വിവരങ്ങള്‍ കാണിക്കുക

യഹോവയുടെ സാക്ഷികൾ

ഭാഷ തിരഞ്ഞെടുക്കുക മലയാളം

വീണ്ടും ജനിക്കുക എന്നാൽ എന്താണ്‌ അർഥം?

വീണ്ടും ജനിക്കുക എന്നാൽ എന്താണ്‌ അർഥം?

ബൈബിൾ നൽകുന്ന ഉത്തരം

വീണ്ടും ജനിക്കുന്ന വ്യക്തി​യും ദൈവ​വും തമ്മിലുള്ള ബന്ധത്തിന്‍റെ ഒരു പുതിയ തുടക്ക​ത്തെ​യാണ്‌ ‘വീണ്ടും ജനിക്കുക’ എന്ന പ്രയോ​ഗം സൂചി​പ്പി​ക്കു​ന്നത്‌. (യോഹന്നാൻ 3:3, 7) വീണ്ടും ജനിക്കു​ന്ന​വ​രെ ദൈവം തന്‍റെ മക്കളായി ദത്തെടു​ക്കു​ന്നു. (റോമർ 8:15, 16; ഗലാത്യർ 4:5; 1 യോഹ​ന്നാൻ 3:1) നിയമ​പ​ര​മാ​യി ദത്തെടു​ക്ക​പ്പെ​ടു​ന്ന​വ​രു​ടെ കാര്യ​ത്തി​ലെ​ന്ന​പോ​ലെ അവർക്കും ഒരു പുതിയ നില കൈവ​രു​ന്നു, അവർ ദൈവ​ത്തി​ന്‍റെ കുടും​ബ​ത്തി​ന്‍റെ ഭാഗമാ​യി​ത്തീ​രു​ന്നു.—2 കൊരി​ന്ത്യർ 6:18.

എന്തു​കൊ​ണ്ടാണ്‌ ഒരു വ്യക്തി വീണ്ടും ജനിക്കു​ന്നത്‌?

യേശു ഇങ്ങനെ പറഞ്ഞു: “വീണ്ടും ജനിക്കാ​ത്ത​വന്‌ ദൈവ​രാ​ജ്യം കാണാൻ കഴിയു​ക​യി​ല്ല.” (യോഹന്നാൻ 3:3) വീണ്ടും ജനിക്കു​ന്ന​തി​ലൂ​ടെ ദൈവ​രാ​ജ്യ​ത്തിൽ ക്രിസ്‌തു​വി​നോ​ടൊ​പ്പം ഭരിക്കാൻ ഒരു വ്യക്തിയെ ഒരുക്കു​ക​യാണ്‌ ചെയ്യു​ന്നത്‌. ഈ രാജ്യം സ്വർഗ​ത്തിൽനി​ന്നാണ്‌ ഭരിക്കു​ന്നത്‌. അതു​കൊണ്ട് ‘സ്വർഗ​ത്തിൽ കരുതി​വെ​ച്ചി​രി​ക്കു​ന്ന ഒരു അവകാശം’ നൽകു​ന്ന​തി​നെ​യാണ്‌ “പുതു​ജ​ന​നം” എന്നതു​കൊണ്ട് ബൈബിൾ ഉദ്ദേശി​ക്കു​ന്നത്‌. (1 പത്രോസ്‌ 1:3, 4) വീണ്ടും ജനിക്കു​ന്ന​വർക്ക് തങ്ങൾ ക്രിസ്‌തു​വി​നോ​ടൊ​പ്പം “രാജാ​ക്ക​ന്മാ​രാ​യി വാഴും” എന്നുള്ള ബോധ്യം ലഭിക്കു​ന്നു.—2 തിമൊ​ഥെ​യൊസ്‌ 2:12; 2 കൊരി​ന്ത്യർ 1:21, 22.

ഒരു വ്യക്തി വീണ്ടും ജനിക്കു​ന്നത്‌ എങ്ങനെ​യാണ്‌?

