10  കൈസ​ര്യ​യിൽ കൊർന്നേ​ല്യൊസ്‌ എന്നൊ​രാ​ളു​ണ്ടാ​യി​രു​ന്നു. ‘ഇറ്റലി​ക്കാ​രു​ടെ വിഭാഗം’* എന്ന്‌ അറിയ​പ്പെ​ട്ടി​രുന്ന സൈനി​ക​വി​ഭാ​ഗ​ത്തി​ലെ ഒരു ഉദ്യോഗസ്ഥനായിരുന്നു* കൊർന്നേ​ല്യൊസ്‌. ²  കൊർന്നേല്യൊസും വീട്ടി​ലു​ള്ള​വ​രും, നല്ല ഭക്തിയും ദൈവ​ഭ​യ​വും ഉള്ളവരാ​യി​രു​ന്നു. കൊർന്നേ​ല്യൊസ്‌ ഒരുപാ​ടു ദാനധർമങ്ങൾ ചെയ്യു​ക​യും പതിവാ​യി ദൈവ​ത്തോട്‌ ഉള്ളുരു​കി പ്രാർഥി​ക്കു​ക​യും ചെയ്‌തു​പോ​ന്നു. ³  അങ്ങനെയിരിക്കെ ഒരു ദിവസം, ഏകദേശം ഒൻപതാം മണി*+ നേരത്ത്‌ കൊർന്നേ​ല്യൊസ്‌ ഒരു ദിവ്യ​ദർശനം കണ്ടു. ഒരു ദൈവ​ദൂ​തൻ അടു​ത്തേക്കു വരുന്ന​തും “കൊർന്നേ​ല്യൊ​സേ” എന്നു വിളി​ക്കു​ന്ന​തും കൊർന്നേ​ല്യൊസ്‌ വ്യക്തമാ​യി കണ്ടു. ⁴  കൊർന്നേല്യൊസ്‌ ഭയത്തോ​ടെ ദൂതനെ സൂക്ഷി​ച്ചു​നോ​ക്കി​ക്കൊണ്ട്‌, “എന്താണു കർത്താവേ” എന്നു ചോദി​ച്ചു. ദൂതൻ കൊർന്നേ​ല്യൊ​സി​നോ​ടു പറഞ്ഞു: “നിന്റെ പ്രാർഥ​ന​ക​ളും ദാനധർമ​ങ്ങ​ളും ദൈവ​മു​മ്പാ​കെ എത്തി, ദൈവം നിന്നെ ഓർത്തി​രി​ക്കു​ന്നു.+ ⁵  അതുകൊണ്ട്‌ യോപ്പ​യി​ലേക്ക്‌ ആളയച്ച്‌ പത്രോ​സ്‌ എന്ന്‌ അറിയ​പ്പെ​ടുന്ന ശിമോ​നെ വിളി​ച്ചു​വ​രു​ത്തുക. ⁶  കടൽത്തീരത്ത്‌ താമസി​ക്കുന്ന ശിമോൻ എന്ന തോൽപ്പ​ണി​ക്കാ​രന്റെ വീട്ടിൽ പത്രോ​സ്‌ അതിഥി​യാ​യി കഴിയു​ക​യാണ്‌.” ⁷  ദൂതൻ പോയ ഉടനെ കൊർന്നേ​ല്യൊസ്‌ രണ്ടു വേലക്കാ​രെ​യും പരിചാ​ര​ക​രിൽനിന്ന്‌ ദൈവ​ഭ​ക്തി​യുള്ള ഒരു പടയാ​ളി​യെ​യും വിളിച്ച്‌ ⁸  എല്ലാം വിവരി​ച്ച​ശേഷം അവരെ യോപ്പ​യി​ലേക്ക്‌ അയച്ചു. ⁹  അവർ യാത്ര ചെയ്‌ത്‌ പിറ്റെ ദിവസം ഏകദേശം ആറാം മണിയായപ്പോൾ* നഗരത്തി​ന്‌ അടുത്ത്‌ എത്തി. ആ സമയത്ത്‌ പത്രോ​സ്‌ വീടിനു മുകളിൽ പോയി പ്രാർഥി​ക്കു​ക​യാ​യി​രു​ന്നു. ¹⁰  പത്രോസിനു വല്ലാത്ത വിശപ്പു തോന്നി, എന്തെങ്കി​ലും കഴിക്കാൻ പത്രോ​സ്‌ ആഗ്രഹി​ച്ചു. അവർ ഭക്ഷണം തയ്യാറാ​ക്കി​ക്കൊ​ണ്ടി​രുന്ന സമയത്ത്‌ പത്രോ​സ്‌ ഒരു സ്വപ്‌നാ​വ​സ്ഥ​യി​ലാ​യി.+ ¹¹  ആകാശം തുറന്നി​രി​ക്കു​ന്ന​തും ഒരു വലിയ ലിനൻവി​രി​പോ​ലുള്ള എന്തോ ഒന്ന്‌* ആരോ നാലു മൂലയി​ലും പിടിച്ച്‌ ഭൂമി​യി​ലേക്ക്‌ ഇറക്കു​ന്ന​തും പത്രോ​സ്‌ കണ്ടു. ¹²  അതിൽ ഭൂമി​യി​ലെ എല്ലാ തരം നാൽക്കാ​ലി​ക​ളും ഇഴജന്തുക്കളും* പക്ഷിക​ളും ഉണ്ടായി​രു​ന്നു. ¹³  ഒരു ശബ്ദം പത്രോ​സി​നോട്‌, “പത്രോ​സേ, എഴു​ന്നേറ്റ്‌ ഇവയെ അറുത്ത്‌ തിന്നൂ” എന്നു പറഞ്ഞു. ¹⁴  അപ്പോൾ പത്രോ​സ്‌, “അയ്യോ, അങ്ങനെ പറയരു​തു കർത്താവേ, മലിന​മോ അശുദ്ധ​മോ ആയ ഒന്നും ഞാൻ ഇതുവരെ കഴിച്ചി​ട്ടില്ല”+ എന്നു പറഞ്ഞു. ¹⁵  ആ ശബ്ദം രണ്ടാമ​തും പത്രോ​സി​നോട്‌, “ദൈവം ശുദ്ധീ​ക​രി​ച്ച​വയെ നീ മലിന​മെന്നു വിളി​ക്ക​രുത്‌” എന്നു പറഞ്ഞു. ¹⁶  മൂന്നാമതും ഇങ്ങനെ സംഭവി​ച്ചു. ഉടൻതന്നെ അതു* തിരികെ ആകാശ​ത്തി​ലേക്ക്‌ എടുക്ക​പ്പെട്ടു. ¹⁷  താൻ കണ്ട ദർശന​ത്തി​ന്റെ അർഥ​ത്തെ​ക്കു​റിച്ച്‌ പത്രോ​സിന്‌ ഒരു എത്തും പിടി​യും കിട്ടി​യില്ല. പത്രോ​സ്‌ അതി​നെ​ക്കു​റിച്ച്‌ ചിന്തി​ച്ചു​കൊ​ണ്ടി​രി​ക്കു​മ്പോൾത്തന്നെ, കൊർന്നേ​ല്യൊസ്‌ അയച്ച ആളുകൾ ശിമോ​ന്റെ വീടു തേടി​പ്പി​ടിച്ച്‌ എത്തി.