2 രാജാക്കന്മാർ 21:1-26

21  രാജാ​വാ​കു​മ്പോൾ മനശ്ശെക്ക്‌+ 12 വയസ്സാ​യി​രു​ന്നു. 55 വർഷം മനശ്ശെ യരുശ​ലേ​മിൽ ഭരണം നടത്തി.+ അയാളു​ടെ അമ്മയുടെ പേര്‌ ഹെഫ്‌സീബ എന്നായി​രു​ന്നു.  ഇസ്രായേൽ ജനത്തിന്റെ മുന്നിൽനി​ന്ന്‌ യഹോവ ഓടി​ച്ചു​കളഞ്ഞ ജനതകളുടെ+ മ്ലേച്ഛമായ ആചാരങ്ങൾ പിന്തുടർന്നുകൊണ്ട്‌+ മനശ്ശെ യഹോ​വ​യു​ടെ മുമ്പാകെ തെറ്റായ കാര്യങ്ങൾ ചെയ്‌തു.  അപ്പനായ ഹിസ്‌കിയ നശിപ്പി​ച്ചു​കളഞ്ഞ, ആരാധനാസ്ഥലങ്ങൾ*+ വീണ്ടും നിർമി​ച്ചു. ഇസ്രാ​യേൽരാ​ജാ​വായ ആഹാബ്‌ ചെയ്‌തതുപോലെ+ ഒരു പൂജാസ്‌തൂപവും*+ ബാലിനു യാഗപീ​ഠ​ങ്ങ​ളും പണിതു. ആകാശ​ത്തി​ലെ സർവ​സൈ​ന്യ​ത്തി​ന്റെ​യും മുമ്പാകെ കുമ്പിട്ട്‌ അവയെ സേവിച്ചു.+  യഹോവയുടെ ഭവനത്തിലും+ മനശ്ശെ യാഗപീ​ഠങ്ങൾ പണിതു. “യരുശ​ലേ​മിൽ ഞാൻ എന്റെ പേര്‌ സ്ഥാപി​ക്കും”+ എന്ന്‌ യഹോവ പറഞ്ഞത്‌ ഈ ഭവന​ത്തെ​ക്കു​റി​ച്ചാ​യി​രു​ന്നു.  യഹോവയുടെ ഭവനത്തി​ന്റെ രണ്ടു മുറ്റത്തും+ മനശ്ശെ ആകാശ​ത്തി​ലെ സർവസൈന്യത്തിനുംവേണ്ടി+ യാഗപീ​ഠങ്ങൾ പണിതു.  മനശ്ശെ സ്വന്തം മകനെ ദഹിപ്പിക്കുകയും* മന്ത്രവാ​ദം ചെയ്യു​ക​യും ശകുനം നോക്കുകയും+ ആത്മാക്ക​ളു​ടെ ഉപദേശം തേടുന്നവരെയും* ഭാവി പറയുന്നവരെയും+ നിയമി​ക്കു​ക​യും ചെയ്‌തു. യഹോ​വ​യു​ടെ മുമ്പാകെ ഒരുപാ​ടു തെറ്റുകൾ ചെയ്‌ത്‌ ദൈവത്തെ കോപി​പ്പി​ച്ചു.  താൻ കൊത്തി​യു​ണ്ടാ​ക്കിയ പൂജാസ്‌തൂപം+ മനശ്ശെ യഹോ​വ​യു​ടെ ഭവനത്തിൽ പ്രതി​ഷ്‌ഠി​ച്ചു. ഈ ഭവന​ത്തെ​ക്കു​റിച്ച്‌ ദാവീ​ദി​നോ​ടും മകനായ ശലോ​മോ​നോ​ടും ദൈവം ഇങ്ങനെ പറഞ്ഞി​രു​ന്നു: “ഇസ്രാ​യേൽഗോ​ത്ര​ങ്ങ​ളിൽനിന്ന്‌ ഞാൻ തിര​ഞ്ഞെ​ടു​ത്തി​രി​ക്കുന്ന യരുശ​ലേ​മി​ലും ഈ ഭവനത്തി​ലും ഞാൻ എന്റെ പേര്‌ എന്നേക്കു​മാ​യി സ്ഥാപി​ക്കും.+  ഞാൻ ഇസ്രാ​യേ​ല്യർക്കു നൽകിയ കല്‌പ​ന​ക​ളെ​ല്ലാം, അതായത്‌ എന്റെ ദാസനായ മോശ അവർക്കു നൽകിയ നിയമം മുഴു​വ​നും, അവർ ശ്രദ്ധാ​പൂർവം പാലിച്ചാൽ+ അവരുടെ പൂർവി​കർക്കു കൊടുത്ത ദേശം+ വിട്ട്‌ അവർ അലഞ്ഞു​ന​ട​ക്കാൻ ഇനി ഒരിക്ക​ലും ഞാൻ ഇടവരു​ത്തില്ല.”  