വിവരങ്ങള്‍ കാണിക്കുക

രണ്ടാംഘട്ട മെനു കാണിക്കുക

ഉള്ളടക്കം കാണിക്കുക

യഹോവയുടെ സാക്ഷികൾ

മലയാളം

വീക്ഷാഗോപുരം  |  2014 ഒക്ടോബര്‍ 

 ഞങ്ങളുടെ വായനക്കാർ ചോദിക്കുന്നു . . .

ആരാണ്‌ ദൈവത്തെ സൃഷ്ടി​ച്ചത്‌?

ആരാണ്‌ ദൈവത്തെ സൃഷ്ടി​ച്ചത്‌?

തന്‍റെ ഏഴു വയസ്സുള്ള മകനോട്‌ സംസാ​രി​ക്കു​ന്ന ഒരു പിതാ​വി​നെ മനസ്സിൽകാ​ണു​ക. പിതാവ്‌ ഇങ്ങനെ പറയുന്നു: “പണ്ടുപണ്ട് ദൈവം ഭൂമി​യും അതിലു​ള്ള​തൊ​ക്കെ​യും ഉണ്ടാക്കി. കൂടാതെ സൂര്യ​നെ​യും ചന്ദ്ര​നെ​യും നക്ഷത്ര​ങ്ങ​ളെ​യും അവൻ സൃഷ്ടിച്ചു.” ഇതേക്കു​റിച്ച് ഒരു നിമിഷം ചിന്തി​ച്ച​ശേ​ഷം കുട്ടി ഇങ്ങനെ ചോദി​ക്കു​ന്നു, “ഡാഡി, ആരാണ്‌ ദൈവത്തെ ഉണ്ടാക്കി​യത്‌?”

“ദൈവത്തെ ആരും ഉണ്ടാക്കി​യ​തല്ല. അവൻ എല്ലായ്‌പോ​ഴും ഉണ്ടായി​രു​ന്നു.” ലളിത​മാ​യ ഈ ഉത്തരം കുട്ടിയെ തത്‌കാ​ലം തൃപ്‌തി​പ്പെ​ടു​ത്തു​ന്നു. എന്നാൽ, അവൻ വളർന്നു​വ​ര​വേ ഈ ചോദ്യം അവനെ അമ്പരപ്പി​ക്കു​ന്നു. ആരംഭ​മി​ല്ലാ​തെ ഒരു വ്യക്തി അസ്‌തി​ത്വ​ത്തി​ലു​ണ്ടാ​യി​രി​ക്കുക എന്ന ആശയം അവന്‌ ഉൾക്കൊ​ള്ളാൻ കഴിയു​ന്നി​ല്ല. ഈ പ്രപഞ്ച​ത്തി​നു​പോ​ലും ഒരു ആരംഭ​മു​ണ്ടാ​യി​രു​ന്ന​ല്ലോ. ‘അങ്ങനെ​യെ​ങ്കിൽ ദൈവം എവി​ടെ​നി​ന്നു വന്നു?’ അവൻ അതിശ​യി​ക്കു​ന്നു.

ബൈബിൾ എങ്ങനെ​യാണ്‌ അതിന്‌ ഉത്തരം നൽകു​ന്നത്‌? ദൃഷ്ടാ​ന്ത​ത്തി​ലു​ള്ള പിതാവ്‌ ഉത്തരം കൊടു​ത്ത​തു​പോ​ലെ​തന്നെ. മോശ ഇങ്ങനെ എഴുതി: “കർത്താവേ, . . . പർവ്വതങ്ങൾ ഉണ്ടായ​തി​ന്നും നീ ഭൂമി​യെ​യും ഭൂമണ്ഡ​ല​ത്തെ​യും നിർമ്മി​ച്ച​തി​ന്നും മുമ്പേ നീ അനാദിയായും ശാശ്വമായും ദൈവം ആകുന്നു.” (സങ്കീർത്ത​നം 90:1, 2) അതു​പോ​ലെ പ്രവാ​ച​ക​നാ​യ യെശയ്യാ​വും ഇങ്ങനെ ഉദ്‌ഘോ​ഷി​ച്ചു: “നിനക്ക​റി​ഞ്ഞു​കൂ​ട​യോ? നീ കേട്ടി​ട്ടി​ല്ല​യോ? യഹോവ നിത്യദൈവം; ഭൂമി​യു​ടെ അറുതി​ക​ളെ സൃഷ്ടി​ച്ച​വൻ തന്നേ.” (യെശയ്യാ​വു 40:28) അതു​പോ​ലെ, ദൈവം ‘സർവ്വകാ​ല​ത്തി​ന്നു​മുമ്പ്’ ഉണ്ടായി​രു​ന്നി​ട്ടു​ള്ള​താ​യി യൂദാ​യു​ടെ ലേഖന​വും പറയുന്നു.—യൂദാ 25.

