• നിങ്ങൾ എതിർലിം​ഗ​ത്തിൽപ്പെട്ട ഒരാളു​മാ​യി പതിവാ​യി പുറത്ത്‌ പോകാ​റുണ്ട്‌. അതിനർഥം നിങ്ങൾ പ്രണയി​ക്കു​ക​യാ​ണെ​ന്നാ​ണോ?

• നിങ്ങൾക്കും എതിർലിം​ഗ​ത്തിൽപ്പെട്ട ആ വ്യക്തി​ക്കും തമ്മിൽ ആകർഷണം തോന്നു​ന്നു. ദിവസ​ത്തിൽ പല പ്രാവ​ശ്യം നിങ്ങൾ മെസേ​ജു​കൾ അയയ്‌ക്കു​ക​യും ഫോണിൽ സംസാ​രി​ക്കു​ക​യും ചെയ്യുന്നു. അതിനർഥം നിങ്ങൾ പ്രണയി​ക്കു​ക​യാ​ണെ​ന്നാ​ണോ?

• സുഹൃ​ത്തു​ക്ക​ളു​മൊത്ത്‌ കൂടി​വ​രു​മ്പോ​ഴൊ​ക്കെ ആ വ്യക്തി​യോ​ടൊ​പ്പ​മാണ്‌ നിങ്ങൾ കൂടുതൽ സമയവും ചെലവ​ഴി​ക്കു​ന്നത്‌. അതിനർഥം നിങ്ങൾ പ്രണയി​ക്കു​ക​യാ​ണെ​ന്നാ​ണോ?

ആദ്യത്തെ ചോദ്യ​ത്തിന്‌ ഉത്തരം പറയാൻ ബുദ്ധി​മുട്ട്‌ തോന്നി​യി​ട്ടു​ണ്ടാ​വി​ല്ല. എന്നാൽ രണ്ടാമ​ത്തെ​യും മൂന്നാ​മ​ത്തെ​യും ചോദ്യം വായി​ച്ച​പ്പോൾ നിങ്ങൾ ഒരു നിമിഷം ചിന്തി​ച്ചി​ട്ടു​ണ്ടാ​കും. ഈ പ്രണയം എന്നൊക്കെ പറയു​ന്നത്‌ യഥാർഥ​ത്തിൽ എന്താണ്‌?

നിങ്ങൾക്ക്‌ ഒരാ​ളോട്‌ പ്രേമം തോന്നു​ക​യും അയാൾക്കും അതു​പോ​ലു​ള്ള താത്‌പ​ര്യം നിങ്ങ​ളോ​ടു തോന്നു​ക​യും ചെയ്യു​ന്നെ​ങ്കിൽ അതിനെ പ്രണയ​മെന്ന്‌ വിശേ​ഷി​പ്പി​ക്കാം.

അതു​കൊണ്ട്‌, മുകളിൽ കൊടു​ത്തി​ട്ടു​ള്ള മൂന്ന്‌ ചോദ്യ​ങ്ങ​ളു​ടെ​യും ഉത്തരം അതെ എന്നുത​ന്നെ​യാണ്‌. ഫോണി​ലൂ​ടെ​യോ നേരി​ട്ടോ, പൊതു​സ്ഥ​ല​ത്തോ സ്വകാ​ര്യ​ത​യി​ലോ, നിങ്ങൾ മറ്റേ വ്യക്തി​യോട്‌ പ്രത്യേക താത്‌പ​ര്യം കാണി​ക്കു​ക​യും അത്‌ പതിവാ​യി തുടരു​ക​യും ചെയ്യു​മ്പോൾ നിങ്ങൾ അയാളെ പ്രണയി​ക്കു​ന്നു എന്ന്‌ തെളി​യി​ക്കു​ക​യാണ്‌.

