വിവരങ്ങള്‍ കാണിക്കുക

രണ്ടാംഘട്ട മെനു കാണിക്കുക

യഹോവയുടെ സാക്ഷികൾ

മലയാളം

60 ദിവസ​ത്തി​നു​ള്ളിൽ...!

60 ദിവസ​ത്തി​നു​ള്ളിൽ...!

2013 ജൂലൈ 5 വെള്ളി​യാഴ്‌ച, ഭരണസം​ഘാം​ഗ​മാ​യ ആന്തണി മോറിസ്‌ നടത്തിയ ഒരു അറിയിപ്പ് അമേരി​ക്കൻ ഐക്യ​നാ​ടു​ക​ളി​ലെ ബെഥേ​ലം​ഗ​ങ്ങ​ളെ ആവേശ​ഭ​രി​ത​രാ​ക്കി: “ബ്രൂക്‌ലി​നി​ലെ 117 ആഡംസ്‌ സ്‌ട്രീറ്റ്‌, 90 സാൻഡ്‌സ്‌ സ്‌ട്രീറ്റ്‌ എന്നിവ ഉൾപ്പെടെ ആറു കെട്ടി​ട​ങ്ങൾ വിൽക്കാൻ കരാർ ഒപ്പിട്ടി​രി​ക്കു​ന്നു. * ആ കരാർപ്ര​കാ​രം ഈ വർഷം ആഗസ്റ്റ് പകുതി​യോ​ടെ 1 മുതൽ 5 വരെയുള്ള കെട്ടി​ട​ങ്ങൾ നമ്മൾ ഒഴിഞ്ഞു​കൊ​ടു​ക്ക​ണം.”

ഉദ്ദേശിച്ച സമയത്തു​ത​ന്നെ പണി പൂർത്തി​യാ​ക്കാൻ കഠിനാ​ധ്വാ​നി​ക​ളാ​യ ഈ സേവകർക്കു കഴിഞ്ഞോ? കഴിഞ്ഞു, അതും വെറും 55 ദിവസം​കൊണ്ട്!

ഈ സംരംഭം അത്ര എളുപ്പ​മ​ല്ലെന്ന് ഉറപ്പാ​യി​രു​ന്നു. ആ അഞ്ചു കെട്ടി​ട​ങ്ങ​ളു​ടെ​യും​കൂ​ടെ തറ വിസ്‌തീർണം, അന്താരാഷ്‌ട്ര നിലവാ​ര​ത്തി​ലു​ള്ള 11 ഫുട്‌ബോൾ ഗ്രൗണ്ടു​കൾ ചേരുന്ന അത്രയും വരും! അതാണു വെറും 60 ദിവസ​ത്തി​നു​ള്ളിൽ ഒഴിഞ്ഞു​കൊ​ടു​ക്കേ​ണ്ടത്‌!

ഈ അഞ്ചു കെട്ടി​ട​ങ്ങ​ളി​ലാ​യാ​ണു വർഷങ്ങ​ളോ​ളം അച്ചടി​യ​ന്ത്ര​ങ്ങ​ളും പുസ്‌ത​ക​ങ്ങൾ ബയൻഡു ചെയ്യാ​നു​ള്ള ഉപകര​ണ​ങ്ങ​ളും പ്രവർത്തി​പ്പി​ച്ചി​രു​ന്നത്‌. എന്നാൽ 2004-ൽ അതെല്ലാം ന്യൂ​യോർക്കി​ലെ വാൾക്കി​ലി​ലേ​ക്കു മാറ്റി സ്ഥാപിച്ചു.

