വിവരങ്ങള്‍ കാണിക്കുക

മാരക​മായ പകർച്ച​വ്യാ​ധി​ക​ളെ​ക്കു​റിച്ച്‌ ബൈബിൾ എന്താണ്‌ പറയു​ന്നത്‌?

ബൈബി​ളി​ന്റെ ഉത്തരം

 അവസാ​ന​നാ​ളു​ക​ളിൽ മാരക​മായ പകർച്ച​വ്യാ​ധി​കൾ (അഥവാ വ്യാപ​ക​മാ​യി പകരുന്ന രോഗങ്ങൾ, മഹാമാ​രി​കൾ) ഉണ്ടാകു​മെന്നു ബൈബിൾ മുൻകൂ​ട്ടി പറഞ്ഞി​ട്ടുണ്ട്‌. (ലൂക്കോസ്‌ 21:11) ഈ പകർച്ച​വ്യാ​ധി​കൾ ദൈവ​ത്തിൽനി​ന്നുള്ള ശിക്ഷയല്ല. ശരിക്കും പറഞ്ഞാൽ, ദൈവ​രാ​ജ്യ​ത്തി​ലൂ​ടെ പകർച്ച​വ്യാ​ധി​കൾ ഉൾപ്പ​ടെ​യുള്ള ആരോഗ്യ പ്രശ്‌ന​ങ്ങൾക്ക്‌ ഒരു അവസാനം കൊണ്ടു​വ​രാ​നി​രി​ക്കു​ക​യാണ്‌ ദൈവം.

 മഹാമാ​രി​കൾ ഉണ്ടാകു​മെന്ന്‌ ബൈബിൾ മുൻകൂ​ട്ടി പറഞ്ഞി​ട്ടു​ണ്ടോ?

 കോവിഡ്‌-19, എയ്‌ഡ്‌സ്‌, സ്‌പാ​നിഷ്‌ ഫ്‌ളൂ എന്നിങ്ങ​നെ​യുള്ള രോഗ​ങ്ങ​ളെ​ക്കുറിച്ചോ മഹാമാരിക​ളെക്കുറിച്ചോ ബൈബിൾ പേരെടുത്ത്‌ മുൻകൂട്ടിപ്പറഞ്ഞിട്ടില്ല. പക്ഷേ, “മാരക​മായ പകർച്ച​വ്യാ​ധി​ക​ളും” ‘മാരക​രോ​ഗ​ങ്ങ​ളും’ ഉണ്ടാകു​മെന്ന്‌ ബൈബിൾ പറയു​ന്നുണ്ട്‌. (ലൂക്കോസ്‌ 21:11; വെളി​പാട്‌ 6:8) ‘വ്യവസ്ഥി​തി അവസാ​നി​ക്കാൻ പോകു​ന്ന​തി​ന്റെ’, അഥവാ ‘അവസാ​ന​കാ​ല​ത്തി​ന്റെ’ അടയാ​ള​മാണ്‌ ഇത്തരം സംഭവങ്ങൾ.—2 തിമൊ​ഥെ​യൊസ്‌ 3:1; മത്തായി 24:3.

 രോഗ​ങ്ങൾകൊണ്ട്‌ ദൈവം എപ്പോ​ഴെ​ങ്കി​ലും ആളുകളെ ശിക്ഷി​ച്ചി​ട്ടു​ണ്ടോ?

 രോഗ​ങ്ങൾകൊണ്ട്‌ ദൈവം ചില ആളുകളെ ശിക്ഷി​ച്ച​തി​നെ​ക്കു​റിച്ച്‌ ബൈബിൾ പറയു​ന്നുണ്ട്‌. ഉദാഹ​ര​ണ​ത്തിന്‌, ദൈവം ചില ആളുകൾക്കു കുഷ്‌ഠ​രോ​ഗം വരുത്തി. (സംഖ്യ 12:1-16; 2 രാജാ​ക്ക​ന്മാർ 5:20-27; 2 ദിനവൃ​ത്താ​ന്തം 26:16-21) പക്ഷേ നിഷ്‌ക​ള​ങ്ക​രായ ഒരു കൂട്ടം ആളുകൾക്ക്‌ ഒരു പകർച്ച​വ്യാ​ധി പിടി​പെ​ടു​ന്ന​തു​പോ​ലെ ആയിരു​ന്നില്ല ഈ സംഭവങ്ങൾ. പകരം, ദൈവ​ത്തോ​ടു ധിക്കാരം കാണിച്ച വ്യക്തി​കൾക്കെ​തി​രെ ദൈവം വരുത്തിയ ന്യായ​വി​ധി​ക​ളാ​യി​രു​ന്നു അവ. അത്‌ അവരെ മാത്ര​മാണ്‌ ബാധി​ച്ചത്‌.