മാന്യ​മാ​യ ഒരു ഉദ്ദേശ്യ​മാണ്‌ അതിനു​ള്ളത്‌. വിവാ​ഹി​തർ ആകണോ വേണ്ടയോ എന്നു തീരു​മാ​നി​ക്കാൻ ഒരു സ്‌ത്രീ​യെ​യും പുരു​ഷ​നെ​യും അതു സഹായി​ക്കു​ന്നു.

എന്നാൽ നിങ്ങളു​ടെ കൂട്ടു​കാർക്ക്‌ ഒരുപക്ഷേ ഇതൊക്കെ വെറു​മൊ​രു നേരം​പോ​ക്കാ​യി​രി​ക്കാം. വിവാ​ഹം​ക​ഴി​ക്കു​ക എന്ന ഉദ്ദേശ്യം ലവലേ​ശ​മി​ല്ലാ​തെ എതിർലിം​ഗ​ത്തിൽപ്പെട്ട ഒരാളു​മാ​യി കറങ്ങു​ന്നത്‌ അവർക്ക്‌ ഇഷ്ടമാണ്‌. ചിലരാ​ക​ട്ടെ തങ്ങൾ ഏതോ വലിയ കാര്യം സാധി​ച്ച​താ​യോ തങ്ങളുടെ ആത്മാഭി​മാ​നം വർധി​പ്പി​ക്കു​ന്ന​തിന്‌ മറ്റുള്ള​വ​രു​ടെ മുമ്പിൽ ആളാകാ​നു​ള്ള ഒരു കാര്യ​മാ​യോ ഒക്കെ അതിനെ വീക്ഷി​ക്കു​ന്നു.

ഇത്തരത്തി​ലു​ള്ള ബന്ധങ്ങൾക്ക്‌ മിക്ക​പ്പോ​ഴും ആയുസ്സില്ല. “ഒരിക്ക​ലും പിരി​യി​ല്ലെന്ന്‌ മറ്റുള്ളവർ കരുതി​യേ​ക്കാ​വു​ന്ന പല പ്രണയ​ബ​ന്ധ​ങ്ങൾപോ​ലും രണ്ട്‌ ആഴ്‌ച​പോ​ലും ആയുസ്സി​ല്ലാ​തെ തകരുന്നു” എന്ന്‌ ഹീതർ എന്ന ചെറു​പ്പ​ക്കാ​രി പറയുന്നു. ഇതിലൂ​ടെ “ആളുകൾ തമ്മിലുള്ള ബന്ധങ്ങൾ താത്‌കാ​ലി​ക​മാ​ണെന്ന ധാരണ​യാണ്‌ അവർക്കു ലഭിക്കു​ന്നത്‌. ഇത്‌, നീണ്ടു​നിൽക്കു​ന്ന വിവാ​ഹ​ബ​ന്ധ​ത്തി​ലേ​ക്കല്ല പകരം എത്രയും പെട്ടെന്ന്‌ വിവാ​ഹ​മോ​ചി​ത​രാ​കാ​നാണ്‌ അവരെ ഒരുക്കു​ന്നത്‌” എന്ന്‌ അവൾ പറയുന്നു.

നിങ്ങൾ ആരോ​ടെ​ങ്കി​ലും പ്രേമ​പൂർവം ഇടപെ​ടു​ന്നെ​ങ്കിൽ ആ വ്യക്തി​യു​ടെ വികാ​ര​ങ്ങ​ളെ ഇളക്കു​ക​യാ​ണെന്ന്‌ ഓർക്കുക. അതു​കൊണ്ട്‌, മാന്യ​വും പവി​ത്ര​വും ആയ ലക്ഷ്യ​ത്തോ​ടെ​യാണ്‌ നിങ്ങൾ അതിനു തുനി​യു​ന്ന​തെന്ന്‌ ഉറപ്പു​വ​രു​ത്തു​ക.—ലൂക്കോസ്‌ 6:31.