+ ¹⁸  പത്രോസ്‌ എന്ന്‌ അറിയ​പ്പെ​ടുന്ന ശിമോൻ അവിടെ അതിഥി​യാ​യി താമസി​ക്കു​ന്നു​ണ്ടോ എന്ന്‌ അവർ പടിവാ​തിൽക്കൽ നിന്ന്‌ വിളി​ച്ചു​ചോ​ദി​ച്ചു. ¹⁹  ദർശനത്തെക്കുറിച്ച്‌ ചിന്തി​ച്ചു​കൊ​ണ്ടി​രി​ക്കു​ക​യാ​യി​രുന്ന പത്രോ​സി​നോ​ടു പരിശുദ്ധാത്മാവ്‌+ പറഞ്ഞു: “അതാ, നിന്നെ അന്വേ​ഷിച്ച്‌ മൂന്നു പേർ വന്നിരി​ക്കു​ന്നു. ²⁰  താഴേക്കു ചെന്ന്‌ ഒട്ടും മടിക്കാ​തെ അവരു​ടെ​കൂ​ടെ പോകുക. ഞാനാണ്‌ അവരെ അയച്ചത്‌.” ²¹  അപ്പോൾ പത്രോ​സ്‌ താഴെ അവരുടെ അടുത്ത്‌ ചെന്ന്‌, “നിങ്ങൾ അന്വേ​ഷി​ക്കുന്ന ആൾ ഞാനാണ്‌. നിങ്ങൾ വന്നത്‌ എന്തിനാ​ണ്‌” എന്നു ചോദി​ച്ചു. ²²  അവർ പറഞ്ഞു: “കൊർന്നേല്യൊസ്‌+ എന്നു പേരുള്ള ഒരു സൈനി​കോ​ദ്യോ​ഗ​സ്ഥ​നുണ്ട്‌. നീതി​മാ​നും ദൈവ​ഭ​യ​മു​ള്ള​വ​നും ആയ അദ്ദേഹ​ത്തെ​ക്കു​റിച്ച്‌ ജൂതന്മാർക്കു മുഴുവൻ വളരെ നല്ല അഭി​പ്രാ​യ​മാണ്‌. അങ്ങയെ വീട്ടിൽ വരുത്തി അങ്ങയ്‌ക്കു പറയാ​നുള്ള കാര്യങ്ങൾ കേൾക്ക​ണ​മെന്ന്‌ ഒരു വിശു​ദ്ധ​ദൂ​ത​നി​ലൂ​ടെ അദ്ദേഹ​ത്തി​നു ദൈവി​ക​നിർദേശം ലഭിച്ചു.” ²³  പത്രോസ്‌ അവരെ വീടിന്‌ അകത്തേക്കു ക്ഷണിച്ചു. അവർ പത്രോ​സി​ന്റെ അതിഥി​ക​ളാ​യി അന്ന്‌ അവിടെ താമസി​ച്ചു. പിറ്റേന്ന്‌ പത്രോ​സ്‌ അവരോ​ടൊ​പ്പം യാത്ര​യാ​യി. യോപ്പ​യിൽനി​ന്നുള്ള ചില സഹോ​ദ​ര​ന്മാ​രും പത്രോ​സി​ന്റെ​കൂ​ടെ പോയി. ²⁴  അടുത്ത ദിവസം പത്രോ​സ്‌ കൈസ​ര്യ​യിൽ എത്തി. കൊർന്നേ​ല്യൊസ്‌ ബന്ധുക്ക​ളെ​യും ഉറ്റ സുഹൃ​ത്തു​ക്ക​ളെ​യും വിളി​ച്ചു​കൂ​ട്ടി അവരെ കാത്തി​രി​ക്കു​ക​യാ​യി​രു​ന്നു. ²⁵  പത്രോസ്‌ എത്തിയ​പ്പോൾ കൊർന്നേ​ല്യൊസ്‌ പത്രോ​സി​ന്റെ അടുത്ത്‌ ചെന്ന്‌ കാൽക്കൽ വീണ്‌ വണങ്ങി. ²⁶  എന്നാൽ പത്രോ​സ്‌, “എഴു​ന്നേൽക്ക്‌, ഞാനും വെറും ഒരു മനുഷ്യ​നാണ്‌”+ എന്നു പറഞ്ഞു​കൊണ്ട്‌ കൊർന്നേ​ല്യൊ​സി​നെ പിടിച്ച്‌ എഴു​ന്നേൽപ്പി​ച്ചു. ²⁷  പത്രോസ്‌ കൊർന്നേ​ല്യൊ​സി​നോ​ടു സംസാ​രി​ച്ചു​കൊണ്ട്‌ അകത്തേക്കു ചെന്ന​പ്പോൾ കുറെ ആളുകൾ അവിടെ കൂടി​യി​രി​ക്കു​ന്നതു കണ്ടു. ²⁸  പത്രോസ്‌ അവരോ​ടു പറഞ്ഞു: “ഒരു ജൂതൻ അന്യജാ​തി​ക്കാ​രന്റെ അടുത്ത്‌ ചെല്ലു​ന്ന​തും അയാ​ളോട്‌ അടുത്ത്‌ ഇടപഴ​കു​ന്ന​തും ഞങ്ങളുടെ നിയമ​ത്തി​നു വിരു​ദ്ധ​മാ​ണെന്നു നിങ്ങൾക്കു നന്നായി അറിയാ​മ​ല്ലോ;+ എന്നാൽ ഞാൻ ഒരാ​ളെ​യും മലിന​നെ​ന്നോ അശുദ്ധ​നെ​ന്നോ വിളി​ക്ക​രു​തെന്നു ദൈവം എനിക്കു കാണി​ച്ചു​ത​ന്നി​രി​ക്കു​ന്നു.+ ²⁹  അതുകൊണ്ടാണ്‌ ആളയച്ച്‌ വിളി​ച്ച​പ്പോൾ ഒരു മടിയും കൂടാതെ ഞാൻ വന്നത്‌. ഇനി പറയൂ, എന്തിനാ​ണ്‌ എന്നെ വിളി​ച്ചത്‌?” ³⁰  അപ്പോൾ കൊർന്നേ​ല്യൊസ്‌ പറഞ്ഞു: “ഇന്നേക്കു നാലു ദിവസം മുമ്പ്‌ ഇതേ സമയത്ത്‌, അതായത്‌ ഒൻപതാം മണി* നേരത്ത്‌, ഞാൻ വീട്ടിൽ പ്രാർഥി​ച്ചു​കൊ​ണ്ടി​രി​ക്കു​മ്പോൾ വെട്ടി​ത്തി​ള​ങ്ങുന്ന വസ്‌ത്രം ധരിച്ച ഒരു പുരുഷൻ എന്റെ മുന്നിൽ പ്രത്യ​ക്ഷ​പ്പെട്ട്‌ ³¹  എന്നോടു പറഞ്ഞു: ‘കൊർന്നേ​ല്യൊ​സേ, ദൈവം പ്രീതി​യോ​ടെ നിന്റെ പ്രാർഥന കേട്ടി​രി​ക്കു​ന്നു, നിന്റെ ദാനധർമങ്ങൾ ഓർമി​ക്കു​ക​യും ചെയ്‌തി​രി​ക്കു​ന്നു. ³²  അതുകൊണ്ട്‌ യോപ്പ​യി​ലേക്ക്‌ ആളയച്ച്‌ പത്രോ​സ്‌ എന്ന്‌ അറിയ​പ്പെ​ടുന്ന ശിമോ​നെ വിളി​പ്പി​ക്കുക. കടൽത്തീ​രത്ത്‌ ശിമോൻ എന്ന തോൽപ്പ​ണി​ക്കാ​രന്റെ വീട്ടിൽ പത്രോ​സ്‌ അതിഥി​യാ​യി താമസി​ക്കു​ക​യാണ്‌.’