വിവരങ്ങള്‍ കാണിക്കുക

രണ്ടാംഘട്ട മെനു കാണിക്കുക

ഉള്ളടക്കം കാണിക്കുക

യഹോവയുടെ സാക്ഷികൾ

മലയാളം

വീക്ഷാഗോപുരം (പഠനപ്പതിപ്പ്)  |  2016 ആഗസ്റ്റ് 

മറ്റുള്ള​വരെ പരിശീ​ലി​പ്പി​ക്കേ​ണ്ട​തി​ന്‍റെ ആവശ്യം നിങ്ങൾക്കു കാണാ​നാ​കു​ന്നു​ണ്ടോ?

മറ്റുള്ള​വരെ പരിശീ​ലി​പ്പി​ക്കേ​ണ്ട​തി​ന്‍റെ ആവശ്യം നിങ്ങൾക്കു കാണാ​നാ​കു​ന്നു​ണ്ടോ?

ഞാൻ നിങ്ങൾക്കു സൽബുദ്ധി ഉപദേ​ശി​ച്ചു തരുന്നു.സദൃ. 4:2.

ഗീതം: 93, 96

1, 2. ദിവ്യാ​ധി​പ​ത്യ​നി​യ​മ​നങ്ങൾ ഏറ്റെടു​ക്കാൻ നമ്മൾ മറ്റുള്ള​വരെ പരിശീ​ലി​പ്പി​ക്കേ​ണ്ടത്‌ എന്തു​കൊണ്ട്?

സുവാർത്ത പ്രസം​ഗി​ക്കു​ന്ന​തി​നു യേശു വളരെ​യ​ധി​കം കഠിനാ​ധ്വാ​നം ചെയ്‌തു. അതിന്‌ ഇടയി​ലും ശിഷ്യരെ പരിശീ​ലി​പ്പി​ക്കാൻ യേശു ധാരാളം സമയം ചെലവ​ഴി​ച്ചു. എങ്ങനെ പഠിപ്പി​ക്ക​ണ​മെ​ന്നും ദൈവ​ജ​നത്തെ എങ്ങനെ പരിപാ​ലി​ക്ക​ണ​മെ​ന്നും യേശു അവർക്കു കാണി​ച്ചു​കൊ​ടു​ത്തു. അങ്ങനെ ആടുകളെ നന്നായി പരിപാ​ലി​ക്കുന്ന ഇടയന്മാ​രെ​പ്പോ​ലെ​യാ​കാൻ ശിഷ്യ​ന്മാർ പഠിച്ചു. (മത്താ. 10:5-7) പ്രസം​ഗ​പ്ര​വർത്ത​ന​ത്തിൽ ഫിലി​പ്പോ​സും തിരക്കു​ള്ള​വ​നാ​യി​രു​ന്നെ​ങ്കി​ലും അതേ വേല ചെയ്യാൻ തന്‍റെ പെൺമ​ക്കളെ പരിശീ​ലി​പ്പി​ച്ചു. (പ്രവൃ. 21:8, 9) ഇന്നു നമ്മളും മറ്റുള്ള​വരെ പരിശീ​ലി​പ്പി​ക്കേ​ണ്ട​തുണ്ട്. എന്തു​കൊണ്ട്?

2 ലോക​മെ​മ്പാ​ടു​മുള്ള സഭകളിൽ സ്‌നാ​ന​മേ​റ്റി​ട്ടി​ല്ലാത്ത പുതി​യ​വ​രായ അനേക​രുണ്ട്. ഇവർക്കു പരിശീ​ലനം ആവശ്യ​മാണ്‌. വ്യക്തി​പ​ര​മായ ബൈബിൾ വായന​യും പഠനവും എങ്ങനെ പ്രയോ​ജനം ചെയ്യും എന്നു മനസ്സി​ലാ​ക്കാൻ നമ്മൾ അവരെ സഹായി​ക്കണം. അതു​പോ​ലെ, സുവാർത്ത പ്രസം​ഗി​ക്കാ​നും പഠിപ്പി​ക്കാ​നും നമ്മൾ അവരെ പരിശീ​ലി​പ്പി​ക്കേ​ണ്ട​തുണ്ട്. ഭാവി​യിൽ ശുശ്രൂ​ഷാ​ദാ​സ​ന്മാ​രും മൂപ്പന്മാ​രും ആയിത്തീ​രു​ന്ന​തിന്‌ ഈയിടെ സ്‌നാ​ന​മേറ്റ സഹോ​ദ​ര​ങ്ങൾക്കും പരിശീ​ലനം ആവശ്യ​മാണ്‌. പുതി​യ​വരെ സഹായി​ക്കു​ന്ന​തിൽ സഭയി​ലുള്ള എല്ലാവർക്കും ഒരു പങ്കുണ്ട്.—സദൃ. 4:2.

 ബൈബിൾ എങ്ങനെ പഠിക്ക​ണ​മെന്നു പുതി​യ​വരെ പഠിപ്പി​ക്കു​ക

3, 4. (എ) തിരു​വെ​ഴു​ത്തു​കൾ പഠിക്കു​ന്നതു ശുശ്രൂഷ ഫലപ്ര​ദ​മാ​ക്കാൻ സഹായി​ക്കു​ന്നത്‌ എങ്ങനെ​യാ​ണെ​ന്നാ​ണു പൗലോസ്‌ പറഞ്ഞത്‌? (ബി) വ്യക്തി​പ​ര​മാ​യി ബൈബിൾ പഠിക്കാൻ ബൈബിൾവി​ദ്യാർഥി​യെ പ്രോ​ത്സാ​ഹി​പ്പി​ക്കു​ന്ന​തി​നു മുമ്പ് നമ്മൾ എന്തു ചെയ്യണം?

