വിവരങ്ങള്‍ കാണിക്കുക

ബൈബി​ളി​ലെ സംഖ്യകൾ എന്തിനെ അർഥമാക്കുന്നു? സംഖ്യാ​ജ്യോ​തി​ഷം ബൈബി​ളു​മാ​യി യോജി​പ്പി​ലാ​ണോ?

ബൈബി​ളി​ലെ സംഖ്യകൾ എന്തിനെ അർഥമാക്കുന്നു? സംഖ്യാ​ജ്യോ​തി​ഷം ബൈബി​ളു​മാ​യി യോജി​പ്പി​ലാ​ണോ?

ബൈബി​ളി​ന്റെ ഉത്തരം

ബൈബി​ളിൽ സംഖ്യകൾ മിക്കയി​ട​ത്തും അക്ഷരാർഥ​ത്തിൽത്ത​ന്നെ​യാണ്‌ ഉപയോ​ഗി​ച്ചി​രി​ക്കു​ന്നത്‌. എന്നാൽ ചിലയി​ട​ങ്ങ​ളിൽ പ്രതീ​ക​ങ്ങ​ളാ​യും ഉപയോ​ഗി​ച്ചി​ട്ടുണ്ട്‌. ഒരു സംഖ്യ പ്രതീ​ക​മാ​യി​ട്ടാ​ണോ ഉപയോ​ഗി​ച്ചി​രി​ക്കു​ന്ന​തെന്ന്‌ സാധാ​ര​ണ​യാ​യി അതിന്റെ സന്ദർഭ​ത്തിൽനിന്ന്‌ മനസ്സി​ലാ​ക്കാ​നാ​കും. പ്രതീ​കാ​ത്മ​ക​മാ​യ അർഥത്തിൽ ബൈബി​ളിൽ ഉപയോ​ഗി​ച്ചി​രി​ക്കു​ന്ന ചില സംഖ്യ​ക​ളെ​ക്കു​റിച്ച്‌ നമുക്കു നോക്കാം:

  • 1 ഐക്യം. ഉദാഹ​ര​ണ​ത്തിന്‌ തന്റെ അനുഗാ​മി​ക​ളെ​ക്കു​റിച്ച്‌ ദൈവ​ത്തോ​ടു പ്രാർഥി​ച്ച​പ്പോൾ, “പിതാവേ, അങ്ങ്‌ എന്നോ​ടും ഞാൻ അങ്ങയോ​ടും യോജി​പ്പി​ലാ​യി​രി​ക്കു​ന്ന​തു​പോ​ലെ അവർ എല്ലാവ​രും ഒന്നായി​രി​ക്കാ​നും . . . ഞാൻ അപേക്ഷി​ക്കു​ന്നു” എന്ന്‌ യേശു പറഞ്ഞു.—യോഹ​ന്നാൻ 17:21; മത്തായി 19:6.

  • 2 ഒരു പ്രശ്‌നം നിയമ​പ​ര​മാ​യി പരിഹ​രി​ക്കു​മ്പോൾ, രണ്ടു സാക്ഷി​ക​ളു​ടെ മൊഴി​യു​ടെ അടിസ്ഥാ​ന​ത്തി​ലാണ്‌ കാര്യ​ത്തി​ന്റെ സത്യാവസ്ഥ ഉറപ്പാ​ക്കി​യി​രു​ന്നത്‌. (ആവർത്തനം 17:6) അതു​പോ​ലെ, ഒരു ദർശന​മോ അല്ലെങ്കിൽ ഒരു പ്രസ്‌താ​വ​ന​യോ ആവർത്തി​ക്കു​മ്പോൾ അതു സത്യമാ​ണെ​ന്നും അതു സംഭവി​ക്കു​മെ​ന്നും ഉറപ്പാ​ക്കാൻ കഴിയു​മാ​യി​രു​ന്നു. ഉദാഹ​ര​ണ​ത്തിന്‌, ഈജി​പ്‌തി​ലെ ഫറവോൻ കണ്ട ഒരു സ്വപ്‌നം വ്യാഖ്യാ​നി​ച്ച​പ്പോൾ യോ​സേഫ്‌ ഇങ്ങനെ പറഞ്ഞു: “സ്വപ്‌നം രണ്ടു പ്രാവ​ശ്യം കണ്ടതിന്റെ അർഥം, സത്യ​ദൈ​വം ഇക്കാര്യം തീരു​മാ​നിച്ച്‌ ഉറപ്പി​ച്ചി​രി​ക്കു​ന്നെ​ന്നും അതു വേഗത്തിൽ നടപ്പാ​ക്കു​മെ​ന്നും ആണ്‌.” (ഉൽപത്തി 41:32) പ്രവച​ന​ത്തിൽ ‘രണ്ടു കൊമ്പു​കൾ’ എന്നത്‌ ഇരട്ട ഭരണാ​ധി​പ​ത്യ​ത്തെ സൂചി​പ്പി​ച്ചു. പ്രവാ​ച​ക​നാ​യ ദാനി​യേ​ലി​നോട്‌ മേദോ-പേർഷ്യൻ സാമ്രാ​ജ്യ​ത്തെ​ക്കു​റിച്ച്‌ പറഞ്ഞതിൽനിന്ന്‌ ഇതു വ്യക്തമാണ്‌.—ദാനി​യേൽ 8:20, 21; വെളി​പാട്‌ 13:11.