മേൽപ്പറഞ്ഞ ബൈബിൾവാ​ക്യ​ങ്ങൾ, യേശു​വി​ന്‍റെ ശിഷ്യ​നാ​യ പൗലോസ്‌ പറഞ്ഞതു​പോ​ലെ ദൈവം “നിത്യ​രാ​ജാ​വാ”ണെന്ന് നമുക്കു കാണി​ച്ചു​ത​രു​ന്നു. (1 തിമൊ​ഥെ​യൊസ്‌ 1:17) നാം എത്രതന്നെ പുറകി​ലേ​ക്കു ചിന്തി​ച്ചാ​ലും ദൈവം എല്ലായ്‌പോ​ഴും ഉണ്ടായി​രു​ന്നി​ട്ടു​ണ്ടെ​ന്നാണ്‌ അത്‌ അർഥമാ​ക്കു​ന്നത്‌. ഭാവി​യിൽ എക്കാല​വും അവൻ ഉണ്ടായി​രി​ക്കു​ക​യും ചെയ്യും. (വെളി​പാട്‌ 1:8) സർവശ​ക്ത​ന്‍റെ ഒരു അടിസ്ഥാ​ന​സ​വി​ശേ​ഷ​ത​യാണ്‌ അവന്‍റെ നിത്യ​മാ​യ അസ്‌തി​ത്വം.

എന്തു​കൊ​ണ്ടാണ്‌ ഈ ആശയം ഗ്രഹി​ക്കാൻ നമുക്കു ബുദ്ധി​മുട്ട് തോന്നു​ന്നത്‌? കാരണം, ഹ്രസ്വ​മാ​യ ഒരു ജീവകാ​ല​മേ നമുക്കു​ള്ളൂ. അതു​കൊ​ണ്ടു​ത​ന്നെ സമയ​ത്തെ​ക്കു​റി​ച്ചു​ള്ള യഹോ​വ​യു​ടെ കാഴ്‌ച​പ്പാ​ടിൽനി​ന്നും തികച്ചും വ്യത്യ​സ്‌ത​മാണ്‌ നമ്മു​ടേത്‌. ദൈവം നിത്യം ജീവി​ക്കു​ന്ന​വ​നാണ്‌, അവന്‌ ആയിരം വർഷം ഒരു ദിവസം​പോ​ലെ​യും. (2 പത്രോസ്‌ 3:8) ഉദാഹ​ര​ണ​ത്തിന്‌, 50 ദിവസം മാത്രം ജീവി​ക്കു​ന്ന പൂർണ​വ​ളർച്ച​യെ​ത്തി​യ ഒരു പുൽച്ചാ​ടിക്ക് 70-ഓ 80-ഓ വർഷത്തെ നമ്മുടെ ജീവ​ദൈർഘ്യം മനസ്സി​ലാ​ക്കാ​നാ​കു​മോ? ഒരിക്ക​ലു​മി​ല്ല! മഹാ​സ്ര​ഷ്ടാ​വി​നോ​ടുള്ള താരത​മ്യ​ത്തിൽ ബൈബിൾ നമ്മെ ഒരു പുൽച്ചാ​ടി​യോട്‌ ഉപമി​ക്കു​ന്നു. കാര്യങ്ങൾ വിവേ​ചി​ക്കാ​നു​ള്ള നമ്മുടെ പ്രാപ്‌തി അവന്‍റേ​തി​നോ​ടു​ള്ള താരത​മ്യ​ത്തിൽ വളരെ കുറവാണ്‌. (യെശയ്യാ​വു 40:22; 55:8, 9) അതു​കൊണ്ട്, യഹോ​വ​യോ​ടു​ള്ള ബന്ധത്തിൽ, ചില കാര്യങ്ങൾ മനുഷ്യ​നു ഗ്രഹി​ക്കാ​വു​ന്ന​തി​നും അപ്പുറ​മാ​യി​രി​ക്കും എന്നതിൽ അതിശ​യി​ക്കാ​നി​ല്ല.