3 യഹോ​വ​യു​ടെ ഇഷ്ടം എന്താ​ണെന്നു മനസ്സി​ലാ​ക്കാൻ ഓരോ ദൈവ​ദാ​സ​നും ബൈബിൾ വായി​ക്കു​ക​യും പഠിക്കു​ക​യും ചെയ്യേ​ണ്ട​തുണ്ട്. കൊ​ലോ​സ്യ​യി​ലുള്ള സഹോ​ദ​ര​ങ്ങ​ളോട്‌ അപ്പോ​സ്‌ത​ല​നായ പൗലോസ്‌ ഇങ്ങനെ പറഞ്ഞു: “ഞങ്ങൾ നിങ്ങൾക്കു​വേണ്ടി ഇടവി​ടാ​തെ പ്രാർഥി​ക്കു​ന്നു; നിങ്ങൾ സകലജ്ഞാ​ന​വും ആത്മീയ​ഗ്രാ​ഹ്യ​വും ഉള്ളവരാ​യി ദൈവ​ഹി​ത​ത്തി​ന്‍റെ പരിജ്ഞാ​നം​കൊണ്ട് നിറയ​ണ​മെ​ന്നു​തന്നെ.” അവർ ബൈബിൾ വായി​ക്കു​ക​യും പഠിക്കു​ക​യും ചെയ്യേ​ണ്ടത്‌ അത്ര പ്രധാ​ന​മാ​യി​രു​ന്നത്‌ എന്തു​കൊണ്ട്? കാരണം അത്‌ അവരെ ജ്ഞാനി​ക​ളാ​ക്കു​മാ​യി​രു​ന്നു. അങ്ങനെ, “യഹോ​വയെ പൂർണ​മാ​യി പ്രസാ​ദി​പ്പി​ക്കു​മാറ്‌ അവനു യോഗ്യ​മാം​വി​ധം നടക്കാൻ” എങ്ങനെ കഴിയു​മെന്ന് അവർക്കു മനസ്സി​ലാ​ക്കാൻ സാധി​ക്കു​മാ​യി​രു​ന്നു. യഹോവ ആഗ്രഹി​ച്ച​തു​പോ​ലുള്ള ‘സകല സത്‌പ്ര​വൃ​ത്തി​യും’ ചെയ്യാ​നും അത്‌ അവരെ സഹായി​ക്കു​മാ​യി​രു​ന്നു, പ്രത്യേ​കിച്ച് സുവാർത്താ​പ്ര​സം​ഗം. (കൊലോ. 1:9, 10) അതു​കൊണ്ട് ക്രമമാ​യി ബൈബിൾ വായി​ക്കു​ക​യും പഠിക്കു​ക​യും ചെയ്യു​ന്നത്‌ യഹോ​വയെ നന്നായി സേവി​ക്കാൻ സഹായി​ക്കും എന്നു നമ്മൾ ബൈബിൾവി​ദ്യാർഥി​യെ ബോധ്യ​പ്പെ​ടു​ത്തണം.

4 നമ്മൾ നന്നായി ബൈബിൾ പഠിക്കു​ന്നി​ല്ലെ​ങ്കിൽ വ്യക്തി​പ​ര​മായ ബൈബിൾപ​ഠ​ന​ത്തി​ന്‍റെ മൂല്യ​ത്തെ​ക്കു​റിച്ച് വിദ്യാർഥി​കൾക്കു പറഞ്ഞു​കൊ​ടു​ക്കാൻ നമുക്കു കഴിയില്ല. ക്രമമാ​യി ബൈബിൾ വായി​ക്കു​ക​യും ധ്യാനി​ക്കു​ക​യും ചെയ്യു​ന്നതു ജീവി​ത​ത്തി​ലും ശുശ്രൂ​ഷ​യി​ലും നമുക്കു പ്രയോ​ജനം ചെയ്യും. ഉദാഹ​ര​ണ​ത്തിന്‌, ശുശ്രൂ​ഷ​യി​ലാ​യി​രി​ക്കു​മ്പോൾ ആരെങ്കി​ലും ബുദ്ധി​മു​ട്ടുള്ള ഒരു ചോദ്യം ചോദി​ച്ചാൽ ബൈബിൾ ഉപയോ​ഗിച്ച് അതിനുള്ള ഉത്തരം കൊടു​ക്കാൻ നമുക്കു കഴിയും. അതു​പോ​ലെ യേശു​വും പൗലോ​സും മറ്റുള്ള​വ​രും തളരാതെ ശുശ്രൂഷ തുടർന്ന​തി​നെ​ക്കു​റിച്ച് വായി​ക്കു​ന്നതു പ്രയാ​സ​ക​ര​മായ സാഹച​ര്യ​ങ്ങ​ളി​ലും ശുശ്രൂഷ തുടരാൻ നമ്മളെ പ്രചോ​ദി​പ്പി​ക്കും. വ്യക്തി​പ​ര​മായ പഠനം നമുക്ക് എങ്ങനെ​യാ​ണു പ്രയോ​ജനം ചെയ്യു​ന്ന​തെന്നു മറ്റുള്ള​വ​രോ​ടു പറയു​മ്പോൾ, അതേ പ്രയോ​ജ​നങ്ങൾ നേടാ​നാ​യി ബൈബിൾ ആഴത്തിൽ പഠിക്കാൻ അവർക്കു പ്രോ​ത്സാ​ഹനം തോന്നും.

5. വ്യക്തി​പ​ര​മാ​യി ബൈബിൾ പഠിക്കു​ന്നത്‌ ഒരു ശീലമാ​ക്കാൻ എങ്ങനെ പുതി​യ​വരെ സഹായി​ക്കാം?

