ബൈബി​ളി​ന്റെ ഉത്തരം

യേശു​വി​ന്റെ അമ്മയായ മറിയ​യ്‌ക്കു കന്യക​യാ​യി​രി​ക്കു​മ്പോൾത്തന്നെ യേശു​വി​നു ജന്മം നൽകാ​നുള്ള ശ്രേഷ്‌ഠ​മായ പദവി ലഭി​ച്ചെന്നു ബൈബിൾ പറയുന്നു. ഈ അദ്‌ഭുത​ത്തെ​ക്കു​റിച്ച്‌ ബൈബിൾപു​സ്‌ത​ക​മായ യശയ്യയിൽ മുൻകൂ​ട്ടി​പ്പ​റ​ഞ്ഞി​രു​ന്നു. അതിന്റെ നിവൃത്തി മത്തായി​യു​ടെ​യും ലൂക്കോ​സി​ന്റെ​യും സുവി​ശേ​ഷ​ത്തിൽ കാണാം.

മിശി​ഹ​യു​ടെ ജനന​ത്തെ​ക്കു​റി​ച്ചുള്ള പ്രവച​ന​ത്തിൽ യശയ്യ ഇങ്ങനെ മുൻകൂ​ട്ടി​പ്പ​റഞ്ഞു: “ഇതാ, യുവതി ഗർഭി​ണി​യാ​യി ഒരു മകനെ പ്രസവി​ക്കും.” (യശയ്യ 7:14) ദൈവ​പ്ര​ചോ​ദി​ത​മാ​യി സുവി​ശേ​ഷ​യെ​ഴു​ത്തു​കാ​ര​നായ മത്തായി യശയ്യയു​ടെ ഈ പ്രവച​നത്തെ മറിയ​യ്‌ക്കു ബാധക​മാ​ക്കി. മറിയ അദ്‌ഭുത​ക​ര​മാ​യി ഗർഭി​ണി​യാ​യി എന്ന കാര്യം പറഞ്ഞ​ശേഷം മത്തായി ഇങ്ങനെ കൂട്ടി​ച്ചേർത്തു: “ഇതെല്ലാം സംഭവി​ച്ചത്‌ യഹോവ പറഞ്ഞ കാര്യങ്ങൾ നിറ​വേ​റേ​ണ്ട​തി​നാണ്‌. ദൈവം തന്റെ പ്രവാ​ച​ക​നി​ലൂ​ടെ ഇങ്ങനെ പറഞ്ഞി​രു​ന്നു: ‘ഇതാ, കന്യക * ഗർഭി​ണി​യാ​യി ഒരു ആൺകു​ഞ്ഞി​നെ പ്രസവി​ക്കും. അവർ അവന്‌ ഇമ്മാനു​വേൽ എന്നു പേരി​ടും.’ (പരിഭാ​ഷ​പ്പെ​ടു​ത്തു​മ്പോൾ ആ പേരിന്റെ അർഥം ‘ദൈവം ഞങ്ങളു​ടെ​കൂ​ടെ’ എന്നാണ്‌.)”—മത്തായി 1:22, 23.

സുവി​ശേ​ഷ​യെ​ഴു​ത്തു​കാ​ര​നായ ലൂക്കോ​സും മറിയ​യു​ടെ അദ്‌ഭുത​ക​ര​മായ ഗർഭധാ​ര​ണ​ത്തെ​ക്കു​റിച്ച്‌ റിപ്പോർട്ട്‌ ചെയ്‌തു. ദൈവം ഗബ്രി​യേൽ ദൂതനെ അയച്ചതു “ദാവീ​ദു​ഗൃ​ഹ​ത്തി​ലെ യോ​സേഫ്‌ എന്ന പുരു​ഷ​നു​മാ​യി വിവാഹം നിശ്ചയി​ച്ചി​രുന്ന ഒരു കന്യക​യു​ടെ അടു​ത്തേ​ക്കാണ്‌” എന്ന്‌ അദ്ദേഹം എഴുതി. (ലൂക്കോസ്‌ 1:26, 27) താൻ ഒരു കന്യക​യാ​ണെന്ന കാര്യ​ത്തിൽ മറിയ​യ്‌ക്കു സംശയ​മി​ല്ലാ​യി​രു​ന്നു. താൻ മിശി​ഹ​യായ യേശു​വി​ന്റെ അമ്മയാ​കു​മെന്നു കേട്ട​പ്പോൾ മറിയ ഇങ്ങനെ ചോദി​ച്ചു: “ഞാൻ ഒരു പുരു​ഷ​നു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെ​ടാത്ത സ്ഥിതിക്ക്‌ ഇത്‌ എങ്ങനെ സംഭവി​ക്കും?”—ലൂക്കോസ്‌ 1:34.

