വിവരങ്ങള്‍ കാണിക്കുക

രണ്ടാംഘട്ട മെനു കാണിക്കുക

ഉള്ളടക്കം കാണിക്കുക

യഹോവയുടെ സാക്ഷികൾ

മലയാളം

വീക്ഷാഗോപുരം (പഠനപ്പതിപ്പ്)  |  2014 ജൂണ്‍ 

വി​വാ​ഹമോ​ചി​തരായ സഹവി​ശ്വാ​സി​കളെ എങ്ങനെ പിന്തു​ണയ്‌ക്കാം?

വി​വാ​ഹമോ​ചി​തരായ സഹവി​ശ്വാ​സി​കളെ എങ്ങനെ പിന്തു​ണയ്‌ക്കാം?

വി​വാ​ഹ​മോ​ചി​തരായ ആരെ​യെങ്കി​ലും നിങ്ങൾക്ക് അറി​യാ​മോ? ഒരുപക്ഷേ, പല​രെ​യും അറി​യു​മാ​യിരി​ക്കും. കാരണം വിവാ​ഹ​മോ​ചനം ഇന്ന് സർവ​സാധാ​രണ​മാണ്‌. വിവാ​ഹി​തരാ​യിട്ട് മൂ​ന്നുമു​തൽ ആറുവരെ വർഷങ്ങൾ കഴിഞ്ഞ 30-കളി​ലു​ള്ളവരാണ്‌ വിവാ​ഹ​മോ​ചനം നേടാൻ കൂടുതൽ സാധ്യ​തയു​ള്ളവ​രെന്ന് പോ​ള​ണ്ടിൽ നടന്ന ഒരു പഠനം വെളി​പ്പെ​ടുത്തി. എന്നാൽ ഈ പ്രാ​യത്തി​ലു​ള്ളവർ മാത്രമല്ല വിവാ​ഹ​മോ​ചനം നേ​ടു​ന്നത്‌.

സ്‌പെയിനിലെ കുടും​ബ​ങ്ങളെ​ക്കുറി​ച്ചുള്ള ഒരു സ്ഥാപനം റി​പ്പോർട്ടു ചെയ്യുന്നു: “സ്ഥി​തി​വിവ​രക്കണ​ക്കുകൾ അനു​സരിച്ച് (യൂ​റോ​പ്പിൽ) വിവാ​ഹി​തരാ​കുന്ന​വരിൽ പകു​തി​പ്പേരും വിവാ​ഹ​മോ​ചനം നേടും.” മറ്റു വിക​സിത​രാജ്യ​ങ്ങളി​ലും സ്ഥിതി ഏതാണ്ട് ഇങ്ങ​നെയൊ​ക്കെ​ത്തന്നെ​യാണ്‌.