ഈ വിഷയ​ത്തെ​ക്കു​റി​ച്ചു സംസാ​രി​ച്ച​പ്പോൾ വീണ്ടും ജനിക്കു​ന്ന​വർ “വെള്ളത്താ​ലും ആത്മാവി​നാ​ലും ജനിക്കു”മെന്നാണ്‌ യേശു പറഞ്ഞത്‌. (യോഹന്നാൻ 3:5) ഈ പ്രയോ​ഗം വെള്ളത്തി​ലു​ള്ള സ്‌നാ​ന​ത്തി​നു ശേഷം നടക്കുന്ന പരിശു​ദ്ധാ​ത്മാ​വി​നാ​ലുള്ള സ്‌നാ​ന​ത്തെ സൂചി​പ്പി​ക്കു​ന്നു.—പ്രവൃ​ത്തി​കൾ 1:5; 2:1-4.

വീണ്ടും ജനിച്ച ആദ്യത്തെ വ്യക്തി യേശു​വാ​യി​രു​ന്നു. യേശു സ്‌നാ​ന​മേ​റ്റത്‌ യോർദാൻ നദിയി​ലാ​യി​രു​ന്നു. സ്‌നാ​ന​മേ​റ്റ​ശേ​ഷം പരിശു​ദ്ധാ​ത്മാ​വി​നാൽ ദൈവം യേശു​വി​നെ അഭി​ഷേ​കം ചെയ്‌തു, അഥവാ സ്‌നാ​ന​പ്പെ​ടു​ത്തി. സ്വർഗീ​യ​ജീ​വ​നി​ലേക്കു തിരികെ പോകാ​നു​ള്ള പ്രത്യാ​ശ​യോ​ടെ ദൈവ​ത്തി​ന്‍റെ ഒരു ആത്മീയ​പു​ത്ര​നെന്ന നിലയിൽ യേശു വീണ്ടും ജനിക്കു​ക​യാ​യി​രു​ന്നു. (മർക്കോസ്‌ 1:9-11) ഒരു ആത്മവ്യ​ക്തി​യെന്ന നിലയിൽ യേശു​വി​നെ ഉയിർപ്പി​ച്ചു​കൊണ്ട് ഈ പ്രത്യാശ ദൈവം നിറ​വേ​റ്റി.—പ്രവൃ​ത്തി​കൾ 13:33.

വീണ്ടും ജനിക്കുന്ന മറ്റുള്ള​വർക്കും വെള്ളത്തിൽ സ്‌നാ​ന​മേ​റ്റ​തി​നു ശേഷമാണ്‌ പരിശു​ദ്ധാ​ത്മാവ്‌ ലഭിക്കു​ന്നത്‌. * (പ്രവൃത്തികൾ 2:38, 41) അങ്ങനെ സ്വർഗ​ത്തിൽ ജീവി​ക്കാ​നു​ള്ള ഒരു ഉറപ്പുള്ള പ്രത്യാശ അവർക്ക് ലഭിക്കു​ന്നു. പുനരു​ത്ഥാ​ന​ത്തി​ലൂ​ടെ ദൈവം ആ പ്രത്യാശ നിറ​വേ​റ്റും.—1 കൊരി​ന്ത്യർ 15:42-49.

വീണ്ടും ജനിക്കു​ന്ന​തി​നെ​ക്കു​റി​ച്ചുള്ള തെറ്റി​ദ്ധാ​ര​ണ​കൾ

തെറ്റി​ദ്ധാ​രണ: രക്ഷ നേടു​ന്ന​തിന്‌ അല്ലെങ്കിൽ ഒരു ക്രിസ്‌ത്യാ​നി​യാ​യി​രി​ക്കു​ന്ന​തിന്‌ ഒരു വ്യക്തി വീണ്ടും ജനിച്ചേ മതിയാ​കൂ.