5 നിങ്ങൾ ഇങ്ങനെ ചോദി​ച്ചേ​ക്കാം: ‘ബൈബിൾ ക്രമമാ​യി പഠിക്കാൻ എന്‍റെ വിദ്യാർഥി​യെ എങ്ങനെ പരിശീ​ലി​പ്പി​ക്കാ​നാ​കും?’ ബൈബിൾപ​ഠ​ന​ത്തിന്‌ ഉപയോ​ഗി​ക്കുന്ന പ്രസി​ദ്ധീ​ക​രണം എങ്ങനെ​യാ​ണു തയ്യാറാ​കേ​ണ്ട​തെന്നു കാണി​ച്ചു​കൊ​ടു​ക്കാ​നാ​യേ​ക്കും. ബൈബിൾ യഥാർഥ​ത്തിൽ എന്തു പഠിപ്പി​ക്കു​ന്നു? എന്ന പുസ്‌ത​ക​ത്തി​ന്‍റെ അനുബ​ന്ധ​ത്തി​ലെ വിവര​ങ്ങ​ളും പുസ്‌ത​ക​ത്തിൽ പരാമർശി​ച്ചി​രി​ക്കുന്ന ബൈബിൾവാ​ക്യ​ങ്ങ​ളും വായി​ച്ചു​നോ​ക്കാൻ നിങ്ങൾക്കു പറയാ​നാ​കും. യോഗ​ങ്ങൾക്ക് അഭി​പ്രാ​യം പറയാൻ എങ്ങനെ തയ്യാറാ​കാം എന്നും കാണി​ച്ചു​കൊ​ടു​ക്കാം. വീക്ഷാ​ഗോ​പു​ര​ത്തി​ന്‍റെ​യും ഉണരുക!-യുടെ​യും എല്ലാ ലക്കങ്ങളും വായി​ക്കാൻ പ്രോ​ത്സാ​ഹി​പ്പി​ക്കുക. വാച്ച്ടവർ ലൈ​ബ്ര​റി​യോ വാച്ച്ടവർ ഓൺലൈൻ ലൈ​ബ്ര​റി​യോ ഉപയോ​ഗിച്ച് ബൈബിൾചോ​ദ്യ​ങ്ങൾക്കുള്ള ഉത്തരം എങ്ങനെ കണ്ടുപി​ടി​ക്കാൻ കഴിയു​മെന്നു വിദ്യാർഥി​യെ പഠിപ്പി​ക്കാം. വ്യക്തി​പ​ര​മായ പഠനത്തിന്‌ ഇതു​പോ​ലുള്ള വ്യത്യ​സ്‌ത​രീ​തി​കൾ പ്രയോ​ജ​ന​പ്പെ​ടു​ത്തു​മ്പോൾ വിദ്യാർഥി അത്‌ ആസ്വദി​ക്കു​ക​യും കൂടുതൽ പഠിക്കാൻ  വിദ്യാർഥി​ക്കു പ്രചോ​ദനം തോന്നു​ക​യും ചെയ്യും.

6. (എ) വിദ്യാർഥി​യു​ടെ ഹൃദയ​ത്തിൽ ബൈബി​ളി​നോ​ടുള്ള സ്‌നേഹം വളർത്താൻ നിങ്ങൾക്ക് എങ്ങനെ കഴിയും? (ബി) തിരു​വെ​ഴു​ത്തു​ക​ളോ​ടു ഹൃദയം​ഗ​മ​മായ സ്‌നേഹം വളർത്തി​യെ​ടു​ക്കു​ന്നെ​ങ്കിൽ വിദ്യാർഥി എന്തു ചെയ്‌തേ​ക്കാം?

6 ബൈബിൾ യഹോ​വയെ കൂടുതൽ അറിയാൻ സഹായി​ക്കു​ന്ന​തി​നാൽ അതു വളരെ​യ​ധി​കം മൂല്യ​വ​ത്താ​ണെന്നു വിദ്യാർഥി മനസ്സി​ലാ​ക്കേ​ണ്ട​തുണ്ട്. വിദ്യാർഥി​യെ പഠിക്കാൻ നിർബ​ന്ധി​ക്കു​ന്ന​തി​നു പകരം പഠനം എങ്ങനെ ആസ്വദി​ക്കാ​മെന്നു കാണി​ച്ചു​കൊ​ടു​ക്കുക. ബൈബി​ളിൽനിന്ന് കൂടു​തൽക്കൂ​ടു​തൽ കാര്യങ്ങൾ പഠിക്കു​മ്പോൾ “ദൈവ​ത്തോ​ടു അടുത്തി​രി​ക്കു​ന്നതു എനിക്കു നല്ലതു.  . . . ഞാൻ യഹോ​വ​യായ കർത്താ​വി​നെ എന്‍റെ സങ്കേത​മാ​ക്കി​യി​രി​ക്കു​ന്നു” എന്നു പാടിയ സങ്കീർത്ത​ന​ക്കാ​ര​നെ​പ്പോ​ലെ അവർക്കും തോന്നും. (സങ്കീ. 73:28) യഹോ​വ​യോട്‌ അടുക്കാൻ ആഗ്രഹി​ക്കുന്ന ഏതൊ​രാ​ളെ​യും പരിശു​ദ്ധാ​ത്മാവ്‌ ഉറപ്പാ​യും സഹായി​ക്കും.

പ്രസം​ഗി​ക്കാ​നും പഠിപ്പി​ക്കാ​നും പുതി​യ​വരെ പരിശീ​ലി​പ്പി​ക്കുക

7. സുവാർത്ത പ്രസം​ഗി​ക്കാൻ യേശു അപ്പോ​സ്‌ത​ല​ന്മാ​രെ എങ്ങനെ​യാ​ണു പരിശീ​ലി​പ്പി​ച്ചത്‌? (ലേഖനാ​രം​ഭ​ത്തി​ലെ ചിത്രം കാണുക.)

