വിവരങ്ങള്‍ കാണിക്കുക

യഹോവയുടെ സാക്ഷികൾ

ഭാഷ തിരഞ്ഞെടുക്കുക മലയാളം

യുവജനങ്ങൾ ചോദി​ക്കു​ന്നു

ചട്ടമ്പിയെ എങ്ങനെ നേരി​ടാം?

ചട്ടമ്പിയെ എങ്ങനെ നേരി​ടാം?

ചട്ടമ്പി​ത്ത​രം ഒരു നിസ്സാ​ര​കാ​ര്യ​മല്ല. ബ്രിട്ട​നിൽ നടത്തിയ ഒരു പഠനമ​നു​സ​രിച്ച്‌, ദേശീയ മാധ്യ​മ​ങ്ങ​ളിൽ റിപ്പോർട്ടു ചെയ്‌ത ചെറു​പ്പ​ക്കാ​രു​ടെ ആത്മഹത്യ​ക​ളിൽ 40 ശതമാ​ന​ത്തി​ലേ​റെ കേസു​ക​ളി​ലും ചട്ടമ്പി​ത്ത​ര​ത്തിന്‌ ഇരയാ​യ​താ​യി​രു​ന്നു ആത്മഹത്യ​യി​ലേ​ക്കു നയിച്ച ഒരു കാരണം.

 എന്താണ്‌ ചട്ടമ്പി​ത്ത​രം?

ശാരീ​രി​ക ഉപദ്രവം മാത്രമല്ല ചട്ടമ്പി​ത്ത​ര​ത്തിൽ ഉൾപ്പെ​ടു​ന്നത്‌. അതിൽ പിൻവ​രു​ന്ന കാര്യ​ങ്ങ​ളും ഉൾപ്പെ​ടു​ന്നു:

  • വാക്കുകൾകൊണ്ട്‌ നോവി​ക്കും. ആഴത്തിൽ മുറി​വേൽപ്പി​ക്കു​ന്ന വാക്കുകൾ പെൺകു​ട്ടി​കൾക്കും പറയാ​നാ​കും. അവർ എന്നെ കളിയാ​ക്കി​വി​ളി​ച്ച പേരു​ക​ളും എന്നെക്കു​റിച്ച്‌ പറഞ്ഞ കാര്യ​ങ്ങ​ളും ഞാൻ ഒരിക്ക​ലും മറക്കില്ല. എനിക്ക്‌ ഒരു വിലയു​മി​ല്ലെ​ന്നും ആർക്കും എന്നെ വേണ്ടെ​ന്നും എന്നെ ഒന്നിനും കൊള്ളി​ല്ലെ​ന്നും എനിക്കു തോന്നിപ്പോയി. ഇതിലും ഭേദം അവർ എന്റെ കരണത്ത്‌ അടിക്കു​ന്ന​താ​യി​രു​ന്നു,” എന്ന്‌ 20 വയസ്സുള്ള സെലിൻ പറയുന്നു.

  • ഒറ്റപ്പെടുത്തും. കൂടെ പഠിച്ചി​രു​ന്ന​വർ എന്നെ ഒഴിവാ​ക്കാൻ തുടങ്ങി. ഊണു​മേ​ശ​യിൽ എനിക്ക്‌ അൽപ്പം​പോ​ലും ഇടം തരാത്ത വിധത്തിൽ അവർ ഇരിക്കുമായിരുന്നു. അതു​കൊണ്ട്‌ എനിക്ക്‌ അവരുടെ ഇടയിൽ ഇരിപ്പി​ടം കിട്ടിയില്ല. അക്കൊല്ലം മുഴുവൻ ഞാൻ കരഞ്ഞു​കൊണ്ട്‌ ഒറ്റയ്‌ക്ക്‌ ഇരുന്ന്‌ ഭക്ഷണം കഴിച്ചു,” എന്ന്‌ 18 വയസ്സുള്ള ഹാലി പറയുന്നു.

