ഇന്ന്‌ ലോകം അശ്ലീലത്തിൽ * മുങ്ങി​ക്കു​ളി​ച്ചി​രി​ക്കു​ക​യാണ്‌. പരസ്യങ്ങൾ, ഫാഷൻ രംഗം, സിനി​മകൾ, സംഗീതം, മാസി​കകൾ, ടിവി പരിപാ​ടി​കൾ, വീഡി​യോ ഗെയി​മു​കൾ, സ്‌മാർട്ട്‌ഫോ​ണു​കൾ, മറ്റ്‌ ഇല​ക്ട്രോ​ണിക്‌ ഉപകര​ണങ്ങൾ, വെബ്‌​സൈ​റ്റു​കൾ, സമൂഹ​മാ​ധ്യ​മങ്ങൾ ഇവയെ​ല്ലാം ഇന്ന്‌ അശ്ലീലം വിളമ്പു​ന്നു. അശ്ലീലം ഇന്നത്തെ സമൂഹ​ത്തിൽ ഒരു സാധാരണ സംഗതി​യാ​യി മാറി​യി​രി​ക്കു​ന്നു. കൂടു​തൽക്കൂ​ടു​തൽ ആളുക​ളി​ലേ​ക്കും സ്ഥലങ്ങളി​ലേ​ക്കും അതു കടന്നു​ചെ​ല്ലു​ക​യാണ്‌. അശ്ലീലം ഇത്ര​യേറെ വ്യാപ​ക​മാ​യൊ​രു കാലഘട്ടം മുമ്പ്‌ ഒരിക്ക​ലും ഉണ്ടായി​ട്ടില്ല.—“ അശ്ലീല​ത്തെ​ക്കു​റി​ച്ചുള്ള ചില കണക്കുകൾ” എന്ന ചതുരം നോക്കുക.

അശ്ലീല​ത്തി​ന്റെ തീവ്ര​ത​യും ഇന്ന്‌ മാറി​ക്കൊ​ണ്ടി​രി​ക്കു​ക​യാണ്‌. “അങ്ങേയ​റ്റത്തെ അശ്ലീല​മാണ്‌ ഇന്ന്‌ ആളുകൾ കാണു​ന്നത്‌. മുമ്പ്‌ പച്ചയായ അശ്ലീല​മാ​യി കണ്ടിരുന്ന രംഗങ്ങൾ ഇന്ന്‌ ആളുകൾക്ക്‌ ഒരു സാധാരണ കാര്യ​മാണ്‌” എന്ന്‌ പ്രൊ​ഫസർ ഗെയ്‌ൽ ഡൈൻസ്‌ എഴുതി.

ഇതൊക്കെ കേൾക്കു​മ്പോൾ നിങ്ങൾക്ക്‌ എന്താണ്‌ തോന്നു​ന്നത്‌? അശ്ലീലം ഒരു കുഴപ്പ​വു​മി​ല്ലാത്ത ഒരു നേര​മ്പോ​ക്കാ​ണോ അതോ അതിൽ വലിയ അപകടങ്ങൾ പതിയി​രി​പ്പു​ണ്ടോ? യേശു പറഞ്ഞത്‌ ശ്രദ്ധി​ക്കുക: “നല്ല മരം നല്ല ഫലങ്ങൾ തരുന്നു. ചീത്ത മരമോ ചീത്ത ഫലങ്ങളും.” (മത്തായി 7:17) അങ്ങനെ​യെ​ങ്കിൽ അശ്ലീലം എന്ത്‌ ഫലമാണ്‌ തരുന്നത്‌? അതിനുള്ള ഉത്തരം കണ്ടുപി​ടി​ക്കാൻ അശ്ലീല​ത്തെ​ക്കു​റി​ച്ചുള്ള ചില ചോദ്യ​ങ്ങൾ നോക്കാം.

വിദഗ്‌ധർ പറയു​ന്നത്‌: അശ്ലീലം അങ്ങേയറ്റം ആസക്തി ഉളവാ​ക്കു​ന്ന​താണ്‌. അത്‌ ലഹരി​മ​രുന്ന്‌ പോ​ലെ​യാ​ണെ​ന്നാണ്‌ ചില ഗവേഷ​ക​രും ഡോക്ടർമാ​രും പറയു​ന്നത്‌.

