വിവരങ്ങള്‍ കാണിക്കുക

ഉള്ളടക്കം കാണിക്കുക

 അധ്യായം 73

നല്ല അയൽക്കാ​ര​നായ ശമര്യ​ക്കാ​രൻ

നല്ല അയൽക്കാ​ര​നായ ശമര്യ​ക്കാ​രൻ

ലൂക്കോസ്‌ 10:25-37

  • നിത്യ​ജീ​വൻ എങ്ങനെ നേടാം?

  • നല്ല ശമര്യ​ക്കാ​രൻ

യേശു ഇപ്പോ​ഴും യരുശ​ലേ​മിന്‌ അടുത്തു​ത​ന്നെ​യാണ്‌. പല ജൂതന്മാ​രും യേശു​വി​നെ കാണാൻ വരുന്നുണ്ട്‌. ചിലർക്ക്‌ യേശു​വിൽനിന്ന്‌ കേട്ട്‌ പഠിക്കണം. ഇനി മറ്റു ചിലർക്ക്‌ യേശു​വി​നെ പരീക്ഷി​ക്കണം. അവരിൽ ഒരാൾ മോശ​യു​ടെ നിയമ​ത്തിൽ നല്ല പാണ്ഡി​ത്യ​മു​ള്ള​യാ​ളാണ്‌. അയാൾ യേശു​വി​നോ​ടു ചോദി​ക്കു​ന്നു: “ഗുരുവേ, നിത്യ​ജീ​വൻ അവകാ​ശ​മാ​ക്കാൻ ഞാൻ എന്തു ചെയ്യണം?”​—ലൂക്കോസ്‌ 10:25.

വെറുതേ കാര്യം അറിയാൻവേ​ണ്ടി​യുള്ള ചോദ്യ​മല്ല അതെന്നു യേശു​വി​നു മനസ്സി​ലാ​കു​ന്നു. ജൂതന്മാ​രെ ദേഷ്യം​പി​ടി​പ്പി​ക്കുന്ന എന്തെങ്കി​ലും യേശു​വി​നെ​ക്കൊണ്ട്‌ പറയി​പ്പി​ക്കാ​നാ​യി​രി​ക്കാം അയാൾ ശ്രമി​ക്കു​ന്നത്‌. അയാൾക്കു കാര്യ​ങ്ങ​ളെ​ക്കു​റിച്ച്‌ വ്യക്തമായ ചില വീക്ഷണ​ങ്ങ​ളു​ണ്ടെന്നു യേശു തിരി​ച്ച​റി​യു​ന്നു. അതു​കൊണ്ട്‌ അയാളു​ടെ ഉള്ളിലി​രുപ്പ്‌ വെളി​വാ​ക്കുന്ന ചില ചോദ്യ​ങ്ങൾ യേശു ബുദ്ധി​പൂർവം ചോദി​ക്കു​ന്നു.

“നിയമ​ത്തിൽ എന്താണ്‌ എഴുതി​യി​രി​ക്കു​ന്നത്‌, താങ്കൾക്ക്‌ എന്താണു മനസ്സി​ലാ​യി​ട്ടു​ള്ളത്‌ ” എന്നു യേശു അയാ​ളോ​ടു ചോദി​ക്കു​ന്നു. അയാൾ ദൈവ​നി​യമം പഠിച്ചി​ട്ടുണ്ട്‌. അതു​കൊണ്ട്‌ അതിനെ അടിസ്ഥാ​ന​മാ​ക്കി​യാ​ണു മറുപടി പറയു​ന്നത്‌. ആവർത്തനം 6:5-ഉം ലേവ്യ 19:18-ഉം ഉദ്ധരി​ച്ചു​കൊണ്ട്‌ അയാൾ പറയുന്നു: “‘നിന്റെ ദൈവ​മായ യഹോ​വയെ നീ നിന്റെ മുഴു​ഹൃ​ദ​യ​ത്തോ​ടും നിന്റെ മുഴു​ദേ​ഹി​യോ​ടും നിന്റെ മുഴു​ശ​ക്തി​യോ​ടും നിന്റെ മുഴു​മ​ന​സ്സോ​ടും കൂടെ സ്‌നേ​ഹി​ക്കണം.’ ‘നിന്റെ അയൽക്കാ​രനെ നീ നിന്നെ​പ്പോ​ലെ​തന്നെ സ്‌നേ​ഹി​ക്കണം.’” (ലൂക്കോസ്‌ 10:26, 27) ഇതുത​ന്നെ​യാ​ണോ അയാളു​ടെ ചോദ്യ​ത്തി​നുള്ള ഉത്തരം?

