വിവരങ്ങള്‍ കാണിക്കുക

രണ്ടാംഘട്ട മെനു കാണിക്കുക

ഉള്ളടക്കം കാണിക്കുക

യഹോവയുടെ സാക്ഷികൾ

മലയാളം

വീക്ഷാഗോപുരം (പഠനപ്പതിപ്പ്)  |  2016 ആഗസ്റ്റ് 

സ്വർണ​ത്തെ​ക്കാൾ മൂല്യ​മു​ള്ള​തി​നാ​യി തിരയുക

സ്വർണ​ത്തെ​ക്കാൾ മൂല്യ​മു​ള്ള​തി​നാ​യി തിരയുക

നിങ്ങൾ എപ്പോ​ഴെ​ങ്കി​ലും പ്രകൃ​തി​ദ​ത്ത​മായ സ്വർണം തിരഞ്ഞു​ക​ണ്ടു​പി​ടി​ച്ചി​ട്ടു​ണ്ടോ? ചുരുക്കം ചിലർക്കേ അതിനു കഴിഞ്ഞി​ട്ടു​ള്ളൂ. പക്ഷേ ദശലക്ഷ​ക്ക​ണ​ക്കിന്‌ ആളുകൾ അതിലും മൂല്യ​മുള്ള ഒന്നു കണ്ടെത്തി​യി​രി​ക്കു​ന്നു: ദിവ്യ​ജ്ഞാ​നം! “തങ്കം കൊടു​ത്താൽ അതു കിട്ടു​ന്നതല്ല.”—ഇയ്യോ. 28:12, 15.

സ്വർണം കണ്ടെത്താൻ അന്വേ​ഷണം നടത്തു​ന്ന​വ​രും ആത്മാർഥ​മാ​യി ബൈബിൾ പഠിക്കു​ന്ന​വ​രും തമ്മിൽ ചില സമാന​ത​ക​ളുണ്ട്. വിലതീ​രാത്ത ബൈബിൾപ​രി​ജ്ഞാ​നം കണ്ടെത്തു​ന്ന​തി​നു ബൈബിൾ പഠിക്കുന്ന ഒരു വ്യക്തി നന്നായി അധ്വാ​നി​ക്കണം, അത്‌ അന്വേ​ഷി​ക്കു​ന്ന​തിൽ തുടരു​ക​യും വേണം. സ്വർണം കണ്ടെത്തുന്ന മൂന്നു വിധങ്ങ​ളിൽനിന്ന് ബൈബിൾവി​ദ്യാർഥി​ക​ളായ നമുക്ക് എന്തൊക്കെ പഠിക്കാ​നാ​കും?

അൽപ്പം സ്വർണം കണ്ടെത്തു​ന്നു!

നിങ്ങൾ ഒരു നദീതീ​ര​ത്തു​കൂ​ടി നടക്കു​ന്ന​താ​യി സങ്കൽപ്പി​ക്കുക. തിളങ്ങുന്ന എന്തോ ഒന്നു പെട്ടെന്നു നിങ്ങളു​ടെ കണ്ണിൽപ്പെ​ടു​ന്നു. എന്താ​ണെന്ന് അറിയാ​നാ​യി നിങ്ങൾ കുനി​ഞ്ഞു​നോ​ക്കി. തീപ്പെ​ട്ടി​ക്കൊ​ള്ളി​യു​ടെ തലപ്പിന്‍റെ വലുപ്പ​മുള്ള സ്വർണം! ഇനിയും ഇതു​പോ​ലെ​യു​ണ്ടോ എന്ന് അറിയാൻ നിങ്ങൾ അവി​ടെ​യെ​ല്ലാം നോക്കു​ന്നു. ഇത്തരത്തി​ലുള്ള സ്വർണം ചിലയി​ട​ങ്ങ​ളിൽ കാണാ​റുണ്ട്. എന്നാൽ അതു വജ്ര​ത്തെ​ക്കാൾ വിരള​മാണ്‌.

