ന്യായാധിപന്മാർ 10:1-18

10  അബീ​മേലെ​ക്കി​നു ശേഷം ദോ​ദൊ​യു​ടെ മകനായ പൂവയു​ടെ മകൻ തോല ഇസ്രായേ​ലി​ന്റെ രക്ഷകനാ​യി എഴു​ന്നേറ്റു.+ തോല ഒരു യിസ്സാ​ഖാ​ര്യ​നാ​യി​രു​ന്നു. എഫ്രയീം​മ​ല​നാ​ട്ടി​ലെ ശാമീ​രി​ലാ​ണു തോല താമസി​ച്ചി​രു​ന്നത്‌.  തോല 23 വർഷം ഇസ്രായേ​ലിൽ ന്യായ​പാ​ലനം നടത്തി. പിന്നെ തോല മരിച്ചു, തോലയെ ശാമീ​രിൽ അടക്കം ചെയ്‌തു.  തോലയ്‌ക്കു ശേഷം ഗിലെ​യാ​ദ്യ​നായ യായീർ 22 വർഷം ഇസ്രായേ​ലിൽ ന്യായ​പാ​ലനം നടത്തി.  യായീരിന്‌ 30 ആൺമക്ക​ളു​ണ്ടാ​യി​രു​ന്നു. അവർ 30 കഴുത​ക​ളു​ടെ പുറത്ത്‌ സഞ്ചരിച്ചു; ഗിലെ​യാദ്‌ ദേശത്ത്‌ അവർക്ക്‌ 30 നഗരങ്ങ​ളു​മു​ണ്ടാ​യി​രു​ന്നു. അവയുടെ പേര്‌ ഇന്നും ഹവ്വോത്ത്‌-യായീർ+ എന്നാണ്‌.  പിന്നെ യായീർ മരിച്ചു, യായീ​രി​നെ കാമോ​നിൽ അടക്കം ചെയ്‌തു.  ഇസ്രായേല്യർ വീണ്ടും യഹോ​വ​യു​ടെ മുമ്പാകെ തിന്മ ചെയ്‌തു.+ അവർ ബാൽ ദൈവങ്ങളെയും+ അസ്‌തോ​രെത്ത്‌ വിഗ്ര​ഹ​ങ്ങളെ​യും അരാമിലെ* ദൈവ​ങ്ങളെ​യും സീദോ​നി​ലെ ദൈവ​ങ്ങളെ​യും മോവാ​ബി​ലെ ദൈവങ്ങളെയും+ അമ്മോ​ന്യ​രു​ടെ ദൈവങ്ങളെയും+ ഫെലി​സ്‌ത്യ​രു​ടെ ദൈവങ്ങളെയും+ സേവി​ച്ചു​തു​ടങ്ങി. അവർ യഹോ​വയെ ഉപേക്ഷി​ച്ചു, തങ്ങളുടെ ദൈവത്തെ സേവി​ക്കു​ന്നതു നിറു​ത്തി​ക്ക​ളഞ്ഞു.  അപ്പോൾ യഹോ​വ​യു​ടെ കോപം ഇസ്രായേ​ലി​നു നേരെ ആളിക്കത്തി. ദൈവം അവരെ ഫെലി​സ്‌ത്യർക്കും അമ്മോ​ന്യർക്കും വിറ്റു.+  അവർ ആ വർഷം ഇസ്രായേ​ല്യ​രെ വല്ലാതെ കഷ്ടപ്പെ​ടു​ത്തു​ക​യും അടിച്ച​മർത്തു​ക​യും ചെയ്‌തു. ഗിലെ​യാ​ദി​ലെ അമോ​ര്യ​രു​ടെ ദേശമാ​യി​രുന്ന യോർദാ​ന്റെ തീര​പ്രദേ​ശത്ത്‌ താമസിച്ച ഇസ്രായേ​ല്യരെയെ​ല്ലാം അവർ 18 വർഷം അടക്കി​ഭ​രി​ച്ചു.  മാത്രമല്ല, അമ്മോ​ന്യർ യോർദാൻ കടന്നു​ചെന്ന്‌ യഹൂദയോ​ടും ബന്യാ​മീനോ​ടും എഫ്രയീം​ഭ​വ​നത്തോ​ടും പോരാ​ടു​മാ​യി​രു​ന്നു. അങ്ങനെ ഇസ്രാ​യേൽ വലിയ കഷ്ടത്തി​ലാ​യി. 