ഇന്റർനെറ്റ്‌ അശ്ലീല​ത്തിന്‌ അടിമ​യാ​യി​രുന്ന ബ്രയൻ * പറയുന്നു: “എനിക്ക്‌ അത്‌ നിറു​ത്താ​നേ കഴിഞ്ഞില്ല. അശ്ലീലം എന്റെ തലയ്‌ക്കു പിടി​ച്ചി​രു​ന്നു. എന്റെ ശരീര​മാ​കെ വിറയ്‌ക്കും. തലവേദന എടുക്കും. അതു നിറു​ത്താൻ ഞാൻ പഠിച്ച​പണി പതി​നെ​ട്ടും നോക്കി. പക്ഷേ വർഷങ്ങൾ കഴിഞ്ഞി​ട്ടും എനിക്ക്‌ അതിൽനിന്ന്‌ പുറത്തു​ക​ട​ക്കാൻ കഴിഞ്ഞില്ല.”

അശ്ലീലം കാണുന്ന ശീലമു​ള്ളവർ ഇക്കാര്യം മറ്റാരും അറിയാ​തി​രി​ക്കാൻ ശ്രദ്ധി​ക്കും. ഒളിച്ചും​പാ​ത്തും കാര്യങ്ങൾ ചെയ്യുന്ന ഒരു രീതി​യാ​യി​രി​ക്കും അവർക്ക്‌. ഇങ്ങനെ കള്ളത്തരം കാണി​ക്കു​ന്ന​തു​കൊണ്ട്‌ അവർക്ക്‌ ഒറ്റപ്പെ​ട​ലും നാണ​ക്കേ​ടും ഉത്‌ക​ണ്‌ഠ​യും വിഷാ​ദ​വും ദേഷ്യ​വും ഒക്കെ തോന്നും. ചിലർ ആത്മഹത്യാ​പ്ര​വ​ണ​ത​പോ​ലും കാണി​ക്കാ​റുണ്ട്‌. എല്ലാ ദിവസ​വും​തന്നെ മൊ​ബൈൽ ഫോണിൽ അശ്ലീലം ഡൗൺലോഡ്‌ ചെയ്‌ത്‌ കണ്ടിരുന്ന ആളായി​രു​ന്നു സെർഗെ. സെർഗെ പറയുന്നു: “ഞാൻ വല്ലാതെ ഉൾവലി​ഞ്ഞു​പോ​യി. എന്നെ​ക്കൊണ്ട്‌ ഒന്നിനും കൊള്ളില്ല, എനിക്ക്‌ ഇതിൽനിന്ന്‌ ഒരിക്ക​ലും പുറത്തു​ക​ട​ക്കാ​നാ​വില്ല എന്നൊക്കെ തോന്നി. നിരാ​ശ​യും കുറ്റ​ബോ​ധ​വും ഒറ്റപ്പെ​ട​ലും എന്നെ വേട്ടയാ​ടി. ഞാൻ ആരോ​ടും സഹായം ചോദി​ച്ചില്ല. നാണ​ക്കേ​ടും പേടി​യും ആയിരു​ന്നു.”

നമ്മുടെ കണ്ണിനു മുന്നി​ലൂ​ടെ മിന്നി​മ​റ​യുന്ന ഒരു അശ്ലീല​രം​ഗം പോലും നമ്മളെ മോശ​മാ​യി ബാധി​ക്കും. അശ്ലീല​ത്തെ​ക്കു​റിച്ച്‌ പഠനം നടത്തുന്ന ഒരു പ്രമുഖ ഗവേഷ​ക​യായ ഡോക്ടർ ജൂഡിത്‌ റെയ്‌സ്‌മാൻ ഐക്യ​നാ​ടു​ക​ളി​ലെ സെനറ്റ്‌ കമ്മിറ്റി​യു​ടെ മുമ്പാകെ സംസാ​രി​ച്ച​പ്പോൾ ഇങ്ങനെ പറഞ്ഞു: “അശ്ലീല​ദൃ​ശ്യ​ങ്ങൾ തലച്ചോ​റിൽ പതിയു​ക​യും അതിൽ ചില മാറ്റങ്ങൾ വരുത്തു​ക​യും ചെയ്യുന്നു. അങ്ങനെ​യുള്ള ഒരു ദൃശ്യം കാണുന്ന ആ നിമിഷം ആ വ്യക്തി അറിയാ​തെ​തന്നെ അതിനെ ഒരു ഓർമ​യാ​യി സൂക്ഷി​ക്കു​ന്ന​തി​നുള്ള രാസ​പ്ര​വർത്തനം തലച്ചോ​റിൽ നടക്കും. ഈ ഓർമ പക്ഷേ എന്നും അവിടെ ഉണ്ടാകും, ഒരിക്ക​ലും മാഞ്ഞു​പോ​കില്ല.” സൂസൻ എന്ന 19-കാരി​യു​ടെ അനുഭവം അതാണു കാണി​ക്കു​ന്നത്‌. ചെറു​പ്പ​ത്തിൽ അശ്ലീല വെബ്‌​സൈ​റ്റു​കൾ കണ്ടു​പോയ സൂസൻ പറയുന്നു: “ആ ചിത്രങ്ങൾ എന്റെ മനസ്സിൽ പതിഞ്ഞു​പോ​യി. വിചാ​രി​ക്കാത്ത നേരത്ത്‌ പെട്ടെന്ന്‌ അത്‌ ഓർമ വരും. അതു മനസ്സിൽനിന്ന്‌ ഒരിക്ക​ലും മായ്‌ച്ചു​ക​ള​യാൻ പറ്റു​മെന്നു തോന്നു​ന്നില്ല.”

