വിവരങ്ങള്‍ കാണിക്കുക

രണ്ടാംഘട്ട മെനു കാണിക്കുക

യഹോവയുടെ സാക്ഷികൾ

മലയാളം

അയർലൻഡ്‌, ബ്രിട്ടൻ എന്നിവി​ട​ങ്ങ​ളി​ലെ പ്രാ​ദേ​ശി​ക​ഭാ​ഷ​യിൽ സുവാർത്ത പങ്കു​വെ​ക്കു​ന്നു

അയർലൻഡ്‌, ബ്രിട്ടൻ എന്നിവി​ട​ങ്ങ​ളി​ലെ പ്രാ​ദേ​ശി​ക​ഭാ​ഷ​യിൽ സുവാർത്ത പങ്കു​വെ​ക്കു​ന്നു

അയർലൻഡി​ലെ​യും ബ്രിട്ട​നി​ലെ​യും പ്രാ​ദേ​ശി​ക​ഭാ​ഷ സംസാ​രി​ക്കു​ന്ന ആളുക​ളോട്‌ സുവാർത്ത പങ്കു​വെ​ക്കാൻ യഹോ​വ​യു​ടെ സാക്ഷികൾ പ്രത്യേ​ക​ശ്ര​മം ചെയ്യുന്നു. * അവിടത്തെ ആളുകൾ ഇംഗ്ലീഷ്‌ കൂടാതെ, ഐറിഷ്‌, വെൽഷ്‌, സ്‌കോ​ട്ടിഷ്‌ ഗെയ്‌ലിക്ക് എന്നീ ഭാഷക​ളും സംസാ​രി​ക്കു​ന്നുണ്ട്.

2012 സെപ്‌റ്റം​ബ​റിൽ യഹോ​വ​യു​ടെ സാക്ഷി​ക​ളു​ടെ പുതു​ക്കി​യ വെബ്‌​സൈ​റ്റാ​യ jw.org പല ഭാഷക​ളിൽ പ്രവർത്ത​നം ആരംഭി​ച്ചു. ഈ സൈറ്റ്‌ ഐറിഷ്‌, വെൽഷ്‌, സ്‌കോ​ട്ടിഷ്‌ ഗെയ്‌ലിക്ക് എന്നീ ഭാഷക​ളിൽ 2014 ആഗസ്റ്റ് മുതൽ ലഭ്യമാ​യി​ത്തു​ട​ങ്ങി. ഈ ഭാഷക​ളിൽ അനേകം ബൈബിൾസാ​ഹി​ത്യ​ങ്ങ​ളും ഞങ്ങൾ പ്രസി​ദ്ധീ​ക​രി​ക്കു​ന്നുണ്ട്. ഇതി​നോട്‌ ആളുകൾ എങ്ങനെ​യാണ്‌ പ്രതി​ക​രി​ച്ചത്‌?

ഒരിക്കൽ യഹോ​വ​യു​ടെ സാക്ഷികൾ പള്ളിയിൽ ശുശ്രൂഷ ചെയ്യുന്ന ഒരു വ്യക്തിക്ക് സ്‌കോ​ട്ടിഷ്‌ ഗെയ്‌ലിക്ക് ഭാഷയി​ലു​ള്ള ഒരു ലഘുലേഖ നൽകി. അത്‌ കിട്ടി​യ​പ്പോൾത്ത​ന്നെ അദ്ദേഹം ഉച്ചത്തിൽ വായി​ച്ചിട്ട് കരയാൻ തുടങ്ങി. എന്നിട്ട്, അത്ഭുത​ത്തോ​ടെ ഇങ്ങനെ ചോദി​ച്ചു: “ഇത്‌ കൊള്ളാ​മ​ല്ലോ! ആരാണ്‌ ഇത്‌ പരിഭാ​ഷ​പ്പെ​ടു​ത്തി​യത്‌?” നല്ല നിലവാ​ര​മു​ള്ള പരിഭാ​ഷ​യാണ്‌ അദ്ദേഹത്തെ ഇങ്ങനെ ചോദി​ക്കാൻ പ്രേരി​പ്പി​ച്ചത്‌.