അതിനു​ശേ​ഷം, സാധനങ്ങൾ സൂക്ഷി​ക്കു​ന്ന​തി​നും മറ്റും ആണ്‌ ആ കെട്ടി​ട​ങ്ങൾ ഉപയോ​ഗി​ച്ചി​രു​ന്നത്‌. കെട്ടി​ട​നിർമാ​ണ​ത്തി​നുള്ള സാധന​സാ​മ​ഗ്രി​ക​ളും ഓഫീസ്‌ ഉപകര​ണ​ങ്ങ​ളും അമേരി​ക്കൻ ഐക്യ​നാ​ടു​ക​ളി​ലെ​യും മറ്റു ദേശങ്ങ​ളി​ലെ​യും നിർമാ​ണ​പ്ര​വർത്ത​ന​ങ്ങൾക്കുള്ള ഉപകര​ണ​ങ്ങ​ളും കൊണ്ട് അവിടം നിറഞ്ഞി​രു​ന്നു.

പറഞ്ഞ സമയത്തി​നു​ള്ളിൽ ഈ കെട്ടി​ട​ങ്ങൾ ഒഴിഞ്ഞു​കൊ​ടു​ക്കു​ന്ന​തിന്‌ നല്ല ആസൂ​ത്ര​ണം ആവശ്യ​മാ​യി​രു​ന്നു. ആദ്യം​ത​ന്നെ, അവി​ടെ​യു​ള്ള സാധന​ങ്ങ​ളു​ടെ​യെ​ല്ലാം ഒരു കണക്കെ​ടു​ത്തു. എന്നിട്ട് എന്തൊക്കെ വിൽക്കണം, സൂക്ഷി​ച്ചു​വെ​ക്ക​ണം, എറിഞ്ഞു​ക​ള​യ​ണം എന്നു തീരു​മാ​നി​ച്ചു. അതിനു ശേഷം, അത്‌ ഏറ്റവും സുരക്ഷി​ത​മാ​യും കാര്യ​ക്ഷ​മ​മാ​യും ചെയ്യു​ന്ന​തി​നു​ള്ള ക്രമീ​ക​ര​ണ​ങ്ങൾ നടത്തി.

ഈ സംരംഭം വിജയി​പ്പി​ക്കാൻ ബെഥേൽ കുടും​ബം നന്നായി പരി​ശ്ര​മി​ച്ചു. അവരെ സഹായി​ക്കാ​നാ​യി ഐക്യ​നാ​ടു​ക​ളു​ടെ പല ഭാഗങ്ങ​ളിൽനിന്ന് 41 സ്വമേ​ധാ​സേ​വ​ക​രെ വിളി​ച്ചു​വ​രു​ത്തു​ക​യും ചെയ്‌തി​രു​ന്നു. ആറ്‌ ആഴ്‌ച​മു​തൽ പത്ത്‌ ആഴ്‌ച​വ​രെ​യാ​യി​രു​ന്നു അവരുടെ ജോലി. നല്ല ചുറു​ചു​റു​ക്കു​ള്ള ഏകാകി​ക​ളാ​യ യുവാ​ക്ക​ളാ​യി​രു​ന്നു മിക്കവ​രും. കുടും​ബാം​ഗ​ങ്ങ​ളെ​യും കൂട്ടു​കാ​രെ​യും ഒക്കെ പിരിഞ്ഞ്, ഉണ്ടായി​രു​ന്ന ജോലി​യൊ​ക്കെ വിട്ടി​ട്ടാണ്‌ അവർ എത്തിയത്‌. ഈ നിയമ​ന​ത്തെ​ക്കു​റിച്ച് അവർക്കു പറയാ​നു​ള്ളത്‌ എന്താണ്‌?

വാഷിങ്‌ടൺ സ്റ്റേറ്റിൽനി​ന്നു​ള്ള 21-കാരനായ ജോർഡൻ പറയുന്നു: “ഞാൻ ഇതു പണ്ടേ ചെയ്യേ​ണ്ട​താ​യി​രു​ന്നു.”

20-കാരനായ സ്റ്റീവൻ വന്നത്‌ ടെക്‌സ​സിൽനി​ന്നാണ്‌. “കഠിനാ​ധ്വാ​നി​ക​ളും സന്തുഷ്ട​രും ആയ വലി​യൊ​രു ആഗോ​ള​കു​ടും​ബ​ത്തി​ന്‍റെ ഭാഗമാ​യ​തു​പോ​ലെ എനിക്കു തോന്നു​ന്നു,” സ്റ്റീവൻ പറഞ്ഞു.