യേശു അയാ​ളോ​ടു പറയുന്നു: “താങ്കൾ പറഞ്ഞതു ശരിയാണ്‌. അങ്ങനെ ചെയ്‌തു​കൊ​ണ്ടി​രി​ക്കുക. എങ്കിൽ താങ്കൾക്കു ജീവൻ ലഭിക്കും.” പക്ഷേ അതോടെ ചർച്ച അവസാ​നി​ച്ചോ? അങ്ങനെ​യൊ​രു മറുപടി പോരാ​യി​രു​ന്നു അയാൾക്ക്‌. “താൻ നീതി​മാ​നാ​ണെന്നു വരുത്താ”നാണ്‌ അയാൾ നോക്കു​ന്നത്‌. അയാളു​ടെ ചിന്താ​ഗ​തി​യും മറ്റുള്ള​വ​രോട്‌ അയാൾ പെരു​മാ​റുന്ന രീതി​യും ശരിയാ​ണെന്നു യേശു​വി​നെ​ക്കൊണ്ട്‌ ഒന്നു പറയി​ക്കണം. അതു​കൊണ്ട്‌ അയാൾ ചോദി​ക്കു​ന്നു: “ആരാണ്‌ യഥാർഥ​ത്തിൽ എന്റെ അയൽക്കാ​രൻ?” (ലൂക്കോസ്‌ 10:28, 29) വളരെ ലളിത​മെന്നു തോന്നി​യേ​ക്കാ​വുന്ന ആ ചോദ്യ​ത്തിന്‌ ആഴമായ അർഥമുണ്ട്‌. എങ്ങനെ?

“അയൽക്കാ​രൻ” എന്നു പറയു​മ്പോൾ, ജൂതപാ​ര​മ്പ​ര്യ​ങ്ങൾ പിൻപ​റ്റു​ന്നവർ മാത്രമേ ഉൾപ്പെ​ടു​ന്നു​ള്ളൂ എന്നാണു ജൂതന്മാർ കരുതു​ന്നത്‌. ലേവ്യ 19:18 അതു ശരി​വെ​ക്കു​ന്ന​താ​യി തോന്നി​യേ​ക്കാം. ജൂതന​ല്ലാത്ത ഒരാളു​മാ​യി അടുത്ത്‌ ഇടപഴ​കു​ന്നത്‌ നിയമ​ത്തി​നു വിരുദ്ധമാണെന്നുപോലും ഒരു ജൂതൻ അവകാ​ശ​പ്പെ​ട്ടേ​ക്കാം. (പ്രവൃ​ത്തി​കൾ 10:28) അതു​കൊണ്ട്‌ ഈ മനുഷ്യൻ കരുതു​ന്നത്‌ സഹജൂ​ത​ന്മാ​രോ​ടു ദയയോ​ടെ ഇടപെ​ടു​ന്നെ​ങ്കിൽ അവർ നീതി​മാ​ന്മാ​രാണ്‌ എന്നാണ്‌. സാധ്യ​ത​യ​നു​സ​രിച്ച്‌ യേശു​വി​ന്റെ ശിഷ്യ​ന്മാ​രിൽ ചിലരു​ടെ​യും ചിന്ത അതുത​ന്നെ​യാണ്‌. പക്ഷേ, ജൂതന​ല്ലാത്ത ഒരാ​ളോട്‌ അവർ ദയയി​ല്ലാ​തെ പെരു​മാ​റി​യേ​ക്കാം. കാരണം, അവരുടെ നോട്ട​ത്തിൽ അയാൾ ശരിക്കുള്ള “അയൽക്കാ​രൻ” അല്ല.

