ആദാമും ഹവ്വയും ആയിരു​ന്നു പാപം ചെയ്‌ത ആദ്യത്തെ മനുഷ്യർ. “ശരി​തെ​റ്റു​ക​ളെ​ക്കു​റി​ച്ചുള്ള അറിവി​ന്റെ മരത്തിൽനിന്ന്‌” തിന്നു​കൊണ്ട്‌ അവർ ദൈവ​ത്തോട്‌ അനുസ​ര​ണ​ക്കേടു കാണിച്ചു. ഇതി​നെ​യാണ്‌ ഇന്നു പലരും ആദിപാപം a എന്നു വിളി​ക്കു​ന്നത്‌. (ഉൽപത്തി 2:16, 17; 3:6; റോമർ 5:19) ആ മരത്തിലെ പഴം ആദാമും ഹവ്വയും കഴിക്കാൻ പാടി​ല്ലാ​യി​രു​ന്നു. കാരണം അതു ദൈവ​ത്തി​ന്റെ അധികാ​രത്തെ, അതായത്‌ ശരിയും തെറ്റും ഏതാ​ണെന്നു തീരു​മാ​നി​ക്കാ​നുള്ള, ദൈവ​ത്തി​ന്റെ അവകാ​ശ​ത്തെ​യാ​ണു സൂചി​പ്പി​ച്ചി​രു​ന്നത്‌. ആദാമും ഹവ്വയും ആ മരത്തിലെ പഴം കഴിച്ച​പ്പോൾ, ശരിയും തെറ്റും ഞങ്ങൾതന്നെ തീരു​മാ​നി​ച്ചോ​ളാം എന്നാണു ഫലത്തിൽ അവർ ദൈവ​ത്തോ​ടു പറഞ്ഞത്‌. ഇങ്ങനെ അവർ ദൈവ​ത്തി​ന്റെ അധികാ​രത്തെ തള്ളിക്ക​ളഞ്ഞു.

•  “ആദിപാ​പം” ആദാമി​നെ​യും ഹവ്വയെ​യും ബാധി​ച്ചത്‌ എങ്ങനെ?

•  “ആദിപാ​പം” നമ്മളെ ബാധി​ക്കു​ന്നത്‌ എങ്ങനെ?

•  “ആദിപാ​പം”—അതിന്റെ ഫലങ്ങളിൽനിന്ന്‌ നമുക്ക്‌ മോച​ന​മു​ണ്ടോ?

•  “ആദിപാ​പം”—തെറ്റി​ദ്ധാ​ര​ണ​കൾ

 പാപം ചെയ്‌ത​തു​കൊണ്ട്‌ ആദാമും ഹവ്വയും വയസ്സു​ചെന്ന്‌ മരിച്ചു. ദൈവ​വു​മാ​യുള്ള സൗഹൃ​ദ​വും നല്ല ആരോ​ഗ്യ​ത്തോ​ടെ എന്നെന്നും ജീവി​ക്കാ​നുള്ള അവസര​വും ആണ്‌ അവർ നഷ്ടപ്പെ​ടു​ത്തി​യത്‌.—ഉൽപത്തി 3:19.

 ആദാമും ഹവ്വയും അവരുടെ പാപപൂർണ​മായ അവസ്ഥ മക്കൾക്കും കൈമാ​റി. അത്‌ മക്കൾക്കു മാതാ​പി​താ​ക്ക​ളിൽനിന്ന്‌ ജനിതക തകരാ​റു​കൾ കൈമാ​റി കിട്ടു​ന്ന​തു​പോ​ലെ​യാ​യി​രു​ന്നു. (റോമർ 5:12) അങ്ങനെ എല്ലാ മനുഷ്യ​രും “പാപത്തിൽ” b ജനിക്കാൻ ഇടയായി.—സങ്കീർത്തനം 51:5; എഫെസ്യർ 2:3.

 അങ്ങനെ കൈമാ​റി​കി​ട്ടിയ പാപം അഥവാ അപൂർണത കാരണം നമ്മൾ രോഗി​ക​ളാ​കു​ക​യും വാർധ​ക്യം പ്രാപി​ക്കു​ക​യും മരിക്കു​ക​യും ചെയ്യുന്നു. (റോമർ 6:23) കൂടാതെ നമ്മൾ നമ്മു​ടെ​തന്നെ തെറ്റു​ക​ളു​ടെ​യും മറ്റുള്ളവർ വരുത്തുന്ന തെറ്റു​ക​ളു​ടെ​യും പരിണ​ത​ഫലം അനുഭ​വി​ക്കേ​ണ്ടി​വ​രു​ന്നു.—സഭാ​പ്ര​സം​ഗകൻ 8:9; യാക്കോബ്‌ 3:2.