എന്നാൽ അവർ അനുസ​രി​ച്ചില്ല. മനശ്ശെ അവരെ വഴി​തെ​റ്റി​ച്ചു. അങ്ങനെ യഹോവ ഇസ്രാ​യേ​ല്യ​രു​ടെ മുന്നിൽനി​ന്ന്‌ നശിപ്പി​ച്ചു​കളഞ്ഞ ജനതകൾ+ ചെയ്‌ത​തി​നെ​ക്കാൾ വലിയ ദുഷ്ടത അവർ ചെയ്‌തു. 10  യഹോവ തന്റെ ദാസരായ പ്രവാചകന്മാരിലൂടെ+ കൂടെ​ക്കൂ​ടെ ഇങ്ങനെ പറഞ്ഞു: 11  “യഹൂദാ​രാ​ജാ​വായ മനശ്ശെ ഈ മ്ലേച്ഛത​ക​ളെ​ല്ലാം ചെയ്‌തി​രി​ക്കു​ന്നു; അയാൾ തനിക്കു മുമ്പുണ്ടായിരുന്ന+ എല്ലാ അമോര്യരെക്കാളും+ അധികം ദുഷ്ടത ചെയ്‌തു. അയാൾ തന്റെ മ്ലേച്ഛവിഗ്രഹങ്ങളാൽ* യഹൂദ​യെ​ക്കൊണ്ട്‌ പാപം ചെയ്യിച്ചു. 12  അതുകൊണ്ട്‌ ഇസ്രാ​യേ​ലി​ന്റെ ദൈവ​മായ യഹോവ ഇങ്ങനെ പറയുന്നു: ‘കേൾക്കുന്ന ഏതൊ​രാ​ളു​ടെ​യും ചെവി തരിച്ചു​പോ​കുന്ന തരത്തി​ലുള്ള ഒരു നാശം ഞാൻ ഇതാ, യരുശലേമിലും+ യഹൂദ​യി​ലും വരുത്താൻപോ​കു​ന്നു.+ 13  ശമര്യയിൽ+ പിടിച്ച അളവുനൂലും+ ആഹാബുഗൃഹത്തിൽ+ പിടിച്ച തൂക്കുകട്ടയും* ഞാൻ യരുശ​ലേ​മി​ന്റെ മേൽ പിടി​ക്കും. ഒരു പാത്രം തുടച്ച്‌ വൃത്തി​യാ​ക്കു​ന്ന​തു​പോ​ലെ ഞാൻ യരുശ​ലേ​മി​നെ വൃത്തി​യാ​ക്കും; ഞാൻ അതിനെ തുടച്ച്‌ കമിഴ്‌ത്തി​വെ​ക്കും.+ 14  എന്റെ അവകാ​ശ​ത്തിൽ ശേഷിച്ചിരിക്കുന്നവരെ+ ഞാൻ ഉപേക്ഷി​ക്കും. ഞാൻ അവരെ ശത്രു​ക്ക​ളു​ടെ കൈയിൽ ഏൽപ്പി​ക്കും; അവർ ശത്രു​ക്കൾക്കു കൊള്ള​വ​സ്‌തു​വും കവർച്ച​മു​ത​ലും ആയിത്തീ​രും.+ 15  കാരണം, അവരുടെ പൂർവി​കർ ഈജി​പ്‌തിൽനിന്ന്‌ പോന്ന നാൾമു​തൽ ഇന്നുവരെ എന്റെ മുമ്പാകെ മോശ​മായ കാര്യങ്ങൾ ചെയ്‌ത്‌ അവർ എന്നെ കോപി​പ്പി​ച്ചു​കൊ​ണ്ടി​രി​ക്കു​ന്നു.’”+ 16  മനശ്ശെ യരുശ​ലേ​മി​ന്റെ ഒരു അറ്റംമു​തൽ മറ്റേ അറ്റംവരെ നിരപ​രാ​ധി​ക​ളു​ടെ രക്തം​കൊണ്ട്‌ നിറച്ചു.+ കൂടാതെ, യഹൂദ​യെ​ക്കൊണ്ട്‌ യഹോ​വ​യു​ടെ മുമ്പാകെ തെറ്റു ചെയ്യിച്ച്‌ അയാൾ പാപം ചെയ്യു​ക​യും ചെയ്‌തു. 