​വൈ​കാ​രി​ക​സം​ഘർഷ​ങ്ങ​ളുടെ കുത്തൊഴുക്ക്

സർവ​സാ​ധാ​ര​ണ​മാ​യി​രി​ക്കുന്ന ഈ സംഭവത്തിന്‍റെ ഉൾക്കാ​മ്പിൽ എന്താ​ണു​ള്ളത്‌? പൂർവയൂ​റോ​പ്പിലെ പ്ര​ശസ്‌തയായ ഒരു വി​വാ​ഹോ​പദേ​ഷ്ടാവ്‌ ഇങ്ങനെ പറയുന്നു: “വിവാ​ഹ​മോ​ചനം, സംഭ​വി​ച്ചുക​ഴിഞ്ഞ ഒന്നിനെ, അതായത്‌ ബന്ധ​ങ്ങളി​ലെ തകർച്ച​യെയും അതിന്‍റെ ഫലമാ​യു​ണ്ടാ​കുന്ന വേർപിരി​യലി​നെയും, പിന്നീട്‌ ഔപ​ചാരി​കമാ​ക്കു​ന്നെന്നേ ഉള്ളൂ. വൈ​കാരി​കമാ​യി വള​രെയ​ധികം വേദ​നയു​ളവാ​ക്കുന്ന​താണ്‌ ബന്ധത്തിലെ ഈ തകർച്ച.” കൂടാതെ, “ദേഷ്യം, കു​റ്റബോ​ധം, നിരാശ, ആശാ​ഭം​ഗം, നാ​ണ​ക്കേട്‌ എന്നീ ശക്തമായ അനി​യന്ത്രി​തവികാ​രങ്ങൾ ഒരു കൊ​ടു​ങ്കാ​റ്റു​പോലെ ആഞ്ഞ​ടിക്കു​ന്നു” എന്ന് അവർ കൂട്ടി​ച്ചേർക്കു​ന്നു. ചി​ല​പ്പോൾ ആത്മ​ഹത്യ​യെ​ക്കുറി​ച്ചുള്ള ചി​ന്തക​ളും മന​സ്സി​ലേക്ക് വന്നേക്കാം. “ഒടുവിൽ കോ​ടതി​വിധി വന്നു​കഴി​ഞ്ഞാൽ അടുത്ത ഘട്ടം ആരം​ഭിക്കു​കയാ​യി—ശൂന്യ​താ​ബോ​ധവും ഒറ്റ​പ്പെട്ടു​വെന്ന തോ​ന്ന​ലും. വി​വാ​ഹമോ​ചി​തരായ ഇണകൾ ഇങ്ങനെ ചി​ന്തി​ച്ചേക്കാം: ‘ഞാൻ ശരിക്കും ഇനി ആരാണ്‌? ഞാൻ ആർക്കു​വേ​ണ്ടിയാണ്‌ ഇനി ജീ​വിക്കു​ന്നത്‌?’”

കുറച്ചു വർഷ​ങ്ങൾക്കു മു​മ്പു​ണ്ടായ സ്വന്തം അനു​ഭവ​ത്തെക്കു​റിച്ച് ഈവ ഇങ്ങനെ പറയുന്നു: “ഒടുവിൽ കോ​ടതി​വിധി വന്നപ്പോൾ, ‘വി​വാ​ഹമോ​ചി​തയായ സ്‌ത്രീ’ എന്ന് അയൽക്കാ​രും സഹ​പ്രവർത്തക​രും ഇനി മു​ദ്രകു​ത്തുമ​ല്ലോ എ​ന്നോർത്ത്‌ എനിക്ക് ആകെ നാ​ണ​ക്കേട്‌ തോന്നി. എന്തിനും ഏതിനും എനിക്ക് ദേഷ്യം വരും. എന്‍റെ രണ്ട് കൊ​ച്ചുകു​ട്ടി​കൾക്ക് ഞാൻ അച്ഛനും അമ്മയും ആയി​ത്തീരണ​മായി​രുന്നു.” * 12 വർഷമാ​യി ഒരു മൂപ്പ​നെന്ന​നില​യിൽ സഹോ​ദ​രങ്ങളു​ടെ ആദരവ്‌ നേടിയ ഒരാ​ളാ​യിരു​ന്നു ആഡം. എന്നാൽ വി​വാ​ഹമോ​ചന​ത്തിനു ശേഷം അദ്ദേഹം ഇങ്ങനെ പറയുന്നു: “എന്‍റെ ആത്മാ​ഭി​മാനം ആകെ വ്ര​ണ​പ്പെട്ടു. ചി​ല​പ്പോൾ ഞാൻ കോ​പം​കൊണ്ടു നിറ​യുമാ​യി​രുന്നു. എ​പ്പോ​ഴും എല്ലാ​വരിൽനി​ന്നും അക​ന്നുമാ​റാൻ ഞാൻ ആ​ഗ്രഹി​ച്ചു.”

