വിവരങ്ങള്‍ കാണിക്കുക

രണ്ടാംഘട്ട മെനു കാണിക്കുക

യഹോവയുടെ സാക്ഷികൾ

മലയാളം

വിദൂര വടക്കൻ പ്രദേശങ്ങളിൽ ബൈബിൾസന്ദേശം എത്തിക്കു​ന്നു

വിദൂര വടക്കൻ പ്രദേശങ്ങളിൽ ബൈബിൾസന്ദേശം എത്തിക്കു​ന്നു

യൂറോ​പ്പി​ന്‍റെ​യും വടക്കെ അമേരി​ക്ക​യു​ടെ​യും വിദൂര വടക്കേ​ദി​ക്കി​ലേക്ക് ബൈബിൾസന്ദേശം എത്തിക്കു​ന്ന​തിന്‌ യഹോ​വ​യു​ടെ സാക്ഷി​ക​ളു​ടെ ഭരണസം​ഘം 2014-ൽ ഒരു പുതിയ പരിപാ​ടിക്ക് രൂപം നൽകി. (പ്രവൃത്തികൾ 1:8) തുടക്കത്തിൽ, അലാസ്‌ക (യു.എസ്‌.എ.), ലാപ്‌ലൻഡ്‌ (ഫിൻലൻഡ്‌), നൂനാ​വുട്‌, വടക്കുപടിഞ്ഞാറൻ പ്രദേശങ്ങൾ (കനഡ) എന്നിവി​ട​ങ്ങ​ളി​ലെ തിര​ഞ്ഞെ​ടു​ത്ത സമൂഹങ്ങൾക്കാണ്‌ പരിഗണന നൽകിയത്‌.

പതിറ്റാ​ണ്ടു​ക​ളാ​യി യഹോ​വ​യു​ടെ സാക്ഷികൾ സന്ദർശിച്ചിരുന്ന പ്രദേ​ശ​ങ്ങ​ളാ​യി​രു​ന്നു ഇവ. എങ്കിലും അവർ അവിടെ അധിക​സ​മ​യം തങ്ങാറി​ല്ലാ​യി​രു​ന്നു. അവരുടെ പ്രവർത്തനം ബൈബിൾപ്രസിദ്ധീകരണങ്ങൾ വിതരണം ചെയ്യുന്നതിൽ മാത്ര​മാ​യി ഒതുങ്ങി.

അങ്ങനെ​യി​രി​ക്കെ, ഈ ഭാഗത്തെ പ്രവർത്തനത്തിന്‌ മേൽനോട്ടം വഹിച്ചി​രു​ന്ന യഹോ​വ​യു​ടെ സാക്ഷി​ക​ളു​ടെ ബ്രാഞ്ചോഫീസുകൾ, ചുരു​ങ്ങി​യത്‌ മൂന്നു മാസ​ത്തേ​ക്കെ​ങ്കി​ലും മേൽപ്പറഞ്ഞ പ്രദേശങ്ങളിൽ താമസിച്ച് പ്രവർത്തിക്കാൻ സന്നദ്ധരായ മുഴു​സ​മ​യ​ശു​ശ്രൂ​ഷ​ക​രു​ടെ (മുൻനിരസേവകർ) അപേക്ഷകൾ ക്ഷണിച്ചു. ഏതെങ്കി​ലും പ്രദേ​ശത്ത്‌ ബൈബിൾ പഠിക്കാൻ താത്‌പ​ര്യ​മു​ള്ള കുറച്ച് ആളുകൾ ഉണ്ടെങ്കിൽ ശുശ്രൂഷകർ അവി​ടെ​ത്ത​ന്നെ കൂടുതൽകാലം താമസി​ക്കു​ക​യും യോഗങ്ങൾ നടത്തു​ക​യും ചെയ്യും.

