വിവരങ്ങള്‍ കാണിക്കുക

ഉള്ളടക്കം കാണിക്കുക

 പാഠം 11

ബൈബിൾത​ത്ത്വ​ങ്ങൾ നമുക്കു പ്രയോ​ജനം ചെയ്യു​ന്നത്‌ എങ്ങനെ?

ബൈബിൾത​ത്ത്വ​ങ്ങൾ നമുക്കു പ്രയോ​ജനം ചെയ്യു​ന്നത്‌ എങ്ങനെ?

1. നമുക്കു മാർഗ​നിർദേശം ആവശ്യ​മാ​യി​രി​ക്കു​ന്നത്‌ എന്തു​കൊണ്ട്‌?

സുരക്ഷാനടപടികൾ സ്വീക​രി​ക്കാൻ ബൈബിൾത​ത്ത്വ​ങ്ങൾ നമ്മളെ എങ്ങനെ പ്രേരി​പ്പി​ച്ചേ​ക്കാം?—സങ്കീർത്തനം 36:9.

സ്രഷ്ടാവ്‌ നമ്മളെ​ക്കാൾ ജ്ഞാനി​യാണ്‌. സ്‌നേ​ഹ​നി​ധി​യായ ഒരു അപ്പനെ​പ്പോ​ലെ ദൈവം നമ്മളെ​ക്കു​റിച്ച്‌ ചിന്തയു​ള്ള​വ​നാണ്‌. നമ്മൾ ദൈവത്തെ മാറ്റി​നി​റു​ത്തി​യിട്ട്‌ സ്വന്തം ഇഷ്ടമനു​സ​രിച്ച്‌ ജീവി​ക്കാൻ ദൈവം ഒരിക്ക​ലും ഉദ്ദേശി​ച്ചി​രു​ന്നില്ല. (യിരെമ്യ 10:23) ഒരു കൊച്ചു​കു​ട്ടിക്ക്‌ മാതാ​പി​താ​ക്ക​ളു​ടെ മാർഗ​നിർദേശം ആവശ്യ​മാ​യി​രി​ക്കു​ന്ന​തു​പോ​ലെ, നമു​ക്കെ​ല്ലാം ദൈവ​ത്തി​ന്റെ വഴിന​ട​ത്തിപ്പ്‌ ആവശ്യ​മാണ്‌. (യശയ്യ 48:17, 18) നമുക്ക്‌ ആവശ്യ​മായ മാർഗ​നിർദേശം ബൈബിൾത​ത്ത്വ​ങ്ങ​ളി​ലൂ​ടെ കിട്ടുന്നു. അവയാ​കട്ടെ, ദൈവ​ത്തിൽനി​ന്നുള്ള സമ്മാന​മാണ്‌.​—2 തിമൊ​ഥെ​യൊസ്‌ 3:16 വായി​ക്കുക.

ഇപ്പോൾത്ത​ന്നെ ഏറ്റവും നല്ല ഒരു ജീവിതം എങ്ങനെ നയിക്കാ​മെന്ന്‌ യഹോ​വ​യു​ടെ നിയമ​ങ്ങ​ളും തത്ത്വങ്ങ​ളും നമ്മളെ പഠിപ്പി​ക്കു​ന്നു. കൂടാതെ, ഭാവി​യിൽ നിലനിൽക്കുന്ന പ്രതി​ഫലം എങ്ങനെ നേടാ​നാ​കു​മെ​ന്നും അതു കാണി​ച്ചു​ത​രു​ന്നു. ദൈവം നമ്മുടെ സ്രഷ്ടാ​വാ​യ​തി​നാൽ നമ്മൾ ദൈവ​ത്തി​ന്റെ മാർഗ​നിർദേ​ശ​ത്തോ​ടു നന്ദി കാണി​ക്കേ​ണ്ട​തുണ്ട്‌.​—സങ്കീർത്തനം 19:7, 11; വെളി​പാട്‌ 4:11 വായി​ക്കുക.

2. എന്താണ്‌ ബൈബി​ളി​ലെ തത്ത്വങ്ങൾ?

