ​ത്മ​സേ​ന​ക​ളും’ ആണ്‌ ‘ഈ അന്ധകാ​ര​ലോ​ക​ത്തി​ന്റെ ചക്രവർത്തി​മാർ.’ (കൊസ്‌മൊ​ക്രാ​റ്റോർ എന്ന ഗ്രീക്കു​പ​ദ​ത്തി​ന്റെ ഒരു രൂപ​ത്തെ​യാണ്‌ ഇവിടെ ‘ലോക​ത്തി​ന്റെ ചക്രവർത്തി​മാർ’ എന്നു പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌.) അവർ ഈ ലോക​ത്തി​ന്റെ അദൃശ്യ​ഭ​ര​ണാ​ധി​കാ​രി​ക​ളാണ്‌.​—എഫ 6:11, 12.

തള്ളിക്ക​ള​യാൻ: ഭാവി​യിൽ സാത്താനെ ഈ ലോക​ത്തി​ന്റെ ഭരണാ​ധി​കാ​രി എന്ന സ്ഥാനത്തു​നിന്ന്‌ തള്ളിക്ക​ള​യുന്ന സമയ​ത്തെ​ക്കു​റി​ച്ചുള്ള ഒരു പ്രവച​ന​മാ​യി​രു​ന്നു യേശു​വി​ന്റെ ഈ വാക്കുകൾ.

എന്നെ ഭൂമി​യിൽനിന്ന്‌ ഉയർത്തു​മ്പോൾ: യേശു​വി​നെ സ്‌തം​ഭ​ത്തി​ലേറ്റി വധിക്കു​ന്ന​തി​നെ​യാ​യി​രി​ക്കാം ഇതു കുറി​ക്കു​ന്നത്‌. തൊട്ട​ടുത്ത വാക്യം ഈ നിഗമ​നത്തെ പിന്താ​ങ്ങു​ന്നു.

എല്ലാ തരം മനുഷ്യ​രും: ആളുക​ളു​ടെ ദേശമോ വംശമോ സാമ്പത്തി​ക​സ്ഥി​തി​യോ കണക്കി​ലെ​ടു​ക്കാ​തെ സമൂഹ​ത്തി​ലെ നാനാ​തു​റ​ക​ളിൽനി​ന്നു​മുള്ള ആളുകളെ തന്നി​ലേക്ക്‌ ആകർഷി​ക്കു​മെ​ന്നാണ്‌ യേശു ഇവിടെ പ്രഖ്യാ​പി​ച്ചത്‌. (പ്രവൃ 10:34, 35; വെളി 7:9, 10; യോഹ 6:44-ന്റെ പഠനക്കു​റി​പ്പു കാണുക.) ദേവാ​ല​യ​ത്തിൽ ആരാധ​ന​യ്‌ക്കെ​ത്തിയ ‘ചില ഗ്രീക്കു​കാർ’ ഈ സന്ദർഭ​ത്തിൽ യേശു​വി​നെ കാണാൻ ആഗ്രഹം പ്രകടി​പ്പി​ച്ചു എന്നതു ശ്രദ്ധേ​യ​മാണ്‌. (യോഹ 12:20-ന്റെ പഠനക്കു​റി​പ്പു കാണുക.) ഈ വാക്യ​ത്തി​ലെ പാസ്‌ [“എല്ലാവ​രും; എല്ലാ (ആളുക​ളും)”] എന്ന ഗ്രീക്കു​പദം പല ബൈബി​ളു​ക​ളും പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌ ഒടുവിൽ എല്ലാ മനുഷ്യ​രും യേശു​വി​ലേക്ക്‌ ആകർഷി​ക്ക​പ്പെ​ടും എന്ന രീതി​യി​ലാണ്‌. എന്നാൽ ദൈവ​പ്ര​ചോ​ദി​ത​മായ തിരു​വെ​ഴു​ത്തു​ക​ളു​ടെ മറ്റു ഭാഗങ്ങ​ളു​മാ​യി ഇതു യോജി​ക്കില്ല. (സങ്ക 145:20; മത്ത 7:13; ലൂക്ക 2:34; 2തെസ്സ 1:9) ഈ ഗ്രീക്കു​പ​ദ​ത്തി​ന്റെ അക്ഷരാർഥം “എല്ലാവ​രും” എന്നാ​ണെ​ങ്കി​ലും (റോമ 5:12) ആ പദത്തിന്‌ “എല്ലാ തരം” എന്ന അർഥവും വരാ​മെന്നു മത്ത 5:11-ഉം പ്രവൃ 10:12-ഉം വ്യക്തമാ​യി സൂചി​പ്പി​ക്കു​ന്നു. പല ബൈബി​ളു​ക​ളും ഈ പദത്തെ “എല്ലാ തരം” എന്ന അർഥത്തിൽ പരിഭാ​ഷ​പ്പെ​ടു​ത്തി​യി​ട്ടു​മുണ്ട്‌.​—യോഹ 1:7; 1തിമ 2:4.