 ഉണ്ട്‌. “നമുക്കു പാപപ​രി​ഹാ​ര​ത്തി​നുള്ള ബലിയാ​യി” യേശു മരിച്ചു എന്നാണ്‌ ബൈബിൾ പറയു​ന്നത്‌. (1 യോഹ​ന്നാൻ 4:10, അടിക്കു​റിപ്പ്‌.) യേശു​വി​ന്റെ ബലി പാപത്തി​ന്റെ പരിണ​ത​ഫ​ല​ത്തിൽനിന്ന്‌ നമ്മളെ മോചി​പ്പി​ക്കു​ന്നു. കൂടാതെ ആദാമും ഹവ്വയും നഷ്ടപ്പെ​ടു​ത്തിയ, ആരോ​ഗ്യ​ത്തോ​ടെ എന്നേക്കും ജീവി​ക്കാ​നുള്ള അവസര​വും അതു തുറന്നു​ത​രു​ന്നു.—യോഹ​ന്നാൻ 3:16. c

 തെറ്റി​ദ്ധാ​രണ: ആദിപാ​പം കാരണം നമുക്ക്‌ ഇനി ഒരിക്ക​ലും ദൈവ​വു​മാ​യി ഒരു അടുത്ത ബന്ധം ആസ്വദി​ക്കാൻ കഴിയില്ല.

 വസ്‌തുത: ആദാമും ഹവ്വയും ചെയ്‌ത പാപത്തി​നു ദൈവം നമ്മളെ കുറ്റ​പ്പെ​ടു​ത്തു​ന്നില്ല. നമ്മൾ അപൂർണ​രാ​ണെന്നു ദൈവ​ത്തി​നു അറിയാം. അതു​കൊണ്ട്‌ നമ്മൾക്കു ചെയ്യാൻ കഴിയു​ന്ന​തി​ല​ധി​ക​മാ​യി നമ്മളിൽനിന്ന്‌ ഒന്നും ദൈവം പ്രതീ​ക്ഷി​ക്കില്ല. (സങ്കീർത്തനം 103:14) പാപത്തി​ന്റെ പരിണ​ത​ഫലം നാം അനുഭ​വി​ക്കു​ന്നു​ണ്ടെ​ങ്കി​ലും ദൈവ​വു​മാ​യി ഒരു അടുത്ത സൗഹൃദം ആസ്വദി​ക്കാ​നുള്ള അവസരം നമുക്കുണ്ട്‌.—സുഭാ​ഷി​തങ്ങൾ 3:32.

 തെറ്റി​ദ്ധാ​രണ: സ്‌നാ​ന​പ്പെ​ട്ടാൽ ആദിപാ​പ​ത്തിൽനിന്ന്‌ മോചനം കിട്ടും. അതു​കൊണ്ട്‌ ശിശു​ക്കളെ സ്‌നാ​ന​പ്പെ​ടു​ത്തണം.

 വസ്‌തുത: രക്ഷനേ​ടു​ന്ന​തി​നു സ്‌നാനം ഒരു പ്രധാ​ന​പ്പെട്ട പടിയാണ്‌. എങ്കിലും ഒരു വ്യക്തിയെ പാപത്തിൽനിന്ന്‌ ശുദ്ധനാ​ക്കു​ന്നത്‌ യേശു​വി​ന്റെ ബലിയി​ലുള്ള വിശ്വാ​സ​മാണ്‌. (1 പത്രോസ്‌ 3:21; 1 യോഹ​ന്നാൻ 1:7) അങ്ങനെ​യുള്ള വിശ്വാ​സ​ത്തി​നു ആദ്യം ശരിയായ അറിവ്‌ നേടണം. ശിശു​ക്കൾക്ക്‌ അതിനു കഴിയി​ല്ല​ല്ലോ? അതു​കൊണ്ട്‌ ശിശു​സ്‌നാ​നത്തെ ബൈബിൾ അംഗീ​ക​രി​ക്കു​ന്നില്ല. ആദിമ​കാല ക്രിസ്‌ത്യാ​നി​കൾക്കി​ട​യിൽ അതു വ്യക്തമാ​യി​രു​ന്നു. അവർ സ്‌നാ​ന​പ്പെ​ടു​ത്തി​യതു ശിശു​ക്കളെ ആയിരു​ന്നില്ല. ദൈവ​വ​ച​ന​ത്തിൽ വിശ്വാ​സ​മു​ണ്ടാ​യി​രുന്ന വിശ്വാ​സി​ക​ളായ “പുരു​ഷ​ന്മാ​രെ​യും സ്‌ത്രീ​ക​ളെ​യും” ആയിരു​ന്നു.—പ്രവൃ​ത്തി​കൾ 2:41; 8:12.

 തെറ്റി​ദ്ധാ​രണ: ഹവ്വ ആദ്യം വിലക്ക​പ്പെട്ട കനി കഴിച്ച​തു​കൊണ്ട്‌ ദൈവം സ്‌ത്രീ​കളെ ശപിച്ചു.

