വിവരങ്ങള്‍ കാണിക്കുക

ഉള്ളടക്കം കാണിക്കുക

 അധ്യായം 11

സ്‌നാ​പ​ക​യോ​ഹ​ന്നാൻ വഴി ഒരുക്കു​ന്നു

സ്‌നാ​പ​ക​യോ​ഹ​ന്നാൻ വഴി ഒരുക്കു​ന്നു

മത്തായി 3:1-12; മർക്കോസ്‌ 1:1-8; ലൂക്കോസ്‌ 3:1-18; യോഹ​ന്നാൻ 1:6-8, 15-28

  • യോഹ​ന്നാൻ പ്രസം​ഗി​ക്കു​ന്നു, സ്‌നാ​ന​പ്പെ​ടു​ത്തു​ന്നു

  • പലരും സ്‌നാ​ന​മേൽക്കു​ന്നു, പക്ഷേ എല്ലാവ​രും ഇല്ല

പന്ത്രണ്ട്‌ വയസ്സു​ണ്ടാ​യി​രുന്ന യേശു ആലയത്തിൽവെച്ച്‌ ഉപദേ​ഷ്ടാ​ക്ക​ളോ​ടു ചോദ്യ​ങ്ങൾ ചോദി​ച്ചിട്ട്‌ ഇപ്പോൾ ഏതാണ്ട്‌ 17 വർഷം പിന്നി​ട്ടി​രി​ക്കു​ന്നു. എ.ഡി. 29-ലെ വസന്തകാ​ല​മാണ്‌ ഇത്‌. യോഹ​ന്നാ​ന്റെ ബന്ധുവായ യേശു​വി​നെ​ക്കു​റി​ച്ചാണ്‌ ഇപ്പോൾ പലരു​ടെ​യും സംസാരം. അദ്ദേഹം യോർദാൻ നദിക്കു പടിഞ്ഞാ​റുള്ള ദേശങ്ങ​ളി​ലെ​ല്ലാം പ്രസം​ഗി​ക്കു​ക​യാണ്‌.

യോഹ​ന്നാൻ ആരു​ടെ​യും ശ്രദ്ധ ആകർഷി​ക്കും, കാഴ്‌ച​യിൽ മാത്രമല്ല സംസാ​ര​ത്തി​ലും. ഒട്ടക​രോ​മം​കൊ​ണ്ടു​ള്ള​താണ്‌ അദ്ദേഹ​ത്തി​ന്റെ വസ്‌ത്രം. തുകലു​കൊ​ണ്ടുള്ള അരപ്പട്ട​യും അണിഞ്ഞി​രി​ക്കു​ന്നു. വെട്ടു​ക്കി​ളി​യും, അതായത്‌ ഒരുതരം പുൽച്ചാ​ടി​യും, കാട്ടു​തേ​നും ആണ്‌ ആഹാരം. എന്തു സന്ദേശ​മാണ്‌ അദ്ദേഹം പ്രസം​ഗി​ക്കു​ന്നത്‌? “സ്വർഗ​രാ​ജ്യം സമീപി​ച്ചി​രി​ക്കു​ന്നു. അതു​കൊണ്ട്‌ മാനസാ​ന്ത​ര​പ്പെ​ടുക.”​—മത്തായി 3:2.

യോഹ​ന്നാ​ന്റെ സന്ദേശം കേൾക്കു​ന്ന​വർകേൾക്കു​ന്നവർ ആവേശം​കൊ​ള്ളു​ന്നു. തങ്ങളുടെ മുൻകാ​ല​ജീ​വി​തം ഉപേക്ഷിച്ച്‌ മാനസാ​ന്ത​ര​പ്പെ​ട​ണ​മെന്ന്‌, അതായത്‌ അവരുടെ മനോ​ഭാ​വ​ത്തി​നും ചിന്താ​ഗ​തി​ക്കും മാറ്റം വരുത്ത​ണ​മെന്ന്‌, പലരും തിരി​ച്ച​റി​യു​ന്നു. “യരുശ​ലേ​മി​ലും യഹൂദ്യ​യി​ലെ​ങ്ങും ഉള്ളവരും യോർദാ​നു ചുറ്റു​വ​ട്ട​ത്തുള്ള എല്ലാവ​രും” ആണ്‌ യോഹ​ന്നാ​ന്റെ അടുത്ത്‌ വരുന്നത്‌. (മത്തായി 3:5) യോഹ​ന്നാ​ന്റെ അടുത്ത്‌ വരുന്ന അനേക​രും മാനസാ​ന്ത​ര​പ്പെ​ടു​ന്നു. യോഹ​ന്നാൻ അവരെ യോർദാ​നി​ലെ വെള്ളത്തിൽ മുക്കി സ്‌നാ​ന​പ്പെ​ടു​ത്തു​ന്നു. എന്തു​കൊണ്ട്‌?