സ്‌കോ​ട്ടിഷ്‌ ഗെയ്‌ലിക്ക് ഭാഷയി​ലു​ള്ള വെബ്‌​സൈറ്റ്‌ തുടങ്ങിയ ആദ്യമാ​സം​ത​ന്നെ ഏതാണ്ട് 750 ആളുകൾ jw.org വെബ്‌​സൈറ്റ്‌ സന്ദർശി​ച്ചു.

തനിക്ക് മതത്തിൽ താത്‌പ​ര്യ​മി​ല്ലെന്ന് അയർലൻഡി​ലെ ഗാൽവേ​യി​ലു​ള്ള നാഷണൽ സർവക​ലാ​ശാ​ല​യി​ലെ ഒരു അധ്യാ​പ​കൻ ഒരു യഹോ​വ​യു​ടെ സാക്ഷി​യോട്‌ പറഞ്ഞു. എന്നാൽ, ബൈബിൾ നൽകുന്ന സന്ദേശം എന്ന ലഘുപ​ത്രി​ക ഐറിഷ്‌ ഭാഷയിൽ ഉണ്ടെന്ന് അറിഞ്ഞ​പ്പോൾ അതിന്‍റെ ഒരു കോപ്പി വേണ​മെന്ന് അദ്ദേഹം ആവശ്യ​പ്പെ​ട്ടു. എല്ലാവർക്കും ബൈബിൾസാ​ഹി​ത്യ​ങ്ങൾ അവരവ​രു​ടെ മാതൃ​ഭാ​ഷ​യിൽത്ത​ന്നെ ലഭി​ക്കേ​ണ്ട​താ​ണെ​ന്നും ഈ ലക്ഷ്യം മനസ്സിൽക്കണ്ട് യഹോ​വ​യു​ടെ സാക്ഷികൾ ഐറിഷ്‌ ഭാഷ സംസാ​രി​ക്കു​ന്ന​വർക്കാ​യി ചെയ്‌തി​രി​ക്കു​ന്ന കാര്യങ്ങൾ അഭിന​ന്ദ​നാർഹ​മാ​ണെ​ന്നും അദ്ദേഹം അഭി​പ്രാ​യ​പ്പെ​ട്ടു.

വെൽഷ്‌ ഭാഷയി​ലു​ള്ള ഒരു ബൈബിൾപ്ര​സി​ദ്ധീ​ക​രണം ലഭിച്ച​പ്പോൾ പ്രായം​ചെന്ന ഒരു സ്‌ത്രീ തന്‍റെ സന്തോഷം വെളി​പ്പെ​ടു​ത്തി​യത്‌ ഇങ്ങനെ​യാണ്‌: “സത്യം പറഞ്ഞാൽ, ഇംഗ്ലീ​ഷി​ലു​ള്ള ഒരു പുസ്‌ത​ക​മാണ്‌ എനിക്കു തന്നിരു​ന്നെ​ങ്കിൽ ഞാൻ ഒരുപക്ഷെ അത്‌ സ്വീക​രി​ക്കി​ല്ലാ​യി​രു​ന്നു. എന്നാൽ, എന്‍റെ മാതൃ​ഭാ​ഷ​യി​ലു​ള്ള പുസ്‌ത​ക​മാ​യ​തു​കൊണ്ട് എനിക്ക് വളരെ ഇഷ്ടമായി.”