 വസ്‌തുത: ദൈവം ശപിച്ചതു സ്‌ത്രീ​ക​ളെയല്ല, ഹവ്വയെ തെറ്റു​ചെ​യ്യാൻ പ്രേരി​പ്പിച്ച “പിശാച്‌ എന്നും സാത്താൻ എന്നും അറിയ​പ്പെ​ടുന്ന ആ പഴയ പാമ്പിനെ” ആണ്‌. (വെളി​പാട്‌ 12:9; ഉൽപത്തി 3:14) മാത്രമല്ല, ആദിപാ​പ​ത്തി​ന്റെ പ്രധാന ഉത്തരവാ​ദി​യാ​യി ദൈവം കണ്ടത്‌ ആദ്യമ​നു​ഷ്യ​നായ ആദാമി​നെ​യാണ്‌, അല്ലാതെ ഹവ്വയെയല്ല.—റോമർ 5:12.

 ആദാം ഭാര്യയെ ഭരിക്കു​മെന്നു ദൈവം പറഞ്ഞത്‌ എന്തു​കൊണ്ട്‌? (ഉൽപത്തി 3:16) അങ്ങനെ​യൊ​രു പ്രസ്‌താ​വന നടത്തി​യ​തി​ലൂ​ടെ ദൈവം അത്തരം പെരു​മാ​റ്റത്തെ ന്യായീ​ക​രി​ക്കു​ക​യാ​യി​രു​ന്നില്ല. പാപത്തി​ന്റെ ദുഃഖ​ക​ര​മായ പരിണ​ത​ഫ​ല​ത്തെ​ക്കു​റിച്ച്‌ ദൈവം പറയു​ക​യാ​യി​രു​ന്നു. ഭാര്യയെ സ്‌നേ​ഹി​ക്കാ​നും ബഹുമാ​നി​ക്കാ​നും ആണ്‌ ദൈവം പുരു​ഷ​ന്മാ​രിൽനിന്ന്‌ ആവശ്യ​പ്പെ​ടു​ന്നത്‌. കൂടാതെ സ്‌ത്രീ​കൾക്ക്‌ ആഴമായ ബഹുമാ​നം കൊടു​ക്കാ​നും ദൈവം പ്രതീ​ക്ഷി​ക്കു​ന്നു.—എഫെസ്യർ 5:25; 1 പത്രോസ്‌ 3:7.

 തെറ്റി​ദ്ധാ​രണ: ലൈം​ഗിക ബന്ധമാ​യി​രു​ന്നു ആദിപാ​പം.

 വസ്‌തുത: ആദിപാ​പം ലൈം​ഗിക ബന്ധമാ​യി​രു​ന്നില്ല എന്നു പിൻവ​രുന്ന കാരണങ്ങൾ വ്യക്തമാ​ക്കു​ന്നു:

•   ശരി​തെ​റ്റു​ക​ളെ​ക്കു​റി​ച്ചുള്ള അറിവി​ന്റെ മരത്തിൽനിന്ന്‌ തിന്നരുത്‌ എന്ന്‌ ദൈവം ആദാമി​നോ​ടു പറഞ്ഞത്‌ ആദാം ഏകനാ​യി​രുന്ന സമയത്താ​യി​രു​ന്നു. —ഉൽപത്തി 2:17, 18.

•   ‘സന്താന​സ​മൃ​ദ്ധി​യു​ള്ള​വ​രാ​യി പെരു​കാൻ’ ദൈവ​മാണ്‌ ആദാമി​നോ​ടും ഹവ്വയോ​ടും പറഞ്ഞത്‌. (ഉൽപത്തി 1:28) ദൈവം പറഞ്ഞ ഒരു കാര്യം ചെയ്‌ത​തി​ന്റെ പേരിൽ ദൈവം​തന്നെ ആദ്യ ദമ്പതി​കളെ ശിക്ഷി​ച്ചാൽ അതു അവരോ​ടു കാണി​ക്കുന്ന ക്രൂര​ത​യാ​കു​മാ​യി​രു​ന്നു.

•   ആദാമും ഹവ്വയും വെവ്വേ​റെ​യാണ്‌ പാപം ചെയ്‌തത്‌. ആദ്യം ഹവ്വ പാപം ചെയ്‌തു, പിന്നീട്‌ ആദാമും.—ഉൽപത്തി 3:6.

•   ഭാര്യാ​ഭർത്താ​ക്ക​ന്മാർ തമ്മിലുള്ള ലൈം​ഗി​ക​ബ​ന്ധത്തെ ബൈബിൾ അംഗീ​ക​രി​ക്കു​ന്നു.—സുഭാ​ഷി​തങ്ങൾ 5:18, 19; 1 കൊരി​ന്ത്യർ 7:3.