ദൈവം എക്കാല​വും ഉണ്ടായി​രു​ന്നി​ട്ടുണ്ട് എന്ന ആശയം ഗ്രഹി​ക്കാൻ നമുക്കു ബുദ്ധി​മുട്ട് തോന്നി​യേ​ക്കാ​മെ​ങ്കി​ലും അത്‌ യുക്തിക്കു നിരക്കു​ന്ന​താണ്‌. മറ്റ്‌ ആരെങ്കി​ലു​മാണ്‌ ദൈവത്തെ സൃഷ്ടി​ച്ച​തെ​ങ്കിൽ ആ വ്യക്തി​യാ​യി​രി​ക്ക​ണം സ്രഷ്ടാവ്‌. എന്നാൽ, ‘സകലവും സൃഷ്ടി​ച്ചത്‌’ യഹോ​വ​യാണ്‌ എന്ന് ബൈബിൾ പറയുന്നു. (വെളി​പാട്‌ 4:11) ഒരുകാ​ലത്ത്‌ പ്രപഞ്ച​മു​ണ്ടാ​യി​രു​ന്നില്ല എന്ന കാര്യ​വും നമുക്ക് അറിയാം. (ഉല്‌പത്തി 1:1, 2) അങ്ങനെ​യെ​ങ്കിൽ, അത്‌ എങ്ങനെ ഉളവായി? ഒരു സ്രഷ്ടാവ്‌ ആദ്യം ഉണ്ടായി​രു​ന്നെ​ങ്കിൽ മാത്രമേ പ്രപഞ്ച​ത്തി​ന്‍റെ സൃഷ്ടി സാധി​ക്കു​മാ​യി​രു​ന്നു​ള്ളൂ. അതു​കൊണ്ട്, തന്‍റെ ഏകജാ​ത​നാ​യ പുത്ര​നും ദൂതന്മാ​രും അടക്കമുള്ള ഏതൊരു ബുദ്ധി​ശ​ക്തി​യു​ള്ള വ്യക്തി​ക്കും മുമ്പേ ദൈവ​മു​ണ്ടാ​യി​രു​ന്നു. (ഇയ്യോബ്‌ 38:4, 7; കൊ​ലോ​സ്യർ 1:15) വ്യക്തമാ​യും, തുടക്ക​ത്തിൽ ദൈവം മാത്രമേ ഉണ്ടായി​രു​ന്നു​ള​ളൂ. അവനെ സൃഷ്ടി​ക്കാ​നാ​യി മറ്റാരും ഇല്ലാതി​രു​ന്ന​തി​നാൽ, അവനെ ആരും സൃഷ്ടി​ച്ച​തല്ല.

നമ്മു​ടെ​ത​ന്നെ​യും ഈ മുഴു​പ്ര​പ​ഞ്ച​ത്തി​ന്‍റെ​യും അസ്‌തി​ത്വം, എക്കാല​വും ഉണ്ടായി​രു​ന്നി​ട്ടു​ള്ള ഒരു ദൈവ​ത്തി​ന്‍റെ അസ്‌തി​ത്വ​ത്തി​നു തെളിവു നൽകുന്നു. ഈ ബൃഹത്‌പ്ര​പ​ഞ്ച​ത്തെ ചലിപ്പി​ക്കു​ന്ന ഒരുവൻ, അതിനെ നിയ​ന്ത്രി​ക്കാൻ നിയമങ്ങൾ ആവിഷ്‌ക​രി​ച്ച ഒരുവൻ എല്ലാക്കാ​ല​ത്തും ഉണ്ടായി​രു​ന്നേ മതിയാ​കൂ. മറ്റുള്ള സകലത്തി​നും ജീവശ്വാ​സം പകരാൻ അവനേ കഴിയൂ.—ഇയ്യോബ്‌ 33:4. ▪ (w14-E 08/01)

കൂടുതല്‍ അറിയാന്‍

ബൈബിൾ യഥാർഥത്തിൽ എന്തു പഠിപ്പിക്കുന്നു?

ദൈവത്തെക്കുറിച്ചുള്ള സത്യം എന്ത്?

ദൈവം നിങ്ങളിൽ വ്യക്തിമായ താത്‌പര്യം എടുക്കുന്നുണ്ടോ? ദൈവം എങ്ങനെയുള്ളനാണെന്നും അവനോട്‌ എങ്ങനെ അടുത്തു ചെല്ലാമെന്നും അറിയാൻ വായിക്കുക.

യഹോയോട്‌ അടുത്തു ചെല്ലുവിൻ

‘യഹോവ മഹാശക്തിയുള്ളവൻ’

യഹോവ അതിശക്തനാതിനാൽ നാം അവനെ ഭയക്കേണ്ടതുണ്ടോ? വേണം എന്നും വേണ്ട എന്നും ആണ്‌ ഉത്തരം.Should God’s power make us fear him? Both yes and no are correct answers.