ഇതു​പോ​ലെ, കുറച്ച് കാലം മുമ്പ് ഒരു ദിവസം, ബൈബി​ളി​ലെ പ്രത്യാ​ശ​യു​ടെ സന്ദേശ​വു​മാ​യി നിങ്ങളു​ടെ വീട്ടു​മു​റ്റത്ത്‌ യഹോ​വ​യു​ടെ ആരാധ​ക​രിൽ ഒരാൾ വന്നിട്ടു​ണ്ടാ​കാം. നിങ്ങൾക്കു മറക്കാ​നാ​കാത്ത ഒരു ദിവസ​മാ​യി​രി​ക്കാം അത്‌. ഒരുപക്ഷേ ദൈവ​ത്തി​ന്‍റെ പേര്‌ യഹോവ എന്നാ​ണെന്നു ബൈബി​ളിൽനിന്ന് കണ്ടെത്തി​യ​താ​യി​രി​ക്കാം നിങ്ങൾക്ക് ആദ്യമാ​യി കിട്ടിയ ആത്മീയ​സ്വർണം. (സങ്കീ. 83:18) അല്ലെങ്കിൽ യഹോ​വ​യു​ടെ ഒരു സുഹൃ​ത്താ​കാൻ കഴിയു​മെന്നു മനസ്സി​ലാ​ക്കി​യ​താ​കാം. (യാക്കോ. 2:23) സ്വർണ​ത്തെ​ക്കാൾ മൂല്യ​മുള്ള ഒന്നാണു കണ്ടെത്തി​യ​തെന്നു പെട്ടെ​ന്നു​തന്നെ നിങ്ങൾ തിരി​ച്ച​റി​ഞ്ഞു. കൂടുതൽ ആത്മീയ​സ്വർണ​ത്തി​നാ​യി അന്വേ​ഷി​ക്കാൻ അപ്പോൾ നിങ്ങൾക്ക് ആകാംക്ഷ തോന്നി​യി​ട്ടു​ണ്ടാ​കാം.

കൂടുതൽ സ്വർണം കണ്ടെത്തു​ന്നു!

ചില​പ്പോൾ അരുവി​ക​ളി​ലും നദിക​ളി​ലും ഒക്കെ ചെറിയ സ്വർണ​ത്ത​രി​ക​ളും സ്വർണ​ശ​ക​ല​ങ്ങ​ളും അടിഞ്ഞു​കൂ​ടാ​റുണ്ട്. ഇങ്ങനെ അടിഞ്ഞു​കൂ​ടുന്ന സ്വർണം കണ്ടെത്താൻ കഠിനാ​ധ്വാ​നം ചെയ്യുന്ന ചിലർക്ക്, കോടി​ക്ക​ണ​ക്കി​നു രൂപ വിലവ​രുന്ന കിലോ​ക്ക​ണ​ക്കി​നു സ്വർണം ലഭിക്കാ​റുണ്ട്.

യഹോ​വ​യു​ടെ സാക്ഷി​ക​ളു​ടെ​കൂ​ടെ ബൈബിൾ പഠിക്കാൻ തുടങ്ങി​യ​പ്പോൾ സ്വർണം അരി​ച്ചെ​ടു​ക്കുന്ന ഒരാ​ളെ​പ്പോ​ലെ​യാ​ണു നിങ്ങൾ എന്നു നിങ്ങൾക്കു തോന്നി​യി​ട്ടു​ണ്ടാ​കാം. ബൈബിൾവാ​ക്യ​ങ്ങ​ളെ​ക്കു​റിച്ച് ധ്യാനി​ച്ചതു നിങ്ങളു​ടെ അറിവി​ന്‍റെ ശേഖരം വർധി​പ്പിച്ച് നിങ്ങളെ ആത്മീയ​മാ​യി സമ്പന്നനാ​ക്കി. വില​യേ​റിയ ആ ബൈബിൾസ​ത്യ​ങ്ങൾ നിങ്ങൾ ഉത്സാഹ​ത്തോ​ടെ കോരി​യെ​ടു​ത്ത​പ്പോൾ യഹോ​വ​യോട്‌ എങ്ങനെ അടുത്തു​ചെ​ല്ലാൻ കഴിയു​മെ​ന്നും നിത്യ​ജീ​വന്‍റെ പ്രത്യാ​ശ​യോ​ടെ എങ്ങനെ ദൈവ​സ്‌നേ​ഹ​ത്തിൽ നിലനിൽക്കാൻ കഴിയു​മെ​ന്നും നിങ്ങൾ പഠിച്ചു.—യാക്കോ. 4:8; യൂദ 20, 21.

സ്വർണം കണ്ടെത്താൻ അധ്വാ​നി​ക്കുന്ന ഒരാ​ളെ​പ്പോ​ലെ ബൈബി​ളി​ലെ വില​യേ​റിയ ആത്മീയ​സ​ത്യ​ങ്ങൾ പഠിക്കാൻ നിങ്ങൾ കഠിന​മാ​യി പ്രയത്‌നി​ക്കു​ന്നു​ണ്ടോ?