ഇതിൽനിന്ന്‌ മനസ്സി​ലാ​കു​ന്നത്‌: അശ്ലീലം ആളുകളെ അടിമ​യാ​ക്കു​ന്നു, അവരുടെ ജീവിതം തകർക്കു​ന്നു.—2 പത്രോസ്‌ 2:19.

വിദഗ്‌ധർ പറയു​ന്നത്‌: “അശ്ലീലം കാരണം ദമ്പതികൾ തല്ലിപ്പി​രി​യു​ന്നു, കുടും​ബങ്ങൾ തകരുന്നു.”—വെൻഡി മോൾട്‌സും ലാറി മോൾട്‌സും ചേർന്ന്‌ എഴുതിയ അശ്ലീല​ത്തി​ന്റെ കെണി​ക​ളെ​ക്കു​റിച്ച്‌ പറയുന്ന ഒരു പുസ്‌തകം (The Porn Trap).

അശ്ലീലം എങ്ങനെ​യാണ്‌ ദാമ്പത്യ​ത്തെ​യും കുടും​ബ​ങ്ങ​ളെ​യും തകർക്കു​ന്നത്‌?

• അശ്ലീലം ദമ്പതി​കൾക്കി​ട​യി​ലുള്ള വിശ്വാ​സ​വും അടുപ്പ​വും സ്‌നേ​ഹ​വും ഇല്ലാതാ​ക്കും.—സുഭാ​ഷി​തങ്ങൾ 2:12-17.

• അശ്ലീലം സ്വാർഥത ഊട്ടി​വ​ളർത്തു​ന്നു. അങ്ങനെ​യു​ള്ള​വർക്ക്‌ ആരോ​ടും അടുപ്പ​വും സ്‌നേ​ഹ​വും ഒന്നും കാണില്ല. അവർ പങ്കാളി​യിൽ അതൃപ്‌ത​രും ആയിരി​ക്കും.—എഫെസ്യർ 5:28, 29.

• അശ്ലീലം ആസ്വദി​ക്കു​ന്നവർ തെറ്റായ ലൈം​ഗിക ഭാവന​ക​ളിൽ മുഴു​കു​ന്നു. അത്‌ അവരെ ലൈം​ഗി​കാ​സ​ക്ത​രും ആക്കുന്നു.—2 പത്രോസ്‌ 2:14.

• അശ്ലീല​ത്തിന്‌ വഴി​പ്പെ​ടു​ന്നവർ ലൈം​ഗിക വൈകൃ​തങ്ങൾ പരീക്ഷി​ച്ചു​നോ​ക്കാൻ ശ്രമി​ക്കു​ന്നു. അതിനാ​യി പങ്കാളി​യെ നിർബ​ന്ധി​ക്കു​ന്നു.—എഫെസ്യർ 5:3, 4.

• അശ്ലീലം പങ്കാളി​യോട്‌ മനസ്സു​കൊ​ണ്ടും ശരീരം​കൊ​ണ്ടും അവിശ്വ​സ്‌തത കാണി​ക്കാൻ പ്രേരി​പ്പി​ക്കു​ന്നു.—മത്തായി 5:28.