  • ഇന്റർനെറ്റിലൂടെ ഉപദ്ര​വി​ക്കും. കീബോർഡിൽ ഒന്നോ രണ്ടോ തവണ വിരൽ അമർത്തി​യാൽ മതി, ഒരാളു​ടെ നല്ല പേര്‌ മോശമാകാൻ. ചില​പ്പോൾ അയാളു​ടെ ജീവി​തം​ത​ന്നെ നശിച്ചേക്കാം. ഇതെല്ലാം അൽപ്പം പെരു​പ്പിച്ച്‌ പറയു​ന്ന​താ​ണെ​ന്നു തോന്നും, പക്ഷേ അങ്ങനെ സംഭവി​ക്കാം,” എന്ന്‌ 14 വയസ്സുള്ള ഡാനി​യേൽ പറയുന്നു. മൊ​ബൈൽ ഫോണി​ലൂ​ടെ ദോഷം ചെയ്യുന്ന ഫോ​ട്ടോ​ക​ളും മെസ്സേ​ജു​ക​ളും അയയ്‌ക്കു​ന്ന​തും സൈബർച​ട്ട​മ്പി​ത്ത​ര​ത്തി​ന്റെ ഭാഗമാണ്‌.

 എന്തിനാണ്‌ ചട്ടമ്പികൾ മറ്റുള്ള​വ​രെ ഉപദ്ര​വി​ക്കു​ന്നത്‌?

ചില കാരണങ്ങൾ താഴെ കൊടു​ക്കു​ന്നു:

  • അവർ ചട്ടമ്പി​ത്ത​ര​ത്തിന്‌ ഇരകളാ​യി​ട്ടുണ്ട്‌. സമപ്രാ​യ​ക്കാ​രു​ടെ ഉപദ്രവം നേരിട്ട്‌ ഞാൻ മടുത്തു. അതു​കൊണ്ട്‌ അവരുടെ ഇടയിൽ പിടി​ച്ചു​നിൽക്കാൻവേണ്ടി ഞാനും ചട്ടമ്പി​ത്ത​രം കാണി​ക്കാൻ തുടങ്ങി. പക്ഷേ പിന്തി​രി​ഞ്ഞു​നോ​ക്കി​യ​പ്പോൾ, ഞാൻ ചെയ്‌തത്‌ ഒട്ടും ശരിയ​ല്ലെന്ന്‌ എനിക്കു മനസ്സി​ലാ​യി,” എന്ന്‌ അന്റോ​ണി​യോ എന്ന ചെറു​പ്പ​ക്കാ​രൻ പറയുന്നു.

  • അനുകരിക്കാൻപറ്റിയ മാതൃ​ക​കൾ ഇല്ലായി​രു​ന്നു. തങ്ങളുടെ മാതാ​പി​താ​ക്ക​ളും കൂടപ്പി​റ​പ്പു​ക​ളും ബന്ധുക്ക​ളും ഒക്കെ മറ്റുള്ള​വ​രോ​ടു പെരു​മാ​റു​ന്ന​തു കണ്ടിട്ടാണ്‌ പലപ്പോ​ഴും, ചെറു​പ്പ​ക്കാ​രാ​യ ചട്ടമ്പികൾ മറ്റുള്ള​വ​രോ​ടു പെരു​മാ​റു​ന്നത്‌,” എന്ന്‌ ചട്ടമ്പി​ക​ളെ നേരി​ടാ​നു​ള്ള തന്ത്രങ്ങൾ (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ജയ്‌ മഗ്രോ പറയുന്നു.

  • ആത്മവിശ്വാസക്കുറവ്‌ മറയ്‌ക്കാൻ അവർ കേമന്മാ​രാ​യി ഭാവി​ക്കു​ന്നു. ചട്ടമ്പി​ക​ളാ​യ കുട്ടികൾ കേമന്മാ​രാ​ണെ​ന്നു കാണി​ച്ചാ​ലും അത്‌ ഒരു മുഖം​മൂ​ടി മാത്ര​മാണ്‌. ആഴത്തി​ലേറ്റ വൈകാ​രി​മാ​യ മുറി​വോ അപര്യാ​പ്‌ത​താ​ബോ​ധ​മോ ഒക്കെ മറയ്‌ക്കാൻവേ​ണ്ടി​യാണ്‌ അവർ ചട്ടമ്പി​ത്ത​രം കാണി​ക്കു​ന്നത്‌,” എന്ന്‌ ചട്ടമ്പി​ക​ളും ഇരകളും കാഴ്‌ച​ക്കാ​രും (ഇംഗ്ലീഷ്‌) എന്ന തന്റെ പുസ്‌ത​ക​ത്തിൽ ബാർബേ​റാ കൊള​റോ​സോ പറയുന്നു.