സമചിത്തത കൈ​വരി​ക്കാ​നുള്ള കഠിനശ്രമം

ഭാ​വി​യെ​ക്കു​റി​ച്ചുള്ള ആകു​ല​തകൾ മൂലം പലർക്കും സമചിത്തത കൈവരി​ക്കാൻ കഠി​ന​ശ്രമം ചെ​യ്യേണ്ടി​വരു​ന്നു, വി​വാ​ഹമോ​ചന​ത്തിന്‌ വർഷ​ങ്ങൾക്കു ശേഷം​പോ​ലും. മറ്റു​ള്ളവർക്ക് തങ്ങളിൽ താത്‌പര്യ​മി​ല്ലെന്ന് അവർക്കു തോ​ന്നി​യേക്കാം. ത​ന്നെയു​മല്ല, ഈ മേ​ഖലയി​ലെ ഒരു കോ​ള​മെഴു​ത്തു​കാരൻ പറയു​ന്നതു​പോ​ലെ അവർക്ക് ഇനി​മു​തൽ “അവരുടെ ശീലങ്ങൾ മാ​റ്റേണ്ടി​വരും, പ്ര​ശ്‌നങ്ങൾ സ്വയം നേ​രി​ടാൻ പഠി​ക്കേ​ണ്ടിവ​രും.”

സ്റ്റാനീസ്വാഫ്‌ എന്ന സ​ഹോ​ദരൻ ഓർമി​ക്കുന്നു: “വി​വാ​ഹമോ​ചന​ത്തിനു ശേഷം എന്‍റെ മുൻഭാ​ര്യ എന്‍റെ രണ്ടു കൊ​ച്ചു​പെ​ണ്മക്ക​ളെയും കാണാൻ എന്നെ അനു​വദി​ച്ചില്ല. എനി​ക്കു​വേണ്ടി കരുതാൻ ഇനി ആരു​മി​ല്ലെന്ന് അപ്പോൾ ഞാൻ ചിന്തിച്ചു. മാത്രമല്ല, യഹോവ എന്നെ ഉപേ​ക്ഷിച്ചി​രി​ക്കും എന്നു​പോ​ലും എനിക്കു തോന്നി. ജീ​വിക്കാ​നുള്ള എന്‍റെ ആശ നശിച്ചു. പക്ഷേ, എന്‍റെ ചിന്ത എ​ത്രമാ​ത്രം തെ​റ്റാ​യിരു​ന്നു​വെന്ന് ഞാൻ പിന്നീട്‌ തി​രിച്ച​റിഞ്ഞു.” ഭാവി​യെ​ക്കുറി​ച്ചുള്ള അനി​ശ്ചി​തത്വം നിമിത്തം ആശ​ങ്കയി​ലായ വാൻഡ എന്നു പേരുള്ള വി​വാ​ഹമോ​ചി​തയായ  ഒരു സ​ഹോ​ദരി ഇങ്ങനെ പറയുന്നു: “കുറച്ചു കഴിഞ്ഞാൽ സ​ഹോദ​രങ്ങൾ ഉൾപ്പെടെ ആരും എന്‍റെയും കുട്ടി​കളു​ടെ​യും കാ​ര്യ​ത്തിൽ ഒരു താത്‌പര്യ​വും കാണി​ക്കി​ല്ലെന്നു​തന്നെ ഞാൻ വി​ചാരി​ച്ചു. എന്നി​രുന്നാ​ലും, സഹോ​ദര​ങ്ങളെ​ല്ലാം ഞങ്ങ​ളോ​ടൊപ്പം നിന്നതും, കു​ട്ടി​കളെ യ​ഹോവ​യുടെ ആരാ​ധക​രായി വളർത്തി​ക്കൊണ്ടു​വരാ​നുള്ള എന്‍റെ ശ്രമങ്ങളെ പി​ന്തുണ​ച്ചതും ഇപ്പോൾ എനിക്കു കാണാൻ കഴി​യു​ന്നു.”