  • 3 മൂന്നു സാക്ഷി​ക​ളു​ടെ മൊഴി​യാൽ ഒരു കാര്യം സ്ഥിരീ​ക​രി​ച്ചി​രു​ന്ന​തു​പോ​ലെ, ഒരു കാര്യം മൂന്നു പ്രാവ​ശ്യം ആവർത്തി​ക്കു​ന്നത്‌ അത്‌ ഊന്നി​പ്പ​റ​യാ​നോ ഉറപ്പി​ച്ചു​പ​റ​യാ​നോ വേണ്ടി​യാ​യി​രു​ന്നു.—യഹസ്‌കേൽ 21:27; പ്രവൃ​ത്തി​കൾ 10:9-16; വെളി​പാട്‌ 4:8; 8:13.

  • 4 രൂപത്തി​ലോ പ്രവർത്ത​ന​ത്തി​ലോ ഉള്ള പൂർണ​ത​യെ കുറി​ക്കാൻ ഇതിനു കഴിയും. “ഭൂമി​യു​ടെ നാലു കോണിൽ” എന്ന പ്രയോ​ഗം അതിന്‌ ഒരു ഉദാഹ​ര​ണ​മാണ്‌.—വെളി​പാട്‌ 7:1; 21:16; യശയ്യ 11:12.

  • 6 പൂർണ​ത​യെ കുറി​ക്കു​ന്ന ഏഴ്‌ എന്ന സംഖ്യ​യെ​ക്കാൾ ഒന്ന്‌ കുറവായ ആറ്‌ എന്ന സംഖ്യ അപൂർണ​മാ​യ ഒന്നി​നെ​യോ അപൂർണ​ത​യെ​യോ ദൈവ​ത്തി​ന്റെ ശത്രു​ക്ക​ളു​മാ​യി ബന്ധപ്പെട്ട എന്തി​നെ​യെ​ങ്കി​ലു​മോ ആണ്‌ കുറി​ക്കു​ന്നത്‌.—1 ദിനവൃ​ത്താ​ന്തം 20:6; ദാനി​യേൽ 3:1; വെളി​പാട്‌ 13:18.

  • 7 പൂർണ​ത​യെ പ്രതീ​ക​പ്പെ​ടു​ത്താ​നാണ്‌ ഈ സംഖ്യ മിക്ക​പ്പോ​ഴും ഉപയോ​ഗി​ക്കു​ന്നത്‌. ഉദാഹ​ര​ണ​ത്തിന്‌ തുടർച്ച​യാ​യി ഏഴു ദിവസം യരീ​ഹൊ​യെ ചുറ്റാ​നും ഏഴാം ദിവസം ഏഴു പ്രാവ​ശ്യം ചുറ്റാ​നും ദൈവം ഇസ്രാ​യേ​ല്യ​രോ​ടു കല്‌പി​ച്ചു. (യോശുവ 6:15) ഏഴ്‌ എന്ന സംഖ്യ ഈ അർഥത്തിൽ ഉപയോ​ഗി​ച്ചി​രി​ക്കു​ന്ന അനേകം സന്ദർഭങ്ങൾ ബൈബി​ളി​ലുണ്ട്‌. (ലേവ്യ 4:6; 25:8; 26:18; സങ്കീർത്ത​നം 119:164; വെളി​പാട്‌ 1:20; 13:1; 17:10) “7 അല്ല, 77 തവണ” സഹോ​ദ​ര​നോ​ടു ക്ഷമിക്കണം എന്ന്‌ യേശു പത്രോ​സി​നോ​ടു പറഞ്ഞ​പ്പോൾ “7” എന്ന സംഖ്യ​യു​ടെ ആവർത്തനം “പരിധി​യി​ല്ലാ​തെ” ക്ഷമിക്കണം എന്ന അർഥമാണ്‌ നൽകു​ന്നത്‌.—മത്തായി 18:21, 22.

