വിവരങ്ങള്‍ കാണിക്കുക

യഹോവയുടെ സാക്ഷികൾ

ഭാഷ തിരഞ്ഞെടുക്കുക മലയാളം

യുവജനങ്ങൾ ചോദി​ക്കു​ന്നു

ഞാൻ വിവാഹം കഴിക്കാൻ തയ്യാറാണോ?

ഞാൻ വിവാഹം കഴിക്കാൻ തയ്യാറാണോ?

ഈ ചോദ്യ​ത്തിന്‌ ഉത്തരം പറയു​ന്ന​തി​നു മുമ്പ്‌ നിങ്ങൾ നിങ്ങ​ളെ​ത്ത​ന്നെ നന്നായി അറിഞ്ഞി​രി​ക്ക​ണം. ഉദാഹ​ര​ണ​ത്തിന്‌ പിൻവ​രു​ന്ന കാര്യ​ങ്ങ​ളെ​ക്കു​റിച്ച്‌ ചിന്തി​ക്കു​ക:

ബന്ധങ്ങൾ

നിങ്ങൾ മാതാ​പി​താ​ക്ക​ളോ​ടും കൂടപ്പി​റ​പ്പു​ക​ളോ​ടും എങ്ങനെ​യാണ്‌ ഇടപെ​ടു​ന്നത്‌? അവരോട്‌ ഇടപെ​ടു​മ്പോൾ പലപ്പോ​ഴും ആത്മനി​യ​ന്ത്ര​ണം നഷ്ടമാ​കു​ക​യും പരുഷ​മാ​യ വാക്കുകൾ ഉപയോ​ഗി​ക്കു​ക​യും ചെയ്യാ​റു​ണ്ടോ? ഇക്കാര്യ​ത്തിൽ നിങ്ങ​ളെ​ക്കു​റിച്ച്‌ അവർ എന്തായി​രി​ക്കും പറയുക? നിങ്ങൾ കുടും​ബാം​ഗ​ങ്ങ​ളോട്‌ ഇടപെ​ടു​ന്ന അതേ വിധത്തി​ലാ​യി​രി​ക്കി​ല്ലേ ഇണയോ​ടും ഇടപെ​ടു​ക?—എഫെസ്യർ 4:31.

സ്വഭാവം

നിങ്ങൾ ശുഭാ​പ്‌തി​വി​ശ്വാ​സം ഉള്ള ഒരാളാ​ണോ? നിങ്ങൾ ന്യായ​ബോ​ധ​മു​ള്ള ആളാണോ? അതോ തന്നിഷ്ടം നടക്കണ​മെന്ന്‌ വാശി​പി​ടി​ക്കു​ന്ന ആളോ? സമ്മർദം നിറഞ്ഞ സാഹച​ര്യ​ത്തെ ശാന്തമാ​യി കൈകാ​ര്യം ചെയ്യാൻ നിങ്ങൾക്കാ​കു​മോ? നിങ്ങൾ ക്ഷമയുള്ള ആളാണോ? ദൈവാ​ത്മാ​വി​ന്റെ ഗുണങ്ങൾ ഇപ്പോഴേ നട്ടുവ​ളർത്തു​ന്നെ​ങ്കിൽ ഭാവി​യിൽ നല്ലൊരു ഭാര്യ​യോ ഭർത്താ​വോ ആകാൻ നിങ്ങൾ നിങ്ങളെ ഒരുക്കു​ക​യാണ്‌.—ഗലാത്യർ 5:22, 23.

പണം

നിങ്ങൾ എങ്ങനെ​യാണ്‌ പണം കൈകാ​ര്യം ചെയ്യു​ന്നത്‌? നിങ്ങൾ എപ്പോ​ഴും കടത്തി​ലാ​ണോ? നിങ്ങൾക്ക്‌ ഒരു ജോലി​യിൽത്ത​ന്നെ തുടരാ​നാ​കു​ന്നു​ണ്ടോ? ഇല്ലെങ്കിൽ എന്തു​കൊണ്ട്‌? അതിന്റെ കാരണം ജോലി​യോ തൊഴി​ലു​ട​മ​യോ ആണോ? അതോ നിങ്ങൾ മാറ്റം വരുത്തേണ്ട ഏതെങ്കി​ലും സ്വഭാ​വ​രീ​തി​യോ ശീലമോ ആണോ? നിങ്ങളു​ടെ സാമ്പത്തിക കാര്യങ്ങൾ കൈകാ​ര്യം ചെയ്യാൻ ബുദ്ധി​മു​ട്ടാ​ണെ​ങ്കിൽ പിന്നെ എങ്ങനെ​യാണ്‌ ഒരു കുടും​ബ​ത്തി​നു​വേ​ണ്ടി കരുതാ​നാ​കു​ക?—1 തിമൊ​ഥെ​യൊസ്‌ 5:8.

ആത്മീയത

നിങ്ങൾ ഒരു യഹോ​വ​യു​ടെ സാക്ഷി​യാ​ണെ​ങ്കിൽ, ദൈവ​വു​മാ​യു​ള്ള നിങ്ങളു​ടെ ബന്ധം കാത്തു​സൂ​ക്ഷി​ക്കാൻ എന്തൊ​ക്കെ​യാണ്‌ ചെയ്യു​ന്നത്‌? ദൈവ​വ​ച​നം വായി​ക്കാ​നും ശുശ്രൂ​ഷ​യിൽ ഏർപ്പെ​ടാ​നും ക്രിസ്‌തീ​യ​യോ​ഗ​ങ്ങ​ളിൽ പങ്കുപ​റ്റാ​നും നിങ്ങൾ മുൻ​കൈ​യെ​ടു​ക്കാ​റു​ണ്ടോ? നിങ്ങളു​ടെ ഭാവി ഇണ നിങ്ങൾ ഒരു ആത്മീയ​വ്യ​ക്തി​യാ​യി​രി​ക്കാൻ പ്രതീ​ക്ഷി​ക്കും.​—സഭാ​പ്ര​സം​ഗ​കൻ 4:9, 10.

നിങ്ങൾ നിങ്ങ​ളെ​ക്കു​റിച്ച്‌ മനസ്സി​ലാ​ക്കും​തോ​റും നിങ്ങളു​ടെ ബലഹീ​ന​ത​ക​ളെയല്ല, കഴിവു​ക​ളെ വളർത്താൻ സഹായി​ക്കു​ന്ന ഒരു ഇണയെ നിങ്ങൾ കണ്ടെത്തും.