7 യേശു അപ്പോ​സ്‌ത​ല​ന്മാ​രെ പരിശീ​ലി​പ്പി​ച്ച​തിൽനിന്ന് നമുക്കു പലതും പഠിക്കാ​നുണ്ട്. പ്രസം​ഗ​പ്ര​വർത്ത​ന​ത്തി​നു പോയ​പ്പോൾ യേശു അവരെ കൂടെ കൊണ്ടു​പോ​യി. അങ്ങനെ യേശു ആളുകളെ എങ്ങനെ​യാ​ണു പഠിപ്പി​ക്കു​ന്ന​തെന്ന് അവർക്കു കാണാ​നാ​യി. എങ്ങനെ പ്രസം​ഗി​ക്കണം എന്നതി​നെ​ക്കു​റിച്ച് യേശു അവർക്കു വ്യക്തമായ നിർദേ​ശ​ങ്ങ​ളും നൽകി. (മത്തായി 10-‍ാ‍ം അധ്യായം) [1] കുറച്ച് കാലം​കൊ​ണ്ടു​തന്നെ മറ്റുള്ള​വരെ എങ്ങനെ സത്യം പഠിപ്പി​ക്ക​ണ​മെന്ന് അപ്പോ​സ്‌ത​ല​ന്മാർ യേശു​വിൽനിന്ന് പഠിച്ചു. (മത്താ. 11:1) നമുക്കും നമ്മുടെ ബൈബിൾവി​ദ്യാർഥി​കളെ സുവാർത്ത​യു​ടെ ഫലപ്ര​ദ​രായ പ്രചാ​ര​ക​രാ​യി​ത്തീ​രാൻ സഹായി​ക്കാം. അത്‌ എങ്ങനെ ചെയ്യാൻ കഴിയും എന്നതിന്‍റെ രണ്ടു വിധങ്ങൾ നമുക്കു നോക്കാം.

8, 9. (എ) ശുശ്രൂ​ഷ​യിൽ യേശു വ്യക്തി​ക​ളോട്‌ എങ്ങനെ​യാണ്‌ ഇടപെ​ട്ടത്‌? (ബി) യേശു ചെയ്‌ത​തു​പോ​ലെ ആളുക​ളോ​ടു സംസാ​രി​ക്കാൻ പുതിയ പ്രചാ​ര​കരെ നമുക്ക് എങ്ങനെ സഹായി​ക്കാം?

8 വ്യക്തി​ക​ളോ​ടു സംസാ​രി​ക്കുക. യേശു സംസാ​രി​ച്ചി​രു​ന്നത്‌ എപ്പോ​ഴും ജനക്കൂ​ട്ട​ത്തോ​ടാ​യി​രു​ന്നില്ല. പലപ്പോ​ഴും യേശു വ്യക്തി​ക​ളോ​ടാ​ണു സംസാ​രി​ച്ചത്‌. സൗഹാർദ​പ​ര​മായ രീതി​യിൽ യേശു അവരോട്‌ ഇടപെട്ടു. സുഖാർ പട്ടണത്തിന്‌ അടുത്തുള്ള കിണറ്റിൽനിന്ന് വെള്ളം കോരാൻ വന്ന സ്‌ത്രീ​യു​മാ​യി യേശു ജീവസ്സുറ്റ ഒരു സംഭാ​ഷണം നടത്തി. (യോഹ. 4:5-30) അതു​പോ​ലെ നികു​തി​പി​രി​വു​കാ​ര​നായ മത്തായി എന്ന ലേവി​യോ​ടും യേശു സംസാ​രി​ച്ചു. ശിഷ്യ​നാ​കാൻ യേശു മത്തായി​യെ ക്ഷണിച്ച​പ്പോൾ മത്തായി ആ ക്ഷണം സ്വീക​രി​ച്ചു. എന്നിട്ട് യേശു​വി​നെ​യും മറ്റുള്ള​വ​രെ​യും ഭക്ഷണത്തി​നാ​യി വീട്ടി​ലേക്കു ക്ഷണിക്കു​ക​യും ചെയ്‌തു. അവി​ടെ​വെച്ച് യേശു മറ്റു പലരോ​ടും സംസാ​രി​ച്ചു.—മത്താ. 9:9; ലൂക്കോ. 5:27-39.

9 അതു​പോ​ലെ നസറെ​ത്തി​ലെ ആളുക​ളെ​ക്കു​റിച്ച് മോശ​മാ​യി സംസാ​രിച്ച നഥന​യേ​ലി​നോ​ടും യേശു സൗഹൃ​ദ​പൂർവം ഇടപെട്ടു. അങ്ങനെ ഇടപെ​ട്ട​തു​കൊണ്ട് നസറെ​ത്തു​കാ​ര​നായ യേശു​വി​നോ​ടുള്ള നഥന​യേ​ലി​ന്‍റെ മുൻവി​ധി മാറി. യേശു​വിൽനിന്ന് കൂടുതൽ പഠിക്കാൻ നഥനയേൽ ആഗ്രഹി​ച്ചു. (യോഹ. 1:46-51) നമ്മൾ ആളുക​ളോ​ടു സൗഹാർദ​പ​ര​മാ​യും ദയയോ​ടെ​യും സംസാ​രി​ക്കു​മ്പോൾ നമുക്കു പറയാ​നു​ള്ളത്‌ ആളുകൾ ശ്രദ്ധി​ക്കാൻ കൂടുതൽ സാധ്യ​ത​യുണ്ട് എന്നു യേശു​വി​ന്‍റെ മാതൃ​ക​യിൽനിന്ന് പഠിക്കാ​നാ​കും. [2] ഈ വിധത്തിൽ സംസാ​രി​ക്കാൻ നമ്മൾ പുതി​യ​വരെ പഠിപ്പി​ക്കു​മ്പോൾ അവർ ശുശ്രൂഷ കൂടുതൽ ആസ്വദി​ക്കും.

10-12. (എ) സുവാർത്ത കേൾക്കാൻ മനസ്സു കാണി​ച്ച​വ​രു​ടെ താത്‌പ​ര്യം വളർത്താൻ യേശു എന്തു ചെയ്‌തു? (ബി) ബൈബിൾ പഠിപ്പി​ക്കാ​നുള്ള കഴിവ്‌ മെച്ച​പ്പെ​ടു​ത്താൻ പുതിയ പ്രചാ​ര​കരെ എങ്ങനെ സഹായി​ക്കാം?