+ ³³  ഉടനെ ഞാൻ അങ്ങയുടെ അടു​ത്തേക്ക്‌ ആളയച്ചു, വരാൻ അങ്ങ്‌ മനസ്സു​കാ​ട്ടു​ക​യും ചെയ്‌തു. അതു​കൊണ്ട്‌ ഞങ്ങളോ​ടു പറയാൻ യഹോവ* അങ്ങയോ​ടു കല്‌പി​ച്ചി​രി​ക്കുന്ന കാര്യങ്ങൾ കേൾക്കാ​നാ​യി ഞങ്ങൾ ഇപ്പോൾ ദൈവ​മു​മ്പാ​കെ കൂടി​വ​ന്നി​രി​ക്കു​ക​യാണ്‌.” ³⁴  അപ്പോൾ പത്രോ​സ്‌ പറഞ്ഞു: “ദൈവം പക്ഷപാതമുള്ളവനല്ലെന്ന്‌+ എനിക്ക്‌ ഇപ്പോൾ ശരിക്കും മനസ്സി​ലാ​യി. ³⁵  ഏതു ജനതയിൽപ്പെട്ട ആളാ​ണെ​ങ്കി​ലും, ദൈവത്തെ ഭയപ്പെട്ട്‌ ശരിയാ​യതു പ്രവർത്തി​ക്കുന്ന മനുഷ്യ​നെ ദൈവം അംഗീ​ക​രി​ക്കു​ന്നു.+ ³⁶  യേശുക്രിസ്‌തുവിലൂടെയുള്ള സമാധാ​ന​ത്തി​ന്റെ സന്തോഷവാർത്ത+ ഇസ്രാ​യേൽമ​ക്കളെ അറിയി​ച്ച​തി​ലൂ​ടെ ദൈവം അവർക്കു നൽകിയ സന്ദേശം ഇതായി​രു​ന്നു: യേശു എല്ലാവർക്കും കർത്താ​വാണ്‌.+ ³⁷  സ്‌നാനത്തെക്കുറിച്ച്‌ യോഹ​ന്നാൻ പ്രസം​ഗി​ച്ച​ശേഷം, ഗലീല​യിൽനിന്ന്‌ ആരംഭി​ച്ച്‌ യഹൂദ്യ മുഴുവൻ പരന്ന ആ വാർത്ത നിങ്ങൾക്ക്‌ അറിയാ​മ​ല്ലോ.+ ³⁸  അതായത്‌, നസറെ​ത്തിൽനി​ന്നുള്ള യേശു​വി​നെ ദൈവം പരിശു​ദ്ധാ​ത്മാ​വി​നാ​ലും ശക്തിയാ​ലും അഭി​ഷേകം ചെയ്‌തെന്നും+ ദൈവം കൂടെയുണ്ടായിരുന്നതിനാൽ+ യേശു ദേശം മുഴുവൻ സഞ്ചരിച്ച്‌ നല്ല കാര്യങ്ങൾ ചെയ്യു​ക​യും പിശാച്‌ കഷ്ടപ്പെ​ടു​ത്തി​യി​രുന്ന എല്ലാവരെയും+ സുഖ​പ്പെ​ടു​ത്തു​ക​യും ചെയ്‌തെ​ന്നും ഉള്ള വാർത്ത നിങ്ങൾ കേട്ടി​ട്ടു​ണ്ട​ല്ലോ. ³⁹  യേശു ജൂതന്മാ​രു​ടെ ദേശത്തും യരുശ​ലേ​മി​ലും ചെയ്‌ത സകല കാര്യ​ങ്ങൾക്കും ഞങ്ങൾ ദൃക്‌സാ​ക്ഷി​ക​ളാണ്‌. എന്നാൽ അവർ യേശു​വി​നെ സ്‌തംഭത്തിൽ* തൂക്കി​ക്കൊ​ന്നു. ⁴⁰  ദൈവം യേശു​വി​നെ മൂന്നാം ദിവസം ഉയിർപ്പിക്കുകയും+ പലരു​ടെ​യും മുന്നിൽ പ്രത്യ​ക്ഷ​പ്പെ​ടാൻ അനുവ​ദി​ക്കു​ക​യും ചെയ്‌തു. ⁴¹  എന്നാൽ എല്ലാവ​രു​ടെ​യും മുന്നിലല്ല, ദൈവം