 കന്യാ​ജ​ന​നം സംഭവി​ച്ചത്‌ എങ്ങനെ?

മറിയ ഗർഭി​ണി​യാ​യതു പരിശു​ദ്ധാ​ത്മാ​വി​നാൽ, അതായത്‌ ദൈവ​ത്തി​ന്റെ പ്രവർത്ത​ന​നി​ര​ത​മായ ശക്തിയു​ടെ ഫലമായി, ആണ്‌. (മത്തായി 1:18) മറിയ​യോട്‌ ദൂതൻ പറഞ്ഞത്‌ ഇങ്ങനെ​യാണ്‌: “പരിശു​ദ്ധാ​ത്മാവ്‌ നിന്റെ മേൽ വരും. അത്യു​ന്ന​തന്റെ ശക്തി നിന്റെ മേൽ നിഴലി​ടും. അക്കാര​ണ​ത്താൽ, ജനിക്കാ​നി​രി​ക്കു​ന്നവൻ വിശു​ദ്ധ​നെന്ന്‌, ദൈവ​ത്തി​ന്റെ മകനെന്ന്‌, * വിളി​ക്ക​പ്പെ​ടും.” (ലൂക്കോസ്‌ 1:35) ദൈവം തന്റെ മകന്റെ ജീവനെ അദ്‌ഭുത​ക​ര​മാ​യി മറിയ​യു​ടെ ഉദരത്തി​ലേക്കു മാറ്റി​ക്കൊണ്ട്‌ മറിയ ഒരു കുഞ്ഞിനെ ഗർഭം​ധ​രി​ക്കാൻ ഇടയാക്കി.

 കന്യാ​ജ​ന​ന​ത്തി​ന്റെ ഉദ്ദേശ്യം എന്തായി​രു​ന്നു?

യേശു​വി​നു പൂർണ​ത​യുള്ള മനുഷ്യ​ശ​രീ​രം കൊടു​ക്കു​ന്ന​തി​നു​വേ​ണ്ടി​യാ​ണു ദൈവം യേശു​വി​നെ ഒരു കന്യക​യി​ലൂ​ടെ ജനിപ്പി​ച്ചത്‌. എങ്കിലേ മനുഷ്യ​കു​ടും​ബത്തെ പാപത്തിൽനി​ന്നും മരണത്തിൽനി​ന്നും മോചി​പ്പി​ക്കാൻ യേശു​വി​നു കഴിയൂ. (യോഹ​ന്നാൻ 3:16; എബ്രായർ 10:5) ദൈവം യേശു​വി​ന്റെ ജീവൻ മറിയ​യു​ടെ ഗർഭപാ​ത്ര​ത്തി​ലേക്കു മാറ്റി. അതിനു ശേഷം അപൂർണ​ത​യു​ടെ ഒരു കണിക​പോ​ലും വയറ്റിൽ വളരുന്ന കുഞ്ഞിനെ ബാധി​ക്കാത്ത വിധത്തിൽ ദൈവ​ത്തി​ന്റെ പരിശു​ദ്ധാ​ത്മാവ്‌ അതിനെ സംരക്ഷി​ച്ചി​ട്ടു​ണ്ടാ​കണം.—ലൂക്കോസ്‌ 1:35.

അങ്ങനെ യേശു ഒരു പൂർണ​മ​നു​ഷ്യ​നാ​യി ജനിച്ചു, ആദാം പാപം ചെയ്യു​ന്ന​തി​നു മുമ്പു​ണ്ടാ​യി​രുന്ന അവസ്ഥയിൽ. “ക്രിസ്‌തു പാപം ചെയ്‌തില്ല” എന്നു യേശു​വി​നെ​ക്കു​റിച്ച്‌ ബൈബിൾ പറയുന്നു. (1 പത്രോസ്‌ 2:22) അതു​കൊണ്ട്‌ മനുഷ്യ​രെ പാപത്തിൽനി​ന്നും മരണത്തിൽനി​ന്നും രക്ഷിക്കു​ന്ന​തി​നുള്ള മോച​ന​വില കൊടു​ക്കാൻ പൂർണ​മ​നു​ഷ്യ​നായ യേശു​വി​നു കഴിഞ്ഞു.—1 കൊരി​ന്ത്യർ 15:21, 22; 1 തിമൊ​ഥെ​യൊസ്‌ 2:5, 6.

 മറിയ നിത്യ​ക​ന്യ​ക​യാ​യി​രു​ന്നോ?