ചിന്തിച്ചു നോക്കുക: ഒന്ന്‌ എടുത്തു​നോ​ക്കി ഓമനി​ച്ച​ശേ​ഷം വലി​ച്ചെ​റി​ഞ്ഞു​ക​ള​യു​ന്ന ഒരു കളിപ്പാ​വ​യെ​പ്പോ​ലെ, നിങ്ങളു​ടെ വികാ​ര​ങ്ങ​ളെ പന്താടുന്ന ഒരാളെ നിങ്ങൾ ഇഷ്ടപ്പെ​ടു​മോ? ഇല്ല അല്ലേ? എങ്കിൽ മറ്റുള്ള​വ​രോ​ടും അങ്ങനെ ചെയ്യാ​തി​രി​ക്കു​ക! കാരണം, സ്‌നേഹം “അയോ​ഗ്യ​മാ​യി പെരു​മാ​റു​ന്നി​ല്ല” എന്നാണു ബൈബിൾ പറയു​ന്നത്‌.—1 കൊരി​ന്ത്യർ 13:4, 5.

ചെൽസി എന്ന ചെറു​പ്പ​ക്കാ​രി പറയുന്നു: പ്രേമി​ച്ചു​ന​ട​ക്കു​ന്നത്‌ ഒരു രസമുള്ള കാര്യ​മാ​ണെന്ന്‌ ഞാൻ ചിന്തി​ച്ചു​പോ​കാ​റുണ്ട്‌. എന്നാൽ ഒരു വ്യക്തി അതിനെ ഗൗരവ​മാ​യി കാണു​ക​യും മറ്റേ വ്യക്തി അതിന്‌ പുല്ലു​വി​ല കല്‌പി​ക്കു​ക​യും ചെയ്യു​മ്പോൾ അത്‌ തീരെ രസിക്കുന്ന കാര്യമല്ല.

ചെയ്യാ​നാ​കു​ന്നത്‌: പ്രേമ​ത്തി​നാ​യും വിവാ​ഹ​ത്തി​നാ​യും നിങ്ങളെ ഒരുക്കു​ന്ന​തിന്‌ 2 പത്രോസ്‌ 1:5-7 വായിച്ച്‌ പുരോ​ഗ​തി വരുത്തേണ്ട ഒരു ഗുണം തിര​ഞ്ഞെ​ടു​ക്കു​ക. ഒരു മാസത്തി​നു ശേഷം ആ ഗുണ​ത്തെ​ക്കു​റിച്ച്‌ എന്തെല്ലാം പഠി​ച്ചെ​ന്നും ആ ഗുണം പ്രകടി​പ്പി​ക്കു​ന്ന​തിൽ എത്ര​ത്തോ​ളം പുരോ​ഗ​തി വരുത്തി​യി​ട്ടു​ണ്ടെ​ന്നും കാണുക.

• പ്രണയം തുടങ്ങാ​നു​ള്ള പ്രായം എത്രയാ​ണെ​ന്നാണ്‌ നിങ്ങൾ വിചാ​രി​ക്കു​ന്നത്‌?

• ഈ ചോദ്യം മാതാ​പി​താ​ക്ക​ളിൽ ആരോ​ടെ​ങ്കി​ലും ചോദി​ക്കു​ക.

മിക്കവാ​റും അവർ നൽകുന്ന ഉത്തരം നിങ്ങളു​ടേ​തിൽനിന്ന്‌ വ്യത്യ​സ്‌ത​മാ​യി​രി​ക്കും. ചിലപ്പോൾ, നിങ്ങളു​ടെ അതേ അഭി​പ്രാ​യം​ത​ന്നെ​യാ​ണെ​ന്നും വരാം! തങ്ങളെ​ക്കു​റി​ച്ചു​ത​ന്നെ നന്നായി മനസ്സി​ലാ​കു​ന്ന​തു​വ​രെ പ്രേമം തുടങ്ങേണ്ട എന്നു ജ്ഞാനപൂർവം ചില ചെറു​പ്പ​ക്കാർ തീരു​മാ​നി​ച്ചി​രി​ക്കു​ന്നു. നിങ്ങൾ ചില​പ്പോൾ അവരുടെ ഗണത്തി​ലാ​കാം.