  • 10 ഈ സംഖ്യ തികവി​നെ അഥവാ ആകെത്തു​ക​യെ ആണ്‌ അർഥമാ​ക്കു​ന്നത്‌.—പുറപ്പാട്‌ 34:28; ലൂക്കോസ്‌ 19:13; വെളി​പാട്‌ 2:10.

  • 12 ഈ സംഖ്യ തികവാർന്ന ഒരു ദിവ്യ​ക്ര​മീ​ക​ര​ണ​ത്തെ സൂചി​പ്പി​ക്കു​ന്നു. ഉദാഹ​ര​ണ​ത്തിന്‌, അപ്പോ​സ്‌ത​ല​നാ​യ യോഹ​ന്നാൻ കണ്ട സ്വർഗ​ത്തെ​ക്കു​റി​ച്ചു​ള്ള ദർശന​ത്തിൽ ‘12 അപ്പോ​സ്‌ത​ല​ന്മാ​രു​ടെ 12 പേരുകൾ കൊത്തിയ 12 അടിസ്ഥാ​ന​ശി​ല​ക​ളു​ള്ള’ ഒരു നഗരമു​ണ്ടാ​യി​രു​ന്നു. (വെളിപാട്‌ 21:14; ഉൽപത്തി 49:28) 12 എന്ന സംഖ്യ​യു​ടെ ഗുണി​ത​ങ്ങ​ളും ഇതേ അർഥത്തിൽ ഉപയോ​ഗി​ച്ചി​ട്ടുണ്ട്‌.—വെളി​പാട്‌ 4:4; 7:4-8.

  • 40 പല ന്യായ​വി​ധി​ക​ളു​ടെ​യും ശിക്ഷണ​ത്തി​ന്റെ​യും കാലയ​ള​വു​കൾ 40 എന്ന സംഖ്യ​യു​മാ​യി ബന്ധപ്പെ​ടു​ത്തി​യി​ട്ടുണ്ട്‌.—ഉൽപത്തി 7:4; യഹസ്‌കേൽ 29:11, 12.

സംഖ്യാ​ജ്യോ​തി​ഷ​വും ജെമേ​ട്രി​യ​യും

ബൈബി​ളിൽ പ്രതീ​കാ​ത്മക അർഥത്തിൽ സംഖ്യകൾ ഉപയോ​ഗി​ക്കു​ന്ന​തും സംഖ്യാ​ജ്യോ​തി​ഷ​വും തമ്മിൽ വ്യത്യാ​സ​മുണ്ട്‌. സംഖ്യാജ്യോതിഷത്തിൽ, സംഖ്യ​കൾക്കും സംഖ്യാ​കൂ​ട്ട​ങ്ങൾക്കും സംഖ്യ​ക​ളു​ടെ തുകയ്‌ക്കും നിഗൂ​ഢ​മാ​യ അർഥങ്ങൾ കണ്ടെത്താൻ ശ്രമി​ക്കു​ന്നു. ഉദാഹ​ര​ണ​ത്തിന്‌ ജൂത കാബലി​സ്റ്റു​കൾ (തിരു​വെ​ഴു​ത്തു​ക​ളു​ടെ ഗൂഢാർഥ​വ്യാ​ഖ്യാ​ന​വി​ദ​ഗ്‌ധർ) ജെമേ​ട്രി​യ എന്ന ഒരു സംഖ്യാ​ജ്യോ​തി​ഷ​വി​ദ്യ ഉപയോ​ഗിച്ച്‌ എബ്രാ​യ​തി​രു​വെ​ഴു​ത്തു​കൾ വിശക​ല​നം ചെയ്‌തു. അക്ഷരങ്ങൾക്കു സംഖ്യാ​മൂ​ല്യം കല്‌പി​ച്ചു​കൊണ്ട്‌ അവയുടെ നിഗൂ​ഢ​മാ​യ അർഥം തേടുന്ന ഒരു വിദ്യ​യാണ്‌ ഇത്‌. ഭാവി​ഫ​ലം പറയു​ന്ന​തു​പോ​ലു​ള്ള ഒരു കാര്യ​മാണ്‌ സംഖ്യാ​ജ്യോ​തി​ഷം. അതു ദൈവം കുറ്റം​വി​ധി​ക്കു​ന്നു.—ആവർത്തനം 18:10-12.