വിവാഹമോചനത്തിനു ശേഷം ചിലർ നി​ഷേധാത്മ​കചിന്ത​കളിൽ മു​ങ്ങി​പ്പോ​കുന്ന​തായി മേൽപ്പറഞ്ഞ അഭി​പ്രായ​ങ്ങളിൽനിന്ന് നമുക്കു മന​സ്സിലാ​ക്കാം. തങ്ങൾ വി​ല​കെട്ടവ​രാ​ണെന്നും ഒന്നിനും കൊ​ള്ളാ​ത്തവ​രാ​ണെന്നും ഒക്കെ ചിന്തി​ച്ചു​കൊണ്ട് മോ​ശ​മായ ഒരു കാഴ്‌ച​പ്പാട്‌ അവർ വളർത്തി​യെ​ടു​ത്തേക്കാം. അ​തോ​ടൊപ്പം അവർ ചുറ്റു​മു​ള്ളവ​രെക്കു​റിച്ച് വി​മർശ​നമ​നോഭാ​വമു​ള്ളവർ ആയി​ത്തീരാ​നും ഇടയുണ്ട്. തത്‌ഫല​മായി, സഭാം​ഗങ്ങൾ തങ്ങ​ളോ​ടു സഹ​താ​പമി​ല്ലാത്ത​വരും നിർവി​കാര​രും ആണെന്ന് അവർ ചി​ന്തി​ച്ചേക്കാം. പക്ഷേ, തങ്ങളുടെ കാ​ര്യ​ത്തിൽ സ​ഹോദ​രീസ​ഹോ​ദരന്മാർക്കു യഥാർഥ​താത്‌പര്യ​മു​ണ്ടെന്ന് വി​വാഹ​മോ​ചിത​രായ​വർക്ക് തി​രി​ച്ചറി​യാനാ​കും. സ്റ്റാനീസ്വാഫിന്‍റെയും വാൻഡയു​ടെ​യും പോ​ലു​ള്ളവരു​ടെ അനു​ഭ​വങ്ങൾ അതാണ്‌ കാ​ണിക്കു​ന്നത്‌. സഹ​ക്രിസ്‌ത്യാ​നികൾ വി​വാ​ഹമോ​ചി​തർക്കു സവി​ശേ​ഷശ്രദ്ധ നൽകി​യി​ട്ടുണ്ട് എന്നത്‌ ഒരു യാ​ഥാർഥ്യ​മാണ്‌; ആദ്യ​മൊ​ക്കെ അത്‌ അവരുടെ ശ്രദ്ധ​യിൽപ്പെടാ​തെ പോ​യേക്കാ​മെങ്കി​ലും!

ഏ​കാ​ന്ത​ത​യും ഉപേ​ക്ഷി​ക്കപ്പെ​ട്ടെന്ന തോ​ന്ന​ലും കടന്നുകൂടുമ്പോൾ

നാം എത്ര നന്നായി പിന്തു​ണച്ചാ​ലും വി​വാ​ഹമോ​ചി​തരായ നമ്മുടെ സഹവി​ശ്വാ​സി​കൾക്ക് ഇടയ്‌ക്കി​ടെ ഏകാ​ന്തത​യുമാ​യി മല്ലി​ടേണ്ടി​വ​ന്നേക്കാ​മെന്ന് മനസ്സിൽപ്പി​ടി​ക്കുക. പ്ര​ത്യേ​കിച്ച് സ​ഹോ​ദരി​മാർക്കാ​ണെങ്കിൽ തങ്ങൾക്ക് ആരു​മി​ല്ലെന്ന തോ​ന്ന​ലും ഉണ്ടാ​യേ​ക്കാം. അലീറ്റ്‌സ്യ ഇങ്ങനെ സമ്മതിച്ചു പറയുന്നു: “ഞാൻ വി​വാ​ഹമോ​ചി​തയാ​യിട്ട് എട്ടു വർഷം കഴി​ഞ്ഞി​രിക്കു​ന്നു. ഇ​പ്പോ​ഴും എനി​ക്കെ​ന്തോ കുറ​വുള്ള​തായി എനിക്കു തോ​ന്നാ​റുണ്ട്. അത്തരം നി​മിഷ​ങ്ങളിൽ ഞാൻ ഒറ്റയ്‌ക്കാ​യിരി​ക്കാൻ ആ​ഗ്രഹി​ക്കും, കര​യുക​യും സ്വയം പരി​തപി​ക്കുക​യും ചെയ്യും.”