 ആരാണ്‌ സാധാ​ര​ണ​യാ​യി ചട്ടമ്പി​ത്ത​ര​ത്തിന്‌ ഇരയാ​കു​ന്നത്‌?

  • ഒറ്റയ്‌ക്കു നടക്കു​ന്ന​വർ. മറ്റുള്ള​വ​രോട്‌ ഇടപഴ​കാ​തെ ഒറ്റയ്‌ക്കു നടക്കുന്ന ചില ചെറു​പ്പ​ക്കാർ എളുപ്പ​ത്തിൽ ചട്ടമ്പി​ക​ളു​ടെ ഇരയാ​കും.

  • വ്യത്യസ്‌തരായി കാണ​പ്പെ​ടു​ന്ന ചെറു​പ്പ​ക്കാർ. രൂപം, വർഗം, മതം എന്നിവ​യി​ലെ ഏതെങ്കി​ലും വ്യത്യാ​സ​മോ അല്ലെങ്കിൽ മറ്റെ​ന്തെ​ങ്കി​ലും വൈക​ല്യ​മോ പോലെ ചട്ടമ്പി​യു​ടെ ശ്രദ്ധ എളുപ്പ​ത്തിൽ പതിയുന്ന എന്തും ഒരു കാരണ​മാ​യേ​ക്കാം.

  • ആത്മവിശ്വാസം കുറവുള്ള ചെറു​പ്പ​ക്കാർ. സ്വയം വിലകു​റ​ഞ്ഞ​വ​രാ​യി കാണുന്ന ആളുകളെ ചട്ടമ്പി​കൾക്കു പെട്ടെന്നു തിരി​ച്ച​റി​യാൻ കഴിയും. അങ്ങനെ​യു​ള്ള​വർ തിരി​ച്ചൊ​ന്നും ചെയ്യാ​നി​ട​യി​ല്ലാ​ത്ത​തു​കൊണ്ട്‌ അവരെ ചട്ടമ്പികൾ എളുപ്പ​ത്തിൽ ഇരയാ​ക്കും.

 ചട്ടമ്പികൾ ഉപദ്ര​വി​ച്ചാൽ നിങ്ങൾക്ക്‌ എന്തു ചെയ്യാ​നാ​കും?

  • ആത്മനിയന്ത്രണം പാലി​ക്കു​ക. നിങ്ങളെ കൊച്ചാ​ക്കു​ന്ന​തിൽ തങ്ങൾ വിജയി​ച്ചോ എന്നതി​ലാണ്‌ ചട്ടമ്പി​ക​ളു​ടെ ശ്രദ്ധ. അതു​കൊണ്ട്‌ നിങ്ങൾ പ്രതി​ക​രി​ക്കാ​തി​രി​ക്കു​മ്പോൾ അവരുടെ താത്‌പ​ര്യം പോകും,” എന്നു കെയ്‌ലി എന്ന ചെറു​പ്പ​ക്കാ​രി പറയുന്നു. ബൈബിൾ ഇങ്ങനെ പറയുന്നു: “ബുദ്ധി​മാൻ സ്വയം നിയ​ന്ത്രി​ക്കു​ന്നു.”—സുഭാ​ഷി​ത​ങ്ങൾ 29:11.

  • പകരത്തിനു പകരം ചെയ്യരുത്‌. പകരം ചെയ്യു​ന്ന​തു സാഹച​ര്യ​ത്തെ വഷളാ​ക്കു​ക​യേ ഉള്ളൂ. ബൈബിൾ പറയുന്നു: “തിന്മയ്‌ക്കു പകരം തിന്മ ചെയ്യരുത്‌.”—റോമർ 12:17; സുഭാ​ഷി​ത​ങ്ങൾ 24:19.