17  മനശ്ശെയുടെ ബാക്കി ചരിത്രം, അയാൾ ചെയ്‌ത കാര്യ​ങ്ങ​ളും അയാളു​ടെ പാപങ്ങ​ളും, യഹൂദാ​രാ​ജാ​ക്ക​ന്മാ​രു​ടെ കാലത്തെ ചരി​ത്ര​പു​സ്‌ത​ക​ത്തിൽ രേഖ​പ്പെ​ടു​ത്തി​യി​ട്ടുണ്ട്‌. 18  മനശ്ശെ പൂർവി​ക​രെ​പ്പോ​ലെ അന്ത്യവി​ശ്ര​മം​കൊ​ണ്ടു. അയാളു​ടെ ഭവനത്തി​ലെ ഉദ്യാ​ന​ത്തിൽ, ഉസയുടെ ഉദ്യാ​ന​ത്തിൽ,+ അയാളെ അടക്കം ചെയ്‌തു. മനശ്ശെ​യു​ടെ മകൻ ആമോൻ അടുത്ത രാജാ​വാ​യി. 19  രാജാവാകുമ്പോൾ ആമോന്‌+ 22 വയസ്സാ​യി​രു​ന്നു. ആമോൻ രണ്ടു വർഷം യരുശ​ലേ​മിൽ ഭരണം നടത്തി.+ യൊത്‌ബ​യി​ലുള്ള ഹാരൂ​സി​ന്റെ മകൾ മെശു​ല്ലേ​മെ​ത്താ​യി​രു​ന്നു അയാളു​ടെ അമ്മ. 20  അപ്പനായ മനശ്ശെ ചെയ്‌ത​തു​പോ​ലെ ആമോൻ യഹോ​വ​യു​ടെ മുമ്പാകെ തെറ്റായ കാര്യങ്ങൾ ചെയ്‌തു.+ 21  അപ്പൻ ആരാധിച്ച മ്ലേച്ഛവി​ഗ്ര​ഹ​ങ്ങളെ കുമ്പിട്ട്‌ ആരാധി​ച്ച്‌ ആമോ​നും അപ്പന്റെ അതേ പാത പിന്തു​ടർന്നു.+ 22  അങ്ങനെ അയാൾ പൂർവി​ക​രു​ടെ ദൈവ​മായ യഹോ​വയെ ഉപേക്ഷി​ച്ചു; യഹോ​വ​യു​ടെ വഴിയിൽ നടന്നതു​മില്ല.+ 23  ഒടുവിൽ ഭൃത്യ​ന്മാർ ആമോന്‌ എതിരെ ഗൂഢാ​ലോ​ചന നടത്തി ആമോനെ സ്വന്തം ഭവനത്തിൽവെച്ച്‌ കൊന്നു. 24  എന്നാൽ രാജാ​വിന്‌ എതിരെ ഗൂഢാ​ലോ​ചന നടത്തി​യ​വ​രെ​യെ​ല്ലാം ജനം കൊന്നു​ക​ളഞ്ഞു. എന്നിട്ട്‌ ആമോന്റെ മകൻ യോശി​യയെ രാജാ​വാ​ക്കി.+ 25  ആമോന്റെ ബാക്കി ചരിത്രം, അയാൾ ചെയ്‌ത എല്ലാ കാര്യ​ങ്ങ​ളും, യഹൂദാ​രാ​ജാ​ക്ക​ന്മാ​രു​ടെ കാലത്തെ ചരി​ത്ര​പു​സ്‌ത​ക​ത്തിൽ രേഖ​പ്പെ​ടു​ത്തി​യി​ട്ടുണ്ട്‌. 26  അവർ അയാളെ ഉസയുടെ ഉദ്യാനത്തിലുള്ള+ അയാളു​ടെ കല്ലറയിൽ അടക്കം ചെയ്‌തു. ആമോന്റെ മകൻ യോശിയ+ അടുത്ത രാജാ​വാ​യി.

അടിക്കുറിപ്പുകള്‍

അക്ഷ. “ഉയർന്ന സ്ഥലങ്ങൾ.”
പദാവലി കാണുക.
അക്ഷ. “തീയി​ലൂ​ടെ കടത്തി​വി​ടു​ക​യും.”
പദാവലി കാണുക.
എബ്രായപദത്തിന്‌ “കാഷ്‌ഠം” എന്ന്‌ അർഥമുള്ള ഒരു വാക്കി​നോ​ടു ബന്ധമു​ണ്ടാ​യി​രി​ക്കാം. ഇത്‌ അങ്ങേയ​റ്റത്തെ അറപ്പിനെ കുറി​ക്കു​ന്നു.
അഥവാ “നിരപ്പു നോക്കാ​നുള്ള ഉപകര​ണ​വും.”

പഠനക്കുറിപ്പുകൾ

ദൃശ്യാവിഷ്കാരം