യഹോവേ: യശ 53:1-ൽനിന്നുള്ള ഈ ഉദ്ധരണി​യു​ടെ മൂല എബ്രാ​യ​പാ​ഠ​ത്തിൽ യഹോവ എന്ന പേര്‌ ഒരു തവണയേ (“യഹോവ തന്റെ കൈ” എന്ന പദപ്ര​യോ​ഗ​ത്തിൽ മാത്രം.) കാണു​ന്നു​ള്ളൂ. എന്നാൽ യോഹ​ന്നാൻ ഈ ഭാഗം ഉദ്ധരി​ച്ചത്‌ യശയ്യ​പ്ര​വ​ച​ന​ത്തി​ന്റെ സെപ്‌റ്റു​വ​ജിന്റ്‌ പരിഭാ​ഷ​യിൽനി​ന്നാ​യി​രി​ക്കാ​നാ​ണു സാധ്യത. ഗ്രീക്കു​ഭാ​ഷ​യി​ലുള്ള ആ തർജമ​യിൽ ഈ വാക്യ​ത്തി​ന്റെ തുടക്ക​ത്തിൽ കിരി​യോസ്‌ (കർത്താവ്‌) എന്ന പദത്തിന്റെ ഒരു അഭിസം​ബോ​ധ​നാ​രൂ​പം കാണാം. (യശ 53:1 ഉദ്ധരി​ച്ചി​രി​ക്കുന്ന റോമ 10:16-ഉം കാണുക.) പ്രവാ​ച​കന്റെ ചോദ്യ​ങ്ങൾ ദൈവ​ത്തോ​ടാ​ണെന്നു വായന​ക്കാർക്കു വ്യക്തമാ​കാൻവേണ്ടി സെപ്‌റ്റു​വ​ജി​ന്റി​ന്റെ പരിഭാ​ഷകർ ആ വാക്യ​ത്തി​ന്റെ തുടക്ക​ത്തിൽ കിരി​യോസ്‌ എന്ന പദം കൂട്ടി​ച്ചേർത്ത​താ​യി​രി​ക്കാ​നാ​ണു സാധ്യത. സെപ്‌റ്റു​വ​ജി​ന്റി​ന്റെ പിൽക്കാ​ല​പ്ര​തി​ക​ളിൽ കിരി​യോസ്‌ എന്ന പദം പൊതു​വേ ഉപയോ​ഗി​ച്ചി​രി​ക്കു​ന്നതു മൂല എബ്രാ​യ​പാ​ഠ​ത്തി​ലെ ദൈവ​നാ​മ​ത്തി​നു (ചതുര​ക്ഷ​രി​ക്കു) പകരമാ​യി​ട്ടാണ്‌ (ഈ ഉദ്ധരണി​യിൽ കിരി​യോസ്‌ എന്ന പദം രണ്ടാമതു വരുന്ന സന്ദർഭം അതിന്‌ ഉദാഹ​ര​ണ​മാണ്‌.). അതു​കൊ​ണ്ടാണ്‌ ഈ വാക്യ​ത്തി​ലും കിരി​യോസ്‌ എന്നു വരുന്നി​ടത്ത്‌ ദൈവ​നാ​മം ഉപയോ​ഗി​ച്ചി​രി​ക്കു​ന്നത്‌. ക്രിസ്‌തീയ ഗ്രീക്കു​തി​രു​വെ​ഴു​ത്തു​ക​ളു​ടെ പല എബ്രാ​യ​പ​രി​ഭാ​ഷ​ക​ളി​ലും, (അനു. സി-യിൽ J12-14, 16-18, 22, 23 എന്നു സൂചി​പ്പി​ച്ചി​രി​ക്കു​ന്നു.) യോഹ 12:38-ൽ കിരി​യോസ്‌ എന്ന പദം ആദ്യമാ​യി വരുന്നി​ടത്ത്‌ ദൈവ​നാ​മം ഉപയോ​ഗി​ച്ചി​ട്ടുണ്ട്‌.