വടക്കൻ പ്രദേ​ശ​മാ​യ​തു​കൊണ്ട് അവിടെ പ്രവർത്തിക്കുന്നതിന്‌ അതി​ന്‍റേ​താ​യ ബുദ്ധി​മു​ട്ടു​ക​ളും ഉണ്ടായി​രു​ന്നു. അലാസ്‌ക​യി​ലെ ബാരോ​യി​ലേക്ക് നിയമനം ലഭിച്ച രണ്ടു മുൻനിരസേവകരിൽ ഒരാൾ, തെക്കൻ കാലിഫോർണിയയിലും മറ്റേയാൾ യു.എസ്‌.എ-യിലെ ജോർജിയയിലും ആണ്‌ താമസി​ച്ചി​രു​ന്നത്‌. ബാരോ​യി​ലെ അവരുടെ ആദ്യത്തെ മഞ്ഞുകാ​ലത്ത്‌ താപനില മൈനസ്‌ 38 ഡിഗ്രി സെൽഷ്യസിലേക്ക് താണു! എന്നിട്ടു​പോ​ലും, ഏതാനും മാസങ്ങൾക്കുള്ളിൽ അവർ ആ നഗരത്തി​ലെ ഏതാണ്ട് 95 ശതമാനം വീടുകൾ സന്ദർശിക്കുകയും നാലു ബൈബിൾപഠനങ്ങൾ ആരംഭി​ക്കു​ക​യും ചെയ്‌തു. പഠിക്കാൻ താത്‌പ​ര്യം കാണിച്ച ഒരാളു​ടെ പേര്‌ ജോൺ എന്നായി​രു​ന്നു. ആ ചെറു​പ്പ​ക്കാ​ര​നും അദ്ദേഹ​ത്തി​ന്‍റെ കാമു​കി​യും ബൈബിൾ യഥാർഥത്തിൽ എന്തു പഠിപ്പിക്കുന്നു? എന്ന പുസ്‌ത​കം ഉപയോ​ഗിച്ച് പഠനം തുടങ്ങി. പഠിക്കുന്ന കാര്യങ്ങൾ അദ്ദേഹം കൂട്ടു​കാ​രോ​ടും സഹജോ​ലി​ക്കാ​രോ​ടും പങ്കു​വെ​ക്കും. മാത്രമല്ല, ഫോണിൽ ലഭ്യമാ​യി​രി​ക്കു​ന്ന JW ലൈ​ബ്ര​റി ആപ്ലിക്കേഷൻ ഉപയോ​ഗിച്ച് തിരുവെഴുത്തുകൾ ദൈനം​ദി​നം പരി​ശോ​ധി​ക്കു​ക എന്നതിൽനിന്ന് ദിനവാ​ക്യം വായി​ക്കു​ക​യും ചെയ്യു​മാ​യി​രു​ന്നു.

കനേഡിയൻ പ്രദേ​ശ​മാ​യ നൂനാ​വു​ടി​ലെ റാൻകിൻ ഇൻലെറ്റിലേക്ക് റോഡു​ക​ളൊ​ന്നും ഉണ്ടായി​രു​ന്നി​ല്ല. എന്നാൽ, രണ്ടു മുൻനിരസേവകർ ആ ചെറു​ഗ്രാ​മ​ത്തി​ലേക്ക് വിമാനമാർഗം പറന്നെ​ത്തു​ക​യും ഏതാനും ബൈബിൾപഠനങ്ങൾ ആരംഭി​ക്കു​ക​യും ചെയ്‌തു. അവി​ടെ​യു​ള്ള ഒരാളെ, രാജ്യഹാളിൽ എന്താണ്‌ നടക്കു​ന്നത്‌? എന്ന വീഡി​യോ കാണിച്ചു. ഇത്‌ കണ്ടപാടെ അദ്ദേഹം, ഇവിടെ എന്നാണ്‌ അങ്ങനെ ഒരെണ്ണം പണിയാൻ പോകു​ന്ന​തെന്ന് ചോദി​ച്ചു. “അത്‌ പണിയുന്ന സമയത്ത്‌ ഞാൻ ഇവിടെങ്ങാനുമുണ്ടെങ്കിൽ തീർച്ചയായും യോഗങ്ങളിൽ സംബന്ധി​ക്കും” എന്ന് അദ്ദേഹം കൂട്ടിച്ചേർത്തു.

ഫിൻലൻഡിലെ സാവു​കോ​സ്‌കി​യി​ലേക്ക് നിയമനം ലഭിച്ച മുൻനിരസേവകർ ആ പ്രദേ​ശ​ത്തെ​ക്കു​റിച്ച് “അവിടെ തണു​പ്പോ​ടു തണുപ്പാണ്‌; എങ്ങും മഞ്ഞ് മാത്രമേ കാണാ​നു​ള്ളൂ” എന്ന് റിപ്പോർട്ട് ചെയ്‌തു. ആളുക​ളു​ടെ പതിന്മ​ട​ങ്ങാണ്‌ ഹിമമാനുകൾ എന്നും അവർ അഭി​പ്രാ​യ​പ്പെ​ട്ടു. എന്നിട്ടും, കൃത്യ​സ​മ​യ​ത്താണ്‌ അവിടെ എത്തിയത്‌ എന്നാണ്‌ അവരുടെ അഭി​പ്രാ​യം. അത്‌ എന്തു​കൊ​ണ്ടാണ്‌? “ഗ്രാമ​ങ്ങ​ളി​ലേ​ക്കും ഉൾപ്രദേശങ്ങളിലേക്കും ഉള്ള റോഡു​ക​ളെ​ല്ലാം മഞ്ഞുനീ​ക്കി സഞ്ചാര​യോ​ഗ്യ​മാ​ക്കി​യി​രു​ന്നു. പുറത്തിറങ്ങാൻ പറ്റാത്തത്ര തണുപ്പായതിനാൽ മിക്കവ​രും വീടുകളിൽത്തന്നെയുണ്ടായിരുന്നു. ഇത്‌, പ്രദേശം മുഴു​വ​നാ​യും പ്രവർത്തിച്ചുതീർക്കാൻ ഞങ്ങളെ സഹായി​ച്ചു,” എന്നായി​രു​ന്നു മുൻനിരസേവകർ നൽകിയ വിശദീ​ക​ര​ണം.