 ഇക്കാലത്തെ പകർച്ച​വ്യാ​ധി​കൾ ദൈവ​ത്തിൽനി​ന്നുള്ള ശിക്ഷയാ​ണോ?

 അല്ല. എന്നാൽ രോഗ​ങ്ങ​ളും പകർച്ച​വ്യാ​ധി​ക​ളും ഉപയോ​ഗിച്ച്‌ ദൈവം ആളുകളെ ഇന്ന്‌ ശിക്ഷി​ക്കു​ന്നു​ണ്ടെന്ന്‌ ചില ആളുകൾ പറയുന്നു. പക്ഷേ ബൈബിൾ അങ്ങനെ പറയു​ന്നില്ല. അതെങ്ങനെ അറിയാം?

 പണ്ടുകാ​ല​ത്തും ഇക്കാല​ത്തും, ദൈവത്തെ ആരാധി​ക്കു​ന്ന​വർക്കു രോഗങ്ങൾ വന്നിട്ടുണ്ട്‌. ഉദാഹ​ര​ണ​ത്തിന്‌, ദൈവ​ത്തോ​ടു വിശ്വ​സ്‌ത​നാ​യി​രുന്ന തിമൊ​ഥെ​യൊ​സി​നു​പോ​ലും ‘കൂടെ​ക്കൂ​ടെ​യുള്ള അസുഖങ്ങൾ’ ഉണ്ടായി. (1 തിമൊ​ഥെ​യൊസ്‌ 5:23) പക്ഷേ അതൊ​ന്നും ദൈവം വരുത്തി​യ​താ​ണെന്നു ബൈബിൾ പറയു​ന്നില്ല. അതു​പോ​ലെ ഇക്കാല​ത്തും ദൈവത്തെ വിശ്വ​സ്‌ത​മാ​യി ആരാധി​ക്കു​ന്ന​വർക്കു രോഗം വരുക​യോ പകർച്ച​വ്യാ​ധി​കൾ പിടി​പെ​ടു​ക​യോ ചെയ്യു​ന്നുണ്ട്‌. ഇതെല്ലാം അപ്രതീ​ക്ഷി​ത​മാ​യി സംഭവി​ക്കു​ന്നത്‌ മാത്ര​മാണ്‌.—സഭാ​പ്ര​സം​ഗകൻ 9:11.

 ഇനി അതു മാത്രമല്ല, ദുഷ്ടമ​നു​ഷ്യ​രെ നശിപ്പി​ക്കു​ന്ന​തി​നുള്ള ദൈവ​ത്തി​ന്റെ സമയം ഇപ്പോഴല്ല, അതു വരാൻപോ​കു​ന്നതേ ഉള്ളൂ എന്നാണ്‌ ബൈബിൾ പറയു​ന്നത്‌. ഇപ്പോൾ നമ്മൾ ജീവി​ക്കു​ന്നത്‌ “രക്ഷയുടെ ദിവസ​ത്തിൽ” ആണ്‌. അതായത്‌ ദൈവ​ത്തോട്‌ അടുക്കാ​നും രക്ഷ നേടാ​നും ദൈവം എല്ലാ മനുഷ്യർക്കും അവസരം കൊടു​ത്തി​രി​ക്കുന്ന സമയം. (2 കൊരി​ന്ത്യർ 6:2) ‘ദൈവ​രാ​ജ്യ​ത്തി​ന്റെ സന്തോ​ഷ​വാർത്ത’ അറിയി​ക്കുന്ന ഒരു ആഗോള പ്രസം​ഗ​പ്ര​വർത്ത​ന​ത്തി​ലൂ​ടെ ആണ്‌ ദൈവം അതിന്‌ ആളുകളെ സഹായിക്കുന്നത്‌.—മത്തായി 24:14.

 പകർച്ച​വ്യാ​ധി​കൾ ഇല്ലാത്ത ഒരു കാലം വരുമോ?