വിവാഹമോചനം നേടിയ ഒരു വ്യക്തി നാം ഇപ്പോൾ പരി​ചി​ന്തിച്ച വികാ​രങ്ങ​ളിലൂ​ടെ കടന്നു​പോ​കു​ന്നത്‌ സ്വാ​ഭാവി​കമാണ്‌. പക്ഷേ, സ്വയം ഒറ്റ​പ്പെ​ടുത്തു​ന്നതി​നെ​തിരെ, അതായത്‌ കൂ​ട്ടംവിട്ട് നടക്കു​ന്നതി​നെ​തിരെ, ബൈബിൾ മു​ന്നറി​യിപ്പു നൽകുന്നു. ഈ മു​ന്നറി​യിപ്പ് അവഗ​ണിക്കു​ന്നവർ “സകല​ജ്ഞാന​ത്തോ​ടും” മത്സരി​ക്കു​കയാണ്‌. (സദൃ. 18:1) എതിർലിം​ഗവർഗത്തിൽപ്പെട്ട ഒരാ​ളിൽനിന്ന് തു​ടർച്ച​യായി ബുദ്ധി​യു​പദേ​ശമോ ആശ്വാ​സ​മോ തേ​ടു​ന്നത്‌ ഒഴി​വാക്കു​ന്നതാണ്‌ ജ്ഞാനം. ഇക്കാര്യം ഏകാന്തത അനു​ഭവ​പ്പെടുന്ന ഒരു വ്യക്തി തി​രി​ച്ചറി​യേണ്ട​തുണ്ട്. അങ്ങ​നെയാ​കു​മ്പോൾ അനു​ചി​തമായ പ്രണ​യവി​കാ​രങ്ങൾ വളർന്നു​വരാൻ ഇടയാ​കു​കയില്ല.

വിവാഹമോചിതരായ നമ്മുടെ സഹവി​ശ്വാ​സി​കൾ കഠി​ന​മായ വൈകാ​രിക​സംഘർഷങ്ങ​ളുടെ തിര​മാല​കളാൽ പ്രഹ​രിക്ക​പ്പെ​ട്ടേക്കാം. ഭാവി​യെ​ക്കുറി​ച്ചുള്ള ആകു​ലത​യും ഏകാ​ന്തത​യും ഉപേ​ക്ഷി​ക്കപ്പെ​ട്ടെന്ന തോ​ന്ന​ലും ഒക്കെ അതിൽ ഉൾപ്പെ​ടാം. അത്തരം വി​കാ​രങ്ങൾ സ്വാ​ഭാവി​കമാ​ണെന്നും അ​തേസ​മയം നേ​രി​ടാൻ ബു​ദ്ധി​മുട്ടു​ള്ളവ​യാ​ണെന്നും നമ്മൾ മനസ്സി​ലാ​ക്കുന്നു. അതു​കൊണ്ട്, അങ്ങ​നെ​യുള്ള സ​ഹോ​ദരീ​സഹോ​ദര​ന്മാരെ ആത്മാർഥ​മായി പിന്തു​ണച്ചു​കൊണ്ട് നാം യ​ഹോ​വയെ അനു​കരി​ക്കണം. (സങ്കീ. 55:22; 1 പത്രോ. 5:6, 7) അവർക്കാ​യി നമ്മൾ ചെയ്യുന്ന ഏതു സഹാ​യ​വും അവർ വില​മതി​ക്കു​മെന്ന കാ​ര്യ​ത്തിൽ നമുക്ക് സംശയം വേണ്ടാ. തീർച്ചയാ​യും, അവർക്ക് സഭയിലെ യഥാർഥസുഹൃത്തുക്കളിൽനിന്നു സഹായം ലഭി​ക്കു​കതന്നെ ചെയ്യും!—സദൃ. 17:17; 18:24.

^ ഖ. 6 ചില പേരുകൾ മാറ്റി​യി​ട്ടുണ്ട്.