10  അപ്പോൾ ഇസ്രായേ​ല്യർ സഹായ​ത്തി​നുവേണ്ടി യഹോ​വയോ​ടു നിലവി​ളി​ച്ചു.+ അവർ പറഞ്ഞു: “ദൈവമേ, ഞങ്ങൾ അങ്ങയെ ഉപേക്ഷി​ച്ച്‌ ബാൽ ദൈവ​ങ്ങളെ സേവിച്ചുകൊണ്ട്‌+ അങ്ങയോ​ടു പാപം ചെയ്‌തി​രി​ക്കു​ന്നു.” 11  പക്ഷേ യഹോവ ഇസ്രായേ​ല്യരോ​ടു പറഞ്ഞു: “നിങ്ങളെ അടിച്ച​മർത്തിയ ഈജിപ്‌തുകാരുടെയും+ അമോര്യരുടെയും+ അമ്മോ​ന്യ​രുടെ​യും ഫെലിസ്‌ത്യരുടെയും+ 12  സീദോന്യരുടെയും അമാ​ലേ​ക്കിന്റെ​യും മിദ്യാന്റെ​യും കൈയിൽനി​ന്ന്‌ ഞാൻ നിങ്ങളെ രക്ഷിച്ചി​ല്ലേ? നിങ്ങൾ എന്നോടു കരഞ്ഞു​നി​ല​വി​ളി​ച്ചപ്പോൾ അവരുടെ കൈയിൽനി​ന്ന്‌ ഞാൻ നിങ്ങളെ വിടു​വി​ച്ചു. 13  എന്നാൽ നിങ്ങൾ എന്നെ ഉപേക്ഷി​ച്ച്‌ മറ്റു ദൈവ​ങ്ങളെ സേവിച്ചു.+ അതു​കൊണ്ട്‌ ഇനി ഞാൻ നിങ്ങളെ രക്ഷിക്കില്ല.+ 14  നിങ്ങൾ തിര​ഞ്ഞെ​ടുത്ത ദൈവ​ങ്ങ​ളു​ടെ അടുത്ത്‌ ചെന്ന്‌ അവരോ​ടു യാചി​ക്കുക.+ ഈ കഷ്ടപ്പാ​ടിൽനിന്ന്‌ അവർ നിങ്ങളെ രക്ഷിക്കട്ടെ.”+ 15  അപ്പോൾ ഇസ്രായേ​ല്യർ യഹോ​വയോ​ടു പറഞ്ഞു: “ഞങ്ങൾ പാപം ചെയ്‌തുപോ​യി. അങ്ങയ്‌ക്ക്‌ ഇഷ്ടമു​ള്ള​തുപോലെയെ​ല്ലാം ഞങ്ങളോ​ടു ചെയ്‌തുകൊ​ള്ളുക. പക്ഷേ ഇപ്പോൾ, ഇന്നൊരു ദിവസ​ത്തേക്കു ഞങ്ങളെ രക്ഷി​ക്കേ​ണമേ.” 16  അവർ അവർക്കി​ട​യി​ലു​ണ്ടാ​യി​രുന്ന അന്യദൈ​വ​ങ്ങളെ നീക്കി+ യഹോ​വയെ സേവിച്ചു. ഇസ്രായേ​ല്യർ കഷ്ടപ്പെ​ടു​ന്നതു കണ്ടുനിൽക്കാൻ പിന്നെ ദൈവ​ത്തി​നു കഴിഞ്ഞില്ല.+ 17  അക്കാലത്ത്‌ അമ്മോന്യരെല്ലാം+ ഒന്നിച്ചു​കൂ​ടി ഗിലെ​യാ​ദിൽ പാളയ​മ​ടി​ച്ചു. അപ്പോൾ ഇസ്രായേ​ല്യ​രും ഒന്നിച്ചു​കൂ​ടി. അവർ മിസ്‌പ​യിൽ പാളയ​മ​ടി​ച്ചു. 18  ഗിലെയാദിലെ പ്രഭു​ക്ക​ന്മാ​രും ജനങ്ങളും പരസ്‌പരം ഇങ്ങനെ പറഞ്ഞു: “അമ്മോ​ന്യർക്കെ​തിരെ​യുള്ള യുദ്ധത്തിൽ നമ്മളെ ആരു നയിക്കും?+ അയാൾ ഗിലെ​യാ​ദി​ലെ നിവാ​സി​കൾക്കെ​ല്ലാം തലവനാ​കും.”

അടിക്കുറിപ്പുകള്‍

അഥവാ “സിറി​യ​യി​ലെ.”

പഠനക്കുറിപ്പുകൾ

ദൃശ്യാവിഷ്കാരം