  • പ്രശ്‌നത്തിലേക്കു ചെന്നു ചാടരുത്‌. കഴിയു​ന്നി​ട​ത്തോ​ളം കുഴപ്പ​ക്കാ​രാ​യ ആളുക​ളിൽനിന്ന്‌ ഒഴിഞ്ഞുമാറുക, പ്രശ്‌ന​സാ​ധ്യ​ത​യു​ള്ള സാഹച​ര്യ​ങ്ങൾ ഒഴിവാക്കുക.—സുഭാ​ഷി​ത​ങ്ങൾ 22:3.

  • തീരെ പ്രതീ​ക്ഷി​ക്കാ​ത്ത ഒരു മറുപടി കൊടുക്കുക. ബൈബിൾ പറയുന്നു: “സൗമ്യ​മാ​യ മറുപടി ഉഗ്ര​കോ​പം ശമിപ്പി​ക്കു​ന്നു.”—സുഭാ​ഷി​ത​ങ്ങൾ 15:1.

  • അൽപ്പം നർമം പരീക്ഷി​ച്ചു​നോ​ക്കു​ക. ഉദാഹരണത്തിന്‌, ‘നീ ഒരു പൊണ്ണ​ത്ത​ടി​യ​നാ​ടാ’ എന്ന്‌ ഒരു ചട്ടമ്പി പറയുന്നെന്നിരിക്കട്ടെ. ഒരു നിസ്സാ​ര​മ​ട്ടിൽ തോ​ളൊന്ന്‌ അനക്കി നിങ്ങൾക്ക്‌ ഇങ്ങനെ പറയാം: “ശരി, കുറച്ച്‌ തൂക്കം കുറയ്‌ക്കാ​മോ എന്നു ഞാൻ ഒന്നു നോക്കട്ടെ.

  • സ്ഥലം വിടുക. 19-കാരിയായ നോറ പറയുന്നു: “മൗനം പാലി​ക്കാൻ കഴിയു​ന്ന​തു നിങ്ങൾക്കു പക്വതയുണ്ടെന്നും, ശല്യ​പ്പെ​ടു​ത്തു​ന്ന വ്യക്തി​യെ​ക്കാൾ നിങ്ങൾ ശക്തനാ​ണെ​ന്നും കാണിക്കുന്നു. അതു നിങ്ങളു​ടെ ആത്മനി​യ​ന്ത്ര​ണ​ത്തി​ന്റെ തെളിവാണ്‌, ചട്ടമ്പിക്ക്‌ അതൊട്ട്‌ ഇല്ലതാനും.

  • നല്ല ആത്മവി​ശ്വാ​സം വേണം. റീത്ത എന്ന പെൺകു​ട്ടി പറയുന്നു: “നിങ്ങൾക്കു പരി​ഭ്ര​മം ഉണ്ടെങ്കിൽ ചട്ടമ്പി അത്‌ മനസ്സി​ലാ​ക്കും. നിങ്ങളു​ടെ ആത്മവി​ശ്വാ​സം മുഴുവൻ ചോർത്തി​ക്ക​ള​യാൻ അയാൾ അത്‌ ഒരു കരുവാ​ക്കും.

  • ആരോടെങ്കിലും കാര്യം പറയുക. ഒരു സർവേ അനുസ​രിച്ച്‌, ഇന്റർനെ​റ്റി​ലൂ​ടെ​യു​ള്ള ഉപദ്ര​വ​ത്തിന്‌ ഇരയാ​കു​ന്ന പകുതി​യി​ല​ധി​കം പേരും അത്‌ പുറത്തു​പ​റ​യാ​റി​ല്ല. നാണ​ക്കേ​ടോ (പ്രത്യേ​കിച്ച്‌ ആൺകു​ട്ടി​കൾക്ക്‌) പ്രതി​ക​രി​ച്ചാൽ അവർ ഉപദ്ര​വി​ക്കും എന്ന ഭയമോ ഒക്കെയാണ്‌ കാരണം. പക്ഷേ ഒരു കാര്യം ഓർക്കുക: രഹസ്യ​മാ​ക്കി​വെ​ക്കു​ന്തോ​റും അവർക്കു വളം​വെ​ച്ചു​കൊ​ടു​ക്കു​ക​യാണ്‌. ആരോ​ടെ​ങ്കി​ലും പറയു​ന്ന​താണ്‌ ഇതിൽനിന്ന്‌ മോചനം നേടാ​നു​ള്ള ആദ്യപടി.