യഹോവ തന്റെ കൈ: ഇത്‌ യശ 53:1-ൽനിന്നുള്ള ഉദ്ധരണി​യാണ്‌. അതിന്റെ മൂല എബ്രാ​യ​പാ​ഠ​ത്തിൽ ദൈവത്തിന്റെ പേരിനെ പ്രതി​നി​ധാ​നം ചെയ്യുന്ന നാല്‌ എബ്രാ​യ​വ്യ​ഞ്‌ജ​നാ​ക്ഷ​രങ്ങൾ (അതിന്റെ ലിപ്യ​ന്ത​രണം യ്‌ഹ്‌വ്‌ഹ്‌ എന്നാണ്‌.) കാണാം. (ഈ വാക്യ​ത്തി​ലെ യഹോവേ എന്നതിന്റെ പഠനക്കു​റി​പ്പും അനു. എ5-ഉം സി-യും കാണുക.) ഈ വാക്യ​ത്തിൽ കൈ എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പ​ദ​വും അതിന്റെ തത്തുല്യ​മായ എബ്രാ​യ​പ​ദ​വും ബൈബി​ളിൽ മിക്ക​പ്പോ​ഴും ഒരു ആലങ്കാ​രി​കാർഥ​ത്തി​ലാണ്‌ ഉപയോ​ഗി​ച്ചി​രി​ക്കു​ന്നത്‌. ശക്തി പ്രയോ​ഗി​ക്കാ​നുള്ള കഴിവി​നെ​യാണ്‌ അതു പ്രതീ​ക​പ്പെ​ടു​ത്തു​ന്നത്‌. യേശു കാണിച്ച അടയാ​ള​ങ്ങ​ളി​ലൂ​ടെ​യും അത്ഭുത​ങ്ങ​ളി​ലൂ​ടെ​യും ആണ്‌ യഹോവ തന്റെ “കൈ” വെളി​പ്പെ​ടു​ത്തി​യത്‌, അഥവാ ശക്തി പ്രയോ​ഗി​ക്കാ​നുള്ള തന്റെ കഴിവ്‌ തെളി​യി​ച്ചത്‌.

ക്രിസ്‌തു​വി​ന്റെ മഹത്ത്വം കണ്ടതു​കൊ​ണ്ടാണ്‌ യശയ്യ: യഹോവ സ്വർഗീ​യ​സ​ദ​സ്സി​ലെ ഉന്നതമായ ഒരു സിംഹാ​സ​ന​ത്തിൽ ഇരിക്കു​ന്ന​താ​യി കണ്ട ദർശന​ത്തിൽ യഹോവ യശയ്യ​യോട്‌, “ആരു ഞങ്ങൾക്കു​വേണ്ടി പോകും” എന്നു ചോദി​ക്കു​ന്ന​താ​യി കാണാം. (യശ 6:1, 8-10) ഈ വാക്യ​ത്തി​ലെ “ഞങ്ങൾ” എന്ന സർവനാ​മം ബഹുവ​ച​ന​ത്തി​ലാണ്‌ എന്ന വസ്‌തുത സൂചി​പ്പി​ക്കു​ന്നത്‌, ദർശന​ത്തിൽ യഹോ​വ​യോ​ടൊ​പ്പം കുറഞ്ഞതു മറ്റൊ​രാ​ളും​കൂ​ടെ ഉണ്ടായി​രു​ന്നു എന്നാണ്‌. അതു​കൊണ്ട്‌ യശയ്യ ‘കണ്ട ക്രിസ്‌തു​വി​ന്റെ മഹത്ത്വം,’ ക്രിസ്‌തു മനുഷ്യ​നാ​യി ഭൂമി​യിൽ വരുന്ന​തി​നു മുമ്പ്‌ യഹോ​വ​യോ​ടൊ​പ്പം ആയിരു​ന്ന​പ്പോ​ഴത്തെ മഹത്ത്വ​മാ​യി​രി​ക്കണം. (യോഹ 1:14) മറ്റു പല തിരു​വെ​ഴു​ത്തു​ക​ളും ഈ ആശയവു​മാ​യി യോജി​ക്കു​ന്നു. ഉദാഹ​ര​ണ​ത്തിന്‌, ഉൽ 1:26-ൽ, “നമുക്കു നമ്മുടെ ഛായയിൽ . . . മനുഷ്യ​നെ ഉണ്ടാക്കാം” എന്നു ദൈവം പറയു​ന്ന​താ​യി കാണാം.​—സുഭ 8:30, 31; യോഹ 1:1-3; കൊലോ 1:15, 16 കൂടെ കാണുക.