പങ്കാളി​കൾ പരസ്‌പരം “വഞ്ചിക്ക​രുത്‌” എന്ന്‌ ബൈബിൾ പറയുന്നു. (മലാഖി 2:16) ഇണയോട്‌ അവിശ്വ​സ്‌തത കാണി​ക്കു​ന്നത്‌ വഞ്ചനയാണ്‌. അതിന്‌ ദാമ്പത്യ​ത്തെ തകർക്കാ​നാ​കും. അത്‌ വേർപി​രി​യ​ലി​നും വിവാ​ഹ​മോ​ച​ന​ത്തി​നും കാരണ​മാ​കും. അങ്ങനെ കുടും​ബം തകരു​മ്പോൾ ആ കുടും​ബ​ത്തി​ലെ കുഞ്ഞു​ങ്ങ​ളും അതിന്‌ ബലിയാ​ടാ​കും.

എന്നാൽ ഇങ്ങനെ മാത്രമല്ല അശ്ലീലം കുട്ടി​കളെ ബാധി​ക്കു​ന്നത്‌. കുട്ടികൾ അശ്ലീല​ത്തി​ന്റെ നേരി​ട്ടുള്ള ഇരകളാ​യേ​ക്കാം. നേരത്തെ പറഞ്ഞ ബ്രയന്റെ കാര്യം നോക്കാം. ബ്രയൻ പറയുന്നു: “അന്ന്‌ എനിക്ക്‌ 10 വയസ്സോ മറ്റോ കാണും. സാറ്റ്‌ കളിക്കു​ന്ന​തി​നി​ട​യിൽ എന്റെ പപ്പയുടെ അശ്ലീല​മാ​സി​കകൾ ഞാൻ കാണാൻ ഇടയായി. പിന്നെ​പ്പി​ന്നെ ആരും കാണാതെ ഞാൻ ആ മാസി​കകൾ നോക്കാൻ തുടങ്ങി. ആ ചിത്രങ്ങൾ കാണാൻ ഇത്ര ഇഷ്ടം തോന്നു​ന്നത്‌ എന്താ​ണെ​ന്നു​പോ​ലും എനിക്ക്‌ അറിയി​ല്ലാ​യി​രു​ന്നു. അന്ന്‌ തുടങ്ങി​യ​താണ്‌ ആ ദുശ്ശീലം. വർഷങ്ങ​ളോ​ളം അതു നീണ്ടു​നി​ന്നു.” പഠനങ്ങൾ കാണി​ക്കു​ന്ന​ത​നു​സ​രിച്ച്‌ അശ്ലീല​ത്തിന്‌ വഴി​പ്പെ​ടുന്ന കുട്ടികൾ ചെറു​പ്പ​ത്തിൽത്തന്നെ ലൈം​ഗി​ക​ത​യിൽ ഉൾപ്പെ​ട്ടേ​ക്കാം. അവർ കുത്തഴിഞ്ഞ ലൈം​ഗി​ക​ജീ​വി​തം നയിക്കു​ന്നവർ ആയിത്തീർന്നേ​ക്കാം. അവർ ലൈം​ഗി​ക​മാ​യി അതി​ക്ര​മങ്ങൾ കാണി​ക്കു​ന്ന​വ​രും വൈകാ​രി​ക​വും മാനസി​ക​വും ആയി സ്ഥിരത​യി​ല്ലാ​ത്ത​വ​രും ആയേക്കാം.

ഇതിൽനിന്ന്‌ മനസ്സി​ലാ​കു​ന്നത്‌: അശ്ലീലം നല്ല ബന്ധങ്ങളെ ഇല്ലാതാ​ക്കും. അവസാനം അത്‌ വലിയ ദുഃഖ​ത്തിന്‌ കാരണ​മാ​കും.—സുഭാ​ഷി​തങ്ങൾ 6:27.

ദൈവ​വ​ചനം ഇങ്ങനെ പറയുന്നു: ‘ലൈം​ഗിക അധാർമി​കത, അശുദ്ധി, അനിയ​ന്ത്രി​ത​മായ കാമാ​വേശം, ദുഷിച്ച മോഹങ്ങൾ, അത്യാ​ഗ്ര​ഹ​മെന്ന വിഗ്ര​ഹാ​രാ​ധന എന്നിങ്ങ​നെ​യുള്ള കാര്യ​ങ്ങ​ളിൽ നിങ്ങളു​ടെ അവയവ​ങ്ങളെ കൊന്നു​ക​ള​യുക.’—കൊ​ലോ​സ്യർ 3:5.