ദൈവം ഇസ്രാ​യേ​ല്യ​രു​മാ​യി ചെയ്‌ത നിയമ ഉടമ്പടി​ക്കെ​തി​രെ അവർ പാപം ചെയ്‌തി​രു​ന്നു. എന്നാൽ അവർ ഇപ്പോൾ മാനസാ​ന്ത​ര​പ്പെട്ടു. അതിന്റെ അടയാ​ള​മാ​യി​ട്ടാ​ണു സ്‌നാ​ന​പ്പെ​ടു​ന്നത്‌. (പ്രവൃ​ത്തി​കൾ 19:4) എന്നാൽ എല്ലാവ​രും അതിനുള്ള യോഗ്യ​ത​യിൽ എത്തുന്നില്ല. മതനേ​താ​ക്ക​ന്മാ​രായ ചില പരീശ​ന്മാ​രും സദൂക്യ​രും യോഹ​ന്നാ​ന്റെ അടുത്ത്‌ വരു​മ്പോൾ അദ്ദേഹം അവരെ “അണലി​സ​ന്ത​തി​കളേ” എന്നാണു വിളി​ക്കു​ന്നത്‌. അദ്ദേഹം പറയുന്നു: “ആദ്യം മാനസാ​ന്ത​ര​ത്തി​നു യോജിച്ച ഫലം പുറ​പ്പെ​ടു​വി​ക്കൂ. ‘ഞങ്ങൾക്കു പിതാ​വാ​യി അബ്രാ​ഹാ​മുണ്ട്‌’ എന്ന്‌ അഹങ്കരി​ക്കേണ്ടാ. കാരണം അബ്രാ​ഹാ​മി​നു​വേണ്ടി ഈ കല്ലുക​ളിൽനിന്ന്‌ മക്കളെ ഉളവാ​ക്കാൻ ദൈവ​ത്തി​നു കഴിയും എന്നു ഞാൻ നിങ്ങ​ളോ​ടു പറയുന്നു. മരങ്ങളു​ടെ ചുവട്ടിൽ കോടാ​ലി വെച്ചു​ക​ഴി​ഞ്ഞു. നല്ല ഫലം കായ്‌ക്കാത്ത മരമെ​ല്ലാം വെട്ടി തീയി​ലി​ടും.”​—മത്തായി 3:7-10.

യോഹ​ന്നാ​നു വലിയ ശ്രദ്ധ കിട്ടുന്നു, അദ്ദേഹം ശക്തമായ സന്ദേശം പ്രസം​ഗി​ക്കു​ന്നു, അനേകരെ സ്‌നാ​ന​പ്പെ​ടു​ത്തു​ന്നു. ഇതെല്ലാം കാണു​മ്പോൾ അദ്ദേഹം ആരാ​ണെന്ന്‌ അറിയാൻ പുരോ​ഹി​ത​ന്മാ​രെ​യും ലേവ്യ​രെ​യും ജൂതന്മാർ അദ്ദേഹ​ത്തി​ന്റെ അടു​ത്തേക്ക്‌ അയയ്‌ക്കു​ന്നു. അവർ ചെന്ന്‌ “അങ്ങ്‌ ആരാണ്‌” എന്നു ചോദി​ക്കു​ന്നു.

“ഞാൻ ക്രിസ്‌തു​വല്ല,” യോഹ​ന്നാൻ തുറന്നു​സ​മ്മ​തി​ക്കു​ന്നു.

“പിന്നെ അങ്ങ്‌ ആരാണ്‌, ഏലിയ​യാ​ണോ?” അവർ ചോദി​ക്കു​ന്നു.

“അല്ല” എന്ന്‌ അദ്ദേഹം മറുപടി പറയുന്നു.

“അങ്ങ്‌ ആ പ്രവാ​ച​ക​നാ​ണോ,” അവർ ചോദി​ക്കു​ന്നു. വരു​മെന്നു മോശ പറഞ്ഞ ആ വലിയ പ്രവാ​ച​ക​നാ​ണോ അദ്ദേഹം എന്നാണ്‌ അവരുടെ സംശയം.​—ആവർത്തനം 18:15, 18.