23-കാരനായ ജസ്റ്റിൻ എഴുതി: “ബെഥേൽ എനിക്ക് എന്‍റെ സ്വന്തം വീടു​പോ​ലെ തോന്നു​ന്നു. ഇവി​ടെ​യു​ള്ള​വ​രു​ടെ സ്‌നേ​ഹ​വും സൗഹൃ​ദ​വും ഇവിടെ നിറഞ്ഞു​നിൽക്കു​ന്ന ആത്മീയ ജ്ഞാനവും ആരെയും അതിശ​യി​പ്പി​ക്കു​ന്ന​താണ്‌.”

പോർട്ടോ​റി​ക്കോ​യിൽനി​ന്നുള്ള 20-കാരൻ ആഡ്‌ല​റി​നു പറയാ​നു​ള്ളത്‌ ഇതാണ്‌: “രാവിലെ നേരത്തേ എഴു​ന്നേൽക്കു​ന്നത്‌ അല്‌പം ബുദ്ധി​മു​ട്ടാ​യി​രു​ന്നു. പക്ഷേ, എന്നെന്നും നിൽക്കുന്ന നല്ല സുഹൃദ്‌ബ​ന്ധ​ങ്ങൾ ഉണ്ടാക്കി​യെ​ടു​ക്കാൻ ഇവിടെ എനിക്കു കഴിഞ്ഞി​രി​ക്കു​ന്നു.”

21-കാരനായ വില്യം പറയുന്നു: “ചെറു​പ്പം​മു​ത​ലേ​യു​ള്ള എന്‍റെ സ്വപ്‌ന​മാ​യി​രു​ന്നു ബെഥേ​ലിൽ പോകുക എന്നത്‌. അതേസ​മ​യം, ബെഥേ​ലു​മാ​യി പൊരു​ത്ത​പ്പെ​ടാൻ പറ്റുമോ, അവിടെ ഒറ്റപ്പെ​ട്ടു​പോ​കു​മോ എന്നൊക്കെ എനിക്കു പേടി​യു​മു​ണ്ടാ​യി​രു​ന്നു. പക്ഷേ, എനിക്കു തെറ്റി​പ്പോ​യി! എന്‍റെ ജീവി​ത​ത്തി​ലെ ഏറ്റവും സന്തോ​ഷ​ക​ര​മാ​യ ദിവസ​ങ്ങ​ളാ​യി​രു​ന്നു ഇവ! ഇവി​ടെ​യാ​യി​രി​ക്കു​ന്ന​തി​നെ​ക്കാൾ സന്തോഷം തരുന്ന മറ്റെ​ന്തെ​ങ്കി​ലു​മു​ണ്ടെന്ന് എനിക്കു തോന്നു​ന്നി​ല്ല.”

^ ഖ. 2 താമസ​സ്ഥ​ല​മാ​യി ഉപയോ​ഗി​ക്കു​ന്ന 90 സാൻഡ്‌സ്‌ സ്‌ട്രീറ്റ്‌ കെട്ടിടം ഒഴിഞ്ഞു​കൊ​ടു​ക്കു​ന്നത്‌ 2017-ലായി​രി​ക്കും.

കൂടുതല്‍ അറിയാന്‍

ഇന്ന് യഹോവയുടെ ഇഷ്ടം ചെയ്യുന്നത്‌ ആരാണ്‌?

ബെഥേൽ എന്നാൽ എന്താണ്‌?

വളരെ പ്രധാനപ്പെട്ട ഒരു ലക്ഷ്യത്തോടെ പ്രവർത്തിക്കുന്ന അനുപമമായ ഒരു സ്ഥലമാണ്‌ ബെഥേൽ. അവിടെ സേവിക്കുന്നവരെപ്പറ്റി കൂടുതൽ പഠിക്കൂ.