വിവരങ്ങള്‍ കാണിക്കുക

ഉള്ളടക്കം കാണിക്കുക

 അധ്യായം 28

യേശു​വി​ന്റെ ശിഷ്യ​ന്മാർ ഉപവസി​ക്കാ​ത്തത്‌ എന്തു​കൊണ്ട്‌?

യേശു​വി​ന്റെ ശിഷ്യ​ന്മാർ ഉപവസി​ക്കാ​ത്തത്‌ എന്തു​കൊണ്ട്‌?

മത്തായി 9:14-17; മർക്കോസ്‌ 2:18-22; ലൂക്കോസ്‌ 5:33-39

  • ഉപവാ​സ​ത്തെ​ക്കു​റിച്ച്‌ യോഹ​ന്നാ​ന്റെ ശിഷ്യ​ന്മാർ യേശു​വി​നോ​ടു ചോദി​ക്കു​ന്നു

യേശു എ.ഡി. 30-ലെ പെസഹ ആഘോ​ഷിച്ച്‌ താമസി​യാ​തെ​യാണ്‌ സ്‌നാ​പ​ക​യോ​ഹ​ന്നാൻ ജയിലി​ലാ​കു​ന്നത്‌. അദ്ദേഹം ഇപ്പോ​ഴും ജയിലിൽത്ത​ന്നെ​യാണ്‌. തന്റെ ശിഷ്യ​ന്മാർ യേശു​വി​ന്റെ അനുഗാ​മി​ക​ളാ​ക​ണ​മെ​ന്നാ​ണു യോഹ​ന്നാ​ന്റെ ആഗ്രഹം. പക്ഷേ യോഹ​ന്നാൻ ജയിലി​ലാ​യിട്ട്‌ മാസങ്ങൾ കഴിഞ്ഞി​ട്ടും അദ്ദേഹ​ത്തി​ന്റെ ശിഷ്യ​ന്മാർ എല്ലാവ​രും യേശു​വി​ന്റെ അനുഗാ​മി​ക​ളാ​യി​ട്ടില്ല.

ഇപ്പോൾ എ.ഡി. 31-ലെ പെസഹയ്‌ക്കുള്ള സമയം അടുക്കു​ക​യാണ്‌. അപ്പോൾ യോഹ​ന്നാ​ന്റെ ശിഷ്യ​ന്മാ​രിൽ ചിലർ യേശു​വി​ന്റെ അടുക്കൽ വന്ന്‌ ഇങ്ങനെ ചോദി​ക്കു​ന്നു: “ഞങ്ങളും പരീശ​ന്മാ​രും പതിവാ​യി ഉപവസി​ക്കാ​റുണ്ട്‌. പക്ഷേ അങ്ങയുടെ ശിഷ്യ​ന്മാർ എന്താണ്‌ ഉപവസി​ക്കാ​ത്തത്‌?” (മത്തായി 9:14) പരീശ​ന്മാർ ഉപവസി​ക്കു​ന്നത്‌ ഒരു മതാചാ​ര​മാ​യി​ട്ടാണ്‌. പിന്നീട്‌ സ്വയനീ​തി​ക്കാ​ര​നായ ഒരു പരീശൻ ഇതെക്കു​റിച്ച്‌ പ്രാർഥി​ക്കു​ന്ന​താ​യി​പ്പോ​ലും യേശു ഒരു ദൃഷ്ടാ​ന്ത​ത്തിൽ പറഞ്ഞു. ‘ദൈവമേ, ഞാൻ മറ്റെല്ലാ​വ​രെ​യും​പോ​ലെ അല്ലാത്ത​തു​കൊണ്ട്‌ അങ്ങയോ​ടു നന്ദി പറയുന്നു. ഞാൻ ആഴ്‌ച​യിൽ രണ്ടു പ്രാവ​ശ്യം ഉപവസി​ക്കു​ന്നു’ എന്നാണ്‌ അയാൾ പ്രാർഥി​ക്കു​ന്നത്‌. (ലൂക്കോസ്‌ 18:11, 12) യോഹ​ന്നാ​ന്റെ ശിഷ്യ​ന്മാർ ഉപവസി​ക്കു​ന്ന​തും ഒരു ആചാര​മെ​ന്ന​പോ​ലെ​യാ​യി​രി​ക്കാം. അതല്ലെ​ങ്കിൽ യോഹ​ന്നാൻ ജയിലി​ലാ​യ​തി​ന്റെ സങ്കടം കാരണ​മാ​യി​രി​ക്കാം അവർ ഉപവസി​ക്കു​ന്നത്‌. യോഹ​ന്നാന്‌ ഇങ്ങനെ സംഭവി​ച്ചി​ട്ടും യേശു​വി​ന്റെ ശിഷ്യ​ന്മാർ ദുഃഖാ​ച​ര​ണ​മാ​യി ഉപവസി​ക്കാ​ത്തത്‌ എന്തു​കൊ​ണ്ടാ​ണെന്ന്‌ അവർ ചിന്തി​ക്കു​ന്നു.