 വരും. ആർക്കും രോഗം വരില്ലാത്ത ഒരു കാലം ഉടനെ വരു​മെന്നു ബൈബിൾ മുൻകൂ​ട്ടി പറയുന്നു. ദൈവ​ത്തി​ന്റെ രാജ്യം ഭൂമിയെ ഭരിക്കു​മ്പോൾ എല്ലാ ആരോഗ്യ പ്രശ്‌ന​ങ്ങൾക്കും പരിഹാ​രം കൊണ്ടുവരും. (യശയ്യ 33:24; 35:5, 6) ദൈവം എല്ലാ തരം കഷ്ടപ്പാ​ടു​ക​ളും വേദന​ക​ളും മാത്രമല്ല മരണം​പോ​ലും ഇല്ലാതാക്കും. (വെളി​പാട്‌ 21:4) അതു​പോ​ലെ മരിച്ചു​പോ​യ​വർക്ക്‌ ദൈവം വീണ്ടും ജീവൻ കൊടു​ക്കും. അങ്ങനെ അവർക്കും ഭൂമി​യി​ലെ ആ നല്ല അവസ്ഥയിൽ നല്ല ആരോ​ഗ്യ​ത്തോ​ടെ ജീവിതം ആസ്വദി​ക്കാൻ പറ്റും.—സങ്കീർത്തനം 37:29; പ്രവൃ​ത്തി​കൾ 24:15.

 രോഗ​ങ്ങ​ളെ​ക്കു​റി​ച്ചുള്ള ബൈബിൾ വാക്യങ്ങൾ

 മത്തായി 4:23: “യേശു ഗലീല​യിൽ മുഴുവൻ ചുറ്റി​സ​ഞ്ച​രിച്ച്‌ അവരുടെ സിന​ഗോ​ഗു​ക​ളിൽ പഠിപ്പി​ക്കു​ക​യും ദൈവ​രാ​ജ്യ​ത്തെ​ക്കു​റി​ച്ചുള്ള സന്തോ​ഷ​വാർത്ത പ്രസം​ഗി​ക്കു​ക​യും ജനങ്ങളു​ടെ എല്ലാ തരം രോഗ​ങ്ങ​ളും വൈക​ല്യ​ങ്ങ​ളും ഭേദമാ​ക്കു​ക​യും ചെയ്‌തു.”

 അർഥം: ദൈവ​രാ​ജ്യം മനുഷ്യർക്കു​വേണ്ടി ചെയ്യാൻപോ​കുന്ന കാര്യ​ങ്ങ​ളു​ടെ ഒരു ചെറിയ പതിപ്പ്‌ ആയിരു​ന്നു യേശു​വി​ന്റെ അത്ഭുതങ്ങൾ.

 ലൂക്കോസ്‌ 21:11: “മാരക​മായ പകർച്ച​വ്യാ​ധി​ക​ളും ഉണ്ടാകും.”

 അർഥം: എല്ലായി​ട​ത്തും പടർന്നു​പി​ടി​ച്ചു​കൊ​ണ്ടി​രി​ക്കുന്ന രോഗങ്ങൾ അവസാ​ന​കാ​ല​ത്തി​ന്റെ അടയാ​ള​ങ്ങ​ളു​ടെ ഒരു ഭാഗമാണ്‌.

 വെളി​പാട്‌ 6:8: ‘അതാ, വിളറിയ നിറമുള്ള ഒരു കുതിര! കുതി​ര​പ്പു​റത്ത്‌ ഇരിക്കു​ന്ന​വനു മരണം എന്നു പേര്‌. ശവക്കുഴി അയാളു​ടെ തൊട്ടു​പു​റ​കേ​യു​ണ്ടാ​യി​രു​ന്നു. മാരക​രോ​ഗ​ത്താൽ സംഹാരം നടത്താൻ അവർക്ക്‌ അധികാ​രം ലഭിച്ചു.’

 അർഥം: നമ്മുടെ ഈ കാലത്ത്‌ മഹാമാ​രി​കൾ ഉണ്ടാകു​മെ​ന്നാണ്‌ നാലു കുതി​ര​ക്കാ​രെ​ക്കു​റി​ച്ചുള്ള ഈ പ്രവചനം സൂചി​പ്പി​ക്കു​ന്നത്‌.