2014 ഓഗ​സ്റ്റോ​ടെ വെൽഷ്‌ ഭാഷയിൽ കൂടുതൽ പ്രസി​ദ്ധീ​ക​ര​ണ​ങ്ങൾ jw.org വെബ്‌​സൈ​റ്റിൽ ലഭ്യമാ​ക്കാൻ തുടങ്ങി. ആ മാസത്തിൽത്ത​ന്നെ ഞങ്ങളുടെ വെബ്‌​സൈറ്റ്‌ സന്ദർശിച്ച് വെൽഷ്‌ ഭാഷയി​ലു​ള്ള പ്രസി​ദ്ധീ​ക​ര​ണ​ങ്ങൾ വായി​ച്ച​വ​രു​ടെ എണ്ണം ഇരട്ടി​യി​ല​ധി​ക​മാ​യി എന്നത്‌ ശ്രദ്ധേ​യ​മാണ്‌.

“ഞങ്ങൾ ഒരേ ഭാഷ സംസാ​രി​ക്കു​ന്ന​വ​രാണ്‌”

യേശു രണ്ട് ശിഷ്യ​ന്മാർക്ക് തിരു​വെ​ഴു​ത്തു​കൾ വിശദീ​ക​രി​ച്ചു​കൊ​ടു​ത്ത​ശേഷം അവർ ആവേശ​ത്തോ​ടെ ഇങ്ങനെ പറഞ്ഞു: “അവൻ വഴിയിൽവെ​ച്ചു നമ്മോടു സംസാ​രി​ക്കു​ക​യും തിരു​വെ​ഴു​ത്തു​കൾ നമുക്കു വിശദീ​ക​രി​ച്ചു​ത​രു​ക​യും ചെയ്‌ത​പ്പോൾ നമ്മുടെ ഹൃദയം ജ്വലിച്ചുകൊണ്ടിരുന്നില്ലയോ?” (ലൂക്കോസ്‌ 24:32) ആളുക​ളു​ടെ സ്വന്തം ഭാഷയിൽ ബൈബിൾസ​ത്യ​ങ്ങൾ വ്യക്തമാ​യി വിശദീ​ക​രി​ച്ചു​കൊ​ടു​ക്കു​മ്പോൾ അത്‌ അവരുടെ ജീവി​ത​ത്തെ ആഴത്തിൽ സ്വാധീ​നി​ക്കു​ന്നു.

വെയ്‌ൽസിൽനി​ന്നുള്ള എമിർ എന്ന വ്യക്തി ഒരു യഹോ​വ​യു​ടെ സാക്ഷി​യെ​യാണ്‌ വിവാഹം ചെയ്‌തത്‌. എങ്കിലും, ഭാര്യ​യോ​ടൊ​പ്പം ആത്മീയ​കാ​ര്യ​ങ്ങ​ളിൽ അദ്ദേഹം ഏർപ്പെ​ട്ടി​രു​ന്നി​ല്ല. അങ്ങനെ​യി​രി​ക്കെ, റസ്സൽ എന്ന് പേരുള്ള ഒരു യഹോ​വ​യു​ടെ സാക്ഷി​യു​മാ​യി അദ്ദേഹം സൗഹൃ​ദ​ത്തി​ലാ​യി. അത്‌ അദ്ദേഹ​ത്തി​ന്‍റെ മനോ​ഭാ​വ​ത്തെ മാറ്റി​മ​റി​ച്ചു. അതെക്കു​റിച്ച് അദ്ദേഹം ഇങ്ങനെ പറയുന്നു: “ബൈബിൾ യഥാർഥ​ത്തിൽ എന്തു പഠിപ്പിക്കുന്നു? * എന്ന പുസ്‌ത​കം റസ്സൽ കൊണ്ടു​വ​ന്ന​പ്പോൾ ഞാൻ ബൈബിൾ പഠിക്കാൻ തീരു​മാ​നി​ച്ചു. ‘ഇത്‌ വെൽഷ്‌ ഭാഷയി​ലു​ള്ള ഒരു പുസ്‌ത​ക​മാണ്‌. ഇപ്പോൾത്ത​ന്നെ നമ്മൾ ഇത്‌ പഠിക്കാൻ തുടങ്ങു​ക​യാണ്‌’ എന്നു പറഞ്ഞു​കൊണ്ട് അതിന്‍റെ ഒരു കോപ്പി റസ്സൽ എനിക്കു തന്നു.” അത്‌ തുറന്ന​ടി​ച്ച ഒരു സമീപ​ന​മാ​യി​രു​ന്നെ​ങ്കി​ലും എമിർ അതിൽ ആകൃഷ്ട​നാ​യത്‌ എന്തു​കൊ​ണ്ടാണ്‌? അദ്ദേഹം ഇങ്ങനെ വിവരി​ക്കു​ന്നു: “നമ്മൾ ഒരേ ഭാഷയാണ്‌ സംസാ​രി​ക്കു​ന്നത്‌, നമുക്ക് ഒരേ സംസ്‌കാ​ര​മാണ്‌, നമ്മൾ പരസ്‌പ​രം മനസ്സി​ലാ​ക്കാൻ കഴിവു​ള്ള​വ​രു​മാണ്‌.” ഈ ചർച്ച എമിറി​ന്‍റെ ഹൃദയത്തെ ‘ജ്വലി​പ്പി​ച്ചു.’ കാരണം, മാതൃ​ഭാ​ഷ​യിൽ ബൈബിൾവി​ഷ​യ​ങ്ങൾ ചർച്ച ചെയ്‌ത​തു​കൊണ്ട് അതിലെ വിഷയങ്ങൾ വ്യക്തമാ​യി മനസ്സി​ലാ​ക്കാൻ അദ്ദേഹ​ത്തിന്‌ കഴിഞ്ഞു.