ബൈബിൾത​ത്ത്വ​ങ്ങൾ എന്നു പറയു​ന്നത്‌ അടിസ്ഥാന സത്യങ്ങ​ളാണ്‌. നിയമ​ങ്ങ​ളാ​കട്ടെ, ചില പ്രത്യേ​ക​സാ​ഹ​ച​ര്യ​ങ്ങളെ മനസ്സിൽ കണ്ട്‌ തയ്യാറാ​ക്കു​ന്ന​വ​യാ​യി​രി​ക്കും. (ആവർത്തനം 22:8) ഒരു തത്ത്വം ഒരു പ്രത്യേ​ക​സാ​ഹ​ച​ര്യ​ത്തിൽ എങ്ങനെ ബാധക​മാ​കു​ന്നെന്നു മനസ്സി​ലാ​ക്കാൻ നമ്മൾ ചിന്താ​ശേഷി ഉപയോ​ഗി​ക്കണം. (സുഭാ​ഷി​തങ്ങൾ 2:10-12) ഉദാഹ​ര​ണ​ത്തിന്‌ ജീവൻ ദൈവ​ത്തിൽനി​ന്നുള്ള ഒരു സമ്മാന​മാ​ണെന്നു ബൈബിൾ പഠിപ്പി​ക്കു​ന്നു. ആ തത്ത്വത്തിന്‌, ജോലി​സ്ഥ​ല​ത്തും വീട്ടി​ലും യാത്ര​യ്‌ക്കി​ട​യി​ലും ഒക്കെ നമുക്കു വഴികാ​ട്ടി​യാ​യി​രി​ക്കാൻ കഴിയും. സുരക്ഷാ നടപടി​കൾ സ്വീക​രി​ക്കാൻ അതു നമ്മളെ പ്രേരി​പ്പി​ക്കു​ന്നു.​—പ്രവൃ​ത്തി​കൾ 17:28 വായി​ക്കുക.

3. ഏറ്റവും മുഖ്യ​മായ രണ്ടു തത്ത്വങ്ങൾ ഏവയാണ്‌?

സുപ്ര​ധാ​ന​മായ രണ്ടു തത്ത്വങ്ങ​ളെ​ക്കു​റിച്ച്‌ യേശു പറഞ്ഞു. ആദ്യ​ത്തേത്‌ മനുഷ്യ​ജീ​വി​ത​ത്തി​ന്റെ മുഖ്യ​മായ ഉദ്ദേശ്യ​ത്തെ​ത്തന്നെ വെളി​പ്പെ​ടു​ത്തു​ന്ന​താണ്‌. ദൈവത്തെ അറിയുക, സ്‌നേ​ഹി​ക്കുക, വിശ്വ​സ്‌ത​മാ​യി സേവി​ക്കുക എന്നതാണ്‌ അത്‌. ഓരോ തീരു​മാ​നം എടുക്കു​മ്പോ​ഴും ആദ്യത്തെ ഈ തത്ത്വം നമ്മൾ പരിഗ​ണി​ക്കണം. (സുഭാ​ഷി​തങ്ങൾ 3:6) ഈ തത്ത്വം അനുസ​രിച്ച്‌ ജീവി​ക്കു​ന്ന​വർക്കു ദൈവ​വു​മാ​യുള്ള ഒരു സ്‌നേ​ഹ​ബ​ന്ധ​വും യഥാർഥ​സ​ന്തോ​ഷ​വും നിത്യ​ജീ​വ​നും നേടാ​നാ​കും.​—മത്തായി 22:36-38 വായി​ക്കുക.

 രണ്ടാമത്തെ തത്ത്വം മറ്റുള്ള​വ​രു​മാ​യി സമാധാ​ന​ബ​ന്ധ​ത്തിൽ ആയിരി​ക്കാൻ നമ്മളെ സഹായി​ക്കു​ന്ന​താണ്‌. (1 കൊരി​ന്ത്യർ 13:4-7) ദൈവം ആളുക​ളോട്‌ ഇടപെ​ടുന്ന രീതി അനുക​രി​ച്ചു​കൊണ്ട്‌ ഈ തത്ത്വം നമുക്കു പ്രാവർത്തി​ക​മാ​ക്കാ​നാ​കും.​—മത്തായി 7:12; 22:39, 40 വായി​ക്കുക.

4. ബൈബിൾത​ത്ത്വ​ങ്ങൾ നമുക്കു പ്രയോ​ജനം ചെയ്യു​ന്നത്‌ എങ്ങനെ?

സ്‌നേഹം കാണി​ച്ചു​കൊണ്ട്‌ എങ്ങനെ ഐക്യ​ത്തി​ലാ​യി​രി​ക്കാ​മെന്നു ബൈബിൾത​ത്ത്വ​ങ്ങൾ കുടും​ബാം​ഗ​ങ്ങളെ പഠിപ്പി​ക്കു​ന്നു. (കൊ​ലോ​സ്യർ 3:12-14) കുടും​ബ​ങ്ങൾക്കു സംരക്ഷണം തരുന്ന മറ്റൊരു തത്ത്വവും ദൈവ​വ​ചനം പഠിപ്പി​ക്കു​ന്നുണ്ട്‌. വിവാഹം നിലനിൽക്കുന്ന ഒരു ബന്ധമാ​യി​രി​ക്കണം എന്നതാണ്‌ അത്‌.​—ഉൽപത്തി 2:24 വായി​ക്കുക.