പ്രമാ​ണി​മാർ: ഇവിടെ “പ്രമാ​ണി​മാർ” എന്നു പരിഭാ​ഷ​പ്പെ​ടു​ത്തി​യി​രി​ക്കുന്ന ഗ്രീക്കു​പദം ജൂതന്മാ​രു​ടെ പരമോ​ന്ന​ത​കോ​ട​തി​യായ സൻഹെ​ദ്രി​നി​ലെ അംഗങ്ങ​ളെ​യാ​കാം കുറി​ക്കു​ന്നത്‌. ആ കോട​തി​യി​ലെ ഒരു അംഗമാ​യി​രുന്ന നിക്കോ​ദേ​മൊ​സി​നെ​ക്കു​റിച്ച്‌ പറയുന്ന യോഹ 3:1-ലും ഇതേ പദം കാണു​ന്നുണ്ട്‌.​—യോഹ 3:1-ന്റെ പഠനക്കു​റി​പ്പു കാണുക.

സിനഗോഗിൽനിന്ന്‌ പുറത്താ​ക്കു​മോ: യോഹ 9:22-ന്റെ പഠനക്കു​റി​പ്പു കാണുക.

വിധി​ക്കുക: അഥവാ “കുറ്റം വിധി​ക്കുക.”​—യോഹ 3:17-ന്റെ പഠനക്കു​റി​പ്പു കാണുക.

ദൃശ്യാവിഷ്കാരം

ഈന്തപ്പന
ഈന്തപ്പന

ബൈബിൾക്കാ​ല​ങ്ങ​ളിൽ ഇസ്രാ​യേ​ലി​ലും സമീപ​പ്ര​ദേ​ശ​ങ്ങ​ളി​ലും ഈന്തപ്പന (ഫീനി​ക്‌സ്‌ ഡാക്‌റ്റി​ലി​ഫെറ) ധാരാളം ഉണ്ടായി​രു​ന്നു. ഗലീല​ക്ക​ട​ലി​ന്റെ തീരങ്ങ​ളി​ലും ചൂടുള്ള യോർദാൻ താഴ്‌​വര​യു​ടെ താഴ്‌ന്ന പ്രദേ​ശ​ങ്ങ​ളി​ലും ഇവ തഴച്ചു​വ​ളർന്നി​രു​ന്ന​താ​യി പറയ​പ്പെ​ടു​ന്നു. യരീ​ഹൊ​യി​ലും സമീപ​പ്ര​ദേ​ശ​ങ്ങ​ളി​ലും ഇവ കൂടു​ത​ലാ​യി കണ്ടിരു​ന്നു. അതു​കൊ​ണ്ടു​തന്നെ യരീഹൊ, ‘ഈന്തപ്പ​ന​ക​ളു​ടെ നഗരം’ എന്നാണ്‌ അറിയ​പ്പെ​ട്ടി​രു​ന്നത്‌. (ആവ 34:3; ന്യായ 1:16; 3:13; 2ദിന 28:15) ഒരു ഈന്തപ്പന 30 മീറ്റർവരെ (100 അടിവരെ) ഉയരത്തിൽ വളർന്നേ​ക്കാം. ഈന്തപ്പ​ന​യോ​ല​യ്‌ക്ക്‌ 3 മുതൽ 5 മീറ്റർവരെ (10 മുതൽ 16 അടിവരെ) നീളം വരും. കൂടാ​രോ​ത്സ​വ​ത്തി​ന്റെ സമയത്ത്‌ ജൂതന്മാർ ഈന്തപ്പ​ന​യോ​ലകൾ ശേഖരി​ച്ചി​രു​ന്നു. (ലേവ 23:39-43; നെഹ 8:14, 15) യേശു​വി​നെ ‘ഇസ്രാ​യേ​ലി​ന്റെ രാജാ​വാ​യി’ വാഴ്‌ത്തിയ ജനക്കൂ​ട്ട​ത്തി​ന്റെ കൈയിൽ ഈന്തപ്പ​ന​യോ​ലകൾ ഉണ്ടായി​രു​ന്ന​താ​യി വിവരണം പറയുന്നു. അവർ യേശു​വി​ന്റെ രാജസ്ഥാ​നത്തെ വാഴ്‌ത്തു​ന്ന​തി​ന്റെ​യും അതിനു കീഴ്‌പെ​ടു​ന്ന​തി​ന്റെ​യും ഒരു പ്രതീ​ക​മാ​യി​രു​ന്നി​രി​ക്കാം അത്‌. (യോഹ 12:12, 13) വെളി 7:9, 10-ൽ “മഹാപു​രു​ഷാ​ര​ത്തെ​ക്കു​റിച്ച്‌” പറയു​മ്പോ​ഴും അവരുടെ ‘കൈയിൽ ഈന്തപ്പ​ന​യു​ടെ ഓലയു​ള്ള​താ​യി’ പറഞ്ഞി​രി​ക്കു​ന്നു. രക്ഷ ദൈവ​ത്തിൽനി​ന്നും കുഞ്ഞാ​ടിൽനി​ന്നും വരു​ന്നെന്ന്‌ അവർ അംഗീ​ക​രി​ക്കു​ന്ന​തി​ന്റെ തെളി​വാ​യി​രു​ന്നു അത്‌.