ഹൃദയത്തെ സ്വാധീ​നി​ക്കാൻ കഴിവുള്ള മാതൃ​ഭാ​ഷ​യിൽ ദൈവ​ത്തെ​ക്കു​റിച്ച് പഠിക്കാൻ യഹോ​വ​യു​ടെ സാക്ഷികൾ ആളുകളെ സഹായി​ക്കു​ന്നു.

^ ഖ. 2 ഇംഗ്ലണ്ട്, സ്‌കോ​ട്ട്ലൻഡ്‌, വെയിൽസ്‌ എന്നീ രാജ്യ​ങ്ങ​ളെ​യാണ്‌ ബ്രിട്ടൻ അർഥമാ​ക്കു​ന്നത്‌.

^ ഖ. 11 ബൈബിൾ പഠിക്കാൻ സഹായി​ക്കു​ന്ന യഹോ​വ​യു​ടെ സാക്ഷി​ക​ളു​ടെ ഒരു പ്രസി​ദ്ധീ​ക​ര​ണം.

കൂടുതല്‍ അറിയാന്‍

ഇന്ന് യഹോവയുടെ ഇഷ്ടം ചെയ്യുന്നത്‌ ആരാണ്‌?

യഹോവയുടെ സാക്ഷികളുടെ പ്രസിദ്ധീകരണങ്ങൾ തയ്യാറാക്കുന്നത്‌ എങ്ങനെയാണ്‌?

600-ലധികം ഭാഷകളിൽ ഞങ്ങൾ പ്രസിദ്ധീകരണങ്ങൾ അച്ചടിക്കുന്നുണ്ട്. എന്തിനാണ്‌ ഞങ്ങൾ ഇത്ര ശ്രമം ചെയ്യുന്നത്‌?

സൗജന്യ ബൈബിൾപഠനത്തിനുള്ള അപേക്ഷ

വീഡിയോ ക്ലിപ്പ്: ബൈബിൾ പഠിക്കേണ്ടത്‌ എന്തുകൊണ്ട്?

ജീവിതത്തിലെ സുപ്രധാനചോദ്യങ്ങൾക്ക് ഉത്തരം കണ്ടെത്താൻ ലോകമെമ്പാടുമുള്ള ദശലക്ഷക്കണക്കിന്‌ ആളുകളെ ബൈബിൾ സഹായിക്കുന്നു. അവരിൽ ഒരാളാകാൻ നിങ്ങൾക്ക് ആഗ്രഹമുണ്ടോ?