നദിക​ളി​ലെ സ്വർണ​നി​ക്ഷേപം കണ്ടെത്താൻ ശ്രമി​ക്കുന്ന  ഒരാ​ളെ​പ്പോ​ലെ മൂല്യ​വ​ത്തായ ആത്മീയ​സ​മ്പത്തു കണ്ടെത്തു​ന്ന​തി​നു നിങ്ങൾ കഠിന​ശ്രമം ചെയ്‌തി​ട്ടു​ണ്ടാ​കാം. അടിസ്ഥാന ബൈബിൾസ​ത്യ​ങ്ങൾ അറിഞ്ഞ​പ്പോൾ സമർപ്പി​ക്കാ​നും സ്‌നാ​ന​പ്പെ​ടാ​നും ഉള്ള പടികൾ സ്വീക​രി​ക്കാൻ നിങ്ങൾ പ്രേരി​ത​നാ​യി​ക്കാ​ണും.—മത്താ. 28:19, 20.

അന്വേ​ഷി​ക്കു​ന്ന​തിൽ തുടരുക!

ആഗ്നേയ​ശി​ലകൾ എന്ന് അറിയ​പ്പെ​ടുന്ന ഒരുതരം പാറയ്‌ക്കു​ള്ളിൽ ചെറിയ അളവിൽ സ്വർണ​മുണ്ട്. അത്തരം പാറകൾ ഖനനം ചെയ്‌തെ​ടുത്ത്‌ പൊടിച്ച് സ്വർണം കണ്ടെത്തു​ന്ന​തിൽ ഒരു നഷ്ടവു​മി​ല്ലെ​ന്നാ​ണു ചിലർ കരുതു​ന്നത്‌. ഒറ്റനോ​ട്ട​ത്തിൽ ആ അയിരിൽ സ്വർണ​മു​ണ്ടോ എന്നു പറയാ​നാ​കില്ല. എന്തു​കൊണ്ട്? കാരണം ഏറ്റവും അധികം സ്വർണ​ത്ത​രി​ക​ളുള്ള ആയിരം കിലോ പാറയിൽനിന്ന് ഏകദേശം പത്തു ഗ്രാം സ്വർണമേ ലഭിക്കാ​റു​ള്ളൂ! എങ്കിലും സ്വർണ​ത്തി​നാ​യി അന്വേ​ഷി​ക്കു​ന്ന​വ​രു​ടെ വീക്ഷണ​ത്തിൽ അതു ശ്രമത്തി​നു തക്ക മൂല്യ​മു​ള്ള​താണ്‌.

സമാന​മാ​യി, “ക്രിസ്‌തു​വി​നെ​ക്കു​റി​ച്ചുള്ള ബാലപാ​ഠങ്ങൾ” പഠിച്ച​തി​നു ശേഷവും ഒരു വ്യക്തി കഠിന​ശ്രമം ചെയ്യേ​ണ്ട​തുണ്ട്. (എബ്രാ. 6:1, 2) ബൈബിൾപ​ഠ​ന​ത്തിൽനിന്ന് പുതി​യ​പു​തിയ ആശയങ്ങ​ളും പ്രാ​യോ​ഗി​ക​പാ​ഠ​ങ്ങ​ളും വേർതി​രി​ച്ചെ​ടു​ക്കു​ന്ന​തി​നു നിങ്ങൾ കഠിന​മാ​യി പ്രയത്‌നി​ക്കണം. തിരു​വെ​ഴു​ത്തു​കൾ വർഷങ്ങ​ളാ​യി പഠിക്കുന്ന ഒരാളാ​യി​രി​ക്കാം നിങ്ങൾ. അങ്ങനെ​യാ​ണെ​ങ്കി​ലും വ്യക്തി​പ​ര​മായ ബൈബിൾപ​ഠനം ഫലപ്ര​ദ​മാ​ണെന്ന് ഉറപ്പു​വ​രു​ത്താൻ എന്തു ചെയ്യാ​നാ​കും?