ചുരു​ക്കി​പ്പ​റ​ഞ്ഞാൽ ദൈവ​മായ യഹോവ * അശ്ലീലത്തെ വെറു​ക്കു​ന്നു. അത്‌ ലൈം​ഗി​ക​ത​യെ​ക്കു​റി​ച്ചുള്ള ദൈവ​ത്തി​ന്റെ ചിന്താ​ഗതി ഇടുങ്ങി​യത്‌ ആയതു​കൊ​ണ്ടല്ല. ശരിക്കും പറഞ്ഞാൽ ലൈം​ഗി​ക​ത​തന്നെ ദൈവം തന്ന പ്രാപ്‌തി​യാണ്‌. വിവാഹം കഴിച്ച ഒരു സ്‌ത്രീ​ക്കും പുരു​ഷ​നും സന്തോഷം പങ്കിടാ​നും തമ്മിൽ അടുക്കാ​നും കുട്ടി​കൾക്ക്‌ ജന്മം നൽകാ​നും ആണ്‌ ദൈവം അതു തന്നിരി​ക്കു​ന്നത്‌.—യാക്കോബ്‌ 1:17.

യഹോവ അശ്ലീലം വെറു​ക്കു​ന്നു​വെന്ന്‌ ഇത്ര ഉറപ്പി​ച്ചു​പ​റ​യു​ന്നത്‌ എന്തു​കൊ​ണ്ടാണ്‌? ചില കാരണങ്ങൾ നോക്കാം.

• അശ്ലീലം ജീവിതം നശിപ്പി​ക്കു​മെന്ന്‌ ദൈവ​ത്തിന്‌ അറിയാം.—എഫെസ്യർ 4:17-19.

• ദൈവം നമ്മളെ സ്‌നേ​ഹി​ക്കു​ന്നു. നമുക്ക്‌ ദോഷം ചെയ്യുന്ന കാര്യ​ങ്ങ​ളിൽനിന്ന്‌ നമ്മളെ സംരക്ഷി​ക്കാൻ ആഗ്രഹി​ക്കു​ന്നു.—യശയ്യ 48:17, 18.

• വിവാ​ഹ​ബ​ന്ധ​ത്തി​നും കുടും​ബ​ത്തി​നും ഒരു കുഴപ്പ​വും വരരു​തെ​ന്നാണ്‌ യഹോ​വ​യു​ടെ ആഗ്രഹം.—മത്തായി 19:4-6.

• നമ്മൾ ധാർമി​ക​ശു​ദ്ധി പാലി​ക്കാ​നും മറ്റുള്ള​വ​രു​ടെ അവകാ​ശ​ങ്ങളെ മാനി​ക്കാ​നും ദൈവം പ്രതീ​ക്ഷി​ക്കു​ന്നു.—1 തെസ്സ​ലോ​നി​ക്യർ 4:3-6.

• നമ്മുടെ പുനരു​ത്‌പാ​ദ​ന​പ്രാ​പ്‌തി​യെ പവി​ത്ര​മാ​യി കാണാ​നും അത്‌ മാന്യ​മാ​യി ഉപയോ​ഗി​ക്കാ​നും ദൈവം ആഗ്രഹി​ക്കു​ന്നു.—എബ്രായർ 13:4.

• അശ്ലീലം ലൈം​ഗി​ക​ത​യെ​ക്കു​റിച്ച്‌ വികല​വും സ്വാർഥ​വും പൈശാ​ചി​ക​വും ആയ ഒരു വീക്ഷണ​മാണ്‌ ആളുക​ളിൽ കുത്തി​വെ​ക്കു​ന്ന​തെന്ന്‌ യഹോ​വ​യ്‌ക്ക്‌ അറിയാം.—ഉൽപത്തി 6:2; യൂദ 6, 7.

ഇതിൽനിന്ന്‌ മനസ്സി​ലാ​കു​ന്നത്‌: അശ്ലീലം ദൈവ​വു​മാ​യുള്ള ഒരാളു​ടെ നല്ല ബന്ധം നശിപ്പി​ക്കും.—റോമർ 1:24.