10 ശ്രദ്ധി​ക്കാൻ മനസ്സു​ള്ള​വരെ പഠിപ്പി​ക്കുക. യേശു വളരെ തിരക്കു​ള്ള​വ​നാ​യി​രു​ന്നു. എന്നാൽ ആളുകൾ ശ്രദ്ധി​ക്കാൻ താത്‌പ​ര്യം കാണി​ച്ച​പ്പോൾ യേശു അവരോ​ടൊത്ത്‌ സമയം ചെലവ​ഴി​ക്കു​ക​യും അവരെ പലതും പഠിപ്പി​ക്കു​ക​യും ചെയ്‌തു. ഉദാഹ​ര​ണ​ത്തിന്‌, ഒരു ദിവസം യേശു പറയു​ന്നതു കേൾക്കാ​നാ​യി കടൽത്തീ​രത്ത്‌ കുറെ ആളുകൾ ഒന്നിച്ചു​കൂ​ടി. അപ്പോൾ യേശു പത്രോ​സി​ന്‍റെ​കൂ​ടെ ഒരു വള്ളത്തിൽ കയറി അതിൽ ഇരുന്ന് ജനത്തെ പഠിപ്പി​ച്ചു. അതുക​ഴിഞ്ഞ് മീൻ പിടി​ക്കാൻ പോയ പത്രോ​സി​ന്‍റെ വലയിൽ വലി​യൊ​രു മീൻകൂ​ട്ടം കയറാൻ ഇടയാ​ക്കി​ക്കൊണ്ട് യേശു ഒരു അത്ഭുതം പ്രവർത്തി​ച്ചു. എന്നിട്ട് യേശു പത്രോ​സി​നോ​ടു പറഞ്ഞു: “ഇനിമു​തൽ നീ മനുഷ്യ​രെ പിടി​ക്കു​ന്ന​വ​നാ​കും.” അപ്പോൾത്തന്നെ പത്രോ​സും കൂടെ​യു​ണ്ടാ​യി​രു​ന്ന​വ​രും “വള്ളങ്ങൾ കരയ്‌ക്ക​ടു​പ്പി​ച്ചിട്ട് സകലവും ഉപേക്ഷിച്ച് (യേശു​വി​നെ) അനുഗ​മി​ച്ചു.”—ലൂക്കോ. 5:1-11.

 11 യേശു​വിൽനിന്ന് കൂടുതൽ പഠിക്കാൻ നിക്കോ​ദേ​മൊ​സിന്‌ ആഗ്രഹ​മു​ണ്ടാ​യി​രു​ന്നു. എന്നാൽ സൻഹെ​ദ്രി​നി​ലെ ഒരു അംഗമാ​യി​രു​ന്ന​തു​കൊണ്ട് യേശു​വി​നോ​ടു സംസാ​രി​ക്കു​ന്നതു കണ്ടാൽ ആളുകൾ എന്തു വിചാ​രി​ക്കും എന്ന ഭയം നിക്കോ​ദേ​മൊ​സി​നു​ണ്ടാ​യി​രു​ന്നു. അതു​കൊണ്ട് നിക്കോ​ദേ​മൊസ്‌ യേശു​വി​നെ രാത്രി​യി​ലാ​ണു ചെന്നു​ക​ണ്ടത്‌. എന്നിട്ടും യേശു അദ്ദേഹത്തെ നിരാ​ശ​പ്പെ​ടു​ത്തി​യില്ല. അദ്ദേഹ​ത്തോ​ടൊ​പ്പം സമയം ചെലവ​ഴി​ക്കു​ക​യും പ്രധാ​ന​പ്പെട്ട സത്യങ്ങൾ പഠിപ്പി​ക്കു​ക​യും ചെയ്‌തു. (യോഹ. 3:1, 2) ആളുകളെ സത്യം പഠിപ്പി​ക്കാ​നും അവരുടെ വിശ്വാ​സം ശക്തമാ​ക്കാ​നും യേശു എപ്പോ​ഴും തയ്യാറാ​യി​രു​ന്നു. അതിനു​വേണ്ടി യേശു സമയം ചെലവ​ഴി​ച്ചു. നമ്മളും അതു​പോ​ലെ​യാ​യി​രി​ക്കണം. ആളുകൾക്കു സൗകര്യ​പ്ര​ദ​മായ സമയത്ത്‌ അവരെ ചെന്നു​കാ​ണാൻ മനസ്സൊ​രു​ക്കം കാണി​ക്കണം. അതു​പോ​ലെ, ബൈബിൾ മനസ്സി​ലാ​ക്കാൻ സഹായി​ക്കു​ന്ന​തിന്‌ അവരോ​ടൊ​പ്പം സമയം ചെലവ​ഴി​ക്കു​ക​യും വേണം.

12 ശുശ്രൂ​ഷ​യിൽ ഒരുമിച്ച് ഏർപ്പെ​ടു​മ്പോൾ, അൽപ്പ​മെ​ങ്കി​ലും താത്‌പ​ര്യം കാണിച്ച ആളുക​ളു​ടെ അടുത്ത്‌ മടങ്ങി​ച്ചെ​ല്ലാൻ നമുക്കു പുതി​യ​വരെ പഠിപ്പി​ക്കാം. മടക്കസ​ന്ദർശ​ന​ങ്ങൾക്കും ബൈബിൾപ​ഠ​ന​ങ്ങൾക്കും നമ്മു​ടെ​കൂ​ടെ വരാനും അവരെ ക്ഷണിക്കാം. അതുവഴി യഹോ​വ​യെ​ക്കു​റി​ച്ചുള്ള സത്യം മറ്റുള്ള​വരെ എങ്ങനെ പഠിപ്പി​ക്കാ​മെ​ന്നും അത്‌ എത്ര സന്തോഷം തരു​മെ​ന്നും പുതി​യവർ മനസ്സി​ലാ​ക്കും. ആളുകളെ വീണ്ടും ചെന്നു​കാ​ണാ​നും അവരോ​ടൊത്ത്‌ ബൈബിൾ പഠിക്കാ​നും അതു പുതി​യ​വരെ പ്രചോ​ദി​പ്പി​ക്കും. മാത്രമല്ല, ക്ഷമയു​ള്ള​വ​രാ​യി​രി​ക്കാ​നും മടങ്ങി​ച്ചെ​ല്ലു​മ്പോൾ ആളുകൾ വീട്ടി​ലി​ല്ലെ​ങ്കിൽ മടുത്ത്‌ പിന്മാ​റാ​തി​രി​ക്കാ​നും അവർ പഠിക്കും.—ഗലാ. 5:22; “ അദ്ദേഹം മടുത്ത്‌ പിന്മാ​റി​യില്ല” എന്ന ചതുരം കാണുക.