പഠിക്കാ​നു​ള്ള ഉത്സാഹം നിലനി​റു​ത്തുക. വിശദാം​ശ​ങ്ങൾക്ക് അടുത്ത ശ്രദ്ധ കൊടു​ക്കുക. നിങ്ങൾ ആത്മാർഥ​മാ​യി ശ്രമി​ക്കു​ന്നെ​ങ്കിൽ ദിവ്യ​ജ്ഞാ​ന​ത്തി​ന്‍റെ​യും തിരു​വെ​ഴു​ത്തു​പ​ദേ​ശ​ങ്ങ​ളു​ടെ​യും ആത്മീയ​സ്വർണം നിങ്ങൾക്കു കണ്ടെത്താ​നാ​കും. (റോമ. 11:33) തിരു​വെ​ഴു​ത്തു​ക​ളെ​ക്കു​റി​ച്ചുള്ള അറിവ്‌ വർധി​പ്പി​ക്കു​ന്ന​തി​നു നിങ്ങളു​ടെ ഭാഷയിൽ ലഭ്യമാ​യി​രി​ക്കുന്ന ഗവേഷ​ണോ​പാ​ധി​കൾ നന്നായി ഉപയോ​ഗി​ക്കുക. നിങ്ങൾക്ക് ആവശ്യ​മായ മാർഗ​നിർദേ​ശ​ത്തി​നാ​യും ബൈബിൾചോ​ദ്യ​ങ്ങൾക്കുള്ള ഉത്തരങ്ങൾക്കാ​യും ക്ഷമയോ​ടെ അന്വേ​ഷി​ക്കുക. മറ്റുള്ള​വരെ സഹായി​ച്ച​തും പ്രോ​ത്സാ​ഹി​പ്പി​ച്ച​തും ആയ തിരു​വെ​ഴു​ത്തു​ക​ളും ലേഖന​ങ്ങ​ളും ഏതൊ​ക്കെ​യാ​ണെന്ന് അവരോ​ടു ചോദി​ച്ചു​മ​ന​സ്സി​ലാ​ക്കുക. നിങ്ങൾ ദൈവ​വ​ചനം പഠിച്ച​പ്പോൾ കണ്ടെത്തിയ രസകര​മായ ആശയങ്ങൾ പങ്കു​വെ​ക്കുക.

അറിവ്‌ വർധി​പ്പി​ക്കുക എന്നതു മാത്ര​മാ​യി​രി​ക്ക​രു​തു നിങ്ങളു​ടെ ലക്ഷ്യം. അപ്പോ​സ്‌ത​ല​നായ പൗലോസ്‌ ഈ മുന്നറി​യി​പ്പു നൽകി: “അറിവ്‌ ഒരുവനെ നിഗളി​യാ​ക്കു​ന്നു.” (1 കൊരി. 8:1) അതു​കൊണ്ട് താഴ്‌മ​യു​ള്ള​വ​രാ​യി​രി​ക്കാ​നും വിശ്വാ​സ​ത്തിൽ ശക്തരാ​യി​രി​ക്കാ​നും കഠിനാ​ധ്വാ​നം ചെയ്യുക. മുടങ്ങാ​തെ​യുള്ള കുടും​ബാ​രാ​ധ​ന​യും വ്യക്തി​പ​ര​മായ ബൈബിൾപ​ഠ​ന​വും യഹോ​വ​യു​ടെ നിലവാ​ര​ങ്ങൾക്ക​നു​സ​രിച്ച് ജീവി​ക്കാൻ നിങ്ങളെ സഹായി​ക്കും; മറ്റുള്ള​വരെ സഹായി​ക്കാൻ പ്രചോ​ദി​പ്പി​ക്കു​ക​യും ചെയ്യും. എല്ലാത്തി​നും ഉപരി​യാ​യി നിങ്ങൾക്കു സന്തോ​ഷ​വും ലഭിക്കും. കാരണം, നിങ്ങൾ കണ്ടെത്തി​യി​രി​ക്കു​ന്നതു സ്വർണ​ത്തെ​ക്കാൾ മൂല്യ​മുള്ള ഒന്നാണ്‌!—സദൃ. 3:13, 14.

കൂടുതല്‍ അറിയാന്‍

വീക്ഷാഗോപുരം (പഠനപ്പതിപ്പ്)

കുടുംബാരാധന—ഏറെ ആസ്വാ​ദ്യ​മാ​ക്കാൻ. . .

കുടുംബാരാധന എങ്ങനെ നടത്താം എന്നു മന​സ്സിലാ​ക്കാൻ വ്യ​ത്യ​സ്‌ത രാ​ജ്യങ്ങ​ളിൽ അതു നടത്തുന്ന വിധങ്ങൾ കാണുക.

ബൈബിൾചോ​ദ്യ​ങ്ങൾക്കുള്ള ഉത്തരങ്ങൾ

ബൈബിൾ മനസ്സിലാക്കുന്നതിനുള്ള വഴികൾ

നിങ്ങളുടെ പശ്ചാത്തലം എന്തുതന്നെയായിരുന്നാലും വിശുദ്ധതിരുവെഴുത്തിലെ ദൈവത്തിന്‍റെ സന്ദേശം നിങ്ങൾക്കു മനസ്സിലാക്കാനാകും.