അങ്ങനെ​യൊ​ക്കെ ആണെങ്കി​ലും അശ്ലീല​ത്തി​ന്റെ പിടി​യിൽനിന്ന്‌ പുറത്തു​ക​ട​ക്കാൻ ആഗ്രഹി​ക്കു​ന്ന​വ​രോട്‌ യഹോവ കരുണ കാണി​ക്കു​ക​തന്നെ ചെയ്യും. ബൈബിൾ ഇങ്ങനെ പറയുന്നു: “യഹോവ കരുണാ​മ​യ​നും അനുക​മ്പ​യു​ള്ള​വ​നും പെട്ടെന്നു കോപി​ക്കാ​ത്ത​വ​നും അചഞ്ചല​സ്‌നേഹം നിറഞ്ഞ​വ​നും” ആണ്‌. “കാരണം, നമ്മെ ഉണ്ടാക്കി​യി​രി​ക്കു​ന്നത്‌ എങ്ങനെ​യെന്നു ദൈവ​ത്തി​നു നന്നായി അറിയാം; നാം പൊടി​യെന്നു ദൈവം ഓർക്കു​ന്നു.” (സങ്കീർത്തനം 103:8, 14) സഹായ​ത്തി​നാ​യി തന്നെ സമീപി​ക്കാൻ യഹോവ താഴ്‌മ​യു​ള്ള​വരെ ക്ഷണിക്കു​ന്നു. അങ്ങനെ ചെയ്യു​ന്നെ​ങ്കിൽ “സഹായം ആവശ്യ​മുള്ള സമയത്തു​തന്നെ . . . കരുണ​യും അനർഹ​ദ​യ​യും ലഭിക്കും.”—എബ്രായർ 4:16; “ അശ്ലീല​ത്തി​ന്റെ പിടി​യിൽനിന്ന്‌ പുറത്തു​ക​ട​ക്കാൻ” എന്ന ചതുരം നോക്കുക.

ദൈവ​ത്തി​ന്റെ സഹായം സ്വീക​രിച്ച ഒത്തിരി​യൊ​ത്തി​രി ആളുക​ളുണ്ട്‌. ആ സഹായം​കൊണ്ട്‌ ശരിക്കും ഗുണം കിട്ടു​മോ? ദുശ്ശീ​ലങ്ങൾ ഉപേക്ഷിച്ച ചില​രെ​ക്കു​റിച്ച്‌ ബൈബിൾ എന്താണ്‌ പറയു​ന്നത്‌ എന്നു ശ്രദ്ധി​ക്കുക: “നിങ്ങളെ കഴുകി വെടി​പ്പാ​ക്കി​യി​രി​ക്കു​ന്നു. നിങ്ങളെ വിശു​ദ്ധീ​ക​രി​ച്ചി​രി​ക്കു​ന്നു. നമ്മുടെ കർത്താ​വായ യേശു​ക്രി​സ്‌തു​വി​ന്റെ നാമത്തി​ലും നമ്മുടെ ദൈവ​ത്തി​ന്റെ ആത്മാവി​നാ​ലും നിങ്ങളെ നീതി​മാ​ന്മാ​രാ​യി പ്രഖ്യാ​പി​ച്ചി​രി​ക്കു​ന്നു.” (1 കൊരി​ന്ത്യർ 6:11) അങ്ങനെ​യു​ള്ള​വർക്ക്‌ അപ്പോ​സ്‌ത​ല​നായ പൗലോ​സി​നെ​പ്പോ​ലെ ഇങ്ങനെ പറയാൻ കഴിയും: “എല്ലാം ചെയ്യാ​നുള്ള ശക്തി, എന്നെ ശക്തനാ​ക്കുന്ന ദൈവ​ത്തിൽനിന്ന്‌ എനിക്കു കിട്ടുന്നു.”—ഫിലി​പ്പി​യർ 4:13.

അശ്ലീല​ത്തിന്‌ അടിമ​യാ​യിട്ട്‌ പിന്നീട്‌ അതിൽനി​ന്നു പുറത്തു​കടന്ന സൂസൻ പറയു​ന്നത്‌ ഇതാണ്‌: “യഹോ​വ​യ്‌ക്കു മാത്രമേ അശ്ലീല​ത്തിൽനിന്ന്‌ പുറത്തു​ക​ട​ക്കാൻ നമ്മളെ സഹായി​ക്കാ​നാ​കൂ. മനസ്സിലെ കളങ്ക​മെ​ല്ലാം മായ്‌ച്ചു​ക​ളഞ്ഞ്‌ നല്ലൊരു ജീവിതം നയിക്കാൻ യഹോവ സഹായി​ക്കു​ക​തന്നെ ചെയ്യും. തന്നോടു സഹായ​വും മാർഗ​നിർദേ​ശ​വും ചോദി​ക്കു​ന്ന​വരെ യഹോവ ഒരിക്ക​ലും കൈവി​ടില്ല, ഒരിക്ക​ലും!”