ഇയാളു​ടെ​യും മറ്റു ജൂതന്മാ​രു​ടെ​യും വികാ​രങ്ങൾ വ്രണ​പ്പെ​ടു​ത്താ​തെ ഈ വീക്ഷണം തിരു​ത്താൻ യേശു​വിന്‌ എങ്ങനെ കഴിയു​മാ​യി​രു​ന്നു? അതിനു​വേണ്ടി യേശു ഒരു കഥ പറയുന്നു: “ഒരു മനുഷ്യൻ യരുശ​ലേ​മിൽനിന്ന്‌ യരീ​ഹൊ​യി​ലേക്കു പോകു​ക​യാ​യി​രു​ന്നു. അയാൾ കവർച്ച​ക്കാ​രു​ടെ കൈയിൽ അകപ്പെട്ടു. അവർ അയാളു​ടെ വസ്‌ത്രം ഉൾപ്പെടെ എല്ലാം കൊള്ള​യ​ടി​ച്ചു. എന്നിട്ട്‌ അയാളെ അടിച്ച്‌ പാതി മരിച്ച​വ​നാ​യി അവിടെ ഉപേക്ഷിച്ച്‌ കടന്നു​ക​ളഞ്ഞു.” യേശു തുടരു​ന്നു: “അപ്പോൾ യാദൃ​ച്ഛി​ക​മാ​യി ഒരു പുരോ​ഹി​തൻ അതുവഴി വന്നു. എന്നാൽ അയാളെ കണ്ടപ്പോൾ ആ പുരോ​ഹി​തൻ മറുവ​ശ​ത്തു​കൂ​ടെ പോയി. ഒരു ലേവ്യ​നും അതുവഴി വന്നു. അയാളെ കണ്ടിട്ട്‌ ലേവ്യ​നും മറുവ​ശ​ത്തു​കൂ​ടെ പൊയ്‌ക്ക​ളഞ്ഞു. എന്നാൽ ആ വഴിയേ യാത്ര ചെയ്യു​ക​യാ​യി​രുന്ന ഒരു ശമര്യ​ക്കാ​രൻ അവിടെ എത്തി. അയാളു​ടെ അവസ്ഥ കണ്ട്‌ ശമര്യ​ക്കാ​രന്റെ മനസ്സ്‌ അലിഞ്ഞു.”​—ലൂക്കോസ്‌ 10:30-33.

പല പുരോ​ഹി​ത​ന്മാ​രും ആലയത്തിൽ സേവി​ക്കുന്ന ലേവ്യ​രും യരീ​ഹോ​യിൽ താമസി​ക്കു​ന്നു​ണ്ടെന്നു യേശു സംസാ​രി​ക്കുന്ന ഈ വ്യക്തിക്ക്‌ അറിയാം. ആലയത്തിൽനിന്ന്‌ യരീ​ഹോ​യിൽ എത്താൻ ഏതാണ്ട്‌ 23 കിലോ​മീ​റ്റർ യാത്ര ചെയ്യണം. കവർച്ച​ക്കാർ പതിയി​രി​ക്കുന്ന ആ വഴിയി​ലൂ​ടെ​യുള്ള യാത്ര വളരെ അപകടം​പി​ടി​ച്ച​താണ്‌. ഒരു സഹജൂതൻ കഷ്ടത്തി​ലാ​ണെന്നു കണ്ടാൽ പുരോ​ഹി​ത​നും ലേവ്യ​നും സഹായി​ക്കേ​ണ്ട​തല്ലേ? എന്നാൽ യേശു​വി​ന്റെ കഥയിലെ പുരോ​ഹി​ത​നും ലേവ്യ​നും അങ്ങനെ ചെയ്യു​ന്നില്ല. പകരം, ഇയാളെ സഹായി​ക്കു​ന്നത്‌ ഒരു ശമര്യ​ക്കാ​ര​നാണ്‌. ജൂതന്മാർ വെറു​ക്കുന്ന ഒരു ശമര്യ​ക്കാ​രൻ!​—യോഹ​ന്നാൻ 8:48.