മറിയ നിത്യ​ക​ന്യ​ക​യാ​യി​രു​ന്നെന്നു ബൈബിൾ പഠിപ്പി​ക്കു​ന്നില്ല. മറിച്ച്‌ മറിയ​യ്‌ക്കു വേറെ​യും മക്കൾ ഉണ്ടായി​രു​ന്നെന്നു ബൈബിൾ പറയുന്നു.—മത്തായി 12:46; മർക്കോസ്‌ 6:3; ലൂക്കോസ്‌ 2:7; യോഹ​ന്നാൻ 7:5.

യേശുവിനു കൂടപ്പി​റ​പ്പു​ക​ളു​ണ്ടാ​യി​രു​ന്നെന്നു ബൈബിൾ പഠിപ്പി​ക്കു​ന്നു

 മറിയ “അമലോ​ദ്‌ഭവ” ആയിരു​ന്നോ?’

അല്ല. അമലോ​ദ്‌ഭവം എന്ന പഠിപ്പി​ക്ക​ലി​നെ​ക്കു​റിച്ച്‌ പുതിയ കത്തോ​ലി​ക്കാ സർവവി​ജ്ഞാ​ന​കോ​ശം (ഇംഗ്ലീഷ്‌) പറയു​ന്ന​ത​നു​സ​രിച്ച്‌ “അമ്മയുടെ ഗർഭത്തിൽ കന്യാ​മ​റി​യം ഉണ്ടായ​തു​മു​തൽ ജന്മപാ​പ​മി​ല്ലാ​തെ​യാണ്‌ വളർന്നു​വ​ന്നത്‌. ബാക്കി മനുഷ്യ​രെ​ല്ലാം കൈമാ​റി​ക്കി​ട്ടിയ പാപവു​മാ​യി പിറന്ന​പ്പോൾ . . . അതുല്യ​മായ ദൈവ​കൃ​പ​യാൽ മറിയ ജന്മപാ​പ​മി​ല്ലാ​തെ ജനിക്കാ​നി​ട​യാ​യി.” *

മറിയ ജന്മപാ​പ​ത്തിൽനിന്ന്‌ മോചി​ത​യാ​ണെന്ന കാര്യം ബൈബിൾ പഠിപ്പി​ക്കു​ന്നില്ല എന്നതാണു സത്യം. (സങ്കീർത്തനം 51:5; റോമർ 5:12) മോശ​യു​ടെ നിയമം അമ്മമാ​രോട്‌ അർപ്പി​ക്കാൻ പറഞ്ഞ പാപയാ​ഗം അർപ്പി​ച്ച​തി​ലൂ​ടെ മറിയ​തന്നെ താനൊ​രു പാപി​യാ​ണെന്ന കാര്യ​ത്തി​നു തെളിവ്‌ നൽകി. (ലേവ്യ 12:2-8; ലൂക്കോസ്‌ 2:21-24) പുതിയ കത്തോ​ലി​ക്കാ സർവവി​ജ്ഞാ​ന​കോ​ശം പറയുന്നു: “അമോ​ലോ​ദ്‌ഭവം എന്ന ആശയം തിരു​വെ​ഴു​ത്തു​കൾ വ്യക്തമാ​യി പഠിപ്പി​ക്കു​ന്നില്ല. . . . (അതു) സഭയുടെ പഠിപ്പി​ക്ക​ലാണ്‌.”

 മറിയയെ നമ്മൾ എങ്ങനെ വീക്ഷി​ക്കണം?

മറിയ, വിശ്വാ​സ​ത്തി​ന്റെ​യും അനുസ​ര​ണ​ത്തി​ന്റെ​യും താഴ്‌മ​യു​ടെ​യും നല്ല ആത്മീയ​ത​യു​ടെ​യും മികച്ച മാതൃക വെച്ചു. നമ്മൾ അനുക​രി​ക്കേണ്ട വിശ്വ​സ്‌ത​രിൽ ഒരാളാ​ണു മറിയ​യും.—എബ്രായർ 6:12.