അങ്ങനെ ചെയ്യാ​നാണ്‌ ഡാന്യേല എന്ന 17-കാരി തീരു​മാ​നി​ച്ചത്‌. അവൾ പറയുന്നു: “എന്നെ കല്യാണം കഴിക്കുന്ന വ്യക്തിക്ക്‌ എന്തെല്ലാം ഗുണങ്ങ​ളാണ്‌ ഉണ്ടായി​രി​ക്കേ​ണ്ട​തെന്ന്‌ രണ്ടു വർഷം മുമ്പ്‌ ചിന്തി​ച്ചി​രു​ന്ന​തിൽനിന്ന്‌ തികച്ചും വ്യത്യ​സ്‌ത​മാണ്‌ ഇന്നത്തെ എന്റെ ചിന്ത. ഇപ്പോൾപ്പോ​ലും ഇത്ര ഗൗരവാ​വ​ഹ​മാ​യ തീരു​മാ​ന​മെ​ടു​ക്കാൻ ഞാൻ പ്രാപ്‌ത​യാ​യി എന്ന്‌ എനിക്കു തോന്നു​ന്നി​ല്ല. അതു​കൊണ്ട്‌ എന്റെ ചിന്താ​ഗ​തി രണ്ടുമൂ​ന്നു വർഷ​ത്തേ​ക്കെ​ങ്കി​ലും മാറ്റമി​ല്ലാ​തെ തുടരു​ന്നത്‌ എപ്പോ​ഴാ​ണോ അപ്പോൾ മാത്രമേ ഞാൻ പ്രണയ​ത്തെ​ക്കു​റിച്ച്‌ ചിന്തി​ക്കു​ക​യു​ള്ളൂ എന്ന്‌ ഞാൻ തീരു​മാ​ന​മെ​ടു​ത്തു.”

കാത്തി​രി​ക്കു​ന്ന​താണ്‌ ബുദ്ധി എന്നു പറയാൻ മറ്റൊരു കാരണം കൂടി​യുണ്ട്‌. ലൈം​ഗി​ക​വി​കാ​ര​ങ്ങ​ളും പ്രണയ​ചി​ന്ത​ക​ളും തിളച്ചു​മ​റി​യു​ന്ന കാലഘ​ട്ട​ത്തെ വിശേ​ഷി​പ്പി​ക്കാൻ ബൈബിൾ “നവയൗ​വ​നം” എന്ന പദമാണ്‌ ഉപയോ​ഗി​ക്കു​ന്നത്‌. (1 കൊരി​ന്ത്യർ 7:36) നിങ്ങൾ ഈ ഘട്ടത്തി​ലാ​യി​രി​ക്കെ, എതിർലിം​ഗ​ത്തിൽപ്പെട്ട ഒരു വ്യക്തി​യിൽ പ്രത്യേ​ക​താ​ത്‌പ​ര്യം കാണി​ക്കു​ന്നത്‌ ലൈം​ഗി​കാ​ഗ്ര​ഹ​ത്തി​ന്റെ തീ ആളിക്ക​ത്താ​നും അങ്ങനെ ദുർന​ട​ത്ത​യി​ലേക്ക്‌ വഴുതി​വീ​ഴാ​നും ഇടയാ​ക്കി​യേ​ക്കും.

ഇത്‌ നിങ്ങളു​ടെ കൂട്ടു​കാർക്ക്‌ ഒരു പ്രശ്‌ന​മേ അല്ലായി​രി​ക്കാം. കാരണം അവരിൽ പലരും ലൈം​ഗി​ക​ത​യിൽ ഏർപ്പെ​ടാൻ അവസരം അന്വേ​ഷി​ച്ചു​ന​ട​ക്കു​ന്ന​വ​രാ​യി​രി​ക്കാം. അത്തരം ചിന്താ​ഗ​തി​യെ നിങ്ങൾക്കു കീഴട​ക്കാ​നാ​കും. അല്ല, കീഴട​ക്കു​ക​ത​ന്നെ വേണം. (റോമർ 12:2) “പരസംഗത്തില്‌നിന്ന്‌ ഓടിയകലുവിൻ” എന്നാണ​ല്ലോ ബൈബിൾ പറയു​ന്നത്‌. (1 കൊരി​ന്ത്യർ 6:18) “നവയൗ​വ​നം” പിന്നി​ടു​ന്ന​തു​വ​രെ കാത്തി​രി​ക്കു​ന്ന​തി​ലൂ​ടെ ‘ഹൃദയ​ത്തിൽനി​ന്നു വ്യസനം അകറ്റാൻ’ നിങ്ങൾക്കു കഴിയും.—സഭാ​പ്ര​സം​ഗ​കൻ 11:10.