വടക്കൻ വിദൂരദേശങ്ങളിൽ ബൈബിൾസന്ദേശം എത്തിക്കാ​നു​ള്ള ഞങ്ങളുടെ ശ്രമം ജനശ്രദ്ധയാകർഷിച്ചു. ഉദാഹ​ര​ണ​ത്തിന്‌, അലാസ്‌കൻ നഗരങ്ങ​ളി​ലൊ​ന്നി​ലെ വനിതാമേയർ തന്നെ സന്ദർശിച്ച മുൻനിരസേവകരുമൊത്തുള്ള ചർച്ചയെക്കുറിച്ച് നല്ല ചില അഭി​പ്രാ​യ​ങ്ങ​ളും ഒപ്പം എന്താണ്‌ ദൈവ​രാ​ജ്യം? എന്ന ലഘു​ലേ​ഖ​യു​ടെ ചിത്ര​വും ഇന്‍റർനെറ്റിൽ ഇട്ടു.

മറ്റൊരു അലാസ്‌കൻ നഗരമായ ഹെയ്‌ൻസിൽ രണ്ടു മുൻനിരസേവകർ പബ്ലിക്‌ ലൈബ്രറിയിൽവെച്ച് നടത്തിയ യോഗ​ങ്ങ​ളി​ലേക്ക് എട്ടു പേരെ ക്ഷണിച്ചു. ടെക്‌സസിൽനിന്നും നോർത്ത്‌ കരോലിനയിൽ നിന്നും ഉള്ള രണ്ടുപേർ നഗരത്തി​ലു​ണ്ടെ​ന്നും അവർ താത്‌പ​ര്യ​മു​ള്ള​വ​രു​മൊത്ത്‌ വീട്ടിൽച്ചെന്ന് വ്യക്തി​പ​ര​മാ​യി ബൈബിൾപഠനം നടത്തു​ന്നു​ണ്ടെ​ന്നും ഒരു പ്രാ​ദേ​ശി​ക പത്രം റിപ്പോർട്ട് ചെയ്‌തു. “കൂടുതൽ വിവരങ്ങൾ അറിയാൻ jw.org സന്ദർശിക്കുക” എന്ന അറിയി​പ്പും അതിലു​ണ്ടാ​യി​രു​ന്നു.

കൂടുതല്‍ അറിയാന്‍

ഇന്ന് യഹോവയുടെ ഇഷ്ടം ചെയ്യുന്നത്‌ ആരാണ്‌?

യഹോവയുടെ സാക്ഷികളുടെ സുവാർത്താപ്രസംഗവേല സംഘടിപ്പിക്കപ്പെട്ടിരിക്കുന്നത്‌ എങ്ങനെ?

യേശു ഭൂമിയിലായിരുന്നപ്പോൾ വെച്ച മാതൃയാണ്‌ നാം പിന്തുരുന്നത്‌. സുവാർത്ത പ്രസംഗിക്കാനുള്ള ചില വിധങ്ങൾ ഏവയാണ്‌?

സൗജന്യ ബൈബിൾപഠനത്തിനുള്ള അപേക്ഷ

വീഡിയോ ക്ലിപ്പ്: ബൈബിൾ പഠിക്കേണ്ടത്‌ എന്തുകൊണ്ട്?

ജീവിതത്തിലെ സുപ്രധാനചോദ്യങ്ങൾക്ക് ഉത്തരം കണ്ടെത്താൻ ലോകമെമ്പാടുമുള്ള ദശലക്ഷക്കണക്കിന്‌ ആളുകളെ ബൈബിൾ സഹായിക്കുന്നു. അവരിൽ ഒരാളാകാൻ നിങ്ങൾക്ക് ആഗ്രഹമുണ്ടോ?