സഹോ​ദ​ര​ങ്ങളെ സഹായി​ക്കാൻ പുതി​യ​വരെ പരിശീ​ലി​പ്പി​ക്കുക

13, 14. (എ) മറ്റുള്ള​വർക്കു​വേണ്ടി വലിയ ത്യാഗങ്ങൾ ചെയ്‌ത ബൈബിൾക​ഥാ​പാ​ത്ര​ങ്ങ​ളെ​ക്കു​റിച്ച് നിങ്ങൾക്ക് എന്തു തോന്നു​ന്നു? (ബി) സഹോ​ദ​ര​ങ്ങ​ളോ​ടു സ്‌നേഹം കാണി​ക്കാൻ പുതിയ പ്രചാ​ര​ക​രെ​യും യുവാ​ക്ക​ളെ​യും നിങ്ങൾക്ക് എങ്ങനെ പരിശീ​ലി​പ്പി​ക്കാ​നാ​കും?

13 നമ്മൾ പരസ്‌പരം “സഹോ​ദ​ര​പ്രീ​തി” കാണി​ക്കാ​നും സഹായി​ക്കാ​നും യഹോവ ആഗ്രഹി​ക്കു​ന്നു. (1 പത്രോസ്‌ 1:22; ലൂക്കോസ്‌ 22:24-27 വായി​ക്കുക.) മറ്റുള്ള​വർക്കാ​യി യേശു സകലതും, സ്വന്തം ജീവൻപോ​ലും, കൊടു​ത്തെന്നു ബൈബിൾ പറയുന്നു. (മത്താ. 20:28) തബീഥ “വളരെ സത്‌പ്ര​വൃ​ത്തി​ക​ളും ദാനധർമ​ങ്ങ​ളും ചെയ്‌തു​പോ​ന്നു.” (പ്രവൃ. 9:36, 39) റോമിൽ ജീവി​ച്ചി​രുന്ന മറിയ അവി​ടെ​യുള്ള സഹോ​ദ​ര​ങ്ങൾക്കു​വേണ്ടി ‘വളരെ അധ്വാ​നി​ച്ചു.’ (റോമ. 16:6) സഹോ​ദ​ര​ങ്ങളെ സഹായി​ക്കു​ന്നതു പ്രധാ​ന​മാ​ണെന്നു നമുക്ക് എങ്ങനെ പുതി​യ​വരെ പഠിപ്പി​ക്കാം?

സഹവിശ്വാസികളോടു സ്‌നേഹം കാണി​ക്കാൻ പുതി​യ​വരെ പരിശീ​ലി​പ്പി​ക്കുക (13, 14 ഖണ്ഡികകൾ കാണുക)

14 പ്രായ​മാ​യ​വ​രെ​യോ രോഗി​ക​ളെ​യോ സന്ദർശി​ക്കാൻ പോകു​മ്പോൾ കൂടെ​വ​രാൻ നമുക്കു പുതി​യ​വരെ ക്ഷണിക്കാം. അങ്ങനെ​യു​ള്ള​വരെ സന്ദർശി​ക്കു​മ്പോൾ മാതാ​പി​താ​ക്കൾക്ക് ഉചിത​മെ​ങ്കിൽ കുട്ടി​കളെ കൂടെ​ക്കൊ​ണ്ടു​പോ​കാ​നാ​കും. പ്രായ​മാ​യ​വർക്ക് ആഹാരം എത്തിച്ചു​കൊ​ടു​ക്കു​ന്ന​തി​നും അവരുടെ വീടിന്‍റെ അറ്റകു​റ്റ​പ്പ​ണി​കൾ ചെയ്യു​ന്ന​തി​നും മൂപ്പന്മാർക്കു പുതി​യ​വ​രെ​യും യുവാ​ക്ക​ളെ​യും കൂടെ​ക്കൂ​ട്ടാ​വു​ന്ന​താണ്‌. സഹോ​ദ​രങ്ങൾ പരസ്‌പരം സഹായി​ക്കു​ന്നതു കാണു​മ്പോൾ യുവാ​ക്ക​ളും പുതി​യ​വ​രും അതുതന്നെ ചെയ്യാൻ പ്രേരി​ത​രാ​കും. ഉദാഹ​ര​ണ​ത്തിന്‌, ഒരു ഗ്രാമ​പ്ര​ദേ​ശത്ത്‌ സാക്ഷീ​ക​രി​ക്കാൻ പോയ​പ്പോ​ഴെ​ല്ലാം ഒരു മൂപ്പൻ അവി​ടെ​യുള്ള സഹോ​ദ​ര​ങ്ങളെ സന്ദർശി​ക്കാൻ അൽപ്പം സമയം മാറ്റി​വെ​ക്കു​മാ​യി​രു​ന്നു. സഹോ​ദ​ര​ങ്ങളെ സഹായി​ക്കാൻ എന്തു ചെയ്യാൻ കഴിയു​മെന്നു ചിന്തി​ക്കാൻ ഈ മൂപ്പന്‍റെ നല്ല മാതൃക അദ്ദേഹ​ത്തോ​ടൊ​പ്പം പോയി​രുന്ന ഒരു യുവസ​ഹോ​ദ​രനെ പഠിപ്പി​ച്ചു.—റോമ. 12:10.

15. സഭയിലെ പുരു​ഷ​ന്മാ​രു​ടെ പുരോ​ഗ​തി​യിൽ മൂപ്പന്മാർ താത്‌പ​ര്യ​മെ​ടു​ക്കേ​ണ്ടത്‌ എന്തു​കൊണ്ട്?