യേശു​വി​ന്റെ അമ്മയെന്ന അതുല്യ​മായ പദവി മറിയ​യ്‌ക്കു​ണ്ടെ​ങ്കി​ലും മറിയയെ ആരാധി​ക്ക​ണ​മെ​ന്നോ മറിയ​യോ​ടു പ്രാർഥി​ക്ക​ണ​മെ​ന്നോ ബൈബിൾ പഠിപ്പി​ക്കു​ന്നില്ല. യേശു മറിയ​യ്‌ക്കു പ്രത്യേ​ക​ബ​ഹു​മതി കൊടു​ക്കു​ക​യോ തന്റെ അനുഗാ​മി​ക​ളോട്‌ അങ്ങനെ ചെയ്യാൻ ആവശ്യ​പ്പെ​ടു​ക​യോ ചെയ്‌തില്ല. സുവി​ശേ​ഷ​ങ്ങ​ളി​ലെ​ ചില പരാ​മർ​ശങ്ങ​ളും പ്രവൃ​ത്തി​ക​ളു​ടെ പുസ്‌ത​ക​ത്തി​ലെ ഒരു പരാമർശ​വും ഒഴിച്ചാൽ, മറിയ​യു​ടെ പേര്‌ പുതിയ നിയമം എന്നു പൊതു​വേ അറിയ​പ്പെ​ടുന്ന ഭാഗത്തുള്ള ബാക്കി 22 പുസ്‌ത​ക​ങ്ങ​ളി​ലും കാണു​ന്നില്ല.—പ്രവൃ​ത്തി​കൾ 1:14.

ഒന്നാം നൂറ്റാ​ണ്ടി​ലെ ക്രിസ്‌ത്യാ​നി​കൾ മറിയ​യ്‌ക്കു പ്രത്യേക സ്ഥാനമോ ആദരവോ കൊടു​ത്തി​രു​ന്ന​താ​യി തിരു​വെ​ഴു​ത്തു​ക​ളിൽ എവി​ടെ​യും ഒരു തെളി​വു​മില്ല. മറിച്ച്‌, ക്രിസ്‌ത്യാ​നി​കൾ ദൈവത്തെ മാത്രമേ ആരാധി​ക്കാ​വൂ എന്നാണു ബൈബിൾ പഠിപ്പി​ക്കു​ന്നത്‌.—മത്തായി 4:10.

^ ഖ. 10 യശയ്യാപ്രവചനത്തിൽ ഉപയോ​ഗി​ച്ചി​രി​ക്കുന്ന “യുവതി” എന്നതിന്റെ എബ്രാ​യ​പദം അൽമാ എന്നാണ്‌. അതിന്‌ കന്യക​യെ​യോ കന്യക​യ​ല്ലാത്ത സ്‌ത്രീ​യെ​യോ കുറി​ക്കാ​നാ​കും. എന്നാൽ “കന്യക” എന്ന്‌ അർഥം വരുന്ന പാർഥെ​നൊസ്‌ എന്ന ഗ്രീക്കു​പ​ദ​മാണ്‌ മത്തായി ഉപയോ​ഗി​ച്ചത്‌.

^ ഖ. 13 “ദൈവ​ത്തി​ന്റെ മകൻ,” അഥവാ “ദൈവ​പു​ത്രൻ” എന്ന പദപ്ര​യോ​ഗത്തെ ചിലർ എതിർക്കു​ന്നു. കാരണം ദൈവം ഒരു സ്‌ത്രീ​യു​മാ​യി ലൈം​ഗി​ക​ബ​ന്ധ​ത്തിൽ ഏർപ്പെട്ടു എന്ന്‌ അത്‌ അർഥമാ​ക്കു​മെ​ന്നാണ്‌ അവരുടെ വാദം. എന്നാൽ ഈ ആശയത്തെ തിരു​വെ​ഴു​ത്തു​കൾ പിന്താ​ങ്ങു​ന്നില്ല. ബൈബിൾ യേശു​വി​നെ “ദൈവ​പു​ത്രൻ” എന്നും ‘എല്ലാ സൃഷ്ടി​ക​ളി​ലും​വെച്ച്‌ ആദ്യം ജനിച്ചവൻ’ എന്നും വിളി​ക്കു​ന്ന​തി​ന്റെ കാരണം ദൈവം നേരിട്ട്‌ സൃഷ്ടിച്ച ഒരേ ഒരു വ്യക്തി​യും ദൈവ​ത്തി​ന്റെ ആദ്യസൃ​ഷ്ടി​യും യേശു​വാ​യ​തു​കൊ​ണ്ടാണ്‌. (കൊ​ലോ​സ്യർ 1:13-15) ആദ്യമ​നു​ഷ്യ​നായ ആദാമി​നെ​യും “ദൈവ​ത്തി​ന്റെ മകൻ” എന്ന്‌ ബൈബിൾ വിളി​ക്കു​ന്നു. (ലൂക്കോസ്‌ 3:38) ആദാമി​നെ സൃഷ്ടി​ച്ചതു ദൈവ​മാ​യ​തു​കൊ​ണ്ടാണ്‌ ഇങ്ങനെ പറയു​ന്നത്‌.

^ ഖ. 20 രണ്ടാം പതിപ്പി​ന്റെ വാല്യം 7, പേജ്‌ 331.