“അല്ല,” യോഹ​ന്നാൻ പറയുന്നു.

“എങ്കിൽ അങ്ങ്‌ ആരാണ്‌? ഞങ്ങളെ അയച്ചവ​രോ​ടു ഞങ്ങൾക്ക്‌ ഉത്തരം പറയണ​മ​ല്ലോ. അങ്ങയെ​ക്കു​റിച്ച്‌ അങ്ങ്‌ എന്തു പറയുന്നു?” എന്ന്‌ അവർ ആവർത്തിച്ച്‌ ചോദി​ക്കു​ന്നു. അപ്പോൾ യോഹ​ന്നാൻ പറയുന്നു: “യശയ്യ പ്രവാ​ചകൻ പറഞ്ഞതു​പോ​ലെ, ‘യഹോ​വ​യു​ടെ വഴി നേരെ​യാ​ക്കുക’ എന്നു വിജന​ഭൂ​മി​യിൽ വിളി​ച്ചു​പ​റ​യു​ന്ന​വന്റെ ശബ്ദമാണു ഞാൻ.”​—യോഹ​ന്നാൻ 1:19-23.

“അങ്ങ്‌ ക്രിസ്‌തു​വോ ഏലിയ​യോ ആ പ്രവാ​ച​ക​നോ അല്ലെങ്കിൽ, പിന്നെ സ്‌നാ​ന​പ്പെ​ടു​ത്തു​ന്നത്‌ എന്തിനാണ്‌,” അവർക്ക്‌ അറിയണം. യോഹ​ന്നാൻ അവർക്ക്‌ അർഥവ​ത്തായ ഒരു ഉത്തരം കൊടു​ക്കു​ന്നു: “ഞാൻ വെള്ളത്തിൽ സ്‌നാ​ന​പ്പെ​ടു​ത്തു​ന്നു. നിങ്ങൾ അറിയാത്ത ഒരാൾ നിങ്ങൾക്കി​ട​യി​ലുണ്ട്‌. അദ്ദേഹം എന്റെ പിന്നാലെ വരുന്നുണ്ട്‌.”​—യോഹ​ന്നാൻ 1:25-27.

മുൻകൂ​ട്ടി​പ്പ​റഞ്ഞ മിശി​ഹയ്‌ക്കു​വേണ്ടി താൻ വഴി​യൊ​രു​ക്കു​ക​യാ​ണെന്ന്‌, ആ ഭാവി​രാ​ജാ​വി​നെ സ്വീക​രി​ക്കാൻ ആളുക​ളു​ടെ ഹൃദയത്തെ ഒരുക്കു​ക​യാ​ണെന്ന്‌, യോഹ​ന്നാൻ പറയുന്നു. “അദ്ദേഹ​ത്തി​ന്റെ ചെരിപ്പ്‌ അഴിക്കാൻപോ​ലും ഞാൻ യോഗ്യ​നല്ല” എന്നും പറയുന്നു. (മത്തായി 3:11) “എന്റെ പിന്നാലെ വരുന്ന​യാൾ എന്റെ മുന്നിൽ കയറി​ക്ക​ഴി​ഞ്ഞു. കാരണം, എനിക്കും മുമ്പേ അദ്ദേഹ​മു​ണ്ടാ​യി​രു​ന്നു” എന്നു​പോ​ലും യോഹ​ന്നാൻ പറയുന്നു.​—യോഹ​ന്നാൻ 1:15.

അതെ, “സ്വർഗ​രാ​ജ്യം സമീപി​ച്ചി​രി​ക്കു​ന്നു. അതു​കൊണ്ട്‌ മാനസാ​ന്ത​ര​പ്പെ​ടുക” എന്ന യോഹ​ന്നാ​ന്റെ ആ സന്ദേശം വളരെ ഉചിത​മാണ്‌. (മത്തായി 3:2) യഹോ​വ​യു​ടെ ഭാവി​രാ​ജാ​വായ യേശു​ക്രിസ്‌തു​വി​ന്റെ ശുശ്രൂഷ ആരംഭി​ക്കാൻപോ​കു​ന്നു എന്നതിന്റെ ദൃശ്യ​മായ അടയാ​ള​മാണ്‌ ഇത്‌.