15 സഭയെ ദൈവ​വ​ചനം പഠിപ്പി​ക്കാ​നുള്ള ഉത്തരവാ​ദി​ത്വം യഹോവ പുരു​ഷ​ന്മാ​രെ​യാണ്‌ ഏൽപ്പി​ച്ചി​രി​ക്കു​ന്നത്‌. പ്രസം​ഗ​ങ്ങ​ളി​ലൂ​ടെ എങ്ങനെ നന്നായി പഠിപ്പി​ക്കാ​മെന്ന് അവർ പഠി​ക്കേ​ണ്ട​തുണ്ട്. നിങ്ങൾ ഒരു മൂപ്പനാ​ണെ​ങ്കിൽ, പ്രസംഗം നടത്താൻ ഒരു ശുശ്രൂ​ഷാ​ദാ​സൻ പരിശീ​ലി​ക്കു​മ്പോൾ അതു ശ്രദ്ധി​ക്കാ​നും മെച്ച​പ്പെ​ടേണ്ട വശങ്ങൾ ചൂണ്ടി​ക്കാ​ണി​ക്കാ​നും കഴി​ഞ്ഞേ​ക്കും.—നെഹ. 8:8. [3]

16, 17. (എ) തിമൊ​ഥെ​യൊ​സി​ന്‍റെ പുരോ​ഗ​തി​യിൽ പൗലോസ്‌ എത്രമാ​ത്രം താത്‌പ​ര്യ​മെ​ടു​ത്തു? (ബി) ഭാവി​യിൽ ഒരു ഇടയനാ​യി​ത്തീ​രാൻ മൂപ്പന്മാർക്ക് എങ്ങനെ സഹോ​ദ​ര​ന്മാ​രെ പരിശീ​ലി​പ്പി​ക്കാ​നാ​കും?

16 സഭയുടെ ഇടയന്മാ​രാ​കാൻ കൂടുതൽ സഹോ​ദ​ര​ന്മാ​രെ പരിശീ​ലി​പ്പി​ക്കേ​ണ്ട​തുണ്ട്. പൗലോസ്‌ തിമൊ​ഥെ​യൊ​സി​നെ പരിശീ​ലി​പ്പി​ച്ചു, മറ്റുള്ള​വരെ പരിശീ​ലി​പ്പി​ക്കാൻ തിമൊ​ഥെ​യൊ​സി​നെ പ്രോ​ത്സാ​ഹി​പ്പി​ക്കു​ക​യും ചെയ്‌തു. പൗലോസ്‌ പറഞ്ഞു: “ക്രിസ്‌തു​യേ​ശു​വി​ലുള്ള കൃപയാൽ ശക്തിയാർജി​ക്കുക. നീ എന്നിൽനി​ന്നു കേട്ടതും അനേകം സാക്ഷി​ക​ളാൽ സ്ഥിരീ​ക​രി​ക്ക​പ്പെ​ട്ട​തു​മായ  കാര്യങ്ങൾ വിശ്വ​സ്‌ത​രായ പുരു​ഷ​ന്മാർക്കു പകർന്നു​കൊ​ടു​ക്കുക; അങ്ങനെ അവരും മറ്റുള്ള​വരെ പഠിപ്പി​ക്കാൻ സജ്ജരാ​യി​ത്തീ​രും.” (2 തിമൊ. 2:1, 2) ശുശ്രൂഷ എങ്ങനെ മെച്ച​പ്പെ​ടു​ത്താ​മെ​ന്നും സഭയിലെ മറ്റുള്ള​വരെ എങ്ങനെ സഹായി​ക്കാ​മെ​ന്നും പോലുള്ള പലതും ഒരു മൂപ്പനും അപ്പോ​സ്‌ത​ല​നും ആയിരുന്ന പൗലോ​സിൽനിന്ന് തിമൊ​ഥെ​യൊസ്‌ പഠിച്ചു.—2 തിമൊ. 3:10-12.

17 തിമൊ​ഥെ​യൊ​സിന്‌ എങ്ങനെ​യെ​ങ്കി​ലും പരിശീ​ലനം കിട്ടി​ക്കൊ​ള്ളു​മെന്നു പൗലോസ്‌ വിചാ​രി​ച്ചില്ല. അതിനു​വേണ്ടി പൗലോസ്‌ തിമൊ​ഥെ​യൊ​സി​നോ​ടൊ​പ്പം ധാരാളം സമയം ചെലവ​ഴി​ച്ചു. (പ്രവൃ. 16:1-5) യോഗ്യ​ത​യുള്ള ശുശ്രൂ​ഷാ​ദാ​സ​ന്മാ​രെ ചില ഇടയസ​ന്ദർശ​ന​ങ്ങൾക്കു കൂടെ​ക്കൊ​ണ്ടു​പോ​യി​ക്കൊണ്ട് മൂപ്പന്മാർക്കു പൗലോ​സി​നെ അനുക​രി​ക്കാം. മറ്റുള്ള​വരെ എങ്ങനെ പഠിപ്പി​ക്കാ​മെ​ന്നും എങ്ങനെ ക്ഷമയും സ്‌നേ​ഹ​വും കാണി​ക്കാ​മെ​ന്നും യഹോ​വ​യു​ടെ ആട്ടിൻകൂ​ട്ടത്തെ പരിപാ​ലി​ക്കു​മ്പോൾ യഹോ​വ​യിൽ എങ്ങനെ ആശ്രയി​ക്കാ​മെ​ന്നും ഇതുവഴി ശുശ്രൂ​ഷാ​ദാ​സ​ന്മാർക്കു പഠിക്കാ​നാ​കും.—1 പത്രോ. 5:2.

പരിശീ​ലനം അതി​പ്ര​ധാ​നം

18. യഹോ​വ​യു​ടെ സേവന​ത്തിൽ മറ്റുള്ള​വരെ പരിശീ​ലി​പ്പി​ക്കു​ന്നതു നമ്മൾ പ്രധാ​ന​മാ​യി കാണേ​ണ്ടത്‌ എന്തു​കൊണ്ട്?