കഴുത​ക്കു​ട്ടി
കഴുത​ക്കു​ട്ടി

കുതി​ര​യു​ടെ കുടും​ബ​ത്തിൽപ്പെട്ട മൃഗമാ​ണു കഴുത. നല്ല കട്ടിയുള്ള കുളമ്പു​ക​ളാണ്‌ അതി​ന്റേത്‌. കുതി​ര​യിൽനിന്ന്‌ അതിനെ വ്യത്യ​സ്‌ത​മാ​ക്കു​ന്നത്‌ അതിന്റെ വലുപ്പ​ക്കു​റ​വും ചെറിയ കുഞ്ചി​രോ​മ​വും നീണ്ട ചെവി​ക​ളും താരത​മ്യേന നീളം കുറഞ്ഞ വാൽരോ​മ​വും ആണ്‌. വാലിന്റെ താഴത്തെ പകുതി​യിൽ മാത്രമേ അൽപ്പ​മെ​ങ്കി​ലും നീണ്ട രോമങ്ങൾ കാണു​ന്നു​ള്ളൂ. കഴുതയെ ബുദ്ധി​യി​ല്ലാ​യ്‌മ​യു​ടെ​യും മർക്കട​മു​ഷ്ടി​യു​ടെ​യും ഒരു പര്യാ​യ​മാ​യി പറയാ​റു​ണ്ടെ​ങ്കി​ലും അതിനു കുതി​ര​യെ​ക്കാൾ ബുദ്ധി​യു​ണ്ടെന്നു പറയ​പ്പെ​ടു​ന്നു. ഇവ പൊതു​വേ ശാന്തസ്വ​ഭാ​വി​ക​ളു​മാണ്‌. സ്‌ത്രീ​ക​ളും പുരു​ഷ​ന്മാ​രും ഇസ്രാ​യേ​ല്യ​രിൽപ്പെട്ട പ്രമു​ഖർപോ​ലും കഴുത​പ്പു​റത്ത്‌ സഞ്ചരി​ച്ചി​ട്ടുണ്ട്‌. (യോശ 15:18; ന്യായ 5:10; 10:3, 4; 12:14; 1ശമു 25:42) ദാവീ​ദി​ന്റെ മകനായ ശലോ​മോൻ അഭി​ഷേ​ക​ത്തിന്‌ എത്തിയത്‌ പിതാ​വി​ന്റെ കോവർക​ഴു​ത​പ്പു​റത്ത്‌ (ആൺകഴു​ത​യ്‌ക്കു പെൺകു​തി​ര​യിൽ ഉണ്ടാകുന്ന സങ്കരസ​ന്താ​നം) ആയിരു​ന്നു. (1രാജ 1:33-40) അതു​കൊ​ണ്ടു​തന്നെ ശലോ​മോ​നെ​ക്കാൾ വലിയ​വ​നായ യേശു സെഖ 9:9-ലെ പ്രവച​ന​ത്തി​ന്റെ നിവൃ​ത്തി​യാ​യി, കുതി​ര​പ്പു​റത്ത്‌ വരാതെ കഴുത​ക്കു​ട്ടി​യു​ടെ പുറത്ത്‌ വന്നത്‌ എന്തു​കൊ​ണ്ടും ഉചിത​മാ​യി​രു​ന്നു.