പ്രണയി​ക്കാ​നു​ള്ള സമയമാ​കു​ന്ന​തി​നു മുമ്പ്‌ അതി​ലേക്ക്‌ എടുത്തു​ചാ​ടു​ന്നത്‌ പുതു​താ​യി ചേർന്ന ഒരു കോഴ്‌സി​ന്റെ അവസാ​ന​വർഷ​പ​രീ​ക്ഷ എഴുതാ​നി​രി​ക്കു​ന്ന​തു​പോ​ലെ​യാണ്‌. അതൊ​രി​ക്ക​ലും ശരിയാ​കി​ല്ലെ​ന്നു നിങ്ങൾക്ക്‌ അറിയാം. കാരണം പരീക്ഷ​യിൽ എന്തെല്ലാം ചോദ്യ​ങ്ങ​ളാണ്‌ വരാൻപോ​കു​ന്ന​തെന്ന്‌ അറിയാൻ ആ വിഷയ​ത്തെ​ക്കു​റിച്ച്‌ പഠി​ക്കേ​ണ്ട​തുണ്ട്‌. അതിന്‌ സമയം ആവശ്യ​മാണ്‌.

പ്രണയ​ത്തി​ന്റെ കാര്യ​ത്തി​ലും ഇത്‌ സത്യമാണ്‌.

അത്‌ കുട്ടി​ക്ക​ളി​യല്ല. അതു​കൊണ്ട്‌ ഒരു വ്യക്തി​യു​മാ​യി പ്രണയ​ത്തി​ലാ​കു​ന്ന​തി​നു മുമ്പ്‌ എങ്ങനെ സൗഹൃദം വളർത്തി​യെ​ടു​ക്കാം എന്ന സുപ്ര​ധാ​ന​മാ​യ ഒരു “വിഷയ​ത്തെ​ക്കു​റിച്ച്‌” പഠിക്കാൻ നിങ്ങൾ സമയം കണ്ടെത്തണം.

പിന്നീട്‌ നിങ്ങൾക്ക്‌ ഇണങ്ങിയ ആ വ്യക്തിയെ കണ്ടുമു​ട്ടു​മ്പോൾ നല്ല അടിത്ത​റ​യു​ള്ള ഒരു ബന്ധം സ്ഥാപി​ക്കാ​നു​ള്ള സ്ഥാനത്താ​യി​രി​ക്കും നിങ്ങൾ. കാരണം രണ്ട്‌ നല്ല സുഹൃ​ത്തു​ക്ക​ളു​ടെ സംയോ​ജ​ന​മാണ്‌ വിജയ​പ്ര​ദ​മാ​യ വിവാ​ഹ​ത്തി​നു നിദാനം.

പ്രണയി​ക്കാൻ കാത്തി​രി​ക്കു​ന്നത്‌ നിങ്ങളു​ടെ സ്വാത​ന്ത്ര്യം കവർന്നെ​ടു​ക്കു​ന്നി​ല്ല. പകരം ‘യൗവന​കാ​ലം ആസ്വദി​ക്കാൻ’ കൂടുതൽ ഇടമൊ​രു​ക്കു​ക​യാ​ണു ചെയ്യു​ന്നത്‌. (സഭാപ്രസംഗകൻ 11:9) കൂടാതെ, നിങ്ങളു​ടെ വ്യക്തി​ത്വം മെച്ചെ​പ്പെ​ടു​ത്താ​നും അതി​നെ​ക്കാൾ പ്രധാ​ന​മാ​യി ദൈവ​വു​മാ​യു​ള്ള ബന്ധം വളർത്തി​യെ​ടു​ക്കാ​നും ഉള്ള സമയം നിങ്ങൾക്കു ലഭിക്കു​ക​യും ചെയ്യും.—വിലാ​പ​ങ്ങൾ 3:27