18 ഈ അന്ത്യകാ​ലത്ത്‌ പ്രസം​ഗ​വേ​ല​യി​ലുള്ള കഴിവു​കൾ മെച്ച​പ്പെ​ടു​ത്തു​ന്ന​തി​നു പുതി​യ​വർക്കു സഹായം ആവശ്യ​മാണ്‌. സഭയെ പരിപാ​ലി​ക്കു​ന്നത്‌ എങ്ങനെ​യാ​ണെ​ന്നും സഹോ​ദ​ര​ന്മാർ പഠിക്കണം. തന്‍റെ എല്ലാ ദാസർക്കും നല്ല പരിശീ​ലനം ലഭിച്ചു​കാ​ണാ​നാണ്‌ യഹോവ ആഗ്രഹി​ക്കു​ന്നത്‌. പുതി​യ​വരെ സഹായി​ക്കാ​നുള്ള പദവി യഹോവ നമുക്കു തന്നിരി​ക്കു​ന്നു. അതു​കൊണ്ട് യേശു​വും പൗലോ​സും ചെയ്‌ത​തു​പോ​ലെ മറ്റുള്ള​വരെ പരിശീ​ലി​പ്പി​ക്കാൻ നമ്മൾ നല്ല ശ്രമം ചെയ്യണം. അന്ത്യം വരുന്ന​തി​നു മുമ്പ് പ്രസം​ഗ​വേ​ല​യിൽ ധാരാളം ചെയ്യാ​നുണ്ട്. അതു​കൊണ്ട് പരമാ​വധി ആളുകളെ പരിശീ​ലി​പ്പി​ക്കണം.

19. മറ്റുള്ള​വരെ പരിശീ​ലി​പ്പി​ക്കാ​നുള്ള നിങ്ങളു​ടെ ആത്മാർഥ​മായ ശ്രമങ്ങൾ ഫലം കാണു​മെന്ന് ഉറപ്പു​ണ്ടാ​യി​രി​ക്കാൻ കഴിയു​ന്നത്‌ എന്തു​കൊണ്ട്?

19 പുതി​യ​വരെ പരിശീ​ലി​പ്പി​ക്കു​ന്ന​തി​നു സമയവും ശ്രമവും ആവശ്യ​മാണ്‌. എന്നാൽ, യഹോ​വ​യും യേശു​വും നമ്മളെ പിന്തു​ണ​യ്‌ക്കു​ക​യും മറ്റുള്ള​വരെ പരിശീ​ലി​പ്പി​ക്കാൻ വേണ്ട ജ്ഞാനം തരുക​യും ചെയ്യും. നമ്മൾ പരിശീ​ലി​പ്പി​ച്ചവർ സഭയി​ലും പ്രസം​ഗ​പ്ര​വർത്ത​ന​ത്തി​ലും “അധ്വാ​നി​ക്കു​ന്ന​തും ആയുന്ന​തും” കാണു​മ്പോൾ നമുക്കു സന്തോഷം ലഭിക്കും. (1 തിമൊ. 4:10) അതേസ​മയം, നമ്മളും ആത്മീയ​പു​രോ​ഗതി വരുത്താൻ പരമാ​വധി ശ്രമി​ക്കണം; നമ്മുടെ ക്രിസ്‌തീ​യ​ഗു​ണങ്ങൾ മെച്ച​പ്പെ​ടു​ത്തു​ക​യും യഹോ​വ​യോ​ടു കൂടുതൽ അടുത്തു​ചെ​ല്ലു​ക​യും വേണം.

^ [1] (ഖണ്ഡിക 7) ഉദാഹ​ര​ണ​ത്തിന്‌, (1) ദൈവ​രാ​ജ്യം പ്രസം​ഗി​ക്കാ​നും (2) ആവശ്യ​മായ ആഹാര​ത്തി​നും വസ്‌ത്ര​ത്തി​നും ആയി ദൈവ​ത്തിൽ ആശ്രയി​ക്കാ​നും (3) ആളുക​ളു​മാ​യി തർക്കം ഒഴിവാ​ക്കാ​നും (4) ഉപദ്ര​വങ്ങൾ ഉണ്ടാകു​മ്പോൾ ദൈവ​ത്തിൽ ആശ്രയി​ക്കാ​നും (5) ആളുകൾ തങ്ങളോട്‌ എന്തു ചെയ്യു​മെ​ന്നോർത്ത്‌ ഭയപ്പെ​ടാ​തി​രി​ക്കാ​നും യേശു ശിഷ്യ​ന്മാ​രോ​ടു പറഞ്ഞു.

^ [2] (ഖണ്ഡിക 9) വയൽശു​ശ്രൂ​ഷ​യിൽ കണ്ടുമു​ട്ടുന്ന ആളുക​ളോട്‌ എങ്ങനെ സംസാ​രി​ക്കാം എന്നതി​നെ​ക്കു​റി​ച്ചുള്ള നല്ല നിർദേ​ശ​ങ്ങൾക്കാ​യി ദിവ്യാ​ധി​പത്യ ശുശ്രൂ​ഷാ​സ്‌കൂൾ വിദ്യാ​ഭ്യാ​സ​ത്തിൽനി​ന്നു പ്രയോ​ജനം നേടുക എന്ന പുസ്‌ത​ക​ത്തി​ന്‍റെ 62-64 പേജുകൾ കാണുക.

^ [3] (ഖണ്ഡിക 15) സഭയിലെ പ്രസം​ഗങ്ങൾ എങ്ങനെ നന്നായി നടത്താം എന്നതി​നുള്ള നിർദേ​ശ​ങ്ങൾക്കാ​യി ദിവ്യാ​ധി​പത്യ ശുശ്രൂ​ഷാ​സ്‌കൂൾ വിദ്യാ​ഭ്യാ​സ​ത്തിൽനി​ന്നു പ്രയോ​ജനം നേടുക എന്ന പുസ്‌ത​ക​ത്തി​ന്‍റെ 52-61 പേജുകൾ കാണുക.