വസ്‌തുത: ക്രിസ്‌തു​വി​ന്‍റെ ബലി മുഖാ​ന്ത​രം രക്ഷ ലഭിക്കു​ന്നത്‌ ക്രിസ്‌തു​വി​നോ​ടൊ​പ്പം സ്വർഗ​ത്തിൽ ഭരിക്കാ​നു​ള്ള​വ​രെന്ന നിലയിൽ വീണ്ടും ജനിക്കു​ന്ന​വർക്കു മാത്രമല്ല, ദൈവ​രാ​ജ്യ​ത്തി​ന്‍റെ ഭൂമി​യി​ലെ പ്രജകൾക്കും കൂടി​യാണ്‌. (1 യോഹ​ന്നാൻ 2:1, 2; വെളി​പാട്‌ 5:9, 10) രണ്ടാമതു പരാമർശി​ച്ചി​രി​ക്കു​ന്ന കൂട്ടത്തിന്‌ പറുദീ​സാ​ഭൂ​മി​യിൽ നിത്യം ജീവി​ക്കു​ന്ന​തി​നു​ള്ള അവസരം ലഭിക്കു​ന്നു.—സങ്കീർത്ത​ന​ങ്ങൾ 37:29; മത്തായി 6:9, 10; വെളി​പാട്‌ 21:1-5.

തെറ്റി​ദ്ധാ​രണ: വീണ്ടും ജനിക്ക​ണ​മോ എന്ന് ഒരു വ്യക്തിക്ക് സ്വയം തീരു​മാ​നി​ക്കാ​നാ​കും

വസ്‌തുത: ദൈവ​വു​മാ​യി ഒരു ബന്ധമു​ണ്ടാ​യി​രി​ക്കാ​നും രക്ഷ നേടാ​നും ഉള്ള അവസരം എല്ലാവർക്കും ഉണ്ട്. (1 തിമൊ​ഥെ​യൊസ്‌ 2:3, 4; യാക്കോബ്‌ 4:8) എന്നിരു​ന്നാ​ലും, ദൈവ​മാണ്‌ വീണ്ടും ജനിക്കാ​നു​ള്ള​വ​രെ തിര​ഞ്ഞെ​ടു​ക്കു​ന്നത്‌, അഥവാ പരിശു​ദ്ധാ​ത്മാ​വി​നാൽ അഭി​ഷേ​കം ചെയ്യു​ന്നത്‌. “ഇതൊ​ക്കെ​യും ആശ്രയി​ച്ചി​രി​ക്കു​ന്നത്‌ ഇച്ഛിക്കു​ന്ന​വ​നെ​യോ യത്‌നി​ക്കു​ന്ന​വ​നെ​യോ അല്ല, കരുണാ​മ​യ​നാ​യ ദൈവ​ത്തെ​യാണ്‌” എന്നാണ്‌ ബൈബിൾ പറയു​ന്നത്‌. (റോമർ 9:16) ‘വീണ്ടും ജനിക്കുക’ എന്ന പ്രയോ​ഗ​ത്തിന്‌ “മുകളിൽനിന്ന് ജനിക്കുക” എന്നും അർഥമാ​ക്കാ​നാ​കും. വീണ്ടും ജനിക്കു​ന്ന​വ​രു​ടെ തിര​ഞ്ഞെ​ടുപ്പ് “മുകളിൽനിന്ന്,” അഥവാ ദൈവ​ത്തിൽനിന്ന് വരുന്നു എന്ന് ഇത്‌ ഉറപ്പാ​ക്കു​ന്നു.—യോഹ​ന്നാൻ 3:3.

^ ഖ. 9 കൊർന്നേല്യൊസിന്‍റെയും അദ്ദേഹ​ത്തി​ന്‍റെ കൂടെ​യു​ള്ള​വ​രു​ടെ​യും കാര്യ​ത്തിൽ സംഭവി​ച്ചത്‌ ഇതിൽനിന്ന് വ്യത്യ​സ്‌ത​മാ​യി​രു​ന്നു.—പ്രവൃ​ത്തി​കൾ 10:44-48.