ബൈബി​ളി​ന്‍റെ ഉത്തരം

ഈ വിഷയ​ത്തെ​ക്കു​റിച്ച് ബൈബിൾ വിശദ​മാ​യി ഒന്നും പറയു​ന്നി​ല്ല. എന്തൊ​ക്കെ​യാ​ണെ​ങ്കി​ലും, മേക്കപ്പ് ഇടുന്ന​തോ ആഭരണങ്ങൾ ഉപയോ​ഗി​ക്കു​ന്ന​തോ അണി​ഞ്ഞൊ​രു​ങ്ങു​ന്ന​തോ ഒന്നും തെറ്റാ​ണെ​ന്നു ബൈബിൾ പറയു​ന്നി​ല്ല. പുറ​മേ​യു​ള്ള സൗന്ദര്യ​ത്തെ​ക്കാൾ “ശാന്തത​യും സൗമ്യ​ത​യും ഉള്ള മനസ്സ് എന്ന അനശ്വ​ര​മാ​യ അലങ്കാരം” അണിയാ​നാണ്‌ ബൈബിൾ പ്രോ​ത്സാ​ഹി​പ്പി​ക്കു​ന്നത്‌.​—1 പത്രോസ്‌ 3:3, 4.

ഒരുങ്ങുന്നത്‌ തെറ്റാ​ണെ​ന്നു ബൈബിൾ പറയു​ന്നി​ല്ല

  • ബൈബി​ളിൽ പറഞ്ഞി​രി​ക്കു​ന്ന വിശ്വ​സ്‌ത​രാ​യ സ്‌ത്രീ​കൾ അണി​ഞ്ഞൊ​രു​ങ്ങി​യി​രു​ന്നു. അബ്രാ​ഹാ​മി​ന്‍റെ മകനായ യിസ്‌ഹാ​ക്കി​ന്‍റെ ഭാര്യ റിബെക്ക അമ്മായി​യ​പ്പൻ കൊടുത്ത സ്വർണ​മൂ​ക്കു​ത്തി​യും സ്വർണ​ത്തി​ന്‍റെ രണ്ടു കൈവ​ള​യും മറ്റ്‌ വിലകൂ​ടി​യ ആഭരണ​ങ്ങ​ളും ധരിച്ചി​രു​ന്നു. (ഉൽപത്തി 24:22, 30, 53) അതു​പോ​ലെ പേർഷ്യ​യി​ലെ രാജ്ഞി​യാ​കാൻ സാധ്യ​ത​യു​ണ്ടാ​യി​രു​ന്ന​തു​കൊണ്ട് എസ്ഥേർ ‘സൗന്ദര്യ​പ​രി​ച​ര​ണം’ സ്വീക​രി​ച്ചു. (എസ്ഥേർ 2:7, 9, 12) ഈ പരിച​ര​ണ​ത്തിൽ സാധ്യ​ത​യ​നു​സ​രിച്ച് “സൗന്ദര്യവർദ്ധക വസ്‌തു”ക്കളുടെ ഉപയോ​ഗ​വും ‘പല വിധ ചമയങ്ങ​ളും’ ഉൾപ്പെ​ടു​ന്നു.​—ന്യൂ ഇന്‍റർനാ​ഷ​ണൽ വേർഷൻ; ഈസി-റ്റു-റീഡ്‌ വേർഷൻ.

  • ബൈബിൾദൃ​ഷ്ടാ​ന്ത​ങ്ങ​ളിൽ ആഭരണ​ങ്ങ​ളെ​ക്കു​റിച്ച് പറഞ്ഞി​രി​ക്കു​ന്നു. ഉദാഹ​ര​ണ​ത്തിന്‌, നല്ല ഉപദേശം കൊടു​ക്കു​ന്ന ഒരാളെ, ‘ശ്രദ്ധി​ക്കാൻ ഒരുക്ക​മു​ള്ള കാതു​ക​ളി​ലെ സ്വർണ​ക്ക​മ്മ​ലി​നോ​ടാണ്‌’ താരത​മ്യം ചെയ്‌തി​രി​ക്കു​ന്നത്‌. (സുഭാ​ഷി​ത​ങ്ങൾ 25:12) ഒരു ഭർത്താവ്‌ തന്‍റെ നവവധു​വി​നെ കൈവ​ള​യും മാലയും കമ്മലു​ക​ളും അണിയി​ച്ചു​കൊണ്ട് അലങ്കരി​ക്കു​ന്ന​തു​പോ​ലെ താൻ ഇസ്രായേൽജനതയെ അലങ്കരി​ക്കു​ന്നു എന്നാണ്‌ ദൈവം പറയു​ന്നത്‌. ഇത്‌ ആ ജനതയെ “അതീവ​സു​ന്ദ​രി​യാ”ക്കി.​—യഹസ്‌കേൽ 16:11-13.

മേക്കപ്പി​നെ​ക്കു​റി​ച്ചും ആഭരണ​ത്തെ​ക്കു​റി​ച്ചും ഉള്ള തെറ്റി​ദ്ധാ​രണ

തെറ്റി​ദ്ധാ​രണ: “തലമുടി പിന്നു​ന്ന​തും സ്വർണാ​ഭ​ര​ണ​ങ്ങൾ അണിയു​ന്ന​തും” 1 പത്രോസ്‌ 3:3-ൽ ബൈബിൾ കുറ്റം വിധി​ക്കു​ന്നു.

വസ്‌തുത: ബാഹ്യ അലങ്കാ​ര​ത്തെ​ക്കാൾ ആന്തരിക സൗന്ദര്യ​ത്തി​ന്‍റെ മൂല്യ​ത്തെ​യാണ്‌ ഈ ബൈബിൾ വാക്യം എടുത്തു​കാ​ണി​ക്കു​ന്ന​തെന്ന് ഇതിന്‍റെ സന്ദർഭം പരി​ശോ​ധി​ച്ചാൽ മനസ്സി​ലാ​ക്കാം. (1 പത്രോസ്‌ 3:3-6) സമാന​മാ​യ ആശയം ബൈബി​ളിൽ മറ്റ്‌ ഇടങ്ങളി​ലും കാണാം.​—1 ശമുവേൽ 16:7; സുഭാ​ഷി​ത​ങ്ങൾ 11:22; 31:30; 1 തിമൊ​ഥെ​യൊസ്‌ 2:9, 10.

തെറ്റി​ദ്ധാ​രണ: മേക്കപ്പ് ചെയ്യു​ന്നത്‌ തെറ്റാണ്‌. കാരണം ദുഷ്ട രാജ്ഞി​യാ​യ ഇസബേൽ “കണ്ണിൽ മഷി” എഴുതി​യ​തി​നെ​ക്കു​റിച്ച് ബൈബി​ളിൽ പറയുന്നു.​—2 രാജാ​ക്ക​ന്മാർ 9:30.

വസ്‌തുത: മന്ത്രവാ​ദ​വും കൊല​യും ചെയ്‌ത ഇസബേൽ അവൾ ചെയ്‌ത ദുഷ്ടത​യു​ടെ പേരി​ലാണ്‌ ന്യായം വിധി​ക്ക​പ്പെ​ട്ടത്‌. അല്ലാതെ, അവളുടെ ബാഹ്യ അലങ്കാ​ര​ത്തി​ന്‍റെ അടിസ്ഥാ​ന​ത്തി​ലല്ല.​—2 രാജാ​ക്ക​ന്മാർ 9:7, 22, 36, 37.