യേശു ഒരു ദൃഷ്ടാന്തം ഉപയോ​ഗിച്ച്‌ മറുപടി പറയുന്നു: “മണവാളൻ കൂടെ​യു​ള്ള​പ്പോൾ അയാളു​ടെ കൂട്ടു​കാർ എന്തിനു ദുഃഖി​ക്കണം? എന്നാൽ മണവാ​ളനെ അവരുടെ അടുത്തു​നിന്ന്‌ കൊണ്ടു​പോ​കുന്ന കാലം വരും. അപ്പോൾ അവർ ഉപവസി​ക്കും.”​—മത്തായി 9:15.

യോഹ​ന്നാൻത​ന്നെ യേശു​വി​നെ​ക്കു​റിച്ച്‌ മണവാളൻ എന്നു പറഞ്ഞി​ട്ടുണ്ട്‌. (യോഹ​ന്നാൻ 3:28, 29) അതു​കൊണ്ട്‌ യേശു കൂടെ​യു​ള്ള​പ്പോൾ യേശു​വി​ന്റെ ശിഷ്യ​ന്മാർ ഉപവസി​ക്കു​ന്നില്ല. പിന്നീട്‌ യേശു മരിക്കു​മ്പോൾ ശിഷ്യ​ന്മാർ ദുഃഖി​ക്കും; അവർക്ക്‌ ആഹാരം കഴിക്കാൻ ആഗ്രഹ​മു​ണ്ടാ​യി​രി​ക്കില്ല. പക്ഷേ യേശു​വി​ന്റെ പുനരു​ത്ഥാ​ന​ത്തോ​ടെ കാര്യങ്ങൾ മാറും! ദുഃഖിച്ച്‌ ഉപവസി​ക്കേണ്ട ഒരു കാര്യ​വും പിന്നീട്‌ ഉണ്ടായി​രി​ക്കില്ല.

അടുത്ത​താ​യി യേശു രണ്ട്‌ ദൃഷ്ടാന്തം പറയുന്നു: “പഴയ വസ്‌ത്ര​ത്തിൽ ആരും പുതിയ തുണി​ക്ക​ഷണം തുന്നി​ച്ചേർക്കാ​റില്ല. കാരണം ആ തുണി​ക്ക​ഷണം ചുരു​ങ്ങു​മ്പോൾ അതു പഴയ വസ്‌ത്രത്തെ വലിച്ചിട്ട്‌ കീറൽ കൂടുതൽ വലുതാ​കും. അതു​പോ​ലെ, ആരും പുതിയ വീഞ്ഞു പഴയ തുരു​ത്തി​യിൽ ഒഴിച്ചു​വെ​ക്കാ​റു​മില്ല. അങ്ങനെ ചെയ്‌താൽ തുരുത്തി പൊളിഞ്ഞ്‌ വീഞ്ഞ്‌ ഒഴുകി​പ്പോ​കും. തുരു​ത്തി​യും നശിക്കും. പുതിയ വീഞ്ഞു പുതിയ തുരു​ത്തി​യി​ലാണ്‌ ഒഴിച്ചു​വെ​ക്കു​ന്നത്‌.” (മത്തായി 9:16, 17) എന്താണ്‌ യേശു അർഥമാ​ക്കു​ന്നത്‌?

യേശു​വി​ന്റെ അനുഗാ​മി​കൾ ആചാര​പ​ര​മായ ഉപവാ​സം​പോ​ലെ ജൂതമ​ത​ത്തി​ലെ പഴയ ആചാര​ങ്ങ​ളോ​ടു പറ്റിനിൽക്കു​ന്നില്ല. അവർ അങ്ങനെ ചെയ്യാൻ ആരും പ്രതീ​ക്ഷി​ക്ക​രു​തെന്നു സ്‌നാ​പ​ക​യോ​ഹ​ന്നാ​ന്റെ ശിഷ്യ​ന്മാർക്കു വ്യക്തമാ​ക്കി​ക്കൊ​ടു​ക്കാൻ ശ്രമി​ക്കു​ക​യാണ്‌ യേശു. പഴയതും കാലഹ​ര​ണ​പ്പെ​ട്ട​തും ഉപേക്ഷി​ച്ചു​ക​ള​യാൻപോ​കു​ന്ന​തും ആയ ഒരു ആരാധ​നാ​സ​മ്പ്ര​ദാ​യം മെച്ച​പ്പെ​ടു​ത്തി​യെ​ടു​ക്കാ​നും നിലനി​റു​ത്താ​നും അല്ല യേശു വന്നത്‌. അന്നത്തെ ജൂതമ​ത​വു​മാ​യും അതിലെ പാരമ്പ​ര്യ​ങ്ങ​ളു​മാ​യും ഒത്തു​പോ​കുന്ന ഒരു ആരാധ​നയല്ല യേശു പ്രോ​ത്സാ​ഹി​പ്പി​ക്കു​ന്നത്‌. ഒരു പഴയ വസ്‌ത്ര​ത്തോ​ടു പുതിയ തുണി​ക്ക​ഷണം തുന്നി​ച്ചേർക്കാ​നോ ഇലാസ്‌തി​കത നഷ്ടപ്പെട്ട്‌ വഴക്കമി​ല്ലാ​തായ പഴയ വീഞ്ഞു​തു​രു​ത്തി​യിൽ പുതിയ വീഞ്ഞ്‌ ഒഴിക്കാ​നോ അല്ല യേശു ശ്രമി​ക്കു​ന്നത്‌.