ഈ സമയത്ത്‌ എതിർലിം​ഗ​ത്തിൽപ്പെ​ട്ട​വ​രു​മാ​യുള്ള ചങ്ങാത്തം നിങ്ങൾക്ക്‌ ആസ്വദി​ക്കാ​വു​ന്ന​താണ്‌. അതിന്‌ എങ്ങനെ കഴിയും? മുതിർന്ന​വർ മേൽനോ​ട്ടം വഹിക്കുന്ന സ്‌ത്രീ​പു​രു​ഷ​ന്മാ​രു​ടെ കൂടി​വ​ര​വു​ക​ളിൽ സംബന്ധി​ക്കു​ക. ഇതെക്കു​റിച്ച്‌ ടാമി എന്ന പെൺകു​ട്ടി പറയുന്നു: “ഇത്‌ നല്ല രസമുള്ള പരിപാ​ടി​യാണ്‌. കുറേ സുഹൃ​ത്തു​ക്കൾ ഉള്ളത്‌ ഒരു നല്ല കാര്യ​മാ​ണ​ല്ലോ.” മോണിക്ക അതി​നോ​ടു യോജി​ക്കു​ന്നു. അവൾ പറയുന്നു: “ഈ കൂടി​വ​ര​വു​കൾ നല്ലൊരു ഐഡി​യ​യാണ്‌. വ്യത്യ​സ്‌ത വ്യക്തി​ത്വ​ങ്ങ​ളു​ള്ള ആളുക​ളു​മാ​യി ഇടപഴ​കാൻ അത്‌ അവസര​മൊ​രു​ക്കു​ന്നു.”

നേരെ​മ​റിച്ച്‌ ഒരാളിൽ മാത്ര​മാ​യി നിങ്ങളു​ടെ മുഴുവൻ താത്‌പ​ര്യ​വും ഒതുക്കി​വെ​ക്കു​ന്നെ​ങ്കിൽ വലിയ ഹൃദയ​വേ​ദന നിങ്ങളെ കാത്തി​രി​ക്കു​ന്നെന്ന്‌ ഓർക്കുക. അതു​കൊണ്ട്‌ തിടുക്കം കൂട്ടരുത്‌. പ്രണയ​ത്തി​നു മുമ്പു​വ​രെ​യു​ള്ള സമയം ആളുക​ളു​മാ​യു​ള്ള സൗഹൃദം നട്ടുവ​ളർത്താ​നും നിലനി​റു​ത്താ​നും എങ്ങനെ കഴിയു​മെന്ന്‌ പഠിക്കാൻ ഉപയോ​ഗി​ക്കു​ക. പിന്നീട്‌, പ്രണയി​ക്കാൻ തീരു​മാ​ന​മെ​ടു​ക്കു​മ്പോൾ നിങ്ങൾ ഏതു തരത്തി​ലു​ള്ള വ്യക്തി​യാ​ണെ​ന്നും നിങ്ങളു​ടെ ജീവി​ത​സ​ഖി​യിൽ നിങ്ങൾ പ്രതീ​ക്ഷി​ക്കു​ന്ന ഗുണഗ​ണ​ങ്ങൾ എന്തൊ​ക്കെ​യാ​ണെ​ന്നും ഉള്ളതി​നെ​ക്കു​റിച്ച്‌ വ്യക്തമായ ധാരണ​യു​ണ്ടാ​യി​രി​ക്കാൻ അതു നിങ്ങളെ സഹായി​ക്കും.