ബൈബിൾത​ത്ത്വ​ങ്ങൾ അനുസ​രി​ക്കു​ന്നത്‌ വൈകാ​രി​ക​മാ​യും അതു​പോ​ലെ നമ്മുടെ അനുദിന ജീവി​ത​കാ​ര്യാ​ദി​ക​ളി​ലും പ്രയോ​ജനം ചെയ്യുന്നു. ഉദാഹരണത്തിന്‌ സത്യസ​ന്ധ​രും ഉത്സാഹ​ത്തോ​ടെ കഠിനാ​ധ്വാ​നം ചെയ്യു​ന്ന​വ​രും ആയിരി​ക്കാൻ ബൈബിൾ പ്രോ​ത്സാ​ഹി​പ്പി​ക്കു​ന്നു. ഈ തത്ത്വങ്ങൾക്കു ചേർച്ച​യിൽ ജീവി​ക്കു​ന്ന​വരെ ജോലി​ക്കു നിയമി​ക്കാ​നാ​ണു തൊഴി​ലു​ട​മകൾ സാധാ​ര​ണ​ഗ​തി​യിൽ ഏറെ ഇഷ്ടപ്പെ​ടു​ന്നത്‌. (സുഭാ​ഷി​തങ്ങൾ 10:4, 26; എബ്രായർ 13:18) അത്യാ​വ​ശ്യ​ങ്ങൾ നടന്നു​പോ​കു​ന്നെ​ങ്കിൽ അതിൽ തൃപ്‌ത​രാ​യി​രി​ക്കാ​നും വസ്‌തു​വ​ക​ക​ളെ​ക്കാൾ ദൈവ​വു​മാ​യുള്ള സ്‌നേ​ഹ​ബ​ന്ധ​ത്തി​നു മൂല്യം കല്‌പി​ക്കാ​നും ദൈവ​വ​ചനം നമ്മളെ പഠിപ്പി​ക്കു​ന്നു.​—മത്തായി 6:24, 25, 33; 1 തിമൊ​ഥെ​യൊസ്‌ 6:8-10 വായി​ക്കുക.

ബൈബിൾത​ത്ത്വ​ങ്ങൾ അനുസ​രി​ക്കു​ന്ന​തി​ലൂ​ടെ നമ്മുടെ ആരോ​ഗ്യം സംരക്ഷി​ക്കാ​നും സാധി​ക്കു​ന്നു. (സുഭാ​ഷി​തങ്ങൾ 14:30; 22:24, 25) കുടിച്ച്‌ മത്തരാ​കു​ന്ന​തിന്‌ എതി​രെ​യുള്ള ദൈവി​ക​നി​യ​മങ്ങൾ അനുസ​രി​ക്കു​ന്നതു മാരക​രോ​ഗ​ങ്ങ​ളിൽനി​ന്നും അപകട​ങ്ങ​ളിൽനി​ന്നും നമ്മളെ സംരക്ഷി​ക്കു​ന്നു. (സുഭാ​ഷി​തങ്ങൾ 23:20) മദ്യം കുടി​ക്കു​ന്ന​തിന്‌ യഹോവ അനുമതി നൽകു​ന്നുണ്ട്‌; പക്ഷേ മിതമായ അളവി​ലാ​യി​രി​ക്ക​ണ​മെന്നു മാത്രം. (സങ്കീർത്തനം 104:15; 1 കൊരി​ന്ത്യർ 6:10) നമ്മുടെ പ്രവർത്ത​ന​ങ്ങ​ളി​ലും, ചിന്തയു​ടെ കാര്യ​ത്തിൽപ്പോ​ലും ജാഗ്ര​ത​പാ​ലി​ക്കാൻ നമ്മളെ പഠിപ്പി​ച്ചു​കൊണ്ട്‌ ദൈവി​ക​ത​ത്ത്വ​ങ്ങൾ നമുക്കു പ്രയോ​ജനം ചെയ്യുന്നു. (സങ്കീർത്തനം 119:97-100) പക്ഷേ, സ്വന്തം പ്രയോ​ജ​ന​ത്തി​നു​വേണ്ടി മാത്രമല്ല യഥാർഥ​ക്രി​സ്‌ത്യാ​നി​കൾ ദൈവ​ത്തി​ന്റെ നിലവാ​ര​ങ്ങ​ളോ​ടു പറ്റിനിൽക്കു​ന്നത്‌. യഹോ​വ​യ്‌ക്കു മഹത്ത്വം കരേറ്റുക എന്നതാണ്‌ അവരുടെ മുഖ്യ ലക്ഷ്യം.​—മത്തായി 5:14-16 വായി​ക്കുക.