മുറി​വേറ്റ ജൂതനെ ശമര്യ​ക്കാ​രൻ സഹായി​ക്കു​ന്നത്‌ എങ്ങനെ​യാണ്‌? യേശു പറയുന്നു: “അയാളു​ടെ അടുത്ത്‌ ചെന്ന്‌ എണ്ണയും വീഞ്ഞും ഒഴിച്ച്‌ മുറി​വു​കൾ വെച്ചു​കെട്ടി. പിന്നെ അയാളെ തന്റെ മൃഗത്തി​ന്റെ പുറത്ത്‌ കയറ്റി ഒരു സത്രത്തിൽ കൊണ്ടു​ചെന്ന്‌ പരിച​രി​ച്ചു. പിറ്റേന്ന്‌ ആ ശമര്യ​ക്കാ​രൻ  രണ്ടു ദിനാറെ എടുത്ത്‌ സത്രക്കാ​രനു കൊടു​ത്തിട്ട്‌ പറഞ്ഞു: ‘ഇയാളെ നന്നായി നോക്കണം. കൂടു​ത​ലാ​യി എന്തെങ്കി​ലും ചെലവാ​യാൽ ഞാൻ മടങ്ങി​വ​രു​മ്പോൾ തന്നു​കൊ​ള്ളാം.’”​—ലൂക്കോസ്‌ 10:34, 35.

ഈ കഥ പറഞ്ഞ​ശേഷം വലിയ അധ്യാ​പ​ക​നായ യേശു അയാളെ ചിന്തി​പ്പി​ക്കുന്ന തരത്തി​ലുള്ള ഒരു ചോദ്യം ചോദി​ക്കു​ന്നു: “താങ്കൾക്ക്‌ എന്തു തോന്നു​ന്നു, കവർച്ച​ക്കാ​രു​ടെ കൈയിൽ അകപ്പെട്ട മനുഷ്യന്‌ ഈ മൂന്നു പേരിൽ ആരാണ്‌ അയൽക്കാ​ര​നാ​യത്‌?” “ശമര്യ​ക്കാ​രൻ” എന്നു പറയാ​നുള്ള മടി​കൊ​ണ്ടാ​യി​രി​ക്കാം, “അയാ​ളോ​ടു കരുണ കാണി​ച്ച​യാൾ” എന്ന്‌ ആ മനുഷ്യൻ പറയുന്നു. അപ്പോൾ യേശു പറയുന്നു: “താങ്കളും പോയി അങ്ങനെ​തന്നെ ചെയ്യുക.” അങ്ങനെ ഈ കഥയി​ലൂ​ടെ പഠിപ്പി​ക്കാൻ ഉദ്ദേശിച്ച പാഠം യേശു വ്യക്തമാ​ക്കി.​—ലൂക്കോസ്‌ 10:36, 37.

എത്ര ഫലകര​മായ പഠിപ്പി​ക്കൽ! ജൂതന്മാർ അല്ലാത്ത​വർപോ​ലും അയൽക്കാ​രാ​ണെന്നു യേശു അയാ​ളോ​ടു നേരിട്ടു പറഞ്ഞി​രു​ന്നെ​ങ്കിൽ അയാളും കേട്ടു​കൊ​ണ്ടി​രുന്ന മറ്റു ജൂതന്മാ​രും അത്‌ അംഗീ​ക​രി​ക്കു​മാ​യി​രു​ന്നോ? സാധ്യ​ത​യില്ല. എങ്കിലും കേൾവി​ക്കാർക്കു പരിച​യ​മുള്ള കാര്യങ്ങൾ ഉൾപ്പെ​ടു​ത്തി, ലളിത​മായ ഒരു കഥ പറഞ്ഞതി​ലൂ​ടെ “ആരാണ്‌ യഥാർഥ​ത്തിൽ എന്റെ അയൽക്കാ​രൻ” എന്ന ചോദ്യ​ത്തി​നുള്ള ഉത്തരം വ്യക്തമാ​കു​ന്നു. തിരു​വെ​ഴു​ത്തു​കൾ നമ്മളോട്‌ ആവശ്യ​പ്പെ​ടുന്ന രീതി​യിൽ സ്‌നേ​ഹ​വും ദയയും കാണി​ക്കുന്ന ആളാണ്‌ യഥാർഥ അയൽക്കാ​രൻ.