മുന്നമേ നിയമിച്ച സാക്ഷി​ക​ളു​ടെ മുന്നിൽ, അതായത്‌ ഞങ്ങളുടെ മുന്നിൽ, മാത്ര​മാ​ണു യേശു പ്രത്യ​ക്ഷ​പ്പെ​ട്ടത്‌. യേശു മരിച്ച​വ​രു​ടെ ഇടയിൽനി​ന്ന്‌ ഉയിർത്തെ​ഴു​ന്നേ​റ്റ​ശേഷം ഞങ്ങൾ യേശു​വി​നോ​ടൊ​പ്പം തിന്നു​ക​യും കുടി​ക്കു​ക​യും ചെയ്‌തു.+ ⁴²  ജീവിച്ചിരിക്കുന്നവർക്കും മരിച്ച​വർക്കും ന്യായാ​ധി​പ​നാ​യി ദൈവം നിയോ​ഗി​ച്ചി​രി​ക്കു​ന്നതു യേശുവിനെയാണ്‌+ എന്നു സമഗ്ര​മാ​യി സാക്ഷീ​ക​രി​ക്കാ​നും ജനത്തോ​ടു പ്രസം​ഗി​ക്കാ​നും കർത്താവ്‌ ഞങ്ങളോ​ടു കല്‌പി​ച്ചു.+ ⁴³  യേശുവിൽ വിശ്വ​സി​ക്കുന്ന എല്ലാവർക്കും ആ പേരി​ലൂ​ടെ പാപ​മോ​ചനം ലഭിക്കുമെന്ന്‌+ എല്ലാ പ്രവാ​ച​ക​ന്മാ​രും യേശു​വി​നെ​ക്കു​റിച്ച്‌ സാക്ഷ്യ​പ്പെ​ടു​ത്തു​ന്നു.”+ ⁴⁴  പത്രോസ്‌ ഈ കാര്യങ്ങൾ പറഞ്ഞു​കൊ​ണ്ടി​രി​ക്കു​മ്പോൾത്തന്നെ ദൈവ​വ​ചനം കേട്ടു​കൊ​ണ്ടി​രുന്ന എല്ലാവ​രു​ടെ​യും മേൽ പരിശു​ദ്ധാ​ത്മാവ്‌ വന്നു.+ ⁴⁵  പരിശുദ്ധാത്മാവ്‌ എന്ന സമ്മാനം ജനതക​ളിൽപ്പെ​ട്ട​വർക്കും ലഭിച്ചതു കണ്ട്‌ പത്രോ​സി​ന്റെ​കൂ​ടെ വന്ന, പരിച്ഛേദനയേറ്റ* വിശ്വാസികൾ* അമ്പരന്നു​പോ​യി. ⁴⁶  ജനതകളിൽപ്പെട്ടവർ അന്യഭാ​ഷ​ക​ളിൽ സംസാ​രി​ക്കു​ന്ന​തും ദൈവത്തെ മഹത്ത്വ​പ്പെ​ടു​ത്തു​ന്ന​തും അവർ കേട്ടു.+ അപ്പോൾ പത്രോ​സ്‌ ചോദി​ച്ചു: ⁴⁷  “നമ്മളെ​പ്പോ​ലെ​തന്നെ പരിശു​ദ്ധാ​ത്മാവ്‌ ലഭിച്ച ഇവർ ജലസ്‌നാ​ന​മേൽക്കു​ന്നതു തടയാൻ ആർക്കു കഴിയും?”+ ⁴⁸  അങ്ങനെ, യേശു​ക്രി​സ്‌തു​വി​ന്റെ നാമത്തിൽ അവരെ സ്‌നാ​ന​പ്പെ​ടു​ത്താൻ പത്രോ​സ്‌ കല്‌പി​ച്ചു.+ അവരോ​ടൊ​പ്പം കുറച്ച്‌ ദിവസം താമസി​ക്കാൻ അവർ പത്രോ​സി​നോട്‌ അപേക്ഷി​ച്ചു.